أستاذ درس لى باثولوجى من ٢٥ سنة بقابله فى العمليات بيناظر عينة لمريض أنا الاستشارى اللى مخدره
.
طبيب امتياز كان بيسألنى ياخد نيابة إيه ، مرت السنوات و كان هو الجراح اللى عمل لى عملية
.
أستاذ امتحننى فى البكالوريوس لقيتنى بخدره بعد ١٠ سنوات بيزرع كلى
.
استاذ درس لى فى سنة أولى خدرته بعدها ب ٢٠ سنة فى عينة نخاع لاشتباه ورم
.
الفنى اللى كان بيساعدنى مرت الأيام و كان بيساعد الزميل اللى خدرنى. العامل اللى بينقل المرضى معايا جه اليوم اللى نقلنى
.
العمر بيجرى و القوى بيضعف و الصغير بيكبر و الجمال بيكرمش و النفوذ بيتلاشى .
لا تستصغرن ضعيف و لا تقللن من صغير ، و لا يغرنك علمك و لا نفوذك و تواضع لله و لخلقه ، و ركز فى حفرة التراب اللى منتظرانا جميعاً

Dr Ahmed Hasanin

من حوالى إسبوع نزلنا CT brain شبه دى بالضبط
وعرفنا إن النقطه البيضا دى اسمها
Dot like sign
ودى
early sign of ischemic stroke
وبما إنها فى ال
RT cerebral side
يبقى هتأثر على ال Lt side of arm, leg

مش تأثر على ال RT side

حالة قريبتي hepatic دخلت في Coma  قيست السكر لقيته 31 ركبنلها جلوكوز والأمور اتحسنت دخلت في Coma  تاني بعد شهر فراحت المستشفي الجامعي اتعاملوا معاها hepatic coma  لمدة 3 ايام كلمت ذويها لازم نعمل مقطعية ونطمن طلع خدوها برة طلعت نزيف في المخ والتهابات شديدة وليها 10 ايام عناية مركزة حاليا تقدم بسيط ودكتور المخ والأعصاب بيرجع السبب لتأخر التشخيص

د.عبده ابراهيم

"المريض الوحيد... اللي كنت أتمنى يكون عنده جلطة."

دخل العيادة رجل يبلغ من العمر 52 عامًا.
أول ما قعد...
حط إيده على صدره وقال:
"يا دكتور... أنا عايز أطمن إن دي مش جلطة."
سألته:
"الألم بدأ إمتى؟"
قال:
"من أسبوع."
ابتسمت...
وقلت في نفسي:
جلطة أسبوع؟!

بدأ الألم فجأة.
في منتصف الصدر.
شديد جدًا.
"كأن حد غرس سكينة."
ثم بعد دقائق...
بدأ ينتقل إلى منتصف الظهر.
ومن وقتها وهو موجود...
مرة يزيد...
ومرة يخف.
يزيد مع الحركة.
ويزيد مع النفس العميق.
لكن لا يختفي تمامًا.

المفاجأة الأولى...
خلال أسبوع واحد...
زار اتنين مختلفين من اساتذتنا
عمل:
ECG مرتين.
Troponin ثلاث مرات.
Echocardiography.
وجميعها... طبيعية.

خرج في المرتين بنفس التشخيص:
Musculoskeletal chest pain.
ومسكنات.

هنا بدأت أفكر...
لو أنا مكان اساتذتي
كنت هفكر في نفس القائمة.
Acute coronary syndrome.
Pulmonary embolism.
Costochondritis.
GERD.
ولا يوجد شيء حتى الآن يجبرني على التفكير خارج الصندوق.

لكن...هناك قاعدة تعلمتها بعد سنوات من الباطنة...
إذا لم يفسر التشخيص كل القصة... فابحث عن قصة أخرى.

الفحص الإكلينيكي
ضغط الذراع اليمنى:
170/90
ضغط الذراع اليسرى:
145/80

قيسته تاني .. نفس الفرق.
تحسست النبض.
Radial pulse...
في اليد اليمنى طبيعي.
في اليد اليسرى...
أضعف بوضوح.

وهنا...بدأت القائمة في رأسي تتغير.

سألت سؤالًا اخيرا ...
"الألم أول ما بدأ... فضل ثابت في مكانه؟"
بصلي باستغراب.
وقال:
"لأ..."
"كان في صدري..."
"بعدها حسيت بيه في ضهري..."
"وبعدين نزل لتحت."

الجملة دي...
غيرت كل حاجة.

في اللحظة دي... كان فيه أربع تشخيصات في دماغي.
الأول...
ACS.
لكن Troponin طبيعي أكثر من مرة.
والألم استمر أسبوعًا بهذا الشكل.
الثاني...
Pulmonary embolism.
لكن الصورة الإكلينيكية لا تدعمه بقوة.
الثالث...
Musculoskeletal pain.
لكن...
فرق الضغط بين الذراعين لا يفسره.
ولا اختلاف النبض.
ولا انتقال الألم.

أما الرابع...
فكان المرض الكارثة الذي نخشى جميعًا أن نفكر فيه...
لأنه لو كان صحيحًا...
فالوقت لا يعمل في صالح المريض.

هنا كان عندي قرار.
هل أطلب D-dimer؟
هل أكرر Troponin؟
هل أعيد Echo؟
الإجابة... لا.

ليس لأن هذه الفحوص اصبحت عديمة الفائدة في هذه الحالة ...

طلبت الفحص الذي سيجيب عن السؤال مباشرة.
طلبت...
CT Angiography للأورطي.
النتيجة...
Stanford Type B Aortic Dissection.
بدأ بعد منشأ الشريان تحت الترقوة الأيسر.
وامتد حتى مستوى الشريان الكلوي الأيسر.
لحسن الحظ...
لم يكن هناك دليل على:
Rupture.
Malperfusion.
Visceral ischemia.

العلاج
دخل المريض العناية المركزة مباشرة .
وبدأ زمايلنا في
Intravenous Esmolol لخفض قوة اندفاع الدم (anti-impulse therapy).
Analgesia قوية.
خفض ضغط الدم تدريجيًا إلى الأهداف الموصى بها.
تقييم عاجل بواسطة جراحة الأوعية الدموية.
وبما أنه Type B غير معقد...
تم العلاج التحفظي مع متابعة دقيقة، وفق الإرشادات الحديثة.

من اكبر الاخطاء في هذه الحالات...
ليست عدم تشخيص الـAortic Dissection.
بل...
تشخيصها على أنها Acute Coronary Syndrome وإعطاء Heparin أو مضادات التجلط قبل استبعاد الـDissection.
في بعض المرضى...
هذا القرار وحده قد يحول حالة مستقرة...
إلى نزيف كارثي.

الرسالة التي تعلمتها من هذه الحالة
الـECG الطبيعي لا يطمئنني... إذا كان التاريخ المرضي لا يطمئنني.
وأحيانًا...
أغلى فحص في الطب...
ليس الـCT.
ولا الرنين.
ولا حتى القسطرة.
أغلى فحص... هو أن تقيس ضغط الدم في الذراعين بدلًا من ذراع واحدة.

دمتم بخير

Dr Waleed Mahmoud

بعض النِعم لا نشعر بقيمتها…
إلا حين نفقدها.

هدوء البيت…
راحة القلب…
وجود من نحب حولنا…

أشياء تبدو عادية في أيامنا،
لكنها في الحقيقة من أعظم الأرزاق.

اللهم لا تغيّر علينا حالًا أنعمت به علينا،
واحفظ لنا ما لا نعرف قيمته إلا إذا غاب.

اللهم إنا نعوذ بك من زوال نعمتك وتحول عافيتك وفجأة نقمتك وجميع سخطك

أكثروا من الصلاة على من تُفرَّج بالصلاة عليه الكروب…
ًاللهم صلِّ وسلِّم وبارك على سيدنا محمد صلاة تنحل بها العقد وتنفرج بها الكرب وتفتح لنا بها يا مولانا أبواب الفرج ...

Dr Waleed Mahmoud

دكاتره
دكتور أحمد موافى عمل كتاب نيورو ولا لسه ؟
لأن سمعت إن كان هينزل الكتاب من فتره
حد عنده معلومه

بذاكر الفتره دى نيورو
فبحاول أتعلم إزاى أقرا الرنين ( MRI )
عشان بقا بيقابلني كتير وبقف متردد قدام الحالات
فالدكاتره اللي بسمعها بحسها بتشرح لإستشاري أشعه
نفسي أسمع حد يكون بيشرح لمستوى طفل بيحاول يقرأ أ ب 😂

عندي عتاب صغير لزملائي
كتير بشوف منشور لشباب الاطباء بيسأل سؤال قد يكون بسيط او قد يكون سؤال غريب او عجيب او حتى قد يكون للبعض سؤال ممنوع يتسأل من وجهة نظره

اللي بيضايقني هو رد الفعل الحقيقة ، زي حد يسال عاوز بتعلم آكتر عن الامراض الجلدية في الأطفال ، فحد يقوله سيبوا الحاجات لأهل التخصص حد باعت يسألىعن جرعة مضاد حيوي فحد يقوله بتعملوا ايه في النيابة

السؤال البسيط ده في وجهة نظرك ممكن يكون ورا مشكلة كبيرة عند الشخص ممكن يكون موجود في مستشفى هو الوحيد اللي فيها طبيب أطفال ، جايز يكون ده سؤال يدخل يسأله عن التخصص و لو قعدنا نقول سناريوهات شبيهة مش هنخلص

قد يكون ربنا انعم عليك بحد أكبر منك علمك او مكان منظم او او او الخ

على فكرة فيه شابتر في الأطفال اسمه جلدية و لازم تذاكره كويس

عارف ان ممكن تطلب من عيان يروح لدكتور جلدية في عيادة وهو يكون مش محتاج يروح عيادة هو محتاج يروح مستشفى عشان ياخد IVIG طب هتعرف ازاي يقى العلامات دي

هو أكيد أنا مش هعالج عيان الصدفية ولا عيان البهاق بس لازم أبقى شاطر جدا جدا في ال Differential diagnosis of rash مثلا لاني ممكن اروح طفل وممكن اخليه يروح مستشفى وممكن ابعته لزميل جلدية

وكذلك اي تخصص لو حد عاوز يقرأ اكتر في أمراض الجهاز الهضمي في الأطفال مش معناها إنه هاوز يقى بتاع مناظير ولو حد عاوز يتعمق في سكر الأطفال مش معناها انه هيشتغل غدد اطفال

الشاهد اللي بيسأل ده افضل مليون مرة من اللي بيتعامل بدون علم

حتى لو سؤاله غلط متكرهوش في السؤال وضحله بالراحة بعيدا عن التهكم ، عرفه المصدر قوله يتصرف ازاي

زي طبيب رافع صورة أشعة لطفل الأشعة واضح إن فيها شئ خطير ومحتاج تدخل عاجل

اما تدخل تكلم الطبيب مباشرة وتعرف منه هي الحالة معاه دلوقتي ولا حالة شافها ومشت وهو بيسأل كان فيها إيه

إنك تتريق او تقوله" انتو بتهببوا ايه في العيال" ده مش هيخليه يتعلم ولا يعرف وبعد كدة هيفكر مليون مرة قبل مت يسأل وبعدها هيمتنع و ده اسوا مليون مرة

قوله السؤال ده مينفعش بالطريقة دي انصحك تنزل مكان فيه تعليم وتوضحله ليه

عرفه إزاي يبدأ ممكن البديهيات أللى عندك دي تكون بالنسباله طلاسم او قد يكون مش عارف أصلا هو فيه إيه

أتمنى مكونش طولت عليكم

Dr Ahmed Mohamed

_أقصي جرعه لحقن الحديد هي حقنتين فقط في اليوم ويتم حل الحقنه في محلول ملح فقط ،كل امبول فيروساك او سكروفير ١٠٠مجم يحتاج ٩٥سم محلول ملح ويعطي ببطء شديد علي مدار ساعتين حتي لا يسبب انخفاض الضغط واكتر من امبولين في المره الواحده ممكن يعرض المريض لمضاعفات iron overload

🏈_اذا حليت الحقن في اكتر من ٩٥سم للامبول الواحد مركب الحديد هيفقد فعاليته
🏈_حقن فيروساك وسكروفير للحقن الوريدي بس ،اوعي تعطيها عضل لانها alkalinic الاس الهيدروجيني من 10.5ل 13.5
وممكن تسبب sever irritation للعضله
🏈_لا تعطي حقن الحديد اذا كان المريض عنده اي عدوي بكتيريه او حرارته مرتفعه لان حالته هتسوء جدا لان الفيريتين بيزود نشاط البكتريا
🏈_اوعي تعطي الحديد في جلوكوز لان دي غلطه طبيه كبيره وممكن
تسبب Thrombophelipitis يعني التهاب في الوريد وجلطه للسيده الحامل في الساق
🏈_ودي ملحوظه هامه جدا انه يجب وقف اي حبوب حديد بالفم اثناء او بعد تعليق محلول الحديد لحين مرور اسبوع لانها لا تمتص
د. أحمد عبدالحافظ

🇺🇸: that’s a critical case with GCS 3/15
🇸🇦: الحالة حرجة للغاية ومستوي الوعي سيء
🇪🇬: بص بقا ي حبيب اخوك انا هسلمك حلاويات الرعاية , عروسة , مش محتاجة شغل خالص وهتخرجها معاك

مش كل أنيميا = نقص حديد… أحيانًا بتبقى قنبلة موقوتة

البداية كانت بسيطة جدًا…
بنت 27 سنة
جاية تشتكي من:
إرهاق مستمر
دوخة
تنميل في الأطراف
خفقان
ضعف عام

أي حد ممكن يقول:
“أنيميا وخلاص”
وده فعلاً اللي حصل 👇
أول تشخيص (ومتكرر جدًا)
تم تشخيصها: Iron deficiency anemia انيميا نقص حديد
واتكتب لها حديد…
ومفيش أي تحسن

هنا بدأت القصة الحقيقية
لما عيدنا التحاليل كويس
CBC:
Hb منخفض
MCV منخفض → microcytic anemia
لحد هنا كله يقول نقص حديد
لكن…
الحاجة اللي قلبت التشخيص 180 درجة
Ferritin:
1800 – 2000 !!!
Iron profile:
Transferrin saturation = 100%
TIBC منخفض

دي مش نقص حديد…
دي Iron overload

هنا دخلنا في Differential محترم

Thalassemia
Sideroblastic anemia
Chronic disease
Iron overload disorders

الضربة القاضية
Hemoglobin electrophoresis:
👉 HbA2 = 5.2%

التشخيص: انيميا البحر الابيض
Beta-thalassemia trait

طب إيه المشكلة بقى؟
المريضة:
كانت بتاخد حديد وهي مش محتاجة
وعندها بالفعل iron overload

يعني:
العلاج كان ممكن يضرها مش يفيدها

طب الفيريتين العالي ليه مهم؟
لأن مع الوقت ممكن يعمل:
Liver damage مشاكل للكبد
Cardiac issues مشاكل للقلب
Endocrine مشاكل للغدد

طب التنميل اللي كانت بتشتكي منه؟
Nerve conduction: 👉 Peripheral neuropathy
وده ممكن يتفسر بـ:
metabolic effect
أو overload related toxicity

الخلاصة اللي تهمنا
مش كل microcytic anemia = نقص حديد
مش كل Hb قليل = اكتب حديد

بص على:
Ferritin
Iron profile
Hb electrophoresis

فلو عندك:
أنيميا مش بتتحسن
أو بتاخد حديد ومفيش فايدة

ما تكملش علاج وخلاص
✔️ اعمل تقييم كامل

“Treat the patient… not the lap.”
بنعالج المريض وليس التحاليل

في الآخر
الحالة اتحولت من: تشخيص سهل غلط
إلى
✔️ تشخيص دقيق أنقذها من علاج ممكن يضرها
والحمد لله دايمًا إن ربنا بيوفقنا نلقط التفاصيل الصغيرة اللي بتفرق

دمتم بخير

Dr Waleed Mahmoud

دخل عليا زوج وزوجته يعملوا سونار ، بصيت على الملف لقيت الاسم: عبد الله ، ناديت: “اتفضل يا أستاذ عبد الله.”

لقيت الست قامت و الراجل قاعد ! قلت له: “هو مين اللي هيكشف؟” قال: “هي.”

قلت: “أمال عبد الله ده مين؟ قال : “أنا.” و بناديها بـ اسمي برده

بعد الفحص اكتشفت إن الحالة غالبًا محتاجة عملية، فقلت له:
“بص يا حاج، التقرير ده ورقة رسمية، ولو الاسم مش صح ممكن بعد كده يقولوا ده تقرير حد تاني. قولي اسمها الحقيقي زي البطاقة عشان اكتبه ”

فضل يلف ويدور و يكلمني عن العادات و التقاليد وبعد محاولات إقناع كتير قدرت أغير طريقة تفكيره و قالي خلاص يا دكتور اكتب اسمها .. أم كريم !


Dr Mohamed elshemee

مفيش قمّة وقاع
التفكير دا لازم يموت
بعد اكتمال ظهور النتيجة خليك حنيّن على نفسك وتقبّل مشاعر أهلك.
هم كافحوا عشان انت توصل وليهم احلام وآمال فيك حتى لو انت شفت انهم غلطانين.
مهما حصل في النتيجة اِفْهم ان اللي وصل بالغش عمل حرام ويفضل حرام ليوم الدين لأنه اخد حق العباد، واللي وصل بمجهوده حقيقي وصل بس برحمة الله ، واللي ما وصلش لحلمه ما يزعلش، ولازم يفضل فاهم انه ممكن يبقى قمّة في اي مكان احسن ما يكون قاع في مكان الناس بيقولوا عليه قمة.

د. حازم عبد التواب

🔥 هام جداً لأطباء الطوارئ و الباطنة و العناية المركزة

الحالة اللي بنشوفها كل يوم في الطوارئ: عيان داخل عليك بيقولك "يا دكتور عيني زغللت فجأة ومبقتش شايف بيها لمدة ٥ دقائق والموضوع فك"، أو "إيدي وقفت خالص لمدة ربع ساعة ودلوقتي زي الفل".

بتبص عليه بتلاقي الـ Neurological Examination سليم تماماً، فممكن تتغر وتقول "الحمد لله دي جت سليمة" وتطلعه بـ Aspirin وتروحه.. بس خلي بالك! إنت غالباً بتتعامل مع قنبلة موقوتة.

عينى وأنا بطالع وقعت على مؤتمر اسمه Journées de Neurologie de Langue Française (أيام الجمعية الفرنسية لطب الأعصاب / المؤتمر السنوي لطب الأعصاب باللغة الفرنسية). و ده واحد من أكبر وأشهر المؤتمرات السنوية في مجال طب الأعصاب (Neurology) على مستوى فرنسا والدول الناطقة بالفرنسية، وبيصدر عنه أو يُعرض فيه أحدث التحديثات الإكلينيكية والـ Guidelines والملخصات العلمية الخاصة بأمراض المخ والأعصاب (زي الـ TIA، والـ Stroke mimics، واضطرابات الذاكرة العابرة).

خد بقى عندك "خلاصة" الـ JNLF 2026 عن الـ Transient Neurologic Symptoms وإزاي متقعش في الفخ:

1️⃣ الـ TIA مش مجرد "تشخيص إكلينيكي"
التعريف الجديد للـ TIA بيعتمد على الـ Clinical والـ Imaging مع بعض.
لو العيان عنده Transient deficit بس فيه "بقعة" ظاهرة في الـ DWI-MRI، ده بيتشخص Cerebral Infarction فوراً حتى لو الأعراض فكت.
الزتونة:
الـ Stroke risk بعد الـ TIA ممكن يوصل لـ ٢٥% خلال ٩٠ يوم، وأعلى ريسك بيكون في أول كام يوم. السرعة هي اللي بتحدد الـ Prognosis.

2️⃣ فخ الـ ABCD2 Score
ماتعتمدش بشكل كلي على الـ ABCD2 score. الدراسات لقت إن ٢٠% من العيانين اللي الـ Score بتاعهم أقل من ٤ (يعني مفروض Low risk) بيبقى عندهم High-risk lesions زي الـ Carotid stenosis

Clinical Pearl
أي حالة Suspected TIA لازم تتعرض على Specialist في خلال 24 ساعة، وتعمل MRI روتيني.

3️⃣ الـ Management الصح (Guidelines 2026)
Loading dose
أول ما تشك، ابدأ بـ 300 mg Aspirin فوراً

DAPT
الـ Combination بين الـ Aspirin والـ Clopidogrel بيدي حماية إضافية، بس ركز في المدة: أول ١٠ لـ ٢١ يوم بس بعد الـ Event.
الـ LDL target لازم ينزل لأقل من ٧٠ مجم لكل ديسليتر

4️⃣ الـ Mimics: إزاي تفرق بين الـ TIA والـ Epilepsy والـ Migraine؟
كتير من حالات الصرع (Seizures) بتتشخص غلط على إنها TIA. ركز في الفروقات دي:
Migraine Aura
بتبدأ بالتدريج (Gradual) وبتاخد من دقايق لساعة.

Epileptic Seizures
بتبقى قصيرة، Rapid onset، و Stereotyped (بتكرر بنفس الشكل)، وممكن يكون معاها Electrical sensations.

Todd’s paralysis
ضعف الحركة اللي بيجي بعد التشنجات ممكن يخدعك كأنه Stroke، والـ MRI والـ EEG في المرحلة دي ممكن يكونوا Inconclusive.

5️⃣ فزورة الـ Amnesia (فقدان الذاكرة العابر)

Transient Global Amnesia (TGA)
العيان بيفضل يسأل نفس السؤال لأنه مش عارف يخزن معلومة جديدة (Anterograde amnesia). مدتها من ٤ لـ ٢٤ ساعة، وغالباً بتحصل بعد مجهود بدني أو ضغط عصبي. الـ Imaging فيها بيبقى Normal.

Transient Epileptic Amnesia (TEA)
مدتها قصيرة (١٠ - ٣٠ دقيقة) وبتحصل غالباً Upon waking (أول ما يصحى). دي بتبقى Recurrent ومحتاجة MRI.

Transient Vascular Amnesia
دي بتيجي في السن الكبير (٧٠ سنة وانت طالع) مع Uncontrolled CV risk factors، ويكون معاها Neurologic signs تانية وصداع شديد.

💡 نصيحة للنبطشية:
لو جالك عيان بـ Dizziness أو Diplopia عابرة، متستسهلش وتقول "شوية دوخة". دي ممكن تكون Atypical presentation لـ TIA في الـ Posterior circulation.

Dr Ahmed bendary

خلي بالك ان مرضي ال cancer أياً كان مكانه بيزود الrisk of cerebrovascular events زي MI او stroke او Dvt او pulmonary embolism وجدير بالذكر بردو ان كل الanti cancer المستخدمه بتعمل نفس الشئ يعني الcancer وعلاجه الاتنين سهل يدخلوك فالمشاكل دي عن طريق أنهم بيعملوا arterial spasm وacceleration in atherosclerosis
and plaque repture and thrombosis
جدير بالذكر ان العيانين دول في نفس الوقت الrisk of bleeding فيهم عالي
المهم لو اتقالك دا دا مريض كانسر وبيشتكي من ضيق فالنفس وجع في صدرة وجع في رجله او ضعف فناحيه لازم تفكر انه ممكن يكون cerebrivascular events خصوصا MI و pulmonary embolism

د. أحمد أبوشنب

الهستوري والفحص الدقيق يعني فحوصات أقل -تكلفة ووقت أقل- تشخيص أدق يتبعه بلان مظبوطة، مريضة جاية تشتكي من كرشة نفس بقالها أسبوع معاها زادت عليها آخر يوم مفيش أي أمراض صدرية أو حساسية ع الصدر رسم القلب كويس ومعدل ضرباته 98 يعتبر ف الطبيعي أتطلب ليها إنزيمات قلب طلعت إيجابية فمعنى كده إنها جلطة غير مكتملة ف القلب (NSTEMI) لأن رسم القلب تمام فخلاص تم عرض الحالة عليا فقولت أخد هستوري بنفسي مفيش أي امراض صدرية ولا مشاكل ف القلب قبل كده فبدأت اسأل عن وجود أمراض مناعية كسور جلطات ف الرجل عدم حركة ملازمة السرير أورام فلقيت فيه تاريخ مرضي لسرطان الثدي وأخر فترة فيه ملازمة للسرير وقلة الحركة فمن هنا تفكيري بدأ يشك إنها وارد متكونش جلطة ع القلب وإنها تكون جلطة ع الرئة لوجود عوامل خطورة لده ألا وهي سرطان الثدي مع قلة الحركة الفترة الأخيرة طب الإنزيمات الإيجابية ازاي؟! عادي تكون بسبب إن الجلطة الرئوية قافلة الطريق ع البطين الأيمن فعملت حمل زائد عليه لأنه مش عارف يضخ الدم (RV strain pattern) فسببت ارتفاع في الإنزيمات وخاصة إن الارتفاع بتاعها مكانش مهول فطلبت أشعة مقطعية بالصبغة ع أوردة وشرايين الرئة وأما اتعملت طلعت فعلا جلطة رئوية قافلة الشريان الرئوي الأيمن تماما ومعاه جزء من الشريان الأيسر وتم حجز الحالة بالعناية، طب ما هي كده كده من الأول كانت هتتحجز خلاص بس فيه فرق بين إنك تسلمها إنها تتحجز كجلطة غير مكتملة بالقلب وكجلطة رئوية البلان هتختلف وده اللي اتنصحت بيه من سنايري وبنصح الشباب بيه لو skill الجراح تكمن ف إيده فأنت كدكتور باطني ال skill بتاعتك مش سهلة لأنها تكمن ف مخك بداية من هستوري مع فحص دقيق يخلوك تطلب فحوصات أقل وأدق توصل لتشخيص صحيح تحط بلان مناسبة ينتج عنها تحسن وضع الحالة وكل ده من البداية للأخر ما هو إلا توفيق من المولى عز وجل فنسأل الله أن يرزقنا وإياكم دوام توفيقه.

Dr Osama hefnawy