من حوالي 3 سنين، كنت بنزل دوربات مكان الامتياز، وكنت شايل شيفتات 48 ساعة ورا بعض، وخلاص حرفيًا مروح وأنا مش قادر.
كلمني واحد صاحبي وقتها وقالي: "عندي شيفت دلوقتي ومفيش حد هينزله، ومحتاجك تنزله بأي شكل، عشان أنا عامل مشكلة مع النايب بتاعي ومش عايزه يعملي مشكلة."
فنزلت مكانه، وكان شيفت طوارئ.
وكانت دي أول مرة أنزل مع دكاترة الامتياز دول، ولا أنا أعرفهم ولا هما يعرفوني.
أول ما لاقوني تعبان في بداية الشيفت، قالولي: "ادخل ارتاح ساعتين، وإحنا هنغطي عليك لحد ما تصحى، ومش هنصحيك غير لو الشغل شد."
عايز أقولكم إني صحيت بعد 10 ساعات! 😂
ومحدش فيهم قال لي كلمة، ولا حسسني إني قصرت أو إني سبتهم في الشيفت.
بالعكس، كانوا جايبين لي الوجبة بتاعتي ومحافظين عليها لحد ما صحيت.
الفكرة إن مكنش في بيني وبينهم أي سابق معرفة، ولا كان ليا عندهم حاجة.
يمكن هما نفسهم مش فاكرين الموقف ده، ويمكن بالنسبالهم كان موقف عادي وعدّى.
لكن أنا عمري ما هنساه، وهفضل فاكره ليهم طول عمري.
مش عارف بحكيلكم الموقف ده ليه، بس هو جه على بالي وحبيت أحكيه.
وأتمنى أشوفهم دايمًا بخير وفي أحسن حال. ❤️

الحقنا يا دكتور أمي عندها جلطه في المخ الحقها بسرعه واديها الحقنه المذيبة للجلطه
اهدى يا أستاذ أمك عندها سكته دماغيه ممكن تكون نزيف وممكن تكون جلطه هنعمل أشعه مقطعية ونتأكد الأول
لأ أمي عندها جلطه أنا عارف أنا بقولك إيه
بعد ما عملنا الاشعه وريني كدا الجلطه اللي قصدك عليها

🚨لو جاتلك حاله محتاجه تحاليل كتير أو فحوصات كتير ما تتلخبطش ومش لازم تطلبها كلها دفعه واحده ‼️

🟢 الواقع بيقول أن فى حالات كتير هتقابلك محتاجه كم كبير من الفحوصات سواء تحاليل او اشعه او intervention للتشخيص وللتقييم الكامل

✔️الحل فى الحالات دى هو طلب الفحوصات على مراحل أو مستويات Tier 1 & Tier 2 & Tier 3 وهكذا

🗣️ هنقول مثال عشان الموضوع يبقى واضح 💁‍♂️

👨مريض جاى بيشتكى من Pallor و fatigue ونهجان مع المجهود وبعد ما اخدت منه تاريخ مرضى كويس وفحص كويس لقيت المريض واضح أنه عنده انيميا

👨‍⚕️لكن للاسف بعد ما اخدت الهستورى بالكامل بسبب انك مش معاك صورة دم مش قادر تجزم بنوع الانيميا ولا احتمالاتها

🧪فى الحاله دى مثلا بتطلب initial labs زى
»»CBC & blood film ««
ودول هنعتبرهم ⬅️Tier 1

👁️بصيت فى صورة الدم لقيت نوع الانيميا Microcytic hypochromic anemia والـ RDW عالى .. حطيت احتمالات الـ. Microcytic anemia فى دماغك ورجعت عملت focused history/exam مرتبط بالاحتمالات دى
لقيت المريض ماشى اكتر ناحية الـ IDA ..فقومت طالب full iron profile وده هيثبت الـ IDA وهيفيدك عموما فى باقى الـ DD ..الـ iron profile هنا هو ⬅️ Tier 2

📋النتيجه طلعت نقص فى الـ ferritin فعلا وأثبتت وجود انيميا نقص الحديد والخطوه الجايه انك تشوف السبب
والمريض معندوش overt bleeding وشاكك يكون occult bleeding مصدره الـ GIT وبالتالى طلبت endoscopy لمعرفة السبب ...والـ endoscopy هنا هو ⬅️ Tier 3

💁‍♂️ده مثال مهم بيعرفك انك تطلب فحوصاتك على مستويات وما تطلبش تحليل كتير من اول مره إلا لو كان سياق الحاله صعب ومركب ومحتاج كده

Key message 📩

Order investigations in Tiers to make your decision accurate and also to avoid missing any thing .. this will decrease the cost burden as well

د. حسام مختار

Male patient 19 years old
Present to ER by recurrent vomiting after head trauma
No other red flags

إحذر وإنتبه فكم فى الزوايا من خبايا

🏥لو جالك مريض بيشتكى من vomiting 🤮:
فى خمس  serious cause 🔥
لازم تستبعدهم الأول عشان المريض متروحهوش ويموت فى البيت👹
🧠1- CNS :
Brain tumor
الترجيع بيزيد الصبح وبيقل بليل وبيصحى من النوم عنده صداع
Trauma
أسال الشخص هل اتخبطت على رأسك أو وقعت على رأسك

فى الحاله دى بنعمل CT brain

🩸2- DKA
هتلاقيه طفل صغير ورفيع ونفسه سريع
ممكن يكون مريض سكر وأهله ميعرفوش
ودخل فى DKA أو شخص كبير مريض سكر ومهمل فى علاجه
بنعمل randam blood sugar
و acetone in urine, ABG

🫀3-inferior MI
غالبا هيكون مريض  old age , diabetic
أعمل ليه ECG

🪚4- surgical
ممكن يكون عنده intestinal obstruction إسال إذا كان عنده constipation ولا لا

ممكن تكون appendicitis لكن مش هيرجع كتير والشكوى اللى هتجيبه المستشفى abdominal pain

إعمل palpation لل abdominal ولو لاقيت tenderness
إطلب abdominal x-ray, abdominal ultrasound, urine analysis

🤰5-pregnancy
هيا عيب فى حقك لو معرفتهاش  لأن هتلاقى أمها جايه معاها أصلا وعايزه تتأكد منك مش أكتر
أسال عن menstrual cycle لو بقالها فتره قاطعه إطلب ليها سونار

لينك قناة الطوارئ
https://t.me/EmergenceCourse

معلومة مهمة جدا في ال clinical practice رغم بساطتها

لما يبقى عندك مريض عنده انيميا
ما تطلبش Ferritin بس
لانه Acute phase reactant هيعلى لو فيه أي inflammation or infection أو chronic disease
وبالتالي ممكن العيان يبقى عنده أنيميا نقص حديد ويطلع طبيعي أو حتى عالي في الظروف دي

الحل

إنك تطلب معاه ESR و CRP

أو

إنك تطلب Iron profile كامل بمعنى:

Serum Iron
TIBC

وتحسب منهم الـ Transferrin Saturation
بإنك تقسم الـ Serum Iron على الـ TIBC وتضربهم في 100

آخر ملحوظة: قبل ما تطلب Iron profile لازم تنبه على المريض إنه يبقى صايم 6 ساعات.

د. محمد ناجي

لينك قناة الطوارئ
https://t.me/EmergenceCourse

«دكتور إلحقنا بالله عليك… ابني بلع مغناطيس دلوقتي حالًا!»

— حضرتك متأكدة إنه بلعه؟
«أيوه يا دكتور، متأكدة جدًا.»

— طيب شكله إيه؟
«مغناطيس صغير وبيضاوي.»

تمام… أول حاجة: أشعة فورًا، ونحدد مكان الجسم وعدده، وهل هو فعلًا مغناطيس واحد ولا أكتر.

لكن هنا سألتها سؤال ممكن يبدو بسيط جدًا:

حضرتك متأكدة إنه مغناطيس #واحد_بس؟
ولا ممكن يكون بلع #اتنين؟
«هو بلع واحد يا دكتور…
...

هل هي تفرق؟»
آه طبعا .. تفرق فرق السما من الأرض! ⚠️

مغناطيس واحد في بعض الحالات، إذا كان الطفل بدون أعراض والمغناطيس بيتحرك بشكل طبيعي، ممكن تتم متابعته بالأشعة حتى يمر.

لكن #الكارثة لو كانوا مغناطيسين أو أكثر؛ لأنهم ممكن يتجاذبوا من خلال جدار الأمعاء، ويمسكوا جزءًا من الأمعاء بينهم، فيعملوا ضغطًا على الأوعية الدموية → نقص تروية → necrosis، وممكن يصل الأمر إلى perforation أو fistula ويحتاج تدخل جراحي.

والأخطر إن مغناطيسين متلاصقين ممكن يظهروا في الأشعة كأنهم جسم واحد؛ لذلك تحديد العدد بدقة مهم جدًا، وقد نحتاج أكثر من view للأشعة.

يعني لما الطفل يبلع مغناطيس…
السؤال مش بس: بلع إيه؟
السؤال الأهم: بلع كام واحد؟ 🧲⚠️

د. أحمد العجمي

لما يجيلك عيان بــ Acute Focal Neurological Deficit فده Stroke إلى أن يثبت العكس 🔥
طيب الجملة دي هستفاد منها ايه مادام كدة كدة في أكتر من تشخيص وهحاول أفرق بينهم قبل العلاج 🧐
هتستفاد إنك وانت بتاخد هستوري وبتعمل الفحص بتاعك هتكون ممشي العيان في مسار ال stroke لحد ما يثبت العكس ✋🏻

هو يعني ايه focal deficit أصلا 🙄
من إسمها هو مشكلة وفي نقطة محددة في المخ فأنا بشوف أثرها إن فيه function محددة عطلت من المخ ... زي ايه مثلا ؟
1️⃣ أي ضعف مفاجئ في إيد، رجل، نص الجسم (ضربنا مركز الحركة)
2️⃣ أي لخبطة كلام طلعت فجأة (ضربنا مركز الكلام)
3️⃣ أي فقدان رؤية مفاجئ (ضربنا مركز الإبصار)
4️⃣ أي تنميل في نص الجسم (ضربنا مركز الإحساس)
يبقى المشكلة من عامة لأ ده فيه نقطة محددة حصل فيها مشكلة أما الباقي سليم.

ده مش وقت تفكير طويل… ولا وقت طيب نخلي الـ CT بعد شوية.
ده اسمه: Acute Focal Neurological Deficit
وبالنسبة لنا … Stroke لحد ما نثبت العكس.

🔥 إمتى أقلق؟
لو المريض دخل عليك وهو عنده: 💢Sudden💢
🔴 Unilateral limb weakness 💪🏻
🔴 Unilateral numbness ⚡️
🔴 Difficulty in speech 🗣
🔴 Loss of vision in one field 👀
🔴 Abnormal gait 🚶‍➡️
🔴 Facial droop 🧏🏻‍♂️

العامل المشترك بينهم جميعاً إنه Sudden ده اللي بيخليك تترعب لأنه مادام الأعراض جديدة فأكيد المصيبة هتكون جديدة وممكن تتلحق لو اتحركت بسرعة ... عكس مثلا ما يكون العيان عنده شلل من 20 سنة ! خلاص مفيش حاجة نبكي عليها 🤷🏻

1st steps:
1️⃣ Check vital signs — الضغط مهم جدا
2️⃣ Glucose check — Hypoglycemia can mimic stroke
3️⃣ Onset of symptoms دي أهم سؤال هي اللي هتحدد يمكن إنقاذ ما تبقى ولا لأ

🖥 CT Brain ASAP to exclude hemorrhage.
لو CT is normal ولسه symptoms شغالة؟ ومفيش سبب أخر يفسر الأعراض
⬅️ اعتبرها ischemic stroke
⬅️ جهز نفسك للـ thrombolysis لو المريض جوه ال window
⬅️ واتصل بحد Neurology فورا

Time = Brain
كل دقيقة ضايعة = خلايا عصبية بتموت بلا رجعة.

د. محمد حسني

مهم جدا في عيان ال hepatic لما يكون جاي ب DCL أننا قبل مانتسرع ونقول أنه hepatic encephalopathy
أننا نستبعد الأسباب التانيه اللي تعمل DCL
مرضي كتير اعتقدنا انهم HE وطلعوا hypoglycemia
واتحسن بشويه جلوكوز
ومرضي كتير اتحجزوا علي HE وطلع stroke
عشان كدا لازم نمشي systematic
احنا عندنا اسباب ال Coma ممكن نحصرها في
Neurological causes or
Metabolic causes
هنفرق بينهم
▶️history
Acute or chronic DCL
Past history of neurological disorders
History liver disease
History of renal disease , or CKD
Drugs history or organophosphorus poisoning

▶️By examination
Signs of lateralization
Vital signs ( BP, PULS , RR , Temp , saturation , RBG )
Oliguria
Sign of decompensated liver disease ( jundice, ascites , ll edema )
Chest examination ( crepitation, wheez , tachypnea, silant chest , cyanosis)
Shoced
Earthy look for kidney disease

▶️investigation
urea, creat
Electrolyte
ABG
CBC ,CRP
في ال neurological هنلاقي
Acute onset
Sign of lateralization
ودي هنعرفها من فحص ال
Muscle tone
Power
Babinski sign
ونعمل CT Brain
ال metabolic دي هتبان من ،ال
Vital signs
لو العيان feverish هنفكر في انفكشن وندور علي
UTI
chest infection
Bedsore
Infected Surgical wound
Miningitis
الموضوع أوسع من كدا بس دي حاجات مبدئيه مينفعش نغفل عنها .

د. إسلام نوار

لينك قناة الطوارئ
https://t.me/EmergenceCourse

عyou see what you know ..
عينك هتلقط اللى تعرفه ..

حكمة بسيطة لكنها فى الطب مهلكة والله..

استشارى طوارئ بيحكي في محاضرة عن حالة قابلته إن شاب كل شوية بيحصل له إغماء. هو بييجي الطوارئ، وقبل ما ييجي الطوارئ بيكون الشاب فاق لوحده مرة واحدة فيمشوه.. الشاب ده مالوش تاريخ مرضي لأي حاجة غير إنه تشخص عن دكتور مخ وأعصاب إنه مريض صرع، والنوبات اللي بتحصل له دي هي نوبات صرع، ومشى على أدوية مضادة للصرع لسنين.. الدكتور طلب منه رسم قلب كروتين لأي حالة إغماء، طلع عنده حاجة اسمهاBrugada syndrome. وكان طول السنين اللي فاتت دي متشخص غلط، مرض وراثى فى جين معين بيعمل لغبطة فى ضربات القلب وممكن تؤدى الى ان القلب يقف مرة واحدة. مش دي المشكلة، المشكلة إنها واحدة من أكتر الأسباب اللي بتخلي الشباب تموت موت مفاجئ..وده بالفعل اللى حصل لاخوه
تتلقط بمجرد رسم قلب، تغيرات بسيطة خالص. مش هيلقطها إلا اللي عارفها.

اكتر حد بيغلط فى الطب ..هو صاحب التشخيص الواحد ..اللى بيبص على الحالة يلقطها

الطب واسع اوى اوى ..وما اوتيتم من العلم الا قليلا
Dr Mohamed El oreaby

من اشتغل بالمتاح، فُتحت له أبواب كانت مغلقة. ومن ترك العمل بالمتاح زهدًا في قلته، حُجب عنه هذا المتاح، ولم يفتح له ما خلفه.

محمد فتوح

بشكل عام
حالات ال
Hypertension Emergency
لازم يتم تنزيل ال BP بشكل Gradually باستخدام I.V Drug ...
ف خلال ال ساعة الأولى ،بننزل الضغط بمقدار 25% ك حد أقصى .
وخلال 6:2 ساعات بنوصله 110:160 /100

وبنحتاج من 48:24 ساعه عشان يرجع لل Normal ..

باستثناء 3حالات :
1⃣ Aortic Dissection
لازم ينزل الضغط لأقل من 120
خلال اول  20دقيقه لمنع ال Aorta Rupture  .

2⃣ Severe preeclampsia or eclampsia
هنا لازم الضغط ينزل لاقل من 140 mmhg خلال اول ساعه ..

3⃣ Pheochromocytoma Crisis
بردو لازم خلال اول ساعه ينزل تحت ال 140
غير كده أي حاله HTN emergency لازم الضغط ينزل Gradually .

رسالة الى شباب الاطباء 💕✨

لما زميلك من تخصص تاني يحولك حالة ، كانت بتكشف عنده ، وهو شك في حاجة تبع تخصصك وبعت المريض لك عشان يطمن .

فزميلك ده يشكر حرصه وتوجيهه للمريض .. وهو باعته لتأكيد او نفي التشخيص اللي شاكك فيه ..

فبمجرد ان المريض يبلغك ان زميل طلب التحويل ده .

فانت ادامك حاجة من الاتنين بعد فحص المريض :

الاول : ان المريض يطلع عنده مشكله فعلا ، وهنا بعد الفحص وكتابة العلاج ، لازم تنوه في كلامك مع المريض على ذكر الزميل اللي شك في الحالة وحولها وانه له فضل في علاج الحالة دي بتحويلها ، يكاد يوازي فضلك في علاجها .

التاني : ان المريض الحمدلله يكون سليم ، ومفهوش المشكلة اللي الزميل شك فيها ، فانت لازم بعد ما تطمن المريض انه الحمدلله كويس ، تنوه امام المريض على شكر الزميل اللي حول الحالة ، وتوضح للمريض ان الزميل كان شاكك في كذا عشان كذا ، واحنا عملنا كذا عشان نتأكد من شكه ده صحيح او لا ، والحمدلله طلعنا كويسين .. وان الزميل يشكر انه مأهملش المريض عشان لو الحاجة اللي كان شاكك فيها دي كانت موجودة، كانت هتبقى مشكلة كبيرة جدا ولو متمش التعامل معاها .

انا فاكر حالة ، زميل دكتور عظام حولي حالة بسبب ألم في الصدر و الكتف الشمال ، والدكتور استبعد مشاكل العظام والمفاصل واتأكد انها مش موجوده.

فحولها لتخصص قلب ، خوفا ان المريض يكون في ذبحة صدرية ..

المريض لما جالي وفحصته ، طلع التشخيص حزام ناري ، وغالبا مكنش الطفح الجلدي ظهر وقت وجود المريض عند طبيب العظام .

فهنا طمنت المريض ان قلبه سليم ، وان تصرف الدكتور في محاولة استبعاد السبب الاخطر كان لمصلحة المريض ، وانه يشكر على ده ، وان دوره لو كان اقتصر على انه يقول للمريض عظامك ومفاصلك سليمة ، فساعتها مكنش هيبقى مطلوب منه اكتر من كدا .

فكان لازم المريض يفهم الكلام ده ، وان الدكتور يشكر انه استبعد مشكلة تخصصه ، وحاول يساعد المريض على اد ما يقدر في توجيه ، وده ممكن يكون معرض للصواب او الخطأ .

د. محمد إمام

جالي شاب 24 سنة بيشتكي من
Palpitations and Unintentional weight loss with good appetite and good oral intake
فقد كتير من وزنه بقاله فتره مع تسارع في ضربات القلب (tachycardia) رغم أنه بياخد جرعه عاليه من Inderal
طبعاً بديهيا اول حاجه أي حد هيفكر فيها هو ال Hyperthyroidism
لقيته قبل ما اتكلم بيقولي "ومتقوليش اعمل تحليل غده درقيه انا عملت 3 مرات وكل مره التحليل كويس وكشفت اكتر من مره ومش لاقي حل للموضوع دا
هو كان بياخد رأيي شفويا لكن بعد كلامه قولت ما بدهاش بقي لازم فحص بصيت عليه
أولا
🔹1) Generally he looks stressed
واضح عليه أثر التعب كأنه عامل مجهود شديد مع إنه قاعد مبيعملش حاجه

🔹2) Tachycardia at rest with +ve water hummer pulse
عنده تسارع ضربات القلب في وضع الراحه كانت واصله
ل140b/min

🔹3) Tachypneic
عنده نهجان متوسط ( معدل تنفسه سريع) في وضع الراحة برضو

🔹4)his skin is hot and wet
جلده دافئ بل سخن شويه وعرقان

🔺5) fine tremors
رعشه بسيطه في يديه

🔺5) Hypertensive:BP:150/80 which is called Isolated systolic hypertension with hyperdynamic circulation
ضغطه غالي خاصة ضغط الدم الانقباضي (SBP)

أينعم مكانش فيه other general signs زي جحوظ العين مثلا او تغيرات في لون الجلد
No apparent thyroid orbitopathy no thyroid dermatopathy .

قولتله لعند دلوقتي كل دا ماشي مع نشاط زيادة في إفراز الغدة الدرقية (Hyperthyroidism) ابتسم وقال برضو ماهو الدكاتره قبلك قالو كده طبعاً عشان هو medical field كان صعب إقناعه
قولتله نكمل examination للغده نفسها

🔹1) Diffuse symmetrically enlarged anterior neck swelling that moves up up an down with deglutition and shrinks in size on sternomastoid muscle contraction indicating Diffuse thyroid swelling not Nodular
الغده حجمها كبير ومتناسق

وهنا كلام لازم أقنعه بحاجه في الفحص تخليه يوافق يعمل تحليل الغده الدرقيه للمره الرابعه

حطيت السماعه وسمعت بال Cone علي الغدة سمعت
🔺3) Thyroid Burit which was systolic and diastolic
وخليته يسمع ال Bruit بنفسه عشان يقتنع
Thyroid bruit = Graves' disease until proven otherwise
قولتله هنعمل تحليل سريعاً لأن بالفحص فاحنا كده
Impending thyroid storm
ودي very critical

وافق أخيراً إنه يعمل تحليل الغدة الدرقية وقولتله نعمله في ميجا لاب ويكون trusted
Guess what?!
كان مذهولاً من النتيجه اللي طلعت نشاط شديد للغده لدرجة أن الرقم اكبر من قدرة جهاز التحليل من إنه يقراها طالع
FT3>18
وفي معمل محترم زي الفا لاب
وراح سحبه في مكان تاني يأكد برضو وطلع فعلاً نفس النتيجة
طبعاً بدأنا علاج مباشرةً والحمدلله حصل تحسن تدريجي كان لازم نأكد التشخيص بThyroid sacn وخلاص confirmed Grave's disease
والحمدلله حققنا complete remission وال thyroid profile بقي normal اينعم الأعراض فضلت مستمره فتره رغم العلاج لكن استجاب مع الوقت وزاد كمان ف الوزن حوالي 15كيلو .
.....
وهنا تأتي القاعدة الذهبيه وهي
🔺Clinical is the King
وهي قاعده أستاذنا وتاج رأسنا استاذنا الدكتور محمد الألفي حفظه الله.
زي ما عملنا استاذنا (صدق عينك وفحصك قبل أن تصدق التحاليل والأشعة اللي يمشي مع الفحص أهلا وسهلا اللي يعارض الفحص يُفند حتي تستبين صحته).

حاله زي دي لو تقعد تتأمل فيها هتلاقي فيها دروس كتيرة جداً غير الطب .
أولا تعرف قيمة نفسك كويس وتضعها في موضعها كدكتور إنك مش ساحر ولا انت اللي بتشفي عيان ولا انت اللي جامد وبتعرف تشخص لا أبدا ما في 3 دكاتره قبلي شافوه وأنا متأكد انهم علميا أفضل مني بكثير إنت بتشخص وتعالج المريض فقط لأن الله أذن له بالشفاء انت مجرد وسيلة فقط" فلا تعظم من نفسك فتعطها ما لا تستحق وما لا تطيق".
عشان كده وصية استاذنا الدكتور علي حسيب لينا ( كان بيقول ادعي يبني ربنا يبعتلك المريض اللي ربنا أذن ليه بالشفاء)

وأخيراً سؤال مهم ياريت تبحثوا عنه :
هل أعراض زيادة إفراز الغدة الدرقية ممكن تظهر علي المريض قبل ما يظهر زيادة الإفراز في التحليل ؟
Could thyrotoxicosis be clinically manifested before even being laboratory obvious?!

د محمد السيد حسونه

أنَّ رَجُلًا قال: يا رَسولَ اللهِ، إنَّ لي قَرابةً أصِلُهم ويَقطَعوني، وأُحسِنُ إليهم ويُسيئونَ إليَّ، وأحلُمُ عنهم ويَجهَلونَ عليَّ، فقال: لَئِن كُنتَ كما قُلتَ فكَأنَّما تُسِفُّهمُ المَلَّ، ولا يَزالُ معكَ مِنَ اللهِ ظَهيرٌ عليهم ما دُمتَ على ذلك.

لما يكون حد عنده اسهال اوعي تديله عصير من المعلبات وتفكر انت كدا بتديله سوائل تعوض الي بينزل. يا سيدي انت بتديله hyperosmolar solution يعني محلول تركيزه عالي بيزود الاسهال. لكن الصح هو انك تديه عصير فريش وتخفه بالمياه ٥٠٪؜ مياه وتحط معلقه سكر واحده وبكدا سهلت عمليه امتصاص المياه من العصير 😉
_______

salah_eleraQaty

بمناسبة المؤتمر المصري للصداع هأقولكم ١٠ مفاجأت عن الصداع
اتناقشت في المؤتمر
١- ارتفاع ضغط الدم المزمن و انخفاض ضغط الدم المزمن مش بيعمل صداع .. و ده طبعا بخلاف المعتقد السائد .. و لذلك الصداع في مريض الضغط..غالبا مش من الضغط لازم نشوف السبب

٢- الصداع النصفي اللي هو الشقيقه مش لازم يبقي نصفي ممكن يبقي في الدماغ كلها و مع ذلك اسمه نصفي أو شقيقه
و بالعكس هناك صداع  في ناحية واحدة و عمره ما يبقي كلي أو في الناحيتين  و مع ذلك ده مش صداع نصفي أو شقيقه ..ده صداع عنقودي

٣- بوتوكس التجميل يستخدم بنجاح في علاج الصداع النصفي المزمن عن طريق الحقن في فروة الرأس و الجبهة و الكتفين

٤- حقن المونجارو و الاوزمبيك  الشهيرة بتاعت السكر و التخسيس
عامله نتايج هايله في علاج ارتفاع ضغط المخ الحميد IIH

٥- الإفراط في أخذ البنادول و الكتافلام و المسكنات الأخري ممكن تزود الصداع لأنها بتعمل نوع إضافي من الصداع اسمه صداع الإفراط في المسكنات

٦- الصداع الحديث اللي لسه باديء قريب أو اللي كان موجود بس زاد مؤخرا  اهم و يستحق زيارة دكتور المخ والأعصاب بسرعة  اكتر من الصداع اللي بقاله ٢٠ سنه
ده مش معناه الصداع القديم مش مهم ..مهم برضه ..بس الحديث أهم

٧- الصداع في الاطفال منتشر جدا ..ممكن يجيي بأشكال غريبه ..زي مغص أو دوخه أو عصبيه زياده و له علاج وقائي ناجح

٨- أحدث علاج للصداع النصفي هي أدوية ال CGRP و هي حقن شهرية تحت الجلد تحسن الصداع جدا و بسرعة و تقريبا بدون أعراض جانبيه ذات أهمية

٩- صداع الدورة الشهرية الشهير جدا  ممكن تفاديه بأقراص وقائيه تتاخد قبل الدورة بكام يوم

١٠- مش كل مريض عنده صداع لازم يعمل اشعه علي المخ.. دكتور المخ والأعصاب يقدر يميز مين اللي محتاج اشعه و مين اللي مش محتاج .. فحص الأعصاب و قاع العين مهم جدا بواسطة د. المخ والأعصاب لتحديد هنعمل اشعه و لا لأ

د عمرو حسن الحسني

المريض الى عنده نزيف بالجهاز الهضمى ونزل دم من الشرج  ازاى تعرف جاى من الجزء العلوى ولا السفلى :
لو النزيف احمر fresh blood يبقى جاى من ال lower git tract
وهيحتاج منظار قولون
زى حالات rectum tumors
وال cancer colon وال ulcerative Colitis

اما لو النزيف جاى من الشرج لونه اسود melena دا يبقى جاى من ال upper  git tract
لان طالما الدم بقى اسود معناها انه اتأكسد والحاجه الى هتعمل ده هو HCL بتاع المعده فمعنى كده ان الدم عدى على المعده واتكسر
والحالات دى هتحتاج منظار جهاز هضمى علوى
زى حالات ال peptic ulcer
وال  chronic Oesophagial varices bleeding in hepatic patient

طيب لو الدم جاى الاتنين فيه احمر فريش وكمان معاه melena
دا يبقى غالبا من الجزء العلوى ولكن النزيف كان كتير فنزل منه دم من غير ما يتاكسد وجزء منه اتأكسد
او ان المريض بينزف من اكتر من مكان فى الجهاز الهضمى

ملحوظه / اقراص الحديد بتخلى البراز لونه أسود ودى مش melena فلازم نسأل المريض الاول بياخد اقراص حديد ولا لا

معلومة في ثواني 🧠

مريض عنده Acute asthma attack
لو الـ SpO₂ اتحسنت بعد الأكسجين ❌
مش معنى كده إن الأزمة اتحلت.

الأكسجين بيعالج Hypoxemia
لكن الـ Bronchospasm محتاج Bronchodilator therapy.

🔥 الخلاصة:
تحسن الـ SpO₂ ≠ انتهاء الـ Asthma attack.

Dr Mohamed Tarek