الحمد لله 🌹

كيف لي أن أشرح لك بأنني متعبٌ من الطريقِ ، والناس والأحلام ، وحذري وتردُّدي وقلّة الحيلة ، ومتعبٌ أيضًا من الغَد وهو لم يأتِ بعد ، ومن الأمس وهو مُنتَهيّ ، ومن الأيّام والوعود والصّبر وطولة البال ، ومن التعقّل، والتأنّي ، والغضب ، من دون أن تشعر بأنني أبالغ .

Dr Ahmed Attia

متديش للعيان بتاعك محلول لو ...... ‼️

حلقة في ودنك كدة توفر عليك كتير من التفكير والأخطاء 👇
إمتى تخاف على العيان من المحلول بتاعك عشان تعرف المفروض تديه ولا لأ أو على أقل تقدير تديله أقل كمية ممكنة ثم تعيد التقييم 🤌

انت محتاج تطمن إن السوائل اللي هتدخلها دي الجسم هيطلع منها الزيادة عشان ميحصلش overload تمام كدة ؟ 🤚
طيب مين اللي بيخرجها ؟ ال Kidneys صح كدة ؟ 🤚
طيب مين اللي بيوصلها لل Kidneys ؟ الماتور اللي هو ال cardiovascular system 🫀

يبقى انت يا معلم محتاج تتأكد إن الكلى شغالة والقلب شغال .. مكنة الكلى شغالة يعني بتجيب (قماش) بول , كدة انت هتضمن لو فيه سوائل زيادة دخلت هتقدر تخرجها 🤝
و محتاج تتأكد إن الماتور قادر يضخ الماية في المواسير عشان توصل الكلى , طيب ودي هعرفها إزاي من غير Echo مثلا ! هتحتاج تبص على المواسير اللي قبل الماتور , عشان لو الماتور مش قادر يضخ ، فالسوائل هتتراكم قبله ومش هتوصل بعده ، يعني من الأخر الشرايين ناشفه والأوردة مبلولة يبقى الكلى هتبقى ناشفه مش واصلها سوائل ومش هتجيب بول و .... :
Jugular veins congested
Lungs congested
Lower limbs edemitous

كدة انت عرفت إن القلب مش شغال ومش هيقدر يزق ازازة الملح لقدام عشان تخرج من الكلى فيهيخليها تتراكم في الجسم 💢

الخلاصة قبل ما تدي إزازة المحلول بص على 4 حاجات من فوق لتحت :
1- في الرقبة بص على ال neck veins محتقنة ولا لأ ✅
2- في الصدر اسمع ال back مبقلل ولا لأ ✅
3- في الحوض بيجيب بول ولا لأ ✅
4- في الرجلين فيه edema ولا لأ ✅

لو تمام اديله محلول الملح 👍
لو مش تمام فالعيان ده محتاج إهتمام شديد و continous monitoring وانت بتديله محاليل بشويش بشويش 🤌

واضحة 🫡

إضافة أخرى :
مش بيجيب بول ده المقصود بيه العيان اللي عنده volume overload بس ال kidney مش شغالة من جواها ولذلك مش بيجيب ولا هيجيب 😵
إنما مش مقصود بيه عيان ال pre renal AKI اللي مبيجيبش بول لأنه ناشف من جوة بسبب Dehydration , العيان ده هيحتاج خمس ست سبع تمن تسع عشر أزايز محلول 😅

المهم خدت بالك قد ايه ال analysis of symptoms مهمة في ال history وامتى ال onset وال duration خلتك من متديش محاليل خالص أو إنك تفتحله برميل محاليل 🙈

IV_Notes

يا دكتور الإمتياز .. إوعى تفتكر إنك لوحدك كفاية في موقف طبّى طارئ، أو إنك بقيت جاهز تاخد قرارات مصيرية من غير ما ترجع لاستشاري أو أخصائي.
اللي بتعمله ده مش بس غلط قانونًا .. ده كمان حرام شرعًا.
أرواح الناس مش مجال للتمرين ولا للثقة الزايدة.
إنت لسه تحت التدريب، ولسه بتتعلم.
ولو حصل خطأ، مش هيبقى مجرد سهو .. ده ذنب، وساعتها لا "كنت فاكر" هتنفع، ولا "محدش علّمني" هتشفع.
اللي فوقك مش موجود عشان يتفرّج، ده موجود عشان يوجّهك وتحمي المريض وتحمي نفسك.
خلّي قلبك على المريض، وضميرك صاحي .. قبل ما يدك تكتب أو تنفّذ، اسأل نفسك: هل أنا أهل للقرار ده؟
وإن ما كنتش متأكد .. اسأل، حتى لو اتأخرت دقيقة.
الدقيقة اللي بتتأخرها في السؤال، أرحم من العمر اللي ممكن يضيع بسبب القرار الغلط

Dr Ahmed bendary

من اسبوعين دخل حالة فالطوارئ بنت 21 سنة.. والدة من اقل من 48 ساعة قيصري، جاية ب غيبوبة درجة وعي 7/15، ضغط 70/40 اكسجين 33٪ ،نبض 190
المريضة عاملة اشعة علي الصدر ظاهرة التهاب رئوي عنيف جدا
المريضة دخلت الرعاية مباشرة.. زميل لينا استقبلها فور دخولها الرعاية اتوقفت عضلة القلب.. اشتغل عليها بسرعة جدا.. رجعت بعد حوالي دقيقة ونص اتحطت علي جهاز تنفس صناعي، ركب قسطرة وريدية عوضها محاليل وأدوية ترفع الضغط، حالة البنت كانت سيئة جدا جدا
اول ما شكينا فيه كان جلطة رئوية بعد الولادة
حالتها مكتتش تسمح ابدا بانها تعمل اشعة مقطعية علي الصدر بالصبغة للتشخيص.. ودا يعتبر اهم عامل في تشخيص جلطات الاوردة الرئوية
اعتمدنا عالتحاليل االي طلعت ان الD-dimer كان 15
الferritin كان 5 أضعاف معدلة الطبيعي
بدانا فورا ادوية سيولة ومضادات حيوية لان كان في التهاب رئوي قوي لانها شرقت بافرازاتها، كنا بنبات معاها فالاوضة ومقعدين تمريض كل دوره انه قاعد جنبها عالاجهزة
مكنتش في درجة وعي تحتاج مخدر انها تنام وهي علي جهاز التنفس الصناعي
كنا كلنا بنكلم بعض نتطمن عليها ونسال هي عاملة ايه ولو احتاجت حاجة نجيبهالها
جوزها وابوها وامها كانو هيتجننو عليها
بنتها اللي ولدتها مشافتهاش، اهتمينا معاها بكل تفصيلة.. بكل نقطة بكل حركة.. مكناش بنسيب فرصة لاحتمالية واحد فالمية لحاجة لدرجة ان ابوها قالي فمرة
يادكتور بنتي لو ماتت حتي انا هاجي اشكركو لاني معرفش انا عملت ايه ف حياتي يوقفلي ناس زيكو خصوصا د. عادل (اخصائي اليوم اللي استقبل الحالة).. البنت دي روحت النهاردة بيتها وهي شايلة بنتها علي دراعها
روحت بعد ما قلبها توقف دقيقة ونص
وكانت جاية بضغط شبه مش مسموع وجلطة فالرئة
روحت علشان تقعد مع بنتها لاول مرة ف بيتهم وتاخدها ف حضنها
المنظر والموقف دا مفيش حد فالدنيا ممكن يقدر يجازي حد ماديا بقدر الاحساس اللي حسيناه ساعتها.

Dr Omar_Elkassas

⚠️ غيبوبة سكر… بس السكر طبيعي؟!
Euglycemic Coma 🧠🔥
أيوه، بتحصل!
مريض داخل في غيبوبة حماض كيتوني…
والتحليل يقولك: السكر طبيعي أو قريب من الطبيعي 😱
❓ يعني إيه Euglycemic Coma؟
هي غيبوبة ناتجة عن Euglycemic DKA
= حماض كيتوني سكري
📉 من غير ارتفاع واضح في سكر الدم (<250 mg/dL)
🧪 ليه السكر يطلع طبيعي؟
بسبب أدوية SGLT2 inhibitors
زي: داباجليفلوزين – إمباجليفلوزين
🔹 بتنزّل السكر في البول
🔹 لكن تقلّل الإنسولين وتزوّد الجلوكاجون
➡️ الكيتونات تعلى… والحماض يزيد
🚨 إمتى نشك؟
مريض عنده:
قيء / مغص شديد
نهجان (تنفّس كوسمول)
تعب شديد أو لَخبطة
وسكر الدم مش عالي!
📌 هنا الخطر: التشخيص بيتأخر
🔍 التحاليل المهمة
pH ↓
HCO₃⁻ ↓
Ketones +++ (الدم أهم من البول)
Glucose طبيعي أو ↑ بسيط
🚑 التعامل الصح
1️⃣ إيقاف SGLT2 فورًا
2️⃣ محاليل وريدية
3️⃣ إنسولين مع جلوكوز
4️⃣ علاج السبب (جفاف – صيام – عدوى – عملية)
🧠 الرسالة الذهبية
مش كل غيبوبة كيتونية لازم سكرها عالي
ومع أدوية SGLT2
اقرأ الكيتونات… مش السكر بس

د.أحمد السيد

- صديقي الطبيب والممرض.. هنصحك شوية نصايح لوجه الله كواحد شاف كتير وبقى خبرة في خناقات المستشفيات..

------

- بعد العاركة ماتخلص هيتحقق فيها، ولما تَمثُل أمام أي جهة تحقيق هيسيبوك تحكي براحتك خالص، وأهم سؤال هتتسأله :
"هو مد إيده عليك؟"
هتقوله يا فندم دا شتمني بأمي..
هيقولك : "مد إيده عليك؟"
هتقوله أنا أمي ميتة وتقعد تعيط وتتشحتف وتدبدب في الأرض..
هيقولك : "مد إيده عليك؟"

- فـ الحاجه الوحيدة اللي تودي المرافق الشبّيح في داهية هي إنه يمد إيده عليك في مكان شغلك.. لكن حوار كلمني بإسلوب مش كويس أو شتمني أو زعقلي دا مابيأكلش عيش.. وكدا كدا مع الوقت هتلاقي نفسك آمنت بالحكمة الرائعة "الشتيمة مابتلزقش"..

------

- اوعى تبدأ بمد إيدك على حد.. دكتور العظام دا وشه اتكسّر وحرفياً لا هياخد حق ولا باطل، بل بالعكس هو اللي هيتلام عشان هو اللي بدأ بالضرب..

------

- ماتدخّلش نفسك في عاركة مش بتاعتك.. لسه أخصائي تمريض زميلنا واخد بشلة في وشة عشان كان بيحوش خناقة بين المرافقين والأمن..

------

- ماتدخلش عاركة أنت مش قدها.. لقيت ناس بلطجية ومعاهم سِنَج وحوارات، ماتدخلش عليهم فاتح صدرك عشان ماتاخدش واحدة في وشك تزعلك.. اقلع البالطو واخلع حتى لو جايين بحالة بتموت.. سيفتي فيرست..

- لو عيان عامل حادثة على طريق سريع وفاتح نزيف ايه أول حاجه هتعملها؟ مش هتوقف النزيف لأ.. هتنقله في حتة أمان عشان ماتجيش عربية تشيلكم انتم الاتنين.. لو واحد اتكهرب وقلبه وقف.. ايه أول حاجه هتعملها؟ مش إنعاش قلبي رئوي لأ.. هتبعده عن الكهربا عشان ماتنامش جنبه..

-فـ أمانك أولاً دي قاعدة عامة.. جالك الاستقبال شلة بلطجية بمريض قلبه واقف وفاتحين مطاوي وبيقولوا فين الدكتور ابن الـ.... اللي هنا؟ تعمل ايه؟ تقلع البالطو وتقف معاهم تشتم في الدكاترة لحد ماتتأكد إن الدنيا أمان وساعتها تبدأ شغل...

د.محمد فهيم

أساطير طبية: (الفاركولين) بن الأطايب

​الأسطورة بتقول: إن الفاركولين ممنوع مطلقاً لو المريض عنده Tachycardia (تسارع ضربات القلب) حتى لو كان جاي بـ Severe Asthma؛ لأن الفاركولين بيزود ضربات القلب، فإزاي تديه للمريض في الوقت ده؟

​الحقيقة:
إن الفاركولين (سالبيوتامول) استنشاق هو الـ First line في تقريباً كل الـ Guidelines اللي أعرفها في كل حالات الـ Severe Asthma exacerbation.

​طيب والـ Tachycardia؟
هسألك.. عمرك شفت مريض صدره "قافل" وجاي بـ Severe Asthma وملقتش معاه Tachycardia؟
تقريباً أغلب المرضى، وأي حد مش قادر ياخد نفسه عموماً، لازم ضربات قلبه تبقى سريعة.

​طيب إزاي كل الـ Guidelines تقولك اديله فاركولين اللي كلنا عارفين إنه بيزود الـ Tachycardia؟
الجملة اللي جاية دي كان نفسي أكتبها من زمان ومتردد، لحد ما لقيتها مكتوبة صراحة في Medscape:
​(Side effects may include tremor and a slight tendency toward tachycardia. However, many patients who present with acute asthma and tachycardia actually decrease their heart rate with inhaled beta-agonist therapy.)

​العيان ضربات قلبه سريعة لأنه ببساطة مش قادر ياخد نفسه.. اديله الفاركولين افتح صدره.. هتلاقي النتيجة النهائية إن ضربات قلبه هديت.
يعني عيان ضربات قلبه 120 تديله فاركولين اللي مثلاً متوقع يزوده كمان 10 درجات.. بدل 130 تلاقي الراجل نزل لـ 100 أو 90.
(في الطب 1 + 1 مش دايماً يساوي 2).

​طيب لو عيان مش Asthma؟
زي مثلاً بديه كـ Antihyperkalemic.. هنا آه خد بالك. مريض قلب؟ خد بالك برضه.. بس لو جايلك في Severe Asthma.. مش هيبقى Contraindication برضه، بس هتاخد بالك شوية وممكن تبدأ بالراحة وعينك عليه.

​طيب إيه أصل الأسطورة؟ وليه الناس بتخاف تكتبه؟
أصل الموضوع المؤتمرات الكتير والـ Guidelines اللي بتتكلم عن علاج الـ Asthma في عيان العيادة.. كل الكلام من 2019 تقريباً إن مينفعش تدي SABA لوحدها.. وإن الناس بتموت بسبب كده.. ولازم تدي كورتيزون معاه وهكذا.. كل ده جميل بس ده في "عيان العيادة".
​أما حالة "الاستقبال".. هنا الـ SABA هو البطل والمنقذ الحقيقي.. بتلاقي ناس تبعت المريض يجيب "جلسة الكورتيزون" الغالية.. اللي بالمناسبة مش Guidelines في الطوارئ وفيه ناس حتى بتمنعها.. وميديش الفاركولين (الرخيص) اللي هو رقم 1 واللي هيريح العيان بجد.. بحجة إن العيان عنده Tachycardia.
​ولو حابب تساعد الفاركولين ادِ معاه Atrovent.. لكن أوعى تكلف العيان فلوس في جلسة كورتيزون..(يجيب كورتيزون بالفم او وريد أفضل ) في الطب (الغالي مش دايماً تمنه فيه).
​أصدق ما يمثل حال السالبيوتامول مع الـ Guidelines حالياً هو قول عنترة:

يُنادونَني في السِلمِ يا اِبنَ زَبيبَةٍ
وَعِندَ صِدامِ الخَيلِ يا اِبنَ الأَطايِبِ

د.محمود وفا

ثُم إنك إذا عصيتهُ تجد الأشياء كُلها تُعاتبك، كُل الرسائل مُوجهةٌ إليك، كُل الآيات تُتلى عليك وكأنهُ سبحانه يُحدثك..

يُريدك الله ألاّ تَميل عنه!

إزاي تشخص القولون العصبي ؟
......
الأطباء في تشخيصه ٣ أقسام ...طرفان ووسط
الطرف الاول...(غالبا الدكاترة الصغيرين )فاكر أنه حاجه سهله ...فده أي حد بيشتكي بأعراض (قولون) يقوله أنت قولون عصبي
...لكن المشكلة أنه بيظلم ناس كتير ..وناس هيطلع عندها سرطان قولون وأمراض تانيه كتير اللي بنسميها (أشباه القولون العصبي او IBS mimics )
......
الطرف التاني ..وده حد كويس وبيفكر وبيدور ...بس تقريبا مفيش عنده في القاموس حاجه اسمها IBS ....فأي مريض هيشتكي بأعراض (قولون ) هيدور وراه كويس أوي ..ولو مفيش هيدور تاني وتالت ورابع ...ويعمل منظار مرة واتنين وتلاته .
طبعا ده أفضل بكتير من النوع الأول لكن (بيتعب المريض )
.....
الوسط ...هو (الحكيم ) ...اللي بيبزل وسعه أنه يستبعد علامات الخطر ثم يبزل وسعه أنه يستبعد ال mimics ...وبعدها يقدر يطمن العيان أنه فعلا بخير
.....
زمان كنت بشوف مع أستاذنا حالات قولون عصبي لفت مصر ...واللي يقول أنه صرف ٨٠ ألف عند الدكاترة وفحوصات ومناظير ورنين وو...وبدون نتيجة
وأستاذنا يفحص العيان ...ويقوله يابني أنت كويس ....وتتفاجيء ان المريض خف فعلا !
المريض اللي صرف ٨٠ الف عند الدكاترة ده أستاذنا كان كلفني أتابعه -وأنا عارف ان مريض القولون هيحتاج متابعة كويسه ودعم واقناع عشان يتحسن -
اتفاجأت أنه من أول أسبوع بعد المرور اتحسن ...فاستغربت ..وقلت له ايه اللي حصل (قالي انا بقالي سنتين بلف عند الدكاترة ...كان نفسي حد بس يقولي أنت كويس...كل دكتور ..يرمي الفحوصات القديمة ويطلب جديد ..بمجرد ما دكتور الالفي كشف عليا وقالي أنت كويس خفيت !)
.....
كنت بستغرب إزاي أساتذة كبيرة محدش فيهم طمنه ..الحقيقة أنا دلوقتي بلتمس لهم ألف عذر ..القولون العصبي هو من أصعب الامراض في تشخيصها
...لو شوفنا ال algorithim ده ...هتلاقي بعد ما تحط المريض علي ال criteria وتقول ده قولون عصبي typical ....لازم تعمل خطوتين ...الاولي تستبعد ال redflags ....اللي متجمعه في كلمة ALARMS وده كلنا عارفينه
التانية انك تستبعد ال Mimics ..وده البحر اللي ملوش اخر !..الامراض اللي انا قلتها في ال mimics دي أشهرهم بس ....لكن القايمه فيها أكتر من ٤٠ مرض كلهم هتشخصهم IBS !
.....
طبعا دي مش دعوه إننا نبهدل المرضي في فحوصات كتير بدون داعي ...لكن دعوة إننا نتعلم
عشان نوصل لدرجة من الكلينكال اللي تخليك بأقل قدر من الفحوصات تبقي مطمن (بجد) وبالتالي تقدر تطمن المريض
....
أستاذنا حكي لي عن حالة ...المريض فعلا قولون عصبي وشخصيته تمشي كده ...والمريض نفسه عاوز يسمع الكلمة دي من استاذنا (بعض المرضي بتخاف يكون عندها حاجه وحشه وبتحاول توجهك لتشخيص معين ) ..لكن أستاذنا كلينكال مكنش مطمن للمريض ...وبصعوبة أقنعه يعمل منظار قولون ...والمفاجأة ...طلع normal !
لكن أستاذنا بردو مكنش مرتاح ...طلب له مقطعيه بالصبغة بعدها وطلع cancer فعلا !
....
أستاذي د رضا ياسين دايما يقولي (شيل كلمة سيكك دي من دماغك خالص ) ..وحكي لنا عن شاب في العشرينات ..بردو أعراض IBS ...يعني typical وفي السن بتاعه وكل حاجه .. عمله منظار الولد طلع cancer colon !
....
لما نوصل للدرجة دي من الكلينكال ساعتها ممكن تشخص ال IBS ...قبل كده متطمنش أوي
وحط احتمال أنك غلط
.....
د.محمود وفا

معلومه مهمه وللاسف معظمنا بيتجاهلها

لو مريض معاه
GERD symptoms ومشي علي
Adequate PPI therapy ≥ 8 weeks
والاعراض استمرت هنا لابد من
Upper endoscopy

مهم جدا نوقف ال ppi قبل عمل المنظار

ليه بنوقف ال PPI

Unmask erosive esophagitis

Avoid under-grading (LA classification)

Improve diagnostic yield of biopsies

Proper evaluation of EoE

---

⏳ المده اللي بنوقف فيه العلاج

PPI: 7–14 days

H2 blockers: 48 hours

Antacids: allowed if needed

---

🚨 Do NOT stop PPIs if:

Alarm symptoms

GI bleeding

Severe dysphagia

Suspected malignancy

د.اسلام نوار

نخلي بالنا

{ شَهۡرُ رَمَضَانَ ٱلَّذِیۤ أُنزِلَ فِیهِ ٱلۡقُرۡءَانُ هُدࣰى لِّلنَّاسِ وَبَیِّنَـٰتࣲ مِّنَ ٱلۡهُدَىٰ وَٱلۡفُرۡقَانِۚ فَمَن شَهِدَ مِنكُمُ ٱلشَّهۡرَ فَلۡیَصُمۡهُۖ وَمَن كَانَ مَرِیضًا أَوۡ عَلَىٰ سَفَرࣲ فَعِدَّةࣱ مِّنۡ أَیَّامٍ أُخَرَۗ یُرِیدُ ٱللَّهُ بِكُمُ ٱلۡیُسۡرَ وَلَا یُرِیدُ بِكُمُ ٱلۡعُسۡرَ وَلِتُكۡمِلُوا۟ ٱلۡعِدَّةَ وَلِتُكَبِّرُوا۟ ٱللَّهَ عَلَىٰ مَا هَدَىٰكُمۡ وَلَعَلَّكُمۡ تَشۡكُرُونَ }
[سُورَةُ البَقَرَةِ: ١٨٥]

اللهم بلغنا رمضان

.. منظر متكرر في مرضي السكر تشققات السكر .
.. المنظر دا ممكن انت كطبيب تعرف منه علامات كتير ؛
1.عدم انضباط السكر لانه بيسبب جفاف في الجلد وبيكون اكثر عرضة للتشقق وبيسبب صعوبة التئام الجروح وايضا بيكون اكثر تعرضا للالتهابات الفطرية والبكتيرية.
2.ضعف الدورة الدموية وعدم وصول الدم بصورة كافية للاطراف وكثيرا تحدثنا ان السكر من النوع الثاني واحد من اهم امراض الاوعية الدموية واحد اسباب تصلب الشرايين لذلك التوصية بمخفضات الدهون لمرضي سكر النوع الثاني فوق سن 40 سنة ليست رفاهية.
3.التهاب الاعصاب الطرفية وفقدان الاحساس في الاطراف بيجعلها عرضة للتعرض للاصابات المتكررة بدون احساس الالم وممكن يزود احتمالية حدوث تقرحات القدم مع قلة افراز الغدد العرقية.
4.وجود بعض الزوائد العظمية واختلاف الضغط علي اماكن القدم المختلفة مع التسبب في تشققات وتقرحات الجلد.
.. الموضوع اهم من مجرد عناية بالقدمين بالكريمات الموضعية ولكن الاساس ضبط السكر والضغط والتحكم بدهون الدم وربنا يشفي كل مريض.

د.عمرو عمر

ليه tachypnea أخطر وأبكر علامة؟

أول حاجة تتأثر في pneumonia هي gas exchange

الجسم يعوّض بدري بزيادة معدل التنفس

قبل:

cyanosis

hypotension

altered mental status

↑ RR = red flag حتى لو باقي العلامات “مطمّنة”

“Hypoxia kills first → oxygen before diagnosis”

دي قاعدة إنقاذ حياة 🫁

نقص الأكسجين يقتل:

المخ

القلب

قبل ما نعرف السبب إيه أصلًا

عشان كده:

O₂ فورًا

بعدها نعمل:

ABG

CXR

labs

cultures

Clinical takeaway 🧠

أي مريض:

tachypnea

أو SpO₂ < 92%
→ أكسجين فورًا، بلا نقاش

التشخيص يستنى

الأكسجين لأ ❌

جملة امتحانية تحفَظ:

Treat hypoxia first, ask questions later.

د. أحمد عبدالحافظ

.. سؤال مهم وبيتردد كتير انا مريض كسل غدة درقية وباخد الهرمون التعويض سواء التروكسين او ايثروكس او ثيروكسين او تي فور ثيرو او اكيوثيرا المصري الجديد وعاوز اعرف هاخده امتي في رمضان.
.. الحقيقة هو في اكتر من حل ممكن تنفذه وكل هدفهم ان امتصاص الهرمون التعويضي مايتأثرش..
1.قبل الافطار بساعة يعني تفطر بكوب ماء والدواء وتصلي وتستني ساعة لحد ماتبدا اكل ودا صعب الا في بعض الناس المتعودين علي الصيام لفترات طويلة في العام.
2.بعد الافطار ب 3 ساعات تتناول الدواء بشرط الامتناع عن الطعام ساعة بعد الدواء.
3.قبل السحور بساعة بشرط الامتناع عن الطعام قبل ذلك ب 3 ساعات.
4.قبل الفجر مباشرة بشرط تتناول السحور قبل ذلك ب 3 او 4 ساعات.
... كلها حلول ممكن تتفذها حسب ظروفك.

الحقنا يا دكتور العيان VTach

تشوف العيان..

عيان parkinson وايديه ورجليه بتترعش وبيعملوا رسم القلب من عليهم..

ياجماعة ايديه ورجليه اللي عندهم Vtach 😅😅

قلبه كويس الله يهديكم..

Dr: Hisham Alshamekh

"الإيمانُ ليسَ أنْ تَدعوَ فيُستَجابَ لك .. فتُؤمِن،
فذاكَ إيمانٌ مَشروط

الإيمانُ الحقيقيُّ هو أنْ تَدعوَ، فتُسَدَّ في وجهِك الدُّروب،
وتَدعوَ فيَسبِقَك الصَّحب، وتَدعوَ فتُدمي أقدامُك أشواكَ الطَّريق،
فما تَزيدُ أنْ تقولَ: ربِّي ما ألطَفَك، أيُّ خيرٍ تُريدُه بي؟

ثمَّ ما زلتَ تَدعو!
حتى يَجبُرَ اللهُ كَسرَك،
ويُجازيكَ أضعافَ الأُجورِ لأجلِ صَبرِك،
وظَنِّك برحمتِه خيرًا، ولن يُخَيِّبَك."