من أكتر اللحظات اللى بتحس فيها إن الأدرينالين ماشى فى العروق على آخره ..
لما تلاقى دكاترة التخصصات كلها قاعدين حوالين حالة واحدة فى الاستقبال…
اللى بيحسب gases، واللى بيقلب فى الأشعات، واللى بيجادل فى البروتوكول، واللى شايف إن الحل تدخل فورى!
أرقام بتطير، وآراء بتتصادم، وأصوات بتعلى
بس رغم كل الجدل والـ“نفش” اللى بيحصل...
فى الآخر لما الحالة تتحسن، بنبص لبعض بنظرة واحدة كأننا بنقول: “اشتغلناها صح ”.
ده هو طعم الطب الحقيقى... ضغط × أدرينالين × teamwork
الاستقبال مش مجرد مكان... دى ساحة معركة بتطلّع منها بحكايات وبطولات محدش يعرفها غيرنا ..
اللهم لك ..
ويارب استخدمنا ولا تستبدلنا ..

د فهمي عيسى

أتفق 😂😂

مهم قوي في ال documentation بتاعتك لل history و ال examination بتاع المريض انك تكتب كلمة No علي الحاجات اللي سألتها للمريض و المريض جاوب ب لأ . او النقاط اللي بصيت عليها بالفحص الطبي و ماليقتهاش .
و افتكر ان كلمة No دي هاتحميك لأنها هاتدل انك سألت و المريض هو اللي أنكر . إنما لو ماكتبتهاش هايتقال إنك ماسألتش أصلا، لو طلع في الاخر ان المشكله المرضيه كان ليها علاقة بالسؤال ده .. دمتم سالمين ..

Dr Nabil mokhtar

في موضوع بيواجهني كتير، ومش عارف آخد فيه موقف.
ليه أول ما أروح زيارة عند أي حد من قرايبي، لازم يطلعلي كل التحاليل والأشعات ويطلب رأيي فيها؟
وليه أي خروجة مع أصحابي لازم تتحول لجلسة استشارات طبية؟
وليه أي حد يعرف إني دكتور، حتى لو مجرد تعامل عابر، لازم يسألني عن أعراضه أو علاج معين؟
حاسس إني محاصر بالطب في كل مكان. بقى صعب أفصل بين شغلي وحياتي الشخصية.
والأصعب إنك لو اعتذرت أو قلت إن الوقت مش مناسب، ممكن يتقال عليك متكبر، أو إنك اتغيرت، أو إنك دكتور فاشل مش عايز يساعد الناس.
أنا فعلًا بحب أساعد، لكن هل طبيعي أبقى مطالب أكون دكتور 24 ساعة في اليوم، وفي كل مكان؟

سؤال وجودي ..
هل إنت وانت بتتعامل مع المرضى .. لو كان ( لا قدر الله ) حد منهم من أهل بيتك هتبقى راضي وحاسس أن دي اكتر حاجة تتعمل و لا هتحس إن فيه اكتر ؟ ..
طالما حاسس ان فيه اكتر تبقى مقصر .. في حق الناس ..

دايمًا ف الوقت الحالي .. في بالي خاطرة مرعبة مرتبطة ب .. " ربنا ولا تجعلنا من الذين ضل سعيهم في الحياة الدنيا وهم يحسبون أنهم يحسنون صنعًا " ..
الله يمسيها بالخير ويبارك لنا فيها والدتي .. لما كنت اشتكيلها عن ال illegal practices .. اللي الإنسان بيشوفها .. وان اللي انت تحققه ف ٥ سنين غيرك بيحققه ف شهور .. والدنيا صعبة و المقاومة صعبة الإنسان لو ساب نفسه لهواها .. يحب الفلوس و يميل أنه ياخد اكبر فلوس بأقل جهد ..

كان رد مقنع خالص .. طيب تعبت وعلمتك ليه ؟ ما كنا طلعنا لصوص وخلاص طالما المشكلة فلوس وخلاص ؟

هل الدوا دا الاكثر فاعلية فعلا ؟ ولا غالي بالكدب وفيه بدايل احسن ؟
هل أصلا هو دا الدوا الأنسب فعلا ؟
طيب هل انت قصرت مع العيان ولا لا ؟
كان فيه حاجة تانية تتعمل له ؟

مش مطلوب منك تكون موسوس .. وانك تبذل جهد ويترمي ف الارض عشان ترضي الوسواس القهري .. لكن مطلوب منك تجاوب السؤال .. علمك .. ومجهودك .. ف وضعهم الحالي .. لو تعب حد من أهل بيتك ووقع مع حد بيعمل زي ما انت بتعمل بالظبط .. هتبقى متطمن ؟ .. طيب لو مش عارف هتسأل وتدور ولا هتتكبر ع السؤال ؟ ..

وهذا ينطبق على باقي المهن .. لو انت مطعم .. تقبل اللحمة دي ومستوى النضافة دا لاهل بيتك .. لو انت مهندس تقبل .. الأساس دا يكون أساس شقتك .. لو انت مدرس .. تقبل ابنك يتشرح له باقي المواد بهذا الشكل و هذا الجهد ؟
عدم السعي للتطوير المهارات في حد ذاته ف وظيفتك .. ظلم
مش لازم تمد ايدك و تسرق عشان تبقى اللقمة مش حلال .. اتقان العمل واجب .

اخيرا " يبسط الرزق لمن يشاء ويقدر "

Dr Ahmed yahia

في مرة دخلت امتحن شفوي و دكتورة سألتني لو حد جايلك بشكوي بألم في المفاصل تفحص ايه في جسمه

قولت نبدأ بالشعر لو في alopecia بيكون مع sle
العين anterior uveitis بيكون مع أمراض serongative
أو dry eye مع sicca syndrome
أو jaundice علشان PBC بتكون associated مع ulcerative colitis وممكن يكون reactive arthritis
الفم painless oral ulcer مع sle
الشفايف pallor مع rheumatoid
الوش malar rash مع sle
الأذن tophy مع gout
الرقبة أشوف lymph node
اسمع الصدر لو في crapitations في lung fibrosis مع Rheumatoid
البطن أشوف spleen في felty syndrome
وننزل لتحت قالتلي كفاية هي مقاولة

أنا ساعتها كنت مبسوط 😍

د.عمرو الدبوري

#متناقضات_الطب...

خد بالك...لازم تفرق بين ان
1)مش كل عيانacute pancreatitisبيكون ...
Increased amylase....
لان فيه حاجه اسمها..
Normal amylase pancreatitis..
دوروا علي اسبابها.....
2)الvomiting ممكن يعمل
Prerenal Acute renal failure...
و ان ....الrenal failureبيعمل
Vomiting...
الاول لو اديتلهfluids...زائد..ttt of the cause..ممكن يتحسن
بس التاني ممكن يحصله
Fluid overload and pulmonary edema if you give fluids without caustion; or without following urine output ; CVP and chest examination ; pulmonary edema may lead to death!!!!
3)العيان اللي جي ب
Head trauma and coma..
ممكن يكون وقع لاي سبب و اتخبط فدخل
Post traumatic intracranial haemorrhage....
"و ده يتحجز جراحه مخ و اعصاب"
اويكون حصلهcerebral hge....و بعد كدا دخل في coma...ووقع علي الارض و حصلتلهhead trauma...وده "تبع نفسيه وعصبيه"..
4)العيان اللي جي ب coma and convulsions...ممكن يكون فيه سبب الcomaحاجه عملت الاتنين مع بعض زي Encephalitis....
او العيان حصلهconvulsions
. وبعدها دخل فيcoma..و دي بنسميها
Post ictal state...
و دي مكن تستمر 24ساعه....
5)و مش كل عيان جيلك بshock..نطحنه محاليل...لانه لو هو hypovolemic اوseptic shock..ممكن يستجيب للمحاليل
....بس لوcardiogenic shock ممكن يموت من المحاليل لانها ممكن تدخله في pulmonary edema
6)مريض السكر و بالاخص type 2..لو جه بسكر عالي و metabolic acidosis..ممكن يكون DKAو ساعتها هيتعالج بinsulin..fluids...و يتحسن ان شاء الله...
او ممكن يكون ده
Uremic acidosis asdociated with simple hyperglycemia...
و لو اخد fluidsكتير ممكن يدخل في
Pulmonary edema...which may lead to death.. و حصل
في الحاله دي
You should respect acetone in urine if positive it is mostly DkA..if negative wait for urea and creatinine...
7)خد بالك...الshock...بتعمل
Metabolic acidosis..."lactic acidosis"due to tissue hypoxia.....
و ال:...metabolic acidosis"
ممكن تعمل...
Hypotension..shock!!!!..due to systemic vasodilation..
8)خد بالrapid atrial fibrillation d ..
"Rapid AF"..
ممكن يعمل shock...
و لو العيان اصلا "chronic AF"..و دخل في shock لاي سبب..ممكن يحصل reflex tachycardia...و يدخل في "rapid AF"....
الاولي علاج...و التانيه علاج تاني....

9)خد بالك....
Hypokalemia increase risk of digitalis toxicity...but digitalis toxicity causes hyperkalemia......دوروا ليه

10)loop diuretics causes "hypocalcemia"
علشان كدا ممكن تستخدم مع الfluids في علاج ال
hypercalcemic emergency......
NB...the most important line in TTT of hypercalcemic emergency is aggressive fluid therpy..usualy normal saline...
بس...
..but thiazide diuretics causes "hypercalcemia"...

11)..متنساش...
Hypecalcemia causes acute pancreatitis..but acute pancreatitis causes hypocalcemia...

12) الacute blood loosبيعمل
Normocytic normochromic anemia with reticulocytosis..
و الchronic blood loss ممكن يعمل بيعمل
Iron deficiency anemia"microcytic hypochromic anemia"...

13...نركز. فيه حاجه اسمها
Rhabdomyolysis...
دي ممكن تعمل Acute renal faiure و يكون معاها
Hypocalcemia...
بس "يقال"...
Do not treat hypocalcemia caused by rhabdomyolysis...unless severe hylocalcemia or maniefested by tetany " and after consult "...
علشان في الحالات دي لو اديتparentral calcium
هيحصل deposition on the muscle..
و ده ممكن يعملmore muscle damageو هيزود
الrhabdomyolysis...

"اللهم ارزقنا علما نافعا..و عملا متقبلا.. ويقينا صادقا"...

Dr abdelmohsen abdelhie

🩺 لما كنت جديد في العناية...
طلعت عيني وأنا بحفظ أسماء وأرقام وأفعال كل دواء vasoactive
👨‍⚕️ كنت حافظهم من غير ما "افهمهم"...

لما كان حد يسألني من الاستشاريين في المرور ده بيعمل ايه ولا ده بيعمل ايه كنت أقوله بولوم 😅😅بيعمل البولولوم اللي محصلش
اه والله كنت اسماعيل ياسين

وبعد شهور شغل، بدأت أفهمهم "بالطباع مش بالأرقام"

فقلت أكتبلكوا ده، يمكن يساعد أي حد لسه داخل الدوامة دي او حد في الدوامة دي سواء دكتور صغير او اخواتي التمريض ...

---

👮‍♂️الليفوفيد Norepinephrine – العسكري الصارم

– شغلته يشد الشرايين، يظبط الضغط، ويمسك جسم المريض من الانهيار
– مش بيرحم… بس بيشتغل بسرعة!
أول خط في الصدمة القلبية
---

🤹‍♂️ أدرينالين Epinephrine – البهلوان متعدد المهارات

– يزق القلب، يرفع الضغط، ويعلي نبضك في 3 ثواني
-- ده لما القلب يقف يكون هو الجوكر
--اكتر دواء ندهنها عليه في الرعاية بعد طبعا أنبوبة و منظار
– بس ممكن يخدعك لو استخدمته في حالات ال shock… يخلي اللاكتات يعلى وانت مش فاهم ليه!

---
🕺دوامين Dopamine – المزاجنجي

– كل جرعة بطبع مختلف:
2–5 يريح الكلى 🧼
5–10 يزق القلب 💓
10–20 يبقى "بلطجي" يرفع الضغط بأي تمن 💥
– بس ممكن يقلبها arrhythmia في لحظة ⚡
---
💖 دوبيتاريكس Dobutamine – ابن الناس الطيبين

– مابيحبش يشد على حد، بيركّز بس على تقوية القلب
– مناسب للمريض اللي ضغطه كويس بس قلبه تعبان
---
🧠بريماكور Milrinone – المثقف الرومانسي

– بيشتغل بالعقل مش بالقوة
– يزود الانقباض، ويقلل المقاومة… بس عيبه يتراكم لو الكلى تعبانة

---
👑نيوسنيفرين Phenylephrine – الصامت اللي بيشد

– بيشد الشرايين بس… ميعرفش يزق القلب
– مناسب لو المريض عنده vasodilation بس عضلته كويسة

---
💦ترايديل Nitroglycerin – بتاع الذبحة

– بيفكرني بأغنية أحمد سعد وهو بيقول وسع وسع
شغلته يوسّع الوريد ويروّق القلب
– بيشتغل أكتر على الـ preload
– حنين… بس الضغط بينزل وراه دايمًا

---

🧪 نيبريد Nitroprusside – الكيميائي المجنون

– بيقلب الدنيا توسعة
– ينفع في الأزمات، بس ممكن يسمّمك لو طولت معاه

---

🧬سيداميكس Levosimendan – الطبيب العالمي

– يشتغل على التروبونين ويزود الانقباض من غير ما يعلي الأكسچين
– غالي وفخم… بس بيشتغل بشياكة
– مش متوفر في كل مكان

دكتور مايكل جرجس

زملائنا الچناير والامتياز:
غالباً عندك معلومات كتيرة من الكلية وما بعدها
يعني المرحلة الأكاديمية انتهت
والقادم ؟!
هو المرحلة الحقيقة لك وهي العملية
يعني
إزاي تحول العلم اللي أنت عارفه إلى عمل
وإزاي تترجمه على أرض الواقع !!
.
يعني متجيش حالة عندها تورم في القدمين ونايم على السرير قدامك زي الفل وبيروح ويجي وبينام كويس والدنيا معاه زي الفل ما عدا رجليه !
وتروح تقولي دا heart failure !!!
.
دوّر على سبب موضعي زي الدوالي أو الوقوف فترات طويلة أو زيادة الوزن وهكذا
خاصة لو مفيش معاه تاريخ مرضي بأي مشكلة والفحص الأولي له سليم
وطبعاً بتستبعد الأسباب التانية بالتاريخ المرضي أو الفحص وهكذا
.
متجيش حالة معاها ترجيع عادي بسبب نزلة معوية وتروح تقول للمريض دا احتمال تكون فشل كلوي !!!
مش هنهرج احنا يعني !!
.
الفكرة
أنك تشغل مخك وأنت بستخدم معلوماتك
وتخلي عندك clinical sense وأنت بتاخد هيستوري من المريض أو بتفحصه
وتقيّم المريض كله على بعضه مش مجرد عرض !
يعني عنده ترجيع النهاردة هتفكر في مشاكل المعدة ونزلة معوية
بس في نفس الوقت بتسأل عن أي عمليات جراحية قريبة او مشاكل مزمنة في القولون زي الكرونز وهكذا
علشان هتلاقيك بتفكر في انسداد الأمعاء رقم واحد قبل ما تفكر في النزلة المعوية اللي ممكن أول يوم تبدأ بترجيع مستمر قبل ما يبدأ الإسهال !!
.
الحكة العامة في الجسم ممكن تكون حساسية عادية قبل ما تقول للمريض عندك فشل كلوي !!!
ممكن تكون او مزمنة بسبب حساسية او نقص مخزون الحديد زي ما هتفكر في ارتفاع وظايف الكلى او السكر
وممكن مريض السكر لو سكره مش مضبوط معظم الوقت يحصل معاه نفس الشكوى وتكون وظايف الكلى زي الفل ودا بسبب السكر ذاته والتهاب الأعصاب الطرفية
.
مريضة ضغط وعندها كحة مزمنة
قبل ما تقولها درن وورم وحساسية صدر
اسألها الأول بتاخد علاج ضغط ايه ؟!
هتلاقيها ماشية مثلا على ال ACEI
ولو مش ماشية عليه
فكّر الاول في مشاكل ارتجاع المرئ والجيوب الأنفية قبل ما تفكر في اللي فوق
وهكذا
.
وقبل ما تسرح وتفكر في السيندرومات
لازم تعرف أن
The common is common
And
The uncommon symptoms of common diseases are commoner than common symptoms of uncommon diseases
يعني المشهور مشهور
والأعراض الغير مشهورة للمرض المشهور، أشهر من الأعراض المشهورة للمرض غير المشهور او النادر
يعني بلاش تسرح جامد من الأول وابدأ خطوة بخطوة مع الحالة
.

مهمتك انك ترشق جنب اللي اكبر منك علشان تتعلم ازاي توظف معلومات
محدش منهم هيسمّع لك الكتاب ولا هيرص لك صفحة كاملة
لأ
هيقولك تكة صغيرة تلخص لك بها كتاب كامل
.
الأستاذ الدكتور محمود حسن عبقري النيورو في طب الأزهر
قالنا في سنة رابعة كلية
لما مريض يجي لك في الاستقبال وشاكك أن عنده جلطة في المخ سواء بقى صح او بيستهبل
اعمل ال planter لو إيجابي يبقى عندك مشكلة في ال pyramidal tract
لو سليم يبقى ال tract سليم ومش جلطة خاصة لو المريض جاي وعامل ان عنده ضعف في جزء من الجسم
وهكذا
.
يبقى ركز في فترة تعليمك الأولية إزاي توظف معلوماتك
ولا تنتظر أن حد هيقعد يسمع لك كتب
هيقولك تكة يلخص لك بها كتب
.
وصلت الفكرة ؟'

د. أحمد العسكرى

انت مش مدرك يمكن كتير من النعم اللي معاك عشان كده نفسك في حاجات كتير مش معاك
هل تصدق ان قوت يومك اللي معاك وانت اخدته for granted مش مع غيرك.
شغلك
اهلك
عيالك
رزقك
منصبك
صحتك
حتى نضافة قلبك
حاجات كتير من كتر ما هي في حياتك انت واخدها for granted
ومش مدرك قيمتها وطمعان في غيرها وحاسس انك محروم
احنا غلابة اوي في ملك الله ومش فاهمين حاجة وبنزعل لما بنتحرم والحقيقة ان ربنا عالم جوانا ايه  وايه ينفعنا وايه يضرنا.
نحمد ربنا عاللي معانا وندعيه يرزقنا باللي مش معانا ونرضى لو مكتبهوش لينا

د حازم عبدالتواب

الـ liver enzymes اللي دايماً بتحطهم في خانة واحدة، هما الحقيقة مش في خانة واحدة ❎

بإختصار ال ALT & AST هي إنزيات موجودة داخل خلايا الكبد، بالمنطق كدة لو لقيتها برة الكبد وعايمة في الدم بنسبة عالية ده يدل على وجود تكسير لخلايا الكبد عشان كدة خرجت الإنزيمات دي من جواه ↗️

طيب ليه بطلب تحليل للإتنين مش لواحد بس كفاية ؟! 🧐
أولاً ال ALT is highly specific to liver damage
ال ALT موجود بشكل شبه كامل داخل خلايا الكبد أما وجوده برة الكبد فضئيل جداً ، لذلك بالمنطق بردو لو لقيت ال ALT عالي يبقى كدة الكبد بيعاني 🥹

وعلى العكس ال AST زي ما موجود في الكبد فهو موجود في ال muscles & myocytes & RBCs ولذلك إرتفاع AST بدون إرتفاع ال ALT فدي إشارة بتقولك بص بعيد عن الكبد لأنها لو من الكبد كان زمان ال ALT & AST both are elevated ✌️

فرق أخر إن ال ALT موجود في ال cytoplasm أما ال AST مستخبي في ال mitochondria ولذلك أي mild injury يقدر بسهولة يطلع ال ALT اللي موجود برة، أما ال AST مستخبي جوة محتاج injury أقوى شوية عشان يطلعه وبالذات الكحوليات لأنها بتضرب في ال mitochondria مباشرة 🦠

وللأسباب دي فيه ratio مهم جداً بالنسبالك في التشخيص وتحديد سبب ارتفاع ال liver enzymes اللي هو AST/ALT ratio ✅

لو ال ratio فوق ال 2 يبقى ده alcoholic liver disease في الأغلب 🤝
لو ال ratio بين 1 و 2 يبقى ده Cirrhosis or paracetamol toxicity في الأغلب  🤝
لو ال ratio أقل من 1 يبقى ده Fatty liver, Chronic Viral Hepatitis, Acute Biliary Obstruction  🤝

د. محمد حسني

ازاي بنشخص حد MS أو تصلب متعدد؟

عادة بيجي شاب أو فتاة عشرينية أو ثلاثينية العيادة بيشتكي من ( صعوبة حركة ايد أو رجل أو عدم القدرة على الإتزان أو مجرد إجهاد شديد)

هل الموضوع دا تتكرر قبل كدا ؟ Auto immune
هل حصل ضعف نظر في عين واحدة قبل كدا و خف لوحده ؟ Optic neuritis
هل الموضوع بيزيد بالتعرض لدرجات الحرارة المرتفعة ؟ Uttohf sign.

بتفحص الجزء المصاب ثم بنخلي المريض يتتبع حركة الايد في الاتجاهات الأربعة ، لو حصل ألم بالعين أو شفت الحاجة اتنين بلغني ....

بنطلب من المصاب يحرك رقبته في الاتجاهات الأربعة و بنسأله لو حصل ألم أو كهرباء في أسفل الظهر عن ثني الرقبة علي الصدر L hermit sign.

رنين الدماغ و الحبل الشوكي هو الفحص الأول ( أحيانا بيكون مش كفاية للتشخيص ١٠٠٪ لكن بستغرب لما يكون استشاري الأشعة كاتب plaques و الدكتور يقول للمريض التقرير مافيهوش حاجة )

لو التقرير مش ١٠٠٪ تصلب متعدد بنعمل visual Evoked potential
و عينة من السائل حول النخاع لل oligo clonal bands
و لو سلبية لل kappa free light chain.

تشخيص التصلب المتعدد من التشخيصات اللي مرضي كتير بيقابلوها بال denial الإنكار و دا بسبب صعوبة العلاج و طول مدته و عدم توقع الشفاء بنسبة ١٠٠٪ علي العلاج.

لذلك الدعم النفسي مهم و الدعم المادي ( معظم الأدوية ينفع تتصرف علي نفقة الدولة) و الدعم الأسري مهم ليهم.

ما تشوفوش شر ❤️

د. أحمد محفوظ

هدف البرنامج مش إنك تحفظ معلومات... هدفه إنك تعرف تاخد القرار الصح أول ما تقابل مريض في الطوارئ.
البرنامج معمول مخصوص علشان يبني عندك طريقة التفكير الإكلينيكية، مش مجرد حفظ بروتوكولات.
هنشتغل على أشهر حالات طوارئ المخ والأعصاب زي:
Stroke
Seizures
DCL
Headache
Dizziness
Meningitis
Vital Signs
History & Examination

لو حبيت تعرف تفاصيل أكتر كلمنا
واتساب
https://wa.me/message/MGL36GVQ2KHUI1

تليجرام
@A_m_Ebrahim

البرنامج متقسم لمستويين:
1️⃣ Deep Learning
شرح يبدأ من الـBasics ويأسسك خطوة بخطوة لحد ما تبني فهم حقيقي وطريقة تفكير تساعدك حتى مع الحالات غير التقليدية.
2️⃣ Practical Summary
بعد الفهم، هتنتقل لمحاضرات عملية مختصرة تركز على:
هتعمل إيه أول ما يدخل عليك المريض؟
وده الجزء اللي هترجعله قبل أي شيفت في الطوارئ.

🎯 مش هتعتمد على طريقة مذاكرة واحدة.
علشان تثبت المعلومة وتعرف تطبقها، كل موضوع بيشمل:
✅ PDF مختصر للمراجعة السريعة.
✅ محاضرات شرح عميقة.
✅ محاضرات عملية.
✅ Clinical Cases.
✅ Live Interactive Sessions هتدير فيها الحالات بنفسك.
✅ MCQs مع شرح الإجابات.
✅ Flashcards للمراجعة قبل الشيفت.
✅ Pre & Post Tests علشان تشوف تطور مستواك.

والأهم من كل ده...
فيه متابعة شخصية، بنراجع الأخطاء، ونتناقش فيها، بحيث متبقاش بتذاكر لوحدك.

💡 بمجرد الاشتراك هيكون عندك:
✔️ وصول مدى الحياة للمحتوى.
✔️ كل التحديثات الجديدة بدون رسوم إضافية.

لو حبيت تعرف تفاصيل أكتر كلمنا
واتساب
https://wa.me/message/MGL36GVQ2KHUI1
تليجرام
@A_m_Ebrahim

ال CT brain اللى نزلتها انبارح
هيا فيها abnormality فعلا
فيها
Dot like sign
ودى early sign of ischemic stroke

يعنى النقطه البيضا اللى شوفتها دى ومركزتش فيها دى
Ischemic stroke

يا دكتور الإمتياز .. إوعى تفتكر إنك لوحدك كفاية في موقف طبّى طارئ، أو إنك بقيت جاهز تاخد قرارات مصيرية من غير ما ترجع لاستشاري أو أخصائي.
اللي بتعمله ده مش بس غلط قانونًا .. ده كمان حرام شرعًا.
أرواح الناس مش مجال للتمرين ولا للثقة الزايدة.
إنت لسه تحت التدريب، ولسه بتتعلم.
ولو حصل خطأ، مش هيبقى مجرد سهو .. ده ذنب، وساعتها لا "كنت فاكر" هتنفع، ولا "محدش علّمني" هتشفع.
اللي فوقك مش موجود عشان يتفرّج، ده موجود عشان يوجّهك وتحمي المريض وتحمي نفسك.
خلّي قلبك على المريض، وضميرك صاحي .. قبل ما يدك تكتب أو تنفّذ، اسأل نفسك: هل أنا أهل للقرار ده؟
وإن ما كنتش متأكد .. اسأل، حتى لو اتأخرت دقيقة.
الدقيقة اللي بتتأخرها في السؤال، أرحم من العمر اللي ممكن يضيع بسبب القرار الغلط

✍د احمد بنداري