اخدنا ارائكم بعين الاعتبار
رح نحاول نعمل شي يرضيكم قد ما فينا ❤🙏
يا فيديوهات يا تسجيلات لهاد الفصل

اذا ما قدرنا نعمل فيديوهات لاله رح يكون كل تسجيل في فوقه صورة بتتبع عليها مع التسجيل
و صدقا الشي يلي رح نعمله رح يكون هو الشي يلي قدرنا قدر الامكان انو نعمله 🙏✅

عم تصلنا اسئلة عن فكرة نحنا مو شارحينها ( لانها محذوفة )
بس في فرق شرحتها و عم تنزل عليها اسئلة ف طبيعي انك تغلط فيها لانك مو اخدها لانها محذوفة** يعني لا نحنا شارحينها ولا دكاترة الجامعات و لا فرق تانية
وطبعا هي الفرق كاتبة على هي الفكرة انها فكرة خارجية
-- ليش ؟
1- يا اما بيعرفوا انها موجودة بس عم يضحكوا عليكن انها خارجية لان ما بيقدر يقلك هي فكرة محذوفة بس بدي اشرحلك ياها
2- يا اما ما بيعرفوا اساسا انها موجودة بالكتاب 🤣

ان كنت تدري فتلك مصيبة وان كنت لا تدري فالمصيبة اعظم ☠

وطبعا لحتى تكمل التمثيلية الفرق صايرة عم تخترع اسئلة دورات 🤣🤣
يعني سؤال ابدا مانو جاية بولا دورة و اذا فتحت نوط الدورات ولا التطبيقات ما رح تلاقيه ابدا بس هاد السؤال مخترعينو اختراع

وهيك بهي العملية بتم اتهامنا بانو شغلنا ناقص و بيقعدوا بيحكوا علينا بالغروبات و المفاجأة انو القائمين عالفرق ذات نفسها بتحكي علينا
وهاد الشي يلي دفعنا لنوضح الموضوع🙂

شو هي هي الفقرة ؟
هي فقرة التعادل الكهربائي (فقرة محذوفة من الفصل الاول صفحة 18 -موازنة الشحنات- )
بتقلك انو بالحالة العادية لازم عدد الشحنات بالخلية تكون متساوية يعني الشحنات الموجبة و السالبة متساوية
وطبعا هاد الشي مختلف عن عدد الشوارد لان الشوارد حاملة لشحنات بس في شغلات تانية فيها شحنات متل الحموض الامينية و البروتينات لهيك في فرق بين عدد الشحنات و عدد الشوارد و طبعا الفقرة محذوفة ومانكن مطالبين

حتقلي طيب يا ايليت مو عم يجي سؤال بمتل هاد النمط ؟

رح قلك مزبوط بس الاسئلة يلي عم تجي هي اسئلة استنتاجيةة فهمية مالها علاقة بالفقرة

اول شي عن عدد الشوارد و هي الفكرة ما دخلها بالتعادل الكهربائي ابدا و بالتالي ما دخلها بهي الفكرة و نحنا شارحين انو عدد الشوارد بيتساوى بزوال الاستقطاب وقلنا ليش وقتها

و اجى باحد السنوات سؤال عن تساوي الشحنات على ( بالغشاء )
طبعا مافي داعي تكون متطلع عهي الفقرة لتعرف تجاوب عليه
تساوي الشحنات بالغشاء معناها كمون الغشاء 0 و بالتالي طور زوال استقطاب 💁‍♂️

وبعمره ما جبلك سؤال عن عدد الشحنات بالخلية لان هي الفقرة محذوفة
مانك مصدقني دور بالدورات

ف انا ليش لاجي اشرحلك فقرة محذوفة و اخترعلك عليها اسئلة دورات ؟
اذا بدي اعمل هيك مع كل فصل منخلص الفيزيو لما تكونوا سنة تالتة

الرسالة مجرد تبريء ذمة بانو نحنا شارحين لالكن الشغلات الي انتوا مطالبين فيها

شي كتير معيب نشوف اشخاص عم تحكي علينا و من هدول الاشخاص عالم بتسالنا كل يوم عالخاص و منروح من وقتنا لنجاوب عليهن ❤

دمتم بخير

فيديو المستويات سؤال تقريبا صار ثابت كل سنة ومافي الو محل واضح وصريح بالكتاب ولذلك بيحتاج لتفكير بسيط لتعرف تنال علامتو بكل سهولة..

وهي الفيديو اعتقد بخليك تضمن علامة السؤال
بيعطيك طريقة صحيحة لتفكر بالسؤال وقت يجيك🔥

بالنسبة لباقي الفصول
١١ و ١٢ رح ينزلوا هاد الاسبوع
و٨ نهاية الاسبوع
يلي حابب يدرسن لحالو يدرس
هنن سهلين بس فيهن بعض النكشات والفقرات يلي بيهمنا نشرحلك ياهن بالطريقة الصحيحة وما نخليك تبصمن بصم

يعني فصل ١٠ عاساس بصم بصم شفنا كيف فهمنا كل كلمة فيه😂🤹🏼‍♂️

هي رابط الفيديو 👇
https://youtu.be/RPGGmvE_ydE


موفقين❤️🔥

صباح الخير صباح النشاط 🌚
ومساء الخير للنيردات يلي سهرانين ولسا ما ناموا🔥
شو رأيكن تلت رباع الفصل ١٢ ينزل هيك عالصبح ؟

بتكون احلى صبحية مو ؟😂

ولا عزاء للحاقدين☠️

100% بكرا رح تنزل كمالة الفصل
ضالل من الفصل ما يقارب الصفحيتن ونص تقريبا ✅

الفصل الثاني عشر كاملا على اليوتيوب :
https://youtube.com/playlist?list=PLMxx6QwHIJY1fy3f6iee2Q6vI-ebdlKW4

عم تسألو كتير عالنوط تبع الدورات
نوطة وحدة لكل مادة ( فيزيولوجيا / تشريح / وراثة ) ، بالاضافة وفرنالكم ملخص الوراثة كاملاً مع محاضرة الفصل الخامس النوط كلها متوفرة ضمن المكتبات بالصور 👆❤

👈 كمان أكواد التطبيق متوفرة دائماً كل يوم ضمن المكتبات ولح نعمل مسابقات لحتى تتحفزوا عالدراسة بالفترة إلي جاي لهيك فعلوا التطبيق وانتظرونا رابط التطبيق ❤❤👇
https://t.me/elitepreparatory7/1726

🔴 اذا في شي ببالكم ممكن نخدمكن فيه اقترحولنا 👇

عقبال ما كلكن توصلوا لهي النقطة وتختموا الفيزيو💪🏻
ناطرين منكن علامات مميزة نهاية السنة ❤️🔥

كتبوا 4 من خافضات الضغط الخلطية

زيادة العتبة = انخفاض الحساسية
الاقل حساسية هو الي صعب تمييز حس النقطتين فيه
متل اسفل الظهر
الاكثر حساسية هو الاكثر قدرة على التمييز متل رؤوس الاصابع و عتبته منخفضة

الفكرة وردت بالدورات و استنتاجية من الفقرة

سؤال الدورة 💁‍♂️
شو الجواب ؟ 😁

مساء الخير جميعا بعد مناقشات كتيرة
قررنا الاتي :
نحنا كتير مضغوطين هي الفترة لهيك رح ننزل بس الفصل 11 باخر هاد الاسبوع لان تقريبا هاد الفصل مخلصين قسم منو

الفصل 8 هو عبارة عن 7 صفحات اول 4 منه ما فيهن شي حرفيا كتير سهلين مع صور الكتاب
درسوه لحالكن او درسوه من شي مصدر و الفصل كتير صعب ينشرح تسجيلات بيحتاج لصور كتير لان ف عم نخبركن حاليا انو ما رح ننزله مشان انتوا تدرسوه لبين ما ينزل ال11 تبعنا
و رح حطلكن شوية مصادر مجانية للي بحب يشوفهن لان طبعا اذا لقيت مشكلة بالفصل وما فهمتو لحالك لازم حدا يشرحلك وبما انو علامتكن مهمة ف لازم بما انو ما نزلناه نارشدكن لمصادر تشرحو بشكل مجاني متلنا عاليوتيوب 👇

الدكتور عبد الوهاب شهلا
احمد فران
فؤاد النحات
اراميد
طبعا بس تكتب هيك عاليوتيوب بيطلعولك

وكمان السبب التاني يلي ما خلانا ننزل هاد الفصل غير الضغط تبع فحوص العملي هو مشان نتفرغ لفيديوهات المراجعة يلي هي اهم من الفصل ❤💁‍♂️
موفقين جميعا ❤

فيما يخص الفصل ٨
بعرفكن بتردوا عالاشاعات ..
الفصل مانو بهالصعوبة اطلاقا متلو متل اي فصل فيزيو فيو كم فقرة بدا فهم والفصل قصير كمان..
يعني لازم بيوم او حتى اقل مع زنقة يخلص😂

فلقينالكن الحل الو مشان ما تقولوا تركناكن بدون شرح لهاد الفصل😂❤️

مع العلم في منيح طلاب درستو لحالا مشيت امورا
بس اكيد في قسم منكن ما بيعرف يدرس الا لحدا يشرحلو☠️


فيديوهات الفصل التامن بشرح الدكتور فؤاد نحات طبعا هو من اوائل كلية الطب البشري بجامعة دمشق
شارح الفصل السنة الماضية بفيديوهين مدة كل فيديو بحدود الساعة لازم بعد هالفيديوهين تتأكد انو الفصل مافيو شي ابدا ومتلو متل اي فصل تاني..

وفي كمية طلاب كان بدا تسبق علينا نصحناهن فيه وفعلا حضروا الفصل ويادوب سألونا عن كم سؤال بخصوص دورات الفصل مو اكتر🔥

رابط الفيديو الاول👇

https://youtu.be/XgOVpkZmHI8

رابط الفيديو الثاني👇

https://youtu.be/B2D2lBoiEjk

ويلي بيخطر ع بالو سؤال يبعت عالغروب ما عنا اي مشكلة🔥
هيك منخلص من ١١ وفورا منباشر بفيديوهات المراجعة
مشان نخلي مادة الفيزيو تنعجق بالتسعينات اخر السنة🤹🏼‍♂️

موفقين❤️❤️❤️

طلاب الpre7 المرابطين على جبهات الدراسة ❤
حبينا نذكركم بتطبيق Elite Quiz للدورات 🔥

● بتفوت علتطبيق وبتعمل حسابك الشخصي عن طريق حساب الغوغل بشكل مباشر و هو يحتوي على قسم مجاني وقسم يحتاج كود ليتفعل
● طبعا للتطبيق في الو ميزات كتير لح نذكر بعض منها :
○ نمط تحدي الذات :
بأنك تختار عدد من الاسئلة تحلن بفترة معينة من الوقت انت بتحددها 🔥
○ في كمان نمط المنافسة مع الاصدقاء ❤🔥😎
○ اختبارات كل فترة من الفريق بتنزل علتطبيق

🔴 و في هدية مقدمة من فريق أيليت لطلابنا ، لح يتم توزيع أكواد مجانية لعدد معين من الطلاب بالتنسيق مع المكتبات بدءاً من يوم الاربعاء حتى انتهاء العدد 🤸‍♂️
🔴 رابط التطبيق من قناة الفريق 👇
https://t.me/elitepreparatory7/1726

🔴 المكتبات الخاصة فينا 👇
https://t.me/elitepreparatory7/1801

منشان الي بدو يتابع معنا بالمراجعة ومانو قادر ع سعر الكود
اكواد مجانية هدية من الفريق إلكم بكل المحافظات حتى انتهاء الاعداد 👆

ملاحظة الاكواد هنن للدورات يا جماعة
بعني روحوا عالمكتبة بمحافظتكن خدو كود بشكل مجاني مشان يفتحلكن كل الدورات 💁‍♂️

مو لفيديوهات المراجعة 😂😂