خلي_بالك ❤️
في الفتره الأخيره قرابة شهرين فاتو منتشر نزلات معويه أغلبها Viral ومعدي بسهوله، لو واحد في البيت تعب تلاقي معظم اللي في البيت اتعدو بعده، بيسبب أعراض عاديه من إسهال وترجيع وألم في البطن .. ودي حاجه مش محتاجه مجهود وكلنا بنعرف نوصف علاجات ونعوض سوائل والكل أفضل مني ....

لكن للتذكره بس مننساش إن السكر من النوع الأول عادة ما بيجي بأعراض مشابهه من ألم البطن والمعده والترجيع ..

مريض 13 سنه جاي بنفس الأعراض من ألم البطن وترجيع مستمر وأخواته عندهم نزله معويه ..
فجايين بس يصرفوله علاج للنزله ويأخد محلول وإبره للترجيع ..
الولد شكله ضعيف جدا وunderbuilt .. بقيس السكر للولد لقيته High .. مره تانيه High .. تحليل بول Acetone +3 ...
وتم الحجز بالرعايه المركزه وبدأ المحاليل والأنسولين ...
Dr Mohammed Taher

لما تشوف حد من زمايلك بيغلط ف الامتحان او بينقص درجات وتحس بنشوة انتصار او فرحه بسيطه يبقى تراجع نفسك كويس .

" لا يؤمن احدكم حتى يحب لاخيه ما يحب لنفسه "
تخيل إنك بفرحتك لنقصان درجاته دينك ناقص!

يقول ابن القيم : " من دلائل رقة قلب المؤمن، أن يتوجع لعثرة أخيه المؤمن إذا عثر، حتى كأنه هو الذي عثر بها، ولا يشمت به. " 💙

راجل طيب كان قاعد بيفطر مع عياله عادي، وبعد الفطار حس إنه دايخ شوية.. قاس السكر لقاه فوق الـ 500.. راحوا جابوا الصيدلي اللي تحت البيت..
قالهم : سكر عالي! يبقى انسولين على طول.. معروفة يعني..

وراح رازع الراجل 70 وحدة انسولين!! والرقم دا لما يقرأه دكتور أو مريض سكر هيلطم من الخضة! رقم مهول جداً..

المهم إن الراجل أخد الـ 70 وحدة من هنا واتشنج ودخل في غيبوبة، وجالنا الرعاية بدرجة وعي 6.. ودي درجة سيئة جداً.. والسكر بتاعه كان 55.. واتحط على تنفس صناعي، وبنحاول معاه لكن مفيش أي نتيجة للأسف وغالباً مش هيكمّل..

بناته في الزيارة كانوا بيعيطوا ومش مصدقين.. أبوهم كان كويس وقاعد بيفطر معاهم، وفجأة محطوط على تنفس صناعي بين الحياة والموت.. وكل دا بسبب بني آدم فاشل استكبر إنه يقول معرفش، ويقول لأهله خدوه وروحوا المستشفى..

د /محمد فهيم .

📌اللى يشوفها يقولك دى انيميا
📌واللى يقولك دى تينيا (الجلد )
📌واللى يقول دى ديدان
📌واللى يقول دا ضعف مناعه
📌واللى يقول حاجات مانعرفهاش اصلا

🧒🏻 بقع بيضاء على وجه طفلك؟ وموجوده عند معظم اطفالنا وبنبقا عايزين نعرف دا ايه يادكتور ونعالجه ازاى !؟

Pityriasis Alba🚨🚨
(التينيا البيضاء أو النخالة البيضاء)

🔹 ما هي؟
📌هي حالة جلدية شائعة وغير معدية، بتظهر كـ بقع بيضاء فاتحة على الوجه أو الذراعين، خاصة عند الأطفال.

🔹 تظهر إزاي؟
📌• بقع لونها أفتح من الجلد
📌• سطحها خشن شوية
📌• بتبان أكتر بعد التعرض للشمس

🔹 السبب؟
مش معروف بالضبط، لكنها غالبًا مرتبطة بجفاف الجلد أو بعض التهابات الجلد البسيطة، وبتكون أكتر شيوعًا في الأطفال اللي عندهم أكزيما أو بشرتهم حساسة.

🔹 هل مؤذية؟
لا إطلاقًا، دي حالة بسيطة ومؤقتة، ومش بتسبب أي ألم أو حكة شديدة.

🔹 العلاج؟
✅ ترطيب الجلد بكريم مرطب مناسب للأطفال
✅ كريمات بسيطة مضادة للالتهاب (يُوصفها الطبيب فقط)
✅ تجنب التعرض المفرط للشمس

📌 معلومة مهمة: البقع ممكن تاخد وقت في الرجوع للون الطبيعي للجلد، لكن مع الوقت والعناية بترجع البشرة لطبيعتها

د محمد درويش

مفيش تعب بيروح علي الارض.
يا تاخد نتيجه فوريه، يا تاخد خبرة و نتيجة مؤجله شويه يا اما تاخد خبرة و تغير اتجاهك لحاجه تانيه و تحس انها جت بالصدفه بدون تعب و لكنها نتيجه الجهد الأولاني.
خلي بالك ربنا كريم

Dr/ Hany abdel gawwad

رسالة الى شباب الاطباء 💕✨

ازاي تعلي الحس الاكلينيكي عندك في استخدام السماعة auscultation ؟!

درب نفسك ..

ازاي ؟!

اي مريض هتطلبله أشعة صدر مثلا ..

اسمع صدره .. وباللي انت سمعته ولاقيته توقع اللي هيطلع في الأشعة ..

يعني مثلا لقيت في حتة decreased air entry .

يبقى متوقع مثلا هتلاقي في المكان ده effusion .

طب سمعت coarse crepitus يبقى متوقع هتلاقي consolidation

طب سمعت fine creps يبقى هتلاقي congestion & increased pulmonary marking

طب لقيت decreased air entry مع resonance والعيان جاي بالم في الصدر يبقى متوقع هتلاقي pneumothorax زي الحالة اللي نزلناها من كام يوم

طب لو معاها dullness يبقى غالبا effusion.

وهكذا ..

طب بعد ما عملت الاشعة .. ولقيت حاجة انت مكنتش متوقعها ..

يعني مثلا لقيت effusion يبقى تشوف مكانه فين في الأشعة وتروح تسمع صدر المريض تاني وتركز كويس هتلاقي decreased air entry حتى لو بسيط مش لازم silent chest

وهكذا مرن نفس قبل الاشعة وبعد وقارن اللي لقيته بسماعك مرة واتنين وتلاتة .. هتلاقي نفسك بقت اذنك موسيقية وبقيت تشخص بالسماعة بس .. والأشعة معاك هيبقى دورها تأكيد للتشخيص اللي وصلتله .
Dr . Mohamed Emam

لا انسي مقوله دكتور محمود علام

( من لم يفحص ال back لم يفحص ال chest ) ☝️

التحليل ده لسه شايفه النهارده مش هتشوفه كتير بس لو شوفته لازم تكون عارف هتتعامل مع الحاله إزاى وتوجهها فين
فعايز أعرف رإيكم فيه
1- ايه التحليل ده
2- بنطلبه فى حالات إيه
3- المريض ده هنوجه إزاى بعد كدا

إن شاء الله هنزل فيديو بنشرح فيه التحليل ده بشكل مبسط

شرح ال fecal calprotectin
مش هتحتاج تسمع ليها شرح تاني

"التحاليل الطبية مش مجرد أرقام، دي لغة بيفهم بيها الطبيب جسم المريض! 🔬🩺
ومحاضرة Bleeding Disorders تعتبر من الركائز الأساسية في كورس التحاليل.
محتواها مركز ومهم، بعد ما تخلصها، هتحس إنك لأول مرة فعلاً فاهم الموضوع من الألف للياء – ومش هتحتاج تدور على مصدر تاني!"

لينك القناه
https://t.me/EmergenceCourse

إمبارح إستلمت الشيفت بتاعي على الساعة ٨ بليل و كان في طفل عنده ١٢ سنة محجوز لكن حالته كانت مستقرة جدًا لدرجة إننا سبناه مع والدته ف الأوضة هو نايم علي السرير متعلقله الأدوية بتاعته و هي جنبه بيتكلموا طول الليل و مفيش أي حاجة..
جيت على الفجر النهاردة دخلت الأوضة بتاعتهم كنت بجيب حاجة من جوا ف لفت إنتباهي إن الطفل بيتكلم مع مامته و سمعته بيقولها إنه بيدعي ربنا يخف بقى لإنه تعب من الأدوية و الحقن ال بيفضل ياخدها ف الكانيولا، ف رحتله قلتله إحنا ما شاء الله علينا زي الفل و رجالة كويسين و متقلقش حبيبي من أي حاجة قربت تمشي إن شاء الله، إبتسملي و قالي إن شاءالله و مامته شكرتني..
حرفيًا بدون ذرة مبالغة بعد ما قلتله الكلمة دي و طبطبت عليه جيت أخرج من الأوضة لقيته فجأة جسمه اتشنج و عينه إترفعت لفوق و شفايفه إزرقت في أقل من نص دقيقة كل دة حصل، في ظرف اللاوقت الأوضة بقت مليانة دكاترة و تمريض و عمال أكنه مشهد في فيلم.. الولد فجأة arrested أو قلبه وقف..
خلينا الأم تطلع برا عشان نعرف نشتغل، الدكتورة ركبتله أنبوبة حنجرية في نفس الوقت ال أنا كنت شغال فيه إنعاش قلبي و حد من زمايلي كان شغال إنعاش رئوي، فضلنا شغالين أكتر من ٤٠ دقيقة متواصلة و الولد مفيش أي إستجابة و أمه واقفة ورا باب الأوضة باصة علينا من فتحة بسيطة جدا مش عارفة تجمع إحنا بنعمل إيه، لكن قلبها كان حاسس، الولد ما.ت.
أصعب لحظتين عدوا عليا هي لحظة وسط محنا شغالين لقينا التمريض بيجيب استمارة وفا.ة لإنه كان عارف ال فيها، ال هو بجد الإنسان مننا عبارة عن لا شيء كدة و حياته بتنتهي بورقة ؟
و لحظة ما فتحنا الباب عشان نبلغ الأم بالخبر، الأم سبحان من وضع الصبر في قلبها، دخلت و قالت إنا لله وإنا إليه راجعون و لقيتها قالتلي عارف يا دكتور أنا مطمنة على إبني لإنه آخر حاجة عملتهاله في حياته إني حفظته كتاب ربنا لسا خاتمه والله، إبني نتيجته لسا طالعة و طلع التالت علي المعهد الأزهري و كان نفسه يطلع دكتور زيكم، ربنا ما يحرق قلب أمهاتكم عليكم..
قالت الكلمة دي و هي مفيش دمعة في عينيها لكن كسرتها و حسرتها الممزوجين بصبرها ال عمري ما شفته خلوني لأول مرة أعيط قصاد مرافق مريض، من شدة صبرها بقت هي ال تهديني و تقولي إحنا آسفين تعبناكم معانا بس ممكن تسيبوني مع إبني شوية..
و فضلت قاعدة جنبه، ماسكة إيده ال لونها اتغير بعد الو.فاة و عمالة تتكلم معاه تقوله إنه سبقها للجنة و إنها مشتاقة لليوم ال هيتجمعوا فيه كلهم تاني.. حاولنا نساعدها بكل الطرق لكنها بالرغم من كونها باين عليها إنها مش متعلمة و جايه من منطقة صعبة إلا إنها كانت عفيفة بشكل محدش يتخيله..
خلصت الشيفت الصبح و طلعت من المستشفى عشان أروح لقيت الدنيا برا كالعادة مستمرة، الناس رايحة أشغالها الصبح أو بيفطروا في الشارع لإن في يوم جديد بدأ، وانا راكب المترو مروح لقيت راجل كبير بيقولي هو أنت دكتور قلتله أيوة ف قالي أصلي حاسك مرهق و شكلك تعبان أوي تحب تيجي تقعد مكاني، قلتله لأ طبعا العفو أنا كويس الحمد لله دة مجرد إرهاق بس من الشغل منمتش من إمبارح و رسمت إبتسامة على وشي، إبتسامة تبين لل قصادي إنه مجرد مجهود شغل عادي، لكن محدش أبدًا هيعرف أو هيحس إيه ال بيحصل ورا حيطان المستشفى غيرنا، إبتسامة بتخبي وراها قصص حياة بتنتهي و قصص حياة بتبتدي و عالم تاني خالص جوا، عالم محدش هيعيشه غيرنا.
Dr Ahmed M Zaki

سكتة_قلبية شاب ٣٧ سنه جه الطوارئ من شوية وقلبه واقف وعملنا إنعاش قلبي رئوي لمدة ساعة لكن لم يستجيب القلب وتوفي .
لما تسأل أهله ايه ال حصل ، يقولو بقاله يومين بيشتكي من حرقان في نص صدره ووجع في بطنه وراح الصيدلية اخد حقنتين ،
طبعاً الحرقان ده كان جلطة حادة بالقلب أدت إلي سكته قلبية نتيجة رجفان بطيني .
نصيحة لوجه الله لأي صيدلي : قبل ما تصرف العلاج اسأل المريض عن الشكوي ، لو جابلك سيرة أي وجع في الصدر أو حرقان في الصدر متديلوش علاج وقوله يروح اقرب مستشفي يعمل رسم قلب .

أي حد بيشتكي من وجع صدر أو حرقان في منطقة الصدر اوعي تقول دي حموضة أو ارتجاع مرئ إلا لما تروح تكشف قلب ويطمنك دكتور القلب .

ربنا يرحمه ويحسن إليه.

Dr. Osama Ghanem

كورس التحاليل الطبية
"التحاليل هي عين الطبيب وسلاحه في التشخيص والعلاج والمتابعة!"
⚠️ اتعرضت قبل كده لسؤال عن تحليل دم أو نتيجة تحليل ومكنتش متأكد ترد تقول إيه؟
‍‍‍‍‍‍⚡اتحطّيت في موقف محرج قدام أهلك أو أصحابك باعتبارك "دكتور العيلة"؟
❌ مافيش طبيب حقيقي يحب يحس إنه واقف عاجز قدام تحليل بسيط!

الحل؟ الكورس ده هيغيّر كل ده!

كورس التحاليل الطبية
✅ سواء كنت طالب في كلية طبية أو خريج، الكورس ده هيساعدك تبدأ صح
✅ هتطوّر واحدة من أهم المهارات لأي طبيب أو ممارس صحي

هتتعلّم فيه:
🔬 تحليل وفهم نتائج التحاليل بشكل عملي
🧠 إزاي توصل لتشخيص مبدئي دقيق بناءً على التحاليل
💊 إزاي تبني خطة علاج مبدئية تربط بين التحليل والحالة
🎯 محتوى مناسب للمبتدئين والمتقدمين
📂 أمثلة حقيقية وحالات تطبيقية من الواقع

المعرفة مش رفاهية… دي أمانة مهنية!
ابدأ دلوقتي وخلّي ثقة الناس فيك في محلها
⏳ سجّل الآن وخد أول خطوة في طريق التميز!

🎉 والمفاجأة : بمناسبة نزول الكورس خصم 🔥 50%🔥 لمدة 7 أيام فقط
للإستفسار وتفاصيل الإشتراك

https://t.me/A_m_Ebrahim

💢Paracetamol:

Analgesic, antipyretic but not anti-inflammatory

💢Colchicine:
Anti-inflammatory but not analgesic

💢NSAIDs:

Analgesic, antipyretic and anti-inflammatory

Dr Aya Yasser

سيدة في أواخر الثلاثينات
جات العيادة تشتكي من أعراض أنيميا:
دوخة، خفقان، إرهاق مستمر…
وقالت إنها نقلت دم مرة واحدة قبل كده،
ومن ساعتها وهي كل ما تحس بأعراض الأنيميا بتاخد حديد.

لكن رغم كده، الأعراض ما بتتحسنش،

بدأنا نفكر بشكل أوسع…
طلبنا CBC:

Hb = 7.5 g/dL

MCV = 53 fL

RBCs = 4.5 مليون

وده معناه إن نوع الأنيميا اللي عندها

Microcytic Hypochromic Anemia for Differential Diagnosis.

بدأت آخد هستوري مفصّل:

مفيش menorrhagia

مفيش melena

مفيش hematemesis

مفيش hematuria

مش بتاخد NSAIDs

مفيش أعراض GIT

والأكل كويس…

طلبت Iron profile
ولقينا:

Ferritin عالي

Transferrin saturation عالي

يعني مش Iron deficiency…

قلت طب يمكن Anemia of chronic disease؟
بس المريضة ما عندهاش أي أمراض مزمنة.

أول ما شوفت الـ CBC في الاول خالص ، كان لفت انتباهي إن
الـ MCV كان Very Low
وده خلاني أشك من الأول في Thalassemia،
الله يكرمه استاذي د Alsayed Alspagh ويبارك في علمه
كان دايما يقولي اول ماتلاقي الmcv very low والانيميا مش متفسره لازم exclude B thalassemia trait...

بس قررت أمشي بالتسلسل الطبيعي بتاعنا في الأول.

ساعتها قلت:
"خليني أحسب Mentzer index، يمكن يفتحلي طريق."

MCV ÷ RBCs
= 53 ÷ 4.5 ≈ 11.8
أقل من 13؟ يبقى غالبًا Thalassemia Trait

واللي أكد كلامي إن الـ RDW ماكانش عالي، بل كان طبيعي (Normal).

طلبت Hb electrophoresis،
وطلع HbA2 عالي
→ التشخيص: Beta Thalassemia Trait

الدرس؟
مش أي أنيميا تبقى أنيميا نقص حديد… لازم تمشي بالتسلسل الطبيعي، واحدة واحدة، لحد ما توصل للتشخيص.

د. محمد القصاص

🪱 انتبه: stool analysis مش دقيق و لا يعتمد عليه لو سلبي لتشخيص Pinworm الدودة الدبوسية!
📌 كتير من الحالات missed مننا لأن Enterobius vermicularis (الدودة الدبوسية)
❌ نادرًا ما تظهر في تحليل البراز التقليدي
✅ ملاحظات مهمة:1️⃣ الأنثى تضع البيض خارج فتحة الشرج
→ علشان كده ما بنلاقيش البيض غالبًا في البراز

2️⃣ أفضل اختبار = Tape test صباحًا قبل الغسيل
→ بنلصق شريط شفاف على الجلد حول فتحة الشرج ونفحصه ميكروسكوبيًايعتبر عالي الدقة لكن عمليا لا يستخدم كثيرا

3️⃣ أهم مفتاح للتشخيص = الحكة الليلية الشديدة (Severe nocturnal pruritus ani)
→ خصوصًا في الأطفال أو وجود حالات مشابهة بالعيلة

4️⃣ التشخيص يعتبر clinical بالدرجه الاولي و أهم من التحاليل

→ العلاج ممكن يبدأ حتى بدون تأكيد معملي لو الأعراض واضحة

Dr Ayman Morsy

50%خصم لأول 10 مشتركين
للإستفسار وتفاصيل الإشتراك
https://t.me/A_m_Ebrahim

ايه ال Red flag signs اللي تخلينا نقلق من perforation of appendix؟

💡Sudden relief of pain
لما بيحصل perforation ال pain بيختفي شوية، بعدها بيرجع تاني بس بدال مهو localized بيبقي severe and diffuse نتيجة ال peritonitis اللي حصلت.

💡High fever
درجة الحرارة بتعلي فوق ال 38.5.

💡Tachycardia
مش بتبقي متناسبة حتي مع حجم ال fever اللي عنده.

💡Rigid abdomen
نتيجية ال peritonitis.

💡Paralytic ileus
صوت الأمعاء بيختفي، وبيبدأ يحصل distention.

💡Marked elevation of TLC & lactate.

✔ البيشنت ده غالبا اتأخر في انه يتشخص صح او اتأخر في انه يدخل عمليات، وممكن يبقي السبب ان مناعته ضعيفة "مريض سكر، او كبير في السن".

✔ بيتوجه للجراحة فوراً، ولو دخل في shock بيتعمله resuscitation، وبياخد broad spectrum antibiotics.

منقول بارك الله فيمن سطر