ايام الكلية .. كان عندي خاطر بيؤرقني جدا كل ما أشوف اساتذة او معيدين حاسين بعدم الامان ومقررين بصريح العبارة كده انهم مش حيعلموا اللي اصغر منهم اي حاجة بالساهل .. الخاطر ده أشتد عليا لما واحد زميلنا من الاوائل قاللي ان الذل اللي شافه في الكلية يخليه يعمل في اللي اصغر منه زي ما اتعمل فيه وأكتر .. حاجة كده زي سعيد صالح لما قال (بكرة لما اجيب عيال وديني لاقطع عنهم المصروف) ..

الخاطر ده كان: ايه اللي ممكن يحصل بالتدريج للدفعات المتتالية لما كل دفعة تقرر توريث الذل وكتمان العلم عن اللي بعدهم بالحجة الفاشلة بتاعة "المساواة في الظلم عدل"؟ ويا ترى مستوى اللي اصغر مني حيكون كافي أنه يعالجني انا لما أكبر؟ ده المفروض اللي أصغر مني يكون احسن مني بكتير والا منبقاش بنتقدم !

وفضل الموضوع ده مؤرقني لحد في يوم كنت شغال عمليات في مستشفى بالقاهرة لما دخل علينا طبيب التخدير وهو يقول بحماس لا يخلو من التوتر "شفتوا اللي حصل للدكتور (م)؟ عمل عملية كتاراكت وجاتله عدوى خلتهم يستأصلوا له العين كلها!!!" .. في اللحظة دي توقف الزمن تماما .. كل الحاضرين كانوا يعرفوا الدكتور (م) ما عدا أنا .. جراح شديد الشهرة حاز من النجاح والغنى والقرب من الرؤساء والملوك الكثير والكثير .. زعلت عليه طبعا وقلت أكيد مشكلة تعقيم بشعة حصلت ... فسألت دكتور التخدير هو عمل العملية فين بالضبط؟ وكانت المفاجأة انه عملها عند أكبر جراح عيون في العالم .. في اسبانيا!

طبعا مسألة عدوى في العين بعد كتاراكت لدرجة استئصال العين دي حاجة غريبة ونادرة جدا مكانش ممكن اسيبها تعدي كده بالساهل .. لسبب : واحد بالشهرة والنجاح ده كله ايه اللي يخليه يسافر يعمل عملية بسيطة زي الكتاراكت عند أكبر جراح في العالم؟ مفيش حد في مصر يعني قدر يثق فيه من تلامذته انه يعمل له العملية؟! دي كتاراكت يعني أي أخصائي رمد جديد يعملها بسهولة!

رحت سألت كذا واحد من أساتذتي عن الدكتور (م) .. الراجل ده ليه معملش العملية دي عند أي حد منهم؟ فعرفت انه طول عمره لا كان بيعلم حد ولا بيساعد حد أنه يتعلم!!!
واحد من الأساتذة قال لي بالحرف: "لو كان علم أي حد كان وثق فيه يعمل له الكتاراكت .. بس هو سافر اسبانيا عشان يتفادى القدر لكن قدره كان مستنيه في اي حتة يروحها" ...

ساعتها شفت عدل السماء بعيني واتعلمت الدرس:
علم اللي حواليك واللي أصغر منك أحسن مما اتعلمت .. خليهم أفضل منك .. وربنا حيغنيك اكثر مما تستحق!
العلم زيه زي المال .. لا بتاعنا ولا حقنا .. وإنما ربنا بيديهولنا قرض عشان يشوف حنعمل بيه ايه .. والجزاء الحقيقي بيكون من الله مش من الناس!

د.نزار عبد الفتاح

🩺 إيه الفرق بين سرعة الترسيب (ESR) و CRP؟
كتير بنسمع عن التحليلين دول… لكن مش كل الناس عارفة الفرق بينهم!

🔹 سرعة الترسيب (ESR):

تحليل بيقيس سرعة ترسيب كرات الدم الحمراء في الأنبوب.

مش مخصص لمرض معين، لكنه بيقولنا لو في التهابات مزمنة أو أمراض مناعية.

بطيء شوية… يعني النتيجة بتاعته ممكن تتأخر في توضيح لو الالتهاب لسه في أوله.

🔹 تحليل CRP (C-Reactive Protein):

ده بروتين بينتجه الكبد في وجود التهابات حادة.

أسرع في الكشف… لو عندك التهاب أو عدوى نشطة، بيظهر فوراً.

كل ما الرقم بيعلى، كل ما الالتهاب في الجسم بيكون أقوى.

⚠️ معلومة ناس كتير مش عارفاها:
ممكن يكون ESR عالي وCRP طبيعي، وده بيحصل في أمراض زي الروماتويد المزمن.
ولو CRP عالي وESR طبيعي… ده معناه التهاب حاد ولسه الجسم في البداية بيرد عليه.

لسه حالا دلوقتي

شاب ٢٦ سنه مدخن وبيشرب حشيش
ومافيش اي امراض مزمنة

جي بوجع في صدره حاد
ومافيش اي اعراض تانيه

وطلع جلطه حاده في القلب (STEMI)
وده سن صغير جدا للأمراض دي

والسبب الرئيسي التدخين والحشيش

تقريبا اول بوست اكتبه لغير الدكاتره
عشان خطورة التدخين والمخدرات

حاجه زي كده بتنهي الحياه

علشان كده حافظ علي حياتك علشان هتتحاسب عليها وتقصيرك في حق نفسك أمام الله

د. محمد القصاص

فيه لحظة كده، ممكن تعدّي على أي دكتور وهو بيكشف على مريض...
لحظة يحس فيها إن فيه حاجة مش راكبة، حاجة مش مريحة في وش المريض، في طريق كلامه، في لَون جلده، في نبرة صوته...
بس الحاجة دي "مش في تخصصه".

ساعتها، فيه دكاترة قليلين بتختار تسكت وتقول:
"أنا مالي؟ ده مش مجالى، وممكن أطلع غلطان و أكون قلقت العيان ع الفاضى".
لكن اللي فاهم يعنى إيه طبيب بجد، يعرف إن سُكوته ساعات بيكون أخطر من المرض نفسه.

لو جوّاك جرس رن وقالك فيه حاجة غلط، لو إحساسك نبهك، أو عينك لمحِت حاجة مش طبيعية...
اتكلم.
انصح.
وجّه.
قولّه يروح لدكتور كذا أو يعمل تحليل كذا.
اقنعه، طمنه، ان شالله تخوّفه لو لزم الأمر، بس متسكتش!

الطب مش بس تخصص،
الطب النصيحة،
والنصيحة فيه ممكن تكون فرق بين حياة وموت.

Dr Ahmed bendary

- موضوع ال shock باختصار يا رفاق🫡

Shock = Hypotention +DCL

*Shock +Fever = Septic Shock

*Shock +Pale = Hypovolaemic Shock

*Shock + Congested = Cardiogenic Shock

*Shock+warm, Bradycardia = Neurogenic shock

*Shock+Bronchospasm,Rash = Anaphylactic Shock

* ال CVP بينزل فى كل حالات ال shock بتبقى تحت 5 ، النورمال رينج أصلا 5:11 ، وأعراض نزوله
(tachycardia, tachypnea,hypotension)

* استثناء ال  Cardiogenic Shock ال CVP مبينزلش فيها .

لو انت مريض حسيت بالم في الصدر (اي الم من الفك السفلي حتى فُم المعدة بخلاف النغزة اللي بتيجي ثانية او اتنين وتروح) خاصة لو عندك عوامل خطورة للاصابة بازمات قلبية زي السكر والضغط والدهون والتدخين
لو فيه كدا لازم تتحرك باسرع وقت للمستشفى.

ليه؟
لان
لو دا كان ازمة قلبية خاصة الجلطة المكتملة فكل دقيقة بتمر معناه انك بتفقد جزء من عضلة القلب

أفضل وقت بيستفيد فيه المريض من دخول العمليات (قسطرة) وفتح الشريان المقفول خلال ٤٠ دقيقة من بدء الاحساس بالالم (والفايدة بتكون كبيرة ايضا في اول ٦ ساعات)

بعد الوقت دا مؤكد ان فيه خلايا من القلب بتموت (غالبا للابد)

-أحمد عبد المجيد الفرا

اي شخص له قريب درجة أولي
جاله سرطان قولون
لازم يعمل منظار قولوني قبل السن اللي جه لوالده او أخوه بعشر سنين علي الأقل
يعني لو شخص والده تم تشخيصه بسرطان القولون في سن الأربعين
يعمل قبل التلاتين
المنظار آمن وسريع ومفيد

بنت 16 سنة جاية الطوارئ
أهل المريضة جابوها الطوارئ وهي عندها
شلل في الأطراف بدأ من يومين

مش مركزة كلامها متقطع شكلها مرعوبة من حاجة مش واضحة

لاحظت إنها كل ما حد يقرب لها بكوباية مية أو حتى تسمع صوت المية تدخل في حالة خوف شديد

Hydrophobia
كنت أسمع عنها لكن دي أول مرة أشوفها بعيني
مجاش في بالي غيره السعار
سألت عن أي عضات أو خدوش من حيوانات

الأهل قالوا لا مفيش

بس أختها الصغيرة قالت هي كانت متعورة من شهر و نص كده والكلب بتاعنا كان بييجي يلحس الجرح وأنا كنت بصورها فيديو

سألتهم لو الكلبةمطعم ضد السعار
قالوا لا عمره ما اتطعم

تغير في مستوى الوعي
ضعف عضلي عام
نوبات تشنج في البلعوم لما تشوف أو تسمع صوت الماء
لا يوجد علامات التهاب سحايا
No meningism

لا توجد علامات واضحة لعضة بس في مكان جرح قديم في دراعها

Clinical Reasoning

Acute progressive encephalitis with hydrophobia = pathognomonic for rabies

History of saliva from unvaccinated cat licking an open wound confirms exposure risk

و للاسف المريضة في المرحلة دي من المرض السعار في هذه المرحلة يكون مميتًا تقريبًا 99% من الحالات

التشخيص النهائي Final Diagnosis

التهاب دماغي بالسعار
ناتج عن انتقال الفيروس من لعاب كلب منزلي غير مطعم بعد لعق جرح مفتوح

و بالفعل ما هي إلا ساعات و سمعنا خبر وفاة الطفلة في الرعاية بعد توقف الجهاز التنفسي

خلي بالك ♥️👍

من الاخطاء المتكرره جدا في التعامل مع حالات microcytic hypochromic anemia هو أنك متطلبش للمريض iron profile وتعتمد أنها نقص حديد وناخد مثالين للتوضيح

1- حالات الحمل اللي تيجي تقولك انا علقت حديد مره واتنين وتلاته بس الانيما مش بترفع تيجي تعمل iron profile تلاقي معندهاش نقص الحديد وفي الاخر تطلع thalassemia minor وعماله تاخد حديد على الفاضي

2- تلاقي راجل كبير في السن وعنده microcytic hypochromic anemia تبدأ انت تدخل في DD وتشوف نزيف أو hidden git malignancy وهكذا من غير iron profile علشان تتأكد وتدي حديد مفيش تحسن وفي الاخر تطلع sidroblastic anemia as part of myelodysplastic changes ودي سكه تانيه خالص

التشخيص يكون تدريجي بمعنى شخصت microcytic hypochromic anemia ثم عملت iron profile فطلع iron deficiency فدورت على السبب وقيمت الحاله محتاجه فعلا حديد ولا لا وبالتالي هتعالج السبب ونقص الحديد وكدا تكون مشيت صح

Dr Mohamed magdy

السلام عليكم‌❤️⁩
Hypoglycemia السكر المنخفض
من أشهر و أخطر الحالات الي هنشوفها في حياتنا
و أصبحت قاعدة إن أي حالة داخلة استقبال بنقيس السكر من ضمن ال Vital signs

💥أعراض إنخفاض السكر؟
هيدخل عليك مريض عرقان وشه باهت و عنده رعشة في ايده و ضربات قلبه سريعة
المريض مش على بعضه ودايخ و عنده شهية جامدة للأكل
(عادة مريض السكر بيكون عارف الأعراض دي)

💥أشهر اسباب انخفاض السكر؟
بيكون مريض سكر و مأكلش كويس أو أخد جرعة زيادة من الإنسولين
أو خد الإنسولين و مأكلش بعدها كويس أو بذل مجهود
برضو ممكن تحصل في مرضى الكبد أو الي عندهم Addison's disease

💢فلازم أول حاجة نسأل المريض أنت مريض سكر؟ طيب بتتعالج و بتاخد دواء للسكر ؟

‌◀️⁩لو قالك اه فغالباً السبب جرعات الإنسولين أو أدوية السكر من عائلة Sulfonylureas أو مأكلش كويس أو بذل مجهود بعد الدواء

‌◀️⁩لو قالت لا مباخدش ادوية للسكر فلازم نطلب تحليل
Insulin and C-peptide level
و ممكن بنعمل CT علشان نستبعد insulinoma

💥بنعمل ايه؟
بنقيس سكر عشوائي بيكون أقل من ٧٠

💥ايه العلاج؟
<<If Conscious:
لو فايق شربه ماية بسكر و ملعقة كبيرة عسل أو
حاجة مسكرة...عصير ...عنب...معلقة سكر
على حسب الي متوفر
قيس بعدها السكر بربع ساعة
لو أقل من ٧٠ عيد نفس الي فات و قيس بعدها بربع ساعة لحد لما العيان يفوق و ياكل وجبته الطبيعية علشان الموضوع ميتكررش تاني

<<If Comsatosed:
لو دخل في غيبوبة
السكر أقل من ٧٠
glucose 25% or 10%
ادي في الكانيولا ١٠سم ثم اصبر ٢د و قيس السكر
وكرر لحد ٥٠سم
هيعلي السكر بسرعة ثم قيس السكر
بعدها نضف الوريد ب ١٠سم محلول ملح

قيس كمان مرة بعد نص ساعة فلو ثابت او قل حاجة بسيطة علقله جلوكوز ٥٪ و روحه بعد لما تعرف سبب هبوط السكر و تضبطها (زي جرعة الإنسولين مثلاً)

وطي تاني كرر الي عملته جلوكوز ٢٥٪ ثم ٥٪ ببطئ

وطي تاني اعمل CT علشان لو فيه insulinoma

💥ايه ال Target بتاعنا؟
ان السكر يبقى أعلى من 100mg/dl

💥طب لو مش لاقي Venous access تركب فيه كانيولا؟
اديله glucagon 1mg عضل أو تحت الجلد

لو جالك مريض عنده oral ulcer خصوصا لو متكرره ازاي تبدأ تفكر علشان توصل للتشخيص ♥️👍

1- لو القرحه اللي بتيجي صغيره في الحجم غالبا واحده وممكن اكتر من واحده بتكون بتوجع جدا بتيجي وقت توتر ايام امتحانات أو ضغط نفسي بتقعد كام يوم مش بتوصل لأسابيع أو شهور وبتخف تماما يبقى انت قدام aphthous ulcer وهي الأشهر وأغلب الحالات

2- لو القرحه موجوده في مكان واحد في الفم وشبه مستمره مش بتروح نشوف ربما مشكله في أسنانه sharp أو فيها اعوجاج ومحتاجه تتظبط

3- وجود gerd أو sinusitis أو dental affection يساعد في حصول القرح فلو موجوده تتعالج كمان وجود انيميا نقص جديد او فيتامين ب لازم تتعالج

4-لو القرحه متكرره بشكل كبير وكمان معاه genetal ulcer لازم انت اللي تسال ممكن المريض ميقولش اصلا وكمان تلاقيه بيشتكي بعينه ومفاصله ومعاه skin rash يبقى انت قدام حاله behset disease اعمل ليه pathergy test ودا بتحقن saline تحت الجلد ونسيبه 48ساعه وتشوف حصل reaction ولا لا

5- لو نفس الاعراض بتاع ال Behcet ولكن معاه التهاب في مناخيره وودانه وممكن treacheaيعني التهاب في أي مكان فيه cartilage يبقى انت قدام حاله MAGIC syndrome

6- لو فيميل في متوسط العمر والقرحه مش بتوجع أو بتوجع حاجه بسيطه معاه اعراض ال connective tissue اللي ذكرناها قبل كدا يبقى تفكر في SLE

7- لو المريض في متوسط العمر وعنده اسهال مزمن أو مغص مستمر ومعاه التهاب في المفاصل أو skin rash فأنت لازم تفكر في Crohn's disease

8- لو المريض ماشي على ادويه لازم تعرف اي هي وزود الجرعه ولا لا لانها ممكن تكون من اعراض ال toxicty زي ال methotrexate بيعمل قرح في الفم والجلد

9- لو المريض طفل وبيحصله attack في صوره fever& aphthous ulcer & cervical adenitis & pharyngitis طبعا هتشخصه احتقان في الزور عادي ياخد الادويه ولكن بيتحسن تحسن خرافي على corticosteroids علشان كدا هتلاحظ كتير من دكاتره الاطفال تضيف corticosteroids مع المضاد الحيوي تحسبا ليها ودي حاله اسمها PFAPA ودا اصلا اختصار ال attack وزي ما قولت علاج من غير corticosteroids مش هيتحسن

10- لو نفس الحاله اللي فاتت بالظبط ولكن بيكون معاها برضو gastroenteritis كمان skin rash و اوقات hepatoslenomegaly فأنت قبل ما تقول التهاب في اللوز قلب بنزله معاويه خليك فاكر ان الحاله recurrent ومعاها aphthous ulcer كمان skin rash لأن الحاله دي اسمها Hyper immunoglobulin D وهي حاله rare

11- لو مريض ال general conditionبتاعته مش كويسه يعني وزنه بيقل عنده recurrent infection ممكن تلاقي pancytopenia فيه تلاقي lymphadenopathy كمان عنده هسيتوري ل sexiual activity فأنت فكر في HIV و hematological malignancy ودا اللي هيجيبه مش ال ulcer

12- لو المريض كان عنده دور برد او حراره عاليه أو مناعته ضعفت وبعدها طلعله قرح ولكن كتيره ومعاه vesicles يبقى نفكر في herps وانا شوفت حاله بؤها كان كله قرح

13- حاجه نادره هو نوعين خاصين بالجلديه لو المريض اشتكى من vesicles وبعدين حصلها rapture وعملت قرح لو كان معاها sikn rash or bulle فممكن تكون pephegus valgaris ولو كان معاها target sign يبقى erthrema multiform خصوصا لو بعد دوا معين أو التهاب فيروسي

14- لو القرحه كبيره لا تسجيب لأي علاج في مريض خصوصا لو مدخن أو بيشرب كحول بتكبر أو بتجيب دم فنفكر في malignancy

Dr Mohamed magdy

نصيحة طبية نصحني بها أحد الأطباء!

لو هتمشي على مسكن لفترات طويلة لسبب طبي يبقى مادة الباراسيتامول (زي بانادول - أبيمول - سيتال - أدول)
وبس
والله يا دكتور أحمد، أعرف أكثر من حالة دخلت في فشل كلوي بسبب الإفراط في تناول المسكنات (زي البروفين والكاتافلام والباي بروفينيد والفولتارين ) لفترات طويلة = شهور وسنين.

د. أحمد خالد

دورك كطبيب هو الكشف والتشخيص والعلاج والمتابعة لا انت قاضي ولا محامي ولا واصي ولا حاكم علي الأشخاص وتصرفاتهم وأخلاقهم..
ممكن اه يبقي عندك الفطنة اللي تعرفك أخلاق البيشنت علشان تتعامل معاه بالشكل اللي يبعدك عن أذاه لكن مش مسموح خالص ان إدراكك لده يؤثر علي دورك كطبيب معالج ليه.

Dr_Mostafa_Salah

معلومه مهمه جدا جدا ♥️👍

لو جالك واحد وشخصته أنه عنده املاح وكمان uti وهتكتبله cipro كمضاد حيوي للالتهاب اللي عنده فخلي بالك من الكام معلومه دول

1- ال ciprofloxacin ليها خاصيه ال photo sensitivity يعني تنبه على المريض تجنب التعرض الشديد للشمس بعد العلاج على طول لانه وارد جدا بعد ما ياخد الدوا يحصله حرق في جسمه

2- ال ciprofloxacin بتتاثر في الامتصاص بتاعها بال mg و ca فخلي بالك لو كتبت فوار epimag للاملاح اللي عنده ودا وارد جدا يحصل يبقى لازم فاصل كبير بينهم يعني نخلي الفوار قبل الاكل بنص ساعه والبرشام بعد الاكل بساعتين وزيه بالظبط ادويه antiacid

3- ال ciprofloxacin بيشتغل ك enzyme inhibitor فلو المريض اصلا chest وبياخد thiophylin فدا هيزود ال toxicity بتاعت ال thiophylin جدا فنخلي بالنا جدا

4- اخيرا أنه بقا بيستخدم عادي تحت 18 سنه

Dr Mohamed magdy

⭐احنا كلنا عندنا معلومة :

✍️ إن ال  neutrophil بتزيد فى حالات ال bacterial infection

✍️ وال lymphocytes بتزيد فى حالات ال viral infection

🤔بس خد بالك إن فى بعض ال virus بتزود ال neutrophil مش ال lymphocytes

زى ال varicella zoster, herpes simplex, Rabies

🤝عشان متتخضش لما تشوفها وتفكتر إنك شخصت غلط

فيه دكاترة كتير ساعات أول ما المريض يدخل العيادة.. يبصّوا له أو يسمعوا أول كلمتين، ويقوموا قايلين: "إنت عندك كذا".
والحقيقة دي لحظة بيفتكروا إنها ذكاء وشطارة و إظهار للتمكّن .. لكن المريض عمره ما بيقتنع بالتشخيص ده -حتى لو كان صح- ولا بيحس إنه متشاف بجد.

التاريخ المرضي و الفحص الإكلينيكي مش ديكور.. ده أساس المهنة. كلمة واحدة من المريض ممكن تغيّر خطة العلاج، ولمسة في الكشف ممكن تقلب التشخيص من الضد للضد. واللي بيجرّب يعرف إن المواقف المحرجة في الحتة دي كتير قوي 😉. الابحاث بتقول إن إلتزام الطبيب بالخطوات التقليدية فى المقابلة الطبية مع المريض هو أكتر عامل بيساعد فى إقناعه بالرأى الطبى حتى لو كان الطبيب مشخّص الحالة بمجرد النظر .. تخيّل؟!

الطب مش لعبة "انطباعات سريعة". الطب تقاليد واحترام للممارسة.. واحترام لإنسانية اللي قاعد قدامك.

اتعلمنا زمان إن (أسرع طريق للغلط .. هو التسرّع فى الصح)

Dr Ahmed bendary

يعني إيه الحزام الناري؟

مشكلة منتشرة ومتعبة جدا جدا، والحمد لله لها علاج ووقاية وناس كتير ماتعرفهاش.

وإحنا صغيرين أغلبنا جاله إصابة بمرض إسمه ”الجديري” أو "Chicken pox"
المرض ده بيسببه فيروس إسمه "Varicella-Zoster virus"

لما الشخص بيخف من المرض الفيروس المسبب للمرض مش بيموت، بيكمن وبيفضل موجود في الجسم، والشخص مش بيصاب به مرة تانية.

لكن خلال حياة الإنسان لو المناعة انخفضت لأي سبب، زي قلة النوم أو التوتر أو أدوية أو أي سبب، الفيروس ممكن ينشط مرة جديدة لكن في صورة إسمها ”الحزام الناري” shingles

بيهاجم عصب، في نصف واحد من الجسم، وبالتالي بيسبب آلام لا توصف من شدتها، قد تستمر شهور لو لم يتم العلاج مبكرا.

بعد الألم بأيام بيبدأ يظهر طفح جلدي عند مسار العصب في شكل حبوب ملتهبة فيها سائل بسيط وبتقشر.
لو لا قدر الله المرض أصاب عصب العين ممكن يؤثر بشكل كبير على النظر.
في بعض الأوقات لأن المرض بيبدأ بألم شديد في جانب واحد قبل ظهور الطفح الجلدي، ممكن يتشخص بالخطأ على أنه مغص كلوي أو انزلاق غضروفي في العمود الفقري.

كيفية التعامل معه:
طبعا الوقاية خير من العلاج، أي شخص فوق سن ال٥٠، أو أي شخص بياخد أدوية مثبطة للمناعة، أو أي شخص عنده ضعف في المناعة يقدر ياخد تطعيم إسمه Shingrix، موجود في كل مراكز التطعيمات زي "المصل واللقاح"

طيب ماذا لو شخص أصيب بالفعل، و بدأ يحس بألم غير معتاد في أي مكان في الجسم في ناحية واحدة؟
أول حاجة يروح لطبيب أمراض جلدية حالاً، لو المرض اتلحق في البداية بيكون أخف بكتير

العلاج بيكون دوا اسمه Acyclovir 800mg كل ٤ ساعات (يعني ٥ مرات في اليوم) لمدة أسبوع
أو Valcyclovir 1000mg ثلاث مرات يوميا لمدة أسبوع

و مسكن قوي brufen

معاهم مس اسمه
Potassium permenganate 1/8000
لو ظهر طفح جلدي.

ربنا يديكم الصحة والعافية جميعاً

د. عمرو الدبورى

🚨 نصيحة مهمة جداً لكل حد بيشتغل في الطوارئ

أي مريض سكر يدخللك الطوارئ بأي شكوى—even لو مفيش وجع صدر ولا ألم في المعدة—✋ لازم تعمله رسم قلب (ECG).
ليه⁉️
لان ال Diabetic patients عرضة لما يسمى:

Silent ischemia / silent myocardial infarction
بتحصل بسبب autonomic neuropathy اللي بتقلل أو تمنع إحساس المريض بالألم الصدري (angina).

📍 حصلت معايا مريض سكر كان جاي بسخونية وضغطه واطي شوية ، مكنش بيشتكي من أي chest pain.
طلبتله من ضمن الفحوصات ECG "احتياطي" واتفاجئت بـ ST elevation في الـ anterior leads.
اتحجز واتعمله قسطرة والحمد لله عدى بسلام 🙏

تخيل لو مكنتش عملتله ECG؟!

💡 القاعدة: مريض السكر في الطوارئ = ECG دايمًا.