✍️لما تلاقي مريض عنده hiccups + fever🤒
فكر في :

1- Pneumonia with basal pleurisy

2- Pericarditis (persistent chest pain with history of previous viral infection)

3- Subdiaphragmatic abcess (hectic fever)

4- Peritonitis (rigid abdomen)

عشان دول ممكن يعملوا irritation للphrenic nerve

Dr Omar Rashwan

الم الصدر مش لازم يبقى ضيق شريان تاجى!

ممكن يبقى زيادة فى مجهود القلب فالدم اللى واصله مبقاش مكفيه زى فى تضخم عضلة القلب cardiomyopathy او aortic coarctation

ممكن واصله دم بس مافيهوش اكسجين كفاية (انيميا شديدة او hypoxia)

ممكن لزوجة الدم عالية او الشريان معرج فحركة الدم بطيئة زى فى الذبحة الصدرية العكسية

ممكن Cardiac X syndrome و دى بتحصل فى الستات بعد انقطاع الدورة ، عبارة عن microvascular dysfunction .. فتبان فى رسم القلب بالمجهود كST depression لكن لو عملنا قسطرة هتلاقى الشرايين سليمة (لأن القسطرة مش هتدخل فى الشعيرات الصغيرة)
فهنا الاوعية الدموية الصغيرة خالص مش بتوسع وقت المجهود بسبب قلة افراز الNO و زيادة افراز CRP بسبب التهابات مزمنة ، و autonomic imbalance (زيادة الsympathetic tone) ، و ممكن central amplification ان المخ هو اللى بيضخم الاحساس بالألم نتيجة ضغوطات نفسية

Dr Omar Rashwan

الإيكو أداة قيمة جداً وأساسية جدا في تشخيص وتقييم الـ pulmonary embolism خصوصاً في حالات الطوارئ لما يكون معندكش رفاهية الوقت لتشخيص fatal PE🚨

صحيح الإيكو مش هو الـ gold standard لتشخيص الـ PE اللي في العادة بيتم عن طريق (CT pulmonary angiography) أو (ventilation/perfusion scan) إذا كان ال CTPA مش هنقدر نعملها بس هو بيقدر يدينا دلائل غير مباشرة بس مهمة جداً على وجود الجلطة، بالبلدي كدة بيعرفني المواسير مسدودة ولا لأ، لأنها لو مسدودة هيكون جواها ضغط عالي 🤷

أهم علامات الـ PE في الإيكو : 👀

1️⃣ Right Ventricular Strain
يعني من الأخر ال RV بيحزق بينحر في قلبه عشان يزق الدم في ماسورة (( مسدووودة )) بالجلطة اللي موجودة، وبالتالي هشوف إزاي المنظر بتاع حزق ال RV ده، بص معايا 👇
✍️RV dilation
لو بتنفخ ببوقك في ماسورة مسدودة تفتكر هيحصل ايه لخدودك اللي هي بتمثل ال RV wall !! أكيد Dilation 😁
✍️RV systolic dysfunction
وانت بتنفخ في نفس الماسورة المسدودة تفتكر حركة خدودك هتكون قوية اللي هي هتنبسط وتنقبض بأريحية !! لأ طبعا الضغط جواها عالي جدا فمساحة الحركة قليلة جدا
✍️Tricuspid annular plane systolic excursion (TAPSE) reduction:
الحلقة اللي حوالين ال tricuspid valve اللي على الناحية اليمين تفتكر لو فيه ضغط عالي عليها هتتحرك أكتر ولا أقل ؟! بنفس المبدأ على فكرة كل ما يكون عليك ضغط عالي للأسف الحركة بتكون محدودة أهه حركة ال annulus دي اسمها TAPSE لو قليلة ده معناها RV strain
✍️RV/LV ratio
بتقارن بين الجنب اليمين والشمال لو لقيت اليمين أكبر ده معناه ان جواه ضغط عالي جدا ومكبر حجمه

2️⃣ Right Atrial Dilation
منطقي لو حصل RV dilation والموضوع بهوء زيادة عن اللزوم ال Dilation ده هيمتد إلى ال RA

3️⃣ Hypokinesis or Paradoxical Motion of the Interventricular Septum
كان زمان ال LV أقوى من ال RV بس حاليا الضغط العنيف اللي جوة ال RV بسبب المواسير المسدودة خلت ال (interventricular septum) حركته مش طبيعية بقى اليمين هو اللي بيزق على الشمال مش العكس وكذلك زي ما اتفقنا ان الضغط العالي هيخلي ال RV شبه مبيتحركش لأنه معندوش مساحة يتحرك فيها يعني فيه hypokinesia

4️⃣ Tricuspid Regurgitation
الضغط عالي جدا في ال RV لأنه متوصل مباشرة بالماسورة المسدودة ال Pulmonary artery، تفتكر ال tricuspid valve اللي قاعد ما بين ال RV & RA وهو عنده ضغط أعلى من تحت ناحية ال ventricle هو هيفتح لتحت ولا فوق ؟ يعني هينزل الدم من الضغط العالي للواطي ولا الواطي للعالى !! في العادي كان بينزل الدم من ال atrium to ventricle ولكن بسبب الضغط الرهيب اللي في ال ventricle الدم دلوقتي هيرجع من ال ventricle to atrium وبالتالي هيحصل إرتجاع في ال tricuspid valve 🤝

5️⃣ Pulmonary Hypertension
طيب بعد كل اللي قولناه ده مستني ايه من الضغط اللي جوة الماسورة المسدودة !! 😁يعلى ولا يقل ! 😅

6️⃣ McConnell's Sign
دي علامة مميزة في الإيكو، بيبقى فيها حركة الجزء الأوسط من الـ RV wall ضعيفة أو عكسية في حين إن الـ apex بينقبض بشكل طبيعي. ودي بتتفسر من كل اللي إحنا قولناه فوق ☝️

يبقى انت كدة عرفت لو بصيت بالإيكو على عيان شاكك إنه PE هتبص على ايه وحتى لو مش انت اللي هتعمله هتقف جنب الدكتور اللي هيعمل الإيكو هتقوله ركزلي مع ايه 🫡

IV_Notes

إمبارح كنا بنتكلم عن الـ Echo في الـ suspicion of pulmonary embolism خلينا النهاردة نتكلم عن الـECG بس قبل ما أتكلم عايز أقولك مش كل المرضى اللي عندهم PE بيظهر عليهم علامات الـECG، ولكن بنقول إنها كمالة عدد كدة معاك بتخليك مبسوط من تشخيصك مش أكتر 😁فلو هنقارن بين الإيكو ورسم القلب في لقط ال PE لأ طبعا الإيكو دوره أعظم بكتير ، وإن كان الاتنين ميقدروش يحلفوا 100% إنها PE وإن القول الفصل هيكون بين يدي الـ CTPA زي ما قولنا إمبارح 🫁

نخش في الموضوع 👇
عامة أي حاجة هتشوفها دلوقتي في ال ECG هي بتعبر عن التغير الأساسي والمهم اللي حصل للـ Right side of the heart زي ما شوفنا امبارح في الإيكو فكل علامة من العلامات الجاية دي حط قدام عنيك الـ Right heart strain هتفهم بتحصل إزاي 🫡

Sinus Tachycardia 🫀
دي من أكتر علامات الـ PE اللي بنشوفها في الـECG ومنطقي لأن أي stress على القلب هيخليه يسرع ضرباته ولكن معلش يعني انت لو قولت لزميلك في الشغل ( بخ ) هيحصله tachycardia عادي يعني 😁 فهي مش حاجة يعتمد عليها بل لو وضعناها في مكانها الصحيح هي حاجة بتخليك تشك إن العيان ده ممكن يكون دخل في PE لو السيناريو بتاعه بيشير لكدة 🫁

S1Q3T3 pattern 🤔
ده بنلاقيه في حوالي 20-30% من حالات الـ PE، وبيتكون من:
S wave في lead I
ودي مش مجرد S عادية لأ حاجة كبيرة ومميزة جدا وهتعرفها لما تبص على ال normal فوق وال abnormal تحت
Q wave في lead III
ودي مش مجرد Q عادية لأ حاجة كبيرة ومميزة جدا وهتعرفها لما تبص على ال normal فوق وال abnormal تحت
Inverted T wave في lead III
بردو بص على ال normal فوق وال abnormal تحت زي ما هو واضح في الدواير الزرقا 🔵

Right Axis Deviation ➡️
بردو بسبب right ventricular strain حصل إن الكهربا حدفت يمين ناحية ال stress فبقى ال right ventricle شافط الكهربا كلها ناحيته فبتشوفها إن lead I باصص لتحت و lead II III aVF باصين لفوق زي ما هو واضح في الأسهم الصفرا 🟡

Right Bundle Branch Block 🚫
ممكن نشوف RBBB incomplete or complete في الـ PE، وده بنفس المبدأ بيعكس right ventricular overload or strain زي ما أنت شايف  الـ RSR pattern و ال wide QRS  في الخطوط الخضرا 🟢

T-wave Inversions ⬇️
الـT wave بتبقى معكوسة يعني باصة لتحت، خاصةً في leads V1 to V4، وده بردو بسبب (right ventricular strain)، لما يحصل حمل زايد على ال RV هيحزق علامات الحزق بتظهر في شكل Tw inversion زي ما هو واضح في الدوائر الحمرا 🔴

P Pulmonale
الـP Pulmonale بنشوفها في leads II, III, and aVF، وبتدل على right atrial enlargement وده هيحصل لما الضغط يزيد عن اللزوم في ال RV ثم ينتقل لل RA ويكون ال RA هو كمان بيحزق في الضربة بتاعته ولأنك عارف إن ال P wave بتمثل ال atrial contraction فلما تلاقيها بقت طويلة لفوق أو peaked يعني تعرف إن ال atrium وهو بينقبض بيحزق جامد من الضغط اللي عليه 😰

بس كدة 🙌🏻

IV_Notes

لو جالك مريض بيشتكي أنه حس بدوخة ووقع مرة واحدة
❗متاخدش الموضوع ببساطة، خصوصا لو كبير في السن
لأنه غالبا الي حصله دا syncope 
والي بتحصل نتيجة مشكلة في وصول الدم للمخ

❓ايه أهم الأسباب؟

🔻- orthostatic hypotension
(ضغطه بيوطى لما بيقف، ودي شائعة أكتر في كبار السن ومرضى السكر)

🔻- heart diseases
(وأهمهم ال arrhythmia
بالإضافة للجلطات و أمراض الصمامات)
وبالتالي ضروري تعمله ECG

🔻- reflex syncope
وخصوصًا ال vasovagal attack
والي ممكن نعتبرها أشهر سبب في الفئات الأصغر سنًا، نتيجة ألم أو خوف أو توتر شديد

د خالد عادل

لشباب_الأطباء

في الغالب بنفتكر إن الـ burnout بيحصل بعد سنين طويلة من الشغل، لكن الحقيقة إنه ممكن يبدأ من بدري جدًا… من أول إهمال راحتك، ومن إنك تفضل تقول “هستحمل دلوقتي”.

🔥 لو لقيت العلامات دي عندك، خد بالك:

• بتذاكر لكن مش قادر تركز أو تحس بفايدة.
• الشيفت بقى مجرد روتين وعدّ ساعات.
• الحماس لأي إنجاز (حتى صغير) اختفى.
• النوم والراحة بقى آخر أولوياتك.
• بقت عصبيتك أو لا مبالاتك أكتر من المعتاد.

✅ الحل مش معقد:

• خلي النوم والراحة جزء أساسي من جدولك.
• قسم وقتك بين شغل، مذاكرة، ووقت شخصي.
• إدّي لنفسك بريك قصير بانتظام من غير ذنب.
• شارك مشاعرك وتعبك مع زميل أو صديق.

النجاح مش بس بالمذاكرة والإنجازات.. النجاح كمان إنك تعرف تحافظ على نفسك عشان تقدر تكمل

Dr Ahmed Elhadidy

🚨لو شوفت مريض مره واحده بدأ يتصرف بطريقة غريبه او حاده
جدا او بعنف وبدأ يقول الفاظ خارجه هو مش متعود يقولها لازم تفكر في : 

1- لو مريض سكر شوف ال hypoglycemia

2- لو مريض COPD شوف ال hypercapnia

3- لو مريض كبد فكر في hepatic encephalopathy

4- لو كان مدمن أو بيشرب مخدرات أو مدخن شره فكر في withdrawal symptoms

د.محمد مجدي

✍️لو مريض جايلك بينهج :

سمعت ال chest لقيته free
وعملت رسم قلب لقيته كويس
قبل ماتقول الحاله psychic
لازم تستبعد ال metabolic causes
أشهرهم...
1. DKA
2. AKI
3. Sever anemia

Dr hossam Ibrahim

✅ :
الـ DDx of anemia + jaundice:

1- Hemolytic anemia (أهم وأشيع).

2- Megaloblastic anemia.

3- Liver disease (acute or chronic).

4- Bone marrow infiltration/failure.

5- Severe infections / sepsis

د. أحمد عبدالحافظ

🕸️خد بالك:

لما يجيلك عيان في غيبوبه سكر hypoglycemia بسبب جرعه

انسولين زياده اوعى تنسى ان الأنسولين ممكن يدخله

فيhypokalemia برضو هتقعد ترفع السكر ويموت منك بسبب

ال hypokalemia اللي متصلحتش

وانت بتعوضه الممرضه معاك تسحب عينه وتعرف نسبته كام

علشان تكون في امان

Dr Mohamed magdy

مش ضروري تعرف تشخّص كل حالة !
مش ضروري تقدر تعمل كل إجراء !
مش ضروري تكون perfect 100٪ !
لكن ضروري تجتهد وتذاكر أول بأول
ثم الاعتماد على الله والتوفيق من عنده
طبيعي لازم حاجة تبقى missed منك علشان تكمل عند غيرك ! وتكون missed عند غيرك علشان تيجي تكمل عندك !
دي أرزاق زي الفلوس ربنا وزّعها على البشر علشان الكل يقدر يعيش ويشتغل
حصل معايا موقف اتعلمت منه كتير
بفضل الله في أي شغل تداخلي اتعلمته كنت الحمد لله كويس فيه حتى تركيب الكانيولا كان التمريض لما يغلب يكلمني عليه
جت مرة حالة محتاجة تركيب أنبوبة رايل !
أجيبها يمين أجيبها شمال مستحيل تتركب !!
مبقتش فاهم أي حاجة ولا عارف فيه إيه ؟
كلمت زميل لي جه ركبها في أقل من ثانية !!!
الدنيا كدة
فلازم توطّن نفسك على كدة علشان تعيش هادي ومستريح نفسياً بل وتكون سوي نفسياً علشان متزعلش أن غيرك عمل حاجة مقدرتش تعملها ولا تتكبر أنك عرفت حاجة غيرك معرفش يعملها
اجتهد وخذ بالأسباب
والتوفيق من عند الله
دي أرزاق موزعة

Dr Ahmed elaskary

تخيل معايا الرقم المرعب ده !

حوالي نص مليون طفل تحت سن خمس سنوات بيمو_توا سنويا بسبب الجفاف اللي بيحصل من الإسهال، يعني أكتر من 1200 حالة وفاة في اليوم الواحد بسبب الإسهال تحت مسمى Diarrhea related deaths

عشان كده أصبح ال ORS هو أهم صنف في روشتات الإسهال عشان يعوض المريض بال Electrolytes & Fluids اللي بيفقدها.. ولكن هل ده بيكون كافي !!

بصراحة أنا عاوز كمان أقلل ال Severity بتاعة الإسهال عشان أحد منه شوية والأمر ميتطورش ويزيد مع المريض، وكمان محتاج حاجه تقلل ال Duration وتسرع عملية الشفاء..
واللي يقدر يعمل الأتنين دول بإذن الله هو ال Zinc..

فأنا كده بعوض الجسم بال Electrolytes & Fluids اللي بيفقدها عن طريق أخذ ORS وكمان بقلل ال Severity & Duration للإسهال باستخدام ال Zinc.. عشان نفضل في ال Safe zone والوضع ميوصلش لمراحل صعبة..

استخدام ال Antibiotic في الإسهال مش أهم من الأتنين اللي قولنا عليهم، لأن أصلا ممكن الإسهال يكون فيروسي، وحتى لو كان بكتيري مش هيكون أهم بردو من ال Zinc & ORS عشان زي ما قولنا ال Dehydration هو الشبح اللي بخاف منه وعاوز أمنعه..

عشان كده أول ما بنلمح المريض اللي بيشتكي من إسهال بنجري عليه بال ORS & Zinc مع أي حاجه تانيه بقى حسب سبب الإسهال، المهم إن الأتنين يكونوا ثابتين معايا بشكل أساسي.. ❤️

فارما الوافي

🔹 “الدكتور ده مش عارف حاجة!”

الجملة دي كتير ممكن تتقال من المريض أو أهله… والسبب مش إنك مش شاطر، لكن إنك ما شرحتش.

في الطب، مهارتك مش بس إنك تشخص وتعالج صح…
المهارة الحقيقية إنك تقدر تشرح بخطوات بسيطة للمريض وأهله:
• إيه اللي حصل؟
• إحنا عملنا إيه دلوقتي؟
• وإيه الخطوة اللي جاية؟

👨‍⚕️ Communication skills is 50% of all Clinical skills

الدكتور اللي بيعرف يشرح صح، هيفضل دايمًا في نظر الناس “الدكتور اللي فاهم كل حاجة”.
Dr Ahmed Elhadidy

من غرفة 207
علي شاب عنده 23 سنة نحيف وشه شاحب دخل العيادة بخطوات بطيئة…
ماسك بطنه كأنه مش قادر يتحمل أكتر

"دكتور بجد مش فاهم إيه اللي بيحصل في معدتي حاسس بالم في بطني علطول
كل ما آكل بحس معدتي اتملت بسرعة جدًا وأحيانًا برجع الأكل زي ما هو
من 6 شهور حياتي واقفة"

البداية المضللة

لف كتير على عيادات
في الأول اتقال له
"عندك chronic gastritis" التهابات مزمنة في المعدة
خد أدوية ومضادات حموضة مفيش أي نتيجة

بعدها حد كتب في التقرير

Postprandial Distress Syndrome (وظيفية)
جرب بروتوكولات مختلفة ومافيش فايدة

الوزن بينزل شكله مرهق والأعراض مستمرة

سمعنا قصته وراجعنا التحاليل:
CBC ✔️
Liver ✔️
Renal ✔️
كلها طبيعية

طلبنا منظار Upper GI Endoscopy المفاجأة:
مافيش قرحة مافيش obstruction المعدة شكلها طبيعي جدًا

بحب الحالات اللي تتابع حتي لو موصلناش لتشخيص في أول مرة مشي علي و رجع مرة تاني

لحظة الإلهام من ربنا

قبل دخوله بساعة كنت مع زميلي بنراجع أنواع جراحات علاج قرحة المعدة و كلام د.وهدان واتكلمنا عن واحد من الـ complications

Gastroparesis و هو قالي ممكن تيجي لمرضي السكر او ممكن idiopathic

الكلمة علقت في دماغي…
و لما دخل علي المرة دي كنت مقرر

اطلب له Gastric Emptying Study (radioisotope meal test)

النتيجة:
Delayed gastric emptying واضح جدًا

التشخيص: Gastroparesis

الخطة

علي كان في حالة متقدمة و الخيار الاول في العلاج كان نفذه فعلا لما اتشخص functional dyspepsia

حولته لجراحة للعلاج المناسب علي راح و رجع مركب منظم للمعدة شبه منظم القلب كده
Gastric pacemaker

جاي كل أموره اتحسنت و بقى افضل و شكرني و مشي

الدرس
لحظة إلهام من ربنا بمليون ساعة اجتهاد منك

Copied

نقص فيتامين في الجسم عمل فشل في إنتاج الدم ...

مريض 67 سنة جاي العيادة بيشتكي من:

– ضعف عام ودوخة
– خمول شديد
– قصر نفس مع المجهود
– فقدان شهية وفقد وزن تدريجي

---

بالفحص:
– شحوب شديد

– بعض الكدمات الخفيفة

---

الخطوة الأولى: CBC

المفاجأة 👇
– Hb = 6.5
– MCV = 118 (يعني macrocytosis)
– WBC ↓
– Platelets ↓

يعني Pancytopenia مع macrocytosis

---

أول حاجة تيجي في بالنا:

هل ده Aplastic anemia

ولا Leukemia

ولا Myelodysplasia

لكن لازم ماننساش السبب الأبسط…

---

الفحوصات كملت:

– blood film: Oval macrocytes + Hypersegmented neutrophils

– Reticulocyte count: Low

---

عملنا Bone marrow aspirate & biopsy:

– Hypercellular marrow

– Erythroid hyperplasia with megaloblastic changes

– Myeloid giant forms

---

التشخيص:

Megaloblastic anemia
بسبب نقص فيتامين ب ١٢

---

حاله مشهوره في الكتب ولكن مش بنشوفها كتير في الممارسه العمليه ولكن لازم تبقي في دماغنا بردو
ومش معني أن مش بنشوفها كتير
إن مانفكرش فيها

---

المريض بدأ Vitamin B12 replacement

وتحسنت صورة الدم(normalization of plt and tlc)

والأنيميا اتصلحت تدريجيًا

د.محمد القصاص

"العيان اللي خلاني أرجع أراجع نفسي!"

كنت في الاستقبال في آخر اليوم الساعة قربت على 11 بالليل ودخلت أم شايلة بنت عندها حوالي 7 سنين باين عليها التعب الشديد
حرفيًا كنت شايف ضلوعها وعينيها غايرة وبتنهج كأنها لسه طالعة من ماراثون

قعدت البنت على السرير والست الأم بتقول بصوت كله خوف

"بنتي بقالها أسبوعين مش طبيعية… بقت تشرب مياه كتير جدًا
وتدخل الحمام أكتر من 10 مرات في اليوم وأكلها قليل وكل يوم تخس أكتر النهاردة لقيتها نايمة ومش بتفوق "

أنا بصراحة اتشديت من الحالة وخصوصًا إن العلامات كانت واضحة بس الغريب كان إن الست دي جاية من منطقة نائية ومعندهمش حد في العيلة عنده سكر والبنت كانت دايمًا نشيطة وصحتها كويسة حسب كلامهم

عملتلها ال Vitals طبعاً و قست السكر فورًا طلع عالي في السماء 480 mg/dL
والأسيتون في البول كان +++ موجب

البنت دخلت في ketoacidosis واضح لكن الغموض بدأ لما عملنا باقي التحاليل

ال HbA1c طلع 6.9% بس
يعني مش متوافقة قوي مع سكر مزمن
وكأن الحالة دي حاجة ظهرت فجأة

بدأت أفكر

هل دي type 1 diabetes ظهرت بسرعة؟

ولا فيه trigger معين خلى الجهاز المناعي ينفعل؟

ولا ممكن تكون حاجة أندر من كده زي monogenic diabetes ؟

طب هل فيه عدوى فيروسية لعبت دور؟

الأسئلة دي كانت بتلف في دماغي وأنا بحجزها في الرعاية وابدأ في بروتوكول العلاج
بس وقتها حسيت إن الحالة دي مش مجرد سكر عادي

وبالفعل بعد أيام لما رجعت المعمل طلع في الفحوصات إن الـ autoantibodies كلها سالبة

وده اللي فتح باب تاني خالص

بعد ما الـ autoantibodies طلعت كلها سلبية بدأت أحس إن فيه حاجة مش بتمشي على السيناريو الكلاسيكي بتاع السكر النوع الاول

ورغم إن البنت دخلت بـ Ketoacidosis إلا إن استجابتها للعلاج كانت غريبة!

الأنسولين جرعاته قليلة جدًا ومع ذلك سكرها بينزل بسرعة…
وبدأنا نخفض بسرعة وده مش معتاد في
type 1 لسه جديد

وقتها افتكرت نوع نادر من السكر بييجي في الأطفال والشباب اسمه مودي MODY
(Maturity-Onset Diabetes of the Young)

ده مش autoimmune وبيكون ناتج عن طفرة في جين معين وغالبًا بيبقى موجود في العيلة حتى لو الأهل مش متشخصين

طلبت تحليل جيني للبنت رغم إن الأم كانت مستغربة جدًا:
يعني حضرتك بتقول إن السكر ممكن يكون من غير ما يبقى سكر بجد؟!

ضحكت وقلت لها:
"السكر سكر يا حاجة بس مش كلهم شبه بعض"

المفاجأة حصلت بعد أسبوعين
لما نتيجة الجين وصلت وكان فيه طفرة في جين HNF1A يعني البنت عندها MODY 3 !

ال MODY نفسه فيه منه انواع

وهنا كانت اللحظة اللي حسيت فيها إني عملت فرق فعلي في حياة حد

ليه؟
لأن البنت ماكنتش محتاجة أنسولين طول عمرها!
بدأنا نحولها على Sulfonylureas (أقراص) وسكرها استقر تمامًا وبدون حقن بدون مضخة وبدون كل المعاناة النفسية المرتبطة بالأنسولين

بس الغريب بقى؟
إن الأم لما سمعت التشخيص قالتلي:

"أنا دايمًا كنت بحس إن في حاجة مش طبيعية في سكر أختي لما كانت حامل كانت بتاخد أقراص وكان الدكتور بيقولها حالتك غريبة شوية"

وده خلاني أطلب تحليل HbA1c للأم…
والمفاجأة التانية المتوقعة
طلعت هي كمان عندها نفس الطفرة!

الدرس اللي طلعته من الحالة؟

مش كل طفل سكره عالي يعني Type 1 ممكن يكون type 2 وممكن يكون MODY

ومش كل حالة ketoacidosis تبقى نهاية المطاف
وساعات الغموض في القصة بيخليك تطلع بحاجة أعمق… توصل مش بس
لتشخيص لكن لمرض ممتد لعيلة كاملة
Doc tok

في الطوارئ دخل عمر شاب عمره 27 سنة
بس شكله ولا كأنه راجل عنده 90 سنة

وجهه منطفي بشرته باهتة جسمه هزيل

وال needle marks في دراعه بتحكي قصة إدمان طويلة

كان تعبان لدرجة إنه بصعوبة قادر يتكلم
صوته متقطع

"دكتور مش قادر آخد نفسي بقالي أسابيع سخونة وكحة وصدري بيتقطع "

في الفحص

الحرارة: 39.7°C

النبض: سريع وضعيف

في القلب: pansystolic murmur

الجلد:
Janeway lesions
Osler nodes

التحاليل

Blood cultures

طلعت موجبة لStaphylococcus aureus

Echo ايكو علي القلب

Vegetations كبيرة على Tricuspid valve

CT chest

Cavitating lesions متعددة
Septic pulmonary emboli

بدأنا بسرعة IV Antibiotics لكن الحالة انهارت أسرع مما توقعنا
فجأة حصل له
massive pulmonary embolism

الأكسجين نزل تحت 60%
ضغطه وقع بشكل كارثي
وشه زرق

دخل في arrest بدأنا إنعاش قلبي رئوي
بكل قوة

كل ثانية كانت تقيلة كأنها ساعة
لكن قلب عمر ما رجعش

في دقائق قليلة... كان عمر قد فارق الحياة
شاب في عز شبابه لكن الإدمان سرق منه شبابه وصحته وفي النهاية سرق حياته

مشهد عمر ده بيفكرنا إن الإدمان مش بس بيكسر الروح… ده كمان بيكسر القلب

د.عمرو الدبوري