بمناسبة انتشار الألفاظ السيئة بين القريب والبعيد تحت مُسمَّى المزاح..

قال نبينا ﷺ:
"لا يستقيم إيمان عبد حتى يستقيم قلبه، ولا يستقيم قلبه حتى يستقيم لسانه".

احفظ لسانك.

"الحالة دي سايكك بس مش هنخسر اما نطمن عليها"

الساعة ٢ بالليل مستشفى باب الشعرية، دخل علينا شاب عربية خبطته ومش فاكر حاجة لكن الناس قالت له ان رجّع واتشنج بعد الخبطة وفقد الوعي،
المريض اتقاس له العلامات الحيوية وكلها طبيعية ودرجة الوعي ومفيش اي اعراض واحنا بنعمل فحص لاحظنا ان العيان مابيقفلش عينه نفسه مش عارفين نحدده تحسه واقف تكلم العيان مايردش عليك تشوف الجلاسكو ونقرصه برضه مايردش لكن كنت حاسس انه فيه حاجة مش مظبوطة سألت العيان اللي هو اصلا قطع كلام واعتبرناه dcl فيه حاجة مزعلاك؟! فيه حد تحب نكلمه ييجي لو احتاجنا حاجة؟ طبعا من المتوقع انه مايردش لانه  dcl لكن المفاجأة إن لقيت عنيه بتدمع شديت عليه الستارة وقولت له لو حاحة مزعلاك قول انا معاك لقيته قام باصص لي وقالي الدنيا جاية عليا اوي ولواحدي ماحدش هييجي ماحدش مهتم ماتسيبنيش وقعد يعيط، قولت له قوم بس كده استهدا بالله عشان اشوف بيتحرك ولا لا خليك واعي لقيته قام واتحرك وزي الفل هنا خدت قرار في نفسي إنه خلاص عيان سايكك ووارد الهستوري يكون خالقه لان مفيش اي اعراض عليه حاليا حتي لو الهستوري صحيح مش مفبرك، لكن لوهلة ما قولت طب هتخسر حاجة لو عملت ct واطمنت عليه؟! هو مش مواطن وليه حق في إنه يطمن؟! وهنا خدت قرار ان مامنعش العيان من انه يعمل ct brain حتي وانا عندي شبه يقين انها هتطلع نورمال لان العيان كلينيكال سليم جدا وهو سايكك فعلا
بعدها بنص ساعة شوفت ما لم يكن في الحسبان!!
تفتكروا الاشعة يطلع فيها حاجة؟!
كانت مفاجأة مدوية أما لقيت   contusion large m.p في ال lt hemisphere وبدء يضغط على ال rt ???? ساعتها قولت في سري الحمد لله كان زمان ذنبة  في رقبتي لو روحته بعدها قعدته تحت الملاحظة لحد ما النايب ييجي وعيني عليه لقيت ابتدا يظهر عليه
Upnormal changed behaviour
زي ينام علي السرير وينزل راسه وكتفه من علي السرير ويربط دماغه بحزام ونظراته تحسه في عالم تاني فده محتاج يتعمله burr hole decompression 
تخيل كام حالة بتمر علينا ونقول سايكك وبيبقى معاها  associated pathology تاني مميت لحياة المريض؟!

في مرة كنت بتكلم مع سيد من سادات اخصائين المخ والأعصاب الافاضل عن التعامل مع حالات السايكك اللي جاية بشكوى نيورو رد عليا بلاش اقول سايكك ويكفي ان ال stress اللي يعمل psychic هو نفسه ممكن يدخل في htn, af, ، mi, arrythmia و stroke؟!
فحذاري من كلمة سايكك اللي بقينا بنطلقها دون عمل الاجراءات والارشادات اللازمة وياما نبهنا عليه

د. محمود أبو الوفا

هام جدا 🚨
وده منشور للأطباء الزملاء أكثر منه العامه
وممكن يتفهم برضه بسهوله للعامه بإذن الله
هو ممكن دواء بخاخات موسّع الشعب الهوائية يسبب تدهور حالة مريض الربو الشعبي وقت الأزمة؟
“Asthma-related death”
اللي بيحصل إن الاستخدام الطويل للـ LABA (زي Formoterol أو Salmeterol) بيقلل عدد وحساسية مستقبلات بيتا في الشعب الهوائية:

> Long-term use of long-acting beta agonists reduces the number and sensitivity of beta receptors.

فلما تحصل نوبة الربو المفاجئة، ويحاول المريض يستخدم موسّع الشعب السريع (Short-acting beta agonist زي Salbutamol)،
تكون الاستجابة ضعيفة جدًا، وده ممكن يؤدي لتدهور الحالة — وربما الوفاة، لا قدر الله.

علشان كده، ماينفعش استخدام موسّعات الشعب طويلة المفعول كعلاج أحادي في الربو.
لازم تكون دايمًا مع كورتيزون استنشاقي (ICS).

الكورتيزون هنا له دور مهم جدًا:
بيرفع عدد وحساسية مستقبلات البيتا،
وبيقلل الالتهاب المزمن في الشعب الهوائية.

> Using a combination of long-acting beta agonists + inhaled corticosteroids increases the number and sensitivity of beta receptors, reduces airway inflammation, and decreases bronchial hyper-responsiveness.

إختصارًا:
العلاج المزدوج (ICS + LABA) هو الأسلوب الآمن والمثبت علميًا لعلاج الربو المزمن وتجنّب النوبات الحادة.

أمثلة على التركيبات دي:
Symbicort: Budesonide + Formoterol
Seretide: Fluticasone propionate + Salmeterol

Dr Tamer Elsayed

فيه مشكلة على جروب نسائي.. إن عروسة متجوزة من ٣ أسابيع.. راحت للدكتور فقالهم مبروك المدام حامل في شهر.. طبعًا جوزها بهدلها وبهدل أهلها و الجنين ده مش مني دي داخلة بيه!!!.. وعلى بال ما فهم- كانت هي خلاص قفلت تمامًا منه وعايزة تتطلق وأهلها خايفين من الفضايح عشان هتكون أتطلقت وهي ما كملتش 3 أسابيع!

البوست مش صادم ليا ولا حاجة من جهل جوزها لأن بعض من المسئولية تقع علينا إحنا الأطباء في تعليم الناس.

بس اللي كان مرعب حقيقي الكومنتات اللي كلها بتحكي عن عرايس اتطلقوا عشان عمر الحمل بيكون قبل تاريخ الجواز بأسبوع أو اتنين!! وناس اتفضحت وناس اتضربت وناس تانية اتقـ*ـتلت.. وده كله بسبب الجهل!

طريقة حساب الحمل

أول يوم من أخر بريود (الدورة الشهرية) جات للمدام هو ده بداية الحمل

يعني ممكن واحدة تتجوز في اليوم الـ ١٥ من البريود .. فيتم الإخصاب تاني أو تالت يوم جواز.. وتكتشف بعدها بأسبوعين مثلا إنها حامل.. أصبح عمر الحمل من وجهة نظر الطب شهر كامل رغم إنها متجوزة من أسبوعين بس!!...

دي معلومات المفروض نكون عارفينها تجنباً لمشاكل و خراب بيوت و المفروض الدكتور و هو بيقول عمر الحمل يبقى عارف كويس موعد الزواج امتى عشان العروسة ما تلبسش في الحيط لا مؤاخذة
في الغالب اللي بيغلط الغلطة دي أطباء حديثوا التخرج شوية و لما بتحصل معاهم مش بتتكرر تاني
بوست منقول و متعدل

د/ أحمد زناته
زميل كلية الأطباء الملكية بأيرلندا
الزمالة البريطانية في الغدد الصماء و السكر

مفيش طالب الا وبيسأل نفسه امتى هخلّص مذاكرة.
السؤال هوا هل المذاكرة بتخلص؟ والسؤال التاني بذاكر ليه؟
المذاكرة مش بتخلص لكن الغرض والطريقة هما اللي بيتغيروا.
النهارده بتذاكر عشان امتحان بعشرين درجة وبكرة بخمسين وبعده بخمسماية درجة وفي يوم هتذاكر عشان تترقى او هتذاكر عشان تسافر.
اللي بيقول ان المذاكرة بتخلص بيضحك عليكم.
ذاكر وخلي خطواتك صغيرة وماتبصش لبعيد
ذاكر وانت عينك على فرحتك دلوقت مش بعدين
ذاكر وانت فاهم ان كل حاجة بتتعلمها هتحتاجها في يوم مش بعيد
المذاكرة بإسمها الصحيح طلب العلم وطلب العلم حاجة كبيرة اوي للي بيخلص النية.
احنا مش بنبطل مذاكرة لكن بنغيّر الطريقة وبنغيّر الاسلوب وبنغيّر الهدف وبنوصل ان شاء الله

د حازم عبدالتواب

رسالة الي زملائي من الأطباء

قياس السكر العشوائي مع العلامات الحيوية ضرورة لأي عيان جاي الطوارئ

لان كثير جدا نلاقي الناس تغفل عن قياس السكر العشوائي لحالات الطوارئ

👈شاهد بسيط ومتكرر

جايلي عيان الطوارئ فاقد الوعي تماما  ، جاي بعد ما أهل العيان  لفوا على اكثر من مستشفى وحولوه الجامعة ، وراح الجامعة  وكان في اللفه دي كلها  انطلب منهم عمل كل الفحوصات والآشعة الي تخطر على بالك معامل كاملة وغازات دم وآشعة مقطعية على المخ ورنين على المخ  ومحدش كلف خاطره بس يقيسله السكر العشوائي 

المهم العيان جالي الطوارى  وأول حاجة بعد فحص المريض والاطمئنان على العلامات الحيوية ،  قستله السكر العشوائي وبالفعل طلع  30 " منخفض جدا "
وعلى الفور تم إعطاء المريض جلوكوز وريدي

وخلال دقيقتين اثنين كان الراجل فايق بشكل كامل  وقام عايز يتمشى في الطوارئ ، في اللحظة دي كان اهل المريض ساجدين على الأرض شكر لله ، بعد ما كل السيناريوهات السيئة والتشخيصات المحتمل الي اتقالت ليهم في الاماكن الي راحوها .

👈علشان كدة اوعى تغفل عن السكر العشوائي لأي مريض في الطوارئ خصوصاً لو المريض فاقد ل الوعي .

د أحمد عصام

في سن معين هتكتشف إن أهلك دول أهم وأعظم شيء ربنا اداهولك

يمكن قبل كده متبقاش مدرك قيمة النعمة دي بحكم ان سنك لسة صغير واهتمامك كله لأصحابك والخروجات واللمة الحلوة

لكن مع الوقت بتلقى ناس بتخرج من حياتك وناس بتدخل وهما زي ما هما بيفضلوا يحبوك مهما كانت عيوبك.

وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا

مريض رايح طوارئ مستشفى حكومي الساعة ١ بالليل
DCL
K 11.2 ( recheck K 9.25 )
ECG sine wave ( indicates real number of hyperkalemia)

رحمة ربنا يلاقي نباطشي كلى فنان
يركب ماهوركر ويغسله في وقت قياسي ما شاء الله
العيان يغسل ويفوق ويتحسن ورسم القلب يتظبط
والصبح النباطشي يمشي والدنيا بتمشي
وأجره عند الله وكفى

مرفق رسم القلب قبل وبعد الغسيل

د. حسام عماد

معلومه مهمه جدا لاي دكتور جهاز هضمي أو باطني خصوصا في العياده ♥️🙏

🔷 مين المريض اللي محتاج screen for HCC وهتابعه ازاي وهتابعه كل قد اي 🤔🤔

1- أي مريض liver cirrosis لازم screen for HCC اي كان السبب

2- اي مريض HBV خصوصا لو high risk زي أنه عنده تاريخ عائلي لل HCC أو فوق ال 40 سنه او كان chronic active hepatitis ودائما viral load عالي

3- طيب مريض فيرس C واتعالج أو NASH ومش عامل cirrhosis أتابعه ازاي هل اعمله screen ولا لا هقولك اولا هتابعه بال Fib4 score ودا بسيط جدا وتقدر تعمله وانت قاعد خصوصا مع NASH أو fatty liver أو مرضى HCV ودول مفيش اكتر منهم في العياده هيكون معاك سيناريو من 3

FIB-4 < 1.3 that mean no advanced fibrosis no need for further assessment

FIB-4 1.3–2.67 that borderline and need more assessment by FibroScan

FIB-4 > 2.67 that mean Advanced fibrosis need screening for HCC

🔷 لو ال fibroscan طلع F3 أو F4 كدا المريض هيحتاج regular screen for HCC

🔷 دي معادلة FIB-4 Score ببساطة:
FIB-4= Age ×AST ÷Platelets ×√ALT

🔷 هنتابع كل 6 ولو امكن نخليه كل 4 شهور بسونار و AFP

د.محمد مجدي

اللهمَّ أنتَ ربّي لا إله إِلّا أنت،
خلقتَني وأنا عبدُكَ، وأنا على عهدِكَ ووعدِكَ ما استطَعتُ،
أعُوذُ بكَ من شرِّ ما صنعتُ،

أبُوءُ لكَ بنِعمتِكَ عليَّ،
وأبُوءُ لكَ بذنبي فاغفِر لي، فإِنَّهُ لا يغفِرُ الذُّنوبَ إِلّا أنتَ.

أكثرُ الناس خشيةً للهِ أكثرُهم حظًّا من رحمةِ اللهِ ومغفرتِه
قال تعالى﴿ إِنَّ الَّذِينَ يَخْشَوْنَ رَبَّهُمْ بِالْغَيْبِ لَهُمْ مَغْفِرَةٌ وَأَجْرٌ كَبِيرٌ ﴾

عبد العزيز الطريفي

الحقيقة التدخين ده من لعنات الدنيا عالبشر..
اللي بيدخن فترات طويلة ١٠ ولا ٢٠ سنة

لو قارنت بين اتنين ٤٠ سنة
واحد مدخن من ٢٠ سنة
والتاني مش بيدخن

بتحس انه اللي بيدخن ده مش ٤٠ سنة

٥٠ عالاقل

بياكل من عمرك ووظايف اعضاءك وبيعملك مشاكل ضخمة

واما تجمع بقى التدخين الشره ده
مع ضغط وسمنة زايدة
وعيلتك فيها تاريخ مرضي لمشاكل ف الشرايين التاجية ف سن صغير

يبقى انت بتنتحر حرفيا

زي الحالة دي
ال ٤٠ سنة
مدخن شره من ٢٥ سنة
سمنة مفرطة
ضغط
اخوه عامل دعامات ف قلبه وهو ٣٧ سنة ومدخن شره زيه

النتيجة

جلطة غير مكتملة ف عضلة القلب

وقسطرة عالقلب

تضيقات شديدة ف كل الشرايين الرئيسية

وهيحتاج عملية قلب مفتوح

الدخان لعنة..

متجمعش على نفسك عوامل خطورة الشرايين التاجية معاه
عشان مش هيرحمك

ربنا يشفي كل مريض

Dr hesham Alshamekh

بكرة الإمتياز هيخلص والنيابة هتخلص وفترتك ك أخصائي هتخلص وك إستشاري هتخلص وك مدير مستشفى هتخلص وكمان فترتك ك إنسان هتخلص ،
صدقني محدش هيقول عليك دا كان شاطر ؛ ما الشطار كتير ؛ محدش هيفتكر شغلك ما الناس كلها بتشتغل .

بس محدش هينسالك مواقفك ك إنسان محدش هينسالك تعصبك عليه محدش هينسالك انك ضريته نفسيا محدش هينسالك انك كنت شخص متسلط ووضيع اللسان محدش هينسالك انك أحرجته عشان تبان ومحدش هينسالك تعنتك ضده عشان تبقي قيادي مفيش منه والناس تحلف بجبروتك .

صدقني اللي هيبقالك هي السيرة الطيبه هي إنسانيتك .
هيفتكرك واحد لسه بيتلمس بدايه الطريق وانت مديتله ايديك . هيفتكرك واحد راعيت ظروفه وقدرتها ومستخدمتهاش ضده عشان تضايقه بيها .

خليكوا لطاف الحياه قاسيه بما يكفي ومتقولوش أصل الشغل بيغير مبيتغيرش غير قليل الأصل وقليل الدين .

(كذلك يضرب الله الحق والباطل فأما الزبد فيذهب جفاءً وأمّا ما ينفع الناس فيمكث في الأرض) صدق الله العظيم .

منقول

"نَدِمْتُ عَلى ما فاتَ مِنِّي فَلَيْتَني
تَرَكْتُ هَوايَ يَومَ تَرَكْتُ صَوابي"

الشافعي

"الدوخة = الدم مش واصل للمخ"
هي اختصار شعبي، وساعات بتكون صح جزئيًا… بس فعليًا تشخيص الدوخة دايمًا بيطلع مفاجأة لأن أسبابها كثيرة جدًا ومش كلها لها علاقة بنقص الدم للمخ.

خلّي أشرحها لك بطريقة سريعة وسهلة 👇

✅ ليه التشخيص ساعات بيطلع "مفاجأة"؟

لإن الدوخة = Symptom مش مرض واحد.
وفيه 4 سيستم كبار ممكن يسببوا نفس الإحساس:

1️⃣ الأذن الداخلية (Vestibular system)

ده أشهر سبب… ومالوش علاقة بالدم أصلًا.

BPPV

Vestibular neuritis

Ménière

Labyrinthitis

2️⃣ الدورة الدموية (لكن مش أكترهم شيوعًا)

Orthostatic hypotension

Arrhythmia

Anemia

Severe dehydration

3️⃣ العينين

Errors of refraction

Sudden change in glasses

4️⃣ الدماغ نفسه (Neurologic)

لكن هنا الدوخة غالبًا مش لوحدها…
بيكون معها:

ضعف طرف

Dysarthria

Ataxia

Diplopia

Drop attacks

🎯 الخلاصة العملية:

مش أي حد اتدوّخ نقول له: الدم مش واصل للمخ.
الأذن الداخلية لوحدها مسؤولة عن 50–70% من الحالات وملهاش علاقة بنقص الدم.

د. أحمد عبدالحافظ

Male patient 30 years old, FMF , heavy smoker
Present with chest pain stitchy , increase with inspiration
الحالة دى كانت معايا انبارح فى الطوارئ

" مينفعش روشتتك تبقى استامبه واحده لكل العيانين ، أنت هيجيلك كل فئات المجتمع .. الغني و ال على أد حاله "

د محمود علام

الطبيب زمان كان بيتسمى حكيم .. عشان كان بيتصرف بحكمه بناء على الظروف ال أدامه .. لازم تميز و تراعي ظروف الناس و أنت بتتعامل معاها .