حابب اسألكن سؤال ..

▫️يلي درس الفصول ٢- ١٢ -١٣
انا جوا الفيديوهات ذكرتك ترجع
لآخر كم صفحة بالفصل الاول
رجعت ؟
لاحظت انو معظمن صاروا تحصيل حاصل ؟😂🔥
خصوصا بعد دراستك للتاني و ١٢ ؟
وهلق ل١٣ كمان 🤹🏼‍♂️
شفتوا انو الإنسان عدو ما يجهل متل ما بقلكن ؟

📍ملاحظات :
١- رح نزل غداً صباحاً مكثفة ل٢٢ خارقة جداً
عبارة عن فيديوهين فيهن كل شي بالفصل حرفياً
وبعدهن انت قادر تحل اي سؤال عن الفصل ٢٢ 🔥
رائعين للمراجعة ..

٢- رح ينزل صباحاً ايضاً
ملف دورات ١٣-٢٢ عالتطبيق
وعموماً دوراتن سهلة بدن بس واحد دارسن ومارر عالمعلومات ..

وبرجع بكرر شكري عرسائلكم الحلوة اليومية عالخاص
الله يوفقكم ونشوفكم من المتفوقين آخر الفصل❤️🙏🏻

ونلقاكم غداً بملاحظات واتمتات ١٣-٢٢
مساءً 🔥

https://t.me/Elphysics

سامحوني عالرسالة الطويلة 😂❤️
بس فيها مشاكل عم تواجهكن انا متأكد
اذا مو كلا وحدة منا اكيد ..

▫️مشاكل عامة للطلاب الماشيين عالخطة A

🚨١- قصرت كان ضالل معي ١٢ لهيك مشان لحقو
رح يزيد معي ٢٢ ما رح لحقو
او بشكل عام قصرت بشي معين شو الحل ؟
ببساطة يلي بزيد معك الاسبوع القادم عنا يومين كاملين عبارة عن استراحة واختبار وترميم
بترمم التقصير يلي عندك 👍🏻✅

🚨٢- عم اخلص عالخطة واموري ممتازة
بس بحس حالي نسيان
بحس حالي مو متمكن
بحس جسمي صغير
هالشعور رح تضل تحسو لتقدم الامتحان 😂
المهم تكون عم تعرف تتعامل مع اسئلة الامتحان
(الدورات + الاتمتات )
وطبيعي هالشي اكتر مادة اخدين فيها معلومات لهلق هي الفيزيا
٥ فصول كل فصل فكرة جديدة ومعلومات وعناوين جديدة عليك
وهال٥ فصول تشكل تلت المادة تقريباً
متخيل شو يعني مخلص تلت اصعب مادة بالتحضيرية بهالوقت 😂🔥
خصوصاً انو نحن خلصناها بشكل ممتاز
بدون ما نغفل عن شرح اي فكرة او فقرة
حتى لو كانت غير مهمة ..
والنكشات يلي عم نعطيها يلي من خلالها انت جاهز تحل اي سؤال مهما كان صعب 💪🏻
لهيك لازم تفتخر بحالك 🤹🏼‍♂️❤️
وفوق كل هاد الاسبوع القادم استراحة واختبار بهال٥ فصول
استغلن وراجع بمساعدة فيديوهات المراجعة
ورجاع ثبت معلوماتك وزيد ثقتك بنفسك 🔥
الثقة ضرورية بهالسنة
الطالب مهما كانت دراستو ممتازة وعايد المادة
اذا ثقتو بنفسو مهزوزة للاسف رح يفرش
لهيك شد حالك وحاج دلع 😂❤️

▫️بعض مشاكل الطلاب الماشيين عالخطة B

نفس المشاكل يلي كانوا يعانوا منا رفقاتكم من اسبوعين وتلاتة 🤣

🚨١-بدك تبصم عالحرف مفكر اذا عملت هيك رح تجيب علامة تامة 😂
مو عرفان انو العلامة العالية بتجي من التكرار والدراسة الصحيحة
يعني انك تصفن بالصفحة ساعة وتبصمها
ويخلص النهار مو باصم غير صفحتين تلاتة
هاد مو حل وهي مو دراسة
(المثالية عدو الانتاجية)
خلص حضار الفيديو وركز فيه بتطلع فهمان الفكرة
وحافظ ٧٠-٨٠٪ من المعلومات اذا مو اكتر
بتروح بتقرأ الفقرة من النوطة وبتحط هايلايتر عالشغلات الحفظية (رقم ، قانون ، الخ..)
ومعك معك بتصير تحفظ وتدرب عطريقة الدراسة الصح
من خلال حلك للدورات والاتمتات
بتعرف كيف بيجي السؤال
وبتعرف انو مو كل شي بدو بصم
انت مطالب بحفظ المعلومة مو بحفظ الصياغة ..
ولست مطالب بفهم كل تفصيلة
خصوصا بالفيزيا

🚨٢- عم شوف عالقناة طلاب سابقتني عم اتوتر 🥺
معلم اذا بدنا نضل نطلع عغيرنا
بعمرنا ما كنا نجحنا بشي
بالبكلوريا في طلاب بتبلش تجيب خصوصي من العاشر والحادي عشر
وبالبكلوريا بتقعد بتعيد المنهاج مع المدرسة للمرة التانية او التالتة
تخيل لو انت كنت تقول يااااه هدول سبقوني انا راحت عليي
كنت حالياً مانك قدامي عم تقرأ هالرسالة 😂
التحضيرية لعبة نفسية رجاءً لا تخلي اي شغلة تافهة تأثر عليك وتشوشك

شو دخلك بغيرك وين صار ؟
انت عليك هالمنهاج مطالب تخلصو خلال الفصل
وتعيدو باسبوع المادة
خلصتو وفهمتو وعدتو وحفظتو ؟
خالصة انت ضل بدك توفيق الله
والف مبروك بتجيب العلامة العالية
اما يلي بيبلش قبل ابدا مو شرط يسبقك
وفوقا عملنالك خطة B بتخلص انت والخطة A سوا
وبتعيدوا المادة سوا بشي اسمو اسبوع البروفا
غير اسبوع المادة هاد انا بعملو 😂
ضل بس تدرس وتركز بدراستك وما تطلع عغيرك
اذا بدك تطلع عغيرك رح تتعب كتيررررر صدقني


بس هيك موفقين 😂❤️❤️❤️
برجع بقلكن سامحوني عالرسالة الطويلة🤣
بس اظن مفيدة ..

نراكم مساءً عال١٠ عقناة الاتمتة 👇🏻

https://t.me/Elphysicsmcq

صباح الخير
والله لا يسعدلي غير صباحكم 🔥

متل ما موجود بالخطة (انقر هنا)
وبعدا أكدت الموضوع بالتسجيل الختامي (انقر)
الاسبوع القادم اختبار
بفصول الفيزياء الذرية والنووية (كل شي اخدناه)
الفصول : ١-٢-١٢-١٣-٢٢

▫️حلّك للاختبار وتحضيرتك ل الو بفيدك بعدة امور :
١- زيادة ثقتك بنفسك انو امورك ممتازة بالمادة
٢- ضمان ٣٠-٣٥ علامة بالامتحان النهائي بجيبتك
(ضمان فهم وانهاء تلت المادة مع نكشاتهم)
٣- تدريب اكبر ع نمط الامتحان
(لأن اسئلتي محاكية لأسئلة الامتحان)
٤- معرفة ثغراتك من هلق وتجاوزها
(لان اسئلة الاختبار حلوة ، في مسائل في ارقام في نكشات في استنتاج ، الخ ..)
هيك بتعرف شو الاسئلة يلي عندك مشكلة فيها لتحلها من هلق كونو لسا بكير كتير

يعني ببساطة هالاختبار معمول لحتى تستفيد منو
وكل شخص بحضرلو وبحلو كتير رح يستفاد وعد مني 🔥

▫️الماشيين عالخطة B اذا بتشيل ٣ ايام ونص
بتقدر تخلص ٢-١٢-١٣-٢٢ عكفالتي
وحاول خلصن غصب عنن 😂
اعتبر عندك التلاتا المسا اختبار وزاري
وغصب عنك لازم تقدمو
ورجيني شو بدك تعمل وضغاط حالك لتخلصن 🔥
وخود يوم ونص زيادة (جمعة ونص يوم تاني اليوم مثلاً)
وبعدا الاسبوع الجاي بدك خود استراحة فيزيا عادي
▫️ويلي ماشي عالخطة A انت امورك ممتازة
رح تراجعن عمهلك بكل سلاسة 😂❤️

🚨 مافيني حل الاختبار بعدين ؟
انا مقصر 🥺💔
فيك اكيد تحلو ايمت ما بدك
بس صدقني ضغاط حالك وحاول حلو معنا
لسببين اساسيين :
١- ما رح يكون الك نفس تحل اختبار نازل من اسبوع او اسبوعين حلوه رفقاتك قبلك
بينما لما كلكن تحلوا سوا بتتحمسوا 🤹🏼‍♂️🔥
٢- الاسئلة رح تنحرق عليك من قبل رفقاتك
يلي رح يضلوا يسألوا عنها عالغروبات 😂👍🏻
فهيك ما بتكون استفدت من الاختبار شي

فهي نصيحتي الك حطا ببالك
الاختبار رح ينزل بالمكاتب التنين
بتجيبو والتلاتا المسا عال١٠ مثلا
بتحط هالاسئلة مع ورقة تحبير
بتعير نص ساعة
لازم تكون خالصن
وبتصلح لحالك من خلال سلم التصحيح يلي رح نزلو
وبتشوف علامتك ووين خربطت والخ.. 👍🏻

موفقين يا اكابر ❤️❤️

https://t.me/Elphysics

كمان اليوم علامة 98 من دكتور مميز 🔥

الدكتور مجد التع
صاحب اعلى علامة فيزيا عمستوى سوريا
وبنفس الوقت كان الاول عسوريا بمعدل الفرز🤹🏼‍♂️
يلي حابب يستفاد من تجربتو يقرأها هون 👇🏻
https://www.facebook.com/share/p/1F4m3rjTf9/?mibextid=wwXIfr

متل ما حكينا بالمقدمة
لهلق عمدار ١١ دفعة نجابت ال98 من ٧ طلاب
٥ منن متابعين معنا ١٠٠٪
وتنين ما بعرف شو وضعن ما بعتولي علامتن
كرمال المصداقية يعني 😂

كم 98 رح نشوف هالسنة ؟
وممكن نشوف اعلى من ذلك يا ترا ؟ 😂❤️

https://t.me/Elphysics

الله لا يسعدلي غير صباحكم بري١٢ 🔥

كل شي مطالب تعملو هاليومين
سواء كنت ماشي عالخطة A او B
او سواء بدك تبلش هلق ..

آلية الاختبار والمراجعة ووين رح ينزل
(لا تنسى مساءً اتمتات ٢٢)
دعم نفسي من العيار الثقيل 😂🔥

موفقين يا اكابر ❤️❤️

https://t.me/Elphysics

🚨 مكرر للضرورة

هاليومين بالفيزيا مهمين جداً لسببين :

▫️١- اذا ماشي عالخطة تختبر حالك بكرا
لان ما رح يصحلك تختبر حالك بهدول الفصول لنهاية الخطة ..
كتير رح تزيد ثقتك بنفسك بعد ما تراجع وتحل الاختبار وتتناقش باسئلتو 👍🏻
خصوصي انو رح تضل حاسس حالك نسياااان ومو فهمان لحتى تنحط تحت اختبار وتراجع وتشوف انو الامور ابسط مما تتوقع ✅
ما رح تتخيل قديش رح تلاقي الاسئلة حلوة
وقديش رح تنبسط انك عم تعرف تحل وانو عم تعرف تناقش الاسئلة
كتير رح يعطيك دافع لتجيب علامة عالية
وتتفوق عزملاءك بالمراجعة والتأكيد عالمعلومات والتركيز عليها 🔥

▫️٢- الطلاب الجداد سواء يلي بدو يبلش اليوم
او يلي بلش مع الخطة B
فرصة مميزة تحاول تلحقنا فيها
مو ضروري تلحقنا واذا ما لحقتنا مو نهاية العالم 😂
ولكن ببساطة بتصير تحل معنا الاتمتات وتتحمس
ولما ننزل شي رسالة تفهم عليي شو عم احكي وتفهم عالتعليقات والخ ..
هالاسبوع تحديداً اذا صحلك تاخد يوم زيادة وتصير عالخطة معنا
بيكون كتير كتيررر ممتاز ✅
٢-١٢-١٣ كل واحد يوم
و٢٢ بدو نص يوم فيك تخليه مع خطة الاسبوع القادم ..

🚨 نصيحة ختامية
اكتر مادة فيا شغلات جديدة عليك هي الفيزيا
واكتر مادة مانا مفهومة هي الفيزيا
واكتر مادة دوراتا وكتابا فيهن اغلاط هي الفيزيا 😂💔
للاسف طبعاً عم قول هاد الشي
بس هاد الشي يلي دفعني اساسا لاني قرر ساعدكن فيها من بري٧
لهيك رجاءً لا تراكم كتير وكون واعي لهاد الموضوع
لان بكرا هالكم الهائل من المعلومات الجديدة ومن الاغلاط رح تخلي راسك يوجعك ..
لهيك امشي متل ما بقلك
وان شاء الله التفوق حليفك آخر الفصل 💪🏻

موفقين يا اكابر 🥰❤️
https://t.me/Elphysics

اختبار الفيزياء الطبية من مبارح بالمكاتب 👍🏻

الكل يجيبو حتى لو ما رح تحلو هلق
لان اذا ضل قدامك رح يجي وقت يجي عبالك تحلو وتختبر حالك
اذا ما خليتو معك للاختبار رح تنساه
ورح توصل لاسبوع المادة مانك حالو 😂

يلي رح يحلو ويعير وقت
هاد شخص وحش
كتير رح يستفاد من الاختبار ومن اسئلته
جداً حلوة واليوم بتشوفوها 🤹🏼‍♂️

رح ينزل الاختبار المسا عالتطبيق
مشان يلي المكتبة بعيدة عنو ..

عال١٠ بنزل الاختبار مع الحل عالتطبيق 👍🏻✅
حل وصحح لحالك
وشوف قديش بتجيب ..

لما تجيب الاختبار من المكتبة
لا تقعد تشوف الاسئلة انت وعم تراجع
مشان تحلا صح
ما عم تغش حدا عم تغش حالك 😂
بالعكس خبص قد ما بدك هلق
المهم تتعلم من اخطاءك عبكير
و ما تخبص بالامتحان النهائي
وهاد الهدف من الاختبار اساسا 👍🏻

اتمنى يلي راجع وعم يراجع لسا
عرف اهميته للاختبار
زادت ثقته بنفسة هي ١
٢- فصول الفيزياء الذرية والنووية
تقسموا بمخو تقسيمة جداً ممتازة
الاسبوع الجاي عرواق منفوت بفصول الأشعة الكهرطيسية
هيك مخك بيفصلن كل واحد لحال 🥰
لهيك انا هي خطتي من زمان 💪🏻

موفقين يا اكابر ❤️❤️
https://t.me/Elphysics

في طلاب بدا ينزل الاختبار عالتطبيق قبل ال١٠
اي مو تدللوا 🌚🔥😂

صار ملف الاختبار عالتطبيق
بخانة اختبارات ودورات ..

يلي رح يحل الاختبار ما رح تتخيل قديش رح يستفيد ..
عال٩ رح نزل ملف حل الاختبار وشرح الاسئلة كمان عالتطبيق
مشان تصلح لحالك وتشوف اخطاءك وينا
كتير مهم تعرف وين اخطاءك هاد هدف الاختبار 👍🏻🔥

هو ٤٠ سؤال كل شي رح يجيب ٣٥ وطالع
انت بتاخد مني غرين كارد بهال٥ فصول
انك ختمتن وجاهز تحل اي سؤال عليهن
بشرط تراجعن باسبوع المادة 💪🏻

يلي لسا مو مبلش او بلش وتراخى
ما بعرف شو ناطر ؟
ما حدا مهتم عفكرة اذا بلشت او لاء
وما حدا مهتم اذا انت مكتئب او لاء
عم احكيك واقع 😂
المتضرر الوحيد هو انت
والعالم كلا بكرا رح تنظر لنتيجتك فقط
ما رح يسألوا شو الظروف يلي مريت فيها

اتكل ع الله وبلش
وما تطلع بغيرك
ولا تنطر الوقت المثالي ليجي لتبلش
بعمرو ما رح يجي الوقت المثالي
رح تضل ناطرو لتصير باسبوع المادة ..

عال١٠ اتمتات وملاحظات ٢٢ عقناة الاتمتة
ويلي حابب بوقتا يسألني شي
رح كون متواجد ان شاء الله ..

موفقين يا اكابر 🥰❤️

https://t.me/Elphysics

اضافة عالرسالة السابقة
الحل والسلم صار عالتطبيق ايضاً 🔥

الملف مو بس فيو السلم
وانما في شرح لكل سؤال بالاختبار ضمن الملف
يعني مافي داعي تسأل هاد ليش هيك وهاد ليش هيك
الشرح كلو ضمن الملف
اتمنى تشوفوه وتعطوني رأيكم بالاختبار
يلا انطلقوا صلحوت وورجونا علاماتكم😂❤️

بعد ساعة رح ننزل شوية اسئلة ل ٢٢ عقناة الاتمتة 👇🏻
https://t.me/Elphysicsmcq

هام وعاجل وضروري 🤯🔥

نصيحة هامة لكل طالب مقصر عن الخطط
او لسا مو مبلش بالمادة بالمرة ..

بتطبيقك لهي النصيحة رح تصير تمشي معنا
ورح تبلش الاثنين معنا بفصل الضوء
متلك متل كل الطلاب يلي عالخطة

يرجى التعميم 🫡❤️
وموفقين جميعاً

https://t.me/Elphysics

كل ما يجب معرفته عن الضوء كامل
وعن الفيزياء لهذا الاسبوع ❤️‍🔥

المتعة يلي رح تشوفوها لا متناهية ان شاء الله بالفيديوهات 😂❤️

نصائح هامة ليلي ماشي عالخطة وليلي مقصر
وليلي مو مبلش
افضل شي ممكن تعملو حسب وضعك
لتكون ماشي معنا بالفيزيا 👌🏻

يرجى سماع التسجيل 🫡❤️
وموفقين جميعاً يا اكابر ..

https://t.me/Elphysics

يعطيكم العافية يا اكابر ❤️

اصعب فصل بالتحضيرية وصل 😂🔥
فيديوهات الضوء الهندسي بلشوا ينزلوا عالتطبيق
بلش حملن عبكير قبل بكرا
مشان ما تواجه مشاكل غداً صباحاً 👍🏻🔥

وبكرا بكونوا ايضاً فيديوهات الموجي عالتطبيق 😂🔥
يلي هنن خطة الاسبوع القادم ..
فيك تدرس الهندسي بيومين
وبعدا تعمل استراحة الجمعة وتدرس شي تاني
او فيك تكمل اذا مستمتع وتخلصو كلو سوا ورا بعضو ..

الفيديوهات الاجمالية قرابة ال٣٥ فيديو

الضوء الهندسي ١٦ خطة هالاسبوع
(٣ منن تثبيت افكار صار نازل ١٠ لهلق)
والموجي ١٨-٢٠

(لا تخاف في ٦-٧ منن عبارة عن
تثبيت افكار عالنوطة مو اكتر)

مقسمين ع ٤ ايام بمدة تقريبية ١٠ ساعات
فيك تحضر كل يوم ساعتين ونص وتدرسن من النوطة عراحتك بسلاسة ..
وفيك تخلص الفصل ب٣ ايام
هيك لازم تحضر تقريبا ٣ ساعات ونص باليوم ..

تحضر اكتر من هيك حرام رحام حالك ومخك
وخليك تفهم الفصل برواق لسا بكير عالزنقة 😂❤️

🚨 نداء أخير للطلاب يلي لسا مو مبلشة
بلش بالأول (رابطو بالمثبتة)
خلصو بيومين
وبلش معنا الخميس بالضوء
كرمال تصير معنا وتحل الاتمتات وتتحمس
والفصول يلي مراكما ٢-١٢-١٣-٢٢ بدا ٣ تيام ونص
في استراحة تانية عالخطة
وفيك تاخد ايام الجمعة تدرسن فيها
هدفي من هالشي حمسك عالدراسة ولحتى ما تحس نحن بوادي وانت بوادي آخر
وتعرف عن شو عم نحكي انا وزملاءك
وتحل معنا النكشات اول باول 👍🏻✅
ومنو لان اذا راكمت الضوء
انا وياك منعرف انو ما رح يكون الك خلق تحضرو
بعد فترة 😂
حضرو من هلق ومكنو
وخلوص من اصعب فصل بالتحضيرية كلا 🤹🏼‍♂️

موفقين جميعاً ❤️❤️

https://t.me/Elphysics

التسجيل الصباحي الاسبوعي 😂❤️

كل ما يخص الضوء 🔥

فيديوهاتو وصعوبته ودراسته
ونصائح لجميع الطلاب الخطة A , B
والطلاب يلي لسا مو مبلشة ..

موفقين جميعاً انطلقوا 🫡❤️

https://t.me/Elphysics

والله في طلاب وحوش بهالدفعة 😂❤️
الله يكملا معكن واحدكم يجيب ١٠٠ هالسنة 🔥

في فيديوهات كانت بدون صوت عند البعض
لهيك الدعم حذفا وعم يرجع ينزلا
واظن نحلت المشكلة بعد ما نزل
وهلق رح يكمل بباقي الفيديوهات للاخير
ومن هون لبكرا رح ينزل الضوء كلو بشقيه الهندسي والموجي ..
كل هاد مشان ما حدا يكون عندو اي مشكلة بالفيديوهات ويدرس وامورو تكون ممتازة
لان برجع بكرر هاد الفصل مهم جداً التركيز فيه
لان امتحانياً عليه منيح
ولان بفيدك بفهم الفصول يلي لقدام 👍🏻✅

يلي مستمتع لا مانع يخلصو كامل بكرا وبعد بكرا
ويخلص من اكبر كتلة بالمنهاج 🤹🏼‍♂️
المهم يكون عم يركز منيح بالفيديوهات
بعد الفيديو انت بتحتاج بس قراءة عالنوطة مو اكتر 😂❤️
ويلي حضر شاف هالشي اظن ..

يلي لسا محتار يبلش بالضوء ولا يدرس التاني ولا يدرس ١٢
خليك محتار رح ننهي نص المادة
وانت لسا محتار تاكل فريز ولا تفاح ولا بردقان ؟
تلون بالهايلايتر الوردي ولا الفوسفوري ؟ 🤣
🚨الخلاصة : المهم تبلش بقا بأي شي بدك ياه
بس بلش وحاج تفكير زايد 😂
زت حالك قدام الفيديوهات وركز فيهن وارجع عالنوطة ودعيلي ..

موفقين جميعاً ❤️🔥

معكن من هون لبكرا المسا لتخلصوا الضوء الهندسي
وننزل اتمتاتو 👍🏻🔥

الله لا يسعدلي غير مساكم 🥰

🚨 ٣ شغلات بدي قلكم ياها بهالرسالة :

▫️١- نزل الضوء الهندسي كامل من كم ساعة
مطالب تخلصو من هون لبكرا المسا لتحل معنا اتمتاتو ودوراتو عقناة الاتمتة (انقر هنا)

▫️٢- بلش ينزل الضوء الموجي
(هاد للاسبوع القادم عالخطة)
ولكن في طلاب مستمتعة وعم تنجز بالفيديوهات
ما بدنا نضيعلا حماسا عالفاضي خليها تكمل بالضوء كامل مو مشكلة 😂
بالعكس بزيد معا وقت بحر ترجع تركزو بعد ما تخلصو

"انهاء الفصل ومراجعتو وتركيزو باربع ايام
افضل من انهاؤه مرة واحدة ب٤ ايام 👍🏻
بالاعادة بتشوف شغلات ما كنت شايفا بدراستك الاولية "
وفي الكم مفاجأة بكرا ايضاً عالتطبيق 😂❤️

من هون لبكرا بكون نازل كامل ان شاء الله
فيديوهاتو كلا مع الدعم 👍🏻

▫️٣- شكر كبير لرسائلكم الحلوة عالخاص فيما يخص الضوء
اذا بتضلوا مستمرين هيك انا متأكد رح نشوف ١٠٠ هالسنة
بشرط تجي الاسئلة منطقية خالية من الاخطاء
وخالية من اخطاء بالسلم كمان 🤣
لنشوف مين رح يكتبا هالسنة ..
ولكن بشكل عام المهم انو شايف بالبعض عندكن سرعة بديهة عالية من اسئلتكم ودراستكم ورسائلكم
هاد الموضوع لا تخليه يغرك ابداً
صح انا معي بتخلص الفيديو بتروح بتقرأ النوطة وبتحس كلو واضح ولكن بكرا بدك تراجع
+ بكرا رح يصيبك توتر فظيع باسبوعا وبالقاعة
خلي ببالك هالموضوع من هلق لتقدر تتجاوزو
لان كل هدول عوامل مهمة لنيل علامة عالية ..

اول مقوم منن يلي هو انهاء المنهاج وفهمه بوقت قياسي موجودة عندك وساعدتك فيها 👍🏻
ضل البقايا يلي كمان رح ساعدك فيهن لا تاكل هم😉
اهم شي تضل بنفس الهمة 💪🏻

موفقين يا اكابر 🥰❤️❤️

هي اول سنة بشوف هالكمية من الطلاب خلصوا نص الضوء بيوم او اقل 😂❤️
كيف لقيتوه ؟
خلصنا نص المادة تقريباً بانهاءك الو 🤹🏼‍♂️🔥

https://t.me/Elphysics

يعطيكم العافية يا اكابر 🔥

▫️١- مساءً عال١٠ اتمتات الضوء الهندسي 👇🏻
https://t.me/Elphysicsmcq

▫️٢- اذا ما كنت مبلش ما بعرف لسا شو ناطر
اجتك فرصة مميزة تدرس معنا وتحل اتمتات معنا وتفوت معنا بالجو
استغلها صح نصيحة 👍🏻

▫️٣- في طلاب بدا مني اعطي اسبوعي او اسبوعين استراحة
هاد الموضوع مرفوض مشانك مو مشاني 😂
انا ما بتفرق معي بعطيك شهر استاحة
بس بعدا شو رح يصير فيك ☠️
بالفيزيا الاسبوع الماضي كان استراحة
وعالخطة بعد اسبوعين في استراحة
ما بدي اعطي استراحات اكتر تنتين كافيين
لان اذا عطيت اكتر رح تنضغط بالفصول يلي ضلت
وبجوز ما تفهما بشكل صحيح
(نحن عمهلنا ودوبنا نفهم كل شي 🤣)
فهاد الشي مشانك عذرني مافي استراحات اكتر
في استراحة وحدة فقط عالخطة بعد اسبوعين
خلينا نخلص بكير بزيد معك استراحات بحر 💪🏻

▫️٤- النوطة الثانية نشحنت للمحافظات
ولازم توصل الاسبوع القادم 💪🏻
ناطرها توصل لنبلش نزل فيديوهات الاشعة السينية 🤣
(يلي ما حضر المقدمة حكينا منهاجنا عبارة عن نوطتين كل نوطة فيها نصف المنهاج تقريباً)
ونحن حالياً عوشك انهاء نص المنهاج الاول 🔥

▫️٥- تحية كبيرة الكم جميعاً عأي خطة كنتوا ماشيين
لانكن التزمتوا وعم تلتزموا بدراسة الضوء
ما بتتخيل قديش شخص وحش انك عم تجبر حالك تدرس والمفاضلة لسا ما طلعت
والدوام لسا ما بلش 😂

بكرا وقت يبلش الدوام رح تشوف الكوارث الحقيقة
رح يكون ضالل شهرين للامتحان
ورح يجيك عدد هائل من الطلاب بيعرفوا فقط عن الفيزيا انها بتشبه الالكترونات وهي ما بتشبهها 🥲


موفقين جميعاً 🥰❤️❤️

https://t.me/Elphysics

نزل عالتطبيق افضل شي نعمل للضوء الهندسي🔥

فيديوهين اهم افكار بمدة نصف ساعة فقط
فيهن كل شي بخص الضوء الهندسي
حرفياً فيهن ٩٩٪ من المعلومات 😂
ماشي معك فقرة فقرة وعم قلك كل فقرة شو الخلاصة منا وشو الزبدة يلي رح تجيك بالامتحان🤹🏼‍♂️

حضروا هالنص ساعة قبل الاتمتات المسا
رح تكون بمثابة عصف ذهني رائع للفصل 👍🏻✅
تخيل كمان قديش رح تكون مفيدة
قبل الفحص بيوم 😂🔥

نراكم عال١٠ ، موفقين 👇🏻
https://t.me/Elphysicsmcq

نزل الضوء الموجي بشكل كااامل عالتطبيق🔥

بلشوا حملوه قبل ما يجي بكرا
بحيث في حال وجود اي مشاكل نعالجلكم ياها ..

غداً فيزيا ان شاء الله نكمل الضوء
ويلي ما بلش فيه يبلش من اليوم
بحيث يحاول يخلصو قبل الاحد مساءً
وحالياً عم دقق دوراتو للفصل
ان شاء الله بينزلوا اليوم عالتطبيق 👍🏻

موفقين جميعاً يا اكابر ❤️❤️

https://t.me/Elphysics

تسجيل سريع يعلمك كيف تتعامل مع الضوء
(خاصة الموجي)
وشو نازل فيه 🫡❤️

واهم شغلة نصيحة قلتا كتير
اغلبكم غفل عنها حابب ذكرك فيها 👍🏻

والاتمتات غداً ابكر مشان الكلاسيكو🤣

سمعوه وكفوا فرم🔥

https://t.me/Elphysics

يعطيكم العافية 🔥

▫️١-حكينا سابقاً
انو البوت العلمي عالتطبيق بما انو مافي صور وتسجيلات
خليناه عالتلغرام (البوت الاساسي)
موجود بالمثبتة 👇🏻
https://t.me/Elphysics/4204

والدكاترة بالبوت ما حدا عم يقصر
خلال كم ساعة عم يوصل الجواب واوقات فوراً 😂❤️
يلي عندو سؤال يبعت في طلاب لهلق مو عرفانة وين تبعت سؤالها 🤣

▫️٢- اليوم الاتمتات عال٩ بدل عال١٠
مشان يلي بدو يحضر الكلاسيكو 😂
شغلتنا نص ساعة لا تاكل هم
كم سؤال دورة عكم سؤال من عندي 👍🏻🔥

▫️٣- اتمنى الكل يكون درس الموجي وخلص الفصل كامل
انتو وحوش حقيقيين
اول مرة بشوف هالكمية من الطلاب عم تنهي هالفصل بهالمدة 😂🔥
وفوقا نحن ما نهيناه بشكل عادي
نهيناه بكااامل تفاصيلو (لاني ما بغفل عن اي فقرة او فكرة مهما كانت مستحيل تجي)
وفوقا نكشات انا متأكد ما بتلاقيها بولا مكان 💪🏻
بحيث تكون جاهز لأي سيناريو ممكن يواجهك بالامتحان ..
لهيك بتلاقي دائماً اعلى علامة عنا بالمادة الحمدلله❤️
هيك الضوء بيندرس مو هات ايدك ولحقني 🥰

▫️٤- دورات الضوء كامل شوي وبتنزل عالتطبيق عشكل ملف
ضروري جداً تطلع عدوراتو حتى لو ما بدك تحلا كلا
اطلع عآخر كم دورة
ورح نزل فيديو شرح الدورات كاملاً غداً مشان ما تضل تسأل عن دوراتو 👍🏻
تكرم عينك انت بس ادرس 😂❤️

▫️٥- شكرا جزيلاً الكم عرسائلكم الحلوة
اتمنى نكون دوماً عند حسن ظنكم
وعذروني اذا ما عم لحق رد عالكل
وان شاء الله بتبشرونا بأعلى العلامات آخر الفصل 🔥

موفقين يا اكابر 🥰❤️❤️❤️

https://t.me/Elphysics