اوعى تستهين بشكوى المريض أين كانت خاصة الشباب الصغيرة وبالاخص ال female
شوكلاتة ومحلول ملح ايه يفندم لبنت بتشتكي من وجع في صدرها
أضعف الإيمان رسم قلب أو تحولها يفندم
البنت طلعت جلطة على الرئة وبعدها بساعات تكون جلطة في المخ وفقدت النطق
البنت جسمها بيكون جلطات نتيجة مرض مناعي اسمه Anti phospholipid syndrome
البنت عمرها 19 سنة .
ضيعت حياتها بعدم تحويلك ليها
اللي زعلني اكتر ان الحالة من دهشور
#NB
Any chest pain even in children exclude cardiac and respiratory cause as PE first

Dr hanafi gomaa

مع الوقت لا يعود الإنسان يبحث عن الناس بالكثرة نفسها التي كان يبحث بها عنهم من قبل .. !
تتغير الأشياء داخله بهدوء…
ويبدأ في فهم حقيقة لم يكن يراها بوضوح في بداياته ...
ليس كل حضور صحبة … وليس كل صحبةٍ أُنسًا .. وليس كل كثرة غنى.
أحيانا، يكتشف الإنسان أن أجمل ما يمكن أن يفعله لنفسه هو أن يخفّف الزحام حول قلبه .. !
أن يحتفظ بعدد قليل من الأشخاص…
أشخاص لا يحتاج معهم إلى أن يشرح نفسه كثيرا .. ولا أن يبرر أفعاله ... ولا أن يرتدي وجها غير وجهه الحقيقي.
أشخاص يشعر معهم أن قلبه ينبض بلا ارتباك…
بلا حذر .. بلا خوف .. بلا ضيق .. !.

د. عبد المتعال فوده

تحاليل طبية لازم يمر ٢ - ٣ شهور عشان يبقى النتيجة مظبوطة و لو اتعملت قبل المدة دي يبقى النتائج غير دقيقة.

1️⃣- تحليل السكر التراكمي HbA1c في متابعة مرضى السكر لازم يمر من ٢-٣ شهور من بداية العلاج أو تظبيط الجرعات، و التحليل قبل ما تعدي المدة دي غلط.

2️⃣- تحليل ال TSH في متابعة خمول الغدة الدرقية لازم يمر شهرين من بداية العلاج أو تعديل الجرعات، أما التحليل في مدة أقل من دي غلط.

3️⃣- تحليل الأنيميا بعد العلاج بحقن الحديد لازم يمر ٢ - ٣ شهور من العلاج و التحليل قبل المدة دي غلط.

4️⃣- تحليل الكوليسترول الضار LDL لازم يمر ٢-٣ شهور من بداية العلاج أو تعديل الجرعات، أما التحليل في مدة أقل من دي غلط.

د. أحمد زناته

حاله من طوارئ كانت من ستر ربنا وتوفيقه اني اتعامل معاها ♥️🙏

🔷 اهم معلومه من الحاله : لازم تنسى أن مريض DKA لازم يجي معاه hyperkalemia دا مش حقيقي انت مريض ال DKA بتبدأ تحط بوتاسيوم بعد تاني لتر في الغالب طبعا على حسب نسبه البوتاسيوم ولكن في الأساس بلاش تعتقد أن DKA يبقى لازم hyperkalemia

🔷 كنت لسه بتعلم رسم القلب فكنت بشوف كل رسم قلب يتعمل واسجل اللي انا عرفته وأشوف النايب الكومنت بتاعه على رسم القلب اي
المهم كان فيه رسم قلب شوفته فلقيت فيه
1-bradycardia
2- flat t waves
3- diffuse st depression

🔷 روحت اشوف العيانه لقيتها جايه اصلا DKA مع شديد vomiting عنيف وسحبو ليها معامل ومستنيين التحاليل

🔷 قيست النبض لقيتها 44 وضغطها واطي معنى كدا أنها hemodynamic unstable

🔷 طبعا اخدت رسم القلب للمدرس المساعد النباطشي وقتها وكان في دقائق نزل نائب الرعايه وبدأ يتعامل مع الحاله

التحاليل طلعت طلع sever hypokalemia

الحاله اتعمل correction واتحجزت رعايه وطلعت زي الفل

اللي علق معايا وقتها نائب الرعايه قالي انت ربنا بعتك ليها نجده والله كانت ممكن تأرست في أي وقت

د. محمد مجدى

كنت فاكر ال ecg أصعب حاجة فى الطب
لحد ما بدأت اذاكر دلوقتي ال mechanical ventilation
اعتقد دا ليفل الوحش فى الطب 😂
ولا لسه في أصعب من كدا

لما تيجي تكلم حد على درجة كبيرة من العلم
دايما تلاقيه بيستخدم كلمات زي أعتقد أو في رأيي
مش هتلاقيه بيجزم بشئ بشكل 100٪
لإن كل ما تقرأ أكتر أو تعرف أكتر هتكتشف إن فيه حاجات كتير أنت كنت فاهمها بطريقة وبقيت تفهمها بشكل أفضل
ومعلومات كانت مبهمة بقت توضح وحاجات كانت خطأ وبعدين بقت صح
وإن العلم نفسه متغير وبيتطور واللى كان النهاردة صح ممكن بكره يبقى غلط عادي والعكس
دا بحر كبير ودوامة مفيش حد قدها وفوق كل ذي علم عليم

د. محمد ناجي

* أول حاله على الصبح في الإستقبال *

_انا مش عارف انام
=ايه المشكله اللى بسببها نومك بايظ
_عاوز انام علشان عندي حاجه عاوز أنفذها وعاوزه تركيز
=ايه هي الحاجه؟!!
"صمت رهيب ثم صوره فيها سكاكين "
=ايه ده 😳😳😳
_ده الحاجه اللى مجهزها علشان اقتل عيالي ومراتي ...

في الموقف ده لازم تتصرف والحمد لله قدرت أوصل لرقم اهله وطلع انه متشخص فصام من سنين وموقف علاجه ومتبع الطيبات من ٦ شهور ودى مصيبه كبيره جدا تستدعي الحجز واتحجز الحمد لله.

مواقف صعبه أوي أوي بتتفرض عليك ولازم تتصرف وعامل الوقت مهم جدا لانه فيه ارواح هتُزهق .
حسبنا الله فى كل من اقنع مريض نفسي بتوقيف العلاج واستبداله بأكل وكأن كل الأطباء اغبيا ومبدع النظام ودراويشه هما الناصحين ، فى ميزان سيئاتهم الى يوم الدين .

د. أسماء بدران

🩸 ليه Blood Gas من أهم التحاليل في الطوارئ؟

تحليل غازات الدم ABG / VBG مش مجرد أرقام بنبص عليها ونعدّيها… ده تحليل ممكن يديك صورة سريعة جدًا عن حالة المريض في دقائق 👇

🔹 1️⃣ تقييم الـ Acid–Base balance
تعرف هل المريض عنده Acidosis ولا Alkalosis، وهل السبب Metabolic ولا Respiratory.

🔹 2️⃣ تقييم التهوية Ventilation
الـ PCO₂ بيساعدك تعرف هل المريض بيعمل CO₂ retention ولا لأ، وده مهم جدًا في حالات الـ respiratory failure وCOPD.

🔹 3️⃣ تقييم الأكسجة Oxygenation
خصوصًا مع ABG عن طريق PaO₂ وSaO₂، وده مهم في تقييم حالات الـ hypoxemia والـ respiratory failure.

🔹 4️⃣ اكتشاف الحالات الخطيرة بسرعة 🚨
زي:
DKA – Shock – Sepsis – Severe respiratory failure – Toxicological emergencies وغيرها.

🔹 5️⃣ متابعة استجابة المريض للعلاج
ممكن تقارن الـ Blood Gas قبل وبعد التدخل وتشوف هل الـ ventilation والـ acid–base status بيتحسنوا ولا لأ.

🔹 6️⃣ بتساعدك تربط الأرقام بالحالة الإكلينيكية
لكن أهم قاعدة 👇
❌ ماينفعش تفسر Blood Gas كأرقام منفصلة.
لازم تربط pH + PCO₂ + HCO₃⁻ + oxygenation + clinical picture ببعض.

🔥 الخلاصة:
Blood Gas = Snapshot سريع للـ Acid–Base + Ventilation + Oxygenation
وعشان كده فهمها كويس من أهم المهارات لأي دكتور شغال في الـ ER أو ICU. 🩺🔥

dr OsamaYousf

وبعدين بقى في الشغلانه دي

الاستشاري :
»»شكلها حاله مش سهله و هتحتاج مننا شغل على ما تتشخص و ممكن تحتاج رأي MDT

دكتور الامتياز اللي عنده sexual deprivation syndrome اللي شافها ف الطواريء :

»» حاله SL واضحه مكتملة الأركان 😂

Dr Mohamed ghonim

Fecal cal protectin
دا عباره عن بروتين بيتم إنتاجه بواسطه ال neutrophils الموجوده بالامعاء
تكمن اهميه ال Fecal cal protectin في التفرقه ما بين إذا كان ال colitis سببه
Infective or non infective
وبالتالي في حالات ال IBS هنلاقي ال Fecal cal protectin نورمال
النقطه التانيه أنه هيفيدنا في استجابه مريض ال IBD للعلاج خلال فتره المتابعه
لو كان اكتر من 250 أما العيان مش بياخد العلاج صح
او العيان عنده مقاومه للعلاج وساعتها ممكن ندي مجموعه تانيه من العلاجات
او العيان مازال المرض نشط وتوقع يدخل في relapse

د. إسلام نوار

في القولون العصبي، الصيام الطويل بين الوجبات بيعمل 3 مشاكل ورا بعض:

*1. القولون بيتجنن من الجوع وبعدين الأكل مرة واحدة*
لما تقعد 8-10 ساعات من غير أكل، الأمعاء بتبقى فاضية وحساسة. أول ما تاكل وجبة كبيرة مرة واحدة، يحصل حاجة اسمها *Gastrocolic reflex* قوي جداً.
القولون ينقبض بعنف = مغص شديد وانتفاخ وإسهال فجائي. وده اللي بيشتكي منه العيان: "أول ما آكل بطني بتبوظ".

*2. الغازات والـ FODMAPs بتتخمر أكتر*
لما تجوع كتير، حمض المعدة والـ bile بيتجمعوا. ولما تاكل بعدها، البكتيريا في القولون بتخمر الأكل بسرعة وتنتج غاز كتير. الصيام الطويل بيخلي البكتيريا جعانة فبتتفاعل بعنف مع أول أكل.

*3. السكر بينزل والتوتر بيزيد*
الصيام الطويل = هبوط سكر بسيط = توتر + زيادة هرمونات الـ stress (cortisol, adrenaline). والقولون العصبي أصله *Brain-Gut Axis*. أي توتر أو قلق بيترجم فوراً لمغص.

عشان كده النصيحة الذهبية في IBS:

> *كُل قليل ومتكرر - 4-5 وجبات صغيرة كل 3-4 ساعات - ولا تترك معدتك فاضية أكتر من 5 ساعات*

- وجبة صغيرة منتظمة = انقباضات قولون هادية ومنتظمة
- صيام طويل + وجبة كبيرة = انقباضات عنيفة = ألم

د. محمد عبدالرازق

الحديث ده غالي على قلبي أوي :))
( يا غلام ، إني أُعلمك كلمات : احفظ الله يحفظك ، احفظ الله تجده تجاهك ، إذا سأَلت فاسأَل الله ، وإذا استعنت فاستعن بالله ، واعلم أن الأُمة لو اجتمعت على أَن ينفعـوك بشيء ، لم ينفعوك إلا بشيء قد كتبه الله لك ، وإن اجتمعوا على أن يضروك بشيء ، لم يضروك إلا بشيء قد كتبه الله عليك، رفعت الأقلام وجفت الصحف ) رواه الترمذي وقال : حديث حسن صحيح .

✅ احترم شكوي اي مريض جاي ب sweating خصوصا العرق المتشاف بعينك في شكل نقط علي جبهه المريض وساقع لما تلمسه دا معناة ان الsympathetic فاعلي مراحله

١-لو معاة chest pain عنيف ممكن يطلع MI
٢-لو ضغطه عالي اوي ممكن يطلع pulmonary edema
٣-لو ضغطه مش مسموع وHR عالي ممكن يطلع shock
٤-لو معاة Fever ممكن يطلع sepsis من اي source

٥-لو معاة confusion فold age فكر فثانيه تستبعد hypoglycemia

بالظبط زي اي مريض كبير فالسن وسكرة عالي دايما دي حاجه secondary لمصيبه تانيه متفرحش انك شخصت DKA فعيان ٧٠ سنه

د. أحمد أبو شنب

طب ما هوا عنده حق فعلا 😂😂😂