“يا سيدى لو ما نجحتش المره دي، هانجح المره اللى جايه”

*دي جملة سمعتها من دكتور زميلي فى اول سنه زمالة الطوارئ و احنا فى لندن بعد ما خرج من امتحان الزمالة البريطانية للطوارئ عام ٢٠١٦

*وأنت دكتور، أهم حاجة تعرفها إن النجاح في مهنتنا محتاج وقت و مجهود وتراكم خبرات.
و اللى بيصعب الأمور انك بتمتحن امتحانات كبيرة ( ماجيستير ، دكتوراة، زمالات ) و انت بتشتغل و بتاخد بالك من بيتك وأسرتك

ما تستعجلش النتيجة… اتعلم من المحاولة، عدّل أسلوبك فى المذاكره، وادخل المرة الجاية وانت أذكى وأقوى.

أهم حاجه أوعى تيأس أو تزهق أو تزعل

الفرق بين اللي يوصل واللي يقف، هو الإصرار على المحاولة حتى بعد الإخفاق

د.أحمد الحديدي

لو جالك مريض عنده oral ulcer خصوصا لو متكرره ازاي تبدأ تفكر علشان توصل للتشخيص ♥️👍

1- لو القرحه اللي بتيجي صغيره في الحجم غالبا واحده وممكن اكتر من واحده بتكون بتوجع جدا بتيجي وقت توتر ايام امتحانات أو ضغط نفسي بتقعد كام يوم مش بتوصل لأسابيع أو شهور وبتخف تماما يبقى انت قدام aphthous ulcer وهي الأشهر وأغلب الحالات

2- لو القرحه موجوده في مكان واحد في الفم وشبه مستمره مش بتروح نشوف ربما مشكله في أسنانه sharp أو فيها اعوجاج ومحتاجه تتظبط

3- وجود gerd أو sinusitis أو dental affection يساعد في حصول القرح فلو موجوده تتعالج كمان وجود انيميا نقص جديد او فيتامين ب لازم تتعالج

4-لو القرحه متكرره بشكل كبير وكمان معاه genetal ulcer لازم انت اللي تسال ممكن المريض ميقولش اصلا وكمان تلاقيه بيشتكي بعينه ومفاصله ومعاه skin rash يبقى انت قدام حاله behset disease اعمل ليه pathergy test ودا بتحقن saline تحت الجلد ونسيبه 48ساعه وتشوف حصل reaction ولا لا

5- لو نفس الاعراض بتاع ال Behcet ولكن معاه التهاب في مناخيره وودانه وممكن treacheaيعني التهاب في أي مكان فيه cartilage يبقى انت قدام حاله MAGIC syndrome

6- لو فيميل في متوسط العمر والقرحه مش بتوجع أو بتوجع حاجه بسيطه معاه اعراض ال connective tissue اللي ذكرناها قبل كدا يبقى تفكر في SLE

7- لو المريض في متوسط العمر وعنده اسهال مزمن أو مغص مستمر ومعاه التهاب في المفاصل أو skin rash فأنت لازم تفكر في Crohn's disease

8- لو المريض ماشي على ادويه لازم تعرف اي هي وزود الجرعه ولا لا لانها ممكن تكون من اعراض ال toxicty زي ال methotrexate بيعمل قرح في الفم والجلد

9- لو المريض طفل وبيحصله attack في صوره fever& aphthous ulcer & cervical adenitis & pharyngitis طبعا هتشخصه احتقان في الزور عادي ياخد الادويه ولكن بيتحسن تحسن خرافي على corticosteroids علشان كدا هتلاحظ كتير من دكاتره الاطفال تضيف corticosteroids مع المضاد الحيوي تحسبا ليها ودي حاله اسمها PFAPA ودا اصلا اختصار ال attack وزي ما قولت علاج من غير corticosteroids مش هيتحسن

10- لو نفس الحاله اللي فاتت بالظبط ولكن بيكون معاها برضو gastroenteritis كمان skin rash و اوقات hepatoslenomegaly فأنت قبل ما تقول التهاب في اللوز قلب بنزله معاويه خليك فاكر ان الحاله recurrent ومعاها aphthous ulcer كمان skin rash لأن الحاله دي اسمها Hyper immunoglobulin D وهي حاله rare

11- لو مريض ال general conditionبتاعته مش كويسه يعني وزنه بيقل عنده recurrent infection ممكن تلاقي pancytopenia فيه تلاقي lymphadenopathy كمان عنده هسيتوري ل sexiual activity فأنت فكر في HIV و hematological malignancy ودا اللي هيجيبه مش ال ulcer

12- لو المريض كان عنده دور برد او حراره عاليه أو مناعته ضعفت وبعدها طلعله قرح ولكن كتيره ومعاه vesicles يبقى نفكر في herps وانا شوفت حاله بؤها كان كله قرح

13- حاجه نادره هو نوعين خاصين بالجلديه لو المريض اشتكى من vesicles وبعدين حصلها rapture وعملت قرح لو كان معاها sikn rash or bulle فممكن تكون pephegus valgaris ولو كان معاها target sign يبقى erthrema multiform خصوصا لو بعد دوا معين أو التهاب فيروسي

14- لو القرحه كبيره لا تسجيب لأي علاج في مريض خصوصا لو مدخن أو بيشرب كحول بتكبر أو بتجيب دم فنفكر في malignancy

يا بني
‏التعاسة ليست قَدَرًا،يمكنك تجاوز الأحوال بالصبر الجميل،
‏أو تغييرها بالإرادة والعزم!

‏"يريد الله بكم اليسر ولا يريد بكم العسر"
‏فإن كان لك مخرجًا أو متسعًا واستمرأت التعاسة، فقد اخترت، وستُسأل عن اختيارك.

‏-د.هبة رؤوف عزت. ‏

توثيق لحالات طوارئ الباطنه بتاعت نص الليل اللي تصحيك من عز نومك بس اكيد في ميزان حسناتنا باذن الله ♥️🙏

🔷كنت في شغل برايفيت وجات بنت 23 سنه جايه الطوارئ تشتكي يا دكتور حاسه بنغزه وتقل في الصدر وحاسه نفسها أن فيها حاجه مش مظبوطه وللعلم الشكل العام ميقولش أنها سايكك فعلا شكلها مش طبيعي

🔷 سالتها شويه اساله
1- عندك اي امراض مزمنة ضغط سكر مشاكل في القلب أو الكلى أو حساسيه او بتتعالجي من اي حاجه والاجابه لا
2- اخدتي اي ادويه أو اتعرضتي لدخان قبل التعب قالت لا
3- اتعصبتي أو اتخانقتي مع حد وتعبتي بعدها قالت لا

🔷 الشكوى دي بقالها قد اي قالت من بعد ما رجعت من الشغل العشا بس زادت دلوقتي مقدرتش انام ومش متزنه

🔷 مفيش نهجان ولا typical chest pain مفيش لا وجع في فم المعده ولا مراره مفيش اعراض ارتجاع مرئ ولا حاجه وهي فقط بتتعالج من صداع نصفي عادي

🔷 طيب نشوف الفحص هي كانت stressed شويه الفيتال بتاعتها الضغط كان 100/70 النبض 119 منتظم السكر 123 الاكسجين كان 94% أيدها كانت ساقعه قولت وارد تدفي ايديها ونقيس تاني يطلع 90 وآخره كان 92 على اكسجين طبعا القاعده اي اللي يوطي الأكسجين كدا مره واحده الا مشكله كبيره

🔷 عملنا لها رسم قلب وطلع فيه
1- فيه sinus tachycardia
2- فيه deep s in lead 1
3- فيه pathological q in lead3
4- مكنش فيه اي finding تاني

🔷 جمع كل دا بقا مريض بيشتكي من وجع في صدره مش تبيكل مع ضغط واطي نسبيا ضربات القلب عاليه الاكسجين واطي ورسم القلب طالع كدا شكيت اكيد في PE

🔷 رجعت سالت عندك وجع في رجلك أو ورم والاجابه كانت مفاجاه والله اه يا دكتور هم دايما بيوجعوني علشان عندي دوالي في رجلي !!! قولتها طبعا بعد ذهول انا مش سالت عندك اي امراض قولتي لا فحصت رجليها على الرغم انها قالت إن الشمال دايما اللي بتوجعها بس كان فيه tenderness شديد في calf muscles بتاع اليمين مستحملش اضغط وكان فيه minimal swelling

🔷 دا أكد الشك بالنسبالي وفهمتهم انا شاكك في أي وتطلع المفاجاه التانيه أنها اوردي جاتلها جلطه قبل كدا اكتبلها 10 حقن كلكسان وعلاج تاني بس هي ماخدتش غير اتنين بس

طبعا التشخيص المبدأي انها DVT lead to pulmonary embolism

الحاله اتحولت وتم تأكيد التشخيص جلطه في الرئه واتحجزت المريضه في الرعايه

د. محمد مجدى

زمان في بداية شغلي ركبت ماهوكر Lt Subclevian لعيان جاي يغسل طوارئ.. استشاري العناية لما شافه قالي يابني ماتركبش ماهوكر ولا سنتر Lt Subclevian لعيان كلى عشان كدا ممكن تضيع فرصته في الـ Shunt.. ساعتها كنت أول مرة أعرف المعلومة دي.. وبصراحة الموقف دا كان محوري في حياتي..

بعد الموقف دا عرفت إني هتعلم بطريقة من اتنين.. يا إما هعرف المعلومة لما أغلط مع عيان وحد أكبر مني يصححلي الغلط دا.. يا إما هعرفها لما أقرأها/حد أكبر مني يقولهالي/أشوف حد بيغلطها وبتتصححله قدامي.. وقررت أتعلم بالطريقة التانية قدر المستطاع.. ولما كبرت شوية بدأت أعمل كدا مع أي حد جديد في الشغلانة..

لو وقفت مثلاً مع حد وهو بيركب سنتر بقوله كل المشاكل اللي قرأتها أو شوفتها أو حصلت معايا.. لو دخلت بالزاوية الفلانية هيحصل كذا.. لو ماصفّرتش البيب هيحصل كذا.. لو بصيت لجوه شوية هيحصل كذا.. لو ماعقمتش كويس هيحصل كذا... وأحكيله موقف لكل حالة، وازاي يتعامل مع المشكلة لو حصلت لا قدر الله.. مش لازم يغلط كل غلطاتنا عشان يتعلمها..!

فـ دي نصيحة للكل.. أنت هتتعلم أي حاجه في حياتك عامةً بطريقة من اتنين.. الطريقة السهلة، إنك تتلقى المعلومة وتطبقها.. والطريقة الصعبة، إنك تغلط وتتعلم من غلطك.. وللأسف الطريقة الصعبة في شغلانتنا بتكلف أرواح ناس.. فحاول تخلي الطريقة السهلة هي أساس تعليمك.. ولما تغلط -وكدا كدا هتغلط- دور واسأل واعرف أنت عملت ايه غلط واتعلم منه.. وشكراً..

د. محمد فهيم

"ما لا يُنال بالأسباب يُدرك بالدعاء، وبين ماترجوه وماتستحيله.. أمرُ اللّٰه"

الطالب اللي بيذاكر مهما كان سنّه لو يفهم معنى جملة
(وإن الملائكة لتضع أجنحتها لطالب العلم رضاً بما يصنع) مش هيبطّل مذاكرة ولو فهم معنى جملة
(من سلك طريقاً يطلب فيه علماً سلك الله به طريقاً من طرق الجنة) مش هيبطّل اجتهاد للوصول ولو فهم معنى جملة
(وإن فضل العالم على العابد كفضل القمر ليلة البدر على سائر الكواكب) مش هيبطّل سعي وانتظار عشان يوصل للقيمة العالية دي.
ذاكر وسيب الأجر على الله و افهم ان الأجر دا لطالب العلم وما تزعلش لو الدنيا داست عليك شويتين لأن الأجر كبير واللي بيدّي الأجر رب الكون نفسه.
متفهّم جدًا لكل اللي هيقول دا العلم الديني لكن خليني اقول اي علم تبتغي به وجه الله ونفع الناس لن يتركك الله دون رعاية فأحسِن العمل

على هذه الأرض من يستحق الحياة 🤍
د. كرم علام

المريض داخل بيقولك: عندي كحة مزمنة، صوتي مبحوح، حاسس بحاجة واقفة في زوري، والريحة حدث ولا حرج..

أكيد أول حاجة هتفكر فيها: برد ! حساسية ! جيوب أنفية !
ممكن تفكر في حاجات كتير وميخطرش ع بالك إن دي ممكن تكون GERD بملابس تنكرية..

فيه حاجة اسمها Atypical or Extra-esophageal Symptoms of GERD

يعني GERD بيتنكر، ويدخل علينا من أبواب تانية خالص، مش لازم يقولك: "أنا حموضة"
بيجي من ورا ضهرك كده ويقولك:
- أنا Chronic Cough وبزيد كمان بعد الأكل وأثناء النور
- أنا بحة في الصوت خاصة الصبح عشان حصل Laryngitis، وإحساس بشئ عالق في الحلق Globus sensation
- أنا ألم صدري ولكن Non cardiac chest pain.. هو شبه الذبحة الصدرية كده
- أنا ضيق في التنفس وحبة Asthma-like symptoms
- أنا حساسية صدر مش راضية تتحسن
- أنا Chronic sore throat بدون سبب واضح ومفبش استجابة للمضادات الحيوية
- أنا Dental erosion  وبتتاكل واحدة ورا التانية
- أنا ريحة فم تكسفك وسط الناس

لو كل دكتور فهم ال Atypical symptoms of GERD، كانت الناس هتبطل تبلبع مضادات حيوية لأي التهاب حلق مزمن، أو تاخد بخاخات على الفاضي، أو تعمل إيكو ع القلب عالفاضي والمليان.

الشاهد من كلامي، إن ارتجاع المريء مش دايمًا بيقولك "أنا هنا"..
أحيانًا بيجيلك متنكر، والدكتور الشاطر هو اللي يفضح المتنكر ده، ويوفر ع المريض مرمطة وبهدلة وتكاليف كتير.. ❤️

فارما الوافي

لما تشوف حد من زمايلك بيغلط ف الامتحان او بينقص درجات وتحس بنشوة انتصار او فرحه بسيطه يبقى تراجع نفسك كويس .

" لا يؤمن احدكم حتى يحب لاخيه ما يحب لنفسه "
تخيل إنك بفرحتك لنقصان درجاته دينك ناقص!

يقول ابن القيم : " من دلائل رقة قلب المؤمن، أن يتوجع لعثرة أخيه المؤمن إذا عثر، حتى كأنه هو الذي عثر بها، ولا يشمت به. "

زملائنا الچناير:
حاول تحلل الشكوى كويس جداً
وإوعى تاخدها على الظاهر وتنهي الحوار
.
حالات هتيجي لك بترجيع مستمر
وتلف وتدور وتكتب أدوية للمعدة
ولكن لما تاخد تاريخ مرضي كويس
تلاقي مشكلة المريض (دُوار vertigo) مش معدة ولا غيرها !!!
هتشوفها كتير جداً
.
مرضى كتير شوفتهم شكوتهم
ترجيع مع إسهال خفيف مع حرارة
وأحيانا بينكر وجودها
ومش بيقول أي حاجة تاني
تكشف عليه تلاقي عنده
Acute Follicular tonsillitis
تسأله عن ألم الحلق بعدها يقولك علشان الترجيع !!!
تسأله عن الحرارة يقولك مفيش !!
تقوله طب بتحس أنك بردان ؟! يقولك اه من بداية التعب !
تقوله طب فيه ألم في المفاصل خفيف أو تعب في الجسم يقولك اه !
دي كلها بتيجي مع ارتفاع حرارة الجسم بشكل بسيط مش شديد
اللي بعض المرضى بيقولك عليها حرارة داخلية أو سخونيه في العضم
.
حاول تاخد هيستوري كويس من الحالة
وتركز في كلماته وتفحصه كويس
ومش كل مريض عنده ثقافة وصف المرض بشكل سليم

Dr Ahmed elaskary

للأسف مشكله عالميه

ايه ال Red flag signs اللي تخلينا نقلق من perforation of appendix؟

💡Sudden relief of pain
لما بيحصل perforation ال pain بيختفي شوية، بعدها بيرجع تاني بس بدال مهو localized بيبقي severe and diffuse نتيجة ال peritonitis اللي حصلت.

💡High fever
درجة الحرارة بتعلي فوق ال 38.5.

💡Tachycardia
مش بتبقي متناسبة حتي مع حجم ال fever اللي عنده.

💡Rigid abdomen
نتيجية ال peritonitis.

💡Paralytic ileus
صوت الأمعاء بيختفي، وبيبدأ يحصل distention.

💡Marked elevation of TLC & lactate.

✔ البيشنت ده غالبا اتأخر في انه يتشخص صح او اتأخر في انه يدخل عمليات، وممكن يبقي السبب ان مناعته ضعيفة "مريض سكر، او كبير في السن".

✔ بيتوجه للجراحة فوراً، ولو دخل في shock بيتعمله resuscitation، وبياخد broad spectrum antibiotics.

زملائنا چناير الباطنة:
زي ما حضرتك عارف أن الباطنة يعني الطب كله
وأنت الوحيد اللي لك الحق تتكلم في أي تخصص
لكن ضروري جداً تبقى عارف حدود شغلك
وإمتى تكمّل الحالة للآخر وإمتى تبعتها تخصص تاني ؟!
وإمتى تكتب علاج وإمتى توقفه ؟!
النقط دي مهمة جدًا لأبعد ومش الكل يدركها كاملة
لكن بتيجي مع القراءة ولزوم الأساتذة والسناير
وهقولك شوية حاجات بسيطة:
.
أي واحدة ست معاها ألم في أسفل البطن تعتبر تخصص نساء حتى يثبت غير ! طبعاً ممكن تطلع زايدة ! لكن ممكن تطلع مشكلة ovarian !!
.
أي واحد ست عندها التهابات مجرى البول متكررة لازم تعمل مزرعة قبل ما تكتب علاج (لكن لو أول مرة وطبعاً مفيش أمراض مزمنة معاها تخص الكلى زي السكر ومشاكل الكلى بتكتب علاج عادي حسب المعتاد)
.
أي رجل يجي بالتهابات مجرى البول حتى لو أول مرة لازم تعمل له مزرعة وتحوله مسالك ! لأن المجرى عندنا ضيق والطبيعي ميحصلش التهابات زي النساء ! وبالتالي لازم تبحث عن سبب لها
.
الالتهاب الرئوي حالياً التوصيات بدأت تتكلم في العدوى عن مدة أقصر في العلاج ! قالك من كفاية ٣- ه أيام في الحالات البسيطة والمتوسطة خاصة لو ال
Procalcitonin
أقل من 0.25 في مريض الداخلي أو اللي برة في العيادة وهنا توقف المضاد الحيوي
وفي مريض ال ICU لو أقل من 0.5
وهكذا
.
لو عندك مريض ارتفاع درجة حرارة عالية مع التهابات مفصل مع ورم فيه هتبعته عظام أو روماتولوجي
لكن خلي في بالك لو الحرارة بتروح وتيجي خاصة فترة بعد العصر وآخر النهار وفي منطقة ريفية ممكن تطلع بروسيلا !
.
نفس القصة لو لقيت المريض جاي لك بالتهابات في الخصية مع حرارة بتروح وتيجي هتفكر بردو في البروسيلا خاصة مناطق التعامل مع الغنم والماعز وهكذا يعني الأرياف والبدو وكدة
.
أي واحدة حامل عندها أنيميا لازم تعمل لها مخزون الحديد حتى لو إيه كدة علشان حالات الثلاسيميا كتير جدا ولو لقيته طبيعي بدون وجود التهابات أو بتاخد حديد، حوّلها لحد أمراض دم تاخد رأيه لو محتاجة حاجة يعني تكمل على فوليك أسيد على طول ولا مفيش داعي وهكذا
.
عندك مريض حساسية صدر لسه متشخص جديد يعني أنت اللي شخّصته
ابعته حد صدرية علشان تتأكد من تشخيص بعمل وظايف تنفس أو حسب الحالة وقتها
.
مريض عنده خشونة الركبة مهم تبعته علاج طبيعي ولو مش مستريح تبعته عظام علشان بتتكلم غالباً في تغيير مفصل
لكن مهم تبعته علاج طبيعي علشان التمارين
وكمان تغذية لو وزنه زيادة
علشان ممكن يتحسن تماما مع العلاج الطبيعي والوزن الطبيعي
.
مريض شخّصته ضغط مرتفع ابقى ابعته يعمل إيكو كزيرو بوينت للمتابعة له
.
مريض سكر نوع تاني شخّصته ابقى تبعته يعمل فحص قاع عين أساسي زيرو بوينت له
.
دي مجرد حاجات بسيطة
وأتمنى تكون وصلت الفكرة

Dr Ahmed elaskary

من إسبوع كان عندى شيفت طوارئ باطنه نايت
فى نهاية الشيفت حوالى الساعة 7,5 الصبح
دخل عليا مريض عنده 60 سنة شكوته إنه صحى من النوم وحصله vomiting مرتين
الراجل free medical, surgical
ال risk factors اللى عنده إنه obese و smoker
خدت ال history وعملت examination كله free
مفيش abdominal pain ولا chest pain ولا لا أى حاجه
وvitally stable
سألته انتا عرقت قالى آه يا دكتور كان عندى عرق جامد
إيه اللى يخلى حد يعرق فى الجو ده
قولت أعمله ECG
لاقيت inferior MI واضحه جدا
كلمت نائب الكارديو ودخل عمل قسطره
كنت مبسوط جدا لما شخصت الحالة دى بس لما فكرت فيها لاقيت إن فى حالات كتير ممكن تكون missed منى وأنا أعتبرتها حالة cold

الحالة لو ركزت فيها هتلاقيها مخيفه
واحد مفيش chest pain , abdominal pain
ومفيش ضغط ولا سكر
ويشتخص MI
الحمد لله على توفيق ربنا لي فى الحالة دى ويسامحنى على أى تقصير حصل منى

دايما الهيستوري الصح هو ال هيقودك للتشخيص الصح
في عيان جاي بيشتكي من الم في الرجل الشمال وراح مستشفي كشفو عليه وعمل اشعه طلع عنده ديسك وكان القرار انه يعمل عمليه
لكن راح لدكتور تاني
سأله سؤال واحد الوجع بدأ ازاي؟
قاله كنت قاعد فجاه حسيت بوجع شديد فرجلي وبدا يزيد
وده يعتبر acute onset
وماشي مع الحاجات الvascular
عكس الم ضغط الفقرات ع الاعصاب بيكون تدريجي شويه
وكان القرار انه اتعمله ecg طلع severe atrial fibirilation
ودوبلر
طلع في arterial embolism
ف دي حاله acute limb ischemia
يعني تشخيص مختلف تماما وكانت القرار الاول ممكن يوصل المريض لبتر ساقه
الدكتور الشاطر هو ال بيعرف ياخد هيستوري صح لان ده مفتاح التشخيص

Dr Mohamed mostafa

حاله من طوارئ كانت من ستر ربنا وتوفيقه اني اتعامل معاها ♥️🙏

🔷 اهم معلومه من الحاله : لازم تنسى أن مريض DKA لازم يجي معاه hyperkalemia دا مش حقيقي انت مريض ال DKA بتبدأ تحط بوتاسيوم بعد تاني لتر في الغالب طبعا على حسب نسبه البوتاسيوم ولكن في الأساس بلاش تعتقد أن DKA يبقى لازم hyperkalemia

🔷 كنت لسه بتعلم رسم القلب فكنت بشوف كل رسم قلب يتعمل واسجل اللي انا عرفته وأشوف النايب الكومنت بتاعه على رسم القلب اي
المهم كان فيه رسم قلب شوفته فلقيت فيه
1-bradycardia
2- flat t waves
3- diffuse st depression

🔷 روحت اشوف العيانه لقيتها جايه اصلا DKA مع شديد vomiting عنيف وسحبو ليها معامل ومستنيين التحاليل

🔷 قيست النبض لقيتها 44 وضغطها واطي معنى كدا أنها hemodynamic unstable

🔷 طبعا اخدت رسم القلب للمدرس المساعد النباطشي وقتها وكان في دقائق نزل نائب الرعايه وبدأ يتعامل مع الحاله

التحاليل طلعت طلع sever hypokalemia

الحاله اتعمل correction واتحجزت رعايه وطلعت زي الفل

اللي علق معايا وقتها نائب الرعايه قالي انت ربنا بعتك ليها نجده والله كانت ممكن تأرست في أي وقت

د. محمد مجدى