شاب محترم باعتلي رساله انه عايز يكشف علي اخته !
= فسألته شكوتها ايه !؟
- قالي لا ابدا هي مناخيرها بتكبر وهي انسة ودا مضايقها وكل لما تروح لحد يهزر ويقَولها عادي انتي بتبالغي !
الحقيقه انا نفسي كنت هاقوله ايه الشكوي دي !! بس قولت اكمل معاه اشوف في حاجه تانيه ولا لاء
سألته طيب وزنها بيزيد ؟
- اه شوية وعندها علامات في رقبتها زي اللي حضرتك قولت عليها في مقاومة الانسولين.
= ماصدقت قولتله خلاص اعمل مقاومة انسولين وتراكمي ودهون وغدة درقية وابعتهوملي.
- اصر انه يجيلي بيها وقد كان وزارني في عيادتي في البحيرة.
= لقيت مقاومة انسولين بسيطة وبداية مرحلة ماقبل السكر والضغط بدا يعلي عن الطبيعي والباقي كويس.
انا بالفحص البنت كويسة بس فعلا هي بتقول ملامحها بتتغير عن قبل كدا هي ادري بحالها بتبقي غليظة ، فحصتها من كل اتجاه تماَم بس فعلا ملامحها غليظة coarse features.

- سالتها سؤالين هل مقاس الحذاء لا مواخذة بيضيق عليكي ؟
= اه فعلا بغير فيهم مؤخرا
- الخواتم اخبارها ايه ؟
= بلبسه مرتين او تلاتة ويدوبك مايدخلش صباعي تاني.
- خلاص احنا هنقطع الشك باليقين ونقيس هرمون النمو بعد التحفيز عشان استبعد مايسمي بضخامة الاطراف او مرض العملقه acromegaly زي اللي عنده الممثل حسين عبدالعظيم ( أشرف في مسلسل الكبير اوي )
كتبت تحليلين وكنت شاكك المعمل يعرف الاول فكتبت التاني الادق والاغلي:
Growth hormone suppression test
بتقيس هرمون نمو صايم وبعد ماتدي المريض جلوكوز 75 جرام في 250 ملي ماء زي تحليل تحميل الجلوكوز بتاع الحوامل وبنسحب كل نص ساعة عينة علي مدي ساعتين والطبيعي ان مستوي هرمون النمو ينخفض عن 1 بعد التحفيز.

وزي ماتوقعت المعمل نفضلي وعمل التاني IGF1 وهو اهم مستقبلات هرمون النمو الذي لا يتاثر بالافراز النبضي للهرمون الغير دقيق وفعلا طلع 3 اضعاف الطبيعي.
مباشرة طلبت باقي هرمونات الغده النخامية برولاكتين و ACTH وكورتيزون و رنين مغناطيسي علي النخامية اتعمل بالصبغة
- التحاليل سليمه، لكن للاسف الاشعة طلعت ورم للاسف حجمه كبير في الغدة النخامية 2.5 سم تقريبا macroadenoma.
اخر حاجة طلبتلها مجال ابصار وفحص قاع عين ووجهتها بكل الورق لجراح مخ واعصاب بمعرفتها.
ربنا يعافيها ويشفيها

علي قد ما انا زعلان علي التشخيص بس راضي عن نفسي اني في خلال اسبوع كنت وصلت لتشخيص الحمد لله ممكن يبقي مدخل لانقاذها وطبعا مش عاوز اقولكم تعاون اخو المريضة اللي لما فهمته شكوكي تفاهم ونفذ كله بااسرع مايمكن.
بس انا اتعلمت درس كبير ان ممكن شكوي بسيطة اوي ماتكونش بسيطة ولا حاجة.

Dr Amr Omar

لو جالك مريض ورجليه الاتنين وارمين (Edema in both legs) 👣 لازم تفكر على طول إن فيه مشكلة في حاجة من تلاتة:
✅ القلب (Cardiac)
✅ الكلى (Renal)
✅ الكبد (Liver)

🌟 طيب إزاي تفرّق بينهم؟ خليني أقولك بشكل بسيط:
🔹لو السبب من القلب ⬅️ هتلاقي رجله وارمة وكمان أورَدة رقبته (Jugular veins) منفخة، يعني: Edema + رقبة منفخة = قلب تعبان ❤️

🔹لو السبب من الكلى ⬅️ هتلاقي الانتفاخ بيبدأ من الجفون الصبح بدري، وغالبًا ضغطه عالي، يعني: Edema + انتفاخ حوالين العين + ضغط عالي = كلى فيها مشكلة 🩺

🔹لو السبب من الكبد ⬅️ غالبًا هيكون عنده اصفرار في العين (Jaundice) وضغطه واطي، يعني: Edema + اصفرار + ضغط قليل = الكبد هو السبب 💛

💢 في حالة ال Stroke
ال CT scan ممكن يطلع ال Infarction بعد ساعات من حدوثها
بينما ال MRI ممكن يطلعها خلال نصف ساعة من حدوثها فقط
مع ذلك إحنا بنطلب ال CT أول ما المريض يوصل
لأن الهدف مش ان احنا نشوف ال Infarction إنما نستبعد النزيف Hemorrhage

🍽️❌ ليه بنمنع الأكل قبل العمليات؟
أكيد سمعت الجملة الشهيرة دي:
"ممنوع تاكل أو تشرب قبل العملية بـ 6 لـ 8 ساعات"
طب ليه؟ هو الجوع جزء من العلاج؟ 😅

السبب مش هزار… ده موضوع حياة أو موت! ⛔

📌 لما تبقى تحت تأثير البنج (التخدير)، كل عضلات جسمك بترتاح… حتى عضلات البلع والمعدة!
يعني إيه؟
يعني لو في أكل في معدتك، ممكن يرجع (يقفز لفوق)، ويوصل للرئة 💨

وهنا الكارثة 😵‍💫:
📍 الأكل أو الشراب اللي يدخل الرئة بدل ما يدخل المعدة ممكن يعملك اختناق أو التهاب رئوي خطير جداً اسمه:
Aspiration Pneumonia = التهاب رئوي بالاستنشاق

📍 الموضوع ده ممكن يهدد حياتك، خصوصًا مع البنج الكامل، لأنك مش واعي ومش قادر تحمي نفسك

✅ عشان كده بنمنع الأكل والشرب قبل أي إجراء فيه تخدير حتى لو بسيط، علشان نحميك من أي خطر محتمل

🥤 حتى شربة مياه؟ ممنوعة
🍬 حتى لبانة؟ برضو ممنوعة

✋ آخر أكل لازم يكون قبل 6 لـ 8 ساعات
✋ وآخر شُرب مياه صافية ممكن قبل 2–3 ساعات (حسب نوع العملية والطبيب)

🩺 الموضوع مش رخامه وخلاص… ده أمان وحماية ليك ❤️

دكتور الباطنة شعاره wait and see

دكتور الجراحة شعاره open and see

دكتور العنايه شعاره DC

دكتور النساء شعاره D&C

دكتور العيون شعاره CAN YOU SEE

دكتور امراض الدم شعاره CBC

دكتور الطوارئ شعاره ABC


د. أحمد عبدالحافظ

🚫🚫🚫تتصرف إزاي لو حد اتعرض لعضة حيوان؟

سواء كلب، قطة، فأر أو أي حيوان ثديي مش شرط عضه حتى لو خربشه – لازم تتصرف بسرعة!

📣أول 3 خطوات في أول دقايق:

1️⃣ غسل الجرح فورًا بمياه جارية وصابون لمدة 15 دقيقة على الأقل
2️⃣ تطهير الجرح بأي مطهر قوي (بيتادين مثلاً)
3️⃣ التوجه فورًا لأقرب مستشفى حتى لو الجرح بسيط

💉 📣تفاصيل المصل (اللقاح):
•بيتاخد خلال أول 48 ساعة من العضة
•عبارة عن 5 جرعات خلال 28 يوم:
•يوم 0 – يوم 3 – يوم 7 – يوم 14 – يوم 28
•مهم جدًا تكمل الجرعات كلها علشان الحماية تكون فعالة

⚠️⚠️⚠️⚠️ مهم تعرف:
•فيروس السعار بيهاجم الأعصاب مباشرة
•والسعار مرض قاتل 100% لو ماخدناش المصل في الوقت المناسب
•الأطفال هما الأكتر عرضة، فخلي بالك دايمًا منهم في الشارع أو الأماكن المفتوحة
• عضة الكلب ماينفعش تتخيط

في حالة عضة الكلب تحديدًا الخياطة ممكن تساعد على نشر فيروس السعار (Rabies) لو كان الحيوان مصاب وده لأنه:
-الفيروس ممكن ينتقل من العضلة للأعصاب أثناء الخياطة وبيخلّيه يوصل بسرعة للمخ

جالي مدير مدرسة بيشتكى من كتمه بسيطه في صدره اثناء المشي ...ومش راضي يبطل ضحك وهزار شكله طبيعي جدا ...كان عامل اشعة عادية وكانت سليمة....وخد بخاخه ومضاد حيوي وpanadol

جه العياده عندي وبيقول اتحسنت على العلاج ده من مستوصف لكن كل حاجه كويسه ماعدا
HR 105 at rest

مفيش اي حاجه تانيه ايجابية حتى Troponin negative وكمان ال DDimer negative

استنيت شوية وبعدين يادوبك بيتحرك رفع HR الى 115 وهنا قررت اعملة CT angio على طول علشان تطلع الكارثة دي
Bilateral Pulmonary Embolism

الغريب dupplex venous system على القدمين سلبي
🌹🌹🌹🌹🌹🌹🌹
وتظل اقوى قاعدة في الطوارئ اوعك تروح مريض عنده tachycardia غير اما تفسرها كويس جدا

تخيل المريض ده لو روح ..كان ممكن للاسف يموت

Dr Mohamed Khalil

🔥 حاسس بحرقان في جنبك وطلعتلك حبوب بتوجع نار؟
ممكن يكون الحزام الناري – Shingles 👀

✳️ إيه هو الحزام الناري؟
ده مرض بيحصل لما فيروس قديم اسمه Varicella zoster (اللي هو نفسه بتاع الجدري المائي – Chickenpox) يصحى من نومه جوا الأعصاب بعد سنين من الإصابة الأولى!

📌 الفيروس ده بيفضل نايم في الأعصاب، ولما مناعتك تضعف لأي سبب، بيصحى ويهاجمك من جديد… بس المرة دي مش بيضرب الجسم كله، بيضرب منطقة واحدة بس – عشان كده اسمه "الحزام الناري" أو "زنار النار".

💥 الأعراض:

ألم 🔥 وحرقان في مكان واحد
احمرار وطفح جلدي
فقاعات صغيرة… بتلسع زي النار

🧬 طب إمتى ممكن يظهر؟ لما المناعة تقع لأي سبب:

👈🏻مريض سكر 🩸
👈🏻فشل كلوي أو كبدي
👈🏻بعد كورسات كورتيزون لفترة طويلة 💉
👈🏻أو في أمراض زي نقص المناعة المكتسبة

🔍 معلومة مهمة:
❌ الحزام الناري مش معدي
✅ مفيش أكل معين لازم تمنعه
لكن يفضل تبعد عن المواد الصناعية والكيميائية اللي ممكن تهيج الجلد

🎯 لو ظهر عليك الأعراض: روح لدكتور جلدية فورًا، والعلاج غالبًا بيكون مضاد فيروسات + مسكنات + كريمات موضعية

حسبى الله ونعم الوكيل في الدكاتره 😂

مش كل hypotension يعتبر shock
علشان نقول ان ال hypotension معاه shock دور ع ال sign of tissue hypoperfusion

زي
• altered mental state
• oliguria
• increase CRT > 3 sec
• cold extremities
• tachycardia & hypotension

تطلب ABG تلاقي hypoxemia and metabolic acidosis

تطلب lactate تلاقيه عالي

من اول يوم نزلت فيه مستشفى وانا في تانيه جامعه واتعاملت مع

فئات كتير. مختلفه وعندي اقتناع تام بأن زوقك وادبك واحترامك

اهم مليون مره من علمك وشطارتك في مكانك

ولاد الناس بيبان عليهم التربيه مجرد ما تتعامل معاهم ولو مره

واحده بس إنما الكبر والغطرسه وقله الذوق أفعال صغار والله

Dr Mohamed magdy

وانا في الجامعه كنت بتكلم مع دكتور و قلتله( انا بس الي قالقني ان تقديري يفرق بنص درجه على التخصص  اللي عايزه)
قالي جمله عمري مانسيتها ا"هو ربنا هيستخسر فيك النص درجة!!"

.....اي حاجة بنتمناها و مابتتحققش  اكيد ربنا مش مستخسرها فينا ربنا مش مستخسر فيك صحبه ،خروجه حلوه ،شغلانه،كليه،فرحة زواج رزق
هو كل الموضوع ان ربنا بيبقي عارف الصح و بيعمل على المدى البعيد مش على الحاجات اللي فرحتها وقتيه ربنا جميل ربنا مش بيستخسر حاجة في حد

منقول

عند اخذ حقنة_الأنسولين يجب تجنب الاستحمام بالماء الساخن مباشرة..
لأن ذلك يؤدي ل توسع الأوعية الدموية ⬅️ دخول الأنسولين للدم بسرعة أكبر ⬅️ هبوط سريع في سكر الدم

لذلك ينصح بتأخير الاستحمام لمدة ساعة ونصف أو ساعتين بعد أخذ الحقنة

ماقبل البكالوريوس
self learning

في الامتياز
self learning

مابعد الامتياز برضه
self learning

أصدق ما قيل في الطب

زملائنا الجناير:
كما قيل: العلم صيد ! والكتابة قيد !
ولو اعتمدت على الذاكرة ستفشل وتفقد كل العلم تقريبا !
لما كنت في الامتياز ولما كنت في النيابة
كان الله يمسيه بالخير د. محمد السباعى
من أمهر الناس علميا وأخلاقا سواء في فترة الامتياز أو النيابة
وكانت أكتر حاجة لاحظتها معاه
هي بلوك نوتس وقلم
وتقريبا مفيش حالة دخلت أو شافها
ومفيش معلومة عرفها
إلا وتقريبا كان بيسجلها
ورايح جاي معاه ورقة وقلم !
.
فيه ناس عندها حياء من الحوار ده
لكن العلم بيضيع بين الكِبْر والحياء
وبالتالي معظم علمك هيضيع لو مكتبتش كل حرف اتعلمته !
.
خلي ورقة وقلم معاك أساسي !
أو سجل في الموبايل كل حرف اتعلمته لو الموضوع مضايقك أوي ومش قادر تشيل معاك ورقة وقلم !!! بس غالبا مش هينفع ولو نفع مش عايزين غير كدة !

د.أحمد العسكري

🌟✍️لو جالك طفل شكوته
dark red urine و jaundice 🚑

انتا بنسبه 90 % هتفكر فى سببين :

1- hepatitis A virus 🤮

2- Favism 🩸

طب تفرق بينهم إزاى لو فى
abdominal pain
هيبقى بنسبه كبيره hepatitis A virus

طب لو مفيش abdominal pain
هيبقى بنسبه كبيره Favism

وكدا كدا لازم تطلب التحاليل دى
CBC , ALT, AST, Total, direct bilirubin, HAV IGM .

فى حاله ال Favism هتلاقى ال Hb قليل
وال AST,AlT  هتلاقيهم normal

إنما فى حاله ال  hepatitis A Virus
هتلاقى ال ALT , AST عاليين
وال HAV IGM   Positive

لينك القناه
https://t.me/EmergenceCourse

الدرس اللى بيتعلمه كل طبيب يومياً :

اوعى تستنى مريض سكر يجيلك ب Chest pain عشان تشخص ACS . وطبعا كلنا عارفين ده بسبب ال Autonomic Neuropathy واللى بيخللى المريض بيجى ب silent MI .

طب امتى تشك إن العيان بتاعك فى Silent MI :

١. أى عيان يجيلك ب DKA لازم تعمل له رسم قلب وخصوصاً لو  Type 2 DM لان طبعا ال DKA عشان تحصل فى type 2 لازم يكون فيه Major stress واللى احنا بنسميه تحالف قوى الشر عشان يحصل DKA فى النوع التانى للسكر فلازم تاخد بالك ومتنساش ال silent Ischemia ده طبعا بخلاف Type 1 اللى معاه ال DKA بيكون اكثر شيوعاً .

٢. لو العيان جالك بEpigastric pain & vomiting ومعاه عرق او بروده فى الأطراف .

٣. لو العيان جالك Acute onset of dizziness & sense of unwell

٣. لو العيان بتاعك مريض ضغط وكان ضغطه مظبوط على العلاج ومرة واحدة لقيت ضغطه واطى بدون سبب .

٤. اى عيان سكر عنده any pain from jaw to umblicus you should exclude cardiac Ischemia

خليك شكاك ومتنساش اى عيان سكر عنده حاجة من العلامات اللى فاتت اجتهد انك تستبعد ال Cardiac Ischemia

" ومن أحياها فكأنما أحيا الناس جميعاً " 🌹

د.مصطفي صبرة
استشاري ومدرس الباطنة العامة

مشوار الطب مش بيقف عند التخرج، ولا حتى بعد التخصص…
العلم بيتجدد، والبروتوكولات بتتغير، وأساليب العلاج بتتحدث.

كل مرة تذاكر فيها، بتبني ثقة أكبر في قرارك،
وبتقلل احتمالية الخطأ،
وبتقرب أكتر من إنك تكون الطبيب اللي كنت بتحلم بيه.

💡 مش عيب تسأل
💡 ولا تأجل مذاكرتك
💡 العيب إنك تكتفي بما تعرفه وتوقف تطورك

استثمر في نفسك، عشان تقدر تكون سبب في شفاء إنسان

Dr Ahmed Elhadidy