🛑لو سحبت الكانيولا وطلعت معاك كده هتتصرف ازاي؟
retained IV catheter fragment
حالة خطيرة تستدعي التعامل الفوري أول خطوة هي عدم محاولة إعادة إدخال الإبرة مطلقا، لأن هذا التصرف قد يؤدي إلى قطع الكاثيتر أو دفعه أعمق داخل الوريد مما يزيد خطر حدوث embolization إلى القلب أو الرئتين.

الخطوة الثانية هي تثبيت مكان الإدخال وعدم السماح بحركة الطرف، مع ضغط خفيف gentle compression لتقليل احتمال تحرك الجزء المنفصل عبر مجرى الدم بعد ذلك، يجب فحص موضع الوريد لمعرفة ما إذا كان جزء من الcatheter ما زال ظاهرا. إذا كان مرئيا ولو جزئيا، يمكن محاولة سحبه gently using sterile forceps مع تجنب الضغط على الوريد أما إذا لم يكن ظاهرا أو بدا أنه تحرك إلى الداخل، فلا يجب محاولة إخراجه يدويا إطلاقا و استدعاء فريق الجراحة العامة أو جراحة الأوعية الدموية فورا، وعمل imaging لتحديد موقع الجزء المفقود، مثل xray أو us في الطرف المصاب إذا كان الكاثيتر قريبا من موضع الإدخال يمكن استخراجه جراحيا، أما إذا تحرك مركزيًا فقد يحتاج إلى interventional radiology retrieval عبر fluoroscopic guide، ويجب توثيق الحادثة بالكامل في ملف المريض وكتابة incident report، مع الاحتفاظ بجزء الكانيولا المنفصل لإرساله للتحليل لمعرفة سبب الانفصال، سواء كان manufacturing defect أو improper removal tehnique.


RN Hazem Elsamolyii

.. اعراض هبوط السكر في الصيام فى شهر رمضان
1.رعشة.
2.عرق.
3.جوع شديد.
4.رفرفة بالصدر وزيادة ضربات القلب.
5.اضطراب الوعي وتغير الحالة المزاجية.
6.صداع شديد.

.. اعراض ارتفاع السكر في الصيام:
1. عطش شديد.
2. تبول شديد.
3.ارهاق شديد.
4.صداع وجوع.
  5.الم في البطن.
6.غممان نفس وترجيع.
..وقتها لازم تقيس سكرك.
..سكر اقل من 70 او 3.9 ملي مول او اكتر من 300 او 16.6 ملي مول ولو ظهرت اعراض هبوط سكر شديدة والقياس اقل من 90 او 5 ملي مول دا علامة هبوط سكر سريع يجب كسر الصيام والافطار مهما كان الوقت المتبقي علي الاذان.
..رمضان مبارك ان شاء الله.

شاب في عنفوان شبابه وقبل أن يتم عامه الثلاثين وبدون أي تاريخ مرضي يذكر فهو لم يعانِ من أيٍ من الأمراض قط، وأثناء تناوله وجبة السحور إذا به يلتقط أنفاسه الأخيرة ليصل إلينا جثة هامدة لا حراك به، نقوم بإنعاش قلبه لأكثر من ستين دقيقة متواصلة ولكن بلا إستجابة حتي إستقام هذا الخط بلا تعرج ولا إنحناء وليست الإستقامة هنا تعني تصحيح الأمر بعد إعوجاجه كما هو معهود بل الاستقامة هنا تعني السكون بعد الحركة،والعدم بعد الوجود والفناء بعد تمني البقاء... الإستقامة هنا تعني إنتهاء الحياة
لأذكر نفسي وإياكم بقوله تعالي
(يَٰقَوۡمِ إِنَّمَا هَٰذِهِ ٱلۡحَيَوٰةُ ٱلدُّنۡيَا مَتَٰعٞ وَإِنَّ ٱلۡأٓخِرَةَ هِيَ دَارُ ٱلۡقَرَارِ )

رحم الله هذا الفقيد بواسع رحمته وألهم أهله الصبر والسلوان

الجمله اللي بقولها لنفسي بعد ما خربت الدنيا واديتها واحدة
No Risk No Fun :

‏آخر تحديث للتوصيات البريطانية ٢٠٢٦ فيما يخص علاج السكري النوع الثاني:

‏أولاً: الهدف ليس رقم واحد للجميع
‏🎯لو كان خطر هبوط السكر منخفض >> الهدف سكر تراكمي 6.5%
‏🎯لو كنت تستخدم أدوية قد تُسبب هبوط ( مثل اماريل أو إنسولين >> الهدف 7%
‏⚠️ لو وصل التراكمي 7.5% أو أكثر >> يجب تعديل العلاج

‏💊العلاج الأساسي لمعظم المرضى:

‏🔹المتفورمين (طويل المفعول) + دواء من عائلة SGLT2i مثل جاردينس أو فورسيجا منذ بداية التشخيص
‏لأنها لا تخفض السكر فقط، بل تحمي القلب والكلى✅

‏🔹لو عندك مرض في شرايين القلب>> يُضاف سيماجلوتايد (أوزمبيك)
‏🫀لو عندك فشل في عضلة القلب أو مشاكل بالكلى >> أولوية لدواء SGLT2i (جاردينس،فورسيجا)
‏🔹لو أُصبت بالسكري بعمر صغير >> قد يُستخدم علاج أقوى مبكراً
‏🔹في كبار السن أو الضعف العام >> نبسّط العلاج ونتجنب المبالغة

‏🚫لا يُجمع بين أدوية GLP-1 مثل أوزمبيك أو تروليستي وأدوية DPP-4 مثل تراجينتا
‏⚠️في حال الجفاف أو مرض شديد: أوقف مؤقتاً بعض الأدوية مثل المتفورمين وSGLT2
‏🔹أجهزة قياس السكر المستمر قد تُعطى لمرضى الإنسولين المعرضين لهبوط السكر

‏الخلاصة:
‏اليوم اختيار علاج السكري يعتمد على حماية القلب والكلى أولاً
‏وليس فقط خفض رقم السكر

‏د.السيد المر

أكتر اسبيشيالات مكنتش بحب أحضرها كانت العظام والعصبية، وكنت دايمًا بأجّلهم… لا بنزلهم كويس ولا بذاكرهم بجد.
والمفارقة إن أول راوندين في الاسبيشيالات بتاعتي طلعوا هما العضم والعصبية!
في الأول اتضايقت جدًا، لكن لما فكرت فيها بهدوء اكتشفت إن ده يمكن أفضل ترتيب حصل لي.
يمكن دي فرصة إني أواجه أكتر حاجتين كنت بهرب منهم، وأبدأ أذاكرهم وأحضرهم غصب عني… لحد ما يبقوا نقطة قوة مش ضعف.
خصوصًا إن أكيد هقابل حالات عضم وعصبية سواء في التكليف أو في البرايفت، ومش منطقي أفضل مأجلهم.
أحيانًا الحاجة اللي بنهرب منها هي بالظبط الحاجة اللي محتاجين نبدأ بيها .

قلناها قبل كده ونقولها تانى
مما لا يغتفر
ان يجيلك عيان الاستقبال ب
Unilateral LL Edema
Redness
Pain, stiffness

وما تطلبش Doppler .... ومش شرط يجى بيهم كلهم لو بصيت فى الصورة هتلاقى ظاهر بس ال
Unilateral LL edema
تعمل doppler تلاقى Extensive LL DVT


Copied

بعض الناس و الأطباء بيتخيلوا إن تشخيص prolonged QT syndrome و اللي يؤدي لتسارع شديد بنبضات القلب قد يؤدي إلى الوفاة هو تشخيص congenital وراثي فقط.

الحقيقي لأ.

طول الموجة دي يزداد بعدة عوامل عامل واحد منهم بيزود الإحتمال و عاملين مع بعض بيطولوا الموجة بنسبة كبيرة جداً شبه اللي عندهم الموضوع دا وراثي.

نقص الماغنسيوم و البوتاسيوم ( حد حصله اسهال شديد أو قيء أو ماشي علي مدرات بول ).

ارتفاع الحرارة.

مضادات الإكتئاب ثلاثية الحلقة.

مضادات الذهان.

مضادات حيوية معينة ( كلاريثروماسين و ازيثرومايسين و سيبروفلوكساسين ).

أدوية الحساسية ( و اللي موجودة في أدوية البرد : كونجستال و اي حاجة كولد اند فلو و تليفاست و وان تو ثري و غيرهم ).

اجتماع حاجتين من دول مع بعض كفيل يطول الموجة و يسبب إغماء بل و قد يسبب وفاة مفاجئة.

دلوقت أجهزة رسم القلب الحديثة بتكتب طول الموجة cQT
اللي لو كان أكتر من ٤٠٠ في الرجال أو ٤٥٠ في السيدات يثبت التشخيص لإحتمالية إغماء أو هبوط أو رفرفة أو للأسف موت مفاجيء.

ما تشوفوش شر ❤️.

د. أحمد محفوظ

رفقاً ببعض

Tips and Tricks for Medical students

طلبة كلية الطب ليهم مكانة خاصة عندي
ونفسي اشوفهم اشطر دكاترة في المستقبل

اؤمن ان كل مريض ربنا هيكتبله الشفا على ايد دكاترة المستقبل هيكون ليا نصيب من الثواب
واؤمن أيضا ان طلبة اليوم هم أطباء المستقبل اللي ممكن يعالجوني انا شخصيا يوما ما

عشان كده فكرت اكتب بوست اضع فيه بعض النصائح السريعة اللي قد تساهم ولو بشكل بسيط في مساعدتهم والتيسير عليهم

١-استحضر النية:

قبل ما تبدي تذاكر
استحضر النية
نية الشفاء لكل مريض
لازم تبقى عارف انك بتقوم بعمل عظيم
طالما ربنا يسر لك دخول الكلية دي
يبقى ربنا اختارك من بين ملايين البشر عشان تؤدي عمل عظيم
عمل تثاب عليه بحسنات لا حصر لها
انت حاليا من الصفوة المختارة لتقوم بمهمة انسانية في المقام الأول

بس لازم تعرف ان فيه فرق بينك وبين اي حد تاني
انت تتعامل مع اعظم واغلي مخلوقات الله
فلازم تكون على قدر المسؤولية
واشتغل واجتهد وربنا هيكرمك من وسع

٢-ذاكر اول بأول:

ما تراكمش مذاكرة عليك
الطب تقيل وبيتنسي بسرعة
فلازم تيجي علي نفسك شوية
لازم تبقى hard worker
ما ينفعش تبقى بتتدلع وانت في كلية الطب
النتيجة هتبقي غير مرضية بالنسبة لك
لازم تبقى شادد اللجام
وفرغ نفسك للمذاكرة وبس
الطب زي الفريك ما يحبش شريك

لازم تتفرغ وتفضي ذهنك للمذاكرة وبس
لان الوقت محدود ومخك ايضا محدود
هتشغله بحاجة تانية غير الطب
يبقي تنسي الطب
اكرر لازم تفرغ وتركيز شديد

٣-في بداية الدراسة طبيعي ان يكون تركيزك قليل وتحصيلك قليل
لا تقلق
ده طبيعي جدا بعد فترة الاجازة
بعد مرور اول شهر من الدراسة هتلاقي نفسك صحصحت وتركيزك افضل واستيعابك افضل وقدرتك على المذاكرة والتحصيل والحفظ افضل كتير

٤- اكتب ورا الدكتور اللي بيشرح لك

الدكتور اللي بيشرحلك بيسخر كل خبرته في تبسيط المادة وتسهيلها
اكتب وراه الشرح هيفرق معاك كتير جدا جدا
اوعي تعتمد على ذاكرتك
اول ما تروح البيت الكلام اللي قاله هيتخبر
فلازم تسجل كل الشرح اللي بيقوله
لانك كمان على اخر السنة هتكون نسيت الشرح بنسبة ١٠٠٪

٥-لازم تحضر المحاضرات

مافيش حاجة اسمها طب من منازلهم
مستحيل تطلع دكتور شاطر
الطب لازم حد يشرحه ليك
صعب جدا تستعوبه لوحدك
حضور المحاضرة بتركيز هو اول مذاكرة
ولما تروح تذاكرة في نفس اليوم هتبقي تاني مذاكرة
لما تيجي تراجع هتبقي ٣ مرة تذاكر نفس الموضوع
كده غالبا هتكون حفظته

اللي هتذاكره مع نفسك في ٣ ساعات
الدكتور ممكن يشرحهولك في ساعة

خد خبرة الدكتور من خلال الحالات اللي بيشوفها في حياته العملية
دي من الحاجات اللي بتثبت المعلومة جدا جدا جدا

الدكتور كمان بيلفت انتباهك لل key words
اللي هتخليك متمكن من الموضوع وعارف اهم النقاط اللي تركز عليها

طلبة كتير بتسأل ايه اهم النقاط في الموضوع ده؟
مش هتعرف الا لو حضرت الشرح بتاع الدكتور وشوف هو بيركز على ايه

٦-الثقة بالنفس:

أثناء الامتحانات لازم تكون واثق من نفسك
لا تقول
"تقريبا"
او "انا اعتقد" "او انا مش متأكد"

كل ده يدل ان عندك عدم ثقة بالنفس
اتكلم بثقة ده مهم جدا جدا

خد بالك من حاجة مهمة
الثقة بالنفس هتتولد عندك تلقائيا لما تكون مذاكر كويس وواثق من معلومتك

في كل الأحوال
لازم تبين أثناء الامتحان انك واثق من نفسك جدا

عارفين ده مهم كمان ليه؟
لان احنا من دورنا ان نعلمك الثقة بالنفس
"النابعة من العلم طبعا" مش مجرد شعور زائف والا يبقى غرور

ولان المريض لن يثق بطبيب مهزوز او معندوش ثقة في نفسه
ده جاي مسلم لك نفسه وحياته
فلازم يكون مطمن من ناحيتك وواثق فيك عشان يسمع كلامك

٧- لازم تكون شاطر
ماينفعش تبقى دكتور فاشل
لان دي حياة ناس مش لعبة
لو مش هتبقى دكتور شاطر
لا تشتغل بمهنة الطب
انما لو قبلت هذة المهنة فلازم تكون على اد المسؤولية
وتكون متمكن من مهنتك جدا
ومتابع كل updates في مجالك
حق المريض انه يتعالج بأفضل طريقة توصل اليها العلم
ده مش تفضل منك
ده واجب عليك
ومالكش اعذار
الحصول على المعلومه اصبح سهل جدا من اي مكان عبر الإنترنت

٨-مش لازم تعرف تفسير لكل معلومة
فيه معلومات تفسيرها اصعب بكثير من حفظها
ساعتها ما تضعيش وقت فيها
لما يكون فيه معلومة مكتوبة في سطر
وشرحها صفحة انا مش هكون مهتم ان اعرف تفسيرها اصلا

انا باصص ل ليلة الإمتحان
عاوز املا دماغي بالمهم والضروري فقط
يا فرحتي انك عارف تفسير معلومة مكتوب في صفحة
وفيه basics مش عارفها خالص
ده ما ينفعش

فاللي الدكتور ما يقولكش تفسيره ايه
عديها
هو مش عاوز يشغل دماغك بكلام مش هيضيف ليك

٩-طور من نفسك
Self directed learning

يعني ايه
يعني انت اخدت محاضرة
افرض ما فهمتش؟
اسمع الrecord
اسال الدكتور
شوف الشرح المكتوب اللي كتبه ورا الدكتور
ادخل على اليوتيوب اكتب اسم المحاضرة
هتلاقي ١٠٠ واحد شارح نفس الموضوع
غالبا الفيديو اللي عليه اعلي مشاهدات هو أفضل شرح

ادخل علي جوجل images
شوف رسم قلب
شوف physical signs
شوف algorithm
Illustration

كل ده يساعدك في تثبيت المعلومة

١٠- علاقتك مع ربنا اهم حاجه

اخر واهم نقطة
هاستشهد فيها ب بيت شعر ل الإمام الشافعي

"شكوت الى وكيع سوء حفظي
فأرشدني الى ترك المعاصي

وعلمني ان العلم نور
ونور الله لا يهدى لعاصي

العلم نور من الله وفتوحات
يهبها الله لمن يشاء

فاجتهد لكي تحظى بهذا الشرف

لو البوست ده كان مفيد ليك
شاركه مع زملائك لكي تعم الفائدة
ولا تنسوني من صالح دعائكم

Dr Ahmed Mohsen

✅️ أي حالة داخلة الطوارىء بترجيع + ألم فى البطن
● هتفكر فى ٥ حاجات
1- Gastroenteritis
"Fever + vomiting + diarrhea"
"الجهاز الهضمي بيحاول يطرد حاجة"

2- MI
"Old age + Risk factors"
OR
"young age + acute psychological stress"

3- DKA
"DM type 1 + ketonuria.

● If No DM , it can be due to :
Prolonged fasting , alcohol, pregnancy.

4- Addisonian Crisis
"sudden withdrawal of corticosteroids or Sheehan syndrome ولدت ، نزفت ، مرضعتش"

5- Surgical abdomen
"Rigidity + Rebound Tenderness + special signs as murphy's sign"
+ Reluctant to move "fear of pain aggrevation"
+No flatus or stool passage "constipation"
+⬇️bowel sounds "Paralytic ileus"
+Distension if IO (functional or complete mechnical).

✅️اما لو ترجيع بدون ألم بطن يبقى من الرأس !

1.Vestibular system (vertigo+nystagmus)

2. Increased ICP
● (projectile vomiting + diplopia + headache.
● if sudden onset as SAH there will be disturbed conscious + photophobia + neck stiffness + cushing reflex "⬆️BP+⬇️HR")

د/عمر رشوان

لو عندك مريض اتشخص ب Hypertension متنساش تطلب منه يعمل
Urine Albumin-to-Creatinine Ratio (UACR)
لانه بقي إلزامي دلوقتي لكل مرضي الضغط


🔹UACR is a far more sensitive marker than Serum Creatinine for early renal microvascular damage and a potent independent predictor of CV mortality.

🔹A high UACR (≥30 mg/g) should prompt the initiation or titration of RAS blockers (ACEi/ARBs) and potentially SGLT2 inhibitors, even in non-diabetics.

Dr Mohamed Elbana

ليه الدكتور بيطلب Amyloid A في مريض متشخص FMF
حمي البحر المتوسط
الاجابه بكل سهوله 👇

لأن أخطر مضاعفة في مرض Familial Mediterranean Fever هي حدوث Amyloidosis

والبروتين المسؤول عن تكوين الـ amyloid في الحالات دي هو
Serum Amyloid A (SAA)
طيب نفهمها بهدوء 👇

في مرض Familial Mediterranean Fever

بيحصل نوبات التهاب متكررة.

أثناء الالتهاب: الكبد بيفرز بروتين اسمه Serum Amyloid A
لو الالتهاب متكرر أو مش متظبط كويس فمستوى الـ SAA يفضل عالي لفترات طويلة
➡️ يتحول ويتراكم في الأنسجة
➡️ يترسب في الكُلى غالبًا
➡️ يعمل AA Amyloidosis
➡️ ويؤدي في النهاية إلى فشل كلوي

إذن تحليل Amyloid A بنطلبه علشان:
1️⃣ نتابع شدة النشاط الالتهابي
2️⃣ نتأكد إن العلاج (زي الكولشيسين) مسيطر على المرض
3️⃣ نمنع حدوث Amyloidosis قبل ما تظهر أعراض
4️⃣ لأنه أحيانًا بيكون أدق من ESR و CRP في المتابعة المزمنة


د.محمد عادل

لو عندك حالة anemia ومطلوب منك تحليل واحد بس تعمله علشان ترجح سبب معين التحليل ده هيكون ال CBC with differential count.

ليه؟؟

بال CBC هتعرف

1) Hb level.

وده هيؤكد وجود Anemia من عدمه وال Severity.

2) RBCs indices (MCV, MCHC, RDW, etc).
ودي هترجح لك نوع ال Anemia.

- Microcytic: Iron deficiency, thalassemia.
- Normocytic : Chronic disease or infection.
- Macrocytic: Vit B12 or Folate deficiency or Diamond Blackfan anemia.

ال RDW كمان بتكون عالية في حالات ال Iron deficiency anemia وبتكون عالية جداً في حالات ال Sideroblastic anemia.

3) WBCs.

هتعرف لو كان فيه infection سواءاً Bacterial عامل leucocytosis أو viral عامل leucopenia (طبعاً مع ال signs and symptoms إللي عندك).

كمان ال WBCs مع ال anemia وال Thrombocytopenia هتخليك تشك في Bone marrow depression زي حالات ال Leukemia.

4) Platelets.

حالات ال iron deficiency anemia غالباً بيكون معاها Thrombocytosis. ال Thrombocytopenia بتحصل مع ال Anemia في حالات ال Bone marrow depression زي حالات ال leukemia أو حالات ال Congenital bone marrow failure أو حالات ال infiltrative diseases زي ال Osteopetrosis وال Gaucher's disease.

كمان ممكن تلاقي anemia مع thrombocytopenia وممكن leucopenia في بعض حالات ال Viral infection إللي ممكن تعمل Bone marrow depression زي حالات ال EBV وكمان حالات ال Influenza virus.

5) Reticulocytes.

الكتير من ال CBCs بيكون معاها reticulocytic count وده ممكن يوجهك ناحية تشخيص معين زي ال Haemolytic anemia لو كان high reticulocytic count أو Diamond Blackfan anemia لو كان فيه Reticulocytopenia.

6) Peripheral smear.

كمان كتير من ال CBCs بيكون فيها conclusion في الآخر مثلاً لو فيه Blast cells تخليك تشك في leukemia أو Band cells مع ال infection and sepsis أو Special cells زي ال sickle cells أو Helmet cells و Schizocytes في حالات ال Microangiopathic haemolytic anemia.

7) Differential cell count.

وده بيكون مهم جدا ً. مثال علي ذلك ال Eosinophils ممكن تكون عالية في حالات ال Parasitic infection وكمان في حالات ال Malignancy. مثال تاني في حالات ال EBV infection ممكن تلاقي Atypical lymphocytes.

دايماً اربط ال Findings ببعضها علشان ترجح سبب معين للأنيميا.

علي سبيل المثال :

- Microcytic hypochromic anemia+ High RDW = Mostly iron deficiency anemia.

- Microcytic anemia+ normal RDW+ High RBCs count = Mostly Thalassemia trait.

- Normocytic anemia+ High reticulocytic count = Mostly Haemolysis or blood loss.

- Macrocytic anemia+ Low reticulocytic count = Mostly vit B12 or Folate deficiency or bone marrow disorder.

دي نبذة وأمثلة مختصرة جداً عن ليه ال CBC with differential count هي التحليل الأول والأهم لأي حالة Anemia واللي علي أساس ال Findings إللي فيها هتشك في تشخيص معين وبناءاً علي كده هتطلب تحاليل تانية للتأكيد.

د /وليد علي إبراهيم المرواني.

دَعِ المَقادِيرَ تَجْرِي فِي أَعِنَّتِها ... وَلا تَبِيتَنَّ إِلا خَالِيَ البَالِ
مَا بَيْنَ غَمْضَةِ عَيْنٍ وَانْتِبَاهَتِهَا ... يُغَيِّرُ اللهُ مِنْ حَالٍ إِلَى حَالِ

...................( سيبها على الله )...................