تحاليل طبية لازم يمر ٢ - ٣ شهور عشان يبقى النتيجة مظبوطة و لو اتعملت قبل المدة دي يبقى النتائج غير دقيقة.

1️⃣- تحليل السكر التراكمي HbA1c في متابعة مرضى السكر لازم يمر من ٢-٣ شهور من بداية العلاج أو تظبيط الجرعات، و التحليل قبل ما تعدي المدة دي غلط.

2️⃣- تحليل ال TSH في متابعة خمول الغدة الدرقية لازم يمر شهرين من بداية العلاج أو تعديل الجرعات، أما التحليل في مدة أقل من دي غلط.

3️⃣- تحليل الأنيميا بعد العلاج بحقن الحديد لازم يمر ٢ - ٣ شهور من العلاج و التحليل قبل المدة دي غلط.

4️⃣- تحليل الكوليسترول الضار LDL لازم يمر ٢-٣ شهور من بداية العلاج أو تعديل الجرعات، أما التحليل في مدة أقل من دي غلط.

د. أحمد زناته

مريض بعتلي اشعات علي الواتس ياخد رأيي فيها "عادي و بتحصل كل يوم مليون مرة"
و اصلا انا معرفوش...حد يعرفني بعتله رقمي
"الله يسامح الحد دا"

بلغته ان في شك ف شرخ ف جزء معين ف المفصل و يفضل يعمل مقطعية

ف قالي ان دا بالظبط اللي قالوه برضو ف مستشفي عسكري... اللي هو قرر يتعالج فيها

قولتله تمام هما صح وتسلم ايديهم
واعمل بقي المقطعية وتابع معاهم زي ما قالولك

(كل دا ع الواتس و مكالمات علي مدار يومين.. ومكشفتش عليه ولا كشف)
و دا عادي برضو ف البلد دي و مابقتش استغربه

بعد يومين لاقيته باعتلي المقطعية ع الواتس برضو و كنت داخل عمليات
فضل يرن يرن يرن وانا ف عمليات عيانيني بقي
ف للاسف ماعرفتش ارد

بعد ماخلصت لاقيت حد يعرفني من طرفه بيكلمني يعاتبني!!
بيقولي كدا يا دكتور فلان يحتاجك و يبعتلك الاشعات و ماتردش عليه!!

يا جدعان مين علمكم الاستحقاقية دي ف الدكاترة؟؟؟
مين فهمكم ان انا ChatGpt تبعتلي الاشعات اطلعلك التشخيص؟

انا مش عايزك تيجي تكشف عندي بامانة ولا تدفع كشف
ولو حاجة هقدر اشخصها ع النت مش هتأخر عليك واظني برد علي أي حد و رديت عليك انت شخصيا وانا معرفكش

لكن تفتكر ان دا حقك وانك اشترتني بقي
وانك مدام رنيت عليا ف انا هسيب اللي ف ايدي واجري ارد عليك عشان انا عبد عند حضرتك!!!

يبقي انت محتاج تعمل اشعة مقطعية علي رجل ابنك
واشعة رنين علي مخك بصراحة لأني مش قادر افهم دماغك بجد بتفكر ازاي!!

Farid Gamal

إستدعيت فى المستشفى لألقي نظرة على طفل صغير لم يتجاوز الرابعة عشرة من عمره ، دخل فى يومه الثاني من ارتفاع مستمر لدرجة الحرارة مع ألم بالبطن

كانت الشكوى الرئيسية للطفل التى أتت به إلى المستشفى ألما عابرا بالأذن ، لم يشك منه من قبل ، لكن ألم البطن بدأ حديثا ، بدأت فحص الطفل الذي لم يحسن أن يعطي أية معلومات قد تكشف عن علة أو سبب ، كان بمرافقته أخوه الأكبر ذو السبعة عشر عاما الذي كان هو المرافق الوحيد له

أنت تتعامل مع طفلين حرفيا ، لا يحسن أيهما قولا ولا يكاد يبين .. غير أنهما بديا كصديقين مقربين يحمل أحدهما هم الآخر ، وقد صدق حدسي فيما بعد ، كانت الآلام فى بطن الطفل مبرحة تشي بعلة خطيرة ، فى الغالب يصاب الأطفال بانفجار الزائدة الدودية بشكل أسرع من الكبار ، البطن تبدو كصخرة صماء من شدة الألم ، هذا يستوجب استكشافا جراحيا للبطن
لا تدري كيف تخبر طفلين لا مرافق لهما بخبر كهذا ، بات عليهما أن يعلما أن ألم الأذن البسيط تطور إلى استكشاف جراحي مع نسبة من الخطورة ليست هينة ، واحدة من شروط الحصول على إقرار طبي جراحي أن يكون المريض ومرافقوه على قدر من الوعي يمكنهم من موازنة الأضرار والمنافع المتوقعة من الجراحة ومن ثم الموافقة ، لكن بدا لى الطفلان غير قادرين على اتخاذ هذا القرار الذي لا بد أن يتم تنفيذه في الصباح الباكر

كانت الساعة الثانية عشرة بعد منتصف الليل ، وتم أخذ القرار الجراحي بالاستكشاف فى الصباح الباكر بعد أن اكتملت الفحوصات والتحاليل اللازمة ، غير أن شيئا ما دفعني نحو محاولة عمل أشعة مقطعية على البطن ، ليس هناك مسوغ لهذا ، البطن فى أشد درجات الألم والتحجر ، كرات الدم البيضاء مرتفعة بدرجة كبيرة ، التشخيص التهاب بريتوني يستوجب استكشافا جراحيا ، ما فائدة الأشعة المقطعية إذن ؟ لا أعرف ، ظل هذا الدافع يدفعني حتى منعني عن النوم بعد منتصف الليل ، نزلت من غرفتي بسكن المستشفى ، وأيقظت الفنيين المنوط بهم عمل الأشعة واستدعيت الطفل يقودني حدس لا أعرف سببه
أعرف جيدا أن الطفل في حالة ألم ، وأن الألم شديد ، وأنه قد خلد إلى النوم ، لكني أعرف كذلك أن موعد الجراحة فى الثامنة من صباح الغد ، وأن الساعة الآن تشير إلى الواحدة بعد منتصف الليل .. هذا هو الموعد الأخير لإجراء الفحص المقطعي قبل الجراحة

نزل الولد برفقة أخيه وقد عاوده الألم بعد أن حاول استراق النوم قبل جراحة الغد ، استلقى على جهاز المقطعية وبدأ الفحص ، بعد عشرة دقائق ربما حصلت على نسخة مطبوعة من الأشعة المقطعية لأنظر فيها وأفاجأ بمشهد لم أر مثله من قبل !!
لقد كانت البطن بأكملها عبارة عن ورم سرطاني كبير التهم كل أجزاء البطن خلف الغشاء البريتوني ، كان الورم يحيط بالشريان الاورطي والوريد الأجوف السفلي وشرايين وأوردة الكلى ، كأن ثعبانا ضخما ابتلع كل مكونات بطنه !!
بات الولدان ليلتهما دون أن يعلما شيئا ، وفي الصباح عرضت أفلام الأشعة على هيئة الجراحة ليتم إلغاء عملية الاستكشاف وأخذ واحد من أسوأ قرارات الجراحة التي نتخذها فى مثل هذه الحالات ، كان القرار
let the patient die in peace , not in pieces !!
دع الطفل يموت بسلام ، لا ترسله إلى الموت مقطعا !!

أكثر قرار أكرهه فى الطب ، حين ترى الورم قد انتشر ونفدت حيلك كطبيب وبات الاستسلام للقدر هو الخيار الوحيد ، تم تحويل الطفل إلى مستشفى سرطان الأطفال بعد أن تم أخذ عينة بإبرة جراحية موجهة بالاشعة وتحليلها لتكشف عن نوع شديد الفتك من سرطانات الغدد اللمفاوية ، أخذ الأخ أخاه وانصرفا انقطعت أخبارهما خمسة أيام ثم عاد الأخ الأكبر يطلب نسخة من الأشعة المقطعية ، تعجبت من أنه قطع كل هذه المسافة من محافظة إلى أخرى للحصول على نسخة من الأشعة المقطعية ، كان بإمكانهم إجراء واحدة أخرى هناك ، لكنه أخبرني أن أخاه بات ينازع الموت ، وأنه يخضع الآن للتنفس الصناعي وأن تحريكه من أجل اجراء اشعة مقطعية أخرى هو استعجال للموت الذي بات محتوما !!
تتأمل كم الألم والأسى والدروس فى هذه المأساة فتصيبك الدهشة ، قبس من رحمة الله بالطفل ليخفف عنه بعض ألمه بحدس عاودني بعد منتصف الليل لأتبعه دون سبب مقنع فيغير كل شئ رأسا على عقب ، أخ أكبر يحمل رفيقه ويدور به فى مأساة تشيب لها الرؤوس ثم يفقده شيئا فشيئا فلا أراه إلا دامع العين غير أنه كالجبل لا ينهار ولا يستسلم

علمت بعد أيام أن الطفل أسلم روحه إلى بارئها

د/ محمد رفعت

"sensitive" does not mean effective
حالة رقم ٢ حكاية ال
"AmpC gene"

💢مريضة عندها ٥٥ سنة
جاية المستشفى بتشتكي من
Fever-sore throat- productive coug

التشخيص المحتمل:
Mild Community acquired pneumonia

عملنا sputum culture طلعت
Gram negative cocobacilli " Acinetobacter baumannii"

Ceftriaxone sensitive ✅
Meropenem sensitive ✅
Cefepime sensitive ✅

بدأت ceftriaxone
بعد يومين الاعراض مكملة والحالة بتسوء ودخلت المريضة ف bacteremia

عدنا المزرعة طلعت
👉Organism: Acinetobacter baumannii

👉Sensitivity report:

Ceftriaxone resistant ❌!!!!!
Cefepime → Sensitive✅
Meropenem → Sensitive✅
--------------------------------
ببساطة فيه عندي كذا microorganisms لازم تخلي بالك منهم اووي
اللي هما
٣ منهم بيبدئوا بحرف ال P
Indole positive Proteus
Pseudomonas
Providenica

و ٣ منهم اخرهم bacter
Acinetobacter
Enterobacter
Citrobacter

وواحدة بحرف ال S
Serratia
ممكن نجمعهم كلهم ف كلمة
SPACE

💢اي بقي اللي بيميز ال SPACE oraganisms دي؟

اللي بيميزها ان ربنا خلقها ف ال genome بتاعها عندها gene اسمه AmpC gene

👈ركز معيا ببساطة فيه عالم اسمه ambler حط classification اسمه
Ambler classification
بس خلي بالك ان كلمة ambler بتكتب ambler ✅مش ampler ❌عشان متفتكرش ان AmpC اول ٣ حروف منها جايين من اسم العالم عشان ده مش صح

المهم ambler قسم ال beta lactamases ل 4classes:
علي حسب ال amino acid sequence و ال structure بتاع ال active site بتاعهم

Class A
Class B
Class C
Class D
كل class ال active site بتاع ال beta lactamase مختلف غير انه انواع البكتيريا اللي مسؤولة عن انتاج ال enzymes دي ف كل class بتختلف
وكل class بيكسر antibiotics مختلفة عن ال class التاني

كلمة AmpC دي جاية من
Ampicillin-hydrolyzing, class C Beta-Lactamase

ال lactamase اللي بيطلع ده عنده القدرة انه يكسر الآتي
Penicillins
1st-3rd generation cephalosporins (Ceftriaxone)
Cephamycins (Cefoxitin)

💢طب ما ال Ceftriaxone طلع sensitive ف المزرعة ف الاول عادي!
مهي دي الفكرة ان ال AmpC gene ف البكتيريا دي بيبقي inducible
يعني in Vitro الانزيم بيطلع بكمية قليلة اوي ف المعمل وبالتالي ممكن المزرعة تطلعه sensitive عادي ولما البكتيريا in vivo جوة الجسم بتتعرض ل stress من المضاد بيحصل expression لل gene وبيطلع الانزيم بكمية كبيرة وبالتالي treatment failure حصل
Rapid on-therapy resistance
---------------------------------
💢الحل؟
ال golden Standard ف حالات ال SPACE organisms هو ال Carbapenems زي ال meropenem وال imipenem خصوصا ف الحالات ال severe

ال Cefepime برضو فعال طالما طالع ف المزرعة
وال quinolones زي ال Levofloxacin مثلا
---------------------------------
💢طيب سؤال هو مش ده beta lactamase
طب ما نضيف beta lactamase inhibitors زي ال clavulanic acid مثلا؟

= مش شغال عليه، فعال ضد class A بس😁
--------------------------------

د.آيه ياسر عبدالعليم

NOW 😱

3 ايام علاج حموضه ومهضم دون فائده 55 سنه مدخن

د/ أحمد عبدالحافظ

Random Blood Sugar is mandatory in the ER especially in diabetic patients.

30years old female pt
PMH: Epilepsy + Diabetes mellitus on oral hypoglycemic drugs
الحالة جاية متحوّلة تعمل CT brain كانت بتتشنج في مستشفى تانيه وقعت وخبطت رأسها وعملت جرح قطعي.
ادولها أدوية لإيقاف التشنجات وتم تحويلها عشان تعمل الاشعه
قبل ما تدخل على الأشعة دخلت استقبال الطوارئ عندنا بسبب انهي اتشنجت تان وهي جايه

❗ Important point
الحالة ما كانتش مترندمة فرندمناها RBS = 25 mg/dL
ادنالها جلوكوز فالحالة فاقت وبقت كويسه وبطلت تشنجات

Take home message
Hypoglycemia ممكن تعمل seizures وتقلد epilepsy
Anti-epileptics لوحدها مش هتحل المشكلة

د. محمود الفخرانى

ازاي نفحص حاله شاكك انها جلطه بسرعه وبدقه في الاستقبال ؟
في زحمه الاستقبال بيقع مننا حالات stroke ومش بناخد بالنا فعشان كدا افتكر معايا
الكلمتين دول Be fast
👉🏻B for balance
افحص ال balance زي تخليه يعمل
finger to finger .. finger to nose

👉🏻E for eye
شوف اي visual disturbance زي محيط الرؤيه قل او nystagmus الخ

👉🏻F for face
شوف فيه weakness or numbness او اعراض cranial nerves palsy
👉🏻A for arm
شوف فيه في الايدين او الرجلين
weakness or numbness .. motor or sensory

👉🏻S for speech
نشوف اي abnormality زي ال aphasia

👉🏻T for time is a brain ...take care and be fast

د. محمود الفخرانى

🌀 Hypertension is the most common risk factor for the onset of AF.

Hypertension and AF
are the two most important risk factors for
ischemic thromboembolic and hemorrhagic stroke.

البوست نازل هزار و تريقة كمان و لكن البوست ده فيه أخطاء طبية كتيرة.
١- عدم اتخاذ شكوى المريض على محمل الجد والإكتفاء بالمعلومات الطبية التي تعلمها كطبيب فقط.
٢- السخرية من المرضى والتعالي عليهم بالعلم و الطب الذي يمتلكه البعض.
٣- الإدعاء بالإلمام بكل أمور الطب وهذا لايوجد في أي شخص على مستوى العالم قاطبة.

معروف أن الكونترولوك هو أساساً لعلاج المعدة و هذا لاينفي مطلقاً تسجيل حالات بيحصل فيها العكس وهو إن المعدة بتتعب فيها مع العلاج ده زي ما بيحصل إن تم تسجيل حالات بعض الناس بيجيلها حساسية من الأڤيل و بعض الناس بيجيلها حساسية من الكورتيزون

لابد للأطباء الزملاء أن يأخذوا شكوى المريض حتى ولو كانت غريبة وجديدة على محمل الجد و الإهتمام و دي نصيحة من أخ أكبر للشباب حديثي التخرج

د. أحمد زناته

حالات الضغط العالي ٣ احتمالات
1. حاله ضغطها تحت ال 180/110 ومش معاها اي organ damage لو مش مريضه ضغط تعمل جدول قياسات ضغط ولو مريضه ضغط نعدلها علاجاتها
2. حاله ضغطها فوق 180/110 ومش معاها organ damage بنديها oral agent single زي amlodipine او combination زي erastapex co ..حضرتك مش محتاج تنزله مره واحده في الطوارئ لانك لو نزلته هتقلل ال perfusion لاعضاء المهمه زي القلب وغيره وبنفقد ال autoregulation mechanism ..ويجي العياده الصبح
3 . حاله ضغطها فوق 180/110 ومعاها organ damage . مش مطالب منك كدكتور استقبال تتعامل معاها وتنزل ضغطها لان علي حسب الحاله هتتحجز في icu او ccu او stroke unite مطالب منك تعرف اي organ damage
فعلي سبيل المثال حالات ال stroke مقبول انه يكون ضغطها عالي في اول 24 ساعه الا في حاله هيدوا مذيب جلطات فبينزلوه تحت ال 180/110

د. محمود الفخراني

- امتى أبدأ ب Two drugs مع بعض لمريض
Recently diagnosed type 2 DM
= على حسب ال HbA1c ، لو كان ال HbA1c أكتر من أو يساوي % 1.5 فوق ال Target اللي انت عاوزه للمريض ، ف الحالة دي هتبدأ بدوايين مع بعض
Consider initiating dual therapy in patients with newly diagnosed type 2 DM who have HbA1c > or = 1.5 % above their glycemic target
وطبعاً ما تنساش إن ال
HbA1c must be individualized
كل مريض وانت بتعالجه ، بيكون ليك Target معين عاوز توصله ، وده على حسب حالة المريض اللي قدامك
--------------------------------------------------------------------------
مثال :- مريض سكره التراكمي % 8 ، وانت هدفك معاه إنك توصل لتراكمي أقل من % 6.5 ، يبقى هنا ال HbA1c أكتر
من ال Target ب % 1.5، إذاً ف الحالة هتبدأ ب
Dual therapy
--------------------------------------------------------------------------
-- طيب هختار ازاي Two drugs من ال
Oral anti-diabetic drugs ?
= أولاً لازم Metformin ، مينفعش روشتة مريض T2DM
تخلو من Metformin إلا لو فيه Contraindications ع رأسهم لو معدل فلترة الكلى " eGFR " أقل من 30
Metformin is the king of oral anti-diabetics
-- تمام ، وبالنسبة للدوا التاني ؟
=عندك كذا مجموعة تختار منها ، عندك ال
- DPP4 inhibitors e.g Vildagliptin
- SGLT2 inhibitors e.g Empagliflozin
- GLP1 RA e.g Dualglutide
- Thiazolidinediones e.g Pioglitazone
- Sulphonyelureas e.g Glimipride
- Short acting Sulphonyelureas e.g Repaglinide
هتختار ع حسب حالة المريض اللي قدامك
هل المريض معاه CVD ولا لأ ؟ معاه Renal disease ولا لأ
وزن المريض ، ال Cost ، وما تنساش ال
Risk of hypoglycemia
--------------------------------------------------------------------------
مثال :- مريض 45 سنه شغال نجار متشخص سكر من النوع التاني ، سكره التراكمي 8.2% مش HTN ولا معاه HF ولا
Evidence of CVD
معدل فلترة الكلى ال eGFR طالع 94 ، وال
Albumin / creatinin ratio in urine = 18
يعني مفيش Diabetic nephropathy ، و وزنه كويس ....
والمريض جه صريح معاك وقالك معلهش يا دكتور مش عاوز دوا غالي ، يعني ياريت لو حاجة تكون وسط ، عشان مادياتي مش هتسمح....لغاية هنا عظيم جداً
يا ترى هنا أول حاجة أخليها ف بالي ايه وانا بختار الدوا ؟!
أول حاجة تخلي بالك منها هي فرص حدوث هبوط السكر
Risk of hypoglycemia
لإنه شغال نجار ، والآلآت اللي بيستخدمها حاده ، فلو اتعرض لنوبة هبوط سكر ، هيكون خطر عليه جداً .....
يعني وانا بختار ، لازم اختار دوا يكون ليه
Minimal risk of hypoglycemia
وتاني حاجة تكون تكلفته مش غاليه.......
وفيما سبق شرحنا كل مجموعة وحدها ، وذكرنا مميزات وعيوب كل مجموعة ، ولو رجعنا بالذاكرة شوية ، هنلاقي أنسب مجموعة للحالة دي ، هي مجموعة ال
DPP4 inhibitors e.g Vildagliptin
يعني هتوصفله للسكر Dual therapy عبارة عن
Metformin + DPP4 inhibitor
ع سبيل المثال تجارياً زي :-
Galvus met , Gliptus plus , Vildagluse plus
Sugarlo plus, Icandra plus , Futavilidix ...etc
وف كل مرة - إن شاء الله - نذكر مثال نستخدم فيه مجموعة معينة ، وكما قيل " بالمثال يتضح الحال "
------------------------------------------------------------------------
Dr Ibrahim Mekawy

السيد وزير الصحة ....
تحية طيبة وبعد ؛
يا معالي الوزير انا إمبارح بالليل روحت مستشفى اليوم الواحد اللي في المعادي... تعبان جدااا وعندي الم مرعب في صدري وضهري ، وبسؤال أطباء أصدقاء قبل ما اروح كان رأيهم.... اجري يا عمرو على أقرب مستشفى لان اللي بتقوله ده أعراض جلطة... فأنا داخل استقبال المستشفى وانا بقول للدكتور انا إحتمال يكون عندي جلطة .... حلو .....
الفيصل هو رسم القلب !! عملنا إشاعات ورسم قلب ودفعت وكله تمام ، والدكاترة قالوا لي ان رسم القلب تمام ... طبيعي ١٠٠% ... واللي عندك التهاب في العضلات..... شكرتهم ومشيت انا و اللي معايا واحنا مبسوطين جدا .... دخلت الصيدلة اجيب الدواء اللي كتبه لي الدكتور وهو عبارة عن سبراي مسكن ، ومن غير سبب او مناسبة لقتني بسأل الصيدلي حضرتك تعرف تقرأ رسم قلب ؟؟ قالي لو فيه ريبورت حعرف طبعا ، قولت له ايوة فيه... اتفضل....
الراجل مسك رسم القلب و قالي يا استاذ هما مشوك من المستشفى ولا انت قفشت ومشيت؟؟ قولت له لاء قالولي تمام وطبيعي واقدر أمشي... قالي طيب هو حضرتك في احتمالية تضخم في البطين الأيسر للقلب و شوية حاجات تانية كده .... وقال لي لازم تعرض نفسك فورا على دكتور قلب او تروح مستشفى مش حكومي.... طبعا عرضت بعدها رسم القلب على أطباء اصدقائي واجمعوا ان فعلا في،إحتمال لتضخم البطين الأيسر و نفس شوية الحاجات! !!
المشكلة فين بقى يا معالي الوزير ؟؟!
المشكلة ان أطباء مستشفي اليوم الواحد مجرمين يستحقوا العقاب .... لأنهم عادي وبدم بارد قرروا يريحوا دماغهم لأن لو قالوا لي الخقيقة فساعتها هتحجز وعناية مركزة و و جع قلب و إحتمال اقرفهم واحتمال ميبقاش فيه مصلحة من ورايا ، ما تعرفش فكروا في ايه وهما بيقرروا يمشوا راجل عنده ٤٦ سنة و رسم القلب بتاعة بيقول تضخم في البطين الأيسر للقلب؟؟!! ده ملهوش غير اسم واحد بس .... دي جريمة ... انا هرفق ريبورت رسم القلب مع البوست وارجوا يا معالي الوزير التحقيق في الواقعة ومحاسبة الأطباء المقصرين لدرجة الإهمال الجسيم .
وزارة الصحة والسكان المصرية

إيضاح ....
انا الحمد لله كويس ورايح لدكتور قلب انهاردة بالليل و التضخم ده أمر طبيعي ممكن يحصل للرياضيين ولاي شخص بيعمل مجهود ... انا مشكلتي ان الأطباء كان المفروض يكونوا اكثر أمانة ويقولوا لي احتمالية التضخم ... وينصحوني اني اتابع مع طبيب قلب في أسرع وقت.... وده لم يحدث ومش بس كده قالوا لي ده تمزق عضلي ما تقلقش..... وصلت ؟؟

دي شكوى مريض

نفسى اللى ميعرفش معلومه يقول معرفش
مش لازم يفتى