عyou see what you know ..
عينك هتلقط اللى تعرفه ..

حكمة بسيطة لكنها فى الطب مهلكة والله..

استشارى طوارئ بيحكي في محاضرة عن حالة قابلته إن شاب كل شوية بيحصل له إغماء. هو بييجي الطوارئ، وقبل ما ييجي الطوارئ بيكون الشاب فاق لوحده مرة واحدة فيمشوه.. الشاب ده مالوش تاريخ مرضي لأي حاجة غير إنه تشخص عن دكتور مخ وأعصاب إنه مريض صرع، والنوبات اللي بتحصل له دي هي نوبات صرع، ومشى على أدوية مضادة للصرع لسنين.. الدكتور طلب منه رسم قلب كروتين لأي حالة إغماء، طلع عنده حاجة اسمهاBrugada syndrome. وكان طول السنين اللي فاتت دي متشخص غلط، مرض وراثى فى جين معين بيعمل لغبطة فى ضربات القلب وممكن تؤدى الى ان القلب يقف مرة واحدة. مش دي المشكلة، المشكلة إنها واحدة من أكتر الأسباب اللي بتخلي الشباب تموت موت مفاجئ..وده بالفعل اللى حصل لاخوه
تتلقط بمجرد رسم قلب، تغيرات بسيطة خالص. مش هيلقطها إلا اللي عارفها.

اكتر حد بيغلط فى الطب ..هو صاحب التشخيص الواحد ..اللى بيبص على الحالة يلقطها

الطب واسع اوى اوى ..وما اوتيتم من العلم الا قليلا
Dr Mohamed El oreaby

من اشتغل بالمتاح، فُتحت له أبواب كانت مغلقة. ومن ترك العمل بالمتاح زهدًا في قلته، حُجب عنه هذا المتاح، ولم يفتح له ما خلفه.

محمد فتوح

بشكل عام
حالات ال
Hypertension Emergency
لازم يتم تنزيل ال BP بشكل Gradually باستخدام I.V Drug ...
ف خلال ال ساعة الأولى ،بننزل الضغط بمقدار 25% ك حد أقصى .
وخلال 6:2 ساعات بنوصله 110:160 /100

وبنحتاج من 48:24 ساعه عشان يرجع لل Normal ..

باستثناء 3حالات :
1⃣ Aortic Dissection
لازم ينزل الضغط لأقل من 120
خلال اول  20دقيقه لمنع ال Aorta Rupture  .

2⃣ Severe preeclampsia or eclampsia
هنا لازم الضغط ينزل لاقل من 140 mmhg خلال اول ساعه ..

3⃣ Pheochromocytoma Crisis
بردو لازم خلال اول ساعه ينزل تحت ال 140
غير كده أي حاله HTN emergency لازم الضغط ينزل Gradually .

رسالة الى شباب الاطباء 💕✨

لما زميلك من تخصص تاني يحولك حالة ، كانت بتكشف عنده ، وهو شك في حاجة تبع تخصصك وبعت المريض لك عشان يطمن .

فزميلك ده يشكر حرصه وتوجيهه للمريض .. وهو باعته لتأكيد او نفي التشخيص اللي شاكك فيه ..

فبمجرد ان المريض يبلغك ان زميل طلب التحويل ده .

فانت ادامك حاجة من الاتنين بعد فحص المريض :

الاول : ان المريض يطلع عنده مشكله فعلا ، وهنا بعد الفحص وكتابة العلاج ، لازم تنوه في كلامك مع المريض على ذكر الزميل اللي شك في الحالة وحولها وانه له فضل في علاج الحالة دي بتحويلها ، يكاد يوازي فضلك في علاجها .

التاني : ان المريض الحمدلله يكون سليم ، ومفهوش المشكلة اللي الزميل شك فيها ، فانت لازم بعد ما تطمن المريض انه الحمدلله كويس ، تنوه امام المريض على شكر الزميل اللي حول الحالة ، وتوضح للمريض ان الزميل كان شاكك في كذا عشان كذا ، واحنا عملنا كذا عشان نتأكد من شكه ده صحيح او لا ، والحمدلله طلعنا كويسين .. وان الزميل يشكر انه مأهملش المريض عشان لو الحاجة اللي كان شاكك فيها دي كانت موجودة، كانت هتبقى مشكلة كبيرة جدا ولو متمش التعامل معاها .

انا فاكر حالة ، زميل دكتور عظام حولي حالة بسبب ألم في الصدر و الكتف الشمال ، والدكتور استبعد مشاكل العظام والمفاصل واتأكد انها مش موجوده.

فحولها لتخصص قلب ، خوفا ان المريض يكون في ذبحة صدرية ..

المريض لما جالي وفحصته ، طلع التشخيص حزام ناري ، وغالبا مكنش الطفح الجلدي ظهر وقت وجود المريض عند طبيب العظام .

فهنا طمنت المريض ان قلبه سليم ، وان تصرف الدكتور في محاولة استبعاد السبب الاخطر كان لمصلحة المريض ، وانه يشكر على ده ، وان دوره لو كان اقتصر على انه يقول للمريض عظامك ومفاصلك سليمة ، فساعتها مكنش هيبقى مطلوب منه اكتر من كدا .

فكان لازم المريض يفهم الكلام ده ، وان الدكتور يشكر انه استبعد مشكلة تخصصه ، وحاول يساعد المريض على اد ما يقدر في توجيه ، وده ممكن يكون معرض للصواب او الخطأ .

د. محمد إمام

جالي شاب 24 سنة بيشتكي من
Palpitations and Unintentional weight loss with good appetite and good oral intake
فقد كتير من وزنه بقاله فتره مع تسارع في ضربات القلب (tachycardia) رغم أنه بياخد جرعه عاليه من Inderal
طبعاً بديهيا اول حاجه أي حد هيفكر فيها هو ال Hyperthyroidism
لقيته قبل ما اتكلم بيقولي "ومتقوليش اعمل تحليل غده درقيه انا عملت 3 مرات وكل مره التحليل كويس وكشفت اكتر من مره ومش لاقي حل للموضوع دا
هو كان بياخد رأيي شفويا لكن بعد كلامه قولت ما بدهاش بقي لازم فحص بصيت عليه
أولا
🔹1) Generally he looks stressed
واضح عليه أثر التعب كأنه عامل مجهود شديد مع إنه قاعد مبيعملش حاجه

🔹2) Tachycardia at rest with +ve water hummer pulse
عنده تسارع ضربات القلب في وضع الراحه كانت واصله
ل140b/min

🔹3) Tachypneic
عنده نهجان متوسط ( معدل تنفسه سريع) في وضع الراحة برضو

🔹4)his skin is hot and wet
جلده دافئ بل سخن شويه وعرقان

🔺5) fine tremors
رعشه بسيطه في يديه

🔺5) Hypertensive:BP:150/80 which is called Isolated systolic hypertension with hyperdynamic circulation
ضغطه غالي خاصة ضغط الدم الانقباضي (SBP)

أينعم مكانش فيه other general signs زي جحوظ العين مثلا او تغيرات في لون الجلد
No apparent thyroid orbitopathy no thyroid dermatopathy .

قولتله لعند دلوقتي كل دا ماشي مع نشاط زيادة في إفراز الغدة الدرقية (Hyperthyroidism) ابتسم وقال برضو ماهو الدكاتره قبلك قالو كده طبعاً عشان هو medical field كان صعب إقناعه
قولتله نكمل examination للغده نفسها

🔹1) Diffuse symmetrically enlarged anterior neck swelling that moves up up an down with deglutition and shrinks in size on sternomastoid muscle contraction indicating Diffuse thyroid swelling not Nodular
الغده حجمها كبير ومتناسق

وهنا كلام لازم أقنعه بحاجه في الفحص تخليه يوافق يعمل تحليل الغده الدرقيه للمره الرابعه

حطيت السماعه وسمعت بال Cone علي الغدة سمعت
🔺3) Thyroid Burit which was systolic and diastolic
وخليته يسمع ال Bruit بنفسه عشان يقتنع
Thyroid bruit = Graves' disease until proven otherwise
قولتله هنعمل تحليل سريعاً لأن بالفحص فاحنا كده
Impending thyroid storm
ودي very critical

وافق أخيراً إنه يعمل تحليل الغدة الدرقية وقولتله نعمله في ميجا لاب ويكون trusted
Guess what?!
كان مذهولاً من النتيجه اللي طلعت نشاط شديد للغده لدرجة أن الرقم اكبر من قدرة جهاز التحليل من إنه يقراها طالع
FT3>18
وفي معمل محترم زي الفا لاب
وراح سحبه في مكان تاني يأكد برضو وطلع فعلاً نفس النتيجة
طبعاً بدأنا علاج مباشرةً والحمدلله حصل تحسن تدريجي كان لازم نأكد التشخيص بThyroid sacn وخلاص confirmed Grave's disease
والحمدلله حققنا complete remission وال thyroid profile بقي normal اينعم الأعراض فضلت مستمره فتره رغم العلاج لكن استجاب مع الوقت وزاد كمان ف الوزن حوالي 15كيلو .
.....
وهنا تأتي القاعدة الذهبيه وهي
🔺Clinical is the King
وهي قاعده أستاذنا وتاج رأسنا استاذنا الدكتور محمد الألفي حفظه الله.
زي ما عملنا استاذنا (صدق عينك وفحصك قبل أن تصدق التحاليل والأشعة اللي يمشي مع الفحص أهلا وسهلا اللي يعارض الفحص يُفند حتي تستبين صحته).

حاله زي دي لو تقعد تتأمل فيها هتلاقي فيها دروس كتيرة جداً غير الطب .
أولا تعرف قيمة نفسك كويس وتضعها في موضعها كدكتور إنك مش ساحر ولا انت اللي بتشفي عيان ولا انت اللي جامد وبتعرف تشخص لا أبدا ما في 3 دكاتره قبلي شافوه وأنا متأكد انهم علميا أفضل مني بكثير إنت بتشخص وتعالج المريض فقط لأن الله أذن له بالشفاء انت مجرد وسيلة فقط" فلا تعظم من نفسك فتعطها ما لا تستحق وما لا تطيق".
عشان كده وصية استاذنا الدكتور علي حسيب لينا ( كان بيقول ادعي يبني ربنا يبعتلك المريض اللي ربنا أذن ليه بالشفاء)

وأخيراً سؤال مهم ياريت تبحثوا عنه :
هل أعراض زيادة إفراز الغدة الدرقية ممكن تظهر علي المريض قبل ما يظهر زيادة الإفراز في التحليل ؟
Could thyrotoxicosis be clinically manifested before even being laboratory obvious?!

د محمد السيد حسونه

أنَّ رَجُلًا قال: يا رَسولَ اللهِ، إنَّ لي قَرابةً أصِلُهم ويَقطَعوني، وأُحسِنُ إليهم ويُسيئونَ إليَّ، وأحلُمُ عنهم ويَجهَلونَ عليَّ، فقال: لَئِن كُنتَ كما قُلتَ فكَأنَّما تُسِفُّهمُ المَلَّ، ولا يَزالُ معكَ مِنَ اللهِ ظَهيرٌ عليهم ما دُمتَ على ذلك.

لما يكون حد عنده اسهال اوعي تديله عصير من المعلبات وتفكر انت كدا بتديله سوائل تعوض الي بينزل. يا سيدي انت بتديله hyperosmolar solution يعني محلول تركيزه عالي بيزود الاسهال. لكن الصح هو انك تديه عصير فريش وتخفه بالمياه ٥٠٪؜ مياه وتحط معلقه سكر واحده وبكدا سهلت عمليه امتصاص المياه من العصير 😉
_______

salah_eleraQaty

بمناسبة المؤتمر المصري للصداع هأقولكم ١٠ مفاجأت عن الصداع
اتناقشت في المؤتمر
١- ارتفاع ضغط الدم المزمن و انخفاض ضغط الدم المزمن مش بيعمل صداع .. و ده طبعا بخلاف المعتقد السائد .. و لذلك الصداع في مريض الضغط..غالبا مش من الضغط لازم نشوف السبب

٢- الصداع النصفي اللي هو الشقيقه مش لازم يبقي نصفي ممكن يبقي في الدماغ كلها و مع ذلك اسمه نصفي أو شقيقه
و بالعكس هناك صداع  في ناحية واحدة و عمره ما يبقي كلي أو في الناحيتين  و مع ذلك ده مش صداع نصفي أو شقيقه ..ده صداع عنقودي

٣- بوتوكس التجميل يستخدم بنجاح في علاج الصداع النصفي المزمن عن طريق الحقن في فروة الرأس و الجبهة و الكتفين

٤- حقن المونجارو و الاوزمبيك  الشهيرة بتاعت السكر و التخسيس
عامله نتايج هايله في علاج ارتفاع ضغط المخ الحميد IIH

٥- الإفراط في أخذ البنادول و الكتافلام و المسكنات الأخري ممكن تزود الصداع لأنها بتعمل نوع إضافي من الصداع اسمه صداع الإفراط في المسكنات

٦- الصداع الحديث اللي لسه باديء قريب أو اللي كان موجود بس زاد مؤخرا  اهم و يستحق زيارة دكتور المخ والأعصاب بسرعة  اكتر من الصداع اللي بقاله ٢٠ سنه
ده مش معناه الصداع القديم مش مهم ..مهم برضه ..بس الحديث أهم

٧- الصداع في الاطفال منتشر جدا ..ممكن يجيي بأشكال غريبه ..زي مغص أو دوخه أو عصبيه زياده و له علاج وقائي ناجح

٨- أحدث علاج للصداع النصفي هي أدوية ال CGRP و هي حقن شهرية تحت الجلد تحسن الصداع جدا و بسرعة و تقريبا بدون أعراض جانبيه ذات أهمية

٩- صداع الدورة الشهرية الشهير جدا  ممكن تفاديه بأقراص وقائيه تتاخد قبل الدورة بكام يوم

١٠- مش كل مريض عنده صداع لازم يعمل اشعه علي المخ.. دكتور المخ والأعصاب يقدر يميز مين اللي محتاج اشعه و مين اللي مش محتاج .. فحص الأعصاب و قاع العين مهم جدا بواسطة د. المخ والأعصاب لتحديد هنعمل اشعه و لا لأ

د عمرو حسن الحسني

المريض الى عنده نزيف بالجهاز الهضمى ونزل دم من الشرج  ازاى تعرف جاى من الجزء العلوى ولا السفلى :
لو النزيف احمر fresh blood يبقى جاى من ال lower git tract
وهيحتاج منظار قولون
زى حالات rectum tumors
وال cancer colon وال ulcerative Colitis

اما لو النزيف جاى من الشرج لونه اسود melena دا يبقى جاى من ال upper  git tract
لان طالما الدم بقى اسود معناها انه اتأكسد والحاجه الى هتعمل ده هو HCL بتاع المعده فمعنى كده ان الدم عدى على المعده واتكسر
والحالات دى هتحتاج منظار جهاز هضمى علوى
زى حالات ال peptic ulcer
وال  chronic Oesophagial varices bleeding in hepatic patient

طيب لو الدم جاى الاتنين فيه احمر فريش وكمان معاه melena
دا يبقى غالبا من الجزء العلوى ولكن النزيف كان كتير فنزل منه دم من غير ما يتاكسد وجزء منه اتأكسد
او ان المريض بينزف من اكتر من مكان فى الجهاز الهضمى

ملحوظه / اقراص الحديد بتخلى البراز لونه أسود ودى مش melena فلازم نسأل المريض الاول بياخد اقراص حديد ولا لا

معلومة في ثواني 🧠

مريض عنده Acute asthma attack
لو الـ SpO₂ اتحسنت بعد الأكسجين ❌
مش معنى كده إن الأزمة اتحلت.

الأكسجين بيعالج Hypoxemia
لكن الـ Bronchospasm محتاج Bronchodilator therapy.

🔥 الخلاصة:
تحسن الـ SpO₂ ≠ انتهاء الـ Asthma attack.

Dr Mohamed Tarek

احسن طريقه للاحتفاظ بالعلم اللي عندك
انك تعلِمه

د ممدوح محفوظ
رحمه الله عليه

لما يجيلك مريض عنده أنيميا وضغطه عالي، لازم تفكر في الكلى!

غالبًا ده مريض Chronic Kidney Disease (CKD)
واللي بيكون فيه:

🔹 Hypertension
بسبب
- احتباس الملح والمياه
- زيادة إفراز الرينين

🔹 Anemia
بسبب
- نقص الإريثروبويتين
- نقص الحديد
- فقدان دم أثناء الغسيل الكلوي أو من الجهاز الهضمي

🩸 العلاج غالبًا بيشمل erysropoietin + Iron

⚠️ وخلي بالك دايمًا من مستوى البوتاسيوم في مرضى CKD، لأنه ممكن يعلى ويسبب Hyperkalemia وهي حالة خطيرة جدًا.

دكتور اسامه محمود كان بيقول أن المريض ده لو راح للدكتور وماخدش منه تاريخ مرضي كويس هيقوله انت عندك انيميا وكل يوم تشرب عسل اسود فالعين يقول مفيش ارخص من العسل الاسود ويشرب ودا مصيبه لان العسل الاسود في كميه بوتاسيوم كبيره والمريض يدخل في hyperkalemia

د. إسلام نوار

اول سيناريو:
من سنه كنت نزلت بوست عن بنت في العشرينات كانت كويسه جدا ومروحه مع اهلها في المواصلات تعبت مره واحده الم شديد في الصدر مع صعوبة تنفس وجايه المستشفى وهي خلاص بتطلع في الروح الأكسجين في جسمها انخفض جدا ل55% لدرجة وشها بقي مزرق ومفيش ضغط مسموع جسمها عرقان جدآ وأطرافها ساقعه جدا

تاني سيناريو:
راجل ف الستينات كان قاعد مع أولاده زي الفل مفيش اي حاجه مره واحده حصله الم صدر وصعوبة تنفس شديدة جدا ووشه ازرق وجاي الطوارئ عرقان جدآ وضغطه مش مسموع والقلب خلاص هيتوقف

تالت سيناريو
ست في الاربعينات كانت كويسه تعبت مره واحده
و جايه المستشفى بألم شديد في صدرها وصعوبه شديده في التنفس وعرق شديد ومفيش ضغط مسموع وأطرافها ساقعه جدا برضو

رابع سيناريو:
الحاله اللي نزلتها امبارح لمريض جاي بألم شديد في صدره وصعوبة تنفس شديدة وعرق شديد وانخفاض شديد في ضغط الدم

تقريباً الاربع سيناريوهات اللي فوق جايين بنفس الأعراض ونفس الشكاوي ونفس العلامات الحيويه ونفس الوضع الحرج

هل من المنطقي انت كدكتور تروح مشخصهم كلهم نفس التشخيص وتقول دي جلطه رئويه وبسرعه هات مذيب جلطات بدون ما تاخد تاريخ مرضي كويس بقي ولا تعمل رسم قلب ولا تستني تشوف اي حصل ؟! لا بكل عنتريه تقول اه هي دي شكل الجلطه الرئويه وادي علاج مذيب جلطات وخلاص ؟!!
مهو المريض جايلك ف الحاله الحرجه دي طبيعي اول حاجه تخلي حالته تستقر من اكسجين ودعم عضلة القلب واليواخره وفي نفس الوقت تعرف في ثواني اي حصله من كلام الاهل ومن خلال وتفحص المريض عشان تعرف تشخصه وتعالجه صح

لو علي منطق الناس اللي بتقول لا الأعراض دي شكلها جلطه رئويه اديله مذيب الجلطات وخلاص ولا تدور ولا تعمل رسم قلب ولا اي حاجه ادي وخلاص وما تضيعش وقت وشوف النتيجه

طاب ما تيجي كده نطبق الكلام دا علي كل سيناريو

سيناريو رقم 1:
ادينا مذيب الجلطات ومستنيين نشوف مفعوله بس للأسف البنت ماتت طاب ليه يادكتور؟! اصلها مكانتش جلطه رئويه كانت صدمة حساسيه Anaphylactic shock ومدينهاش دوا لصدمة الحساسيه
طاب ومدورتش من الأول وعرفت انها حساسيه واديتها علاجها ليه ؟! معلش اصل احنا فكرناها جلطه رئويه وكنا عاوزين نلحقها بالمذيب ومنضيعش وقت

سيناريوى. رقم 2:
ادينا المذيب بس العيان مات للاسف
طاب مات ليه يادكتور؟!
اصل لما دورنا طلع عنده انسلاخ حاد في الشريان الاورطي عمل انسداد في شرايين القلب عمل فشل حاد في عضلة القلب
Aortic dissection caused Acute coronary syndrome, extensive myocardial infarction and cardiogenic shock
فلما خد المذيب انفجر الشريان الاورطي وفضل ينزف في بطنه ومات
طاب ومدورتش من الأول ليه يا دكتور وعرفت موضوع الانسلاخ؟! عشان برضو فكرناها جلطه رئويه ومكانش عاوزين نضيع وقت

سيناريو رقم 3 :
الست اخدت المذيب بس ماتت للأسف
ليه يعم اي حصل؟! اصل لما دورنا مطلعتش جلطه رئويه طلع عندها مايه شديده علي غشاء القلب ولما خدت المذيب المايه دي اتحولت لنزيف شديد ضغط علي القلب فالست ماتت
Pericardial effusion→Cardiac tamponade after thrombolytic therapy the effusion turned into hemorrhagic cardiac tamponade lead to sudden arrest
طاب ومعرفتش دا من الاول وعالجتها صح ليه؟! ما قولنا كنا فاكرينها جلطه رئويه ومكانش في وقت ندور ونسيب العيان يموت
ماهو مات فعلاً ياعم !!
اه مات بس thank God اخد مذيب الجلطات

رابع سيناريو :
ادينا المذيب
ها وبعدين؟! العيان مات للأسف طاب ليه هو مكانش جلطه رئويه برضو وكان حاجه تانيه؟! لا دا كان جلطه رئويه فعلاً بس خد المذيب ومستجابش للاسف لانه جاي متاخر وشكل الجلطه كبيره
ثواني بس يعني اي مستجابش للمذيب هو مش مفروض المذيب دا يعالجه ويفتت الجلطه؟! مفروض اه لكن في حوالي من 8ل10% من حالات الجلطه الرئويه لا تستجيب للمذيب

دي السيناريوهات التخيليه المبنيه علي قاعدة ادي مذيب الجلطات وخلاص ادام مجرد شكيت في جلطه رئويه ولو اتعاملنا بيها مع كل مريض جاي بالاعراض دي فالنتيجه الاربع حالات ماتت

لكن علي أرض الواقع
الاربع حالات دول انا اتعاملت معاهم شخصياً وشوفتهم بعيني شخصياً ونزلتهم في بوستات قبل كده ماعدا تاني وتالت سيناريو لسه منزلتهمش هبقي انزلهم إن شاء الله

كلهم اتشخصوا صح واخدو العلاج المناسب وروحو بيوتهم بسلام وفضل من الله تعالي احنا كنا اسباب فقط في شفائهم وهنزل تفاصيلهم في التعليقات عشان مطولش عليكم في البوست

اخر مريض رغم أنه اتشخص صح واخد العلاج الصح وفي الوقت الصح لكن توفاه الله عشان ترجع للحقيقة الثابته وتعرف حجم نفسك كويس وأنك لا تملك لنفسك ولا لغيرك موتا ولا حياة ولا نشورا وأن الموت والحياة بإذن الله

ولم يعط الله قدرة احياء الموتى ولا شفاء الناس لاحد إلا بإذنه تعالي
وانت كدكتور مينفعش يكون طريقتك التشخيص بالتنجيم أو التخمين بالهوا كده دي تبقي كارثه لازم يبقي عندك خطوات تبني عليها التشخيص والعلاج انما منطق (ديكسا وديكلوفين )لكل الأمراض فدي كارثة وان صابت مره هتخيب الف مره

دمتم بخير

د. محمد حسونه

معتقدش إنك فكرت في النقطة دي قبل كده! 👀
تفصيلة بسيطة… لكن ممكن تساعدك جدًا تفهم وتفرّق بين حالات الـ Hyperthyroidism و Hypothyroidism 🔥
معلومة صغيرة… بس قيمتها كبيرة في التشخيص.

تابعت تعليقات الناس على واقعة طبيبي العظام في مستشفى حوش عيسى
ولقيت فئة كبيرة من الناس في التعليقات بتقول أكيد الدكاترة هما الغلطانين والرجل ده مش هيضربهم من نفسه وإنهم جزارين ومعندهمش رحمة.......إلخ

وسألت نفسي كام سؤال:-
ايه اللي يخليني كدكتور لما أشوف الناس بتُكن في صدورها الغل ده ناحيتي إني أجيب أخري في الشغل عشان أساعدهم؟ ايه اللي يخليني ميبقاش تعاملي معاهم إني مجرد موظف زي باقي الموظفين اللي بتتعامل مع الناس في المصالح الحكومية؟!
لو الطب مهنة سامية والعاملين في القطاع الطبي المفروض إنهم ملائكة الرحمة، طب هيرحموا الناس إزاي والناس مش بترحمهم؟!
ايه اللي يخليني عاوز أفضل قاعد وسط المجتمع ده وأساعده والمجتمع ده مش بيقدرني؟!
طب ما أهرب وخلاص زي ما غيري هرب ومش مهم تولع باللي فيها زي ما كتير شايفين كده!

هتقول: انتظار الثواب من ربنا
طب لو دكتور لا يشغله جزئية الثواب هتقوله ايه عشان يقوم بدوره كما يجب؟!
اللي هو لا يساوي عُشر المرتب اللي بيقبضه

د. إسلام عزت

أنا بنزل طوارئ كتير، ومع ذلك تقريبًا ما شخّصتش حالات Hypothyroidism أو Hyperthyroidism كتير…
بعد المحاضرة دي عرفت المشكلة كانت فين 👀
لما كانت تيجي قدامي الحالة، كنت بشك إن المشكلة Anemia، فكنت بسأل عن الـ menstrual cycle… ولما أعرف إنها irregular وبتطول معاها، كنت على طول بحوّل الحالة لعيادة النسا.
يعني ببساطة… الحالة كانت حالتي وأنا اللي بحوّلها بإيدي! 😂
الغلط ماكانش إني مش عارف التشخيص… المشكلة إن الحل اللي كنت فاكره صح، هو نفسه اللي كان بيضللني ويخليني أسيب التشخيص الأساسي. 🔥
بعد المحاضرة دي، أعتقد إن النقطة دي هتفرق جدًا معاك في تشخيص حالات الـ Hypothyroidism والـ Hyperthyroidism.