سمعت مصطفى حسني بيقول جملة حلوة أوي:
"حتى لو كنت خدت قرار مختلف،
كان القدر بردو هيوصل لك" ..

ساعات بتقول لنفسك لو مكنتش عملت كذا، مكنش حصل كده! وتتعب نفسك وتلومها عشان قدَر كان هيحصلك سواء عملت اللي عملته أو لأ..

عارف يعني ايه ( إِنَّا كُلَّ شَيْءٍ خَلَقْنَاهُ بِقَدَرٍ )
يعني حياتك مش صدفة، رزقك مش صدفة، معاد وفاتك مكتوب مهما كان مكانك فين، خلي عندك يقين إن كل حاجة بتفاصيلها في حياتك دي أحسن حاجة ليك حتى لو انت مش عارف تشوف دا بعينك! اطمّن لأقدار ربنا وردد دايمًا
"قدّر الله وما شاء فعل"
لأن أقدار ربنا كلها حكمة ورحمة..
نفر من قدر الله إلى قدر الله.

لو حد Diabetic وماشي ع حاجة من مجموعة ال
Sulphonylurea
تجارياً زي :-
Amaryl , Glucoryl , Glimet , Doanil , Diamicron , Diavance , Glucovance ....etc
لو احتاج ف يوم Antibiotic , من الأفضل إنك تحاول تجنب معاه استخدام مجموعة ال Sulpha زي :-
Sutrim , Septrin , Sepatzole ...etc
لإن جرعة ال Sulphonylurea لما بتوصل الدم جزء منها بيرتبط بالألبيومين ، وجزء منها بيكون Free
وبالتالي لو اديت أي مادة تانية بترتبط بنفس المكان اللي بتترتبط بيه ال Sulphonylurea , هتزيح ال
Sulphonylurea
من مكانها ، فيزيد الجزء ال Free
It increases levels of sulphonylurea by plasma protein binding competition 👌
وبالتالي ممكن يدخل المريض ف Hypoglycemia
خلاصة البوست :-
Sulpha (e.g Sutrim ) ✖️ Sulpha (Antidiabetics)
------------------------------------------------------------------------
Dr Ibrahim Mekawy

من جدليات العيادة ..

بنت في العشرينات وما حولها

يا دكتور ، انا بنهج وضربات قلبي سريعة وبيجيلي وجع في صدري

الايكو كويس ، الرئتين كويسين ..

دي اعراض انيميا !!

لا يا دكتور انا معنديش انيميا ، انا بعمل صورة دم ع طول والدكتور بيقولي كويسة

هيموجلوبينك كام ؟!

حلو جدا .. ١١ 🤷‍♂️

اولا ١١ مش حلو .

١١ في انيميا موجودة

لازم رقم الهيموجلوبين في البنات ، يكون فوق ١٢.٥

حتى لو الهيموجلوبين ١٢.٥

مخزون الحديد بيكون قليل ، وده يعمل نفس اعراض الانيميا ..

من ضربات قلب سريعة ونهجان وتعب ..

فلازم نخلي رقم الهيموجلوبين فوق ١٢.٥ على الأقل ، ومخزون الحديد فوق ١٠٠ على الاقل ،

عشان الاعراض تبدأ تقل ، وتختفي

بس كدا 🤷‍♂️

د.محمد إمام

Causes_of_LV_hypertrophy :

*Hypertension..the most common
*Aortic stenosis
*Hocom
*Arrythmias
*Excessive athletic training
*Amyloidosis

Dr yahya AlThamary

الفترة الأخيرة وأنا شغال في المستشفى، بشوف حالات كتير جدًا محتاجة سرير رعاية…
وللأسف مفيش أماكن.
وصل الموضوع إنّي شفت أكتر من حالة توفّت في الاستقبال بسبب الانتظار.
مش علشان المرض أخطر، لكن علشان مفيش سرير فاضي.
حاسس إن لازم يكون لينا دور كدكاترة،
وإن التعاون بينا ممكن يفرق فعلًا.
ليه كل دفعة ما تجتمعش مع بعض وتحاول توفّر سريرين أو تلاتة رعاية في المستشفى التابعة ليهم؟
دفعتنا مثلًا هتعمل حفلة تخرج،
وتكلفتها في حدود اتنين مليون جنيه في يوم واحد.
أنا عارف إن اليوم ده حلم عند ناس كتير،
وأنا مقدّر الإحساس ده جدًا.
بس في نفس الوقت،
بتمنى نفكّر:
هل في حاجة أهم؟
هل الفلوس دي ممكن تروح لحاجة “صح” تعيش وتكمل،
وتنقذ أرواح بدل ما تخلص في ساعات؟
يمكن مش كلنا نقدر نغيّر الواقع،
بس على الأقل نحاول…
ويمكن المحاولة دي تفرق في حياة حد.

✅ ليه اختاروا HbA1c = 6.5% كبداية تشخيص لمرض السكّر؟

السبب الأساسي والأقوى علميًا:

⭐ لأن الدراسات الضخمة لقت إن أول علامة “مؤكدة” لمضاعفات السكّر—خصوصًا اعتلال شبكية العين (Diabetic Retinopathy)—تبدأ بالظهور عند رقم 6.5% أو أعلى.

وده مش كلام نظري… ده مبني على دراسات آلاف المرضى.

📌 تفصيل مهمة:
1) الدراسات رسمت منحنى العلاقة بين A1C وخطر اعتلال الشبكية

ولقوا حاجتين مهمين:

✔ أول ارتفاع واضح في نسبة الناس اللي عندهم Retinopathy كان عند حدود 6.5%

مش 6.3
مش 6.4
بداية الطلعة الحقيقية كانت عند 6.5%.

✔ عشان كده قالوا:

"ده الحدّ اللي بعده الخطر يبقى مرض حقيقي، مش مجرد عوامل خطر."

2) الهدف كان اختيار رقم “يكتشف المرض” بدون ما يشخص ناس غلط

A1C لو نزلوا الحدّ لـ 6.0 أو 6.2 مثلاً:
→ هيدخل ناس كتير مش مرضى “سكر” أساسًا.

ولو رفعوه لـ 7.0:
→ هيفوتوا ناس عندهم فعلاً بداية مرض.

فـ 6.5% كان الرقم اللي بيدي أفضل توازن بين:

Sensitivity

Specificity

Predictive value

3) 6.5% يعكس متوسط سكر ~140 mg/dL على مدى 3 شهور

وده مستوى عالي كفاية إنه يسبب microvascular damage.

4) نفس الرقم اتأكد في 3 مجموعات مختلفة:

الـ ADA

الـ WHO

الـ International Diabetes Federation

كلهم لقوا نفس النقطة الحرجة (threshold) حوالين 6.5%.

🎯 الخلاصة الذهبية:
✔ اختاروا HbA1c = 6.5% لأن ده أول مستوى يبدأ يظهر فيه “ضرر حقيقي” في الشبكية.
✔ قبل 6.5% → المخاطر قليلة جدًا.
✔ بعد 6.5% → المخاطر تزيد بشكل واضح وملحوظ إحصائيًا.

Nasser Ibraheem

هتاخد حاجه هتسيب قصادها حاجه،
هتاخد الكارير هتسيب الـ Social life،
هتاخد المناسب هتسيب اللي بتحبه،
هتاخد الـ Risk هتسيب المضمون،
بس خليك جدع ومتبصش ع الحاجه اللي سيبتها،
انت سيبتها عشان تكسب حاجه تانيه أهم، ع الاقل بالنسبالك
،، كل واحد لعبته متفصله عليه بالمللي

Dr hesham wageh

حصل معايا نفس الموقف وانا فى راوند الباطنة فى واحد عنده bronchial asthma
فبيجى المستشفى دايما يعمل جلسات فكنت أنا اللى بكشف عليها وأعمل ليه الجلسات
فجيت بعد كدا وأنا فى راوند الجراحه
لاقيته بيبصلى كدا وبيقولى مش هتكشف عليا يا دكتور
قولتله للأسف يا حاج أنا جراحه
مش باطنه
لاقيته بيقولى يعنى كنت بتكشف عليا غلط كل المرات اللى فاتت دى 😂

حضرت مؤتمر عن السكر والسمنة…
المحاضرات: "تجنب الدهون والسكريات".
البوفيه: "تعال نبدأ بالجاتوه ونختم بالكنافة".

د. أحمد عبدالحافظ

دايما ماتنساش كلمة " ليه" و انت بتراجع المريض بتاعك ..
- ليه المريض جاي ب DKA.
- ليه المريض حصله pulmonary oedema .
- ليه المريض ال chronic liver disease قرر ييجي ب decompansation النهاردة .
- ليه و ليه و ليه
و الامثلة كتير .. بس المهم انك دايما تسألها مش مجرد تعالج الشئ الظاهري ..
كل كلمة " ليه" معناها investigations هاتتعمل و management هايزيد ..

dr nabih mokhtar

أقوى طريقة لتقوية الذاكرة القصيرة والطويلة المدى
ثلاث حاجات أساسية: نوم كويس + استرجاع نشط + مراجعة متباعدة

1️⃣ النوم (الأهم على الإطلاق)
أثناء النوم العميق:
المخ ينقل المعلومة من الذاكرة المؤقتة (hippocampus)
إلى الذاكرة الدائمة (cortex)
المشابك العصبية بتتقوى (Long-term potentiation)
من غير نوم:
المعلومة تفضل قصيرة المدى وتضيع
📌 عشان كده السهر يبوظ الحفظ مهما ذاكرنا

2️⃣ الاسترجاع النشط (مش قراءة)
إنك تحاول تفتكر المعلومة من دماغك من غير ما تبص
ده يجبر المخ:
يعيد تشغيل نفس الدوائر العصبية
فيقويها
أقوى بكتير من إنك تقرأ أو تسمع بس
📌 الامتحان أحسن معلم

3️⃣ المراجعة المتباعدة
ترجع للمعلومة بعد:
ساعات → أيام → أسبوع → شهر
ده يمنع المخ من مسح المسار العصبي
يحول الحفظ من مؤقت إلى دائم
📌 مراجعة واحدة بعد فترة = أقوى من 10 مرات في نفس اليوم

حاجات تزود قوة الذاكرة:
رياضة خفيفة → تزود BDNF → تشبيك عصبي جديد
شرح المعلومة لغيرك → تثبيت عميق
ربط المعلومة بقصة أو مثال → أكتر من طريق للوصول لها

الخلاصة في جملة:
نام كويس، افتكر مش تقرأ، وراجع على فترات…
مخك هيشتغل لصالحك

Dr Omar rashwan

عجائب المستشفى 🤗
دكتور الأطفال من 3 شهور قاعد في استقبال المستشفى تدخل عليه طفله عندها 4 شهور في حاله سيئه جدا التهاب رئوي ونقص اكسجين و نهجان مع سوء تغذيه وتورم من نقص البروتين في الدم و لازم تتحجز في الرعايه والحمد لله كان وقتها فيه مكان في الرعايه و تم حجزها ✍️و يبدأ الدكتور يكتب العلاج و يحط الأكسجين و تمام كده.🥰
و تتحسن البنت الحمد لله و تبدأ تاخد تغذيه بالفم وندور علي أهلها للاسف مفيش ، و يطلع اللي جابها مش ابوها وان أهلها مش معروفين ونبلغ اداره المستشفى و الشرطه تدور علي اهلها لغايه ما تلاقيهم بعد 3 شهور من استضافه الطفله وتمريض الرعايه يبدأ يتعامل معاها علي انها بنتهم و يلعبوا معها و يجيبوا لها لبس جديد،
الحمد لله الشرطه تلاقي خال البنت وتقبض عليه و تجيبه يستلم البنت.
لحد كده ممكن تقول مش جديد الكلام ده بس انا عندي حبه خواطر كده🤔 .

اولا : البنت طلع ابوها وامها محبوسين معرفش ليه و للاسف محدش عاوزها و معرفش مصيرها هايبقي ايه مع خال مش عارف يهتم اصلا بعياله ولا نفسه و علي الله حكايته، الخلاصه أن خريطه المجتمع اتلخبطت و الشرائح الاجتماعيه اتبهدلت و اصبح فيه مشاكل اجتماعيه لا حصر لها محتاجه وقفات واهتمام من كل الناس و خاصه الجمعيات المدنيه المعنيه بالطفل والمرأة.

ثانيا : الناس اللي بتخلف اطفال لازم تسال نفسها أولا هاتربوهم ازاي وهل فيه قدره علي رعايتهم ولا مفيش حرام تخلفوا عيال في الشوارع.

ثالثا : يا تري هاقابل البنت دي في أي اشاره مرور مع ست متسوله تشحت بيها أو تأجرها لحد.

رابعا : مش جديد لما نعرف أن الفقر أصبح كاتم علي نفوس الناس وأن الجهل كمان عشش في بيوت كتير و عقول اكتر.

خامسا : المصريين جدعان اوي و وقت الشده المليان بيكب في الفاضي، تمريض الرعايه عملوا احلي واجب واحتضنوا البنت لاخر يوم و كان ا بيعيطوا وهما بيدوها لخالها و خايفين عليها والمستشفى وفرت لها العلاج والتغذية لاخر دقيقه من غير اي مشاكل .
ربنا يسترها في اللي جاي و كل عام وانتم بخير .
معلش طولت عليكم 😔

د.هشام علي
أستاذ طب الأطفال في جامعة الأزهر

مضيعة للفلوس و إرهاق مادي
تحاليل معملية (مخبرية) ليس لها أهمية طبية

١- تحليل مقاومة الإنسولين👇
ليس له أهمية طببة إكلينيكية مطلقاً

٢- تحليل الميكروب السبحي👇
ليس له أهمية في عدم وجود أعراض الحمى الروماتيزمية

٣- تحليل ڤيدال المستخدم لحمى التيفود👇
ليس له أهمية طبية معتبرة

٤- تحليل الدم لمضادات جرثومة المعدة👇
لا يفرق بين وجود الجرثومة في الوقت الحالي و عدم وجودها

٥- تحليل T3 و تحليل T4 لمرضى متابعة خمول الغدة الدرقية
ليس له أي أهمية مطلقاً لأن المتابعة ب TSH وفقط

د. أحمد زناته

ربنا مش هيديك حمل تقيل إلا لما يديك كتف يشيل
وحتى في الابتلاء هيديك على قدر تحملك وصبرك
واستعانتك بيه اطمّن "لَا يُكَلِّفُ اللَّهُ نَفْسًا إِلَّا وُسْعَهَا"

واحدة من اهم تحديات الطبيب في التعامل مع المريض و اهله و خاصة في الحالات الحرجة هيا كسب ثقة المريض ( إذا كان واعي ) و كسب ثقة أهله .. فإليك بعض النصايح اللي ارجو انها تفيد في الوصول لكده

- كلم أهل المريض بصوت واضح و هادي و دايما ت maintain eye contact و انت بتكلمهم .

- لازم تديهم مساحة انك تسمعهم اذا كان ليهم اسأله . بل لازم لما تيجي تخلص كلامك معاهم . تسالهم اذا كان فيه اي حاجه مش واضحه و عايزين يسألو عليها.

- كل ما تديهم مساحة للأسئله و كل ما ترد علي الاسئلة بشكل منطقي . ده بيزود الثقه بشكل كبير

- الكلام المفروض يكون فيه جانب انساني . فالكلام و الاخبار الصعبة المفروض تتقال بصوت واضح و فيه تأثر . احتراما لنقل الخبر الصعب اللي ممكن يكون نقطة تغيير لحياتهم كلهم .

- اذا حصل للمريض اي تطورات اثناء تواجده بالرعاية فالمفروض الحرص علي تبليغ الاهل بالتطورات بدون تاخير .

- دايما المفروض تعرف مدي فهم اهل المريض عن طبيعة حالة المريض قبل ما تبدأ تكلم معاهم . فده هايديك الفرصة للايضاح و ازالة اي سوء فهم لحالة المريض .
dr nabih mokhtar

الفترة اللي فاتت كانت تقيلة جداً عليا شوف مرضي فعلا تعبانين قوي ومضاعفات كتير من القسطرة والدعامات وجراحة القلب المفتوح. وده طبيعي يحصل، خصوصًا إن عدد الحالات اللي بنعملها كبير، وكمان كتير منها عالي الخطورة. والمضاعفات دي بتحصل مع أي دكتور مهما كانت خبرته ومهما كان اسمه كبير وبيشتغل في اماكن ودول متقدمة في أوروبا وأمريكا.

الحقيقة اللي ناس كتير مش واخدة بالها منها إن الطب عمره ما كان ولا هيبقى بوستات نجاح على فيسبوك. مفيش دكتور بيطلع ينشر مضاعفاته على السوشيال ميديا. الحاجات دي مكانها الطبيعي المجالس العلمية، المناقشات الطبية، والتعلم منها علشان نحسن مستوانا ونقلل المضاعفات في المستقبل.

بوستات النجاح حلوة مفيش كلام وبتدي أمل وحماس للشباب، بس لازم نبقى فاهمين إنها مش مقياس حقيقي لا للخدمة الطبية ولا لشطارة دكتور بشكل عالم. فيامريض بلاش تنخدع وتطلب ضمان ١٠٠٪؜ علي نتيجة اي تدخل جراحي او قسطرة علشان حضرتك متأثر بالسوشيال ميديا، وياطالب طب او طبيب لسه في بداية حياته اوعي تتعقد وتنبهر اوي لما تشوف مشاهير الطب في مصر وفي اي حته تانية في العالم بينشروا نجاحتهم كل يوم وتسأل نفسك هما ازاي جامدين اوي كده وهل حبقي زيهم في يوم من الايام؟

الطب أعمق وأقسى بكتير من صورة حلوة أو بوست عن نجاح عملية، مش بس ده ممكن فعلا العملية تنجح ويحصل مضاعفات بعديها بكام يوم فتقييم الطبيب الحقيقي بيبقي تقييم تراكمي عن نسبة نجاحة ونسبة مضاعفاته ودي بتبقي متسجلة في قواعد بيانات المستشفيات المحترمة طبقا لقانون كل دولة وبيقي عليها رقابة وتقييم من ادارة المستشفي، غير كده السوشيال ميديا في نجاح العمليات فكتير اوي من الأوقات بروباجندا علي الفاضي

د. محمود خيرى

تحاليل طبية لازم يمر ٢ - ٣ شهور عشان يبقى النتيجة مظبوطة و لو اتعملت قبل المدة دي يبقى النتائج غير دقيقة.

1️⃣- تحليل السكر التراكمي HbA1c في متابعة مرضى السكر لازم يمر من ٢-٣ شهور من بداية العلاج أو تظبيط الجرعات، و التحليل قبل ما تعدي المدة دي غلط.

2️⃣- تحليل ال TSH في متابعة خمول الغدة الدرقية لازم يمر شهرين من بداية العلاج أو تعديل الجرعات، أما التحليل في مدة أقل من دي غلط.

3️⃣- تحليل الأنيميا بعد العلاج بحقن الحديد لازم يمر ٢ - ٣ شهور من العلاج و التحليل قبل المدة دي غلط.

4️⃣- تحليل الكوليسترول الضار LDL لازم يمر ٢-٣ شهور من بداية العلاج أو تعديل الجرعات، أما التحليل في مدة أقل من دي غلط.

د. أحمد زناته

مريض بعتلي اشعات علي الواتس ياخد رأيي فيها "عادي و بتحصل كل يوم مليون مرة"
و اصلا انا معرفوش...حد يعرفني بعتله رقمي
"الله يسامح الحد دا"

بلغته ان في شك ف شرخ ف جزء معين ف المفصل و يفضل يعمل مقطعية

ف قالي ان دا بالظبط اللي قالوه برضو ف مستشفي عسكري... اللي هو قرر يتعالج فيها

قولتله تمام هما صح وتسلم ايديهم
واعمل بقي المقطعية وتابع معاهم زي ما قالولك

(كل دا ع الواتس و مكالمات علي مدار يومين.. ومكشفتش عليه ولا كشف)
و دا عادي برضو ف البلد دي و مابقتش استغربه

بعد يومين لاقيته باعتلي المقطعية ع الواتس برضو و كنت داخل عمليات
فضل يرن يرن يرن وانا ف عمليات عيانيني بقي
ف للاسف ماعرفتش ارد

بعد ماخلصت لاقيت حد يعرفني من طرفه بيكلمني يعاتبني!!
بيقولي كدا يا دكتور فلان يحتاجك و يبعتلك الاشعات و ماتردش عليه!!

يا جدعان مين علمكم الاستحقاقية دي ف الدكاترة؟؟؟
مين فهمكم ان انا ChatGpt تبعتلي الاشعات اطلعلك التشخيص؟

انا مش عايزك تيجي تكشف عندي بامانة ولا تدفع كشف
ولو حاجة هقدر اشخصها ع النت مش هتأخر عليك واظني برد علي أي حد و رديت عليك انت شخصيا وانا معرفكش

لكن تفتكر ان دا حقك وانك اشترتني بقي
وانك مدام رنيت عليا ف انا هسيب اللي ف ايدي واجري ارد عليك عشان انا عبد عند حضرتك!!!

يبقي انت محتاج تعمل اشعة مقطعية علي رجل ابنك
واشعة رنين علي مخك بصراحة لأني مش قادر افهم دماغك بجد بتفكر ازاي!!

Farid Gamal