✅ ليه اختاروا HbA1c = 6.5% كبداية تشخيص لمرض السكّر؟

السبب الأساسي والأقوى علميًا:

⭐ لأن الدراسات الضخمة لقت إن أول علامة “مؤكدة” لمضاعفات السكّر—خصوصًا اعتلال شبكية العين (Diabetic Retinopathy)—تبدأ بالظهور عند رقم 6.5% أو أعلى.

وده مش كلام نظري… ده مبني على دراسات آلاف المرضى.

📌 تفصيل مهمة:
1) الدراسات رسمت منحنى العلاقة بين A1C وخطر اعتلال الشبكية

ولقوا حاجتين مهمين:

✔ أول ارتفاع واضح في نسبة الناس اللي عندهم Retinopathy كان عند حدود 6.5%

مش 6.3
مش 6.4
بداية الطلعة الحقيقية كانت عند 6.5%.

✔ عشان كده قالوا:

"ده الحدّ اللي بعده الخطر يبقى مرض حقيقي، مش مجرد عوامل خطر."

2) الهدف كان اختيار رقم “يكتشف المرض” بدون ما يشخص ناس غلط

A1C لو نزلوا الحدّ لـ 6.0 أو 6.2 مثلاً:
→ هيدخل ناس كتير مش مرضى “سكر” أساسًا.

ولو رفعوه لـ 7.0:
→ هيفوتوا ناس عندهم فعلاً بداية مرض.

فـ 6.5% كان الرقم اللي بيدي أفضل توازن بين:

Sensitivity

Specificity

Predictive value

3) 6.5% يعكس متوسط سكر ~140 mg/dL على مدى 3 شهور

وده مستوى عالي كفاية إنه يسبب microvascular damage.

4) نفس الرقم اتأكد في 3 مجموعات مختلفة:

الـ ADA

الـ WHO

الـ International Diabetes Federation

كلهم لقوا نفس النقطة الحرجة (threshold) حوالين 6.5%.

🎯 الخلاصة الذهبية:
✔ اختاروا HbA1c = 6.5% لأن ده أول مستوى يبدأ يظهر فيه “ضرر حقيقي” في الشبكية.
✔ قبل 6.5% → المخاطر قليلة جدًا.
✔ بعد 6.5% → المخاطر تزيد بشكل واضح وملحوظ إحصائيًا.

Nasser Ibraheem

هتاخد حاجه هتسيب قصادها حاجه،
هتاخد الكارير هتسيب الـ Social life،
هتاخد المناسب هتسيب اللي بتحبه،
هتاخد الـ Risk هتسيب المضمون،
بس خليك جدع ومتبصش ع الحاجه اللي سيبتها،
انت سيبتها عشان تكسب حاجه تانيه أهم، ع الاقل بالنسبالك
،، كل واحد لعبته متفصله عليه بالمللي

Dr hesham wageh

حصل معايا نفس الموقف وانا فى راوند الباطنة فى واحد عنده bronchial asthma
فبيجى المستشفى دايما يعمل جلسات فكنت أنا اللى بكشف عليها وأعمل ليه الجلسات
فجيت بعد كدا وأنا فى راوند الجراحه
لاقيته بيبصلى كدا وبيقولى مش هتكشف عليا يا دكتور
قولتله للأسف يا حاج أنا جراحه
مش باطنه
لاقيته بيقولى يعنى كنت بتكشف عليا غلط كل المرات اللى فاتت دى 😂

حضرت مؤتمر عن السكر والسمنة…
المحاضرات: "تجنب الدهون والسكريات".
البوفيه: "تعال نبدأ بالجاتوه ونختم بالكنافة".

د. أحمد عبدالحافظ

دايما ماتنساش كلمة " ليه" و انت بتراجع المريض بتاعك ..
- ليه المريض جاي ب DKA.
- ليه المريض حصله pulmonary oedema .
- ليه المريض ال chronic liver disease قرر ييجي ب decompansation النهاردة .
- ليه و ليه و ليه
و الامثلة كتير .. بس المهم انك دايما تسألها مش مجرد تعالج الشئ الظاهري ..
كل كلمة " ليه" معناها investigations هاتتعمل و management هايزيد ..

dr nabih mokhtar

أقوى طريقة لتقوية الذاكرة القصيرة والطويلة المدى
ثلاث حاجات أساسية: نوم كويس + استرجاع نشط + مراجعة متباعدة

1️⃣ النوم (الأهم على الإطلاق)
أثناء النوم العميق:
المخ ينقل المعلومة من الذاكرة المؤقتة (hippocampus)
إلى الذاكرة الدائمة (cortex)
المشابك العصبية بتتقوى (Long-term potentiation)
من غير نوم:
المعلومة تفضل قصيرة المدى وتضيع
📌 عشان كده السهر يبوظ الحفظ مهما ذاكرنا

2️⃣ الاسترجاع النشط (مش قراءة)
إنك تحاول تفتكر المعلومة من دماغك من غير ما تبص
ده يجبر المخ:
يعيد تشغيل نفس الدوائر العصبية
فيقويها
أقوى بكتير من إنك تقرأ أو تسمع بس
📌 الامتحان أحسن معلم

3️⃣ المراجعة المتباعدة
ترجع للمعلومة بعد:
ساعات → أيام → أسبوع → شهر
ده يمنع المخ من مسح المسار العصبي
يحول الحفظ من مؤقت إلى دائم
📌 مراجعة واحدة بعد فترة = أقوى من 10 مرات في نفس اليوم

حاجات تزود قوة الذاكرة:
رياضة خفيفة → تزود BDNF → تشبيك عصبي جديد
شرح المعلومة لغيرك → تثبيت عميق
ربط المعلومة بقصة أو مثال → أكتر من طريق للوصول لها

الخلاصة في جملة:
نام كويس، افتكر مش تقرأ، وراجع على فترات…
مخك هيشتغل لصالحك

Dr Omar rashwan

عجائب المستشفى 🤗
دكتور الأطفال من 3 شهور قاعد في استقبال المستشفى تدخل عليه طفله عندها 4 شهور في حاله سيئه جدا التهاب رئوي ونقص اكسجين و نهجان مع سوء تغذيه وتورم من نقص البروتين في الدم و لازم تتحجز في الرعايه والحمد لله كان وقتها فيه مكان في الرعايه و تم حجزها ✍️و يبدأ الدكتور يكتب العلاج و يحط الأكسجين و تمام كده.🥰
و تتحسن البنت الحمد لله و تبدأ تاخد تغذيه بالفم وندور علي أهلها للاسف مفيش ، و يطلع اللي جابها مش ابوها وان أهلها مش معروفين ونبلغ اداره المستشفى و الشرطه تدور علي اهلها لغايه ما تلاقيهم بعد 3 شهور من استضافه الطفله وتمريض الرعايه يبدأ يتعامل معاها علي انها بنتهم و يلعبوا معها و يجيبوا لها لبس جديد،
الحمد لله الشرطه تلاقي خال البنت وتقبض عليه و تجيبه يستلم البنت.
لحد كده ممكن تقول مش جديد الكلام ده بس انا عندي حبه خواطر كده🤔 .

اولا : البنت طلع ابوها وامها محبوسين معرفش ليه و للاسف محدش عاوزها و معرفش مصيرها هايبقي ايه مع خال مش عارف يهتم اصلا بعياله ولا نفسه و علي الله حكايته، الخلاصه أن خريطه المجتمع اتلخبطت و الشرائح الاجتماعيه اتبهدلت و اصبح فيه مشاكل اجتماعيه لا حصر لها محتاجه وقفات واهتمام من كل الناس و خاصه الجمعيات المدنيه المعنيه بالطفل والمرأة.

ثانيا : الناس اللي بتخلف اطفال لازم تسال نفسها أولا هاتربوهم ازاي وهل فيه قدره علي رعايتهم ولا مفيش حرام تخلفوا عيال في الشوارع.

ثالثا : يا تري هاقابل البنت دي في أي اشاره مرور مع ست متسوله تشحت بيها أو تأجرها لحد.

رابعا : مش جديد لما نعرف أن الفقر أصبح كاتم علي نفوس الناس وأن الجهل كمان عشش في بيوت كتير و عقول اكتر.

خامسا : المصريين جدعان اوي و وقت الشده المليان بيكب في الفاضي، تمريض الرعايه عملوا احلي واجب واحتضنوا البنت لاخر يوم و كان ا بيعيطوا وهما بيدوها لخالها و خايفين عليها والمستشفى وفرت لها العلاج والتغذية لاخر دقيقه من غير اي مشاكل .
ربنا يسترها في اللي جاي و كل عام وانتم بخير .
معلش طولت عليكم 😔

د.هشام علي
أستاذ طب الأطفال في جامعة الأزهر

مضيعة للفلوس و إرهاق مادي
تحاليل معملية (مخبرية) ليس لها أهمية طبية

١- تحليل مقاومة الإنسولين👇
ليس له أهمية طببة إكلينيكية مطلقاً

٢- تحليل الميكروب السبحي👇
ليس له أهمية في عدم وجود أعراض الحمى الروماتيزمية

٣- تحليل ڤيدال المستخدم لحمى التيفود👇
ليس له أهمية طبية معتبرة

٤- تحليل الدم لمضادات جرثومة المعدة👇
لا يفرق بين وجود الجرثومة في الوقت الحالي و عدم وجودها

٥- تحليل T3 و تحليل T4 لمرضى متابعة خمول الغدة الدرقية
ليس له أي أهمية مطلقاً لأن المتابعة ب TSH وفقط

د. أحمد زناته

ربنا مش هيديك حمل تقيل إلا لما يديك كتف يشيل
وحتى في الابتلاء هيديك على قدر تحملك وصبرك
واستعانتك بيه اطمّن "لَا يُكَلِّفُ اللَّهُ نَفْسًا إِلَّا وُسْعَهَا"

واحدة من اهم تحديات الطبيب في التعامل مع المريض و اهله و خاصة في الحالات الحرجة هيا كسب ثقة المريض ( إذا كان واعي ) و كسب ثقة أهله .. فإليك بعض النصايح اللي ارجو انها تفيد في الوصول لكده

- كلم أهل المريض بصوت واضح و هادي و دايما ت maintain eye contact و انت بتكلمهم .

- لازم تديهم مساحة انك تسمعهم اذا كان ليهم اسأله . بل لازم لما تيجي تخلص كلامك معاهم . تسالهم اذا كان فيه اي حاجه مش واضحه و عايزين يسألو عليها.

- كل ما تديهم مساحة للأسئله و كل ما ترد علي الاسئلة بشكل منطقي . ده بيزود الثقه بشكل كبير

- الكلام المفروض يكون فيه جانب انساني . فالكلام و الاخبار الصعبة المفروض تتقال بصوت واضح و فيه تأثر . احتراما لنقل الخبر الصعب اللي ممكن يكون نقطة تغيير لحياتهم كلهم .

- اذا حصل للمريض اي تطورات اثناء تواجده بالرعاية فالمفروض الحرص علي تبليغ الاهل بالتطورات بدون تاخير .

- دايما المفروض تعرف مدي فهم اهل المريض عن طبيعة حالة المريض قبل ما تبدأ تكلم معاهم . فده هايديك الفرصة للايضاح و ازالة اي سوء فهم لحالة المريض .
dr nabih mokhtar

الفترة اللي فاتت كانت تقيلة جداً عليا شوف مرضي فعلا تعبانين قوي ومضاعفات كتير من القسطرة والدعامات وجراحة القلب المفتوح. وده طبيعي يحصل، خصوصًا إن عدد الحالات اللي بنعملها كبير، وكمان كتير منها عالي الخطورة. والمضاعفات دي بتحصل مع أي دكتور مهما كانت خبرته ومهما كان اسمه كبير وبيشتغل في اماكن ودول متقدمة في أوروبا وأمريكا.

الحقيقة اللي ناس كتير مش واخدة بالها منها إن الطب عمره ما كان ولا هيبقى بوستات نجاح على فيسبوك. مفيش دكتور بيطلع ينشر مضاعفاته على السوشيال ميديا. الحاجات دي مكانها الطبيعي المجالس العلمية، المناقشات الطبية، والتعلم منها علشان نحسن مستوانا ونقلل المضاعفات في المستقبل.

بوستات النجاح حلوة مفيش كلام وبتدي أمل وحماس للشباب، بس لازم نبقى فاهمين إنها مش مقياس حقيقي لا للخدمة الطبية ولا لشطارة دكتور بشكل عالم. فيامريض بلاش تنخدع وتطلب ضمان ١٠٠٪؜ علي نتيجة اي تدخل جراحي او قسطرة علشان حضرتك متأثر بالسوشيال ميديا، وياطالب طب او طبيب لسه في بداية حياته اوعي تتعقد وتنبهر اوي لما تشوف مشاهير الطب في مصر وفي اي حته تانية في العالم بينشروا نجاحتهم كل يوم وتسأل نفسك هما ازاي جامدين اوي كده وهل حبقي زيهم في يوم من الايام؟

الطب أعمق وأقسى بكتير من صورة حلوة أو بوست عن نجاح عملية، مش بس ده ممكن فعلا العملية تنجح ويحصل مضاعفات بعديها بكام يوم فتقييم الطبيب الحقيقي بيبقي تقييم تراكمي عن نسبة نجاحة ونسبة مضاعفاته ودي بتبقي متسجلة في قواعد بيانات المستشفيات المحترمة طبقا لقانون كل دولة وبيقي عليها رقابة وتقييم من ادارة المستشفي، غير كده السوشيال ميديا في نجاح العمليات فكتير اوي من الأوقات بروباجندا علي الفاضي

د. محمود خيرى

تحاليل طبية لازم يمر ٢ - ٣ شهور عشان يبقى النتيجة مظبوطة و لو اتعملت قبل المدة دي يبقى النتائج غير دقيقة.

1️⃣- تحليل السكر التراكمي HbA1c في متابعة مرضى السكر لازم يمر من ٢-٣ شهور من بداية العلاج أو تظبيط الجرعات، و التحليل قبل ما تعدي المدة دي غلط.

2️⃣- تحليل ال TSH في متابعة خمول الغدة الدرقية لازم يمر شهرين من بداية العلاج أو تعديل الجرعات، أما التحليل في مدة أقل من دي غلط.

3️⃣- تحليل الأنيميا بعد العلاج بحقن الحديد لازم يمر ٢ - ٣ شهور من العلاج و التحليل قبل المدة دي غلط.

4️⃣- تحليل الكوليسترول الضار LDL لازم يمر ٢-٣ شهور من بداية العلاج أو تعديل الجرعات، أما التحليل في مدة أقل من دي غلط.

د. أحمد زناته

مريض بعتلي اشعات علي الواتس ياخد رأيي فيها "عادي و بتحصل كل يوم مليون مرة"
و اصلا انا معرفوش...حد يعرفني بعتله رقمي
"الله يسامح الحد دا"

بلغته ان في شك ف شرخ ف جزء معين ف المفصل و يفضل يعمل مقطعية

ف قالي ان دا بالظبط اللي قالوه برضو ف مستشفي عسكري... اللي هو قرر يتعالج فيها

قولتله تمام هما صح وتسلم ايديهم
واعمل بقي المقطعية وتابع معاهم زي ما قالولك

(كل دا ع الواتس و مكالمات علي مدار يومين.. ومكشفتش عليه ولا كشف)
و دا عادي برضو ف البلد دي و مابقتش استغربه

بعد يومين لاقيته باعتلي المقطعية ع الواتس برضو و كنت داخل عمليات
فضل يرن يرن يرن وانا ف عمليات عيانيني بقي
ف للاسف ماعرفتش ارد

بعد ماخلصت لاقيت حد يعرفني من طرفه بيكلمني يعاتبني!!
بيقولي كدا يا دكتور فلان يحتاجك و يبعتلك الاشعات و ماتردش عليه!!

يا جدعان مين علمكم الاستحقاقية دي ف الدكاترة؟؟؟
مين فهمكم ان انا ChatGpt تبعتلي الاشعات اطلعلك التشخيص؟

انا مش عايزك تيجي تكشف عندي بامانة ولا تدفع كشف
ولو حاجة هقدر اشخصها ع النت مش هتأخر عليك واظني برد علي أي حد و رديت عليك انت شخصيا وانا معرفكش

لكن تفتكر ان دا حقك وانك اشترتني بقي
وانك مدام رنيت عليا ف انا هسيب اللي ف ايدي واجري ارد عليك عشان انا عبد عند حضرتك!!!

يبقي انت محتاج تعمل اشعة مقطعية علي رجل ابنك
واشعة رنين علي مخك بصراحة لأني مش قادر افهم دماغك بجد بتفكر ازاي!!

Farid Gamal

إستدعيت فى المستشفى لألقي نظرة على طفل صغير لم يتجاوز الرابعة عشرة من عمره ، دخل فى يومه الثاني من ارتفاع مستمر لدرجة الحرارة مع ألم بالبطن

كانت الشكوى الرئيسية للطفل التى أتت به إلى المستشفى ألما عابرا بالأذن ، لم يشك منه من قبل ، لكن ألم البطن بدأ حديثا ، بدأت فحص الطفل الذي لم يحسن أن يعطي أية معلومات قد تكشف عن علة أو سبب ، كان بمرافقته أخوه الأكبر ذو السبعة عشر عاما الذي كان هو المرافق الوحيد له

أنت تتعامل مع طفلين حرفيا ، لا يحسن أيهما قولا ولا يكاد يبين .. غير أنهما بديا كصديقين مقربين يحمل أحدهما هم الآخر ، وقد صدق حدسي فيما بعد ، كانت الآلام فى بطن الطفل مبرحة تشي بعلة خطيرة ، فى الغالب يصاب الأطفال بانفجار الزائدة الدودية بشكل أسرع من الكبار ، البطن تبدو كصخرة صماء من شدة الألم ، هذا يستوجب استكشافا جراحيا للبطن
لا تدري كيف تخبر طفلين لا مرافق لهما بخبر كهذا ، بات عليهما أن يعلما أن ألم الأذن البسيط تطور إلى استكشاف جراحي مع نسبة من الخطورة ليست هينة ، واحدة من شروط الحصول على إقرار طبي جراحي أن يكون المريض ومرافقوه على قدر من الوعي يمكنهم من موازنة الأضرار والمنافع المتوقعة من الجراحة ومن ثم الموافقة ، لكن بدا لى الطفلان غير قادرين على اتخاذ هذا القرار الذي لا بد أن يتم تنفيذه في الصباح الباكر

كانت الساعة الثانية عشرة بعد منتصف الليل ، وتم أخذ القرار الجراحي بالاستكشاف فى الصباح الباكر بعد أن اكتملت الفحوصات والتحاليل اللازمة ، غير أن شيئا ما دفعني نحو محاولة عمل أشعة مقطعية على البطن ، ليس هناك مسوغ لهذا ، البطن فى أشد درجات الألم والتحجر ، كرات الدم البيضاء مرتفعة بدرجة كبيرة ، التشخيص التهاب بريتوني يستوجب استكشافا جراحيا ، ما فائدة الأشعة المقطعية إذن ؟ لا أعرف ، ظل هذا الدافع يدفعني حتى منعني عن النوم بعد منتصف الليل ، نزلت من غرفتي بسكن المستشفى ، وأيقظت الفنيين المنوط بهم عمل الأشعة واستدعيت الطفل يقودني حدس لا أعرف سببه
أعرف جيدا أن الطفل في حالة ألم ، وأن الألم شديد ، وأنه قد خلد إلى النوم ، لكني أعرف كذلك أن موعد الجراحة فى الثامنة من صباح الغد ، وأن الساعة الآن تشير إلى الواحدة بعد منتصف الليل .. هذا هو الموعد الأخير لإجراء الفحص المقطعي قبل الجراحة

نزل الولد برفقة أخيه وقد عاوده الألم بعد أن حاول استراق النوم قبل جراحة الغد ، استلقى على جهاز المقطعية وبدأ الفحص ، بعد عشرة دقائق ربما حصلت على نسخة مطبوعة من الأشعة المقطعية لأنظر فيها وأفاجأ بمشهد لم أر مثله من قبل !!
لقد كانت البطن بأكملها عبارة عن ورم سرطاني كبير التهم كل أجزاء البطن خلف الغشاء البريتوني ، كان الورم يحيط بالشريان الاورطي والوريد الأجوف السفلي وشرايين وأوردة الكلى ، كأن ثعبانا ضخما ابتلع كل مكونات بطنه !!
بات الولدان ليلتهما دون أن يعلما شيئا ، وفي الصباح عرضت أفلام الأشعة على هيئة الجراحة ليتم إلغاء عملية الاستكشاف وأخذ واحد من أسوأ قرارات الجراحة التي نتخذها فى مثل هذه الحالات ، كان القرار
let the patient die in peace , not in pieces !!
دع الطفل يموت بسلام ، لا ترسله إلى الموت مقطعا !!

أكثر قرار أكرهه فى الطب ، حين ترى الورم قد انتشر ونفدت حيلك كطبيب وبات الاستسلام للقدر هو الخيار الوحيد ، تم تحويل الطفل إلى مستشفى سرطان الأطفال بعد أن تم أخذ عينة بإبرة جراحية موجهة بالاشعة وتحليلها لتكشف عن نوع شديد الفتك من سرطانات الغدد اللمفاوية ، أخذ الأخ أخاه وانصرفا انقطعت أخبارهما خمسة أيام ثم عاد الأخ الأكبر يطلب نسخة من الأشعة المقطعية ، تعجبت من أنه قطع كل هذه المسافة من محافظة إلى أخرى للحصول على نسخة من الأشعة المقطعية ، كان بإمكانهم إجراء واحدة أخرى هناك ، لكنه أخبرني أن أخاه بات ينازع الموت ، وأنه يخضع الآن للتنفس الصناعي وأن تحريكه من أجل اجراء اشعة مقطعية أخرى هو استعجال للموت الذي بات محتوما !!
تتأمل كم الألم والأسى والدروس فى هذه المأساة فتصيبك الدهشة ، قبس من رحمة الله بالطفل ليخفف عنه بعض ألمه بحدس عاودني بعد منتصف الليل لأتبعه دون سبب مقنع فيغير كل شئ رأسا على عقب ، أخ أكبر يحمل رفيقه ويدور به فى مأساة تشيب لها الرؤوس ثم يفقده شيئا فشيئا فلا أراه إلا دامع العين غير أنه كالجبل لا ينهار ولا يستسلم

علمت بعد أيام أن الطفل أسلم روحه إلى بارئها

د/ محمد رفعت

"sensitive" does not mean effective
حالة رقم ٢ حكاية ال
"AmpC gene"

💢مريضة عندها ٥٥ سنة
جاية المستشفى بتشتكي من
Fever-sore throat- productive coug

التشخيص المحتمل:
Mild Community acquired pneumonia

عملنا sputum culture طلعت
Gram negative cocobacilli " Acinetobacter baumannii"

Ceftriaxone sensitive ✅
Meropenem sensitive ✅
Cefepime sensitive ✅

بدأت ceftriaxone
بعد يومين الاعراض مكملة والحالة بتسوء ودخلت المريضة ف bacteremia

عدنا المزرعة طلعت
👉Organism: Acinetobacter baumannii

👉Sensitivity report:

Ceftriaxone resistant ❌!!!!!
Cefepime → Sensitive✅
Meropenem → Sensitive✅
--------------------------------
ببساطة فيه عندي كذا microorganisms لازم تخلي بالك منهم اووي
اللي هما
٣ منهم بيبدئوا بحرف ال P
Indole positive Proteus
Pseudomonas
Providenica

و ٣ منهم اخرهم bacter
Acinetobacter
Enterobacter
Citrobacter

وواحدة بحرف ال S
Serratia
ممكن نجمعهم كلهم ف كلمة
SPACE

💢اي بقي اللي بيميز ال SPACE oraganisms دي؟

اللي بيميزها ان ربنا خلقها ف ال genome بتاعها عندها gene اسمه AmpC gene

👈ركز معيا ببساطة فيه عالم اسمه ambler حط classification اسمه
Ambler classification
بس خلي بالك ان كلمة ambler بتكتب ambler ✅مش ampler ❌عشان متفتكرش ان AmpC اول ٣ حروف منها جايين من اسم العالم عشان ده مش صح

المهم ambler قسم ال beta lactamases ل 4classes:
علي حسب ال amino acid sequence و ال structure بتاع ال active site بتاعهم

Class A
Class B
Class C
Class D
كل class ال active site بتاع ال beta lactamase مختلف غير انه انواع البكتيريا اللي مسؤولة عن انتاج ال enzymes دي ف كل class بتختلف
وكل class بيكسر antibiotics مختلفة عن ال class التاني

كلمة AmpC دي جاية من
Ampicillin-hydrolyzing, class C Beta-Lactamase

ال lactamase اللي بيطلع ده عنده القدرة انه يكسر الآتي
Penicillins
1st-3rd generation cephalosporins (Ceftriaxone)
Cephamycins (Cefoxitin)

💢طب ما ال Ceftriaxone طلع sensitive ف المزرعة ف الاول عادي!
مهي دي الفكرة ان ال AmpC gene ف البكتيريا دي بيبقي inducible
يعني in Vitro الانزيم بيطلع بكمية قليلة اوي ف المعمل وبالتالي ممكن المزرعة تطلعه sensitive عادي ولما البكتيريا in vivo جوة الجسم بتتعرض ل stress من المضاد بيحصل expression لل gene وبيطلع الانزيم بكمية كبيرة وبالتالي treatment failure حصل
Rapid on-therapy resistance
---------------------------------
💢الحل؟
ال golden Standard ف حالات ال SPACE organisms هو ال Carbapenems زي ال meropenem وال imipenem خصوصا ف الحالات ال severe

ال Cefepime برضو فعال طالما طالع ف المزرعة
وال quinolones زي ال Levofloxacin مثلا
---------------------------------
💢طيب سؤال هو مش ده beta lactamase
طب ما نضيف beta lactamase inhibitors زي ال clavulanic acid مثلا؟

= مش شغال عليه، فعال ضد class A بس😁
--------------------------------

د.آيه ياسر عبدالعليم

NOW 😱

3 ايام علاج حموضه ومهضم دون فائده 55 سنه مدخن

د/ أحمد عبدالحافظ