من المشاكل اللي واجهت ناس كتير وهي بتتعلم برمجة عموما
ال Folder اللي هتعمل فيه مشروعك اللي بتتعلم فيه برمجة
—
سميه بالانجليزي ومتخليش فيه مسافات يعني مثلا
new_project My_Project MyLearning
اي حاجة من دي تمام بس المسافات واللغة العربي هتخليك تواجه مشاكل
—
وانت بتسمي الملف خلي الإمتداد كله حروف صغيرة cpp وليس CPP أو Cpp في حاجات كتير برضة هتواجهك فيها مشاكل لو غلطت الغلطة دي
وباذن الله هوريلكوا امثلة مستقبلا

الفيديو الخامس نزل والحمد لله
فيه كتير معلومات مهمة ونقاش عن اللي بيحصل وراء الكواليس
وشرح كامل للكود اللي بنكتبه وباذن الله يعجبكوا
اي حاجة مش واضحة اكتبها في التعليقات علشان اقدر اجاوب عليها الفيديوهات اللي بعدها
https://youtu.be/FVV4kTy0dJg

قدام شوية هنبدأ نختبر نفسنا لما تنزل التحديات لكن لحد دلوقتي مفاهيم وحكايات وكلها معلومات نظرية

واحنا بنتعلم أساسات برمجة بلغة ++C هنقابل مفاهيم كتير جدا كتبتلك المفاهيم دي في صفحة علشان كل ما نخلص حاجة اثناء المسار التعليمي هنعلم عليها انها Done ولسة هطور الصفحة مستقبلا باذن الله وأضيف عليها جميع المفاهيم.
--
https://elzero.org/fundamentals-of-programming-checklist/

الفيديو السادس نزل علشان نتوغل فيه شوية ونفهم اللي بيحصل وناخد فرصة نبحث عن المصطلحات اللي اتقالت ونزود معلوماتنا لحد منشرحها
زي ال Linker وال Compiler وال Object وال Translation Unit

واحنا بنتعلم أساسات برمجة بلغة ++C هنقابل مفاهيم كتير جدا كتبتلك المفاهيم دي في صفحة علشان كل ما نخلص حاجة اثناء المسار التعليمي هنعلم عليها انها Done ولسة هطور الصفحة مستقبلا باذن الله وأضيف عليها جميع المفاهيم.
--
https://elzero.org/fundamentals-of-programming-checklist/

اتكلمنا عن صفحة المفاهيم البرمجية
وقولنا كل مفهوم هيكون تحته فيديوهات ومصادر تراجعه منها
عموما لو انت ماشي مع كورس ال ++C كل دة هيكون متاح معاك
لكن هنا علشان لو عندك بعض المفاهيم محتاج تراجعها لوحدها
--
https://elzero.org/fundamentals-of-programming-checklist/

الناس اللي بتتعلم برمجة عموما واللي ظهرلهم رسالة Permission Denied في Visual Studio Code أو أي Editor حل مشاكل التراخيص أغلب الوقت انك وانت بتفتح البرنامج Click يمين واختار Run As Administrator علشان تاخد تراخيص الأدمن ومتطلعلكش المشكلة دي.

قولنا في كورس ال ++C انك هتتعلم أساسات البرمجة باللغة دي بس دة مش معناه انك مش هتتعلم اللغة نفسها لأ طبعا هتتعلمها بس احنا بنركز على أساسات البرمجة واحنا بنتعلمها غير واحد بيشرحلك اللغة علشان تعمل بيها Games هيكون مركز على حاجة تاني خالص مثلا.

طب ليه الإحباط طاه :D
—
ان شاء الله هنتعلم حاجات كتير جدا هتفرق معانا في المسار البرمجي أوعدكوا

ضفنا خطة الدراسة لل ++C والحمد لله
الاسبوع الأول انتهى والثاني باقي 3 فيديوهات
هتترفع في خلال يومين ويبقى الاسبوع التاني كمان انتهى
والتكليفات كلها اتضافت
--
https://elzero.org/study/cplusplus-study-plan/

خلي الموقع دة معاك هتحتاجه كل ما تتقدم في تعلم اللغة
—
https://godbolt.org/

دة استبيان عملته للناس اللي بتتعلم اعرف منهم كل شيء تمام ولالا
https://www.surveymonkey.com/r/BW6GDJ8
النتيجة مش مبني عليها اي حاجة هي فكرتها اعرف بس كله تمام ولالا لكن الدروس اتعملت واترفعت خلاص مستني تختاروا المناسب ليكوا

طور مهارتك في برنامج VS Code علشان تسهل على نفسك وقت
https://www.youtube.com/watch?v=UuBRd7GeARg

كتير بشوف ناس بتواجهها مشكلة في Code معين وبيروح منزل محتوى الكود في البوست رغم وجود مواقع كتير بتخليك تنشر الكود بتاعك وكمان تشوف النتيجة ومنهم.
https://replit.com/
تقدر تشارك مشكلتك كدة والشخص كمان يجرب الكود

الحمد لله رب العالمين
ضفت الاسبوع الثاني
من خطة دراسة أساسات البرمجة بلغة ++C
وضفنا فيها 11 تكليف جديد للتدريب على المتغيرات
--
https://elzero.org/study/cplusplus-study-plan/

يلا يا شباب استغلوا الوقت الفاضي علشان تحلوا التكليفات وتزودوا معلوماتكوا

فتحنا التعليقات للي حابب يتناقش في أي شيء من اللي بيتم نشره

كتير ناس بتواجه مشاكل في التراخيص وهي بتنزل Package أو أي شيء أثناء تعلم البرمجة
اتعود وانت بتفتح اي برنامج Click يمين واختار Run As Administrator
وبكدة نضمن ان ميحصلش مشاكل في التراخيص

هنعمل جروب للدردشة ونعين فيه أدمنز باذن الله وهنثبت اللينك في القناة هنا
اسمحولي بس كام يوم لحد ما اظبط الامور وبعدها نضيف الجروب ونقدر نتناقش فيه براحتنا ❤️ شكرا لكم

بعد دروس ال Data Type هندخل في التقيل استعدوا ان شاء الله علشان اول منتعلم ال Function هنبدأ نحل مسائل على مواقع حل المشاكل العالمية وربنا يكرمنا ونعدي ❤️