راجل عنده ٧٢ سنة دخل عليا العيادة شكله تعبان جداً
"يا دكتور أحمد… من أسبوع كان عندي دور برد شديد وكحة أخدت مضاد حيوي ، ومن بعدها جسمي كله بيوجعني وجع شديد جداً أول مرة أحس بيه في حياتي … والنهاردة لقيت البول لونه غامق بطريقة خوفتني!"

أنا سكت لحظة وبصيتله بتركيز…
الراجل معروف عندي إنه عنده مشاكل في شرايين القلب وبياخد دواء للكولسترول من سنين.
الكلام اللي قاله مع التاريخ المرضي كان كأنه بيقوللي: فيه كارثة مستخبية.

بدأت أربط الخيوط في دماغي :

وجع عضلات شديد؟

بول غامق؟

ومعاه مضاد حيوي من نوع ماكروليد ( هو بالمناسبة أشهر مضاد حيوي بيتاخد في نزلات البرد )؟

وقتها الصورة وضحت…
المضاد الحيوي قفل إنزيم في الكبد اسمه CYP3A4، والإنزيم ده هو اللي بيكسر أدوية الكولسترول.
فلما اتقفل… جرعة دواء الكوليسترول تراكمت في دمه وبقى تركيز دواء الكوليسترول في الدم عالي جداََ زي السم.

والنتيجة:
العضلات بدأت تتكسر… والسموم نزلت على الدم… والبول اتحول لونه زي الشاي الغامق.
ده اسمه Rhabdomyolysis – انحلال العضلات، ولو الموضوع اتساب… الكلى ممكن تبطل تشتغل.

وضحت الوضع للمريض بصورة مبسطة ..
ـ "يعني يا دكتور أنا بضيع مش من المرض… من العلاج نفسه؟"

قلتله :
ـ "أيوة … الأعراض إللي عندك دي من تداخل الأدوية بس الحمد لله إنك جيت في الوقت الصح. الموضوع كله من التداخل بين دوا الكوليسترول والمضاد الحيوي. وده ممكن يضيع أي مريض لو محدش خد باله."

فورًا وقفت له دوا الكوليسترول، طلبت تحاليل وظائف كلى وإنزيمات عضلات (CPK)، وبدأت خطة إنقاذ لحالة الكلى عنده.
وقلتله: "بعد كده هنغير نوع دواء الكوليسترول لحاجة آمنة أكتر ، عشان مايتكررش الموقف ده تاني.

الخلاصة:
فيه مرضى بيلفوا على دكاترة كتير … وكل دكتور يشوف العرض لوحده.
لكن قوة الطب الحقيقية إنك تجمع الخيوط… وتشوف الصورة كاملة.
ولو ما ربطناش بين البول الغامق، وآلام العضلات، والتاريخ الدوائي… الراجل كان ممكن يضيع.

د/ أحمد عبد الجواد

عشان أقدر اشخص حالة
Peripheral Neuropathy
لازم اشوف بعض ال Clinical pictures
اللي هتكون سبب في تشخيصك بإذن الله
عند حدوث ال PN بيضرب حاجة من تلاتة او التلاتة مع بعض وهي .......؟!
1/Motor
وده هتلاقيه في صورة low motor neuron زي حدوث ال hypotonia ,hyporeflexia and muscle wasting
كمان بيضرب Distal اكتر من ال proximal
والاستثناء الوحيد من هذه الحالة هي ال Gullian barre PN
العيان بيجي لك بي High stappage gait
وكمان معاه foot and wrist drop
بينما لو جينا بقا ل ........
2/Sensory
بيحصل اول حاجة إثارة للعصب ويجي في صورة شكشكة وتنميل
Numbness and pain
وبعدها يحصل تدمير للعصب وتيجي بصورة تخدير hypothesia and Anasthesia
وكمان بلاقي معاها فقدان لي ال superficial reflexes ومعاها ال deep reflexes وأهم حاجة فيهم هي ال Vibration
3_Autonomic
وده بيكون في صورتين مهمين
ال skin or nail وبيحصل لهم loss وكمان trophic ulcers محترمة
الصورة التانية بياثر على ال Vasomotor بيعمل فيه VC والشخص ده بيكون معندهوش قدرة على تحمل البرد اصلاً ومعاه كمان Silent MI وعلامة مهمه جداً وهي ال Postural hypotension
Copied

سنة ٢٠١٨ في شهر ٧ حصل ماس كهربائي
أدي الي حريق كبير في مستشفى الحسين
كاد ان يفتك بكثير من المرضي وخاصة بالرعايات
وهنا تجسدت بطولة الطاقم الطبي وكل العاملين بمستشفى الحسين
حتى الاطباء في الراحة نزلوا ينقذوا ويشيلوا المرضى

كان من اول هؤلاء الابطال اخونا وصديقنا د.محمود الجبالي مدرس القلب بطب الازهر
ووقتها كان طبيب مقيم القلب
فضل يجري ويشيل ويحول المرضي
ودي صورة ليه من جريدة اليوم السابع وقتها

د.محمود كان نايب لا غبار عليه ثم مدرس مساعد ثم مدرس تم ترقيته رسميا امس

د.محمود توفاه الله منذ ساعات في حادث سير

لعل ذكر هذا الموقف يكون شفيعا له
نسألكم الدعاء له لانه في امس الحاجة الان وهو بين يدي الرحمن
اللهم انا كنا نعلم عنه الخير والالتزام واقام الصلاة ومحافظا على عمله ابتغاء مرضات ربه
فاللهم اغفر له وارحمه وتقبله في عليين

د.محمد شاهين

أدوية تُؤخذ ليلاً زي ايه .......؟!
Statins
Sedating antihistaminic
Long-acting opioid
أدوية تُؤخذ صباحاً زي ايه .......؟!
Cortisone
Levothyroxine
Diuretics

🌟ال Fever
أشهر symptom ممكن تقابله فى حياتك

أهم حاجه إنك تدور على source of fever 🤒

أنا هعرفك إزاى توصل لل diagnosis بأسهل طريقه ممكن تشوفها

🌟هنفحص المريض من فوق لتحت
بال  history وال examination وال investigation  وفي الاخر هنوصل لل diagnosis إن شاء الله

💥1- هنبدأ بال CNS
لو المريض بيشتكي من fever ومعاه neck rigidity
بعمل ليه kering sign و brudziniski sign
لو positive
أسحب CSF وأعمل ليه CT brain
عشان أستبعد ال meningitis

💥2- ندخل على ال Ear
لو بيشتكى من fever و headache وألم في أذنه ولو طفل هيكون ماسك أذنه دايماً
أشك فى otitis media وأحوله أنف وأذن

💥3-ندخل على ال mouth
وأخليه يفتح ال mouth وبخافض اللسان أشوف فى tonsillitis ولا لا

💥4-ندخل على ال chest
مريض يشتكى من fever و dyspnea و productive cough
أسمع صدره بالسماعه وأشوف لو فى crackle
وأعمل ليه chest x-ray
عشان نستبعد ال pneumonia

💥5- ندخل على ال abdomen
لو بيشتكى من fever و vomiting و diarrhea
نشك فى gastroenteritis
ونعمل palpate of abdomen
لو لاقيت localized tenderness
يبقى أحولها جراحه عشان نستبعد ال appendicitis وال cholecystitis

💥6- ندخل على ال kidney
لو بيشتكى من fever مع dysuria
نعمل ليه urine analysis
عشان نستبعد ال Urinary tract infection

💥7-أدور على أى abscess فى الجسم ممكن يكون مريض سكر ومش حاسس

بوست مهم جدا لنواب الطوارئ والجهاز الهضمي ♥️🙏

مين المريض اللي هيجيلك بوجع في بطنه ولو عدى منك المره دي المره الجاية هتشوفه في العناية أو العمليات لأنك اديته علاج معدة ومشي
وجع فم المعدة Epigastric pain مش دايما معده فيه حالات قاتلة لازم تفضل في دماغك لأن لو عديت منهم ممكن تكون كارثة

🔷  مريض ضغط أو سكر أو مدخن شره أو عنده تاريخ عائلي لأمراض القلب جالك بوجع مفاجئ في فم المعدة مع حرقان في الصدر أو تقل أو عرق شديد أو ترجيع  دي صورة Myocardial infarction (inferior wall MI) ممكن تتشبه بأعراض الـ gastritis أو الـ dyspepsia.
في الحالات دي لازم يتعمل فورًا ECG + cardiac enzyme لأن لو اديته محلول وعلاج معدة ومشي ممكن المرة الجاية تشوفه في العناية أو ميت

🔷 مريض كبير في السن  عنده ضغط وتصلب شرايين جالك بوجع مفاجئ شديد جدا في فم المعدة وبعدها ضغطه وقع وبقى shocked لازم تفكر فورًا في Ruptured Abdominal Aortic Aneurysm. اعمله على الأقل سونار في وقتها  لو متاح أو CT angio بسرعة لو امكن  وبلغ الجراحة فورًا.

🔷 مريض عنده Atrial fibrillation  جالك بوجع بطن شديد جدًا أحيانا مع bloody diarrhea أو بدونها وممكن يبقى unstable.
دا غالبا Acute Mesenteric Ischemia بسبب embolism من الـ AF لازم تشك بدري جدا، تعمل serum lactate و CTA للبطن وتبلغ الجراحة فورا لأن التأخير في الحاله دي تساوي bowel ischemia and gangrene وممكن الحاله تموت

🔷  مريض متشخص قبل كده بـ peptic ulcer disease  جالك بوجع فم المعدة شديد جدا لا يحتمل لازم تفحص بطنه كويس جدا

لو لقيت rigid abdomen  فكر  في perforated ulcer ودي حاله surgical emergency

لازم تسال  المريض هل  بيشتكي من melena أو hematemesis  مع الوجع دا  لان ممكن يدخل  في acute massive upper GIT bleeding

🔷  مريض بيشتكي من وجع في فم المعدة بعد الأكل لازم تحط في الاعتبار Biliary colic أو chronic cholecystitis
اعمل abdominal ultrasound لأن لو اديته علاج معدة بس  المرة الجاية ممكن يجي بـ obstructive jaundice أو acute cholecystitis

🔷 مريض بوجع في فم المعدة بيسمع في ضهره دا عرض مهم جدا لازم تفكر في Acute pancreatitis اسأل عن vomiting، alcohol intake أو gallstones
اعمل سونار على البطن مع amylase and lipase ولو امكن ct pancreatic protocol

الخلاصه
مش كل وجع في فم المعدة = gastritis
اسأل افحص فكر في الحالات ال critical قبل ما تكتب علاج معدة وتمشي المريض
لأن اللي هيعدي منك النهارده  المره الجاية ممكن تشوفه في العناية أو مش هتلحقه أصلا

د. محمد مجدي

لما يجيلك عيان بــ Acute Focal Neurological Deficit فده Stroke إلى أن يثبت العكس 🔥
طيب الجملة دي هستفاد منها ايه مادام كدة كدة في أكتر من تشخيص وهحاول أفرق بينهم قبل العلاج 🧐
هتستفاد إنك وانت بتاخد هستوري وبتعمل الفحص بتاعك هتكون ممشي العيان في مسار ال stroke لحد ما يثبت العكس ✋🏻

هو يعني ايه focal deficit أصلا 🙄
من إسمها هو مشكلة وفي نقطة محددة في المخ فأنا بشوف أثرها إن فيه function محددة عطلت من المخ ... زي ايه مثلا ؟
1️⃣ أي ضعف مفاجئ في إيد، رجل، نص الجسم (ضربنا مركز الحركة)
2️⃣ أي لخبطة كلام طلعت فجأة (ضربنا مركز الكلام)
3️⃣ أي فقدان رؤية مفاجئ (ضربنا مركز الإبصار)
4️⃣ أي تنميل في نص الجسم (ضربنا مركز الإحساس)
يبقى المشكلة من عامة لأ ده فيه نقطة محددة حصل فيها مشكلة أما الباقي سليم.

ده مش وقت تفكير طويل… ولا وقت طيب نخلي الـ CT بعد شوية.
ده اسمه: Acute Focal Neurological Deficit
وبالنسبة لنا … Stroke لحد ما نثبت العكس.

🔥 إمتى أقلق؟
لو المريض دخل عليك وهو عنده: 💢Sudden💢
🔴 Unilateral limb weakness 💪🏻
🔴 Unilateral numbness ⚡️
🔴 Difficulty in speech 🗣
🔴 Loss of vision in one field 👀
🔴 Abnormal gait 🚶‍➡️
🔴 Facial droop 🧏🏻‍♂️

العامل المشترك بينهم جميعاً إنه Sudden ده اللي بيخليك تترعب لأنه مادام الأعراض جديدة فأكيد المصيبة هتكون جديدة وممكن تتلحق لو اتحركت بسرعة ... عكس مثلا ما يكون العيان عنده شلل من 20 سنة ! خلاص مفيش حاجة نبكي عليها 🤷🏻

1st steps:
1️⃣ Check vital signs — الضغط مهم جدًا
2️⃣ Glucose check — Hypoglycemia can mimic stroke
3️⃣ Onset of symptoms دي أهم سؤال هي اللي هتحدد يمكن إنقاذ ما تبقى ولا لأ

🖥 CT Brain ASAP to exclude hemorrhage.
لو CT is normal ولسه symptoms شغالة؟ ومفيش سبب أخر يفسر الأعراض
⬅️ اعتبرها ischemic stroke
⬅️ جهّز نفسك للـ thrombolysis لو المريض جوه ال window
⬅️ واتصل بحد Neurology فورًا

Time = Brain
كل دقيقة ضايعة = خلايا عصبية بتموت بلا رجعة.

IV_Notes

١- الدنيا مش أرض راحة
٢- مع ذلك هي مش ارض عذاب
٣- في ناس بتسهّل عليك الحياة
٤- وفي ناس فرحتها في زعلك
٥- في حاجات تستاهل نحارب عشانها
٦- وفي حاجات نرميها ورانا وما نفكرش فيها
٧- في عطايا من ربنا اتعودنا عليها
٨- ولما بتختفي بنحس انها كانت كنز
٩- الرضا باللي في الايد بيجيب البعيد
١٠- ولو مجاش البعيد نتعلم قيمة اللي في الايد

د حازم محمد عبدالتواب

🚨💥ازاي تعمل approach وتوصل ل ال diagnosis 🤔

🛑 البوست طويل بس مهم لأي دكتور

📌 أول حاجه اعمل summary للحالة ملخص لأهم الأعراض ال serious واللي ينفع تعملها approach 🙆🏻

🎯 تاني حاجه اختار أكتر symptom واضح في العيان أو أي حاجه documented منه ويبقى ال D.D بتاعه قليل 😮‍💨

🛑💥 يعني مثلا عيان جاي بيشتكي من abdominal pain و chronic diarrhea فالأفضل يبقى ال approach بتاعي chronic diarrhea لإن ال D.D بتاعه أقل من ال D.D بتاع ال abdominal pain 🙆🏻

📢💁🏻‍♂️ عيان مثلا جاي بيشتكي من صداع وضعف ومعاه cbc فيها microcytic hypochromic anemia فدلوقتي العيان معاه documentation وهيا ال cbc فالافضل بدل ما أخلي ال approach بتاعي ل ال headache أخليها microcytic hypochromic anemia أفضل وكمان ال D.D بتاعها أقل وهكذا 🙃


🛑💥 لما تيجي تختار approach ل symptom معين اطرح كل الأسباب وبعد كده شوف ايه أكتر حاجات تمشي مع العيان وشكوته وبعد كده تحط أكتر تلاته deffrential diagnosis إنت شاكك فيهم 🔥

🌟💥 بعد كده تعمل ال investigations بتاع الحجات دي بحيث انك تنفي أو تثبت اللي إنت واثق فيه ✅

🧨🎯 يعني مثلا عيان جاي بيشتكي من abdominal pain و intermittent diarrhea و recurrent oral ulcer و genital ulcer 🤔

🛑💥 فانت هتاخد مثلا ال intermittent diarrhea وتعملها approach وتحط الأسباب كلها إما infection إما حاجه autoimmune إما malignancy إما أي حاجه تانيه ونحط الأسباب كلها 😁

⛔📛 نيجي بقى لشكوى العيان تلاقي عنده recurrent oral ulcer و abdominal pain و intermittent diarrhea فمثلا من ال infection هاخد ال T.B ومن ال autoimmune هاخد ال IBD اللي هو ال Chron's disease و هاخد كمان من ال Autoimmune ال git Bechect 🤯

🟣 دول مثلا طلعوا أكتر تلت حجات أنا شاكك فيهم فهطلب investigations ليهم علشان أثبت أو أنفي 💁🏻‍♂️

🚨 فهطلب CBC و ESR وده عادي غالبا هنطلبهم
🟢هطلب ال Tuberculin skin test و ال quantiferon test و stool acid fast bacillus ودول علشان أستبعد أو أثبت ال T.B
🔵هطلب ال Fecal calpritectin وهطلب colonoscopy ولو لقيت حاجه أخد منها biopsy علشان ال أثبت أو أنفي ال Chron's disease
🟤هطلب ال HLA B51 علشان ال Bechect

💥🔥 المهم طلع مثلا العيان عنده normocytic anemia وال Tuberculin وال quantiferon طلعوا negative و ال Fecal calpritectin طلع عالي والمنظار لقيت فيه terminal ileitis و خدت biopsy وطلع Chron's disease

📢 أو ممكن يطلع مثلا العيان عنده normocytic anemia وال Tuberculin وال quantiferon طلعوا negative و ال Fecal calpritectin طلع عالي بس مش اوي والمنظار مطلعش فيه حاجه وال HLA B51 طلع positive فده طلع git Bechect

🎯 أو ممكن يطلع مثلا العيان عنده normocytic anemia أو microcytic anemia وال Tuberculin وال quantiferon طلعوا positive وال stool acid fast bacillus طلع positive وباقي التحاليل طلع مفيهاش حاجه ما عدا المنظار طلع فيه terminal ileitis وخدت biopsy وطلع T.B

وهكذا .....🙆🏻🙆🏻

🤔طب سؤال هل ممكن نعمل كل ده ومنوصلش لحاجه ؟👀

🚨💥 أه أكيد ممكن منوصلش وساعتها لازم تعرف إن اللي منعرفهوش أكتر من اللي نعرفه ولازم ساعتها تأخد رأي دكتور أكبر منك وعنده خبرة عنك وتتعلم منه العلم مش مذاكرة وبس ومش ممارسة وبس لازم مذاكرة وممارسة ولازم دكتور أكبر منك تتعلم منه 🫡

Copied

متديش للعيان بتاعك محلول لو ...... ‼️

حلقة في ودنك كدة توفر عليك كتير من التفكير والأخطاء 👇
في الحر اللي إحنا فيه ده ناس كتير هتيجيلك مهبطين من خسارة السوائل , مفيش مشكلة إديله المحلول المتين بتاعك , بس عايز أحطلك حلقة في ودنك عن إمتى تخاف على العيان من المحلول ده عشان تعرف المفروض تديه ولا لأ أو على أقل تقدير تديله أقل كمية ممكنة ثم تعيد التقييم 🤌

انت محتاج تطمن إن السوائل اللي هتدخلها دي الجسم هيطلع منها الزيادة عشان ميحصلش overload تمام كدة ؟ 🤚
طيب مين اللي بيخرجها ؟ ال Kidneys صح كدة ؟ 🤚
طيب مين اللي بيوصلها لل Kidneys ؟ الماتور اللي هو ال cardiovascular system 🫀

يبقى انت يا معلم محتاج تتأكد إن الكلى شغالة والقلب شغال .. مكنة الكلى شغالة يعني بتجيب (قماش) بول , كدة انت هتضمن لو فيه سوائل زيادة دخلت هتقدر تخرجها 🤝
و محتاج تتأكد إن الماتور قادر يضخ الماية في المواسير عشان توصل الكلى , طيب ودي هعرفها إزاي من غير Echo مثلا ! هتحتاج تبص على المواسير اللي قبل الماتور , عشان لو الماتور مش قادر يضخ ، فالسوائل هتتراكم قبله ومش هتوصل بعده ، يعني من الأخر الشرايين ناشفه والأوردة مبلولة يبقى الكلى هتبقى ناشفه مش واصلها سوائل ومش هتجيب بول و .... :
Jugular veins congested
Lungs congested
Lower limbs edematous

كدة انت عرفت إن القلب مش شغال ومش هيقدر يزق ازازة الملح لقدام عشان تخرج من الكلى فيهيخليها تتراكم في الجسم 💢

الخلاصة قبل ما تدي إزازة المحلول بص على 4 حاجات من فوق لتحت :
1- في الرقبة بص على ال neck veins محتقنة ولا لأ ✅
2- في الصدر اسمع ال back مبقلل ولا لأ ✅
3- في الحوض بيجيب بول ولا لأ ✅
4- في الرجلين فيه edema ولا لأ ✅

لو تمام اديله محلول الملح 👍
لو مش تمام فالعيان ده محتاج إهتمام شديد و continuous monitoring وانت بتديله محاليل بشويش بشويش 🤌

واضحة 🫡
إضافة أخرى :
مش بيجيب بول ده المقصود بيه العيان اللي مش بيجيب ولا هيجيب بسبب intrinsic renal disease 😵
إنما مش مقصود بيه عيان ال pre renal AKI اللي مبيجيبش بول لأنه ناشف من جوة , العيان ده هيحتاج خمس ست سبع تمن تسع عشر أزايز محلول 😅

المهم خدت بالك قد ايه ال analysis of symptoms مهمة في ال history وامتى ال onset وال duration خلتك من متديش محاليل خالص أو إنك تفتحله برميل محاليل 🙈


IV_Notes

الدنيا أهون وأصغر بكتييير قوي من كل الخلافات والنزاعات والمشاكل والحورات والمكر والخداع اللي بنشوفهم اليومين دول الدنيا بتتقلب في لحظه
انت ممكن تكون قاعد مع حد وبعديها بساعه يقولك خلاص مبقاش في الدنيا
ممكن تكون في كامل صحتك يجيلك شوية انفلونزا تدخلك في
Encephalitis
تفقد بعدها قدرتك علي الحركه او النطق أو تعيش اصلا بلا وعي

او شوية برد تدخلك في
Myocarditis
تعملك فشل في عضلة القلب وتعيش طول عمرك بتنهج مش عارف تمشي خطوتين ورجليك مورمه قد كده

او شوية برد تدخلك في
Fulminant Diabetes
تبقي قاعد في بيتك زي الفل كل اللي عندك احتقان في الأنف تاني يوم تلاقي نفسك في رعاية بحموضه شديده خير ياجماعه ؟! حضرتك عندك سكر وهتحتاج انسولين بقية حياتك ولو وقفته يوم تدخل رعايه تاني يوم

في ثانيه تتقلب الدنيا ويتبدل الحال من حال لحال
مستاهله كل الحوارات دي بجد ؟! ربنا ما يعلق قلوبنا بالدنيا ولا اللي فيها

د.محمد حسونه

دورك في حياة الناس يا اما بتساعد عشان تبنيهم يا بتساعد عشان تهدهم

و في النهاية أنت مجرد سبب لتحقيق مشيئة الله و بيستخدمك علي قد نيتك و قلبك بينما أنت شخصيا تختبر..

فبراحتك 🙂

اللهم استخدمنا ولا تستبدلنا
اللهم لا تزغ قلوبنا بعد إذ هديتنا و هب لنا من لدنك رحمة انك انت الوهاب

افتتحت سورة النحل بالنهي عن الإستعجال:

﴿ أَتَى أَمْرُ اللَّهِ فَلا تَسْتَعْجِلُوهُ سُبْحَانَهُ وَتَعَالَى عَمَّا يُشْرِكُونَ﴾

وختمت بالأمر بالصبر:

"واصبر وما صبرك إلا بالله.. "

وما بين التروي والصبر يكمن خير لا يعلم به إلا الله سبحانه فثق بالله .. ولا تجزع.

البنت دى عندها 20 سنة كانت عندنا في الاستقبال من يومين
جات تقريبا الساعه 7 صباحا
خدت منها history وعملت examination
البنت كانت
vitally stable
هيا صحت من النوم لاقت نفسها بالشكل ده
سألتها لو خدت أى أدوية قالتلى لا
طب عندك حساسية من أى أكل قالتلى لا وكانت أكلت زبادى بس قبل ما تنام وبتأكله على طول ومفيش فيه مشكله
طب فى حاجة قرصتك قالت لا
المهم بلغت نايب الطوارئ وبص عليها وتقريبا سأل نفس الاسئله اللى سألتها
وعلقنا ليها hydrocortisone و Avil
الوضع اتحسن شوية
حد عنده فكره إيه اللى ممكن يدخلها فى الحالة دى مرة واحدة كدا

قال نبينا ﷺ :

‏( مَا يُصِيبُ الْمُسْلِمَ مِنْ نَصَبٍ وَلَا وَصَبٍ وَلَا هَمٍّ وَلَا حُزْنٍ وَلَا أَذًى وَلَا غَمٍّ حَتَّى الشَّوْكَةِ يُشَاكُهَا إِلَّا كَفَّرَ اللَّهُ بِهَا مِنْ خَطَايَاهُ )

فأخلص النيه

أغلب الجراحين بيفضلوا انهم ي remove ال appendex حتي لو ملاقوهاش inflammed جوة العملية؛ علشان ميعرضوش البيشنت لخطر انها تبقي inflammed بالفعل في وقت تاني، ونضطر ندخله second operation.

خد المفاجأة بقي، أوقات الجراح بيقرر انه يشيل ال appendex حتي لو داخل عملية غير ال appendectomy اصلا...زي مثلا انه داخل عملية gynecology؛ وده لنفس السبب علشان يرحم البيشنت من فكرة ال second surgery.

وطبعا القرار ده بيحدده الجراح حسب ظروف كل بيشنت، ولازم ياخد consent من المريض قبل العملية أو أهله من الدرجة الأولي❤️

Dr Mostafa salah

اغلب المرضى (حوالي ٧٠٪؜) اللي بيحصل لهم DKA مع ال SLG2is، السكر عندهم بيكون اقل من ٢٥٠ وجزء كبير منهم السكر بيكون اقل من ٢٠٠ (مش لازم السكر يكون مرتفع )

Risk factors of DKA with SGLT2 inhibitors include
Very-low-carbohydrate diets
Prolonged fasting
Dehydration
Excessive alcohol intake


د. أحمد عبدالمجيد

امتي نحط ال Pulse oximeter على الاذن ؟

معلومة روعة في الطوارئ
🌹🌹🌹🌹🌹🌹🌹🌹
لو معاك مريض pulmonary embolism والاكسجين فيه نازل ومهما اديت oxygen مش بيرفع ...خللي بالك لو مفيش pneumonia او collapse من الوارد جدا يكون المريض ده حصله
RT to left shunt through patent foramen ovale

طيب لو المريض قدامك ومفيش وقت لل TEE ممكن تعمل اختبار بسيط وسهل

هات ear oximetry وده هتلاقيه غالبا في الطوارئ وحطه على اذن المريض عادي ..وخللي المريض يعمل
Valsalva maneuver

الطريقة دي حتخلي
Transient more venous blood shifted from RT to LT circulation this transient fall can be monitored peripherally by ear oximetry

يعني حتلاقي ال saturation بينزل لثواني ويرفع تاني وممكن تكررها
🌹🌹🌹🌹🌹🌹🌹🌹🌹

على فكره لو اتعمل صح بيقرب من ال TEE في الدقة ولو عرفنا ان فيه Shunt طريقة علاج المريض حتختلف تماما

لان المريض ده حتى لو اتحط على ال vent فالغالب مش حيتحسن بل ممكن يسوء اكتر...وغالبا لازم الطريق يتسلك اما
Thrombolytic or catheter directed

وقبلهم لو متاح inhaled vasodilator
therapy

د محمد خليل

إزاي نفرّق بين Iron Deficiency و Thalassemia من الـ RBC Count قبل ما نبص على Ferritin؟

في الطوارئ أو في أي معمل، ساعات بيكون قدامك CBC بس… وعايز تميّز بسرعة:
هل الأنيميا دي نقص حديد ولا ثلاسيميا؟
والحل دايمًا يبدأ من RBC Count.

أول خطوة: بص على الـ RBC

الاتنين بييجوا بـ MCV منخفض… لكن كل واحد له بصمته:

✍️ Iron Deficiency Anemia (IDA)

الـ RBC غالبًا Low.

الجسم مش قادر يصنع خلايا كفاية بسبب نقص الحديد.

حتى لو الـ Hb قليل… مفيش تعويض في عدد الخلايا.

✍️ Thalassemia Trait

الـ RBC غالبًا High حتى مع Hb منخفض.

الجسم بيحاول يعوّض خلل تصنيع الجلوبين بإنتاج عدد أكبر من الخلايا.

لو لقيت MCV منخفض + RBC High → غالبًا ثلاسيميا.

✨ قاعدة ذهبية:

MCV منخفض + RBC High = Thalassemia trait.

MCV منخفض + RBC Low = Iron deficiency.

ليه الخطوة دي مهمة؟

لما يكون معاك CBC بس ولسه Ferritin هيتعمل…
الـ RBC بيديك فلتر تشخيص سريع يوجهك للاتجاه الصح قبل أي تحليل تاني.

أخيرا :

Iron deficiency:

RBC → Low

MCV → Low

RDW → High

Thalassemia trait:

RBC → High

MCV → Low جدًا

RDW → طبيعي

لو فهمت النقطة دي… هتقرأ الـ CBC بنظرة مختلفة 👀✨
وهيبقى عندك مفتاح مهم للتفريق بين أشهر نوعين Microcytic anemia.