للأطباء

-طبيب هو ونايب زميله فى الاستقبال دخلت عليهم حالة متشالة .
-ولد مش قادر يمشى وزمايله جايين شايلينه.
-الواد فايق وماعلهوش اى علامات مرض.
-قام بسرعة هو وزميله مع التمريض حطوا المريض على مونيتور .
-سحبوله التحاليل الاعتيادية صورة دم وسكر واملاح دم وغازات بالدم ووظائف كبد وكلى.
سالوا زمايله
-ايه اللى حصل .
-هو رجع من الشغل وهو بيشتغل شغل بدنى مرهق شيال فى محل.
-اكل معانا اكلة دسمة مليانة نشويات .
-بعد ساعة ونص لقوه بيصرخ ونايم على الارض .
-بيزحف مش قادر يقف على رجله.
-هو بيقول انه حس بالم فى عضلاته وتيبس فيها وبالتدريج حاسس انه مش قادر يتحرك ولا يمشى خطوة ووقع على الارض.
-طيب هو بيتعالج من شئ او ماشى على اى ادوية .
-هو بيتعالج من فرط افراز غدة درقية وماشى على نوعين اقراص وكانوا جايبينها معاهم neomercazole 5mg اقراص غدة واندرال indral اقراص لتنظيم ضربات القلب.
-هو بياخدها باانتظام .
-اه بس بقاله 3 او اربع ايام بياخد جرعة قليلة منها وعند اللزوم.
-جاه فى دماغى thyrotoxic crisis او انتكاسة غدة مفاجئة بس دى هتعمل درجة حرارة مرتفعة وضربات قلب سريعة والعيان هيبقى مضطرب بشدة وعصبى ..دا حتى مافيش جحوظ فى عينه زى المعتاد فى مرضى الغدة وحجم الغدة عادى.
-النبض 90 بس غير منتظم عنده AF مش عارف اعد الضربات كويس بس رسم القلب طلع كويس.
-سكره 80 هو طبيعى بس قليل على حالة فرط افراز غدة درقية مفروض العكس يبقى عالى.
-درجة حرارته عادية ووعيه كويس ومافيش اى جفاف.
-بفحص الاعصاب لقى عضلاته واعصابه سايبة وباجراء الاختبارات المعتادة لقى ال tendon reflex عادى او ضعيف حاجة بسيطة.
-دى حالة شلل حاد مؤثر على الطرفين فى نفس الوقت.
-ممكن يبقى guillane barre syndrome دى متلازمة بتحصل فى الاطفال غالبا وصعب تحصل فى الكبار بيحصلل خلل فى جهاز المناعة بيعمل اجسام مضادة بتكسر الغشاء المحيط بالعصب وفى العضلات وبتعمل شلل تصاعدى ممكن فى خلال 24 ساعة يؤثر على التنفس ويتحط على تنفس صناعى وعلاجه IV ig او اجسام مناعية مضادة او فصل بلازما.
-هو مستبعد عشان سن المريض بس سالهم اخر اسبوعين كان عنده دور برد او اى مرض كان الاجابة لا.
-التهاب حاد فى الحبل الشوكى بسبب فيروس او خلل مناعى.
-جايز دا فعلا بيسبب شلل فى الجزء السفلى وممكن يعمل شلل رباعى بس على شرط يكون موثر فوق الفقرة العنقية الخامسة C5.
-نشوف اختبار الاحساس لانه بيفقد فى الحالات دى .
-لا بااختبار الشك العادى العيان حاسس بكل شئ وكمان العيان ماعندوش اى AUTONOMIC DISTURBANCE يعنى مابيسيسبش على نفسه بول ولا ضغطه طالع نازل ولا فى شئ فى الحرارة.
-هو اتخبط النهاردة فى الشغل او شال حاجة تقيلة.
-احتمال يكون اصابة بالعمود الفقري traumatic spinal cord compression.
-لا ابدا عادى.
-طيب مافيش حاجة عضته الا يكون rabies هو احيانا بيعمل كدا بس مش هيبقى هادى.
-لا برضه.
-التحاليل كلها ظهرت .
-سكره بالوريد كان 75 والبوتاسيوم اقل حاجة في الطبيعي .
-اخر حاجة سالها زميل الدكتور لو كان فى حالة مماثلة فى العيلة اب او ام.
-من حسن الحظ ابن عمه كان فى الموجودين ونفى اى شئ.
-دا كان اخر احتمال يفكروا فيه familia periodic paralysis.
-دا خلل وراثى فى احد الاباء بيورثه لابنه وفيه بيبقى الجين المتحكم فى القنوات الناقلة للبوتاسيوم معيب .
-ودا بيجى معاه زيادة بوتاسيوم واحيانا نقص بوتاسيوم.
-حتى دا لا .
فجاة ابتسم دكتورنا العزيز مع ان حالة الشب
كانت بتسوء.
-عاوز 500 سم محلول ملح على ساعة عليه 10meq بوتاسيوم يعني امبول لان الامبول 5 سم فيه 10meq.
-لو جاب نتيجة واللى فى دماغى حصل هاقولكم التفسير.
-بعد ساعة المحلول خلص.
-تحسن رهيب فى حالة الولد لدرجة انه قام يمشى وفاق خالص.
-الموضوع دا حصلك قبل كدا صح.
-اه من شهر بس اتحاملت على نفسى وبعد ساعتين بقيت كويس.
-المرة دى كان اعنف وكنت حاسس انى مش هاقف على رجلى تانى.
-اللى حصل كالاتى TPP.
-سمعت عنه قبل كدا.
-Thyrotoxic Periodic Paralysis.
شلل رخوى متكرر بسبب اختلالات الغدة.
-اللى بيحصل انه مع فرط افراز هرمونات الغدة بتعمل تنشيط للقنوات المسئولة عن التعامل مع البوتاسيوم Na/K ATAPASE channel ودى بتدخل البوتاسيوم جوا الخلايا فيقل بسرعة فى الدم وايضا بيؤثر علي inward and delayed rectifying potassuim channels بنفس التاثير.
-التاثير دا بيحصل بطريقتين طريقة مباشرة علطول وطريقة من خلال استثارات مستقبلات بيتا B receptors over stimulation اللى بتنشط القنوات دى كمان وبتقلل البوتاسيوم.
-اللى اظهر الموضوع اكتر انه اكل اكلة فيها نشويات كتييير ودا زود افراز الانسولين عنده للتعامل معاها hyperinsulinaemia ودا نيل الدنيا اكتر لانه معروف برضه انه الانسولين بيدخل البوتاسيوم جوا الخلايا.

-ودا ظهر من انخفاض سكر المريض.
..بس المثير ان مستوي البوتاسيوم الاجمالي بالجسم مش بينخفض لان اللي حصل بس مجرد تحرك بين الخلايا والدم عشان كدا لما تيجي تصلح ماتصلحش بكمية كبيرة من البوتاسيوم عشان ماتتفاجأش ان البوتاسيوم ارتفع بسرعة بعدها rebound hyperkalrmia.
..الافضل تصلح بالفم البوتاسيوم علي 0.5 ل1meq لكل كيلو ولو مافيش استجابة بندي 0.3 meq لكل كيلو حاجة زي اقراص بوتاسيوم geo pota القرص فيه 8meq او شراب بوتاسيوم اللي كل 5سم فيه 4 او2 meq.
..لو لازم وريدي بالمحلول لو حالة المريض غير مستقرة ماترفعش عن 10meq عن المحلول.
..في الحالات المزمنة المتكررة بيستخدموا carbonic anhydrase inhibitors زي acetazolamid او cidamex اللي بيرفع البوتاسيوم.
-نرجعه على neomercazole من 20 الى 40 مجم باليوم.
-ندى indral على جرعة 2 مجم لكل كيلو لان دا بيقفل تاثير خلايا بيتا قرص 40 مجم من 3 الى 4 مرات يوميا.
-بعد كدا سحبوله وظائف غدة درقية لقوها فعلا مش مظبوطة ال TSH فى الارض قليل مش متقاس والهرمونات الاخرى T3 وT4 عاليين .

د. ابراهيم مكاوى

مشروبات الطاقة من أكثر المنتجات اللي لازم ننتبه منها وخصوصاً إنها صارت تنتشر بين الصغار والكبار بشكل كبير.

أهم أضرارها:

❌️الكافيين العالي:
↩️العلبة الواحدة ممكن تحتوي على كافيين أكثر من 3 أكواب قهوة وهذا يسبب تسارع نبضات القلب🫀 ارتفاع ضغط الدم الأرق والقلق.

❌️السكر:
↩️ نسبة سكر عالية جداً تسبب السمنة مقاومة الأنسولين وتسوس الأسنان.

❌️مواد منبهة أخرى:
↩️مثل التورين والجينسينج اللي تتفاعل مع الكافيين وتزيد الضغط على القلب والأعصاب.

⚠️خطر على الأطفال والمراهقين:
الجهاز العصبي والقلب لسا في طور النمو، فتأثيرها يكون أخطر.

تفاعلات دوائية♻️:
تتعارض مع أدوية الضغط، القلب، وبعض المضادات الحيوية.

نصائح عملية🙏:

استبدلها بالماء، أو عصائر طبيعية، أو شاي/قهوة باعتدال.

لو محتاج طاقة حقيقية:
نوم كافي، أكل متوازن، ورياضة.

🚸 اقرأ المكونات قبل الشراء، وخصوصاً نسبة الكافيين والسكر.



د. محمود هاشم

يقولُ لا بَأس، وكلُّ البأسِ في قلبِه.

أما تكون سينيور و تلاقي الشباب الجناير اللي معاك في النباطشية مفحوتين شغل طول النهار أو مخلصين شغل بالليل متأخر و أنت رايح الصبح فريش و يكون فيه شغل محتاج يتعمل ... عاوزك تفتكر حاجتين ...
الأولي ... أما كنت في سنهم و كان بيبقي نفسك حد يسيبك ترتاح و لو نص ساعة ...
التانية ... سيدنا عمر بن عبد العزيز أما قام و أصلح السراج - المصباح - اللي إنطفأ فقال له رفقاؤه "يا أمير المؤمنين ألا نكفيك ؟؟؟" فرد و قال لهم "و ما ضرني ؟؟؟ قمت و أنا عمر ... و رجعت و أنا عمر" ...

د. أحمد كريم

لمرضى حمى البحر المتوسط

١.اخذ الكولشسين اجباري مدي الحياه لحماية المريض من الفشل الكلوي
2. نبدا جرعة الكولشسين ب٢ قرص يوميا واقصي جرعه للاطفال اقل من ١٢ سنه ٤ اقراص يوميا واقصي جرعه للكبار ٦ اقراص يوميا
٣.مشكلة الكولشسين انه بيعمل اسهال ا(حيانا ) او نقص كرات الدم البيضاء وفي هذه الحاله نقلل الجرعه
لان بدائل الكولشسين ادويه غاليه جدا مثل حقنه actemra ثمنها ستة الاف جنيها كل شهر
٤.يستمر الكولشسين اثناء الحمل والرضاعه(لان ايقافه هيعمل ضرر اكبر)
٥.نحكم علي استجابة المريض للعلاج عن طريق عمل التحاليل الاتيه كل ٦ شهور
Urine, albumin /creatine in urine, ESR, CRP, SEREUM AMYLOID A , CBC
٦.ظهور بروتين في البول في مرضي حمي البحر المتوسط معناه ان الكلي في خطر ولابد من زيادة جرعة الكولشسين لمنع تدهور الكلي
٧.كلما زاد البروتين في البول كان المريض اقرب الي الفشل الكلوي والغسيل
٨.بالنسبه لحامل الجين heterozygous ممكن في حالات نادره يوقف العلاج بالكولشسين لو قعد خمس سنوات بدون اعراض

د. أحمد عبدالحافظ

بسال نفسي سؤال يوميا ايه الفائدة من انك توصف لمريض سكر amaryl لسه
وربنا أكرمنا بظهور عائلات خرافية
ليه تحرم مريض السكر من ال Metformin ولا من SGLT2
تخيل يبقى ربنا كرمك ومعاك الاتنين احيانا combination
يجدع ده فوائدهم يوميا في تزايد
انت متخيل أن ال SGLT2 من الأعمدة الأربعة في علاج مرضى ضعف عضلة القلب
....
انت متخيل مازال يوصفون ال concor في علاج الضغط كخط اول وبيحرموا المرضى من عظمة ال ACEI
اللي فوائده
Reno protective and cardioprorective
يجدع لك أن تتخيل عيان DM و HTN
ال A/C ratio 100 بص ماشي على ايه
Obes patient on
Amaryl
Concor
بالله عليك تحزن ولا لا
ليه العيان ده محروم من
ال Metformin أولا
ليه العيان ده محروم من ACEI اللي اول خط دفاع في ال
Diabetic patient è microalbuminuria
اللي بيحمي العيان من الدخول في فشل كلوي على المدى البعيد
......
في النهاية لا اخفي عليكم سرا مش دكاترة القرى الكبار بس اللي بيكتبوا amaryl لاي عيان سكر
او concor لاي عيان ضغط ، بعض أساتذة الجامعة بيعملوا كده 😥
#NB
خطة العلاج العيان ده بعمل عمل ال routine labs
Metformin plus SGLT2 for DM
ACEI for HTN and microalbuminuria
Atorvastatin for high cholesterol level

د. حنفى جمعه

رسالة الى شباب الاطباء ..

لما يكون عندك عيان ضغطه عالي في الرعاية وتمشيه على ترايديل ..

متسيبهوش على الترايديل لحد ما يخرج وبعد كدا تحوله اقراص عن طريق الفم ..

ده لسببين .. اولا الترايديل العيان بيحصله tolerance منه .. وبعد وقت معين حوالي ٤٨ ساعة الضغط مش بيستجيبه له ويبقى كأنك بتديه مياة بسكر ..

ثانيا .. انت لازم تشوف استجابة المريض لادوية الفم وهو عندك في الرعاية .. مش تخرجه وبعد كدا تكتشف انه مش مستجيب وضغطه علي تاني ..

ممكن تدخل الاورال والعيان لسه ع ترايديل وتسحبه واحدة واحدة ..

مش كل حالات الضغط المرتفع محتاجة ترايديل .. طول مانت معندكش end organ damage ..

د. محمد إمام

🇺🇲:the patient has died
🇸🇦:لقد توفى المريض
🇪🇬:على مشرف الأمن التوجه للرعايه

Malpractice In Hypertensive Urgency :
أما يجيلك عيان ضغطه أقل من 110 /180 او حتى أعلى بس مفيش TOD متعملش الآتي :
*ممنوع تعطي أي حاجه IV عشان تنزل الضغط بسرعه ! انت مش محتاج تعمل ده احنا محتاجين ننزل gradually over 24 h تخيل ! ده انت ممكن تمشي العيان اصلا وتقوله تعالى العياده الصبح او تظبطله جرعاته بس بس!
*Never give Lasix !! Lasix is duiretic مش دوا ضغط فبالتالي هينزل الضغط عن طريق زيادة كمية البول فينزل الضغط سريعا
لمدة ٦ ساعات ويرجع تاني !  يستخدم بس لو العيان معاه Pulmonary Edema
*Never Give Sublingual Capoten !! و دي شائعه موت وخطأ برضو
*Don't put Nitrodermal patch !! 
الباتش دي لل Ischemia مش للضغط و مش موجوده في الtext books بتاع دكاترة الكارديو انها للضغط !
حتى لو الرقم عالي المهم مفيش اي TOD وممكن تعمل ECG لو خايف من الSilent MI.... لكن طالما العيان كويس قدامك خلاص لو مصمم تدي حاجه والعيان مش مقتنع يبقى ممكن تدي Oral Capoten 25 وفيه ناس ممكن تحجزه Ward to Follow Up

احنا مش عاوزين ننزل الضغط بسرعه ده ممكن يعمل hypoperfusion وممكن يدخل العيان في جلطات !
دي بالفعل أخطاء انا شوفتها بعيني بحكم انها ممارسات مقدسه و ان جيت تناقش حد فيها غالبا مبيقتنعش بكلامك !
ربنا يعلّمنا ويرزقنا الحكمه في القول والعمل ..

Dr Shimaa Shaban

رايح احجز اشعه للعيان ويادوب حافظ اسمه بالعافيه.
دكتور الاشعه:

صعبان عليه قوي جيل الاطباء في سن الثلاثينات والاربعينات
اكيد مش الكل
بس المعظم
الواحد يحصل معاه و قدامه كذا موقف يفاجأ فيه انكم غلابة قوي
فاكرين ان احترام الناس لكم اوبشنال
وانه امتنان من اللي قصادكم
وراضيين بده

ربنا سبحانه تعالى كرمك كإنسان
ثم من عليكم بنعمة العلم وهي من اسباب رفع الدرجات
ليه ترضوا بقليله
عارفه ان الامتحانات والسينورتي ونظام الطب علمت البعض الانكسار
وخلتكم دايما حاسين انكم فايتكم ومقصرين
فحتى لما حد يتجاوز معاكم بتلوموا نفسكم الاول
بدل ما تلوموا اللي ما اتربوش

ثبت عمليا ان اللي سمح انه يتهان بيفضل في الزون ده
لحد امتى؟
لحد ما يموت
او ينفجر وساعتها بيطلع اسوأ ما فيه
وترجعوا تلوموا نفسكم برده
القوة مطلب شرعي
قوة بدنية وعلمية واي قوة زي قوة الحجة والبصيرة والحكمة والكلام
لانها عز للدين
وحتى العفو هو عفو المقدرة مش عفو الضعف
الاصل ان ما حدش يتجاوز او يتجرأ معاكم
طويل اللسان يتكنسل من تعاملاتكم خالص
وتكون الردود واضحة وصريحة

انت متجاوز في الكلام وده مش مناسب معايا ده
بس
مش محتاجه فنون رد
ما حدش هيجيب لكم حقكم
كله بيدور على مصلحته
فما تستنوش اللي يجيب لكم حقكم
يقول الرسول صلى الله عليه وسلم
المؤمن القوي خير واحب إلى الله من المؤمن الضعيف وفي كلا خير
صدق الحبيب المصطفى صلى الله عليه وسلم

د. نهى عزت

شُوفت فيديو عن راجِل بيتريق على الاسئلة اللي بتسألهالُه مراته زي "انت بتاكل؟" "انت نازل؟" وعامل فيديو كوميدي وبيرُد على الاسئلة دي اللي هو "إيه الاسئلة دي؟!" ، نفس فكرة البوست دا لسه شايفه من قريب

فسُبحان اللّٰه افتكرت آية في غاية الجمال والإبداع والحكمة ربنا بيقول في كتابه:

«وَمَا تِلْكَ بِيَمِينِكَ يَا مُوسَىٰ»
هل ربنا (خالق السماوات والأرض) لم يعلم اللي في إيد مُوسىٰ؟
فيه خواطر سمعتها في الآية دي إن ربنا قاله كدا على سبيل الإيناس له.!

- شوفوا بقى رد سيدنَا مُوسى!
«قَالَ هِيَ عَصَايَ أَتَوَكَّأُ عَلَيْهَا وَأَهُشُّ بِهَا عَلَىٰ غَنَمِي وَلِيَ فِيهَا مَآرِبُ أُخْرَىٰ»
يعني مكتفاش بإنه يقوله "هى عصاي" دَا فضل يُوصف

المشكلة عندنا في الوقت دا إنُه مبقاش عندنا "ثقافة الإيناس" ولا إننَا نتونِس باللي بنحبهُم ونسمعهُم في حاجة حتىٰ ولو للمرة الألف علىٰ سبيل إني أتكلم معاه !

فَ بلاش لما والدتك مثلًا تسألك أو زوجتك أو أَخُوك ترُد بسخافة لما مُمكن تاخُد وتدي معاهُم يمكن بيتونسُوا بيك! حقيقي أوّل مرّة أقف مع الآية واتعلم منهَا لحياتي بالشكل دا !

هاجر يسري

Approach to persistent vomiting
الأول هنشوف الحالة acute ولا chronic
*لو acute:
1_لازم نستبعد الأسباب الsurgical الأول بال examination زي ال appendicitis, cholecystitis, pancreatitis, IO, intussussecption, volvulos

2_لابد أستبعد ال CNS causes زي ال head trauma بالهيستوري وزي الmeningitis وال encephalitis بالفحص
والmigraine وال cluster headache خاصة إنه بيكون معاه autonomic symptoms

3_ ممكن يكون side effectمن دوا بياخده فناخد منه history كويس

4_ممكن يكون food poisoning خاصة لو معاه diarrhea.

5_أشوف السكر ممكن يكون DKA حتى لو مش مريض سكر متشخص ممكن يكون مريض سنه صغير عنده type 1 DM

*لو chronic:
عندنا local GIT causes وعندنا CNS causes وعندنا endocrinal causes و psychological causes

1_الGIT causes: لابد آخد هيستوري وأشوف الcharacter بتاع الvomitus لو non-bilious غالبا السبب gastric ولو bilious غالبا السبب في الduodenum ولو fecal material هيكون IO. وفي كل الأحوال لابد نعمل upper endoscopy.

_ في سبب نادر شوية وهو ال superior mesentric artery syndrome ودا بيكون في ال thin persons بيكون الدهون عندهم قليلة وال angle مابين الSMA والaorta قليلة فالSMA بيضغط عال 3rd part of duodenum.

2_كانت الأمور تمام بنعمل brain CT عشان نستبعد ال brain tumors وأي سبب يزود الICP.

3_لو الحالة married female بنعمل اختبار حمل ونشوف الB-HCG ونعمل برده pelviabdominal CT عشان الovarian tumors.

4_لو الحالة female برده😅
نعملها psychological evaluation عشان نستبعد ال anorexia nervousa و الbulimia و munchausen syndrome.

Dr abdellah mosad

لا ي دكتورة مش هعمل تحاليل الكلي
أنا الكلي بتاعتي بحس بيها و بقولك هي كويسة

من "عيادة السكر -القصر العيني"
٢١/ ١٠ /٢٠٢٦


د. مارينا آدم

صباح الخير ياصديقي ..
متأجلش اي حاجه لبكره .. متأجلش حب، متأجلش اعتذار، متأجلش اهتمام، متأجلش انبساط، متأجلش شغل ، متأجلش نجاح ، متأجلش توبه، متأجلش كلمه حلوه، متأجلش سؤال، متأجلش إهتمام، متأجلش عتاب، متأجلش تسد دينك..

متأجلش اي حاجه لأنها في مرة هتصادف وتبقى دي المرة الأخيرة .. أو يمكن دي المرة اللي تفرق في كل حياتك للاحسن ..!!

متأجلش .. وعيشها لأخر لحظة بأمل وبحب..❤️

مصطفى عادل