كنت بسمع ال hyperclcemia لاستاذنا دكتور محمد الشافعي فمن ضمن كلامه كان من الاسباب اللي تعمل كدا ال multiple meloma
بيقول مره حجزنا حاله في ال ICU علي انها hematemesis كانت واخده NSAID كتيره نتيجه boney ache فالحاله كانت بالنسبالنا بسيطه وسبب ل hematemisis معروف
لما دكتور شريف مختار مر ع الحاله وشاف الفايل قاله خد بالك الا الحاله تطلع MM
دكتور الشافعي بيقول عملت ال protein elctrophoresis وطلعت الحاله MM
راح ساعتها يسال د. شريف مختار انت شخصتها ازااي MM
من انك بس بصيت في الفايل بتاع الحاله
قاله من ضمن ال investigation اللي انت طالبها واخد بالك ان ال total proteins عالي وال albumin نورمال
قاله يبقي ايه يعلي التوتال بروتين والالبيومين طبيعي رد عليه وقاله يبقي ال globulin
ساله الكالسيوم ايه اخباره رد د. الشافعي وقاله عالي
قاله disease بيعلي ال globulin وال calcium ويعمل bone ache اللي العيانه بتشتكي منها يبقي ايه ياحبيبي رد وقاله يبقي ال MM يابيه 😁

د. اسلام نوار

انتبه... زملائي الأطباء.. عصارة الخبرة في ممارسة الطب....

١٩ نقطه احترافيه في طريقه شغلك     لو حاولت تطبقهم بقدر ما تستطيع ستقترب من مستوي الاحتراف بسرعه ……..

خلاصه القول … الطب ليس مبني علي معلومات فقط …الاهم  توظيف و ترجمه المعلومات بما يتوافق مع كل مريض على حده  

١ ⚠️– بدايه النجاح الحقيقي لما  تتعمق في التخصص في مجالك ….

٢ – لا تتطوع بعلاج سكر او ضغط او حتي علاج الم …يكفيك  ادراك المشكله و تحويل المريض الي اهل التخصص ——همه افضل منك في مجالهم زي ما انت افضل منهم في تخصصك
الدكتور اللي بيعالج كل حاجه اعرف انه  مش عارف اي حاجه 

٣ ⚠️-  درجات التواصل بين الاطباء لمناقشه علاج مريض  من الاعلي الي الادني
مقابله شخصيه  و مناقشه بين مختلف التخصصات multidisciplinary team …الاروع و الافضل   و مافيش احسن منها

مكالمه تليفونيه لمناقشه حاله المريض مع الاعتبار ان كلا الطبيبن فحص المريض و ناظر  اشعاته
كتابه  خطاب تحويل و ده فن لوحده …. اكتب التشخيص بدقه   و اهم النقاط اللي انت عاوز زميلك يشوفها …اكتب عاوز منه ايه  في نقاط دي اهم بكتير ما تقول له خد بالك من فلان  التوصيه الحقيقيه انك تشرح الحاله بدقه 

٤ ⚠️- لا تطلب من زميلك خصم للمريض  الا اذا عرض عليك و ابدي استعداد … عاوز تخدم المريض اخصم من كشفك او رجعه    …لا تتصدق من جيب  زميلك  …اتصل به هاتفيا  بلغه انه غير قادر فقط و اتركها لتقديره …الاحساس نعمه

٥-⚠️ لا تكتب في الروشته المريض فقير حتى و لو باللغه الانجليزيه  …كتير من المرضي يتاذون  من هذا الوصف

٦-⚠️ لا تقرا تقرير اشعه بدون ما تشوفها …بعد سنين هاتعرف قيمه اللي بقوله ده  …

٧ ⚠️-عند عرض اشعات  لحالات نادره استاذن المريض و احرص علي طمس اسمه من الاشعات فالمرض عوره

٨ ⚠️- لا تتكلم في تفاصيل المرض الا مع اقارب الدرجه الاولي …و الصراحه و الصدق اهم من الكلام المعسول الغير دقيق … طمأن اهله لكن لا تخدعهم هايعرفوا الحقيقه من زميل اخر و لن تصبح لك مصداقيه

٩-⚠️ ليس عيبا علي الاطلاق تقول للمريض …سيبني يومين افكر في حالتك و اقول لك قراري ….مش شطاره انك تطلع معلومه سريعه  غير دقيقه لثبت انك  حاسب آلي يمشي علي قدمين …تعلمتها  و الله من احد اساتذتي 

١٠ ⚠️ -اكتب بروتوكول العلاج و لو انت  نشيط حبتين ارفق به التوصيات الدوليه اللتي تعزز قرارك ….هناك قله من الزملاء بضاعتهم المزايده علي قرارك …التوصيه الدوليه حمايه لمريضك من المزايدات الرخيصه ….

١١ ⚠️-لما تشوف اشعه او تحليل مكتوب بحرفيه عاليه ..ارفع سماعه التليفون و اشكر زميلك ….هتلاقي  زميل بيرفع السماعه و يشكرك …التشجيع هو الحافز اللي بيخليك تكمل بنفس الاداء بدون ملل

١٢ ⚠️-اعرف ان النجاح في التركيز  و الجوده … مش شطاره انك تشتغل ١٦ ساعه و تشوف عشرات الحالات يوميا   بربع تركيزك …لا تتحول الي ماكينه لجمع المال على حساب  حياه الاخرين

١٣ ⚠️-ان كان و لابد …لما الشغل  يزيد عليك  لازم  تشغل  اطباء مساعدين  ..هاتتفرغ للقرارات المهمه و ربنا هايرزقك بانفاقك علي عملك
المريض بيقدر الدكتور اللي بيقدره …ماتبقاش قاعد في التكييف في مكتبك و مشغل مروحه في الريسبشن …..اللي بيصرف علي شغله ربنا بيبارك له …و شغله بيصرف عليه ….

١٤ ⚠️-ماتوصيش اب و ام علي ابنهم المريض  همه مش ناقصين حد يزايد عليهم  …لكن ممكن توصي   الابن و الابنه علي ابوهم و امهم ..عقوق الابناء اشيع من عقوق الاباء      …

١٥ ⚠️-لو المريض له تامين صحي او علاج علي نفقه الدوله  لا تتردد في توجيهه لهما ….انت مؤتمن على ماله كما انت مؤتمن علي صحته ….

١٦ ⚠️-كل مريض بييجي في الاول معاه عشره من العيله …و اللي بيكمل معاه مشوار العلاج  واحد او اتنين ….دول احن و اجدع ناس ….ركز مع اللي مذاكر الحاله  و لا تشتت مع باقي الاقارب …..

١٧ ⚠️-لا تصف علاج بالتليفون بدون ما تكشف علي المريض معظم الكوارث بيتحصل من الموضوع ده …..

١٨-⚠️ لو الموضوع عاجل و انت عارف مريضك …قول له يروح الصيدليه و يكلمك من هناك … اتاكد انك بتكلم صيدلي  مش مناول  …. التفاهم بينك و بين الصيدلي ادق بمراحل من  التفاهم مع مريض بيقوللك  اسم العقار غلط …. 
١٩ ⚠️-لا تفحص مريضه الا في وجود احد محارمها او في وجود سيده من  التمريض حتي لو  المريضه عندها ٩٠ سنه …..
لما تكشف علي  مريض و تشوف ورم  صعب مشوه منظره حاول تسيطر علي ملامح  وجهك لانه ساعتها بيكون متابعك بعينه  و نظرات الجزع منك بتخليه  تصعب عليه نفسه كفايه اللي بيشوفه  في عين الناس



في النهايه مهنه الطب  مهنه مرهقه … حاول تستفيد منها بشويه حسنات    و تاكد ان ما تنفقه من وقتك و مالك علي عملك سيرزقك الله به في الدنيا  قبل  الاخره
فان الله شكور
يارب اللي كتبته ده ينفع  الاطباء زي ما انا انتفعت به من اساتذتي و مرضاي.

دكتور محمد صبري القاضي

- برغم إن وزن الكلى ١/٥٠٠ بس من وزن الجسم بيوصلها ربع كمية الدم المتدفق من القلب كل دقيقة.

- الكلى بتقوم بفلترة الدم ده كله وتنقيته من السموم والأملاح الزايدة .. كل كلى فيها أكتر من مليون وحدة وظيفية عشان تقدر تعمل ده.

- الكلى بتقدر تفلتر الدم بمعدل ٦٠ لتر في الساعة .. جسمنا فيه حوالي ٥ لتر دم .. يعني الكلى بتغسل الدم بتاعنا ٣٠٠ مرة في اليوم الواحد.. يعني بتفلتر ١٧٠٠ لتر يومياً.

- ومن الـ ١٧٠٠ لتر دم اللي بيعدوا على الكلى في اليوم .. الكلى بتقوم بعملية معقدة من الترشيح وبعدين تقوم بعملية تانية لإمتصاص ٩٩% من الكمية دي عشان تحافظ على العناصر المفيدة للجسم من الحاجات اللي اترشحت خلالها وتطلع ١-٢ لتر بس في صورة البول.

- الكلى مش بس بتتخلص من السموم لكن بتقوم بعملية دقيقة جداً لتظبيط كمية السوايل في الجسم وبتظبط كمية البول حسب إحتياج الجسم للسوائل بالنقص أو الزيادة .. عشان كده من الحاجات اللي ممكن نلاحظها على المريض لو الكلى تعبت هيا احتباس السوائل وتورم الجسم.

- كمان الكلى بتقوم بدور كبير في إفراز الهرمونات اللازمة لبناء كرات الدم الحمراء وتنشيط فيتامين دال المهم لبناء العظام وكمان بتتحكم بتنظيم ضغط الدم وتنظيم انقباض وانبساط الأوعية الدموية.

د_محمد_ممدوح

أول الشهر حصل عجز في نواب الباطنه العامه عندنا في المستشفي  العام
قام المدير كلف دكاتره  قسم الأطفال " اللي هو احنا "
إننا نشيل إستقبال قسم الباطنه ، بغض النظر عن قانونيه الموضوع ده من عدمه بس ده اللي حصل
والجدير بالذكر إني منتدب لمستشفي حميات المحافظة لحد مايجيبوا نواب حميات
وبكده أنا نايب أطفال وحديثي الولاده " ده الرسمي بتاعي "
ونايب باطنه لحد مايجيبوا نواب باطنه ونايب حميات لحد ما يجيبوا نواب حميات
إمبارح كنت نوباتجي حميات ،دخلت واحده ب إبنها أول ماشافتني ركبها عفريت
قالتلي هو مافيش غيرك ف المحافظه ولا إيه !!
إبني يتعب أروح بيه أطفال مستشفي العام الآقيك
أمي تتعب أروح بيها باطنه الأميري الأقيك هناك
النهارده قولت والله ما رايحه الأتنين
أجي الحميات الاقيك هنا... إيه عفريت !!

كنت عامل زي زكريا الدرديري كده  : D
دكتور أطفال وباطنه وحميات لحد ما يجيبوا باطنه وحميات 😂
By Beshoy Tamer

40 years old male patient unknown case of any medical illness come with right side chest pain and dyspnea 4 hours ago.
CXR was taken.

✅ Infection in Elderly

مش دايمًا بتيجي بـ Fever… ودي أخطر نقطة.

Elderly عندهم عشان
↓ Immune response
↓ inflammatory reaction

- فـ ممكن يحصل serious infection بدون Fever واضحة.

●  إيه اللي ممكن ييجي بدل الـ typical symptoms؟

1️⃣ Confusion مفاجئ
2️⃣ Sudden functional decline
3️⃣ Falls متكررة
4️⃣ Anorexia
5️⃣ Lethargy
6️⃣ Mild tachycardia بس من غير حرارة

أول عرض أحيانًا بيكون:
“الدكتور… بابا مش طبيعي النهارده”

مثال: Appendicitis في Elderly

👈 الشخص الصغير:
RLQ pain + Fever + rebound tenderness

● لكن في الكبير:
✔️ ألم خفيف أو vague
✔️ مفيش Fever واضحة
✔️ مفيش guarding واضح
✔️ ممكن ييجي late ومعاه perforation

- يعني diagnosis بيتأخر والمضاعفات أعلى.

🚩 Red Flags في Elderly Infection
• Acute confusion بدون سبب واضح
• Hypotension خفيفة
• Tachypnea
• Unexplained deterioration
• WBC طبيعي لكن CRP عالي

- ما تعتمدش على Fever بس.
لو شاكك…
اعمل labs + imaging مبكر.

✅️ في كبار السن:
Absence of fever does NOT exclude serious infection.

د/ أيمن مرسي

وقفَ الحسن البصري عند شفير قبر بعد دفن صاحبه ثم التفت على رجل كان بجانبه فقال:

أتراه لو يرجع للدنيا ماذا تراه يفعل؟!
قال الرجل: يستغفر ويصلي ويتزود من الخير .

فقال الحسن: هو فاتته.. فلا تَفُتك أنت!

وقد أفلح من اتعظ بغيره ، وقد خاب من اتعظ بنفسه..

👶 طفل عمره حوالي 8 سنين
كان بيعاني من تبول لا إرادي ليلي يومي ومستمر.
أخد كورسات علاج كتير ولشهور تقريبًا…
والاستجابة؟ ضعيفة جدًا ❌
الأم جاتلي مستغربة ومتضايقة،
وأكتر حاجة ضايقتها إني سيبت موضوع التبول..
.....
وبدأت أسألها أسئلة شكلها غريبة شوية:

❓ هل الطفل بيشخر وهو نايم؟
❓ هل بينام وفمه مفتوح؟
❓ هل اشتكيتِ قبل كده من اللحمية؟
❓ هل عمل أشعة على اللحمية؟
الأم كانت مستغربة جدًا…
لكن الحقيقة إن الإجابة كانت مكتوبة على وش الطفل.
👦 الطفل وهو داخل العيادة
كان عنده شكل معروف طبيًا باسم
👉 Adenoid Face
فم مفتوح دايمًا .. تنفس من الفم
شفة علوية مرفوعة و الأسنان الأمامية باينة
انسداد أنف مزمن
...
📌 ومن غير أي أشعة
مجرد ما فتحت بقه وحطيت خافض اللسان
لقيت تضخم شديد في اللوزتين
( اللوزتين ايه دول خمسة ستة 😃😃)

الواد ده كان بيتنفس ازاي يا ست الكل
....
يا ماما ..
🧠 المشكلة الحقيقية مش في المثانة…

ابن حضرتك كان بيعاني من
👉 Sleep Apnea Syndrome
(انقطاع النفس أثناء النوم)

بسبب تضخم اللوز واللحمية،
واللي بيؤدي إلى:
اضطراب النوم
نقص الأكسجين أثناء الليل
خلل في التحكم العصبي
وواحدة من أشهر نتائجه عند الأطفال
👉 التبول اللا إرادي الليلي
....
وبفضل الله تعالي ...
✅ بمجرد استئصال اللوزتين واللحمية
📌 التبول اللا إرادي توقف تمامًا
📌 من غير أدوية
📌 من غير كورسات
📌 من غير معاناة نفسية للطفل
🔴 الرسالة المهمة
مش كل تبول لا إرادي يتعالج بدوا
ومش كل مشكلة بولية سببها المثانة
أحيانًا
👉 المشكلة في التنفس أثناء النوم
👉 وفي اللحمية واللوز
📣 اسأل… بص… اربط الأعراض ببعض
الطب مش روشتة
الطب_تفكير_وفحص...
وتشخيص قبل الروشته ....
وكان
هذه بداية النهاية لحياة جديدة لهذا الطفل
دون بلل أو قلق 💐💐💐
...
🛑🛑🛑🛑🛑🛑🛑🛑
➖➖➖➖➖➖➖➖
دكتور أحمد العجمي

#نظام_البسكوتات
عندنا في النيورو - وفي اي تخصص - امراض مؤقتة بتنذر ف الغالب بمصايب اكبر جاية ..
ف مثلا الـ Transient ischemic attack .. او السكتة الدماغية التحذيرية .. هي اعراض جلطة ع المخ عادي .. شلل نصفي أو خذل بناحية من الناحيتين أو دوخة أو غيره .. وف أقل من ٢٤ ساعة ف الغالب .. اول ساعة الأعراض بتتحسن تمامًا ..
بس ف الغالب بنسبة تصل لـ ٤٠٪ او اكتر الإنسان دا هيجيله شلل نصفي فعلا وممكن يموت من جلطة أو يعيش عاجز .
فـ تخصص القلب مثلا فيه حاجة paroxysmal AF .. رفرفة اذينية مؤقتة تقريبا بالعربي .. بتكون فيه عدم انتظام ضربات القلب واللي ممكن يعمل مصايب لكنه مش دائم بيروح ويجي .

عاوز تقول ايه ؟

عاوز اقول ببساطة شديدة جدًا .. أن لو فيه شخص ما زعم أنه بيعالج الجلطة .. او الرفرفة الاذينية بال ينسون / الكركديه او الشاي الاخضر .. هيظهر ناس تحلف انها خفت على أيده .. وهم مقتنعين ١٠٠٪ أنهم خفوا على أيده

يعني في حالات زي ال TIA او السكتة الدماغية التحذيرية العابرة
ببساطة شديدة مش هتقدر تفرقها عن الجلطة اللي هتكمل شلل خالص غير أنه يعدي الوقت .. والعيان ما يتحسنش .. فلو فرضنا اني خرجت بفرضية يا جماعة العقارات المذيبة للجلطة او المنظمة لضربات القلب ملهاش لازمة ..وسبوبة و ايام الرسول مكنش فيه عقارات مذيبة للجلطة ..
واشربوا شاي اخضر .. لو حسيتوا باعراض تنميل او تقل ف نص جسمك أو عدم انتظام أو رفرفة ف ضربات القلب ..
نسبة مش صغيرة هتتحسن على الشاي الاخضر .. مش هيبقوا عارفين انهم حتى لو مخدوش اي حاجة خالص .. كانوا هيتحسنوا .. مؤقتًا ع الأقل .. (يا سلام ع الوهم)

النظرية التانية بتقول .. إن عموما ف الأبحاث العلمية مفيش حاجة ماشية بعلم الـ هيلا هوبا .. في تجربة أي عقار بيبقى فيه جروببين جروب placebo ..
دا جروب حرفيا بيشرب نعناع على أساس أنه ( مصل مثلا الانفلونزا ) ..
و جروب ياخد مصل الانفلونزا بجد .. ويشوفوا النسبة بين " جروب الشوكلاته .. والجروب الحقيقي اللي خد المصل الحقيقي "

لان فيه ناس من اللي شربوا النعناع .. بالإيحاء .. هيحسوا أن صحتهم احسن .. عشان إحساسهم أنهم خدوا المصل بس .. مجرد احساس ..
الأنظمة العلمية .. تبنى على التجربة العلمية
اخيرا اللهم لا تجعلنا من الذين ضل سعيهم في الحياة الدنيا وهم يحسبون أنهم يحسنون صنعا

د. أحمد يحيى

لا حول ولا قوة إلا بالله
"إِنَّا لِلَّهِ وَإِنَّا إِلَيْهِ رَاجِعُونَ" توفي إلى رحمة الله تعالى
صديقنا وزميلنا الدكتور أنس النشرتي
الدفعة 57 طب ازهر القاهرة اللهم ارحمه واغفر له واجعل قبره روضة من رياض الجنة اللهم ألهم قلب اهله الصبر والسلوان

زميلنا د أنس كان من أطيب الناس وأكثرهم خلقًا وتعاونًا بشوش الوجه ونحسبه على خير
ربنا يرحمه ويصبر أهله وينور قبره ويسكنه الفردوس

ايه اللي ممكن يخلي عيان يجيله
exertional TIA ؟
[الTIA اللي هي اعراض ستروك فكت لوحدها]


اولا
cardiac - non cardiac

الكاردياك
-structural :as aortic stenosis ,hocm ,

-functional : arrythmias as AF , VT

نيجي لل non-cardiac
ممكن انيميا او لو hypotensive او polycythemia

كذلك لو
severe carotid artery atherosclerosis

وعندنا حاجه مهمه بقا وهي
*subclavian steal phenomenon*
وهي ان فيه atherosclerosis في subclavian artery المغذي للذراع وبيدي برضه
vertebral artery اللي بيغذي المخ ،
لما نبذل مجهود بدني الدم يروح للدراع اكتر فيسحب الدم من الvertebral artery للدراع فيحصل TIA للمخ بأعراض posterior زي diplopia ,dysphagia ,ataxia

بنشخصه ب دوبلر ع vertebral
و
angiography
وهنلاقي الضغط ف الدراعين فرق اكتر من ١٥ سستول

ن work up
exertional TIA ازاي؟

cbc
holter ecg
echo
carotid,vertebral doppler
lipid profile

د. خالد محمد

" إحنا مش كويسين زي ما إحنا عايزين بس مش وحشين زي ما إحنا فاكرين "

- د/ حسين خيري

مؤخرًا بقينا نلاحظ حاجة غريبة ومتكررة..
لما عميل بيكلمنا يطلب دكتور لكشف منزلي
أول حاجة بيطلبها بعد ما يعرف اسم الدكتور هي:

ممكن لينك الأكونت أو البيدج بتاعته على الفيسبوك؟

والأغرب من كده، إن في حالات كتير بتلغي الزيارة لو ملقتش للدكتور ده أي وجود على السوشيال ميديا!

الناس مبقتش عايزة مجرد "اسم دكتور" وخلاص..

الناس بقت عايزة تشوفه قبل ما يجيلهم.
عايزين يعرفوا بيتكلم إزاي؟ أسلوبه إيه؟ بيقدم محتوى يفيد الناس ولا لأ؟
وإيه آراء الناس اللي كشفت عنده قبل كده؟

الحقيقة اللي لازم كل دكتور يستوعبها إن وجودك أونلاين وصناعتك للمحتوى مبقتش رفاهية، ولا حاجة إضافية تعملها لما تفضى وتخلص عيادتك..

ده بقى جزء أساسي من ثقة الناس فيك، والـ Personal Brand بتاعك.

وعشان كده دايمًا بتيجي في بالي جملة دكتور إيهاب مسلم:
"الأشهر بيبيع أكتر من الأشطر."

وده أكيد مش معناه إن الشطارة والخبرة مش مهمين.. بالعكس!

لكن الفكرة إنك لو دكتور شاطر بس محدش يعرفك، فغالباً الفرص دي كلها هتروح لدكتور تاني ممكن يكون أقل منك خبرة، بس الناس شايفاه طول الوقت

أتمنى كل جامعة تعمل كورس تسويق وصناعة محتوى خاص بالأطباء في نهاية فترة الامتياز عشان يحطهم على أول الطريق

وياريت تكون الريادة والمبادرة لجامعة الأزهر، لو فيه نية لحاجة زي كدا هكون متكفل بتوفير المدربين والمادة العلمية وتنسيق كامل للكورس بإذن الله

شاركوني رأيكم.. تفتكروا فعلًا السوشيال ميديا بقت هي المقياس الأول لاختيار الدكتور دلوقتي؟

د. يوسف النجار

من أكتر اللحظات اللى بتحس فيها إن الأدرينالين ماشى فى العروق على آخره ..
لما تلاقى دكاترة التخصصات كلها قاعدين حوالين حالة واحدة فى الاستقبال…
اللى بيحسب gases، واللى بيقلب فى الأشعات، واللى بيجادل فى البروتوكول، واللى شايف إن الحل تدخل فورى!
أرقام بتطير، وآراء بتتصادم، وأصوات بتعلى
بس رغم كل الجدل والـ“نفش” اللى بيحصل...
فى الآخر لما الحالة تتحسن، بنبص لبعض بنظرة واحدة كأننا بنقول: “اشتغلناها صح ”.
ده هو طعم الطب الحقيقى... ضغط × أدرينالين × teamwork
الاستقبال مش مجرد مكان... دى ساحة معركة بتطلّع منها بحكايات وبطولات محدش يعرفها غيرنا ..
اللهم لك ..
ويارب استخدمنا ولا تستبدلنا ..

د فهمي عيسى

أتفق 😂😂