لشباب_الأطباء

في الغالب بنفتكر إن الـ burnout بيحصل بعد سنين طويلة من الشغل، لكن الحقيقة إنه ممكن يبدأ من بدري جدًا… من أول إهمال راحتك، ومن إنك تفضل تقول “هستحمل دلوقتي”.

🔥 لو لقيت العلامات دي عندك، خد بالك:

• بتذاكر لكن مش قادر تركز أو تحس بفايدة.
• الشيفت بقى مجرد روتين وعدّ ساعات.
• الحماس لأي إنجاز (حتى صغير) اختفى.
• النوم والراحة بقى آخر أولوياتك.
• بقت عصبيتك أو لا مبالاتك أكتر من المعتاد.

✅ الحل مش معقد:

• خلي النوم والراحة جزء أساسي من جدولك.
• قسم وقتك بين شغل، مذاكرة، ووقت شخصي.
• إدّي لنفسك بريك قصير بانتظام من غير ذنب.
• شارك مشاعرك وتعبك مع زميل أو صديق.

النجاح مش بس بالمذاكرة والإنجازات.. النجاح كمان إنك تعرف تحافظ على نفسك عشان تقدر تكمل

Dr Ahmed Elhadidy

🚨لو شوفت مريض مره واحده بدأ يتصرف بطريقة غريبه او حاده
جدا او بعنف وبدأ يقول الفاظ خارجه هو مش متعود يقولها لازم تفكر في : 

1- لو مريض سكر شوف ال hypoglycemia

2- لو مريض COPD شوف ال hypercapnia

3- لو مريض كبد فكر في hepatic encephalopathy

4- لو كان مدمن أو بيشرب مخدرات أو مدخن شره فكر في withdrawal symptoms

د.محمد مجدي

✍️لو مريض جايلك بينهج :

سمعت ال chest لقيته free
وعملت رسم قلب لقيته كويس
قبل ماتقول الحاله psychic
لازم تستبعد ال metabolic causes
أشهرهم...
1. DKA
2. AKI
3. Sever anemia

Dr hossam Ibrahim

✅ :
الـ DDx of anemia + jaundice:

1- Hemolytic anemia (أهم وأشيع).

2- Megaloblastic anemia.

3- Liver disease (acute or chronic).

4- Bone marrow infiltration/failure.

5- Severe infections / sepsis

د. أحمد عبدالحافظ

🕸️خد بالك:

لما يجيلك عيان في غيبوبه سكر hypoglycemia بسبب جرعه

انسولين زياده اوعى تنسى ان الأنسولين ممكن يدخله

فيhypokalemia برضو هتقعد ترفع السكر ويموت منك بسبب

ال hypokalemia اللي متصلحتش

وانت بتعوضه الممرضه معاك تسحب عينه وتعرف نسبته كام

علشان تكون في امان

Dr Mohamed magdy

مش ضروري تعرف تشخّص كل حالة !
مش ضروري تقدر تعمل كل إجراء !
مش ضروري تكون perfect 100٪ !
لكن ضروري تجتهد وتذاكر أول بأول
ثم الاعتماد على الله والتوفيق من عنده
طبيعي لازم حاجة تبقى missed منك علشان تكمل عند غيرك ! وتكون missed عند غيرك علشان تيجي تكمل عندك !
دي أرزاق زي الفلوس ربنا وزّعها على البشر علشان الكل يقدر يعيش ويشتغل
حصل معايا موقف اتعلمت منه كتير
بفضل الله في أي شغل تداخلي اتعلمته كنت الحمد لله كويس فيه حتى تركيب الكانيولا كان التمريض لما يغلب يكلمني عليه
جت مرة حالة محتاجة تركيب أنبوبة رايل !
أجيبها يمين أجيبها شمال مستحيل تتركب !!
مبقتش فاهم أي حاجة ولا عارف فيه إيه ؟
كلمت زميل لي جه ركبها في أقل من ثانية !!!
الدنيا كدة
فلازم توطّن نفسك على كدة علشان تعيش هادي ومستريح نفسياً بل وتكون سوي نفسياً علشان متزعلش أن غيرك عمل حاجة مقدرتش تعملها ولا تتكبر أنك عرفت حاجة غيرك معرفش يعملها
اجتهد وخذ بالأسباب
والتوفيق من عند الله
دي أرزاق موزعة

Dr Ahmed elaskary

تخيل معايا الرقم المرعب ده !

حوالي نص مليون طفل تحت سن خمس سنوات بيمو_توا سنويا بسبب الجفاف اللي بيحصل من الإسهال، يعني أكتر من 1200 حالة وفاة في اليوم الواحد بسبب الإسهال تحت مسمى Diarrhea related deaths

عشان كده أصبح ال ORS هو أهم صنف في روشتات الإسهال عشان يعوض المريض بال Electrolytes & Fluids اللي بيفقدها.. ولكن هل ده بيكون كافي !!

بصراحة أنا عاوز كمان أقلل ال Severity بتاعة الإسهال عشان أحد منه شوية والأمر ميتطورش ويزيد مع المريض، وكمان محتاج حاجه تقلل ال Duration وتسرع عملية الشفاء..
واللي يقدر يعمل الأتنين دول بإذن الله هو ال Zinc..

فأنا كده بعوض الجسم بال Electrolytes & Fluids اللي بيفقدها عن طريق أخذ ORS وكمان بقلل ال Severity & Duration للإسهال باستخدام ال Zinc.. عشان نفضل في ال Safe zone والوضع ميوصلش لمراحل صعبة..

استخدام ال Antibiotic في الإسهال مش أهم من الأتنين اللي قولنا عليهم، لأن أصلا ممكن الإسهال يكون فيروسي، وحتى لو كان بكتيري مش هيكون أهم بردو من ال Zinc & ORS عشان زي ما قولنا ال Dehydration هو الشبح اللي بخاف منه وعاوز أمنعه..

عشان كده أول ما بنلمح المريض اللي بيشتكي من إسهال بنجري عليه بال ORS & Zinc مع أي حاجه تانيه بقى حسب سبب الإسهال، المهم إن الأتنين يكونوا ثابتين معايا بشكل أساسي.. ❤️

فارما الوافي

🔹 “الدكتور ده مش عارف حاجة!”

الجملة دي كتير ممكن تتقال من المريض أو أهله… والسبب مش إنك مش شاطر، لكن إنك ما شرحتش.

في الطب، مهارتك مش بس إنك تشخص وتعالج صح…
المهارة الحقيقية إنك تقدر تشرح بخطوات بسيطة للمريض وأهله:
• إيه اللي حصل؟
• إحنا عملنا إيه دلوقتي؟
• وإيه الخطوة اللي جاية؟

👨‍⚕️ Communication skills is 50% of all Clinical skills

الدكتور اللي بيعرف يشرح صح، هيفضل دايمًا في نظر الناس “الدكتور اللي فاهم كل حاجة”.
Dr Ahmed Elhadidy

من غرفة 207
علي شاب عنده 23 سنة نحيف وشه شاحب دخل العيادة بخطوات بطيئة…
ماسك بطنه كأنه مش قادر يتحمل أكتر

"دكتور بجد مش فاهم إيه اللي بيحصل في معدتي حاسس بالم في بطني علطول
كل ما آكل بحس معدتي اتملت بسرعة جدًا وأحيانًا برجع الأكل زي ما هو
من 6 شهور حياتي واقفة"

البداية المضللة

لف كتير على عيادات
في الأول اتقال له
"عندك chronic gastritis" التهابات مزمنة في المعدة
خد أدوية ومضادات حموضة مفيش أي نتيجة

بعدها حد كتب في التقرير

Postprandial Distress Syndrome (وظيفية)
جرب بروتوكولات مختلفة ومافيش فايدة

الوزن بينزل شكله مرهق والأعراض مستمرة

سمعنا قصته وراجعنا التحاليل:
CBC ✔️
Liver ✔️
Renal ✔️
كلها طبيعية

طلبنا منظار Upper GI Endoscopy المفاجأة:
مافيش قرحة مافيش obstruction المعدة شكلها طبيعي جدًا

بحب الحالات اللي تتابع حتي لو موصلناش لتشخيص في أول مرة مشي علي و رجع مرة تاني

لحظة الإلهام من ربنا

قبل دخوله بساعة كنت مع زميلي بنراجع أنواع جراحات علاج قرحة المعدة و كلام د.وهدان واتكلمنا عن واحد من الـ complications

Gastroparesis و هو قالي ممكن تيجي لمرضي السكر او ممكن idiopathic

الكلمة علقت في دماغي…
و لما دخل علي المرة دي كنت مقرر

اطلب له Gastric Emptying Study (radioisotope meal test)

النتيجة:
Delayed gastric emptying واضح جدًا

التشخيص: Gastroparesis

الخطة

علي كان في حالة متقدمة و الخيار الاول في العلاج كان نفذه فعلا لما اتشخص functional dyspepsia

حولته لجراحة للعلاج المناسب علي راح و رجع مركب منظم للمعدة شبه منظم القلب كده
Gastric pacemaker

جاي كل أموره اتحسنت و بقى افضل و شكرني و مشي

الدرس
لحظة إلهام من ربنا بمليون ساعة اجتهاد منك

Copied

نقص فيتامين في الجسم عمل فشل في إنتاج الدم ...

مريض 67 سنة جاي العيادة بيشتكي من:

– ضعف عام ودوخة
– خمول شديد
– قصر نفس مع المجهود
– فقدان شهية وفقد وزن تدريجي

---

بالفحص:
– شحوب شديد

– بعض الكدمات الخفيفة

---

الخطوة الأولى: CBC

المفاجأة 👇
– Hb = 6.5
– MCV = 118 (يعني macrocytosis)
– WBC ↓
– Platelets ↓

يعني Pancytopenia مع macrocytosis

---

أول حاجة تيجي في بالنا:

هل ده Aplastic anemia

ولا Leukemia

ولا Myelodysplasia

لكن لازم ماننساش السبب الأبسط…

---

الفحوصات كملت:

– blood film: Oval macrocytes + Hypersegmented neutrophils

– Reticulocyte count: Low

---

عملنا Bone marrow aspirate & biopsy:

– Hypercellular marrow

– Erythroid hyperplasia with megaloblastic changes

– Myeloid giant forms

---

التشخيص:

Megaloblastic anemia
بسبب نقص فيتامين ب ١٢

---

حاله مشهوره في الكتب ولكن مش بنشوفها كتير في الممارسه العمليه ولكن لازم تبقي في دماغنا بردو
ومش معني أن مش بنشوفها كتير
إن مانفكرش فيها

---

المريض بدأ Vitamin B12 replacement

وتحسنت صورة الدم(normalization of plt and tlc)

والأنيميا اتصلحت تدريجيًا

د.محمد القصاص

"العيان اللي خلاني أرجع أراجع نفسي!"

كنت في الاستقبال في آخر اليوم الساعة قربت على 11 بالليل ودخلت أم شايلة بنت عندها حوالي 7 سنين باين عليها التعب الشديد
حرفيًا كنت شايف ضلوعها وعينيها غايرة وبتنهج كأنها لسه طالعة من ماراثون

قعدت البنت على السرير والست الأم بتقول بصوت كله خوف

"بنتي بقالها أسبوعين مش طبيعية… بقت تشرب مياه كتير جدًا
وتدخل الحمام أكتر من 10 مرات في اليوم وأكلها قليل وكل يوم تخس أكتر النهاردة لقيتها نايمة ومش بتفوق "

أنا بصراحة اتشديت من الحالة وخصوصًا إن العلامات كانت واضحة بس الغريب كان إن الست دي جاية من منطقة نائية ومعندهمش حد في العيلة عنده سكر والبنت كانت دايمًا نشيطة وصحتها كويسة حسب كلامهم

عملتلها ال Vitals طبعاً و قست السكر فورًا طلع عالي في السماء 480 mg/dL
والأسيتون في البول كان +++ موجب

البنت دخلت في ketoacidosis واضح لكن الغموض بدأ لما عملنا باقي التحاليل

ال HbA1c طلع 6.9% بس
يعني مش متوافقة قوي مع سكر مزمن
وكأن الحالة دي حاجة ظهرت فجأة

بدأت أفكر

هل دي type 1 diabetes ظهرت بسرعة؟

ولا فيه trigger معين خلى الجهاز المناعي ينفعل؟

ولا ممكن تكون حاجة أندر من كده زي monogenic diabetes ؟

طب هل فيه عدوى فيروسية لعبت دور؟

الأسئلة دي كانت بتلف في دماغي وأنا بحجزها في الرعاية وابدأ في بروتوكول العلاج
بس وقتها حسيت إن الحالة دي مش مجرد سكر عادي

وبالفعل بعد أيام لما رجعت المعمل طلع في الفحوصات إن الـ autoantibodies كلها سالبة

وده اللي فتح باب تاني خالص

بعد ما الـ autoantibodies طلعت كلها سلبية بدأت أحس إن فيه حاجة مش بتمشي على السيناريو الكلاسيكي بتاع السكر النوع الاول

ورغم إن البنت دخلت بـ Ketoacidosis إلا إن استجابتها للعلاج كانت غريبة!

الأنسولين جرعاته قليلة جدًا ومع ذلك سكرها بينزل بسرعة…
وبدأنا نخفض بسرعة وده مش معتاد في
type 1 لسه جديد

وقتها افتكرت نوع نادر من السكر بييجي في الأطفال والشباب اسمه مودي MODY
(Maturity-Onset Diabetes of the Young)

ده مش autoimmune وبيكون ناتج عن طفرة في جين معين وغالبًا بيبقى موجود في العيلة حتى لو الأهل مش متشخصين

طلبت تحليل جيني للبنت رغم إن الأم كانت مستغربة جدًا:
يعني حضرتك بتقول إن السكر ممكن يكون من غير ما يبقى سكر بجد؟!

ضحكت وقلت لها:
"السكر سكر يا حاجة بس مش كلهم شبه بعض"

المفاجأة حصلت بعد أسبوعين
لما نتيجة الجين وصلت وكان فيه طفرة في جين HNF1A يعني البنت عندها MODY 3 !

ال MODY نفسه فيه منه انواع

وهنا كانت اللحظة اللي حسيت فيها إني عملت فرق فعلي في حياة حد

ليه؟
لأن البنت ماكنتش محتاجة أنسولين طول عمرها!
بدأنا نحولها على Sulfonylureas (أقراص) وسكرها استقر تمامًا وبدون حقن بدون مضخة وبدون كل المعاناة النفسية المرتبطة بالأنسولين

بس الغريب بقى؟
إن الأم لما سمعت التشخيص قالتلي:

"أنا دايمًا كنت بحس إن في حاجة مش طبيعية في سكر أختي لما كانت حامل كانت بتاخد أقراص وكان الدكتور بيقولها حالتك غريبة شوية"

وده خلاني أطلب تحليل HbA1c للأم…
والمفاجأة التانية المتوقعة
طلعت هي كمان عندها نفس الطفرة!

الدرس اللي طلعته من الحالة؟

مش كل طفل سكره عالي يعني Type 1 ممكن يكون type 2 وممكن يكون MODY

ومش كل حالة ketoacidosis تبقى نهاية المطاف
وساعات الغموض في القصة بيخليك تطلع بحاجة أعمق… توصل مش بس
لتشخيص لكن لمرض ممتد لعيلة كاملة
Doc tok

في الطوارئ دخل عمر شاب عمره 27 سنة
بس شكله ولا كأنه راجل عنده 90 سنة

وجهه منطفي بشرته باهتة جسمه هزيل

وال needle marks في دراعه بتحكي قصة إدمان طويلة

كان تعبان لدرجة إنه بصعوبة قادر يتكلم
صوته متقطع

"دكتور مش قادر آخد نفسي بقالي أسابيع سخونة وكحة وصدري بيتقطع "

في الفحص

الحرارة: 39.7°C

النبض: سريع وضعيف

في القلب: pansystolic murmur

الجلد:
Janeway lesions
Osler nodes

التحاليل

Blood cultures

طلعت موجبة لStaphylococcus aureus

Echo ايكو علي القلب

Vegetations كبيرة على Tricuspid valve

CT chest

Cavitating lesions متعددة
Septic pulmonary emboli

بدأنا بسرعة IV Antibiotics لكن الحالة انهارت أسرع مما توقعنا
فجأة حصل له
massive pulmonary embolism

الأكسجين نزل تحت 60%
ضغطه وقع بشكل كارثي
وشه زرق

دخل في arrest بدأنا إنعاش قلبي رئوي
بكل قوة

كل ثانية كانت تقيلة كأنها ساعة
لكن قلب عمر ما رجعش

في دقائق قليلة... كان عمر قد فارق الحياة
شاب في عز شبابه لكن الإدمان سرق منه شبابه وصحته وفي النهاية سرق حياته

مشهد عمر ده بيفكرنا إن الإدمان مش بس بيكسر الروح… ده كمان بيكسر القلب

د.عمرو الدبوري

من القواعد الذهبيه اللي اتعلمناها فترة النيابه🚨

لو حالة المريض محيراك مابين تحجزه أو تروحه البيت احجزه بدون تردد
ولو حالة المريض محيراك ما بين تحجزه قسم داخلي او تحجزه رعاية احجزه رعاية

دائما خد الجانب الاكثر احتياطا ليك وللمريض

د.محمد حسونه

Nice case presentation 🔥🔥🚨

كنت نباطشي في الرعايه كلموني علي مريضه محتاجه رعاية عندها 50 سنه جايه بتشتكي من ترجيع مستمر بقاله كام يوم دخلها في جفاف شديد وعملها فشل حاد في وظائف الكلي

Female pt 50 yrs old presented by AKI creatinine 5.5 with sever metabolic acidosis (HCO3 8 )of pre renal cause secondary to dehydration caused by persistent vomiting and poor oral intake.

وكالعادة برضو محجزش مريض رعاية غير لما ابص عليه بنفسي
طبعاً الحاله
straight forward
وبسيطه مريضه عندها ترجيع بقالها كام يوم دخلها في جفاف شديد فعملها فشل حاد في وظائف الكلي
تقولي تمام؟أقولك لا مش تمام
تقولي ليه ماهو ترجيع عمل جفاف شديد رفع وظائف الكلي صح ولا اي ؟ أقولك انت صح بس فايتاك تفصيله صغيره! اي التفصيله دي بقي ؟!
أي سبب الترجيع ياصديقي ليه بترجع أصلا ؟! جميل اننا عرفنا أن فشل الكلي بسبب الترجيع لكن اي سبب الترجيع نفسه ؟!

وهنا لازم تاخد تاريخ مرضي كويس وتفحص كويس عشان توصل لسبب الترجيع اخدنا هيستوري واستبعدنا ال
common cause of vomiting وهي كثيره جدا
بالفحص كان باين عليها كل علامات الجفاف فعلاً والغريب مكانش فيه الم في البطن شديد يفسر الترجيع المستمر لكن بالفحص برضو تبين أن
The patient developed recently mucocutaneous ulceration
المريضه بدأت من فتره قريبه تشتكي من قرح في الفم وفي اماكن متفرقة من الجسم وكمان في القدمين زي ما في الصوره تحت
تمام كويس كدا عرفنا سبب الترجيع القرح دي ممكن تكون في الفم وممكن تكون في GIT
ودي تعمل irritation which can explain the persistent Vomiting
تمام كده ؟! اقولك لا مش تمام طاب ليه ؟! ماهو اي برضو سبب القرح دي ؟!
ببص ف تحاليل وهنا كانت المفاجأة

CBC showed pancytopenia⁉️

عيدنا صورة الدم اكتر من مره وبرضو نفس الكلام وبأرقام شديده جداً واضحة في الصوره اللي تحت
هنا بقي كان لازم نراجع الهيستوري تاني فضلنا نراجع الهيستوري كويس لعند ما المريضه الحمدلله افتكرت أنها عندها Rheumatoid arthritis 😅

تمام بتاخدي علاج اي ؟! لا مش فاكره قوي مش منتظمه عليه
هنا بدأت أشك في تشخيص معين خلاني اسألها طاب علاج الروماتويد دا فيه منه حقن؟! قالت اها
قولتلها بتاخديها مره ف الاسبوع ؟!قالتلي اه ومستمرة عليها بقالي فترة طويلة
هنا سألتها السؤال الحاسم
هل يا حجه بتاخدي معاه فوليك أسيد ؟! هنا بقي قالتلي لا كنت باخده في الأول ودلوقتي بطلته من زمان⛔
ومن هنا كان التشخيص

It's a case of Acut Methotrexate Toxicity ⛔⛔

Presented by AKI, mucocutaneous ulceration and Pancytopenia which is the typical presentation.

حقن الميزوتريكسات بتستخدم أساسيا في علاج الروماتويد لكن فيها مشكلة أنها بتمنع شغل الفوليك اسيد اللي هو مهم جدا لتكوين DNA
اللي علي أساسه تنقسم الخلايا وتتجدد فلما ميتوفرش الفوليك اسيد لا تتجدد الخلايا وأول خلايا تتأثر هي الخلايا اللي بتتجدد بسرعه زي الجلد ونخاع العضم
Methotrexate is a folate antagonist → inhibits dihydrofolate reductase → ↓ tetrahydrofolate → impaired DNA, RNA, and protein synthesis.

Rapidly dividing cells (bone marrow, GI mucosa, skin) are most affected.

At high doses, it can also precipitate in renal tubules → nephrotoxicity.

عشان كده اي مريض بياخد حقن الميزوتريكسات بياخدها يوم واحد ف الاسبوع لازم ياخد كل يوم فوليك اسيد ماعدا اليوم اللي بياخد فيه الحقنه عشان ميحصلش
Methotrexate Toxicity
طبعاً لما وقفنا الحقنه وبدأنا فوليك أسيد بجرعات مكثفه وادينا حاجات تعمل
Stimulation of bone marrow
كل حاجه اتحسنت حتي وظائف الكلي والقرح الجلديه الحمدلله اتحسنت
خطورة حاجه زي دي أنها ممكن تعمل
Sever neutropenia up to Agranulocytosis and can lead to neutropenic sepsis which may be fatal and may cause MOF and death
او تعمل
Critical thrombocytopenia
توصل إن الصفائح تبقي 11الف وتعمل نزيف في اي مكان
Specially dangerous sites as intracranial hemorrhage ⛔
عشان كدا مهم جدا تلقطها وتوقف الميزوتريكسات كخط أولي للعلاج.
طبعا كل ال
DD Of pancytopenia should be considered
ومفروض نعمل
Methotrexate serum level but it wasn't available.

طبعاً الموضوع ليه تفاصيل كتير كتشخيص وعلاج لكن لا يسع المقام لذكرها ياريت لو في إمكانيه نقرأها كويس ونبقي
Familiar with may you could save patient's life by it ❤️