بلاش نأكل سمك وبيض لو عندنا برد لأنهم بيزودوا البرد ويظهروه
( أي كلاااااااااام )الصح ان السمك والبيض ملهومش تأثير في البرد وعادي ناكلهم مفيدين جدا أثناء البرد لأن البيض والسمك فيهم بروتين والبروتين عبارة عن امينو اسيد مفيد جدا لمقاومة ومناعةالجسم لفيروس الانفلونزا. .. إلا لو عندنا حساسية منهم

د. مروة حسين

دكتور… أنا باخد الحديد بقالي 3 شهور، والهيموجلوبين مش بيتحسن… بس أول ما أخدت حديد في الوريد اتحسنت!
إيه تفسيرك ؟؟.

أول حاجة الـ Poor Compliance
يعني المريض مش بيبلع الدواء أصلاً!! الـ Oral Iron غالباً بيعمل Metallic taste و Constipation و Epigastric pain.. فالمريض بيكبّر دماغه ومش بياخده..فطبيعي مش هيتحسن.. لكن في حالتنا دي المريض بيقولك أنا أخدته فعلاً يبقى ندور على السبب التاني.

تاني حاجة الـ Incorrect Diagnosis
ممكن المريض ده أصلاً ميكونش عنده Iron deficiency anemia ممكن يكون عنده Thalassemia مثلاً فإنت عمال تديله حديد وهو جسمه مش محتاجه أصلاً والـ Hemoglobin مش هيزيد. بس المريض بتاعنا اتحسن على الـ IV يبقى فعلاً كان عنده نقص حديد.

تالت حاجة بقى وده بيت القصيد الـ Malabsorption (فشل في الامتصاص)
الحديد عشان يحصله Absorption لازم يعدي على الـ Stomach ويوصل للـ Duodenum والـ Upper jejunum ..ودول الأماكن الرئيسية اللي الحديد بيدخل منها للجسم. لو الأماكن دي فيها مشكلة.. الحديد اللي المريض بيبعلوا ده هينزل في الـ Stool ولا كأننا عملنا حاجة!

طب ليه بقى الـ Oral Iron بيفشل والـ IV Iron بينجح في حالات الـ Malabsorption؟
ببساطة لأن الـ IV Iron بيعمل "Bypass" للـ GIT كله.. وبيرمي الحديد في الـ Blood مباشرة فبيوصل للـ Bone marrow ويبدأ يصنع RBCs والـ Hemoglobin يرفع.

طب إيه اللي يخلي الـ Iron ميمتصش ؟؟
1. الـ Celiac Disease (ودي أهم واحدة)
ودي عبارة عن Gluten-sensitive enteropathy يعني لما المريض بياكل حاجة فيها Gluten (زي القمح).. بيحصل Immune response بيعمل Destruction للـ Villi (الخملات) اللي في الـ Small intestine، فبيحصل Villous atrophy.. والـ Villi دي هي اللي بتمتص الحديد اصلا فلما تتدمر الـ Absorption بتاع الحديد بيبقى صفر..(خلي بالك إن الـ Celiac ممكن يجي بـ Isolated iron deficiency anemia من غير Diarrhea ولا Malabsorption symptoms تانية واضحة.)

2. الـ Achlorhydria و الـ Hypochlorhydria
الحديد عشان يحصله Absorption لازم الوسط يكون Acidic عشان يحول الـ Ferric (Fe3+) لـ Ferrous (Fe2+). فلو المريض بياخد PPI (زي الـ Omeprazole) لفترات طويلة أو عامل Gastrectomy (شايل المعدة) الـ Acidity بتقل فالـ Absorption بيبوظ.

3. الـ H. pylori Infection
الجرثومة دي حرامية حديد بتنافس الجسم عليه وبتقلل الـ Stomach acidity كمان + Gastritis

4. لـ Inflammatory Bowel Disease (IBD)
زي الـ Crohn's disease لو مأثر على الـ Duodenum والـ Jejunum بيعمل Inflammation بيمنع الـ Absorption.

Dr yahia mohamed

٩٠% من أسباب انخفاض الطاقة والشعور بالإرهاق المزمن والخمول تعود الى القلق والاكتئاب والباقي تتوزع بين:
📌 قلة النوم وتحديدا جوده النوم
📌فقر الدم(الانيميا)
📌خمول الغدة الدرقية
📌بعض الأدوية والتدخين والسهر.

د. محمود هاشم

امبارح جالنا العناية حالة amniotic fluid embolism ودي اول مرة في حياتي اشوفها ودايما بنسمع عن ال complication دا في الكتب ولما بحثت عنها لقيت انها حالة نادرة جدا بتحصل لواحدة كل ٨٠ الف حالة وكمان الارقام دي مش دقيقة لان غالبًا الام بتموت قبل ماتتشخص صح وكمان لقيت انها unpredictable, unpreventable يعني ملهاش تفسير معين وملهاش احتياطات معينة تتعمل علشان تمنعها وللاسف ملهاش علاج معين وغالبا نسبة الوفاة ٨٠٪؜ وبالفعل الحالة اللي كانت جاية مقعدتش حاجة وملحقناش نعملها حاجة وتوفاها الله ويمكن دي كانت من اكتر الحالات اللي اتاثرت بيها … تخيل بنوتة حاجة وعشرين سنة عندها اطفال وداخلة تولد البيبي وبعد ماتولد وخلاص الدنيا كويسة فجأة وبدون أي مقدمات تلاقي نسبة الاكسچين بتنزل تدريجيًا لدرجة مميتة والقلب يتوقف وتشتغل انعاش قلبي رئوي وتعمل كل اللي ربنا يقدرك عليه بس خلاص هي قدرها كده وعمرها انتهى عند هذه اللحظة
احنا في العناية المركزة والطوارئ يمكن اتعودنا على الموت وحالات الوفيات الكتيرة والحالات اللي نسبة الامل فيها انها تقوم تاني بتبقا تحت الصفر بس برده هنظل نقف قدام حالات معينة وقلبنا يحزن حتى لو دا مظهرش على تعبيرات وشنا الجامدة
ربنا يرحم البنوتة اللي توفيت ويرحم امواتنا واموات المسلمين جميعًا يارب
ويصبرنا ويقوينا على شغلنا ويجعلنا سبب في انقاذ حياة الناس ويجعله في ميزان حسناتنا

د. أحمد فتحى

As a reminder:

التردد مقبرة الفُرص .

(للأطباء فقط )

حاجات تاثر علي تحليل زلال البول
مهم انبه علي العيان بيها

١) العينه تكون اول او تاني عينه ف اليوم بالكتير
٢)مينفعش يعملها ف وجود التهابات ف مجري البول
٣) لو سيدة مينفعش تعملها وقت الدورة الشهرية
٤) اليوم اللي يسبق التحليل مينفعش يبقي فيه مجهود عنيف او مشي زيادة
٥) اليوم اللي يسبق العينة مينفعش يبقي فيه اكل بروتينات زيادة عن الطبيعي

د. مارينا آدم

❌ Rejected.
❌ Rejected.
❌ Rejected.
❌ Rejected.
❌ Rejected.
✅ Accepted.
This is just life.
You will win if you don’t quit.
Don't ever give up, Keep going And TRUST YOURSELF!♥️
{وَأَنْ لَيْسَ لِلْإِنْسَانِ إِلَّا مَا سَعَى* وَأَنَّ سَعْيَهُ سَوْفَ يُرَى* ثُمَّ يُجْزَاهُ الْجَزَاءَ الْأَوْفَى}

هل تعلم أن أهم أسباب الفشل الكلوى فى مصر هو المسكنات ؟
صداع بسيط ألم أسنان برد >>> مسكنات>>> فشل كلوى لا قدر الله (سيناريو متكرر كل أطباء الكلى شافوه)

توقف عن المسكنات وحاول تنصح غيرك بالتوقف عنها

د. أحمد خيرى

- امتى أبدأ ب Two drugs مع بعض لمريض
Recently diagnosed type 2 DM
= على حسب ال HbA1c ، لو كان ال HbA1c أكتر من أو يساوي % 1.5 فوق ال Target اللي انت عاوزه للمريض ، ف الحالة دي هتبدأ بدوايين مع بعض
Consider initiating dual therapy in patients with newly diagnosed type 2 DM who have HbA1c > or = 1.5 % above their glycemic target
وطبعاً ما تنساش إن ال
HbA1c must be individualized
كل مريض وانت بتعالجه ، بيكون ليك Target معين عاوز توصله ، وده على حسب حالة المريض اللي قدامك
--------------------------------------------------------------------------
مثال :- مريض سكره التراكمي % 8 ، وانت هدفك معاه إنك توصل لتراكمي أقل من % 6.5 ، يبقى هنا ال HbA1c أكتر
من ال Target ب % 1.5، إذاً ف الحالة هتبدأ ب
Dual therapy
--------------------------------------------------------------------------
-- طيب هختار ازاي Two drugs من ال
Oral anti-diabetic drugs ?
= أولاً لازم Metformin ، مينفعش روشتة مريض T2DM
تخلو من Metformin إلا لو فيه Contraindications ع رأسهم لو معدل فلترة الكلى " eGFR " أقل من 30
Metformin is the king of oral anti-diabetics
-- تمام ، وبالنسبة للدوا التاني ؟
=عندك كذا مجموعة تختار منها ، عندك ال
- DPP4 inhibitors e.g Vildagliptin
- SGLT2 inhibitors e.g Empagliflozin
- GLP1 RA e.g Dualglutide
- Thiazolidinediones e.g Pioglitazone
- Sulphonyelureas e.g Glimipride
- Short acting Sulphonyelureas e.g Repaglinide
هتختار ع حسب حالة المريض اللي قدامك
هل المريض معاه CVD ولا لأ ؟ معاه Renal disease ولا لأ
وزن المريض ، ال Cost ، وما تنساش ال
Risk of hypoglycemia
--------------------------------------------------------------------------
مثال :- مريض 45 سنه شغال نجار متشخص سكر من النوع التاني ، سكره التراكمي 8.2% مش HTN ولا معاه HF ولا
Evidence of CVD
معدل فلترة الكلى ال eGFR طالع 94 ، وال
Albumin / creatinin ratio in urine = 18
يعني مفيش Diabetic nephropathy ، و وزنه كويس ....
والمريض جه صريح معاك وقالك معلهش يا دكتور مش عاوز دوا غالي ، يعني ياريت لو حاجة تكون وسط ، عشان مادياتي مش هتسمح....لغاية هنا عظيم جداً
يا ترى هنا أول حاجة أخليها ف بالي ايه وانا بختار الدوا ؟!
أول حاجة تخلي بالك منها هي فرص حدوث هبوط السكر
Risk of hypoglycemia
لإنه شغال نجار ، والآلآت اللي بيستخدمها حاده ، فلو اتعرض لنوبة هبوط سكر ، هيكون خطر عليه جداً .....
يعني وانا بختار ، لازم اختار دوا يكون ليه
Minimal risk of hypoglycemia
وتاني حاجة تكون تكلفته مش غاليه.......
وفيما سبق شرحنا كل مجموعة وحدها ، وذكرنا مميزات وعيوب كل مجموعة ، ولو رجعنا بالذاكرة شوية ، هنلاقي أنسب مجموعة للحالة دي ، هي مجموعة ال
DPP4 inhibitors e.g Vildagliptin
يعني هتوصفله للسكر Dual therapy عبارة عن
Metformin + DPP4 inhibitor
ع سبيل المثال تجارياً زي :-
Galvus met , Gliptus plus , Vildagluse plus
Sugarlo plus, Icandra plus , Futavilidix ...etc
وف كل مرة - إن شاء الله - نذكر مثال نستخدم فيه مجموعة معينة ، وكما قيل " بالمثال يتضح الحال "
------------------------------------------------------------------------
Dr Ibrahim Mekawy

في أول أيام شغلي في الوحدة الصحية، جاتلي أم شايلة ابنها الصغير، والولد حرفيًا مش قادر ياخد نفسه… بيجاهد علشان يدخل شوية هوا في صدره.
سألتها إيه اللي حصل؟
قالتلي: كان بيلعب في الشارع، وفجأة جالي بالحالة دي.
كشفت عليه بسرعة، ومن أول ما شوفته كان فيه احتمالين في دماغي: يا إما جسم غريب في مجرى التنفس، يا إما لدغة عقرب مسببة تدهور حاد في حالته.
والمشكلة إن الوحدة وقتها كانت إمكانياتها محدودة جدًا، وحتى مصل العقرب ماكانش متوفر فيها.
والولد حالته خطيرة ومحتاج تدخل عاجل في مكان مجهز.
فقلت للأم:
— خدي ابنك واطلعي على المستشفى فورًا، من غير أي تأخير.
عدّى حوالي نص ساعة أو ساعة…
وفجأة لقيت الأم راجعة شايلة نفس الولد!
بس المرة دي حالته كانت أسوأ بكتير، وللأسف كان توقف عن التنفس.
بدأت أعمله إنعاش قلبي رئوي، وطلبنا الإسعاف، واتنقل المستشفى…
لكن للأسف، رغم كل المحاولات، الولد توفاه ربنا.
ربنا يرحمه ويصبر أمه.
وعدّت الأيام…
وبعد حوالي سنة، دخلت عليّا أم تانية شايلة ابنها.
وأول ما بصيت عليه، قلبي اتقبض!
نفس المشهد تقريبًا… نفس صعوبة التنفس… ونفس الطفل اللي بيصارع علشان ياخد نفس.
وفي اللحظة دي افتكرت الولد الأول…
ولحسن الحظ كان الأب وصل ومعاه عربية.
شيلت الولد على إيدي، وقلت للأب:
— دوّر العربية… إحنا طالعين المستشفى حالًا.
ركبنا، والأب سايق وأنا جنبه شايل ابنه.
والراجل من كتر خوفه على الولد، كان سايق بطريقة تخوف!
كل مطب تقريبًا بناخده، وكل شوية أحس إننا داخلين على حادثة.
وأنا مش عارف أركز مع نفس الولد اللي بيطلع بالعافية، ولا مع الطريق اللي ممكن نروح فيه إحنا التلاتة!
والحمد لله ربنا ستر ووصلنا المستشفى.
أول ما دخلنا، الأب كان لسه هيروح ناحية الاستقبال…
أنا نزلت شايل الولد، وجريت بيه على السلم لحد عناية الأطفال.
وهناك قابلنا دكتور أطفال، ربنا يبارك له، كان في منتهى الفهم والاهتمام.
بص على الولد، واستوعب خطورة الحالة فورًا، وبدأ يتعامل معاه.
وهنا اتأكدنا إن الطفل عنده تسمم شديد نتيجة لدغة عقرب!
وفي اللحظة دي رجع قدامي مشهد الطفل الأول بكل تفاصيله…
نفس الأعراض تقريبًا، ونفس التدهور السريع.
المهم بدأ التعامل مع الحالة، وفضلنا حوالي ساعتين لحد ما ربنا كرمه، وبدأت حالته تستقر.
وأخيرًا… الولد بقى بيتنفس كويس.
اتحجز في العناية يومين تلاتة، والحمد لله اتحسن وخرج من المستشفى بالسلامة.
وأنا أول ما اطمنت عليه، سلمت على أبوه ومشيت..
لكن وأنا ماشي، افتكرت الطفل الأول…
والحقيقة إن فرحتي بنجاة الطفل التاني كان جواها حزن قديم على الطفل الأول.
ومع السنين، بدأت أفهم إن الطب مش مجرد معلومات بنذاكرها، ولا تشخيص بنوصل له، ولا علاج بنكتبه.
الطب كمان مواقف بتعلمنا، وذكريات بتفضل جوانا، ووجوه مرضى عمرنا ما بننساها.
وفيه حالات بنقدر ننقذها، وحالات بنعمل كل اللي نقدر عليه وبرضه بنفقدها.
ويمكن أصعب حاجة في مهنتنا إننا ساعات بنضطر نكمل شغلنا عادي، وإحنا من جوانا لسه واقفين عند حالة راحت مننا.
وفي النهاية، إحنا مجرد أسباب، والشفاء والنجاة بإيد ربنا وحده.
بس اللي متأكد منه إن فيه مريض ممكن يخرج من حياتك للأبد… لكنه يفضل حاضر في كل مريض بتحاول تنقذه بعد كده.
ربنا يرحم اللي فقدناهم، ويشفي كل مريض، ويعين كل طبيب على الأمانة اللي شايلها.

د. وليد على

من أكتر من ١٢ سنه جالى مريض يعمل سونار وطلع عنده ورم فى البطن متمدد فى كل حته بشكل عجيب وقالى انه من أسبوع عمل منظار قولون وأخذوا عينات للتحليل لسه مطلعتش.
قفلت الفحص والراجل كان تعبان جدا وباين عليه أنه فى آخر مرحله من المرض ومن الحياه عموما لورم متساب فى جسمه سنتين ل ٥ سنين على الأقل.
........

دخلت أمه وأخته يتطمنوا قالولى إيه الأخبار وشرحتلهم الحاله.
فقامت الأخت سألتني هل إصابته بالإ.يدز ليها علاقه باللى عنده؟

كان رد فعلى إننة بهدلتها وأنه ده مرض معدى وكان لازم تبلغينا قبل إجراء الفحص لزيادة الاحتياطات الوقائيه.
وبعدين سألتها المنظار اللى عمله من أسبوع كنتوا مبلغين قبلها أنه عنده إيد.ز ولا لأه؟ قالتلى لأه يا دكتور - مما يعنى إنهم ماشيين بيه على كل الأماكن الطبيه بينشروا المرض.
.......

بعد شويه دخلت عليه زوجته وسألتني هوه إيه الأخبار يا دكتور؟
قولتلها يا فندم أخته وأمه لسه عارفين منى كل التفاصيل لكن بأكد أنه غلط وعيب وحرام وغير مقبول أنكم تلفوا بالمريض على كل الأماكن الطبيه يعمل إجراءات بدون الإبلاغ أنه مريض إيد.ز لأنه ده هينشر المرض.

زوجته لطمت على وشها وصوتت وقالتلى يانهار أسود - إيد.ز !!!! مين قالك أن عنده إيد.ز.

......

دقيقه ودخلت الأم والأخت يلوموني إزاى أبلغ مراته اللى عايشه معاه من سنين السنين أنه عنده إي.دز.
قالولى إحنا مش معرفينها لأنها ممكن تتطلق منه - لأنه ممكن يصيبها بالمرض ويصيب عيالهم.
......

مخبيين عن المجتمع ومراته وعياله مش أنه *** ؛ لأ مخبيين إنه عنده مرض معدى إسمه الإيد.ز والراجل ماشى يلط كل الناس بما فيهم مراته وعياله.

......

للأسف كنت صغير جدا فى السن وقتها وفضلت أدور سنين على كيفية التعامل القانونى - بعدها بسنيين عرفت أن كان لازم أنا والمكان نعمل إبلاغ فى الطب الوقائى وهمه بيحولوا الحاله للنيابه اللى بتأمر بالتحفظ على المريض وباقى أفراد الجريمه والعقوبه بتصل للسجن ٣ سنوات وديه واحده من أكتر المواقف اللى ندمت أننى كنت معرفش كيفية التعامل فيها قانونيا

Dr Mohammed Hanora

👌 النهارده هنحكي عن ال vomiting كواحد من اشهر الاعراض اللي بتجيب المريض للطوارئ

١- مش اي عيان جايلك الطوارئ بترجيع تديله برمبران او زوفران او دانسيت ، اهم حاجه تحطها ف دماغك ليه العيان اصلا بيرجع و ايه الشكوي التانيه مع الترجيع و هل له علاقه ب GIT و لا له علاقه ب حاجه تانيه خالص ؟!

٢- عيان جاي بيرجع و عنده هيستوري انه مريض قلب و ماشي علي ادويه قلب و لقيت معاه diarrhea and abdominal pain فكر في digitalis toxicity ، ف اول حاجه تشوف علاجه لو لقيت في ديجوكسين توقفه و تعمل ECG urgent و digoxin level و تكلم نايب القلب دا عيان ميروحش البيت

‏٣- عيان جاي بيرجع و معاه chest pain يبقي فورا تعمل ECG و cardiac enz و تكلم نايب القلب

٤- عيان بيرجع و معاه صداع شديد و زغلله اول حاجه تفكر فيها هي ال brain ,, خصوصا لو الترجيع ده projectile vomiting وقتها بنطلب ct brain عشان بنشك ان ده Manifestations of increased intracranial tension as brain tumours or intracranial haemorhage

٥- عيان جاي ب vomiting و احدته هيستوري انه diabetic , تقيس سكر لقيته عالي يبقي تسحب غازات لقيتها acidotic و معاه aceton in urine اذن و انت مغمض دا عيان DKA بيتحجز عنايه مش هنروحه البيت

٦- لو عيان جاي بيرجع و لقيت معاه هرش او اثار هرش و زغطه مستمره او ألم بالبطن ، لازم تسأله اخبار البول بتاعك ايه ؟ لو قالك قليل اول تفكير ليك هيروح ناحيه Acute renal failure فتكلم نايب الكلي و تعمل وظايف كلي فورا و سونار بطن و حوض

٧- لو عيان جاي بترجيع مستمر و زغلله و صداع شديد و عملت مقطعيه مطلعش لا نزيف و لا ورم و لا اي حاجه ف الاشعه تشك طبعا في migraine attack فتكلم نايب العصبيه

‏٨- عيان جاي بترجيع و سخونيه شديده و صداع شديد و مش قادر يستحمل الاضاءه بتاع النور افحص رقبته شوف في neck stiffness و لا لأ لو موجود و انت مغمض تفكر ف meningitis

‏٩- لو عيان جالك بترجيع و سخونيه و الم شديد بالبطن من قدام و خصوصا ناحيه اليمين تفحصه كويس كلينيكال لان غالبا هيطلع acute appendicitis فتكلم الجراحه فورا

١٠- لو عيان جاي بترجيع و سخونيه و الم شديد في الجانب الايمن او الايسر من ورا مش من قدام متنساش تفكر ف acute pyelonephritis فتعمل سونار و تحليل بول و تتاكد اذا كانت stones or inflammation

١١- لو ست جايه بترجع اسألها هل انتي خامل و لا لا ؟ خصوصا لو في بدايه الحمل و بيحصل الصبحيه بدري يبقي morning sickness

١٢- لو حد جاي بيرجع و معاه عدم اتزان بيقولك يا دكتور انا حاسس كأني راكب مرجيحه او حد بيطوحني ففكر ع طول في inner ear problemes as menier’s disand labyrinthitis ف اكلم نايب الانف و الاذن

١٣- عيان جاي بيرجع و عنده اضطراب في درجه الوعي و معاه سخونيه او مفيش و معاه تشنجات افكر اما ف meningitis or brain tumor cause seizures

١٤- عيان جايلك بيرجع و دورت علي كل الاسباب مش لاقي يبقي من فضلك اسحبله صوديوم و بوتاسيوم و كالسيوم هتلاقي المشكله ف واحد فيهم

١٥- عيان جايلك بيرجع و مش لاقي اي سبب خالص من اللي فاتو حتي بعد ما عملت رقم ١٤ يبقي ع طول تقوله هات العلاجات اللي انت ماشي عليها هتلاقيه ادويه نفسيه بتعمل كده او pain killer as opioid or

١٦- عيان جاي بترجيع معندهوش اي اعراض و لا تاريخ مرضي و لا اي حاجه ف جسمه غير ترجيع فقط و الم بالبطن و مع الهيستوري قالك انه اكل من الشارع او اكل مش كويس يبقي دي GI بلدي بس مهم الفحص و التاريخ المرضي و الهيستوري

- د أحمد صفوت ( ICU )

الواحد كل شتاء بيرتب لرحلة الاقصر وأسوان من أيام ما كانت المعابد لسه على المحاره

مهما كان عدد الأيام اللي ناقص على امتحانك اشتغل .
مهما حصل ما تيأسش ومهما حسيت انك قصّرت لازم تبذل مجهود مضاعف عشان تعوّض.
ما لا يدرك كلُّه لا يترك جُلُّه.
تصور إن الامتحان جالك من الجزء اللي انتا مذاكره كويس ممكن تجيب درجة عالية ويبقى كرم ربنا شملك.
دعوة للأمل لآخر لحظة.
د حازم عبدالتواب

يعني ايه dka ؟ يعني عيان هيجيلك هتلاقي فيه hyperglycemia + ketosis + metabolic acidosis و دايما بتبقي موجوده في السكر من النوع الاول اللي ماشي علي انسولين
مهم جدا الهيستوري و تسأل المريض عن جرعاته للسكر , هتلاقيه ف الغالب فوت جرعه و نسي ياخدها , او اكل كتير عن اللازم او بياخد انسولين ف مكان غلط و بالتالي كأنه ما اخدش لان الامتصاس سئ  , الrisk factor بتاعته دايما في حالات الinfection , trauma , surgery
العيان هتلاقي شكله ف الاستقبال مميز , من فوق لتحت كده , يا دايخ و مش فايق يا متوه منك جدا drowsy or comatosed , نفسه سريع و فيه ريحه استيون في بوقه , ممكن يجيلك بيرجع او بمغص في بطنه شديد فمتتعاملش معاه بعلاج الاعراض من غير تشخيص
افحص العيان كويس ممكن تلاقي ضغطه boredrline او تلاقه dehydrated و حس الpulse بتاعه و مهم تبص ع جسمه شوف في اي خراج او جرح ملتهب مثلا و مهم جدا جدا ترندمه  ( تقيس سكر ) مره و اتنين و انت واقف و تتاكد ان الجهاز مظبوط مش بايظ
ضروري لو شكيت ان العيان ده dka تركب ع طول كانيولا يمين و شمال لان بعد شويه من ال sever dehydration ممكن متعرفش تركبله كانيولا خالص
تشخصه ازاي ؟!
١- قيس سكر عشوائي هتلاقيه فوق ٢٠٠
٢- تاخد عينه بول و تعمل تحليل اسيتون هتلاقيه ايجابي اكتر من +1 , ممكن تلاقي الاسيتون سلبي ف الاول و بعد كده هيتحول ايجابي فمتتخدعش, ولو مريض ESRD و مبيجبش بول اعمل تحليل اسيتون ف الدم
٣- تسحب غازات دم Abg هتبص علي حاجتين مهمين
PH < 7.3 and Hco3 <15 (metabolic acidosis )
كمان بص علي AG ( anion gap ) هتلاقيها عاليه.
مريض الdka ممكن يتعالج ف الدور لو حالته مستقره او لو عندك مكان فاضي ف الرعايه , انما لو فيه اي حاجه من الحاجات دي يبقي لازم يدخل عنايه فورا زي
ph<7 , hco3 <5 , DCL GCS <12 , Bp<90/50 with HR  above 100 b/min
فورا تكلم نايب الرعايه و متتصرفش من نفسك
لما تحسب معامل ركز علي اللي هيفيدك ,زي
abg , Na, K, Mg , Cbc , aceton in urine , urea , creat
مهم تعمله رسم قلب اول ما يدخل عليك عشان تستبعد اي لخبطه في البوتاسيوم ممكن تدخل العيان منك ف arrhythmia
لو لقيت البيكارب بتاع المريض واطي من فضلك متديهوش بيكارب لان ده ممكن يدخله ف brain edema ف الاول استني لما يتصلح ب المحاليل و الانسولين و هتلاقي البيكارب اتظبط

امتي اقول المريض اتحسن و بقي كويس ؟
HCO3 > 18 for ≥ 2 readings
PH>7.3 for ≥2 readings
Acetone nil
و الاقي وعي العيان و نفسه بقوا احسن من الاول

- د أحمد صفوت ( ICU )

انت بتشخص الذبحة الصدرية ب ٣ حاجات مهمين جدا : ألم الصدر .. رسم القلب .. انزيمات القلب .

لكن ...

عدم وجود ألم في الصدر .. لا ينفي وجود ذبحة صدرية ... زي مرضى السكر ..

عدم وجود تغيرات في رسم قلب .. لا ينفي وجود ذبحة صدرية .. زي حالات الذبحة المستقرة وبعض حالات الذبحة غير المستقرة ..

عدم وجود ارتفاع في انزيمات القلب .. لا ينفي وجود ذبحة صدرية .. زي حالات الذبحة المستقرة وغير المستقرة او في الساعة الاولى من الجلطات .

فشخص بقى يا وحش 🤣⁦

د. محمد إمام

طريقة كلام اللي قدامك عن غيره، خصوصًا عن شخص ناجح، بتديك أحيانًا مؤشر عن اللي جواه، وعن قدرته إنه يشوف الخير عند غيره ويدّيه حقه.

كنت بتكلم مع حد عن دكتور جراح عمود فقري مشهور، فلقيت الكلام كله: ده على قدّه، وبيعمل شو، وأقل بكتير من الصورة اللي الناس واخداها عنه!

طيب عادي، إنت مش مطلوب منك تمدحه، ولا تقول حاجة إنت ما تعرفهاش. بس بنفس المنطق، مش مطلوب منك تقلّل منه وتحكم على كفاءته من غير معرفة أو دليل.

وحتى لو العملية اللي الناس بتتكلم عنها بتتعمل كل يوم في مستشفيات حكومي وخاص، زي ما ناس كتير بتقول، ده في حد ذاته ما يقلّلش من نجاحه فيها، ولا من أثرها في حياة المريض. اللي بالنسبة لك إجراء معتاد، ممكن بالنسبة لصاحبه يكون نهاية سنين من الألم وبداية حياة مختلفة.

الحمد لله، ربنا أجرى على إيديه الخير وفتح له من أبوابه. وممكن يكون بيعرف يستخدم السوشيال ميديا كويس ويقدّم شغله للناس، ودي ما تعيبوش خالص، طالما بيعرضه بصدق ومن غير تضليل أو مبالغة.

الشهرة وحدها مش شهادة كفاءة، لكن برضه مش تهمة. والراجل مجتهد وناجح، ولو عندك نقد مهني محدد، اتكلم فيه بوقائع وأدلة، من غير ما تختزل مشواره كله في إنه .. بيعمل شو..

مش كل نقد غيرة، أكيد. لكن فيه فرق واضح بين إنك تناقش شغل حد، وبين إنك تبقى مصمم تسحب منه أي فضل.

النفوس الحلوة بتعرف تدي الناس حقها، حتى لو مش معجبة بيهم. ونجاح غيرك مش خصم من قيمتك.

د. محمود الشيخ

مريض ضغط مرتفع جاى الطوارئ ضغطه200/120 مش بيشتكى غير من صداع بسيط والهيستورى بتاعه كويس وفحوصاته كويسة ...كل دا جميل ..يبقى عشان خاطر ربنا

عشان ربنا بس والله ..مش شطارة خالص إنك فى خلال ساعة تخلى ضغطه 140/90 انت كدا ممكن تدخله فى stroke أو MI أو AKI .. المريض دا بشحمه ولحمه لو دورت وراه وظبط له علاج الضغط بتاعه من غير أى تدخل على المدى القصير ..المريض دا هيتظبط ويبقى كويس ..

مع ارتفاع الضغط المزمن جسمك بيحاول يقاوم دا ف الاوعية الدموية بتديق محاولة منها لمقاومة الضغط المرتفع ..ف اصبح الضغط العالى جدا دا زى ما أنا خايف منه يعمل مشكلة لازم برضه أخاف انزله جامد لأن ال tissue perfusion. معتمد عليه اعتماد كلى ..يعنى الضغط العالى جدا دا هوا اللى بيزق الدم للمخ والقلب والكلى قصاد الأوعية الدموية اللى داقت دى ..ف الموضوع risk benefit

الحالة دى بيسموها severe asymptomatic HTN او ما يعادلها Hypertensive urgency ..يعنى الهيستورى كويس وفحوصاته كويسة يعنى مفيش ongoing end organ damage ..يبقى الحالة دى outpatient ..بمعنى لو مريض ضغط تظبط له علاجه ويروح ..لو مش مريض ضغط يبقى غالبا كدا هيتشخص ضغط ولما تشخصه تمشيه على علاج الضغط المناسب وبرضه فى بيتهم

العلم قال آخرك ال MAP يقل 30% من قيمته خلال اول 4 ساعات

أما بقا لو المريض عنده هيستورى مش كويس يعنى اتخبط فى دماغه أو جاى مغمى عليه او دايخ او بيتشنج او عنده مشاكل فى الرؤية او بيرجع أو عنده إحساس بالترجيع أو سيدة حامل او بينهج أو الم شديد بالصدر سواء من الأمام أو من الخلف ...ولو دخلنا فى الفحوصات لو لا قدر الله فيه مشكلة acute فى ال ECG او CT chest او CT brain

لو الحالة هيستورى مش كويس او investigations مش سليمة ساعتها يبقى تتحجز ودى بقا اللى بيسموها Hypertensive emergency

يا رب الشباب الجداد يعرفوا المعلومات المهمة جدا دى ..

source : uptodate

Dr noureleslam elmahdy

للأطباء

-طبيب هو ونايب زميله فى الاستقبال دخلت عليهم حالة متشالة .
-ولد مش قادر يمشى وزمايله جايين شايلينه.
-الواد فايق وماعلهوش اى علامات مرض.
-قام بسرعة هو وزميله مع التمريض حطوا المريض على مونيتور .
-سحبوله التحاليل الاعتيادية صورة دم وسكر واملاح دم وغازات بالدم ووظائف كبد وكلى.
سالوا زمايله
-ايه اللى حصل .
-هو رجع من الشغل وهو بيشتغل شغل بدنى مرهق شيال فى محل.
-اكل معانا اكلة دسمة مليانة نشويات .
-بعد ساعة ونص لقوه بيصرخ ونايم على الارض .
-بيزحف مش قادر يقف على رجله.
-هو بيقول انه حس بالم فى عضلاته وتيبس فيها وبالتدريج حاسس انه مش قادر يتحرك ولا يمشى خطوة ووقع على الارض.
-طيب هو بيتعالج من شئ او ماشى على اى ادوية .
-هو بيتعالج من فرط افراز غدة درقية وماشى على نوعين اقراص وكانوا جايبينها معاهم neomercazole 5mg اقراص غدة واندرال indral اقراص لتنظيم ضربات القلب.
-هو بياخدها باانتظام .
-اه بس بقاله 3 او اربع ايام بياخد جرعة قليلة منها وعند اللزوم.
-جاه فى دماغى thyrotoxic crisis او انتكاسة غدة مفاجئة بس دى هتعمل درجة حرارة مرتفعة وضربات قلب سريعة والعيان هيبقى مضطرب بشدة وعصبى ..دا حتى مافيش جحوظ فى عينه زى المعتاد فى مرضى الغدة وحجم الغدة عادى.
-النبض 90 بس غير منتظم عنده AF مش عارف اعد الضربات كويس بس رسم القلب طلع كويس.
-سكره 80 هو طبيعى بس قليل على حالة فرط افراز غدة درقية مفروض العكس يبقى عالى.
-درجة حرارته عادية ووعيه كويس ومافيش اى جفاف.
-بفحص الاعصاب لقى عضلاته واعصابه سايبة وباجراء الاختبارات المعتادة لقى ال tendon reflex عادى او ضعيف حاجة بسيطة.
-دى حالة شلل حاد مؤثر على الطرفين فى نفس الوقت.
-ممكن يبقى guillane barre syndrome دى متلازمة بتحصل فى الاطفال غالبا وصعب تحصل فى الكبار بيحصلل خلل فى جهاز المناعة بيعمل اجسام مضادة بتكسر الغشاء المحيط بالعصب وفى العضلات وبتعمل شلل تصاعدى ممكن فى خلال 24 ساعة يؤثر على التنفس ويتحط على تنفس صناعى وعلاجه IV ig او اجسام مناعية مضادة او فصل بلازما.
-هو مستبعد عشان سن المريض بس سالهم اخر اسبوعين كان عنده دور برد او اى مرض كان الاجابة لا.
-التهاب حاد فى الحبل الشوكى بسبب فيروس او خلل مناعى.
-جايز دا فعلا بيسبب شلل فى الجزء السفلى وممكن يعمل شلل رباعى بس على شرط يكون موثر فوق الفقرة العنقية الخامسة C5.
-نشوف اختبار الاحساس لانه بيفقد فى الحالات دى .
-لا بااختبار الشك العادى العيان حاسس بكل شئ وكمان العيان ماعندوش اى AUTONOMIC DISTURBANCE يعنى مابيسيسبش على نفسه بول ولا ضغطه طالع نازل ولا فى شئ فى الحرارة.
-هو اتخبط النهاردة فى الشغل او شال حاجة تقيلة.
-احتمال يكون اصابة بالعمود الفقري traumatic spinal cord compression.
-لا ابدا عادى.
-طيب مافيش حاجة عضته الا يكون rabies هو احيانا بيعمل كدا بس مش هيبقى هادى.
-لا برضه.
-التحاليل كلها ظهرت .
-سكره بالوريد كان 75 والبوتاسيوم اقل حاجة في الطبيعي .
-اخر حاجة سالها زميل الدكتور لو كان فى حالة مماثلة فى العيلة اب او ام.
-من حسن الحظ ابن عمه كان فى الموجودين ونفى اى شئ.
-دا كان اخر احتمال يفكروا فيه familia periodic paralysis.
-دا خلل وراثى فى احد الاباء بيورثه لابنه وفيه بيبقى الجين المتحكم فى القنوات الناقلة للبوتاسيوم معيب .
-ودا بيجى معاه زيادة بوتاسيوم واحيانا نقص بوتاسيوم.
-حتى دا لا .
فجاة ابتسم دكتورنا العزيز مع ان حالة الشب
كانت بتسوء.
-عاوز 500 سم محلول ملح على ساعة عليه 10meq بوتاسيوم يعني امبول لان الامبول 5 سم فيه 10meq.
-لو جاب نتيجة واللى فى دماغى حصل هاقولكم التفسير.
-بعد ساعة المحلول خلص.
-تحسن رهيب فى حالة الولد لدرجة انه قام يمشى وفاق خالص.
-الموضوع دا حصلك قبل كدا صح.
-اه من شهر بس اتحاملت على نفسى وبعد ساعتين بقيت كويس.
-المرة دى كان اعنف وكنت حاسس انى مش هاقف على رجلى تانى.
-اللى حصل كالاتى TPP.
-سمعت عنه قبل كدا.
-Thyrotoxic Periodic Paralysis.
شلل رخوى متكرر بسبب اختلالات الغدة.
-اللى بيحصل انه مع فرط افراز هرمونات الغدة بتعمل تنشيط للقنوات المسئولة عن التعامل مع البوتاسيوم Na/K ATAPASE channel ودى بتدخل البوتاسيوم جوا الخلايا فيقل بسرعة فى الدم وايضا بيؤثر علي inward and delayed rectifying potassuim channels بنفس التاثير.
-التاثير دا بيحصل بطريقتين طريقة مباشرة علطول وطريقة من خلال استثارات مستقبلات بيتا B receptors over stimulation اللى بتنشط القنوات دى كمان وبتقلل البوتاسيوم.
-اللى اظهر الموضوع اكتر انه اكل اكلة فيها نشويات كتييير ودا زود افراز الانسولين عنده للتعامل معاها hyperinsulinaemia ودا نيل الدنيا اكتر لانه معروف برضه انه الانسولين بيدخل البوتاسيوم جوا الخلايا.

-ودا ظهر من انخفاض سكر المريض.
..بس المثير ان مستوي البوتاسيوم الاجمالي بالجسم مش بينخفض لان اللي حصل بس مجرد تحرك بين الخلايا والدم عشان كدا لما تيجي تصلح ماتصلحش بكمية كبيرة من البوتاسيوم عشان ماتتفاجأش ان البوتاسيوم ارتفع بسرعة بعدها rebound hyperkalrmia.
..الافضل تصلح بالفم البوتاسيوم علي 0.5 ل1meq لكل كيلو ولو مافيش استجابة بندي 0.3 meq لكل كيلو حاجة زي اقراص بوتاسيوم geo pota القرص فيه 8meq او شراب بوتاسيوم اللي كل 5سم فيه 4 او2 meq.
..لو لازم وريدي بالمحلول لو حالة المريض غير مستقرة ماترفعش عن 10meq عن المحلول.
..في الحالات المزمنة المتكررة بيستخدموا carbonic anhydrase inhibitors زي acetazolamid او cidamex اللي بيرفع البوتاسيوم.
-نرجعه على neomercazole من 20 الى 40 مجم باليوم.
-ندى indral على جرعة 2 مجم لكل كيلو لان دا بيقفل تاثير خلايا بيتا قرص 40 مجم من 3 الى 4 مرات يوميا.
-بعد كدا سحبوله وظائف غدة درقية لقوها فعلا مش مظبوطة ال TSH فى الارض قليل مش متقاس والهرمونات الاخرى T3 وT4 عاليين .

د. ابراهيم مكاوى