وقفَ الحسن البصري عند شفير قبر بعد دفن صاحبه ثم التفت على رجل كان بجانبه فقال:

أتراه لو يرجع للدنيا ماذا تراه يفعل؟!
قال الرجل: يستغفر ويصلي ويتزود من الخير .

فقال الحسن: هو فاتته.. فلا تَفُتك أنت!

وقد أفلح من اتعظ بغيره ، وقد خاب من اتعظ بنفسه..

👶 طفل عمره حوالي 8 سنين
كان بيعاني من تبول لا إرادي ليلي يومي ومستمر.
أخد كورسات علاج كتير ولشهور تقريبًا…
والاستجابة؟ ضعيفة جدًا ❌
الأم جاتلي مستغربة ومتضايقة،
وأكتر حاجة ضايقتها إني سيبت موضوع التبول..
.....
وبدأت أسألها أسئلة شكلها غريبة شوية:

❓ هل الطفل بيشخر وهو نايم؟
❓ هل بينام وفمه مفتوح؟
❓ هل اشتكيتِ قبل كده من اللحمية؟
❓ هل عمل أشعة على اللحمية؟
الأم كانت مستغربة جدًا…
لكن الحقيقة إن الإجابة كانت مكتوبة على وش الطفل.
👦 الطفل وهو داخل العيادة
كان عنده شكل معروف طبيًا باسم
👉 Adenoid Face
فم مفتوح دايمًا .. تنفس من الفم
شفة علوية مرفوعة و الأسنان الأمامية باينة
انسداد أنف مزمن
...
📌 ومن غير أي أشعة
مجرد ما فتحت بقه وحطيت خافض اللسان
لقيت تضخم شديد في اللوزتين
( اللوزتين ايه دول خمسة ستة 😃😃)

الواد ده كان بيتنفس ازاي يا ست الكل
....
يا ماما ..
🧠 المشكلة الحقيقية مش في المثانة…

ابن حضرتك كان بيعاني من
👉 Sleep Apnea Syndrome
(انقطاع النفس أثناء النوم)

بسبب تضخم اللوز واللحمية،
واللي بيؤدي إلى:
اضطراب النوم
نقص الأكسجين أثناء الليل
خلل في التحكم العصبي
وواحدة من أشهر نتائجه عند الأطفال
👉 التبول اللا إرادي الليلي
....
وبفضل الله تعالي ...
✅ بمجرد استئصال اللوزتين واللحمية
📌 التبول اللا إرادي توقف تمامًا
📌 من غير أدوية
📌 من غير كورسات
📌 من غير معاناة نفسية للطفل
🔴 الرسالة المهمة
مش كل تبول لا إرادي يتعالج بدوا
ومش كل مشكلة بولية سببها المثانة
أحيانًا
👉 المشكلة في التنفس أثناء النوم
👉 وفي اللحمية واللوز
📣 اسأل… بص… اربط الأعراض ببعض
الطب مش روشتة
الطب_تفكير_وفحص...
وتشخيص قبل الروشته ....
وكان
هذه بداية النهاية لحياة جديدة لهذا الطفل
دون بلل أو قلق 💐💐💐
...
🛑🛑🛑🛑🛑🛑🛑🛑
➖➖➖➖➖➖➖➖
دكتور أحمد العجمي

#نظام_البسكوتات
عندنا في النيورو - وفي اي تخصص - امراض مؤقتة بتنذر ف الغالب بمصايب اكبر جاية ..
ف مثلا الـ Transient ischemic attack .. او السكتة الدماغية التحذيرية .. هي اعراض جلطة ع المخ عادي .. شلل نصفي أو خذل بناحية من الناحيتين أو دوخة أو غيره .. وف أقل من ٢٤ ساعة ف الغالب .. اول ساعة الأعراض بتتحسن تمامًا ..
بس ف الغالب بنسبة تصل لـ ٤٠٪ او اكتر الإنسان دا هيجيله شلل نصفي فعلا وممكن يموت من جلطة أو يعيش عاجز .
فـ تخصص القلب مثلا فيه حاجة paroxysmal AF .. رفرفة اذينية مؤقتة تقريبا بالعربي .. بتكون فيه عدم انتظام ضربات القلب واللي ممكن يعمل مصايب لكنه مش دائم بيروح ويجي .

عاوز تقول ايه ؟

عاوز اقول ببساطة شديدة جدًا .. أن لو فيه شخص ما زعم أنه بيعالج الجلطة .. او الرفرفة الاذينية بال ينسون / الكركديه او الشاي الاخضر .. هيظهر ناس تحلف انها خفت على أيده .. وهم مقتنعين ١٠٠٪ أنهم خفوا على أيده

يعني في حالات زي ال TIA او السكتة الدماغية التحذيرية العابرة
ببساطة شديدة مش هتقدر تفرقها عن الجلطة اللي هتكمل شلل خالص غير أنه يعدي الوقت .. والعيان ما يتحسنش .. فلو فرضنا اني خرجت بفرضية يا جماعة العقارات المذيبة للجلطة او المنظمة لضربات القلب ملهاش لازمة ..وسبوبة و ايام الرسول مكنش فيه عقارات مذيبة للجلطة ..
واشربوا شاي اخضر .. لو حسيتوا باعراض تنميل او تقل ف نص جسمك أو عدم انتظام أو رفرفة ف ضربات القلب ..
نسبة مش صغيرة هتتحسن على الشاي الاخضر .. مش هيبقوا عارفين انهم حتى لو مخدوش اي حاجة خالص .. كانوا هيتحسنوا .. مؤقتًا ع الأقل .. (يا سلام ع الوهم)

النظرية التانية بتقول .. إن عموما ف الأبحاث العلمية مفيش حاجة ماشية بعلم الـ هيلا هوبا .. في تجربة أي عقار بيبقى فيه جروببين جروب placebo ..
دا جروب حرفيا بيشرب نعناع على أساس أنه ( مصل مثلا الانفلونزا ) ..
و جروب ياخد مصل الانفلونزا بجد .. ويشوفوا النسبة بين " جروب الشوكلاته .. والجروب الحقيقي اللي خد المصل الحقيقي "

لان فيه ناس من اللي شربوا النعناع .. بالإيحاء .. هيحسوا أن صحتهم احسن .. عشان إحساسهم أنهم خدوا المصل بس .. مجرد احساس ..
الأنظمة العلمية .. تبنى على التجربة العلمية
اخيرا اللهم لا تجعلنا من الذين ضل سعيهم في الحياة الدنيا وهم يحسبون أنهم يحسنون صنعا

د. أحمد يحيى

لا حول ولا قوة إلا بالله
"إِنَّا لِلَّهِ وَإِنَّا إِلَيْهِ رَاجِعُونَ" توفي إلى رحمة الله تعالى
صديقنا وزميلنا الدكتور أنس النشرتي
الدفعة 57 طب ازهر القاهرة اللهم ارحمه واغفر له واجعل قبره روضة من رياض الجنة اللهم ألهم قلب اهله الصبر والسلوان

زميلنا د أنس كان من أطيب الناس وأكثرهم خلقًا وتعاونًا بشوش الوجه ونحسبه على خير
ربنا يرحمه ويصبر أهله وينور قبره ويسكنه الفردوس

ايه اللي ممكن يخلي عيان يجيله
exertional TIA ؟
[الTIA اللي هي اعراض ستروك فكت لوحدها]


اولا
cardiac - non cardiac

الكاردياك
-structural :as aortic stenosis ,hocm ,

-functional : arrythmias as AF , VT

نيجي لل non-cardiac
ممكن انيميا او لو hypotensive او polycythemia

كذلك لو
severe carotid artery atherosclerosis

وعندنا حاجه مهمه بقا وهي
*subclavian steal phenomenon*
وهي ان فيه atherosclerosis في subclavian artery المغذي للذراع وبيدي برضه
vertebral artery اللي بيغذي المخ ،
لما نبذل مجهود بدني الدم يروح للدراع اكتر فيسحب الدم من الvertebral artery للدراع فيحصل TIA للمخ بأعراض posterior زي diplopia ,dysphagia ,ataxia

بنشخصه ب دوبلر ع vertebral
و
angiography
وهنلاقي الضغط ف الدراعين فرق اكتر من ١٥ سستول

ن work up
exertional TIA ازاي؟

cbc
holter ecg
echo
carotid,vertebral doppler
lipid profile

د. خالد محمد

" إحنا مش كويسين زي ما إحنا عايزين بس مش وحشين زي ما إحنا فاكرين "

- د/ حسين خيري

مؤخرًا بقينا نلاحظ حاجة غريبة ومتكررة..
لما عميل بيكلمنا يطلب دكتور لكشف منزلي
أول حاجة بيطلبها بعد ما يعرف اسم الدكتور هي:

ممكن لينك الأكونت أو البيدج بتاعته على الفيسبوك؟

والأغرب من كده، إن في حالات كتير بتلغي الزيارة لو ملقتش للدكتور ده أي وجود على السوشيال ميديا!

الناس مبقتش عايزة مجرد "اسم دكتور" وخلاص..

الناس بقت عايزة تشوفه قبل ما يجيلهم.
عايزين يعرفوا بيتكلم إزاي؟ أسلوبه إيه؟ بيقدم محتوى يفيد الناس ولا لأ؟
وإيه آراء الناس اللي كشفت عنده قبل كده؟

الحقيقة اللي لازم كل دكتور يستوعبها إن وجودك أونلاين وصناعتك للمحتوى مبقتش رفاهية، ولا حاجة إضافية تعملها لما تفضى وتخلص عيادتك..

ده بقى جزء أساسي من ثقة الناس فيك، والـ Personal Brand بتاعك.

وعشان كده دايمًا بتيجي في بالي جملة دكتور إيهاب مسلم:
"الأشهر بيبيع أكتر من الأشطر."

وده أكيد مش معناه إن الشطارة والخبرة مش مهمين.. بالعكس!

لكن الفكرة إنك لو دكتور شاطر بس محدش يعرفك، فغالباً الفرص دي كلها هتروح لدكتور تاني ممكن يكون أقل منك خبرة، بس الناس شايفاه طول الوقت

أتمنى كل جامعة تعمل كورس تسويق وصناعة محتوى خاص بالأطباء في نهاية فترة الامتياز عشان يحطهم على أول الطريق

وياريت تكون الريادة والمبادرة لجامعة الأزهر، لو فيه نية لحاجة زي كدا هكون متكفل بتوفير المدربين والمادة العلمية وتنسيق كامل للكورس بإذن الله

شاركوني رأيكم.. تفتكروا فعلًا السوشيال ميديا بقت هي المقياس الأول لاختيار الدكتور دلوقتي؟

د. يوسف النجار

من أكتر اللحظات اللى بتحس فيها إن الأدرينالين ماشى فى العروق على آخره ..
لما تلاقى دكاترة التخصصات كلها قاعدين حوالين حالة واحدة فى الاستقبال…
اللى بيحسب gases، واللى بيقلب فى الأشعات، واللى بيجادل فى البروتوكول، واللى شايف إن الحل تدخل فورى!
أرقام بتطير، وآراء بتتصادم، وأصوات بتعلى
بس رغم كل الجدل والـ“نفش” اللى بيحصل...
فى الآخر لما الحالة تتحسن، بنبص لبعض بنظرة واحدة كأننا بنقول: “اشتغلناها صح ”.
ده هو طعم الطب الحقيقى... ضغط × أدرينالين × teamwork
الاستقبال مش مجرد مكان... دى ساحة معركة بتطلّع منها بحكايات وبطولات محدش يعرفها غيرنا ..
اللهم لك ..
ويارب استخدمنا ولا تستبدلنا ..

د فهمي عيسى

أتفق 😂😂

مهم قوي في ال documentation بتاعتك لل history و ال examination بتاع المريض انك تكتب كلمة No علي الحاجات اللي سألتها للمريض و المريض جاوب ب لأ . او النقاط اللي بصيت عليها بالفحص الطبي و ماليقتهاش .
و افتكر ان كلمة No دي هاتحميك لأنها هاتدل انك سألت و المريض هو اللي أنكر . إنما لو ماكتبتهاش هايتقال إنك ماسألتش أصلا، لو طلع في الاخر ان المشكله المرضيه كان ليها علاقة بالسؤال ده .. دمتم سالمين ..

Dr Nabil mokhtar

في موضوع بيواجهني كتير، ومش عارف آخد فيه موقف.
ليه أول ما أروح زيارة عند أي حد من قرايبي، لازم يطلعلي كل التحاليل والأشعات ويطلب رأيي فيها؟
وليه أي خروجة مع أصحابي لازم تتحول لجلسة استشارات طبية؟
وليه أي حد يعرف إني دكتور، حتى لو مجرد تعامل عابر، لازم يسألني عن أعراضه أو علاج معين؟
حاسس إني محاصر بالطب في كل مكان. بقى صعب أفصل بين شغلي وحياتي الشخصية.
والأصعب إنك لو اعتذرت أو قلت إن الوقت مش مناسب، ممكن يتقال عليك متكبر، أو إنك اتغيرت، أو إنك دكتور فاشل مش عايز يساعد الناس.
أنا فعلًا بحب أساعد، لكن هل طبيعي أبقى مطالب أكون دكتور 24 ساعة في اليوم، وفي كل مكان؟

سؤال وجودي ..
هل إنت وانت بتتعامل مع المرضى .. لو كان ( لا قدر الله ) حد منهم من أهل بيتك هتبقى راضي وحاسس أن دي اكتر حاجة تتعمل و لا هتحس إن فيه اكتر ؟ ..
طالما حاسس ان فيه اكتر تبقى مقصر .. في حق الناس ..

دايمًا ف الوقت الحالي .. في بالي خاطرة مرعبة مرتبطة ب .. " ربنا ولا تجعلنا من الذين ضل سعيهم في الحياة الدنيا وهم يحسبون أنهم يحسنون صنعًا " ..
الله يمسيها بالخير ويبارك لنا فيها والدتي .. لما كنت اشتكيلها عن ال illegal practices .. اللي الإنسان بيشوفها .. وان اللي انت تحققه ف ٥ سنين غيرك بيحققه ف شهور .. والدنيا صعبة و المقاومة صعبة الإنسان لو ساب نفسه لهواها .. يحب الفلوس و يميل أنه ياخد اكبر فلوس بأقل جهد ..

كان رد مقنع خالص .. طيب تعبت وعلمتك ليه ؟ ما كنا طلعنا لصوص وخلاص طالما المشكلة فلوس وخلاص ؟

هل الدوا دا الاكثر فاعلية فعلا ؟ ولا غالي بالكدب وفيه بدايل احسن ؟
هل أصلا هو دا الدوا الأنسب فعلا ؟
طيب هل انت قصرت مع العيان ولا لا ؟
كان فيه حاجة تانية تتعمل له ؟

مش مطلوب منك تكون موسوس .. وانك تبذل جهد ويترمي ف الارض عشان ترضي الوسواس القهري .. لكن مطلوب منك تجاوب السؤال .. علمك .. ومجهودك .. ف وضعهم الحالي .. لو تعب حد من أهل بيتك ووقع مع حد بيعمل زي ما انت بتعمل بالظبط .. هتبقى متطمن ؟ .. طيب لو مش عارف هتسأل وتدور ولا هتتكبر ع السؤال ؟ ..

وهذا ينطبق على باقي المهن .. لو انت مطعم .. تقبل اللحمة دي ومستوى النضافة دا لاهل بيتك .. لو انت مهندس تقبل .. الأساس دا يكون أساس شقتك .. لو انت مدرس .. تقبل ابنك يتشرح له باقي المواد بهذا الشكل و هذا الجهد ؟
عدم السعي للتطوير المهارات في حد ذاته ف وظيفتك .. ظلم
مش لازم تمد ايدك و تسرق عشان تبقى اللقمة مش حلال .. اتقان العمل واجب .

اخيرا " يبسط الرزق لمن يشاء ويقدر "

Dr Ahmed yahia

في مرة دخلت امتحن شفوي و دكتورة سألتني لو حد جايلك بشكوي بألم في المفاصل تفحص ايه في جسمه

قولت نبدأ بالشعر لو في alopecia بيكون مع sle
العين anterior uveitis بيكون مع أمراض serongative
أو dry eye مع sicca syndrome
أو jaundice علشان PBC بتكون associated مع ulcerative colitis وممكن يكون reactive arthritis
الفم painless oral ulcer مع sle
الشفايف pallor مع rheumatoid
الوش malar rash مع sle
الأذن tophy مع gout
الرقبة أشوف lymph node
اسمع الصدر لو في crapitations في lung fibrosis مع Rheumatoid
البطن أشوف spleen في felty syndrome
وننزل لتحت قالتلي كفاية هي مقاولة

أنا ساعتها كنت مبسوط 😍

د.عمرو الدبوري

#متناقضات_الطب...

خد بالك...لازم تفرق بين ان
1)مش كل عيانacute pancreatitisبيكون ...
Increased amylase....
لان فيه حاجه اسمها..
Normal amylase pancreatitis..
دوروا علي اسبابها.....
2)الvomiting ممكن يعمل
Prerenal Acute renal failure...
و ان ....الrenal failureبيعمل
Vomiting...
الاول لو اديتلهfluids...زائد..ttt of the cause..ممكن يتحسن
بس التاني ممكن يحصله
Fluid overload and pulmonary edema if you give fluids without caustion; or without following urine output ; CVP and chest examination ; pulmonary edema may lead to death!!!!
3)العيان اللي جي ب
Head trauma and coma..
ممكن يكون وقع لاي سبب و اتخبط فدخل
Post traumatic intracranial haemorrhage....
"و ده يتحجز جراحه مخ و اعصاب"
اويكون حصلهcerebral hge....و بعد كدا دخل في coma...ووقع علي الارض و حصلتلهhead trauma...وده "تبع نفسيه وعصبيه"..
4)العيان اللي جي ب coma and convulsions...ممكن يكون فيه سبب الcomaحاجه عملت الاتنين مع بعض زي Encephalitis....
او العيان حصلهconvulsions
. وبعدها دخل فيcoma..و دي بنسميها
Post ictal state...
و دي مكن تستمر 24ساعه....
5)و مش كل عيان جيلك بshock..نطحنه محاليل...لانه لو هو hypovolemic اوseptic shock..ممكن يستجيب للمحاليل
....بس لوcardiogenic shock ممكن يموت من المحاليل لانها ممكن تدخله في pulmonary edema
6)مريض السكر و بالاخص type 2..لو جه بسكر عالي و metabolic acidosis..ممكن يكون DKAو ساعتها هيتعالج بinsulin..fluids...و يتحسن ان شاء الله...
او ممكن يكون ده
Uremic acidosis asdociated with simple hyperglycemia...
و لو اخد fluidsكتير ممكن يدخل في
Pulmonary edema...which may lead to death.. و حصل
في الحاله دي
You should respect acetone in urine if positive it is mostly DkA..if negative wait for urea and creatinine...
7)خد بالك...الshock...بتعمل
Metabolic acidosis..."lactic acidosis"due to tissue hypoxia.....
و ال:...metabolic acidosis"
ممكن تعمل...
Hypotension..shock!!!!..due to systemic vasodilation..
8)خد بالrapid atrial fibrillation d ..
"Rapid AF"..
ممكن يعمل shock...
و لو العيان اصلا "chronic AF"..و دخل في shock لاي سبب..ممكن يحصل reflex tachycardia...و يدخل في "rapid AF"....
الاولي علاج...و التانيه علاج تاني....

9)خد بالك....
Hypokalemia increase risk of digitalis toxicity...but digitalis toxicity causes hyperkalemia......دوروا ليه

10)loop diuretics causes "hypocalcemia"
علشان كدا ممكن تستخدم مع الfluids في علاج ال
hypercalcemic emergency......
NB...the most important line in TTT of hypercalcemic emergency is aggressive fluid therpy..usualy normal saline...
بس...
..but thiazide diuretics causes "hypercalcemia"...

11)..متنساش...
Hypecalcemia causes acute pancreatitis..but acute pancreatitis causes hypocalcemia...

12) الacute blood loosبيعمل
Normocytic normochromic anemia with reticulocytosis..
و الchronic blood loss ممكن يعمل بيعمل
Iron deficiency anemia"microcytic hypochromic anemia"...

13...نركز. فيه حاجه اسمها
Rhabdomyolysis...
دي ممكن تعمل Acute renal faiure و يكون معاها
Hypocalcemia...
بس "يقال"...
Do not treat hypocalcemia caused by rhabdomyolysis...unless severe hylocalcemia or maniefested by tetany " and after consult "...
علشان في الحالات دي لو اديتparentral calcium
هيحصل deposition on the muscle..
و ده ممكن يعملmore muscle damageو هيزود
الrhabdomyolysis...

"اللهم ارزقنا علما نافعا..و عملا متقبلا.. ويقينا صادقا"...

Dr abdelmohsen abdelhie

🩺 لما كنت جديد في العناية...
طلعت عيني وأنا بحفظ أسماء وأرقام وأفعال كل دواء vasoactive
👨‍⚕️ كنت حافظهم من غير ما "افهمهم"...

لما كان حد يسألني من الاستشاريين في المرور ده بيعمل ايه ولا ده بيعمل ايه كنت أقوله بولوم 😅😅بيعمل البولولوم اللي محصلش
اه والله كنت اسماعيل ياسين

وبعد شهور شغل، بدأت أفهمهم "بالطباع مش بالأرقام"

فقلت أكتبلكوا ده، يمكن يساعد أي حد لسه داخل الدوامة دي او حد في الدوامة دي سواء دكتور صغير او اخواتي التمريض ...

---

👮‍♂️الليفوفيد Norepinephrine – العسكري الصارم

– شغلته يشد الشرايين، يظبط الضغط، ويمسك جسم المريض من الانهيار
– مش بيرحم… بس بيشتغل بسرعة!
أول خط في الصدمة القلبية
---

🤹‍♂️ أدرينالين Epinephrine – البهلوان متعدد المهارات

– يزق القلب، يرفع الضغط، ويعلي نبضك في 3 ثواني
-- ده لما القلب يقف يكون هو الجوكر
--اكتر دواء ندهنها عليه في الرعاية بعد طبعا أنبوبة و منظار
– بس ممكن يخدعك لو استخدمته في حالات ال shock… يخلي اللاكتات يعلى وانت مش فاهم ليه!

---
🕺دوامين Dopamine – المزاجنجي

– كل جرعة بطبع مختلف:
2–5 يريح الكلى 🧼
5–10 يزق القلب 💓
10–20 يبقى "بلطجي" يرفع الضغط بأي تمن 💥
– بس ممكن يقلبها arrhythmia في لحظة ⚡
---
💖 دوبيتاريكس Dobutamine – ابن الناس الطيبين

– مابيحبش يشد على حد، بيركّز بس على تقوية القلب
– مناسب للمريض اللي ضغطه كويس بس قلبه تعبان
---
🧠بريماكور Milrinone – المثقف الرومانسي

– بيشتغل بالعقل مش بالقوة
– يزود الانقباض، ويقلل المقاومة… بس عيبه يتراكم لو الكلى تعبانة

---
👑نيوسنيفرين Phenylephrine – الصامت اللي بيشد

– بيشد الشرايين بس… ميعرفش يزق القلب
– مناسب لو المريض عنده vasodilation بس عضلته كويسة

---
💦ترايديل Nitroglycerin – بتاع الذبحة

– بيفكرني بأغنية أحمد سعد وهو بيقول وسع وسع
شغلته يوسّع الوريد ويروّق القلب
– بيشتغل أكتر على الـ preload
– حنين… بس الضغط بينزل وراه دايمًا

---

🧪 نيبريد Nitroprusside – الكيميائي المجنون

– بيقلب الدنيا توسعة
– ينفع في الأزمات، بس ممكن يسمّمك لو طولت معاه

---

🧬سيداميكس Levosimendan – الطبيب العالمي

– يشتغل على التروبونين ويزود الانقباض من غير ما يعلي الأكسچين
– غالي وفخم… بس بيشتغل بشياكة
– مش متوفر في كل مكان

دكتور مايكل جرجس

زملائنا الچناير والامتياز:
غالباً عندك معلومات كتيرة من الكلية وما بعدها
يعني المرحلة الأكاديمية انتهت
والقادم ؟!
هو المرحلة الحقيقة لك وهي العملية
يعني
إزاي تحول العلم اللي أنت عارفه إلى عمل
وإزاي تترجمه على أرض الواقع !!
.
يعني متجيش حالة عندها تورم في القدمين ونايم على السرير قدامك زي الفل وبيروح ويجي وبينام كويس والدنيا معاه زي الفل ما عدا رجليه !
وتروح تقولي دا heart failure !!!
.
دوّر على سبب موضعي زي الدوالي أو الوقوف فترات طويلة أو زيادة الوزن وهكذا
خاصة لو مفيش معاه تاريخ مرضي بأي مشكلة والفحص الأولي له سليم
وطبعاً بتستبعد الأسباب التانية بالتاريخ المرضي أو الفحص وهكذا
.
متجيش حالة معاها ترجيع عادي بسبب نزلة معوية وتروح تقول للمريض دا احتمال تكون فشل كلوي !!!
مش هنهرج احنا يعني !!
.
الفكرة
أنك تشغل مخك وأنت بستخدم معلوماتك
وتخلي عندك clinical sense وأنت بتاخد هيستوري من المريض أو بتفحصه
وتقيّم المريض كله على بعضه مش مجرد عرض !
يعني عنده ترجيع النهاردة هتفكر في مشاكل المعدة ونزلة معوية
بس في نفس الوقت بتسأل عن أي عمليات جراحية قريبة او مشاكل مزمنة في القولون زي الكرونز وهكذا
علشان هتلاقيك بتفكر في انسداد الأمعاء رقم واحد قبل ما تفكر في النزلة المعوية اللي ممكن أول يوم تبدأ بترجيع مستمر قبل ما يبدأ الإسهال !!
.
الحكة العامة في الجسم ممكن تكون حساسية عادية قبل ما تقول للمريض عندك فشل كلوي !!!
ممكن تكون او مزمنة بسبب حساسية او نقص مخزون الحديد زي ما هتفكر في ارتفاع وظايف الكلى او السكر
وممكن مريض السكر لو سكره مش مضبوط معظم الوقت يحصل معاه نفس الشكوى وتكون وظايف الكلى زي الفل ودا بسبب السكر ذاته والتهاب الأعصاب الطرفية
.
مريضة ضغط وعندها كحة مزمنة
قبل ما تقولها درن وورم وحساسية صدر
اسألها الأول بتاخد علاج ضغط ايه ؟!
هتلاقيها ماشية مثلا على ال ACEI
ولو مش ماشية عليه
فكّر الاول في مشاكل ارتجاع المرئ والجيوب الأنفية قبل ما تفكر في اللي فوق
وهكذا
.
وقبل ما تسرح وتفكر في السيندرومات
لازم تعرف أن
The common is common
And
The uncommon symptoms of common diseases are commoner than common symptoms of uncommon diseases
يعني المشهور مشهور
والأعراض الغير مشهورة للمرض المشهور، أشهر من الأعراض المشهورة للمرض غير المشهور او النادر
يعني بلاش تسرح جامد من الأول وابدأ خطوة بخطوة مع الحالة
.

مهمتك انك ترشق جنب اللي اكبر منك علشان تتعلم ازاي توظف معلومات
محدش منهم هيسمّع لك الكتاب ولا هيرص لك صفحة كاملة
لأ
هيقولك تكة صغيرة تلخص لك بها كتاب كامل
.
الأستاذ الدكتور محمود حسن عبقري النيورو في طب الأزهر
قالنا في سنة رابعة كلية
لما مريض يجي لك في الاستقبال وشاكك أن عنده جلطة في المخ سواء بقى صح او بيستهبل
اعمل ال planter لو إيجابي يبقى عندك مشكلة في ال pyramidal tract
لو سليم يبقى ال tract سليم ومش جلطة خاصة لو المريض جاي وعامل ان عنده ضعف في جزء من الجسم
وهكذا
.
يبقى ركز في فترة تعليمك الأولية إزاي توظف معلوماتك
ولا تنتظر أن حد هيقعد يسمع لك كتب
هيقولك تكة يلخص لك بها كتب
.
وصلت الفكرة ؟'

د. أحمد العسكرى