"شاب عنده 16 سنة جاي العيادة بيشتكي من تورم حوالين العين"

بدأت القصة لما الشاب لاحظ تورم بسيط حوالين عينه، بيزيد الصبح أول ما يصحى، وبيقل شوية على آخر اليوم.
ولما سألته أكتر، قال إنه كمان حاسس إن فيه شوية انتفاخ في بطنه، ورجله بدأت تورم شوية، من غير ألم.

مافيش حرارة، مافيش كحة، النفس طبيعي، وشهيته كويسة، بس البول قل عن المعتاد في اليومين اللي فاتوا.

---

الخطوة الأولى: بدأت أفكر، إيه الأسباب اللي ممكن تعمل generalized edema؟

Nephrotic syndrome

Heart failure

Liver failure

Hypothyroidism

Allergic reaction

---

الخطوة التانية: Clinical exclusion
Heart failure
فشل القلب؟ مافيش كحة، ولا ضيق نفس، ولا signs of congestion ولا orthopnea
Liver failure
فشل كبدي؟ مافيش jaundice ، ولا كبد كبير، ولا علامات chronic liver disease

Hypothyroidism
؟ الشاب نشيط، مافيش خمول، ولا إمساك، ولا زيادة وزن

Allergic reaction
الورم مش مصحوب ب itching or redness
ولا حصل بعد تعرضه لاي ماده أو بعد اي دواء

الاحتمال الأقرب دلوقتي: Nephrotic Syndrome

---

الخطوة التالتة:

Urinalysis

(وده تحليل مهم جدا ورخيص جدا ومهدور حقه للاسف )

عملت تحليل بول مبدئي:

Proteinuria شديدة (+++)

No RBCS
No casts
No pus cells

--

الخطوة الرابعة: تأكيد التشخيص

طلبت Urine albumin/creatinine ratio

الرقم طلع عالي جدًا، confirming heavy proteinuria

Echo normal

---

الخطوة الخامسة: تحاليل الدم

Serum albumin: منخفض

Serum cholesterol: مرتفع

Kidney function: طبيعية

---

التشخيص:

الورم بدأ من العين، ومعاه تورم بسيط في البطن والرجل
تحليل البول والدم أكدوا وجود proteinuria، hypoalbuminemia، وhypercholesterolemia
=> التشخيص الأقرب: Nephrotic Syndrome

---
دايمًا امشي ورا التفاصيل الصغيرة... لأن في الطب، العرض البسيط ممكن يكون بداية لحكاية كبيرة.

د.محمد القصاص

بمناسبة بوستات STEMI
اي عيان يجيلك الطوارىء بوجع ف صدره..كتمة..خفقان.
اي شكوى من اول وجع ف الاسنان والفك فقط مع المجهود
لأي وجع ف رقبته صدره تنميل ف ايديه. ف ضهره
وجع ف المعده ف البطن غثيان. ارتجاع
وف السن الكبير ده تعمله رسم قلب حتى لو قالك صباعي بيوجعني
او شوية همدان تعب ارهاق زيادة عن اللازم تعرق

مادام جالك الطوارىء يبقى هو قلقان من حاجة

اعمله رسم قلب ايا كان سنه

انا شفت عيان
ولد اسمه اسلام
١٤ سنة
ومعندوش اي مشاكل قبل كده

وجه الطوارىء بوجع ف صدره

من حسن الحظ اتعمله رسم قلب

طلع exensive anterior STEMI

والايكو بتاعه LAD terrioty affected with EF 40%

وطلعنا القسطرة ..طلعت normal coronaires

MINOCA

وعملناله فحوصات

طلع primary antiphophoslipid syndrome

وهيكمل على الورفارين طول حياته


فخلي بالك وانت لسه جديد ف الطوارىء او بادئ نيابتك..

Dr.Hisham Alshamekh

السلام عليكم‌❤️⁩

Gastroenteritis: النزلة المعوية

هيجلك عيان بيشتكي من مغص و الم في بطنه و ممكن ترجيع و أحياناً بيكون فيه حرارة
لكن علشان تشخص إنها نزلة معوية لازم يقولك عندي (إسهال)
لازم نعرف شدة ال Diarrhea و بيدخل الحمام كام مرة علشان نقرر نعلقله محلول ولا لا

اساله هل أكلت أكل من برة او حد ف البيت عنده نفس الأعراض!؟

مهم نفحص ال Abdomen و نستبعد ال Surgical causes
فلو حسيت ال abdomen هتلاقي
No tenderness, No rigidity

في الاستقبال هنعلق ٥٠٠سم محلول ملح او رينجر
و نحط فيه
-Vominting:
Primperan or Zofran or Danset IM or IVI
-Antispasmodic:
Viseralgin or buscopan IM or IVi

-Antodine or gastrodine 20 IM or IVI
ميزة ال  H2 blocker انه بيشتغل أسرع من PPi
لكن ال PPI بيشتغل لمدة أطول زي Controlc


لو الحالة شديدة بنعلق:
فلاجيل دريب محلول أو Amrizol
.....
بعد كدة روشتة
Flagyl 500 or Amrizole
حباية كل ١٢ ساعة
Antinal or strptoqine
حباية كل ١٢ ساعة

Motilium
or Danset (متكتبوش مع Spasmofree)
حبة ٣ مرات يوميا قبل الأكل بنص ساعة للترجيع

Viseralgin or buscopan or Spasmofree
حبة ٣ مرات ف اليوم للمغص
فيه دواء أقوي للمغص
Spasmodigestine or Spasmoamarase or Spasmocanulase
(ممنوع في الإمساك و الحموضة)
قرص ٣ مرات قبل الأكل

كل الي فات لمدة ٥ أيام
يشرب ماية وسوايل كتير وياكل عيش و رز و موز
شوربة لسان عصفور و شوربة خضار

لو قالت في دم ف البراز او تعنية او حرارة
اكتب بدل الفلاجيل
Tinifloxacin or ciprofar500
قرص كل ١٢ ساعة قبل الأكل بساعة لمدة ٥أيام

فيه دواء غالي مضاد حيوي و معاه فلاجيل اسمه
Ciprodiazole 500
حباية كل ١٢ ساعة

وحاجة للحرارة زي بنادول أو Dolipran or adol

بالتوفيق يا شباب
Copied

الانيميا تشخيص معملي مش بمجرد الشكل الشاحب
ومفيش علاج انيميا بدون كشف
النهاردة زارتني حالتين
الاتنين فيهم شحوب
الاولي نسبة الهيموجلوبين ١٢
والتانيه ٤.٣

د.السيد المر

لا تهمل التحاليل

"يا دكتور أنا تعبان بقالي كام شهر مش مرتاح"

دخل أحمد في الأربعينيات باين عليه الإرهاق
شكوته الم في البطن مع إسهال مزمن بيجي بشكل متقطع متغير مع امساك وصداع من وقت للتاني

"عملت تحاليل كتير وكلها كويسة دكاترة كتير قالولي ده قولون عصبي"

احمد يعاني من إسهال مزمن وصداع تحاليله الأولية طبيعية
إسهال مزمن متغير مع امساك
صداع متكرر
لا يوجد ما يشير لسبب واضح في البداية

في حاجة مش ماشية مظبوطة
ليه الإسهال مش بيتحسن مع علاج القولون؟

و ليه في الصداع مستمر؟

و انا بفحص بطنه كان في scar سالته انت عملت عملية ايه قبل كده

قالي دي كانت حصوة علي الكلي من زمان

سالته هو انت بتنزل حصاوي كتير ؟
قال مش كتير بس كل فترة بنزل حصوة


طلبت تحليل كالسيوم الدم

مرتفع (hypercalcaemia) بس دي تعمل امساك مش اسهال مركزتش اوي عديتها

بعدها طلبت تحليل PTH طلع عالي
و بعدها طلبنا أشعات علي parathyroid gland
طلع فيها ورم و حولت الحالة للجراحة و تمت الجراحة بنجاح

بعدها بشوية رجع احمد لسه عنده الم في بطنه و الاسهال موجود و الصداع

المرة دي كان معاه اخوه في الزيارة لما قعد كل ما يتكلم مع حد فينا كان بيلف جسمه بالكامل
فانا سألته ليه بتعمل كده قال علشان اشوف كويس لاني مش بشوف الأطراف كويس
هوبا headache و bitemporal hemianopia
بعته رمد رجع مكتوب عنده bitemporal hemianopia

علطول طلبت MRI of pituitary
و طلع عنده ورم في الغدة النخامية

ورم في parathyroid و pituitary كده
فاضل p و نجمع ال 3Ps
فعلا طلبت CT pancreas
طلع عنده ورم في البنكرياس

التشخيص النهائي
Multiple Endocrine Neoplasia type 1 (MEN1)
(ورم في الغدة جارات الدرقية سبب ارتفاع الكالسيوم وورم في الغدة النخامية سبب مشاكل الرؤية و وجود أورام في البنكرياس تسببت في الإسهال و الم البطن)

حولنا الحالة للجراحة للتقييم الشامل لتحديد أماكن الأورام ووضع خطة العلاج المناسبة

الدرس:
يمكن خداعك بسهولة أن كنت محدود المدارك
Doc Tok

إزاي أعرف إذا كان الضغط "الواطي" فعلاً بيأثر على الـtissue perfusion ولا لأ.

1. المعايير الأساسية لتقييم الـPerfusion

🔸MAP (Mean Arterial Pressure)

المعادلة:
MAP = systole + (2×diastole) \ 3

لكن: رقم الـMAP لوحده مش كفاية، لأنه perfusion بيختلف حسب المريض (مثلًا مريض عنده chronic HTN ممكن يحتاج MAP أعلى).

🔸Clinical markers ( بول ، وعي ، جلد ، refill )

Consciousness: Altered sensorium = hypoperfusion to brain.

Skin: cold, clammy, mottled.

Capillary refill: > 2 ثواني = poor perfusion.

Urine output: < 0.5 ml/kg/hr = renal hypoperfusion.

---

🔸Laboratory markers

Serum lactate: > 2 mmol/L = tissue hypoperfusion (anaerobic metabolism).

Central venous O₂ saturation (ScvO₂): < 65–70% = inadequate delivery.

Base deficit (ABG): metabolic acidosis = indicator of poor perfusion.

---

💬خطوات عملية في التقييم

1. احسب MAP → أقل من 65 غالبًا يعني خطر hypoperfusion.

2. بص على العلامات الإكلينيكية: وعي، جلد، refill، بول.

3. شوف المعمل: لاكتات، ABG.

4. قيم حالة كل عضو: Brain, Kidney, Heart, Liver
→ أي evidence dysfunction = hypoperfusion.

📌 أمثلة

مريض ضغطه 85/50 →
MAP = 85 + (2×50) \ 3= 61
(below 65 !! => Considered Hypoperfusion if there is clinical symptoms)

مريض تاني 100/70 →
MAP =100 +( 2×70)/ 3= 80

بس كده .. سلام ❤️
د/عمر رشوان

كل عينة دم بتحكي قصة .. ومع بعض فى هذا الكورس هنتعلم نقرأ القصة ونفهم معناها 💙

تم تكرار خصم ال %50

للتواصل والإستفسار عن الكورس
@A_m_Ebrahim

"سكره عالي بس معندوش سكر "

قسم الأطفال – الطوارئ – الساعة 4:10 مساءً

"الولد سخن قوي ومش راضي ياكل من امبارح"

طفل اسمه مالك عنده 6 سنين جاي متشال علي كتف أبوه و شكله مرهق جدًا
حرارته 39.5°C
عنده كحة قوية ونفسه سريع

أمه قالت:

"ده من امبارح عنده حرارة وكحة وفجأة بقى تعبان قوي بيشرب ماية كتير و بيدخل الحمام كتير النهاردة "

طلبنا سكر عشوائي
طلع 252 mg/dl عالي !

مفيش تاريخ مرضي للسكر
ولا في family history
ومأخدش أي أدوية غير خافض حرارة

طلبنا أسيتون في البول: طلع سلبي

عملنا تحليل غازات دم
الـ pH طبيعي والـ HCO₃ طبيعي

عملنا CBC صورة دم
طلعت كرات الدم البيضا عالية
و الـ CRP مرتفع

Chest exam: خروشة واضحة في الرئة اليمين

Chest X-ray: طلعت lobar pneumonin

بدأنا مضاد حيوي بالوريد IV و خافض حرارة

وبعد 48 ساعة

مالك اتحسن جدًا سخونيته راحت
وبقى بياكل وبيتحرك

كررنا السكر العشوائي : طلع 118 mg/dl

التحليل والتفسير الطبي :

الطفل كان بيعاني من stress hyperglycaemia بسبب العدوى الشديدة (pneumonia)
في حالات الـ acute illness بيحصل إفراز لهرمونات زي الكورتيزول والإبينفرين
و دولا هرمونات anti insulin
كأنها بتعمل سكر بالظبط
بتزود مقاومة الإنسولين مؤقتًا
فسكر الدم يعلى

طالما مفيش كيتونات ولا حموضة ولا تاريخ سكر
غالبًا دي " استجابة مؤقتة "
بترجع طبيعية مع علاج السبب
مفيش داعي لتشخيص diabetes إلا لو السكر استمر مرتفع بعد التعافي
Doc Tok

💢 Never interpret HbA1C without Hemoglobin Level

هبسطهالك ال HbA1C او ما يعرف بالسكر التراكمي ده parameter بيديك indication عن كمية السكر ف جسمك علي مدار ال ٣ شهور اللي فاتوا، معتمد علي كمية ال Glucose اللي ماسكة ف ال hemoglobin اللي ماسك  ف ال RBCs واللي ليها normal range، زيادة ال range ده معنها ان فيه glucose كتير ف الدم

يعني ببساطة هو مرتبط بال RBCs، يعني لو عندي مشكلة ف ال RBCs هيأثر علي قراءة ال HbA1C ومش هيعبرلك بدقة عن مستويات ال glucose ف الدم

⬅️يعني ف حالات ال hemolysis زي ف حالات ال thalassemia او ال sickle cell anemia ، ال RBCs بتتكسر كتير فال turnover بتاعها اعلي من الطبيعي، فال life span بتاعتها اللي هي ف الطبيعي ١٢٠ يوم بتقل، فكمية ال glucose اللي ماسك ال hemoglobin هيقل
يعني هيبقي اقل من الطبيعي يعني نترجمها ل false  reduction لكن هو مفروض يكون اعلي من كدة

⬅️ف حالات ال splenomegaly الطحال هنا بيبقي hyperactive ماشي يكسر ف ال RBCs فال turnover بتاعها بيزيد فال glucose اللي ماسك ف ال hemoglobin بيقل وبرضو هيديني false reduction

⬅️برضو ال blood transfusion ممكن يقلل ال HbA1C عشان ال hemodilution اللي بيحصل بسبب نقل الدم

⬅️لو عيان بدأ مثلا علاج بال Erythropoietin فده هيحفز ال bone marrow انه يطلع RBCs كتير لسة مرتبطتش بال glucose فيديك result اقل من الحقيقي

⬅️وبعض الادوية زي ال high dose من vitamin C, E و ال dapson و ال hydroxyurea

⬅️برضو ال حمل وبعد الولادة ب ٣ شهور الفترة دي مينفعش اعتمد فيها علي قراية ال HbA1C بسبب زيادة ال RBCs turnover ف الحمل، وبسبب ال blood loss اللي بيحصل ف الولادة عشان كدة مبعتمدش عليه ف متابعة السكر ف الحمل

------------------------------------------------------------
على الجانب الاخر عندك حاجات بتديك false elevation  ف قراية ال HbA1C

⬅️زي ف حالات ال iron deficiency anemia وال pernicious anemia anemia
وده بيحصل لان ال RBCs turnover بيقل فال life span بتاع ال RBCs بتزيد

وف حالات ال iron deficiency anemia بيبقي عندك مادة اسمها malondialdehyde بتزود ال Glycation وارتباط ال glucose بال Hemoglobin

⬅️برضو ف حالات ال post splenectomy حد شال الطحال جراحيا ال RBCs turnover بيزيد
-------------------------------------------------------------

يبقي نستنتج من الكلام ده ان ال HbA1C ده مش مقدس وعندك بديل لل HbA1C اللي هو انك تطلب ال fructosamine level وده glycated protein بيمثل ارتباط ال glucose بال albumin مش ال hemoglobin
و equation بتربط ال fructosamine level وال HbA1C
HbA1C= [0.017 x Fructosamine level] + 1.6

وبنفس الطريقة خلي بالك من اي حاجة ممكن تأثر علي ال level بتاع ال albumin لانها ممكن تأثر علي ال Reliability بتاع ال fructosamine level

برضو vitamin C interfere مع ال fructosamine assay فلو عيان ماشي علي vitamin C بيقف قبل التحليل ب ٢٤ ساعة

Copied

شاب مدخن🚬 جاي بألم فى الصدر او نهجان مفاجىء

فكر فى Spontaneous Pneumothorax🫁
بسبب alpha 1 antitrypsin deficiency

التدخين فى سن الشباب عادةً مش هيلحق يعمله مضاعفات زي تصلب الشرايين او COPD
إلا لو فى عوامل خطورة تانية زي لزوجة الدم
Thrombophilia /Polycythemia/Hyperlipidemia

فهتحط السماعة على صدره هتلاقي 🩺
decreased air entry على ناحية واحدة
+
Hyperresonance (on Percussion)
+
Reduced chest expansion on the affected side , maybe hyperexpanded
"Asymmetry of chest wall movement"
(on Inspection)
+
Tracheal shift (if tension Pneumotharax)
المظاهر دي هتشوفها حسب شدة الحالة

Dr : Omar Rashwan

🟩 هل المطلوب منك انك تشخص المريض من اول ما تشوفه ؟ ولا ممكن تاخد وقتك ؟‼️

بألاحظ ان زملاء كتير وبالذات من الأطباء الچناير او صغار النواب والامتياز متخيلين ان الاخصائى او الاستشارى بتاع الباطنه بمجرد أنه يمر على الحاله هيقدر أنه يشخصها من اول مره ‼️

👨‍⚕️ والفكره دى غلط طبعا لان الموضوع بيخضع لعدة عوامل:

زى ايه ؟ 🤔

1️⃣ هل الحاله طارئه ( critical) ولا حاله stable under investigations ؟...الحالات الطارئه وحالات العنايه ال critical محتاجه تشخيص سريع وقرار سريع فى العلاج والفحوصات بينما الحالات المحجوزه فى قسم الباطنه او اى وحده تابعه لها مش مطلوب فيها التسرع فى التشخيص ابدا

2️⃣هل الحاله واضحه وسهله من الاول ولا معقده ؟ الطبيعى أن الحالات السهله والواضحه بتتشخص بسرعه وقرار العلاج بيتاخد بسرعه بردو ..اما الحالات التى تبدو صعبه أو معقده من الاول اكيد هتاخد وقت لحين فك شفرتها ويكتفى
الاخصائى او الاستشارى بوضع تشخيص مبدئى أو احتمالات تشخيصيه فى الاول والانتظار لحين ظهور نتائج الفحوصات

3️⃣ وجود إمكانيات تشخيصيه متوفره بالمستشفى وحالة المريض الماديه .. ممكن جدا نوصل للتشخيص بسرعه أو أضعف الايمان نحط كل الاحتمالات الممكنة بس اللى يوقفنا ال investigations اللى بتأكد التشخيص وعدم توفرها فى المستشفى وفى حالة عدم توفرها هيضطر المريض أنه يعملها على حسابه !!

4️⃣ القدرات التشخيصيه والمهارات الاكلنيكيه وخبرة ال senior اللى شاف الحاله سواء كان اخصائى او استشارى
وارد جدا تكون الحاله اكبر من إمكانياته وخبراته و محتاجه حد أكثر خبره واقوى علما ..

👨‍⚕️ ولذلك يجب على كل طبيب junior ان يعرف المعلومات التاليه جيدا ‼️

💻 عملية التشخيص عمليه مش سهله فى حالات كتير و تحتاج وقت وخطوات كالاتى ⤵️

🔷أخذ التاريخ المرضي: يجب على الطبيب الجيد أن يسأل المريض عن الأعراض، متى بدأت، كيف تتطور بشكل احترافي جدا وده عايز خبره كبيره وتسلسل عقلى و communications skills قويه من الطبيب ال senior وطبعا بمساعدة الشغل المبدئى لل Junior .. وطبعا التاريخ المرضى هو الأساس فى تشخيص معظم الحالات ‼️

🔷الفحص السريري: يجب على السناير وايضا الچناير الاهتمام بفحص اكلينيكى محترف متوافق مع الحاله وده بنسميه focused examination 🩺 .. فى بعض الأحيان بيبقى ال signs بتدل على تشخيص بعينه أو احتمالات محدده وده بيسهل التشخيص السريع والعلاج السريع أيضا

🔷الفحوصات والتحاليل: أحيانًا تحتاج تحاليل معينه و أشعة، أو اختبارات أخرى لتأكيد التشخيص وطلب الفحوصات ده فن عظيم والطبيب الشاطر يقدر يطلب الفحوصات اللى بتوصل للتشخيص بدقه سريعه وحاسمه وده بنسميه relevant investigations ‼️

🔷المتابعة: بعض الحالات لا تُشخص بدقة من أول زيارة، فيكون مطلوب متابعة تطور الأعراض ... ودى ظاهره معروفه ..ياما شوفنا حالات كانت فى بدايتها vague جدا ومع تكرار المرور عليها بتظهر حاجات بتوصلك للتشخيص او بتقربك منه جدا ..

🤷السرعة في التشخيص قد تكون مطلوبة بحالات الطوارئ فقط، لكن في معظم الحالات وبالذات فى الحالات المستقره يجب أن تعرف أن الدقة أهم من السرعة.‼️

💻 اخيرا تكوين ما يسمى بال Multidisciplinary team شئ هام جدا لتقييم الحاله بشكل صحيح وايضا لتقديم care جيد للمريض . ايضا أخذ اراء اخرى قد يفيد جدا فى حالات صعبه وغير واضحه ..

Dr Hosam mokhtar

💢خليك فاهم ان مش ف كل مرة هتزود فيها جرعة الدوا، ال effect بتاع الدوا هيزيد

يعني مثلا دوا زي ال Singulair مادته الفعالة montelukast ال maximum daily dose هي 10mg مرة واحدة يوميا بيتاخد بالليل

طيب لنفرض الجرعة بقت 10mg مرتين يوميا او ٣ مرات يوميا، هل هاخد effect اعلي؟

ف الحقيقة لا، فيه ادوية لما بتدخل الجسم بتخضع لما يمسي ب dose response curve وده له كذا شكل

منهم شكل اسمه flat dose response curve يعني مهما زودت جرعة الدوا هتاخد نفس ال effect هو هو
الحاجة الوحيدة اللي هتزيد هي ال side effects

💢ملحوظة جانبية
ال montelukast من الادوية اللي ال long term use منها ممكن يعمل depression
ومش بس كدة هي احد الادوية اللي ممكن تعمل nightmares

Copied

لما تيجي تكتب أقراص حديد ل شخص بيتعالج من الأنيميا  اكتبلوا قرص مرة واحد ف اليوم ...فيه بعض العيانين بيطلب منك تكتبله قرصين ف اليوم لأنه بيفتكر أن كدا هيعالج الأنيميا بشكل أسرع لما ياخد حديد اكتر  ..ودا طبعا خطأ  لأن
Excess iron  stimulate hepcidne
Axis  that lead to decrease iron absorption
يعني لما تزود جرعة الحديد هيقل امتصاصه
علشان كدا تكتب قرص واحد بس يوميا


وحتي فيه دلوقتي دراسات طالعه بتفضل
Alternative day dosing
يعني ياخد قرص يوم  واليوم ال بعدة مياخدش حديد  وهكذا
والدراسات دي بتقول أن الطريقة دي أفضل ف iron absorption

من الحاجات ال بتعمل sudden death  ف الأطفال حاله اسمها
Long QT syndrome

الحاله دي بتبقى وراثيه ف العيله  ولما تاخد هستوري هتلاقي   history of sudden death in young age at family member

بيحصل mutation ف ion channel  ال مسئول عن حركه الأيونات ال بتتحكم ف كهربه القلب
ف بتزود ال QT interval

ف الحاله دي الطفل لما بيجي يعمل exercise أو ياخد بعض ال drugs  بيحصله  arrhythmia  وبتدخل الطفل ف syncope  أو seizures  وممكن sudden death 

طب بنشخص الحاله دي ازاي ؟ عن طريق 4 حاجات
ECG
GENE TEST
History of syncope
Family history of sudden death

وعلاج الحاله دي  هو ال beta blocker زي propranolol

الباراسيتامول (Paracetamol / Acetaminophen) بيشتغل على مراكز الحرارة في المخ (hypothalamus) فيقلل Set point وبالتالي يخفض الحرارة

الباراسيتامول يشتغل حتى لو الحرارة عالية (40)، لكنه يحتاج وقت (عادة يبدأ خلال 30–60 دقيقة).

الكمادات أو الوسائل الفيزيائية (مسح بماء فاتر، تهوية جيدة، لبس خفيف) بتساعد لحد ما الدواء يبدأ مفعوله.

📌 النقاط المهمة:

الباراسيتامول هو الأساس لخفض الحرارة.

الكمادات مش بديل، لكنها وسيلة مساعدة مؤقتة.

لازم نتأكد إن المريض مش dehydrated → السوائل مهمة جدًا.

لو الحرارة مش نازلة أو في أعراض خطيرة (تشنجات، خمول شديد، صعوبة تنفس، علامات عدوى خطيرة) → لازم مراجعة طبية فورًا.\.

🔑 الخلاصة:
في حرارة 40°C → ندي باراسيتامول فورًا، ومعاه ممكن نستخدم كمادات ماء فاتر لسرعة المساعدة، لكن الدواء هو اللي بيخفض الحرارة فعليًا.

ابدأ باراسيتامول ولا تنتظر كمادات

د.أحمد عبدالحافظ