إزاي تشخص القولون العصبي ؟
......
الأطباء في تشخيصه ٣ أقسام ...طرفان ووسط
الطرف الاول...(غالبا الدكاترة الصغيرين )فاكر أنه حاجه سهله ...فده أي حد بيشتكي بأعراض (قولون) يقوله أنت قولون عصبي
...لكن المشكلة أنه بيظلم ناس كتير ..وناس هيطلع عندها سرطان قولون وأمراض تانيه كتير اللي بنسميها (أشباه القولون العصبي او IBS mimics )
......
الطرف التاني ..وده حد كويس وبيفكر وبيدور ...بس تقريبا مفيش عنده في القاموس حاجه اسمها IBS ....فأي مريض هيشتكي بأعراض (قولون ) هيدور وراه كويس أوي ..ولو مفيش هيدور تاني وتالت ورابع ...ويعمل منظار مرة واتنين وتلاته .
طبعا ده أفضل بكتير من النوع الأول لكن (بيتعب المريض )
.....
الوسط ...هو (الحكيم ) ...اللي بيبزل وسعه أنه يستبعد علامات الخطر ثم يبزل وسعه أنه يستبعد ال mimics ...وبعدها يقدر يطمن العيان أنه فعلا بخير
.....
زمان كنت بشوف مع أستاذنا حالات قولون عصبي لفت مصر ...واللي يقول أنه صرف ٨٠ ألف عند الدكاترة وفحوصات ومناظير ورنين وو...وبدون نتيجة
وأستاذنا يفحص العيان ...ويقوله يابني أنت كويس ....وتتفاجيء ان المريض خف فعلا !
المريض اللي صرف ٨٠ الف عند الدكاترة ده أستاذنا كان كلفني أتابعه -وأنا عارف ان مريض القولون هيحتاج متابعة كويسه ودعم واقناع عشان يتحسن -
اتفاجأت أنه من أول أسبوع بعد المرور اتحسن ...فاستغربت ..وقلت له ايه اللي حصل (قالي انا بقالي سنتين بلف عند الدكاترة ...كان نفسي حد بس يقولي أنت كويس...كل دكتور ..يرمي الفحوصات القديمة ويطلب جديد ..بمجرد ما دكتور الالفي كشف عليا وقالي أنت كويس خفيت !)
.....
كنت بستغرب إزاي أساتذة كبيرة محدش فيهم طمنه ..الحقيقة أنا دلوقتي بلتمس لهم ألف عذر ..القولون العصبي هو من أصعب الامراض في تشخيصها
...لو شوفنا ال algorithim ده ...هتلاقي بعد ما تحط المريض علي ال criteria وتقول ده قولون عصبي typical ....لازم تعمل خطوتين ...الاولي تستبعد ال redflags ....اللي متجمعه في كلمة ALARMS وده كلنا عارفينه
التانية انك تستبعد ال Mimics ..وده البحر اللي ملوش اخر !..الامراض اللي انا قلتها في ال mimics دي أشهرهم بس ....لكن القايمه فيها أكتر من ٤٠ مرض كلهم هتشخصهم IBS !
.....
طبعا دي مش دعوه إننا نبهدل المرضي في فحوصات كتير بدون داعي ...لكن دعوة إننا نتعلم
عشان نوصل لدرجة من الكلينكال اللي تخليك بأقل قدر من الفحوصات تبقي مطمن (بجد) وبالتالي تقدر تطمن المريض
....
أستاذنا حكي لي عن حالة ...المريض فعلا قولون عصبي وشخصيته تمشي كده ...والمريض نفسه عاوز يسمع الكلمة دي من استاذنا (بعض المرضي بتخاف يكون عندها حاجه وحشه وبتحاول توجهك لتشخيص معين ) ..لكن أستاذنا كلينكال مكنش مطمن للمريض ...وبصعوبة أقنعه يعمل منظار قولون ...والمفاجأة ...طلع normal !
لكن أستاذنا بردو مكنش مرتاح ...طلب له مقطعيه بالصبغة بعدها وطلع cancer فعلا !
....
أستاذي د رضا ياسين دايما يقولي (شيل كلمة سيكك دي من دماغك خالص ) ..وحكي لنا عن شاب في العشرينات ..بردو أعراض IBS ...يعني typical وفي السن بتاعه وكل حاجه .. عمله منظار الولد طلع cancer colon !
....
لما نوصل للدرجة دي من الكلينكال ساعتها ممكن تشخص ال IBS ...قبل كده متطمنش أوي
وحط احتمال أنك غلط
.....
د.محمود وفا

معلومه مهمه وللاسف معظمنا بيتجاهلها

لو مريض معاه
GERD symptoms ومشي علي
Adequate PPI therapy ≥ 8 weeks
والاعراض استمرت هنا لابد من
Upper endoscopy

مهم جدا نوقف ال ppi قبل عمل المنظار

ليه بنوقف ال PPI

Unmask erosive esophagitis

Avoid under-grading (LA classification)

Improve diagnostic yield of biopsies

Proper evaluation of EoE

---

⏳ المده اللي بنوقف فيه العلاج

PPI: 7–14 days

H2 blockers: 48 hours

Antacids: allowed if needed

---

🚨 Do NOT stop PPIs if:

Alarm symptoms

GI bleeding

Severe dysphagia

Suspected malignancy

د.اسلام نوار

نخلي بالنا

{ شَهۡرُ رَمَضَانَ ٱلَّذِیۤ أُنزِلَ فِیهِ ٱلۡقُرۡءَانُ هُدࣰى لِّلنَّاسِ وَبَیِّنَـٰتࣲ مِّنَ ٱلۡهُدَىٰ وَٱلۡفُرۡقَانِۚ فَمَن شَهِدَ مِنكُمُ ٱلشَّهۡرَ فَلۡیَصُمۡهُۖ وَمَن كَانَ مَرِیضًا أَوۡ عَلَىٰ سَفَرࣲ فَعِدَّةࣱ مِّنۡ أَیَّامٍ أُخَرَۗ یُرِیدُ ٱللَّهُ بِكُمُ ٱلۡیُسۡرَ وَلَا یُرِیدُ بِكُمُ ٱلۡعُسۡرَ وَلِتُكۡمِلُوا۟ ٱلۡعِدَّةَ وَلِتُكَبِّرُوا۟ ٱللَّهَ عَلَىٰ مَا هَدَىٰكُمۡ وَلَعَلَّكُمۡ تَشۡكُرُونَ }
[سُورَةُ البَقَرَةِ: ١٨٥]

اللهم بلغنا رمضان

.. منظر متكرر في مرضي السكر تشققات السكر .
.. المنظر دا ممكن انت كطبيب تعرف منه علامات كتير ؛
1.عدم انضباط السكر لانه بيسبب جفاف في الجلد وبيكون اكثر عرضة للتشقق وبيسبب صعوبة التئام الجروح وايضا بيكون اكثر تعرضا للالتهابات الفطرية والبكتيرية.
2.ضعف الدورة الدموية وعدم وصول الدم بصورة كافية للاطراف وكثيرا تحدثنا ان السكر من النوع الثاني واحد من اهم امراض الاوعية الدموية واحد اسباب تصلب الشرايين لذلك التوصية بمخفضات الدهون لمرضي سكر النوع الثاني فوق سن 40 سنة ليست رفاهية.
3.التهاب الاعصاب الطرفية وفقدان الاحساس في الاطراف بيجعلها عرضة للتعرض للاصابات المتكررة بدون احساس الالم وممكن يزود احتمالية حدوث تقرحات القدم مع قلة افراز الغدد العرقية.
4.وجود بعض الزوائد العظمية واختلاف الضغط علي اماكن القدم المختلفة مع التسبب في تشققات وتقرحات الجلد.
.. الموضوع اهم من مجرد عناية بالقدمين بالكريمات الموضعية ولكن الاساس ضبط السكر والضغط والتحكم بدهون الدم وربنا يشفي كل مريض.

د.عمرو عمر

ليه tachypnea أخطر وأبكر علامة؟

أول حاجة تتأثر في pneumonia هي gas exchange

الجسم يعوّض بدري بزيادة معدل التنفس

قبل:

cyanosis

hypotension

altered mental status

↑ RR = red flag حتى لو باقي العلامات “مطمّنة”

“Hypoxia kills first → oxygen before diagnosis”

دي قاعدة إنقاذ حياة 🫁

نقص الأكسجين يقتل:

المخ

القلب

قبل ما نعرف السبب إيه أصلًا

عشان كده:

O₂ فورًا

بعدها نعمل:

ABG

CXR

labs

cultures

Clinical takeaway 🧠

أي مريض:

tachypnea

أو SpO₂ < 92%
→ أكسجين فورًا، بلا نقاش

التشخيص يستنى

الأكسجين لأ ❌

جملة امتحانية تحفَظ:

Treat hypoxia first, ask questions later.

د. أحمد عبدالحافظ

.. سؤال مهم وبيتردد كتير انا مريض كسل غدة درقية وباخد الهرمون التعويض سواء التروكسين او ايثروكس او ثيروكسين او تي فور ثيرو او اكيوثيرا المصري الجديد وعاوز اعرف هاخده امتي في رمضان.
.. الحقيقة هو في اكتر من حل ممكن تنفذه وكل هدفهم ان امتصاص الهرمون التعويضي مايتأثرش..
1.قبل الافطار بساعة يعني تفطر بكوب ماء والدواء وتصلي وتستني ساعة لحد ماتبدا اكل ودا صعب الا في بعض الناس المتعودين علي الصيام لفترات طويلة في العام.
2.بعد الافطار ب 3 ساعات تتناول الدواء بشرط الامتناع عن الطعام ساعة بعد الدواء.
3.قبل السحور بساعة بشرط الامتناع عن الطعام قبل ذلك ب 3 ساعات.
4.قبل الفجر مباشرة بشرط تتناول السحور قبل ذلك ب 3 او 4 ساعات.
... كلها حلول ممكن تتفذها حسب ظروفك.

الحقنا يا دكتور العيان VTach

تشوف العيان..

عيان parkinson وايديه ورجليه بتترعش وبيعملوا رسم القلب من عليهم..

ياجماعة ايديه ورجليه اللي عندهم Vtach 😅😅

قلبه كويس الله يهديكم..

Dr: Hisham Alshamekh

"الإيمانُ ليسَ أنْ تَدعوَ فيُستَجابَ لك .. فتُؤمِن،
فذاكَ إيمانٌ مَشروط

الإيمانُ الحقيقيُّ هو أنْ تَدعوَ، فتُسَدَّ في وجهِك الدُّروب،
وتَدعوَ فيَسبِقَك الصَّحب، وتَدعوَ فتُدمي أقدامُك أشواكَ الطَّريق،
فما تَزيدُ أنْ تقولَ: ربِّي ما ألطَفَك، أيُّ خيرٍ تُريدُه بي؟

ثمَّ ما زلتَ تَدعو!
حتى يَجبُرَ اللهُ كَسرَك،
ويُجازيكَ أضعافَ الأُجورِ لأجلِ صَبرِك،
وظَنِّك برحمتِه خيرًا، ولن يُخَيِّبَك."

اوعى_تدي

• اوعى تدي ... Mebendazole مع Metronidazole
• ( فلاجيل مع أنتيفير مثلا )
• لانهم مع بعض ممكن يسببوا
• Steven johnson syndrome
• ( M ❌ M )

--------------------------------------------------------------------------

• اوعى تدي ... Ceftriaxone مع محلول Ringer
• لانه ال Ceftriaxone هيتحد مع ال Ca اللي موجود ف
• محلول رينجر وهيعملوا Complex ويترسبوا
ف ال Lung وال Kidney وطبعا دي
• Fatal condition
• وخاصة ف ال Neonates

• (Ceftriaxone ❌ ANY Ca containing solutions)

--------------------------------------------------------------------------

• اوعى تدي ... Ciprofloxacin مع Theophyllin

• ال Cipro دا Enzyme inhibitor وبالتالي

• increase Plasma level of theophylline
[[ ومن هنا تبدأ تظهر الSymptoms of toxicity ]]

• لإن زي ما احنا عارفين إن ال Theophylline ليه
[[ Narrow theraputic index]]

• يعني الفرق ما بين ال Effective dose
وال Toxic dose صغير فبالتالي ممكن تدخل المريض ف
Cardiac arrest , Respiratory failure , Seizure status epilepicus ....etc

• لكن تقدر تدي معاه
Norfloxacin , Levofloxacin , Moxifloxacin...etc

-------------------------------------------------------------------------

• اوعى تدي ... Asprin " ريفو " لطفل عنده ارتفاع ف درجة حرارة مش عارف سببها ، لان ممكن يكون سببها
Viral : Chickenpox or influenza

• فممكن ال Aspirin يسببله
Reye's syndrome : Fatal hepatotoxicity
" Irreversible liver cell damage "

-------------------------------------------------------------------------

• اوعى تدي ... أي حقنه من دول قبل ما تعمل اختبار حساسية
B -----> Benzathine penicillin
A -----> Alpha chemotrypsin
C -----> Cevagin
T ------>Tetanus

------------------------------------------------------------------------
Dr: Mekawy

ضَحِّي دلوقتي بحاجات صغيره أحسن متضَحِّي بعدين بحاجات كبيره

خليك فاكر

مينفعش اقول للعيان دا اشرب سوائل دافيه كتير ولا ليمون ولا برتقال بحجة انهم غنيين بـ فيتامين سي، لا هنصحه ياكل آيس كريم ويشرب بارد مع أنه تعبان وسخن! ..

الذباح الهربسي (Herpangina) عدوى فيروسيه حاده ومعدية بيسببها فيروس كوكساكي (Coxsackievirus) وبتصيب الأطفال غالباً (بين سن 3 -10 سنوات)، وبتتميز بظهور تقرحات مؤلمة جدا في الجزء الخلفي من الحلق.
والمرض دا (Self-limiting) يعني بيُشفى من تلقاء نفسه خلال 7 - 10 أيام، ومبنكتبش فيه مضادات حيويه لأنه مرض فيروسي. وبنركز في العلاج بتاعه على تخفيف الأعراض يعني شوية مسكنات وشوية سوائل بارده واكل بارد وطري انما مفيش ليمون سخن عشان يخف، دا هيتعذب. فبنتجنب معاه المشروبات الحمضيه (عصير البرتقال والليمون)، وكمان الأكل السخن والحار والمالح والحادق لأنها هتهيج القروح وتزود الألم جدا.

Dr Ahmed Nagy

من درجات الجهاد؛ جهاد الحزن، جهادك في التَّقبُل، جهادك في الحمد والشكر وأنت في شدة، وأنت ما حدش حاسس بعصرة قلبك ولا الأيام بتمرّ عليك ازاي؟!
إنك تسلّم أمرك لله حتى لو مش فاهم الحكمة ولا مستوعب الأحداث، إنك تلجأ وأنت متيقن أن لا ملجأ من الله إلا إليه، إنك تستسلم وترضى حتى وإن خالف هواك،
- صبرك وشكرك وتقبلك جهاد
فالابتلاءات في الحياة ليست اختبار لقدرتك الذاتية بس اختبار لقوة استعانتك بالله.
اللهم ثبتنا وأعنا.'')

كل ادوية الكحة Useless
علاج السبب + شوية مياه دافية وعسل ولمون وتنضيف الانف وجلسات البخار هي اساس العلاج

د.آيه عبدالعليم

لما يجيلك طفل الإستقبال بيشتكي من ترجيع حصل فجاه acute onset.

مهم جدًا تستبعد 3 حاجات بنعتبرها emergency وبعدها الموضوع بيكون بسيط في العلاج.
Exclude 3 causes.

1️⃣ DKA

عن طريق بنشوف ال RBS بتاع الطفل بحيث نستبعد ال DKA سواء كان diabetic or not.

طبعًا لو طلع hyperglycemic وبدأنا ناخد تراك ال DKA

2️⃣ Acute abdomen

بنفحص بطن الطفل كويس جدًا علشان ال surgical causes.

لو طلعت كده بنحولها جراحة.

3️⃣  Intra Crainal Pressure

بنشوف ال symptoms of increase as projectile vomiting, blurred of vision, elc.

أهم حاجه نستبعد ال 3 حاجات دول بعد كده ممكن تفكر في أسباب بسيطة

من الحاجات القريبة جدًا لقلبي وبحسها فعلًا من طباع النفس البشرية قول حبر اﻷمة وترجمان القرآن .. عبدالله بن عباس رضي الله عنهما:
أربعة لا أقدر على مكافأتهم..

1- رجل بدأني بالسلام..
" كل حد بيضحك أول م بيشوفني وهو بيقول اسمي أو ألاقيه خدني بالحضن أو اتحرك ناحيتي وبادرني بالسلام"

2 - ورجل وسع لي في المجلس..
" تعالي أقعدي جنبي، وسعيلها، اقعدي انتي أنا هقوم أشد كرسي تاني"

3 - ورجل اغبرت قدماه في المشي في حاجتي
" خلاص أنا هتصرف، هسألك حد و أرد عليكي ، متشليش هم "

وبعدين يقول ابن عباس عن أكتر حاجة بحبها..

4 - فأما الرابع فما يكافئه عني إلا الله عز وجل قيل : ومن هو ؟
قال رضي الله عنه : رجل نزل به أمر فبات ليلته يفكر فيمن يقصده .. ثم رآني أهلاً لحاجته فأنزلها بي ..

💥نركز على دي عشان الناس اللي بتقول بيكلمني عشان مصلحته

( اللهم استخدمنا ولا تستبدل بنا) 🤍
Dr Mai mounir

ال Clinical guidelines بت recommend ال Beta blockers ك first line therapy لاي حد عنده typical angia سواء هتستخدمها لوحدها او مع ال calcium channel blocker

ولكن قالك ان استخدام ال beta blockers ممنوع تماما ف حالة ال vasospastic angina، طب ليه؟؟؟

ف الاول كلمة vasospastic angina يعني انا عندي spasm ف ال coronary vessels وف ال coronary vessels انت عندك نوعين من انواع ال receptors ال Alpha 1 وال beta 2
لما تدي beta blockers من اسمها كدة هتروح تقفل ال beta 2 receptors
طب فين المشكلة؟
المشكلة ان ال effect بتاع ال beta receptors علي ال blood vessels هو vasodilatory effect يعني لما بتعملها activation ال vessels بتبقي اوسع

وال effect بتاع ال Alpha receptors علي ال blood vessels هو vasoconstriction effect يعني لما بتعملها activation ال vessels بتبقي اضيق

انت هنا عملت اي؟ انت اديت beta blockers وقفلت ال vasodilatory effect ف disease مشكلته الاساسية ان الوعاء اصلا بيضيق!
د.آيه ياسر

بمناسبة بداية الترم الثانى فى المدارس والأطفال الذين يعانون من مرض السكر (المسكرين )....
لو طفل ماشي ع واحد من نظائر الانسولين سريعة المفعول
Rapid acting insulin analogues
اللي هما موجودين تحت 3 أسماء تجارية ، بالترتيب
Humalog , Novorapid and Apidra
وسكره مظبوط عليه ، لكن المشكلة أيام المدرسة بيرجع البيت سكره عالي ، وده نتيجة ال Snacks اللي بياخدها ف المدرسة - وطبعاً صعب جداً يحقن نفسه انسولين ف المدرسة وبرضو صعب تمنعه ما ياخدش مصروفه - المهم قبل ما نقول الحل أفكرك الأول بالانسولين قصير المفعول
Short acting insulin
أو ما يعرف عند أغلب الناس بالانسولين المائي تجارياً زي
Actrapid, Insuman rapid , Humulin R......etc
اللي كان من ضمن عيوبه إنه ليه قمة عمل بعد ساعتين لأربع ساعات وبيغطي من 5 ل 8 ساعات ، فكانت فرص الهبوط فيه عالية ، وعشان العيوب دي كان لابد من ظهور مجموعة أخرى ألا وهي نظائر الانسولين سريعة المفعول
[ من مميزاتها إنها بتبدأ عملها بسرعة ، وقمة العمل أخف من قمة عمل الانسولين المائي ، وبينتهي مفعولها بسرعة ]
المهم إن العيوب بتاعة المائي ممكن تستغلها وتعتبرها ميزة وده لما تستخدمه قبل وجبة الفطار أيام المدرسة ، لإنها هتغطي ال Snacks اللي هياكلها ف المدرسة أثناء الفسحه وهيرجع البيت سكره مش عالي ....
يعني خلاصة الموضوع :- إنك ممكن تخليه ف وجبة الغدا و العشا يكمل زي ما هو على ال
Rapid acting insulin analogue e.g Novorapid
لكن قبل الفطار أيام المدرسة تخليه ياخد انسولين مائي.....
الشاهد إنك لازم تفهم آلية عمل كل نوع من الانسولين ، وبعد كده تفصله تفصيل ع كل حالة
--------------------------------------------------------------------------
ملحوظة :- ف ال ISPAD guidelines كاتبين حاجة شبيهة بكده ، كاتبين إنك ممكن تستخدم ال NPH insulin
Intermidiate acting insulin may be tailored as a part of a twice daily basal insulin regimen to allow coverage for snacks for children who are not prepared to inject at school
-----------------------------------------------------------------------
Dr Ibrahim Mekawy