💡 في مرضى الـICU على noradrenaline، لا يُعتمد على fingerstick glucose

"مريض ماشي على noradrenaline وأخذت منه عينة سكر fingerstick طلع 54 mg/dL، المريض كان sedated ومفيش اى أعراض واضحة، تتصرف ازاى ؟"

🔹 التحليل السريع (High-yield reasoning):

المريض على Noradrenaline → poor peripheral perfusion → unreliable fingerstick glucose (الدم المحيطي ناقص التروية، فيعطي قراءة منخفضة كاذبة).

المريض sedated (مثلاً على ventilator أو مهدئ)، فلا يمكن الاعتماد على غياب الأعراض لتقييم نقص السكر.

54 mg/dL borderline hypoglycemia، ويجب تأكيدها.

🔹 الخطوات العملية (What to do):

✅ Repeat glucose test with central/lab sample (يفضل من line مركزي أو من arterial blood gas – ABG glucose).
→ الهدف: تأكيد إذا فعلاً هناك hypoglycemia أو false reading.

⚠️ Don’t ignore the result — لأن المريض sedated لا يستطيع إظهار الأعراض.

إذا تأكد أن الجلوكوز فعلاً <70 → ابدأ correction immediately:

أعطِ Dextrose 25–50 mL of D50 IV bolus.

ثم D10W infusion للحفاظ على >100 mg/dL.

🔄 Monitor glucose every 30–60 min بعد التصحيح.
د.أحمد عبدالحافظ

أهم أعراض ال Stroke أو ال TIAs اللي مينفعش تفوتهم في عيان:

🔰Weakness/numbness
ضعف أو إحساس تنميل وشكشكة في ايده، رجله، او عضلات وشه.
🔰Aphasia/dysarthria
تقل في الكلام.
🔰Visual loss
فقد جزئ من نظره.
🔰Ataxia/vertigo
بدأ يتطوح او يفقد اتزانه

البيشنت ده يتطلبه full labs و CT/MRI ويتعرض على ال neurosurgery فورًا🚩

Dr_Mostafa_Salah

مين اللي ينهج لما يقعد أو يقف ولما ينام مينهجش ؟وليه؟

وايه الفرق بين مريض HPS ومريض pulmonary hypertension?

🫁 Hepatopulmonary Syndrome (HPS):

النهجان يزيد وهو واقف أو قاعد (Platypnea).

يتحسن وهو نايم.

السبب: توسع الأوعية القاعدية → الدم يمر بدون أكسجة (shunt) → يقل الأكسجين عند الوقوف.

الأشعة: Plethora قاعدية (زيادة الدم في قواعد الرئة).

---

❤️ Pulmonary Hypertension (PHTN):

النهجان في كل الأوضاع، خصوصًا مع المجهود.

لا يتحسن بالوضعية.

السبب: تضيق مزمن بالأوعية الرئوية → ↑ الضغط وصعوبة ضخ الدم.

الأشعة: Lung oligemia (نقص الدم في الشعيرات في الحالات الشديدة).

---

🫀 Pulmonary Embolism (PE):

النهجان حاد ومفاجئ في كل الأوضاع.

لا يتحسن بالوضعية.

السبب: انسداد في الشريان الرئوي → ↓ perfusion لمناطق من الرئة.

الأشعة: Oligemia في المنطقة المصابة (Westermark sign).

---

💡 القاعدة:

ينهج وهو واقف ويتحسن وهو نايم → HPS.

ينهج على طول → PHTN أو PE.

Dr Omar Rashwan

ساعاتك الطويلة بين الصفحات لها أجر.
خطوطك اللي بترسمها في كتب مذاكرتك ليها أجر.
دعواتك اللي بتكتبها في اعلى الصفحات ليها اجر .
رسوماتك واشعارك وحتى خناقاتك اللي بتعبر عنها بشخابيط في الكتب ليها اجر.
حتى دموعك وخوفك وقلقك وقلة نومك وأرقك الدايم ليه اجر.
بعدك عن اهلك وعن مناسباتهم وقعداتهم ليه اجر.
مشوارك مع ابوك او امك وقت المرض اللي  انتا معرفتش تروحه بسبب مذاكرتك ليه اجر.
احلامك وكوابيسك اللي كان فيها خوف من امتحان ليهم اجر.
جبت منين كلامي ، امر المؤمن كله له خير حتى الشوكة اللي بتعوره ليه بيها اجر.
احنا علينا السعي بس وبعد كده انتظار الاجر المضمون على فكرة.
وربنا طلب مننا كمان الصبر والرضا باللي في الايد
وطلب مننا نرفع ايدينا للسما وندعي وقال لينا عليه الاجابة.
اجرك محفوظ فبلاش قلق.
ربنا ضامن ليك الاجر فبلاش الخوف.
اللي ربنا يريده هيكون كده كده.
لحظات قلقك في لحظة ربنا هيحولها أمان.
د حازم محمد عبد التواب

البنت الصفرا مخها تعبان لابسة حلق نحاس من بتوع زمان

الترجمة

"البنت الصفرا"
jaundice بسبب hepatic failure
بالتالي بيأثر علي كبد يعمل hepatomegaly

"مخها تعبان"
neurological symptoms
(tremor, dystonia, confusion)

"لابسة حلق نحاس من بتوع زمان"  Kayser–Fleischer ring نتيجة ترسّب النحاس في القرنية

وده بالضبط Wilson disease ببساطة
في سطرين 👏
د.عمرو الدبوري

عاوز أتكلم شوية في أدوية الطوارئ


🧠 Vomiting
Danset 2mg, 4mg, 8mg amp.

🧠Gastritis
Antodine 40mg amp
Zurcal 40 mg amp i.v only

🧠Analgesic
Ketolac 30mg amp

🧠Antispasmodic
Spasmofree amp

🧠Fever
Perfalgan 100ml vial

🧠Asthma
Atrovent nebulization sol.
Pulmicort nebulization sol.

🧠Anaphylaxis
Solucortef 100mg vial
Avil amp

🧠Fluids (in brief)
Normal saline لو مفيش ضغط
Ringer solution لو فيه ضغط وسكر
Glucose solution لو مفيش سكر

حاجه مهمه بقااا:

🫀العلاج ده كله symptomatic وبنختار منه بعد الوصول لل diagnosis وليس العكس؛ بمعني ان حد دخل مره ب acute abdomen والزميل اللي اتعامل معاه لقاه سخن وعنده مغص فعلقله perfalgan و spasmofree amp من غير ما يحط ايده علي بطنه ويعمله examination حتي، طب بالله عليك ده اسمه كلام!!!!!!!

🫀اوصل للتشخيص الأول قبل ما توصف أي علاج مش اي ترجيع ياخد danset مثلا، افرض عنده brain hge....

🫀اعمل examination كويس واطلب investigations صح واوصل للتشخيص الأول وبعدها نبقي نفكر في العلاج!!

اتعلمت في حياتي ان التردد أسوأ من اني آخد قرار وأندم عليه
لازم أفكر كويس في القرار وبعدين آخد القرار بعد الاستشارة او حتى بيني وبين نفسي مع الاستخارة
وبمجرد أخد القرار انتهينا ولازم اديله كل الاهتمام وكل المجهود ولو حصل وطلع غلط مش هعذّب نفسي بالندم لأن ربنا هو اللي يسّر القرار ده
حياتنا كلها كده قرارات
امشي هنا ولا هنا
أتخصص في دا ولا دا
اشتغل دا ولا دا
استقر ولا أسافر
أسيب الشغل ولا اكمل الشغل
التردد قاتل يا جماعة وال comfort zone اكتر حاجة تضيع شخصيتك وأحلامك
خد قرار بعد التفكير بس اوعى تموت متردد
د حازم عبدالتواب

👀Causes of
Generalized abdominal pain:-

لما تقول للعيان شاور على الحته اللي بتوجعك يقول لك كلها يا دكتور مش حته معينه

Gastroenteritis
Irritable bowel syndrome
Peritonitis
Constipation

كلمتين مهمين بخصوص العلاج في ال IBS
ال IBS الي معاه Constipation فاحسن ملين ليه مش ال lactulose هو ال lubiprostone الي هو amiproston 8 mg twice
اما ال IBS الي معاه Diarrhoea فبتستخدمله ال rifaximin الي هو gatrobiotic ٣ مرات
والاتنين مبيحسنوش ال abdominal pain فيا بتستخدم antispasmodic بس زي ال spasmorest يا بتستخدم antispasmodic معاه antidepressant زي ال tryptizole 10 mg قرص قبل النوم
ومبنستخدمش probiotic مع الاسهال واهم حاجة نظبط الدايت بتاع العيان وللاسف العيان المصري مش هيلتزم بالدايت
Copied

ساعاتك الطويلة بين الصفحات لها أجر.
خطوطك اللي بترسمها في كتب مذاكرتك ليها أجر.
دعواتك اللي بتكتبها في اعلى الصفحات ليها اجر .
رسوماتك واشعارك وحتى خناقاتك اللي بتعبر عنها بشخابيط في الكتب ليها اجر.
حتى دموعك وخوفك وقلقك وقلة نومك وأرقك الدايم ليه اجر.
بعدك عن اهلك وعن مناسباتهم وقعداتهم ليه اجر.
مشوارك مع ابوك او امك وقت المرض اللي  انتا معرفتش تروحه بسبب مذاكرتك ليه اجر.
احلامك وكوابيسك اللي كان فيها خوف من امتحان ليهم اجر.
جبت منين كلامي ، امر المؤمن كله له خير حتى الشوكة اللي بتعوره ليه بيها اجر.
احنا علينا السعي بس وبعد كده انتظار الاجر المضمون على فكرة.
وربنا طلب مننا كمان الصبر والرضا باللي في الايد
وطلب مننا نرفع ايدينا للسما وندعي وقال لينا عليه الاجابة.
اجرك محفوظ فبلاش قلق.
ربنا ضامن ليك الاجر فبلاش الخوف.
اللي ربنا يريده هيكون كده كده.
لحظات قلقك في لحظة ربنا هيحولها أمان.

د حازم محمد عبد التواب

زي مااحنا عارفين ان فيه أنواع كتيرة ممكن استخدامها في علاج ال Hypertension لكن........؟!
في السنين اللي فاتت تم عمل أبحاث ودراسات كثيرة الغرض منها معرفة أفضل علاج لي الفئات والأصناف المعينة لي مريض الضغط زي ايه ......؟!
1_مريض ضغط و أسود البشرة الأفضل استخدام ال CCBs or thiazide
2_مريض ضغط وأبيض البشرة الأفضل استخدام ACEIs or ARBs
3_مريض ضغط وعنده Gout الأفضل استخدام ال Losartan
4_مريض ضغط ومعاه osteoporosis الأفضل استخدام Thiazide
5_مريض ضغط ومعاه DM او Chronic kidney disease الأفضل استخدام ACEIs or ARBs


Copied

راجل عنده ٧٢ سنة دخل عليا العيادة شكله تعبان جداً
"يا دكتور أحمد… من أسبوع كان عندي دور برد شديد وكحة أخدت مضاد حيوي ، ومن بعدها جسمي كله بيوجعني وجع شديد جداً أول مرة أحس بيه في حياتي … والنهاردة لقيت البول لونه غامق بطريقة خوفتني!"

أنا سكت لحظة وبصيتله بتركيز…
الراجل معروف عندي إنه عنده مشاكل في شرايين القلب وبياخد دواء للكولسترول من سنين.
الكلام اللي قاله مع التاريخ المرضي كان كأنه بيقوللي: فيه كارثة مستخبية.

بدأت أربط الخيوط في دماغي :

وجع عضلات شديد؟

بول غامق؟

ومعاه مضاد حيوي من نوع ماكروليد ( هو بالمناسبة أشهر مضاد حيوي بيتاخد في نزلات البرد )؟

وقتها الصورة وضحت…
المضاد الحيوي قفل إنزيم في الكبد اسمه CYP3A4، والإنزيم ده هو اللي بيكسر أدوية الكولسترول.
فلما اتقفل… جرعة دواء الكوليسترول تراكمت في دمه وبقى تركيز دواء الكوليسترول في الدم عالي جداََ زي السم.

والنتيجة:
العضلات بدأت تتكسر… والسموم نزلت على الدم… والبول اتحول لونه زي الشاي الغامق.
ده اسمه Rhabdomyolysis – انحلال العضلات، ولو الموضوع اتساب… الكلى ممكن تبطل تشتغل.

وضحت الوضع للمريض بصورة مبسطة ..
ـ "يعني يا دكتور أنا بضيع مش من المرض… من العلاج نفسه؟"

قلتله :
ـ "أيوة … الأعراض إللي عندك دي من تداخل الأدوية بس الحمد لله إنك جيت في الوقت الصح. الموضوع كله من التداخل بين دوا الكوليسترول والمضاد الحيوي. وده ممكن يضيع أي مريض لو محدش خد باله."

فورًا وقفت له دوا الكوليسترول، طلبت تحاليل وظائف كلى وإنزيمات عضلات (CPK)، وبدأت خطة إنقاذ لحالة الكلى عنده.
وقلتله: "بعد كده هنغير نوع دواء الكوليسترول لحاجة آمنة أكتر ، عشان مايتكررش الموقف ده تاني.

الخلاصة:
فيه مرضى بيلفوا على دكاترة كتير … وكل دكتور يشوف العرض لوحده.
لكن قوة الطب الحقيقية إنك تجمع الخيوط… وتشوف الصورة كاملة.
ولو ما ربطناش بين البول الغامق، وآلام العضلات، والتاريخ الدوائي… الراجل كان ممكن يضيع.

د/ أحمد عبد الجواد

عشان أقدر اشخص حالة
Peripheral Neuropathy
لازم اشوف بعض ال Clinical pictures
اللي هتكون سبب في تشخيصك بإذن الله
عند حدوث ال PN بيضرب حاجة من تلاتة او التلاتة مع بعض وهي .......؟!
1/Motor
وده هتلاقيه في صورة low motor neuron زي حدوث ال hypotonia ,hyporeflexia and muscle wasting
كمان بيضرب Distal اكتر من ال proximal
والاستثناء الوحيد من هذه الحالة هي ال Gullian barre PN
العيان بيجي لك بي High stappage gait
وكمان معاه foot and wrist drop
بينما لو جينا بقا ل ........
2/Sensory
بيحصل اول حاجة إثارة للعصب ويجي في صورة شكشكة وتنميل
Numbness and pain
وبعدها يحصل تدمير للعصب وتيجي بصورة تخدير hypothesia and Anasthesia
وكمان بلاقي معاها فقدان لي ال superficial reflexes ومعاها ال deep reflexes وأهم حاجة فيهم هي ال Vibration
3_Autonomic
وده بيكون في صورتين مهمين
ال skin or nail وبيحصل لهم loss وكمان trophic ulcers محترمة
الصورة التانية بياثر على ال Vasomotor بيعمل فيه VC والشخص ده بيكون معندهوش قدرة على تحمل البرد اصلاً ومعاه كمان Silent MI وعلامة مهمه جداً وهي ال Postural hypotension
Copied

سنة ٢٠١٨ في شهر ٧ حصل ماس كهربائي
أدي الي حريق كبير في مستشفى الحسين
كاد ان يفتك بكثير من المرضي وخاصة بالرعايات
وهنا تجسدت بطولة الطاقم الطبي وكل العاملين بمستشفى الحسين
حتى الاطباء في الراحة نزلوا ينقذوا ويشيلوا المرضى

كان من اول هؤلاء الابطال اخونا وصديقنا د.محمود الجبالي مدرس القلب بطب الازهر
ووقتها كان طبيب مقيم القلب
فضل يجري ويشيل ويحول المرضي
ودي صورة ليه من جريدة اليوم السابع وقتها

د.محمود كان نايب لا غبار عليه ثم مدرس مساعد ثم مدرس تم ترقيته رسميا امس

د.محمود توفاه الله منذ ساعات في حادث سير

لعل ذكر هذا الموقف يكون شفيعا له
نسألكم الدعاء له لانه في امس الحاجة الان وهو بين يدي الرحمن
اللهم انا كنا نعلم عنه الخير والالتزام واقام الصلاة ومحافظا على عمله ابتغاء مرضات ربه
فاللهم اغفر له وارحمه وتقبله في عليين

د.محمد شاهين

أدوية تُؤخذ ليلاً زي ايه .......؟!
Statins
Sedating antihistaminic
Long-acting opioid
أدوية تُؤخذ صباحاً زي ايه .......؟!
Cortisone
Levothyroxine
Diuretics

🌟ال Fever
أشهر symptom ممكن تقابله فى حياتك

أهم حاجه إنك تدور على source of fever 🤒

أنا هعرفك إزاى توصل لل diagnosis بأسهل طريقه ممكن تشوفها

🌟هنفحص المريض من فوق لتحت
بال  history وال examination وال investigation  وفي الاخر هنوصل لل diagnosis إن شاء الله

💥1- هنبدأ بال CNS
لو المريض بيشتكي من fever ومعاه neck rigidity
بعمل ليه kering sign و brudziniski sign
لو positive
أسحب CSF وأعمل ليه CT brain
عشان أستبعد ال meningitis

💥2- ندخل على ال Ear
لو بيشتكى من fever و headache وألم في أذنه ولو طفل هيكون ماسك أذنه دايماً
أشك فى otitis media وأحوله أنف وأذن

💥3-ندخل على ال mouth
وأخليه يفتح ال mouth وبخافض اللسان أشوف فى tonsillitis ولا لا

💥4-ندخل على ال chest
مريض يشتكى من fever و dyspnea و productive cough
أسمع صدره بالسماعه وأشوف لو فى crackle
وأعمل ليه chest x-ray
عشان نستبعد ال pneumonia

💥5- ندخل على ال abdomen
لو بيشتكى من fever و vomiting و diarrhea
نشك فى gastroenteritis
ونعمل palpate of abdomen
لو لاقيت localized tenderness
يبقى أحولها جراحه عشان نستبعد ال appendicitis وال cholecystitis

💥6- ندخل على ال kidney
لو بيشتكى من fever مع dysuria
نعمل ليه urine analysis
عشان نستبعد ال Urinary tract infection

💥7-أدور على أى abscess فى الجسم ممكن يكون مريض سكر ومش حاسس

بوست مهم جدا لنواب الطوارئ والجهاز الهضمي ♥️🙏

مين المريض اللي هيجيلك بوجع في بطنه ولو عدى منك المره دي المره الجاية هتشوفه في العناية أو العمليات لأنك اديته علاج معدة ومشي
وجع فم المعدة Epigastric pain مش دايما معده فيه حالات قاتلة لازم تفضل في دماغك لأن لو عديت منهم ممكن تكون كارثة

🔷  مريض ضغط أو سكر أو مدخن شره أو عنده تاريخ عائلي لأمراض القلب جالك بوجع مفاجئ في فم المعدة مع حرقان في الصدر أو تقل أو عرق شديد أو ترجيع  دي صورة Myocardial infarction (inferior wall MI) ممكن تتشبه بأعراض الـ gastritis أو الـ dyspepsia.
في الحالات دي لازم يتعمل فورًا ECG + cardiac enzyme لأن لو اديته محلول وعلاج معدة ومشي ممكن المرة الجاية تشوفه في العناية أو ميت

🔷 مريض كبير في السن  عنده ضغط وتصلب شرايين جالك بوجع مفاجئ شديد جدا في فم المعدة وبعدها ضغطه وقع وبقى shocked لازم تفكر فورًا في Ruptured Abdominal Aortic Aneurysm. اعمله على الأقل سونار في وقتها  لو متاح أو CT angio بسرعة لو امكن  وبلغ الجراحة فورًا.

🔷 مريض عنده Atrial fibrillation  جالك بوجع بطن شديد جدًا أحيانا مع bloody diarrhea أو بدونها وممكن يبقى unstable.
دا غالبا Acute Mesenteric Ischemia بسبب embolism من الـ AF لازم تشك بدري جدا، تعمل serum lactate و CTA للبطن وتبلغ الجراحة فورا لأن التأخير في الحاله دي تساوي bowel ischemia and gangrene وممكن الحاله تموت

🔷  مريض متشخص قبل كده بـ peptic ulcer disease  جالك بوجع فم المعدة شديد جدا لا يحتمل لازم تفحص بطنه كويس جدا

لو لقيت rigid abdomen  فكر  في perforated ulcer ودي حاله surgical emergency

لازم تسال  المريض هل  بيشتكي من melena أو hematemesis  مع الوجع دا  لان ممكن يدخل  في acute massive upper GIT bleeding

🔷  مريض بيشتكي من وجع في فم المعدة بعد الأكل لازم تحط في الاعتبار Biliary colic أو chronic cholecystitis
اعمل abdominal ultrasound لأن لو اديته علاج معدة بس  المرة الجاية ممكن يجي بـ obstructive jaundice أو acute cholecystitis

🔷 مريض بوجع في فم المعدة بيسمع في ضهره دا عرض مهم جدا لازم تفكر في Acute pancreatitis اسأل عن vomiting، alcohol intake أو gallstones
اعمل سونار على البطن مع amylase and lipase ولو امكن ct pancreatic protocol

الخلاصه
مش كل وجع في فم المعدة = gastritis
اسأل افحص فكر في الحالات ال critical قبل ما تكتب علاج معدة وتمشي المريض
لأن اللي هيعدي منك النهارده  المره الجاية ممكن تشوفه في العناية أو مش هتلحقه أصلا

د. محمد مجدي

لما يجيلك عيان بــ Acute Focal Neurological Deficit فده Stroke إلى أن يثبت العكس 🔥
طيب الجملة دي هستفاد منها ايه مادام كدة كدة في أكتر من تشخيص وهحاول أفرق بينهم قبل العلاج 🧐
هتستفاد إنك وانت بتاخد هستوري وبتعمل الفحص بتاعك هتكون ممشي العيان في مسار ال stroke لحد ما يثبت العكس ✋🏻

هو يعني ايه focal deficit أصلا 🙄
من إسمها هو مشكلة وفي نقطة محددة في المخ فأنا بشوف أثرها إن فيه function محددة عطلت من المخ ... زي ايه مثلا ؟
1️⃣ أي ضعف مفاجئ في إيد، رجل، نص الجسم (ضربنا مركز الحركة)
2️⃣ أي لخبطة كلام طلعت فجأة (ضربنا مركز الكلام)
3️⃣ أي فقدان رؤية مفاجئ (ضربنا مركز الإبصار)
4️⃣ أي تنميل في نص الجسم (ضربنا مركز الإحساس)
يبقى المشكلة من عامة لأ ده فيه نقطة محددة حصل فيها مشكلة أما الباقي سليم.

ده مش وقت تفكير طويل… ولا وقت طيب نخلي الـ CT بعد شوية.
ده اسمه: Acute Focal Neurological Deficit
وبالنسبة لنا … Stroke لحد ما نثبت العكس.

🔥 إمتى أقلق؟
لو المريض دخل عليك وهو عنده: 💢Sudden💢
🔴 Unilateral limb weakness 💪🏻
🔴 Unilateral numbness ⚡️
🔴 Difficulty in speech 🗣
🔴 Loss of vision in one field 👀
🔴 Abnormal gait 🚶‍➡️
🔴 Facial droop 🧏🏻‍♂️

العامل المشترك بينهم جميعاً إنه Sudden ده اللي بيخليك تترعب لأنه مادام الأعراض جديدة فأكيد المصيبة هتكون جديدة وممكن تتلحق لو اتحركت بسرعة ... عكس مثلا ما يكون العيان عنده شلل من 20 سنة ! خلاص مفيش حاجة نبكي عليها 🤷🏻

1st steps:
1️⃣ Check vital signs — الضغط مهم جدًا
2️⃣ Glucose check — Hypoglycemia can mimic stroke
3️⃣ Onset of symptoms دي أهم سؤال هي اللي هتحدد يمكن إنقاذ ما تبقى ولا لأ

🖥 CT Brain ASAP to exclude hemorrhage.
لو CT is normal ولسه symptoms شغالة؟ ومفيش سبب أخر يفسر الأعراض
⬅️ اعتبرها ischemic stroke
⬅️ جهّز نفسك للـ thrombolysis لو المريض جوه ال window
⬅️ واتصل بحد Neurology فورًا

Time = Brain
كل دقيقة ضايعة = خلايا عصبية بتموت بلا رجعة.

IV_Notes

١- الدنيا مش أرض راحة
٢- مع ذلك هي مش ارض عذاب
٣- في ناس بتسهّل عليك الحياة
٤- وفي ناس فرحتها في زعلك
٥- في حاجات تستاهل نحارب عشانها
٦- وفي حاجات نرميها ورانا وما نفكرش فيها
٧- في عطايا من ربنا اتعودنا عليها
٨- ولما بتختفي بنحس انها كانت كنز
٩- الرضا باللي في الايد بيجيب البعيد
١٠- ولو مجاش البعيد نتعلم قيمة اللي في الايد

د حازم محمد عبدالتواب

🚨💥ازاي تعمل approach وتوصل ل ال diagnosis 🤔

🛑 البوست طويل بس مهم لأي دكتور

📌 أول حاجه اعمل summary للحالة ملخص لأهم الأعراض ال serious واللي ينفع تعملها approach 🙆🏻

🎯 تاني حاجه اختار أكتر symptom واضح في العيان أو أي حاجه documented منه ويبقى ال D.D بتاعه قليل 😮‍💨

🛑💥 يعني مثلا عيان جاي بيشتكي من abdominal pain و chronic diarrhea فالأفضل يبقى ال approach بتاعي chronic diarrhea لإن ال D.D بتاعه أقل من ال D.D بتاع ال abdominal pain 🙆🏻

📢💁🏻‍♂️ عيان مثلا جاي بيشتكي من صداع وضعف ومعاه cbc فيها microcytic hypochromic anemia فدلوقتي العيان معاه documentation وهيا ال cbc فالافضل بدل ما أخلي ال approach بتاعي ل ال headache أخليها microcytic hypochromic anemia أفضل وكمان ال D.D بتاعها أقل وهكذا 🙃


🛑💥 لما تيجي تختار approach ل symptom معين اطرح كل الأسباب وبعد كده شوف ايه أكتر حاجات تمشي مع العيان وشكوته وبعد كده تحط أكتر تلاته deffrential diagnosis إنت شاكك فيهم 🔥

🌟💥 بعد كده تعمل ال investigations بتاع الحجات دي بحيث انك تنفي أو تثبت اللي إنت واثق فيه ✅

🧨🎯 يعني مثلا عيان جاي بيشتكي من abdominal pain و intermittent diarrhea و recurrent oral ulcer و genital ulcer 🤔

🛑💥 فانت هتاخد مثلا ال intermittent diarrhea وتعملها approach وتحط الأسباب كلها إما infection إما حاجه autoimmune إما malignancy إما أي حاجه تانيه ونحط الأسباب كلها 😁

⛔📛 نيجي بقى لشكوى العيان تلاقي عنده recurrent oral ulcer و abdominal pain و intermittent diarrhea فمثلا من ال infection هاخد ال T.B ومن ال autoimmune هاخد ال IBD اللي هو ال Chron's disease و هاخد كمان من ال Autoimmune ال git Bechect 🤯

🟣 دول مثلا طلعوا أكتر تلت حجات أنا شاكك فيهم فهطلب investigations ليهم علشان أثبت أو أنفي 💁🏻‍♂️

🚨 فهطلب CBC و ESR وده عادي غالبا هنطلبهم
🟢هطلب ال Tuberculin skin test و ال quantiferon test و stool acid fast bacillus ودول علشان أستبعد أو أثبت ال T.B
🔵هطلب ال Fecal calpritectin وهطلب colonoscopy ولو لقيت حاجه أخد منها biopsy علشان ال أثبت أو أنفي ال Chron's disease
🟤هطلب ال HLA B51 علشان ال Bechect

💥🔥 المهم طلع مثلا العيان عنده normocytic anemia وال Tuberculin وال quantiferon طلعوا negative و ال Fecal calpritectin طلع عالي والمنظار لقيت فيه terminal ileitis و خدت biopsy وطلع Chron's disease

📢 أو ممكن يطلع مثلا العيان عنده normocytic anemia وال Tuberculin وال quantiferon طلعوا negative و ال Fecal calpritectin طلع عالي بس مش اوي والمنظار مطلعش فيه حاجه وال HLA B51 طلع positive فده طلع git Bechect

🎯 أو ممكن يطلع مثلا العيان عنده normocytic anemia أو microcytic anemia وال Tuberculin وال quantiferon طلعوا positive وال stool acid fast bacillus طلع positive وباقي التحاليل طلع مفيهاش حاجه ما عدا المنظار طلع فيه terminal ileitis وخدت biopsy وطلع T.B

وهكذا .....🙆🏻🙆🏻

🤔طب سؤال هل ممكن نعمل كل ده ومنوصلش لحاجه ؟👀

🚨💥 أه أكيد ممكن منوصلش وساعتها لازم تعرف إن اللي منعرفهوش أكتر من اللي نعرفه ولازم ساعتها تأخد رأي دكتور أكبر منك وعنده خبرة عنك وتتعلم منه العلم مش مذاكرة وبس ومش ممارسة وبس لازم مذاكرة وممارسة ولازم دكتور أكبر منك تتعلم منه 🫡

Copied

متديش للعيان بتاعك محلول لو ...... ‼️

حلقة في ودنك كدة توفر عليك كتير من التفكير والأخطاء 👇
في الحر اللي إحنا فيه ده ناس كتير هتيجيلك مهبطين من خسارة السوائل , مفيش مشكلة إديله المحلول المتين بتاعك , بس عايز أحطلك حلقة في ودنك عن إمتى تخاف على العيان من المحلول ده عشان تعرف المفروض تديه ولا لأ أو على أقل تقدير تديله أقل كمية ممكنة ثم تعيد التقييم 🤌

انت محتاج تطمن إن السوائل اللي هتدخلها دي الجسم هيطلع منها الزيادة عشان ميحصلش overload تمام كدة ؟ 🤚
طيب مين اللي بيخرجها ؟ ال Kidneys صح كدة ؟ 🤚
طيب مين اللي بيوصلها لل Kidneys ؟ الماتور اللي هو ال cardiovascular system 🫀

يبقى انت يا معلم محتاج تتأكد إن الكلى شغالة والقلب شغال .. مكنة الكلى شغالة يعني بتجيب (قماش) بول , كدة انت هتضمن لو فيه سوائل زيادة دخلت هتقدر تخرجها 🤝
و محتاج تتأكد إن الماتور قادر يضخ الماية في المواسير عشان توصل الكلى , طيب ودي هعرفها إزاي من غير Echo مثلا ! هتحتاج تبص على المواسير اللي قبل الماتور , عشان لو الماتور مش قادر يضخ ، فالسوائل هتتراكم قبله ومش هتوصل بعده ، يعني من الأخر الشرايين ناشفه والأوردة مبلولة يبقى الكلى هتبقى ناشفه مش واصلها سوائل ومش هتجيب بول و .... :
Jugular veins congested
Lungs congested
Lower limbs edematous

كدة انت عرفت إن القلب مش شغال ومش هيقدر يزق ازازة الملح لقدام عشان تخرج من الكلى فيهيخليها تتراكم في الجسم 💢

الخلاصة قبل ما تدي إزازة المحلول بص على 4 حاجات من فوق لتحت :
1- في الرقبة بص على ال neck veins محتقنة ولا لأ ✅
2- في الصدر اسمع ال back مبقلل ولا لأ ✅
3- في الحوض بيجيب بول ولا لأ ✅
4- في الرجلين فيه edema ولا لأ ✅

لو تمام اديله محلول الملح 👍
لو مش تمام فالعيان ده محتاج إهتمام شديد و continuous monitoring وانت بتديله محاليل بشويش بشويش 🤌

واضحة 🫡
إضافة أخرى :
مش بيجيب بول ده المقصود بيه العيان اللي مش بيجيب ولا هيجيب بسبب intrinsic renal disease 😵
إنما مش مقصود بيه عيان ال pre renal AKI اللي مبيجيبش بول لأنه ناشف من جوة , العيان ده هيحتاج خمس ست سبع تمن تسع عشر أزايز محلول 😅

المهم خدت بالك قد ايه ال analysis of symptoms مهمة في ال history وامتى ال onset وال duration خلتك من متديش محاليل خالص أو إنك تفتحله برميل محاليل 🙈


IV_Notes