في أول حياتي العملية (شغلي) كان فيه استشاري كبير سنا ومقاما بس كلنا عارفين انه مكنش شاطر

انا شخصيا كنت بداخلي باعتبر ده تقصير شديد منه. ولكنه كان دمث الخلق جدا دائم الابتسامة شديد التأدب حتي في انفعالاته ويحفظ الجميل جيدا.

بعد فتره تعرض هذا الرجل لمحنه صحية شديدة وكان ما كان من كل من يعرفه من عاملين بالمستشفى ومرضي وكأنها مظاهرة حب.

لم يشير اي منهم من قريب او بعيد عن ضحالة علمه وعدم كفاءته في بعض المواقف (الحقيقة كان دايما يسأل ولا يمنعه كبرياءه من سؤال من هم اصغر منه) …..

هذا الرجل حتي الان سمعته جميلة وسيرته عطره و بمجرد ما تيجي سيرته في اي لحظة تجد من يثني عليه و يذكرنا بمواقف محترمه له

المهم ده علمني ان مش مهم خالص تكون شاطر بس مهمه جدا تبقي مؤدب و محترم

Dr Ahmed galal

أوعى تخلى حد يدعى عليك فى الشغل ..
اوعى تكون سبب فى قطع رزق حد بالظلم !!
اوعى تكره حد فى لقمه عيشه !!
اوعى تكون سبب أن انسان يروح لبيته وعياله أو اهله وهو زعلان ومهموم!!
اوعى تقل من حد بكلامك الصعب مهما غلط فى الشغل ..

خليك هين ، لسانك يطلع كلام يشجع ويعلم ..

خاصه المديرين خلوا بالكم انتوا فى رقبتكم ناس ، بلاش تكونوا سبب فى شقاء حد ..

مش هيفضل حاجه غير عملنا وسيرتنا ..خلوها طيبه على اد ما تقدروا.

“clinical pearls”
مهمة جدًا لكل مَن يتعامل مع نزيف الجهاز الهضمي العلوي، :

🔑 Key Clinical Pearls in Upper GI Bleeding

🔴 Melena
يلزم حوالي 14 ساعة بعد نزيف علوي عشان يظهر في صورة melena.
🔴 Hematochezia from upper source
ما يظهرش إلا لو كمية النزيف ≥ 1 لتر و bleeding سريع → دم يوصل للقولون قبل ما يحصل له digestion.

🔴 Postural hypotension
وجود postural drop في الضغط
(orthostatic changes) يعني فقدان ≥ 30% من حجم الدم (حوالي 2–3 لتر).
🔴 Hemoglobin is misleading early
لا تعتمد على Hb في أول 48 ساعة، لأنه لسه ما حصلش equilibration مع البلازما.
PCV (Hematocrit) أو العلامات السريرية
(BP, HR, shock index) أفضل في التقييم المبكر.

د. محمد الجمال

-نجيبله فراخ مسلوقة يا دكتور ؟
=لأ هاتوها فرايد ، وانا هبقى ابدل معاه وجبة المستشفى بتاعتي

10 معلومات مهمه جدا عن الضغط لازم تكون في بالك 🙏

🔷مريض الضغط لما بيجي الطوارئ وضغطه عالي مسموح ليك توطي الضغط بمعدل بس 20%من ال mean arterial blood pressure ودا ليه معامله ممكن ترجعلها علشان لو قللت الضغط زياده انت كدا تمنع وصول الدم للاعضاء وكانك دخلته في ischemia

🔷مريض الضغط اللي متاح تنزل ليه الضغط بسرعه هم حالتين حاله اتخشخصت cerebral hemorrhage أو aortic dissection فأنت بتقلل الضغط علشان تقلل النزيف حتى لو على حساب باقي ال organ

🔷 خلي بالك لو مريض ضغط وجاي ب chest pain حط دايما في دماغك ال aortic dissection حتى لو جاي ب Stemi لانه بيعمل كدا فعلا وهتلاقي cardiac enzymes عاليه وعلاج دا fetal للتاني

🔷 مريض الضغط لو سنه صغير أقل من 40 حط في اعتبارك ال secondary causes واهم renal artery stenosis و polycystic kidney و cardiac causes

🔷 كتير من مرضى الضغط بيكونو diabetic و عندهم pripheral vascular disease فخلي بالك كدا من ال BBعلشان بتزود ال pripheral ischemia وممكن تدخل العيان في gangrene

🔷مريض الضغط لما ضغطه يتعدل لوحده من غير ما يكون فيه نظام صحي ورياضي وكمان مش بياخد علاج دا كدا بيكون داخل في HF

🔷يفضل اول ما تقيس ضغط اول مره لاي مريض قيس على الجانبين علشان coartication of aorta

🔷 المريض مش بيمشي على ACEI الا لما تطمن على renal function بتاعته ولما بيمشي عليه لازم تعيد التحليل علشان تتابع بعدها حصل مضاعفات ولا لا المريض مش بياخد الدوا ويمشي

🔷 المريض لما يحصله كحه ومش بتخف اسال على الادويه علشان ال ACEIبتعمل cough ومشهوره جدا

🔷حرام عليك تدي lasix لمريض الضغط في الطواري ال lasix مش علاج ضغط دا بتاع الميه بيسحب الميه من الجسم فخلي بالك هيوطي الضغط مؤقت علشان هتكون قللت ال volumeشويه بس نتيجه لنقص كميه intravascular fliud هيحصل rebound hypertensionلان الجسم هيتفاعل كأنه بيفقد الميه ولازم يحافظ عليها فيعلى الضغط تاني اكيد

د.محمد مجدي

بمر في الرعايه وحاطط السماعه 🩺في ودني بسمع صدر مريض لقيت التمريض بينبهني يا دكتور في كود بلو في الطوارئ وانت مش سامع من السماعه...نزلت جري الطوارئ لقيت السينيور Abdelrahman Mahrous
متيب الحاله وشغال عليها
اي بقي الحاله:
رجل في السيتينات عنده ضغط وسكر مكانش بيشتكي من أي حاجه تانيه صلي المغرب عادي في المسجد روح بيته فجأة في شوية الم في بطنه مش مريحه مكملش ثواني وقع علي الارض الاهل طبعاً شالوه علي الطوارئ المريض بتقييم أطباء الطوارئ جاي قلبه متوقف يعني ميت وكان
Dilated Fixed Pupil
عشان كده ضربو كود بلو وما أدراك ما الكود بلو!!

طبعاً السينيور استقبله وتيبه وانا كنت assistant 
ولمدة 35دقيقه كاملين شغالين إنعاش قلبي رئوي لعند ما القلب بدأ يشتغل تاني ولما رجع رجع علي عدم انتظام ضربات قلب من كل الأنواع
كل أنواع الarrhytmia الي تعرفها واللي متعرفهاش
SVT,VT,VF,  كله كله
وبفضل الله ثم كفاءة السينيور العظيم  المريض رجع
Sinus rhythm
جرينا بيه ع الرعايه في ثواني اتعمله كل حاجه
ECG revealed Ant STEMI
جلطه في القلب
دخلنا قسطره فوراً ركب دعامه وخرج علي تنفس صناعي
المريض مع الوقت بدأ تبقي عينه متسجيبه علي ناحيه ثم الناحيه التانيه بدأت تستجيب لتأثير الضوء
بدأ يفوق بدأ يحرك أطرافه لعند ما الحمدلله قدرنا نفصله من التنفس الصناعي بعد ما فصلناه مكانش بيتكلم شويه شويه بدأ الكلام يرجع لعند ما المريض رجع للوضع الطبيعي كان شيئا لم يحدث
انا كنت كل ما اشوف المريض بعد ما فاق وبقي زي الفل وقاعد مع اهله اقول سبحان الله
كاني اري إنسانا يخلق من جديد هذا الجسد لم يكن به حراك حتي أحياه الله بعد موته رد  اليه بصره أولا ثم وعيه ثم حركة أطرافه ثم يستعيد قدرته علي الحديث مرة أخري كأني اري معجزة تحدث كأني اري خلق الإنسان طوراً بعد طور
وهنا أذكر قول الله ردا علي ابن خلف

﴿وَضَرَبَ لَنَا مَثَلًا وَنَسِيَ خَلْقَهُ قَالَ مَنْ يُحْيِ الْعِظَامَ وَهِيَ رَمِيم
﴿قُلْ يُحْيِيهَا الَّذِي أَنْشَأَهَا أَوَّلَ مَرَّةٍ وَهُوَ بِكُلِّ خَلْقٍ عَلِيمٌ (

فسبحان الذي خلق الموت والحياة سبحان الله ♥️
د.محمد حسونه

"حرارة مش بتقف... وطفح جلدي بيزيد... وكل دقيقة بتكشف جزء من الحقيقة"

الساعة 9 مساءً – قسم الطوارئ

طفل عمره 8 سنوات، اسمه آدم ، وصل على نقالة، وشه محمر و عينيه حمرا جدا، و جسمه مولّع حرارة.
الأم بتقول بصوت مخنوق:

> "ده بقاله 4 أيام حرارته عالية جدًا... وكل مرة الدكاترة يقولوا فيروس عادي... بس النهارده وشه وجسمه كله طلع فيه طفح غريب!"

---

الملاحظة الأولى:

- درجة الحرارة: 40.1°C
- النبض: 135/min
- ضغط الدم: 85/50 mmHg
- الجلد: طفح جلدي منتشر – maculopapular rash
- العينين: bilateral conjunctival injection
- الشفاه متشققة ولسانه لونه أحمر لامع ("strawberry tongue")
- اليدين والرجلين متورمين

---

بعد دقايق، بدأ الطفل يدخل في حالة هياج ، ثم خمول شديد...
الـممرضه بدأت تصرخ :

> "يا دكتور الضغط بينزل بسرعة!"

ال BP نزل لـ 70/40
ال Pulse 150
ال Capillary refill time > 4 ثواني

---
على طول بدأنا:

- IV fluids bolus
- أخذنا عينات: CBC, CRP, LFTs, RFTs, coagulation profile

---

النتائج:

- WBC = 17,000
- Platelets = 90,000
- CRP = 220 mg/L
- ALT = 85 IU/L
- AST = 100 IU/L
- Sodium = 130 mmol/L
- Albumin منخفض
- ESR مرتفع جدًا

- Echocardiography:

> Dilated coronary arteries + mild LV dysfunction

---

هنا بدأت الصورة تتضح…
مش مجرد “عدوى فيروسية عادية”

دي Kawasaki Disease Shock Syndrome
(Severe form of Kawasaki disease مع cardiac involvement and circulatory collapse)

---

التفكير السريري:
طفل بحرارة مستمرة + طفح جلدي + conjunctivitis + تغيرات في الفم والأطراف + lymphadenopathy + صدمة →
لازم أفكر في Kawasaki disease أو Toxic shock syndrome
لكن الـ coronary dilatation رجّحت التشخيص الأول.

---

خطة العلاج:

* IV Immunoglobulin (IVIG) بجرعة 2 g/kg
* High-dose Aspirin
* Inotropes (dopamine/dobutamine) لدعم الدورة الدموية
* Strict monitoring للقلب في الـ PICU

---

بعد 72 ساعة من IVIG:
الحرارة نزلت
الطفح بدأ يختفي
الطفل بقى هادي وابتدى يأكل

بعد أسبوع:
الإيكو أظهر تحسّن واضح في وظيفة القلب

---

في النهاية:
خرج آدم من المستشفى بعد 10 أيام
وشه رجع طبيعي
بس التعليمات كانت واضحة:

> متابعة قلبه كل 6 شهور… لأن أثر الالتهاب ممكن يظهر بعدين.

---

التشخيص النهائي:
Kawasaki Disease Shock Syndrome (KDSS)
with coronary artery dilatation


DocTok

وإياك أن تغتر بحالك في دينك معتقد انك امن لا تأتيك الفتنه، بلي فاحذر وانظر من حولك كم أناس كانو ائمة اهل الفقه والدين عاشوا علي الصراط المستقيم كان قولهم قول القراءن وسنة نبيهم ثم أتتهم الفتنة فرأيتهم يقولون بقول الشيطان ويحلو ما حرم الله ابتغاء لمرضاة عباد الله دون الله
فواجب على المسلم ألا يقنط ولا يأمن ، بل يكون بين الرجاء والخوف ، فالله ذم الآمنين ، وذم القانطين ، فقال سبحانه: (أَفَأَمِنُوا مَكْرَ اللَّهِ فَلَا يَأْمَنُ مَكْرَ اللَّهِ إِلَّا الْقَوْمُ الْخَاسِرُونَ) ،
وقال سبحانه: (لَا تَقْنَطُوا مِنْ رَحْمَةِ اللَّهِ) .وقال (ومن يقنط من رحمة ربه إلا الضالون)
فلاتقنطن فتضل ولا تأمنن فتخسر.

معلومه مهمه جدا جدا سواء لدكتور جهاز هضمي وقبل منه دكتور الجراحه 🙏

🔷 30% من حالات Crohn's disease with perianal disease الأعراض عندهم بتكون بالعكس يعني يشتكي من perianal abscess or fistula قبل ظهور أي أعراض Crohn's لمده تصل إلى ثلاث سنوات

🔷 يعني المريض لا عنده اسهال ولا وجع في البطن مزمن ولا اعراض الكرونز المعروفه إنما جايلك بخراج أو ناسور فقط خصوصا لو متكرر من غير سبب واضح

🔷 وجود تاريخ مرضى لل Crohn's في العيله أو اي autoimmune disorders سواء عند المريض أو العيله يزيد من احتمالية المرض

🔷 لذلك في الحالات دي لازم نعمل colonoscopy لاستبعاد وجود Crohn's disease اللي لو موجود هيصنف في الحاله دي أنه sever form and indicated for biological therapy from the start

د. محمد مجدى

قريبك أو حد من أهلك في البيت مريض صدر سواء عنده حساسيه أو حتى COPD عنده جهاز ال nebulizer في البيت وبيعمل جلسات لقيته مره واحده بدأ يشتكي من

1- ضعف عام في الجسم مش قادر يمشي على رجله زي الشلل كدا وبيزيد كل شويه
2- رعشه في اليدين والرجلين
3- امساك
4- ضربات قلبه زياده
5- اخر حاجه ممكن يحصله تشنجات بس دا لو الحاله ساءت جدا

تفسير دا اي

المرضى بتستخدم الجلسات من نفسهم وبزياده جدا من farcolin and atrovent بالتالي المريض بيحصل contentious stimulation of B receptor فتظهر كل الاعراض دي

متنساش أن beta receptors لما يحصلها stimulation بشكل كبير بتدخل البوتاسيوم جوا الخلايا بالتالي هتعمل hypokalemia ودا مسؤول عن الإمساك وضعف العضلات اللي ممكن يشابه الشلل لقدر الله

شاب في آخر العشرينات اسمه "محمود" متجوز بقاله 4 سنين
دخل عليّ العيادة بصوت مخنوق وابتسامة باهتة

"يا دكتور تعبت من كتر التحاليل والفحوصات أنا وزوجتي حاولنا كتير ومافيش حمل كل ما أروح لدكتور يقولي تحاليلك مش واضحة "

بدأت أراجع ملفه

تحليل هرمونات؟ طبيعي

كروموسومات؟ مفيش مشكلة

Y microdeletion؟ سلبي

الخصيتين في الحجم والمكان؟ طبيعي

لكن السائل المنوي كشف حاجة مهمة Oligoasthenospermia
(قلة في العدد وضعف في الحركة)

سبب ممكن للعقم

وبينما بكلمه وأسأله فجأة كح بشدة وقال جملة ما مرتش عليا مرور الكرام
"يا دكتور الكحة دي بقالها معايا من وانا صغير والتهابات الصدر دي هتموتني"

ساعتها حسيت إني محتاج أربط الخيوط
مش مجرد عقم مش مجرد كحة في حاجة أكبر

طلبت Chest X-ray في حاجة غريبة في الأشعة قلبه ناحية اليمين مش الشمال

ما اكتفيتش بx ray طلبت CT chest

وهنا جات المفاجأة
صورة الصدر كشفت عن Bronchiectasis (توسع بالشُعب الهوائية)
مع علامات لالتهابات مزمنة

بدأ نربط الخيوط ببعض

عقم + كحة مزمنة + التهابات صدر متكررة + Bronchiectasis + قلب ناحية اليمين

كنت بفكر في حاجة نادرة
Primary Ciliary Dyskinesia (PCD)

طلبنا تحليل جيني علشان نقطع الشك باليقين
والنتيجة ظهرت
Pathogenic variant
PCD confirmed

الخبر كان صادم لمحمود لكنه في نفس الوقت نقطة بداية
شرحنا له إن الحيوانات المنوية عنده مش قادرة تتحرك كويس بسبب خلل الأهداب
(cilia dysfunction) ونفس السبب مسبب له التهابات صدر مزمنة

لكن الأمل ما انتهيش هنا…
قررنا نعمل له
ICSI
(Intracytoplasmic Sperm Injection)
الحقن المجهري

اللحظة الفارقة
بعد أسابيع قليلة جاه و معاه مراته عيونها مليانة دموع فرح
"دكتور… أنا حامل"

محمود اللي عاش عمره شايل ألم الكحة والعقم وقف قدامي مبتسم لأول مرة بجد

د.عمر الدبوري

لما نزلت آية الصدقة كان الناس يتسارعون في الخير
فجاء رجل فتصدق بكثير فقال المنافقون مراء
وجاء رجل آخر فتصدق بصاع فقالوا إن الله لغني عن هذا الصاع ..... فنزلت آية
"الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لا يَجِدُونَ إِلاَّ جُهْدَهُمْ فَيَسْخَرُونَ مِنْهُمْ ۚ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ"

ابذل جهدك ولا تلتفت

‏في حالة ال vomiting يفقد الانسان جزء من حمض HCL الموجود في المعدة فيؤدي إلى ال Metabolic Alkalosis
لذلك نستخدم normal saline لتعويضها
اما في حالة ال diarrhea يفقد الانسان جزء من محلول NaHCO3 القاعدي الموجود في الأمعاء فيؤدي إلى ال Metabolic Acidosisلذلك نستخدم ال Ringer lactate.

أما في الحالتين مع بعض نستخدم NS ثم RL

ولا ننسى مريض ال HTN ممنوع ال NS
ومريض ال DM ممنوع ال RL

اوعى تبطّل تقرأ،
هتاكل حرام .. هتبقى فلوسك حرام!

ترضى يجيلك ميكانيكي يصلح عربيتك
وأنت عربيتك فيها نظام جديد مايعرفهوش
واشتغل في عربيتك وخد منك فلوس، هل الفلوس اللي أخدها دي حلال ولا حرام؟
حرام طبعًا

وأنت شغّال في بني آدمين!
روشتات وأدوية
وحكاية "ي جماعة أنا مش عارف عنده إيه اطلبله أي أشعة وتحاليل"
دي حرام بردو

شَكة الإبرة دي هتتسأل فيها، ليه الراجل ده اتشك من غير سبب؟
علشان خاطري ي ولاد لازم نقرأ

لازم نقرأ ما دام اخترنا الطب أو أي شغلانة
لازم نقرأ لازم نقرأ!

- د. على حسيب

مش أي دوا كحه يناسب أي حد بيكح
مش كله دوا كحه
⛔ أي شراب يحتوي على دكستروميثورفان او کودائین فهو يستخدم للكحه الجافه.
⛔اي شراب يحتوي على دكستروميثورفان او کودائین غیرامن لمرضى الربو
⛔اي شراب يحتوي على بروموهكسين او امونیوم کلورايد يستخدم للكحه الرطبه.
⛔اي شراب يحتوي على بروموهكسين او امونیوم کلورايد غير امن لمرضى قرحة المعده.
⛔اي شراب يحتوي على مضادات الهستامين فهو غير امن لمرضى البروستات
⛔اي شراب يحتوي على افدرين او سيدوافدرين او فنلفرين فهو غير امن لمرضى الضغط والسكر
⛔اي شراب يحتوي على افدرين او سيدوافدرين او فنلفرين فهو يعتبر category c بالنسبه للحامل والمرضع يعني لازم طبيب يكتبه.
⛔اي شراب يحتوي على ثيوفلين فهو غير امن لامراض القلب والضغط.
⛔اي شراب يحتوي على سالبيوتامول فهو غير امن لمرضى القلب والضغط
⛔اى دوا فيه كلوريد امونيوم هيرفع الامونيا وغير امن لمرضى الكبد وقصور الكلى زي افيبكت وفاركولين

د.أحمد عبدالحافظ

قبل ما تقريف من الشغل، لازم تبقى فاهم إن أوردر الأكل اللي بتطلبه من برا هو حدث جلل في بعض الأُسَر ممكن بيحصل مرة في السنة، وممكن ميحصلش أصلًا طول حياتهم، ولازم تبقى فاهم إن كوباية القهوة أو المشروبات الغازية اللي بتشتريهم من غير ما دماغك يستهلك ذرة طاقة، فيه ناس تانية دماغها مبتقترحش عليها أصلًا إنهم يشتروا مية معدنية لو عطشانين في عز الحر.

لازم تبقى مدرك إن ربنا نجاك من ابتلاء (الفقر).. وإن الجوع صعب، والأصعب من الجوع، هو التفكير في إنك هتسِد الجوع دا إزاي.. وأصعب من دا، هو التفكير في إنك هتسِد جوع المسؤول عنهم إزاي، وأصعب من دا، هو راجل.. بالمعنى الحرفي للكلمة، يحس من جواه إنه مش راجل كفاية، لأنه مش عارف يسد جوع أهل بيته.

الحمد لله.

قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«مَنْ أَصْبَحَ مِنْكُمْ آمِنًا فِي سِرْبِهِ، مُعَافًى فِي جَسَدِهِ، عِنْدَهُ قُوتُ يَوْمِهِ، فَكَأَنَّمَا حِيزَتْ لَهُ الدُّنْيَا».
— سُنَنُ التِّرْمِذِيِّ

معلومه بسيطه لحالات الباطنه والحميات ♥️🙏

لو فحصت مريض لقيت درجة الحرارة عنده عاليه بس النبض بتاعه بطئ أو مش عالي بالنسبه للحراره ما تسمى relative bradycardia

1- قبل ما تفكر في سبب معين استبعد أنه بياخد ادويه تهدي HR زي beta blockers وكمان معندوش heart block

2- لو المريض جاي بأعراض git زي وجع في البطن امساك وممكن طفح جلدي في بطنه يبقى فكر في typhoid

3- لو هو فلاح أو جزار أو ليه علاقه بالمواشي وجاي بالتهاب في المفاصل ووجع شديد اوي في العضم خصوصا ضهره فكر في brucellosis

4- لو جاي بسخونه مع وجع في بطنه مع jaundice يبقى نفكر ان دا cholangitis

5- لو جاي بأعراض chest زي نهجان الم في الصدر يبقى نفكر في atypical pneumonia غالبا legionella هي السبب

6- طب لو صداع شديد وترجيع مستمر وبقى يبقى DCL شوف علشان غالبا هيكون CNS infection وحصل increase intracranial tention هيزيد الضغط ويقل النبض

د.محمد مجدي

🚑الطفل والشاب اللى شكوته vomiting
لازم تشيك على سكره
مهم جدا تستبعد ال DKA
حتى لو هوا مش مريض سكر