زملائنا الچناير والامتياز:
غالباً عندك معلومات كتيرة من الكلية وما بعدها
يعني المرحلة الأكاديمية انتهت
والقادم ؟!
هو المرحلة الحقيقة لك وهي العملية
يعني
إزاي تحول العلم اللي أنت عارفه إلى عمل
وإزاي تترجمه على أرض الواقع !!
.
يعني متجيش حالة عندها تورم في القدمين ونايم على السرير قدامك زي الفل وبيروح ويجي وبينام كويس والدنيا معاه زي الفل ما عدا رجليه !
وتروح تقولي دا heart failure !!!
.
دوّر على سبب موضعي زي الدوالي أو الوقوف فترات طويلة أو زيادة الوزن وهكذا
خاصة لو مفيش معاه تاريخ مرضي بأي مشكلة والفحص الأولي له سليم
وطبعاً بتستبعد الأسباب التانية بالتاريخ المرضي أو الفحص وهكذا
.
متجيش حالة معاها ترجيع عادي بسبب نزلة معوية وتروح تقول للمريض دا احتمال تكون فشل كلوي !!!
مش هنهرج احنا يعني !!
.
الفكرة
أنك تشغل مخك وأنت بستخدم معلوماتك
وتخلي عندك clinical sense وأنت بتاخد هيستوري من المريض أو بتفحصه
وتقيّم المريض كله على بعضه مش مجرد عرض !
يعني عنده ترجيع النهاردة هتفكر في مشاكل المعدة ونزلة معوية
بس في نفس الوقت بتسأل عن أي عمليات جراحية قريبة او مشاكل مزمنة في القولون زي الكرونز وهكذا
علشان هتلاقيك بتفكر في انسداد الأمعاء رقم واحد قبل ما تفكر في النزلة المعوية اللي ممكن أول يوم تبدأ بترجيع مستمر قبل ما يبدأ الإسهال !!
.
الحكة العامة في الجسم ممكن تكون حساسية عادية قبل ما تقول للمريض عندك فشل كلوي !!!
ممكن تكون او مزمنة بسبب حساسية او نقص مخزون الحديد زي ما هتفكر في ارتفاع وظايف الكلى او السكر
وممكن مريض السكر لو سكره مش مضبوط معظم الوقت يحصل معاه نفس الشكوى وتكون وظايف الكلى زي الفل ودا بسبب السكر ذاته والتهاب الأعصاب الطرفية
.
مريضة ضغط وعندها كحة مزمنة
قبل ما تقولها درن وورم وحساسية صدر
اسألها الأول بتاخد علاج ضغط ايه ؟!
هتلاقيها ماشية مثلا على ال ACEI
ولو مش ماشية عليه
فكّر الاول في مشاكل ارتجاع المرئ والجيوب الأنفية قبل ما تفكر في اللي فوق
وهكذا
.
وقبل ما تسرح وتفكر في السيندرومات
لازم تعرف أن
The common is common
And
The uncommon symptoms of common diseases are commoner than common symptoms of uncommon diseases
يعني المشهور مشهور
والأعراض الغير مشهورة للمرض المشهور، أشهر من الأعراض المشهورة للمرض غير المشهور او النادر
يعني بلاش تسرح جامد من الأول وابدأ خطوة بخطوة مع الحالة
.

مهمتك انك ترشق جنب اللي اكبر منك علشان تتعلم ازاي توظف معلومات
محدش منهم هيسمّع لك الكتاب ولا هيرص لك صفحة كاملة
لأ
هيقولك تكة صغيرة تلخص لك بها كتاب كامل
.
الأستاذ الدكتور محمود حسن عبقري النيورو في طب الأزهر
قالنا في سنة رابعة كلية
لما مريض يجي لك في الاستقبال وشاكك أن عنده جلطة في المخ سواء بقى صح او بيستهبل
اعمل ال planter لو إيجابي يبقى عندك مشكلة في ال pyramidal tract
لو سليم يبقى ال tract سليم ومش جلطة خاصة لو المريض جاي وعامل ان عنده ضعف في جزء من الجسم
وهكذا
.
يبقى ركز في فترة تعليمك الأولية إزاي توظف معلوماتك
ولا تنتظر أن حد هيقعد يسمع لك كتب
هيقولك تكة يلخص لك بها كتب
.
وصلت الفكرة ؟'

د. أحمد العسكرى

انت مش مدرك يمكن كتير من النعم اللي معاك عشان كده نفسك في حاجات كتير مش معاك
هل تصدق ان قوت يومك اللي معاك وانت اخدته for granted مش مع غيرك.
شغلك
اهلك
عيالك
رزقك
منصبك
صحتك
حتى نضافة قلبك
حاجات كتير من كتر ما هي في حياتك انت واخدها for granted
ومش مدرك قيمتها وطمعان في غيرها وحاسس انك محروم
احنا غلابة اوي في ملك الله ومش فاهمين حاجة وبنزعل لما بنتحرم والحقيقة ان ربنا عالم جوانا ايه  وايه ينفعنا وايه يضرنا.
نحمد ربنا عاللي معانا وندعيه يرزقنا باللي مش معانا ونرضى لو مكتبهوش لينا

د حازم عبدالتواب

الـ liver enzymes اللي دايماً بتحطهم في خانة واحدة، هما الحقيقة مش في خانة واحدة ❎

بإختصار ال ALT & AST هي إنزيات موجودة داخل خلايا الكبد، بالمنطق كدة لو لقيتها برة الكبد وعايمة في الدم بنسبة عالية ده يدل على وجود تكسير لخلايا الكبد عشان كدة خرجت الإنزيمات دي من جواه ↗️

طيب ليه بطلب تحليل للإتنين مش لواحد بس كفاية ؟! 🧐
أولاً ال ALT is highly specific to liver damage
ال ALT موجود بشكل شبه كامل داخل خلايا الكبد أما وجوده برة الكبد فضئيل جداً ، لذلك بالمنطق بردو لو لقيت ال ALT عالي يبقى كدة الكبد بيعاني 🥹

وعلى العكس ال AST زي ما موجود في الكبد فهو موجود في ال muscles & myocytes & RBCs ولذلك إرتفاع AST بدون إرتفاع ال ALT فدي إشارة بتقولك بص بعيد عن الكبد لأنها لو من الكبد كان زمان ال ALT & AST both are elevated ✌️

فرق أخر إن ال ALT موجود في ال cytoplasm أما ال AST مستخبي في ال mitochondria ولذلك أي mild injury يقدر بسهولة يطلع ال ALT اللي موجود برة، أما ال AST مستخبي جوة محتاج injury أقوى شوية عشان يطلعه وبالذات الكحوليات لأنها بتضرب في ال mitochondria مباشرة 🦠

وللأسباب دي فيه ratio مهم جداً بالنسبالك في التشخيص وتحديد سبب ارتفاع ال liver enzymes اللي هو AST/ALT ratio ✅

لو ال ratio فوق ال 2 يبقى ده alcoholic liver disease في الأغلب 🤝
لو ال ratio بين 1 و 2 يبقى ده Cirrhosis or paracetamol toxicity في الأغلب  🤝
لو ال ratio أقل من 1 يبقى ده Fatty liver, Chronic Viral Hepatitis, Acute Biliary Obstruction  🤝

د. محمد حسني

ازاي بنشخص حد MS أو تصلب متعدد؟

عادة بيجي شاب أو فتاة عشرينية أو ثلاثينية العيادة بيشتكي من ( صعوبة حركة ايد أو رجل أو عدم القدرة على الإتزان أو مجرد إجهاد شديد)

هل الموضوع دا تتكرر قبل كدا ؟ Auto immune
هل حصل ضعف نظر في عين واحدة قبل كدا و خف لوحده ؟ Optic neuritis
هل الموضوع بيزيد بالتعرض لدرجات الحرارة المرتفعة ؟ Uttohf sign.

بتفحص الجزء المصاب ثم بنخلي المريض يتتبع حركة الايد في الاتجاهات الأربعة ، لو حصل ألم بالعين أو شفت الحاجة اتنين بلغني ....

بنطلب من المصاب يحرك رقبته في الاتجاهات الأربعة و بنسأله لو حصل ألم أو كهرباء في أسفل الظهر عن ثني الرقبة علي الصدر L hermit sign.

رنين الدماغ و الحبل الشوكي هو الفحص الأول ( أحيانا بيكون مش كفاية للتشخيص ١٠٠٪ لكن بستغرب لما يكون استشاري الأشعة كاتب plaques و الدكتور يقول للمريض التقرير مافيهوش حاجة )

لو التقرير مش ١٠٠٪ تصلب متعدد بنعمل visual Evoked potential
و عينة من السائل حول النخاع لل oligo clonal bands
و لو سلبية لل kappa free light chain.

تشخيص التصلب المتعدد من التشخيصات اللي مرضي كتير بيقابلوها بال denial الإنكار و دا بسبب صعوبة العلاج و طول مدته و عدم توقع الشفاء بنسبة ١٠٠٪ علي العلاج.

لذلك الدعم النفسي مهم و الدعم المادي ( معظم الأدوية ينفع تتصرف علي نفقة الدولة) و الدعم الأسري مهم ليهم.

ما تشوفوش شر ❤️

د. أحمد محفوظ

هدف البرنامج مش إنك تحفظ معلومات... هدفه إنك تعرف تاخد القرار الصح أول ما تقابل مريض في الطوارئ.
البرنامج معمول مخصوص علشان يبني عندك طريقة التفكير الإكلينيكية، مش مجرد حفظ بروتوكولات.
هنشتغل على أشهر حالات طوارئ المخ والأعصاب زي:
Stroke
Seizures
DCL
Headache
Dizziness
Meningitis
Vital Signs
History & Examination

لو حبيت تعرف تفاصيل أكتر كلمنا
واتساب
https://wa.me/message/MGL36GVQ2KHUI1

تليجرام
@A_m_Ebrahim

البرنامج متقسم لمستويين:
1️⃣ Deep Learning
شرح يبدأ من الـBasics ويأسسك خطوة بخطوة لحد ما تبني فهم حقيقي وطريقة تفكير تساعدك حتى مع الحالات غير التقليدية.
2️⃣ Practical Summary
بعد الفهم، هتنتقل لمحاضرات عملية مختصرة تركز على:
هتعمل إيه أول ما يدخل عليك المريض؟
وده الجزء اللي هترجعله قبل أي شيفت في الطوارئ.

🎯 مش هتعتمد على طريقة مذاكرة واحدة.
علشان تثبت المعلومة وتعرف تطبقها، كل موضوع بيشمل:
✅ PDF مختصر للمراجعة السريعة.
✅ محاضرات شرح عميقة.
✅ محاضرات عملية.
✅ Clinical Cases.
✅ Live Interactive Sessions هتدير فيها الحالات بنفسك.
✅ MCQs مع شرح الإجابات.
✅ Flashcards للمراجعة قبل الشيفت.
✅ Pre & Post Tests علشان تشوف تطور مستواك.

والأهم من كل ده...
فيه متابعة شخصية، بنراجع الأخطاء، ونتناقش فيها، بحيث متبقاش بتذاكر لوحدك.

💡 بمجرد الاشتراك هيكون عندك:
✔️ وصول مدى الحياة للمحتوى.
✔️ كل التحديثات الجديدة بدون رسوم إضافية.

لو حبيت تعرف تفاصيل أكتر كلمنا
واتساب
https://wa.me/message/MGL36GVQ2KHUI1
تليجرام
@A_m_Ebrahim

ال CT brain اللى نزلتها انبارح
هيا فيها abnormality فعلا
فيها
Dot like sign
ودى early sign of ischemic stroke

يعنى النقطه البيضا اللى شوفتها دى ومركزتش فيها دى
Ischemic stroke

يا دكتور الإمتياز .. إوعى تفتكر إنك لوحدك كفاية في موقف طبّى طارئ، أو إنك بقيت جاهز تاخد قرارات مصيرية من غير ما ترجع لاستشاري أو أخصائي.
اللي بتعمله ده مش بس غلط قانونًا .. ده كمان حرام شرعًا.
أرواح الناس مش مجال للتمرين ولا للثقة الزايدة.
إنت لسه تحت التدريب، ولسه بتتعلم.
ولو حصل خطأ، مش هيبقى مجرد سهو .. ده ذنب، وساعتها لا "كنت فاكر" هتنفع، ولا "محدش علّمني" هتشفع.
اللي فوقك مش موجود عشان يتفرّج، ده موجود عشان يوجّهك وتحمي المريض وتحمي نفسك.
خلّي قلبك على المريض، وضميرك صاحي .. قبل ما يدك تكتب أو تنفّذ، اسأل نفسك: هل أنا أهل للقرار ده؟
وإن ما كنتش متأكد .. اسأل، حتى لو اتأخرت دقيقة.
الدقيقة اللي بتتأخرها في السؤال، أرحم من العمر اللي ممكن يضيع بسبب القرار الغلط

✍د احمد بنداري

إيه رإيكم فى كارت الفكه ده يا شباب 😂🤔

📌 يوميات_الطب | 🩺
التسرع... العدو الخفي للتشخيص في طب الأعصاب.

في زمنٍ أصبحت فيه المعلومة تصل في ثوانٍ، وتُفتح صور الأشعة بضغطة زر، وتظهر نتائج التحاليل بسرعة، بدأ البعض يتوقع أن يأتي التشخيص بالسرعة نفسها.

لكن الطب لا يحارب السرعة...
الطب يحارب التسرع.

وفي طب الأعصاب، تصبح هذه القاعدة أكثر أهمية.
فكثير من الأمراض لا تكشف حقيقتها في اللقاء الأول، ولا يُحسم تشخيصها بصورة رنين أو تحليل منفرد، بل من خلال تاريخ مرضي دقيق، وفحص سريري متقن، واستدلال إكلينيكي منظم، يعيد ترتيب الأدلة كلما ظهرت معلومة جديدة.
وأخطر صور التسرع ليست سرعة القرار...
بل أن تُغلق باب التفكير قبل أن تكتمل الأدلة.

ففي طب الأعصاب، قد يكون الزمن نفسه علامةً إكلينيكية؛ فقد تتغير الأعراض، أو تتطور العلامات، أو تكشف الاستجابة للعلاج ما لم يكن ظاهرًا في البداية.
لذلك...
لا تستبق الأدلة.
ولا تُغلق قائمة التشخيصات التفريقية differential diagnosis مبكرًا.
ولا تمنح المريض تشخيصًا قد يلازمه سنوات قبل أن تكتمل الصورة.

أما في طوارئ طب الأعصاب، فالأمر مختلف تمامًا.
فهناك يكون الوقت علاجًا، وقد يحرم التأخير المريض من فرصة لا تتكرر. لذلك، فإن القرار السريع المبني على الدليل ليس تسرعًا، بل هو جوهر الممارسة الطبية السليمة.
إن الخبرة ليست أن تملك إجابةً لكل سؤال...
الخبرة أن تعرف متى تحسم قرارك، ومتى تُبقي باب التفكير مفتوحًا.

التشخيص ليس سباقًا للفوز بالإجابة الأسرع، بل مسؤولية للوصول إلى الإجابة الصحيحة.
وفي طب الأعصاب، قد تنقذ السرعة مريضًا... لكن التسرع قد يحرمه من التشخيص الصحيح. فلا تجعل ثقتك تسبق أدلتك، ولا تجعل سرعتك تسبق حكمتك.

دكتور_عبدالغفار_فايد

🌀 Random Blood Sugar is mandatory in the ER  especially in diabetic patients.

30years old female pt
PMH: Epilepsy + Diabetes mellitus on oral hypoglycemic drugs
الحالة جاية متحوّلة تعمل CT brain كانت بتتشنج في مستشفى تانيه وقعت وخبطت رأسها وعملت جرح قطعي.
ادولها أدوية لإيقاف التشنجات وتم تحويلها عشان تعمل الاشعه
قبل ما تدخل على الأشعة دخلت استقبال الطوارئ عندنا بسبب انهي اتشنجت تان وهي جايه

❗ Important point
الحالة ما كانتش مترندمة فرندمناها RBS = 25 mg/dL
ادنالها جلوكوز فالحالة فاقت وبقت كويسه وبطلت تشنجات

Take home message
Hypoglycemia ممكن تعمل seizures وتقلد epilepsy
Anti-epileptics لوحدها مش هتحل المشكلة

د. محمود الفخرانى

إيه رإيكم فى ال VBG ده 🤔

اول مره اشوف مريض سكر عنده ٧٠ سنه جاي بصداع نصفي ويطلع جلطه ف القلب من الحالات الغريبه فعلا🤔

د. عبده بكر

اتعلمت من اساتذتي ومن خلال دراستي للباطنة و الاطفال
ان كل برانشات الباطنة بتبدا ب basic سهلة
الا ال neurology او المخ و الاعصاب
ده برانش بدايته صعبه وال basic بتاعه صعب ولكن كل ما تتعمق فيه بيبقى اسهل وممتع
... مناسبة الكلام ده ايه
كنت في روند الباطنة في سنة البكالريوس في اللفة الثالثة وكانت هي دراسة ال neurology في 18 يوم
في احد الايام دخل علينا عملاق المخ و الاعصاب والله ده أقل ما يقال عنه
قالنا يشباب هنشرح ال ms
وكان من أول ما بدأ الشرح لحد ما خلص كنت لا امل من سماعه والله
حكالنا قصة بنت شخصها باجتهاده ومن بعده تتكرر معايا نفس قصة استاذي
ايه هي القصة
بيقولنا كنت قاعد في عيادتي ودخل عليا ام وابنها وبنتها
شكوى الأم ان ابنها بيصدع
المهم بعد اخذ التاريخ المرضي للولد
في نهاية الكشف الام بتقول للدكتور يا دكتور ممكن اسالك على حاجة
البنت دي بقالها فترة رجليها بتنمل
المهم دكتورنا بعد ما كشف عليها وكان اهتمامه بالبنت اكثر من الولد
طلب Brain MRI كان في التقرير وافلام الاشعة
Plaque
في الاخر البنت اتشخصت multiple sclerosis او التصلب المتعدد
تخيل البنت شكوتها مجرد تنميل في رجليها تتشخص في الاخر ms
.....
ليه ذكرت قصة استاذي
لان نفس القصة تتكرر معايا لما قابلت مريضة في احد القوافل الطبية
بتقولي أنا بقيلي سنة رجلي تنمل واحيانا تقف
ولكن جالي نوبة صداع شديدة
قالتلي عملت رنين وتابعت مع دكتورة مخ واعصاب قالتلي معندكيش حاجة
ببص في التقرير وافلام الاشعة لقيت plaque
طلبت منها تروح عيادة التصلب المتعدد بالقصر العيني وفي الاخر تم تشخيصها ms
....
#NB
ال ms ده ينطبق عليه مقولة ال pathology ملهوش قواعد على راي جدي على حسيب
او كما يطلق عليه الحرباء الطبية (The Great Imitator)
متعرفش ممكن يجي للمريض ازاي
صداع ولا تنميل ولا ضعف حركة ولا وجع العين وفقدان النظر
ولا تنميل في ظهر المريض لما يميل دماغه
l'hermite sign is an electric shock-like sensation that shoots down your spine and often radiates into your arms or legs
الصورة دي👇 من جوجل
....
البوست ده في حب استاذي دكتور Amr Hassan

Dr hanafi gomaa