كل عينة دم بتحكي قصة .. ومع بعض فى هذا الكورس هنتعلم نقرأ القصة ونفهم معناها 💙

تم تكرار خصم ال %50

للتواصل والإستفسار عن الكورس
@A_m_Ebrahim

"سكره عالي بس معندوش سكر "

قسم الأطفال – الطوارئ – الساعة 4:10 مساءً

"الولد سخن قوي ومش راضي ياكل من امبارح"

طفل اسمه مالك عنده 6 سنين جاي متشال علي كتف أبوه و شكله مرهق جدًا
حرارته 39.5°C
عنده كحة قوية ونفسه سريع

أمه قالت:

"ده من امبارح عنده حرارة وكحة وفجأة بقى تعبان قوي بيشرب ماية كتير و بيدخل الحمام كتير النهاردة "

طلبنا سكر عشوائي
طلع 252 mg/dl عالي !

مفيش تاريخ مرضي للسكر
ولا في family history
ومأخدش أي أدوية غير خافض حرارة

طلبنا أسيتون في البول: طلع سلبي

عملنا تحليل غازات دم
الـ pH طبيعي والـ HCO₃ طبيعي

عملنا CBC صورة دم
طلعت كرات الدم البيضا عالية
و الـ CRP مرتفع

Chest exam: خروشة واضحة في الرئة اليمين

Chest X-ray: طلعت lobar pneumonin

بدأنا مضاد حيوي بالوريد IV و خافض حرارة

وبعد 48 ساعة

مالك اتحسن جدًا سخونيته راحت
وبقى بياكل وبيتحرك

كررنا السكر العشوائي : طلع 118 mg/dl

التحليل والتفسير الطبي :

الطفل كان بيعاني من stress hyperglycaemia بسبب العدوى الشديدة (pneumonia)
في حالات الـ acute illness بيحصل إفراز لهرمونات زي الكورتيزول والإبينفرين
و دولا هرمونات anti insulin
كأنها بتعمل سكر بالظبط
بتزود مقاومة الإنسولين مؤقتًا
فسكر الدم يعلى

طالما مفيش كيتونات ولا حموضة ولا تاريخ سكر
غالبًا دي " استجابة مؤقتة "
بترجع طبيعية مع علاج السبب
مفيش داعي لتشخيص diabetes إلا لو السكر استمر مرتفع بعد التعافي
Doc Tok

💢 Never interpret HbA1C without Hemoglobin Level

هبسطهالك ال HbA1C او ما يعرف بالسكر التراكمي ده parameter بيديك indication عن كمية السكر ف جسمك علي مدار ال ٣ شهور اللي فاتوا، معتمد علي كمية ال Glucose اللي ماسكة ف ال hemoglobin اللي ماسك  ف ال RBCs واللي ليها normal range، زيادة ال range ده معنها ان فيه glucose كتير ف الدم

يعني ببساطة هو مرتبط بال RBCs، يعني لو عندي مشكلة ف ال RBCs هيأثر علي قراءة ال HbA1C ومش هيعبرلك بدقة عن مستويات ال glucose ف الدم

⬅️يعني ف حالات ال hemolysis زي ف حالات ال thalassemia او ال sickle cell anemia ، ال RBCs بتتكسر كتير فال turnover بتاعها اعلي من الطبيعي، فال life span بتاعتها اللي هي ف الطبيعي ١٢٠ يوم بتقل، فكمية ال glucose اللي ماسك ال hemoglobin هيقل
يعني هيبقي اقل من الطبيعي يعني نترجمها ل false  reduction لكن هو مفروض يكون اعلي من كدة

⬅️ف حالات ال splenomegaly الطحال هنا بيبقي hyperactive ماشي يكسر ف ال RBCs فال turnover بتاعها بيزيد فال glucose اللي ماسك ف ال hemoglobin بيقل وبرضو هيديني false reduction

⬅️برضو ال blood transfusion ممكن يقلل ال HbA1C عشان ال hemodilution اللي بيحصل بسبب نقل الدم

⬅️لو عيان بدأ مثلا علاج بال Erythropoietin فده هيحفز ال bone marrow انه يطلع RBCs كتير لسة مرتبطتش بال glucose فيديك result اقل من الحقيقي

⬅️وبعض الادوية زي ال high dose من vitamin C, E و ال dapson و ال hydroxyurea

⬅️برضو ال حمل وبعد الولادة ب ٣ شهور الفترة دي مينفعش اعتمد فيها علي قراية ال HbA1C بسبب زيادة ال RBCs turnover ف الحمل، وبسبب ال blood loss اللي بيحصل ف الولادة عشان كدة مبعتمدش عليه ف متابعة السكر ف الحمل

------------------------------------------------------------
على الجانب الاخر عندك حاجات بتديك false elevation  ف قراية ال HbA1C

⬅️زي ف حالات ال iron deficiency anemia وال pernicious anemia anemia
وده بيحصل لان ال RBCs turnover بيقل فال life span بتاع ال RBCs بتزيد

وف حالات ال iron deficiency anemia بيبقي عندك مادة اسمها malondialdehyde بتزود ال Glycation وارتباط ال glucose بال Hemoglobin

⬅️برضو ف حالات ال post splenectomy حد شال الطحال جراحيا ال RBCs turnover بيزيد
-------------------------------------------------------------

يبقي نستنتج من الكلام ده ان ال HbA1C ده مش مقدس وعندك بديل لل HbA1C اللي هو انك تطلب ال fructosamine level وده glycated protein بيمثل ارتباط ال glucose بال albumin مش ال hemoglobin
و equation بتربط ال fructosamine level وال HbA1C
HbA1C= [0.017 x Fructosamine level] + 1.6

وبنفس الطريقة خلي بالك من اي حاجة ممكن تأثر علي ال level بتاع ال albumin لانها ممكن تأثر علي ال Reliability بتاع ال fructosamine level

برضو vitamin C interfere مع ال fructosamine assay فلو عيان ماشي علي vitamin C بيقف قبل التحليل ب ٢٤ ساعة

Copied

شاب مدخن🚬 جاي بألم فى الصدر او نهجان مفاجىء

فكر فى Spontaneous Pneumothorax🫁
بسبب alpha 1 antitrypsin deficiency

التدخين فى سن الشباب عادةً مش هيلحق يعمله مضاعفات زي تصلب الشرايين او COPD
إلا لو فى عوامل خطورة تانية زي لزوجة الدم
Thrombophilia /Polycythemia/Hyperlipidemia

فهتحط السماعة على صدره هتلاقي 🩺
decreased air entry على ناحية واحدة
+
Hyperresonance (on Percussion)
+
Reduced chest expansion on the affected side , maybe hyperexpanded
"Asymmetry of chest wall movement"
(on Inspection)
+
Tracheal shift (if tension Pneumotharax)
المظاهر دي هتشوفها حسب شدة الحالة

Dr : Omar Rashwan

🟩 هل المطلوب منك انك تشخص المريض من اول ما تشوفه ؟ ولا ممكن تاخد وقتك ؟‼️

بألاحظ ان زملاء كتير وبالذات من الأطباء الچناير او صغار النواب والامتياز متخيلين ان الاخصائى او الاستشارى بتاع الباطنه بمجرد أنه يمر على الحاله هيقدر أنه يشخصها من اول مره ‼️

👨‍⚕️ والفكره دى غلط طبعا لان الموضوع بيخضع لعدة عوامل:

زى ايه ؟ 🤔

1️⃣ هل الحاله طارئه ( critical) ولا حاله stable under investigations ؟...الحالات الطارئه وحالات العنايه ال critical محتاجه تشخيص سريع وقرار سريع فى العلاج والفحوصات بينما الحالات المحجوزه فى قسم الباطنه او اى وحده تابعه لها مش مطلوب فيها التسرع فى التشخيص ابدا

2️⃣هل الحاله واضحه وسهله من الاول ولا معقده ؟ الطبيعى أن الحالات السهله والواضحه بتتشخص بسرعه وقرار العلاج بيتاخد بسرعه بردو ..اما الحالات التى تبدو صعبه أو معقده من الاول اكيد هتاخد وقت لحين فك شفرتها ويكتفى
الاخصائى او الاستشارى بوضع تشخيص مبدئى أو احتمالات تشخيصيه فى الاول والانتظار لحين ظهور نتائج الفحوصات

3️⃣ وجود إمكانيات تشخيصيه متوفره بالمستشفى وحالة المريض الماديه .. ممكن جدا نوصل للتشخيص بسرعه أو أضعف الايمان نحط كل الاحتمالات الممكنة بس اللى يوقفنا ال investigations اللى بتأكد التشخيص وعدم توفرها فى المستشفى وفى حالة عدم توفرها هيضطر المريض أنه يعملها على حسابه !!

4️⃣ القدرات التشخيصيه والمهارات الاكلنيكيه وخبرة ال senior اللى شاف الحاله سواء كان اخصائى او استشارى
وارد جدا تكون الحاله اكبر من إمكانياته وخبراته و محتاجه حد أكثر خبره واقوى علما ..

👨‍⚕️ ولذلك يجب على كل طبيب junior ان يعرف المعلومات التاليه جيدا ‼️

💻 عملية التشخيص عمليه مش سهله فى حالات كتير و تحتاج وقت وخطوات كالاتى ⤵️

🔷أخذ التاريخ المرضي: يجب على الطبيب الجيد أن يسأل المريض عن الأعراض، متى بدأت، كيف تتطور بشكل احترافي جدا وده عايز خبره كبيره وتسلسل عقلى و communications skills قويه من الطبيب ال senior وطبعا بمساعدة الشغل المبدئى لل Junior .. وطبعا التاريخ المرضى هو الأساس فى تشخيص معظم الحالات ‼️

🔷الفحص السريري: يجب على السناير وايضا الچناير الاهتمام بفحص اكلينيكى محترف متوافق مع الحاله وده بنسميه focused examination 🩺 .. فى بعض الأحيان بيبقى ال signs بتدل على تشخيص بعينه أو احتمالات محدده وده بيسهل التشخيص السريع والعلاج السريع أيضا

🔷الفحوصات والتحاليل: أحيانًا تحتاج تحاليل معينه و أشعة، أو اختبارات أخرى لتأكيد التشخيص وطلب الفحوصات ده فن عظيم والطبيب الشاطر يقدر يطلب الفحوصات اللى بتوصل للتشخيص بدقه سريعه وحاسمه وده بنسميه relevant investigations ‼️

🔷المتابعة: بعض الحالات لا تُشخص بدقة من أول زيارة، فيكون مطلوب متابعة تطور الأعراض ... ودى ظاهره معروفه ..ياما شوفنا حالات كانت فى بدايتها vague جدا ومع تكرار المرور عليها بتظهر حاجات بتوصلك للتشخيص او بتقربك منه جدا ..

🤷السرعة في التشخيص قد تكون مطلوبة بحالات الطوارئ فقط، لكن في معظم الحالات وبالذات فى الحالات المستقره يجب أن تعرف أن الدقة أهم من السرعة.‼️

💻 اخيرا تكوين ما يسمى بال Multidisciplinary team شئ هام جدا لتقييم الحاله بشكل صحيح وايضا لتقديم care جيد للمريض . ايضا أخذ اراء اخرى قد يفيد جدا فى حالات صعبه وغير واضحه ..

Dr Hosam mokhtar

💢خليك فاهم ان مش ف كل مرة هتزود فيها جرعة الدوا، ال effect بتاع الدوا هيزيد

يعني مثلا دوا زي ال Singulair مادته الفعالة montelukast ال maximum daily dose هي 10mg مرة واحدة يوميا بيتاخد بالليل

طيب لنفرض الجرعة بقت 10mg مرتين يوميا او ٣ مرات يوميا، هل هاخد effect اعلي؟

ف الحقيقة لا، فيه ادوية لما بتدخل الجسم بتخضع لما يمسي ب dose response curve وده له كذا شكل

منهم شكل اسمه flat dose response curve يعني مهما زودت جرعة الدوا هتاخد نفس ال effect هو هو
الحاجة الوحيدة اللي هتزيد هي ال side effects

💢ملحوظة جانبية
ال montelukast من الادوية اللي ال long term use منها ممكن يعمل depression
ومش بس كدة هي احد الادوية اللي ممكن تعمل nightmares

Copied

لما تيجي تكتب أقراص حديد ل شخص بيتعالج من الأنيميا  اكتبلوا قرص مرة واحد ف اليوم ...فيه بعض العيانين بيطلب منك تكتبله قرصين ف اليوم لأنه بيفتكر أن كدا هيعالج الأنيميا بشكل أسرع لما ياخد حديد اكتر  ..ودا طبعا خطأ  لأن
Excess iron  stimulate hepcidne
Axis  that lead to decrease iron absorption
يعني لما تزود جرعة الحديد هيقل امتصاصه
علشان كدا تكتب قرص واحد بس يوميا


وحتي فيه دلوقتي دراسات طالعه بتفضل
Alternative day dosing
يعني ياخد قرص يوم  واليوم ال بعدة مياخدش حديد  وهكذا
والدراسات دي بتقول أن الطريقة دي أفضل ف iron absorption

من الحاجات ال بتعمل sudden death  ف الأطفال حاله اسمها
Long QT syndrome

الحاله دي بتبقى وراثيه ف العيله  ولما تاخد هستوري هتلاقي   history of sudden death in young age at family member

بيحصل mutation ف ion channel  ال مسئول عن حركه الأيونات ال بتتحكم ف كهربه القلب
ف بتزود ال QT interval

ف الحاله دي الطفل لما بيجي يعمل exercise أو ياخد بعض ال drugs  بيحصله  arrhythmia  وبتدخل الطفل ف syncope  أو seizures  وممكن sudden death 

طب بنشخص الحاله دي ازاي ؟ عن طريق 4 حاجات
ECG
GENE TEST
History of syncope
Family history of sudden death

وعلاج الحاله دي  هو ال beta blocker زي propranolol

الباراسيتامول (Paracetamol / Acetaminophen) بيشتغل على مراكز الحرارة في المخ (hypothalamus) فيقلل Set point وبالتالي يخفض الحرارة

الباراسيتامول يشتغل حتى لو الحرارة عالية (40)، لكنه يحتاج وقت (عادة يبدأ خلال 30–60 دقيقة).

الكمادات أو الوسائل الفيزيائية (مسح بماء فاتر، تهوية جيدة، لبس خفيف) بتساعد لحد ما الدواء يبدأ مفعوله.

📌 النقاط المهمة:

الباراسيتامول هو الأساس لخفض الحرارة.

الكمادات مش بديل، لكنها وسيلة مساعدة مؤقتة.

لازم نتأكد إن المريض مش dehydrated → السوائل مهمة جدًا.

لو الحرارة مش نازلة أو في أعراض خطيرة (تشنجات، خمول شديد، صعوبة تنفس، علامات عدوى خطيرة) → لازم مراجعة طبية فورًا.\.

🔑 الخلاصة:
في حرارة 40°C → ندي باراسيتامول فورًا، ومعاه ممكن نستخدم كمادات ماء فاتر لسرعة المساعدة، لكن الدواء هو اللي بيخفض الحرارة فعليًا.

ابدأ باراسيتامول ولا تنتظر كمادات

د.أحمد عبدالحافظ

الجفاف Dehydration

الجفاف تشخيصه بيعتمد على كذا نقطة .. أهمهم الفحص الإكلينيكي، وبعده التاريخ المرضي، وبعدين التحاليل وغيرهم

الجفاف مش رقم cvp
ولا IVC diameter،
ولا إن المريض بيعمل بول قليل.
ولا رقم BE في ال ABG

ممكن يبقى في جفاف وCVP عالي زي حالات ascites أو heart failure.

وعشان كده، تشخيص الجفاف وقرار إن العيان محتاج IV fluids لازم يكون مبني على كذا حاجة مع بعض.

أول حاجة : التاريخ المرضي

يقولك: "أبويا بقاله يومين تلاتة مش بياكل ولا بيشرب".

أو: "والدتي عندها إسهال وترجيع بقالهم أسبوع".

أو: "أخويا بقاله 3 أيام بيجيب بول قليل ولونه غامق".

دي أول لمبة بتنور إن العيان ممكن يكون في dehydration.

التحاليل

مش دايمًا، بس متوقع تلاقي:

BUN عالي.

لخبطة في المعادن، خصوصًا sodium (ممكن عالي أو واطي حسب السبب).

HCT عالي شوية بسبب haemoconcentration.

الفحص الإكلينيكي

عينين sunken eyes؟

لسان dry tongue؟

Skin turgor delayed؟

ولو severe dehydration.. ممكن تلاقي confusion، irritability أو حتى neurological symptoms واضحة.

أدوات مساعدة تانية :

بص على CVP، وفكّر إذا في مرض مزمن يخليه false high.

بص بالسونار على IVC diameter.

وفي الآخر، انت بتجمع كل الـpositive data اللي بتأكدلك إن المريض فعلًا في جفاف ومحتاج تعويض سوائل..بس لازم يكون التعويض:

بسرعة → عشان متأخرش تحسّن العيان.

وبذكاء → عشان ماتزودش عن اللزوم وتدخل في pulmonary edema أو volume overload.

الخلاصة :

ما تستعجلش تقول "العيان dehydrated" من أول نظرة، وفي نفس الوقت ما تنساش إن أي مريض داخل ICU لأي سبب ممكن يدخل في جفاف ويحتاج fluid maintenance.

يبقى التشخيص والمعالجة على حسب:

History

Labs

Clinical exam

CVP

UOP

IVC diameter

وعالج صح يا بطل 💪❤️

د.أسامة الدسوقي

‌‏١- إزاي تنقل خبر سيئ؟
‌‏Breaking bad news
‌‏BBN
‌‏مهارة مهمة جدا ، منسية تماما و لا تدرس تقريبا لطلبة كلية الطب .. و تنفع للناس عموما و في الحياة العامة برضه مش الطبية بس

‌‏٢- ليه الموضوع ده مشكلة؟ ليه ما ينفعش نقول للمريض فجأة التحاليل بتاعتك بينت إن عندك سرطان مثلا؟ عشان دماغ كل واحد فينا مختلفة في طبيعة الاستجابة للصدمات. في ناس بتكون ثابتة بطبيعتها. في ناس بتنهار. في ناس بتمرض. في ناس بتفقد النطق أو السمع لفترة. و في ناس بتموت بتموت في لحظتها.

‌‏٣- كل ده بيحصل عشان العقل بيكون مش مستعد يتلقى صدمة. كأنك جيت تسلم على واحد بكل سلام و رحت فجاه ضربه بسكينه. هو مش بيلحق أصلا يفهم فيه إيه قبل ما يموت. لكن لو هو متوقع كده رد فعله إنه هيحاول يتفادى الضربة و إستجابتة هتبقى أسرع.

‌‏٤-
و هنا جه دور مهارة ال breaking bad news
اللي بتتمحور حول ازاي تخلي دماغ المريض قصادك مستعد و متوقع إن الخبر اللي جاي خبر سيئ. و بالتالي نفسيا هيكون مستعد و بلغة بسيطة كده العقل الباطن بيعمل دفاع نفسي ضد الصدمات و اللي بيخفف من هول الصدمة شوية

‌‏٥-
ال
BBN
ليها بروتوكلات كتيره على حسب المصدر اللي بتقرأ منه. كلها شبه بعض و الاختلاف بسيطة. مثلا الخطوات ممكن تكون كده:
‌‏Step one:
‌‏GRIPS
‌‏Greet the patient
‌‏Rapport
‌‏Introduce your self/ Identify the patient
‌‏Purpose of the visit

‌‏٦- مثال:
‌‏مساء الخير/ السلام عليكم
‌‏أنا الدكتور أحمد استشاري و شغال هنا في القسم
‌‏ممكن أتأكد من إسم حضرتك و تاريخ الميلاد؟
‌‏- أهلا بيك يا دكتور مساء النور. أنا الأستاذ إبراهيم
‌‏- أهلا بحضرتك أستاذ ابراهيم. أنا كنت عاوز أتكلم مع حضرتك بخصوص حالتك الصحية. تحب حد يكون معاك؟

‌‏٧- في الخطوة الأولى اللي فاتت و طالما انت ناوي تنقل خبر سيئ لازم كام نقطة مهمه.
‌‏Tone صوتك لازم يكون منخفض و مينفعش تدخل على المريض و إنت مبتسم أو باين على صوتك السعادة
‌‏إختار كرسي تقعد فيه قدام المريض و يكون عينك في عينه و قريب منه
‌‏متتكلمش في الموبايل أثناء الإستشارة
‌‏ناديه بإسمه

‌‏٨-
الخطوة التانيه و هي ال BBN نفسه.

‌‏ICE protocol
‌‏Idea
‌‏ حضرتك كنت جيت قبل كده عشان تعمل التحليل الفلاني. حضرتك عندك فكرة عن حالتك الصحية و ليه عملت التحليل ده؟

‌‏Concern
‌‏في عند حضرتك أى حاجه قلقان منها بخصوص حالتك الصحية

‌‏Expectations
‌‏حضرتك متوقع التحليل يكون في إيه ؟

‌‏٩-
تاني بكرر هنا لازم tone صوتك يكون واطي أكثر و ما تقاطعش المريض نهائي سيبه يتكلم و ديما تناديه بإسمه اللي بيحبه. الفكره من ICE إنه بيوجه تفكير المريض لتوقع خبر سيئ. و بتحصل كتير من أول سؤال إنه يقلك. أنا جيت كشفت عشان كان عندي كده و خايف لايكون سرطان. كده عقله أصبح مستعد خلاص.

‌‏١٠- آول ما تحس إن المريض عقله بقى مستعد. تنقل الخبر تدريجيا.
‌‏- يا أستاذ إبراهيم أنا معايا نتيجة التحليل تحب حد يكون موجود معاك؟
‌‏- لأ
‌‏- للأسف النتيجة مطلعش زي ما أحنا كنا نأمل. أنا آسف اني هقولك خبر سيئ. النتيجه طلعت سرطان. (ببطئ و صمت بين الجمل)

‌‏بعدها تصمت تماما
‌‏Pause

‌‏١١-
Pause
‌‏سيبه خالص يتفاعل مع الخبر و قرب الكرسي بتاعك منه. لو بدأ يبكي طبطب عليه و اديله مناديل و كوبايه مايه. ما تتكلمش في أي حاجة تانية إلا أما يبدأ هو يتكلم معاك.

‌‏١٢-
شوية لما يبدأ يهدأ يبدأ يسألك عن الخطة و العلاج و و . هنا لازم تبين ال
‌‏Sympathy
‌‏و هي إنك تبين تفهمك لمشاعر المريض زي طريقة كلامك و التون و انك تقوله أنا مقدر إحساسك و كل اللي انت حاسس بيه طبيعي

‌‏Empathy
‌‏إنك تحط نفسك مكانه. أكيد إحساس صعب جدا و أي حد مكانك هيحس بكده

‌‏١٣- طول ما هو بيسألك ما تقاطعهوش و تقبل حزنه و غضبه أحيانا.
‌‏و حاول تكون بسيط في شرحك، و إنك ديما هتحاول تساعده و إن ديما إحنا هنا في المستشفى موجودين تحت أمرك لأي أسئلة أو مساعدة.

‌‏١٤- آخر نصيحه
‌‏في ال Breaking Bad News اعرف ان وشك ده هيبقى آخر وش شافه المريض قبل ما حياته تنقلب رأسا على عقب. عمره ما هينسى شكلك. سواء كنت ماشي تبع البروتوكول اللي فوق أو كنت مستهتر بمشاعره و داخل عليه بلا مبالاه في إيدك كوباية النسكافيه و بتتكلم في الموبايل.

‌‏تحياتي لكم جميعًا

د. أحمد غبارة

كام معلومه مهمين في كتابه روشته الأملاح

1- فوار الأملاح زي ال urivin و urosolvin يفضل إعطائها للمريض قبل الاكل بنص ساعه علشان بتتاثر بالاكل

2- فوار المطهر زي proximol و renal s يفضل إعطاؤه بعد الاكل علشان اسوء ما فيه الطعم وبيهج المعده وبيسد النفس

3- فوار ال epimag و citrocid عادي يتاخدو قبل أو بعد الاكل عادي
معلومه مهمه جدا

4- ال ciprofloxacin ليها خاصيه ال photo sensitivity يعني تنبه على المريض تجنب التعرض الشديد للشمس لانه وارد بعد ما ياخد الدوا يحصله حرق في جسمه

5- ال ciprofloxacin بتتاثر في الامتصاص بتاعها بال mg و ca فخلي بالك لو كتبت فوار epimag للاملاح اللي عنده ودا وارد جدا يحصل يبقى لازم فاصل كبير بينهم يعني نخلي الفوار قبل الاكل بنص ساعه والبرشام بعد الاكل بساعتين وزيه بالظبط ادويه antiacid

6- ال ciprofloxacin بيشتغل ك enzyme inhibitor فلو المريض اصلا chest وبياخد thiophylin فدا هيزود ال toxicity بتاعت ال thiophylin جدا

7- ال ciprofloxacin ممكن يستخدم تحت 18سنه حاليا لو اضطرينا ليه عادي

د.محمد مجدي

لما يجيلك عيان في غيبوبه سكر hypoglycemia بسبب جرعه

انسولين زياده اوعى تنسى ان الأنسولين ممكن يدخله

فيhypokalemia برضو هتقعد ترفع السكر ويموت منك بسبب

ال hypokalemia اللي متصلحتش

وانت بتعوضه الممرضه معاك تسحب عينه وتعرف نسبته كام

علشان تكون في امان

لو جاتلك الحاله دي في الطوارئ كنت هتعمل اي 🤔👍

بنت تقريبا 19سنه جايبينها الطوارئ علشان مغمى عليها المفروض بعد ما زعقت شويه

ال vital data بتاعتها زي الفل ما عدا السكر العشوائي كان 550ولما عدناه تاني كان 590 سألتهم كانت مريضه سكر بتدخل حمام كتير بتاكل كتير وتخس قالو لا

وقبل ما نبدأ نعمل DD ولا حاجه وفي وسط استغراب الممرضه اللي معايا قولتها امسحى ايديها بمحلول ملح ونشفي كويس ونقيس في الجانبين تاني
سبحان الله طلع السكر طبيعي مش عالي ولا حاجه في اكتر من قياس تاني

التفسير ازاي كان 590 وبعدين طبيعي : الفكره أن دي عامله نفسها مغمى عليها وفي وسط محاولات أنه يفوقوها هتلاقي اخدت شكولاته عصير او غيره أيدها في سكر لما تقيس دا بيدي نتيجه مزيفه

لو اتغاشمت عليها وروحت مدي الاسكيمه المحفوظه محلول مع كام وحده انسولين كنت هتدخلها في hypoglycemia

البنت فاقت طبعا هي كانت بتمثل من الاول ومكنش فيها حاجه
علشان كدا نخلي بالنا أن من التوصيات دايما في قياس السكر مسح المكان قبل القياس علشان ميكنش فيه بقايا اكل أو غيره ويدي نتيجه سلبيه خصوصا المرضى الي متابعين في بيتهم

د.محمد بحيري