تسجيل صباحي لا مانع منه 🫡

نصبح عليكم
ونعطيكم شوية نصائح 🔥

https://t.me/Elphysics

أجمل رسالتين لهالأسبوع 🤹🏼‍♂️🔥
رسالتين مرتبين فيهن اهم افكار الفصلين ٢-١٢
مفيدين للمراجعة وترتيب الافكار ..

الفصل ٢ 👇🏻
https://t.me/Elphysicsmcq/7598

الفصل ١٢ 👇🏻
https://t.me/Elphysicsmcq/7599

طبعاً نزل ملف دورات الفصلين أيضاً عقناة الاتمتة ..
علماً انو نازل اختبارن عالتطبيق من مبارح ✅

نلقاكم مساءً عال٩ لحتى نحرك اللبن بالفصلين عقناة الاتمتة ونعالج الأمور 👌🏻🔥

نزل ٣ شغلات عالتطبيق شي بيشهي 🥰🔥

١- فيديو أهم افكار الفصل ١٢
(٢٧ دقيقة فيها ٩٥٪ من معلومات الفصل👌🏻)

٢- فيديو حل وشرح جميع دورات الفصل الثاني
بمدة ٣٥ دقيقة فقط 🔥

٣- فيديو توضيح لشغلة بالفصل التاني
مانا شغلة علمية وانما توضيح وتذكرة بنصيحة حكيتلك ياها بالفيديو التمهيدي
اتمنى ما تكون نسيتا 🥰

٤- فيديوهات مكثفة الفصل الثاني بمدة ٧٠ دقيقة تقريباً (هدول نازلين من زمان)

حركوا اللبن ونراكم عال ٩ باتمتات الثاني ثم ١٢
على الترتيب 🔥

يلي ما خلصن يحاول يخلصن قبل الاثنين القادم
لا تخاف وتبكي اذا ما خلصتن طبيعي
لساتنا باول الخطة ولساتنا بشهر ٩
في طلاب لهلق يمكن ما بتعرف شي عن التحضيرية
اشكر نفسك انك عالاقل عم تدرس من هلق
وقدران تفوت بالجو من عبكير 🤹🏼‍♂️❤️

رح ينزل بكرا عالتطبيق
احلى فصل مناخدو لهلق يلي هو ١٣ 🥰❤️

موفقين جميعاً نلقاكم عال٩👇🏻
https://t.me/Elphysicsmcq

• المعدل المطلوب للسنة التحضيرية
226.8/240 للعام
220.8/240 للموازي
هي طبعاً المفاضلة الأولى

الف مبروك الله يطمن قلبكم
وان شاء الله كل طالب ببالو التحضيرية
يفوتها وتطلعلو ويتعذب فيها 😂❤️

https://t.me/Elphysics

الخطة والصورة شارحة حالها ..🔥
للطلاب يلي لسا ما بلشت وكانت ناطرة المفاضلة

الكل يبلش بأبكر ما يمكن نصيحة
المادة هي تحديدا ما بتتحمل تأجيل😂❤️

المفاضلة الاولى منخفضة عن السنة الماضية
وهاد الشي مبشر ..
ما ضل عندك حجة ما تبلش بجد 👍🏻✅

يلي درس الاول يلي هو العينة المجانية
ببلش بخطة الاسبوع التاني
وهيك اختصر اسبوع من الخطة 🔥

الخطة B بيخلصوا معنا
بس في حال ما بلشت التنين وكمان تأخرت
رح تخلص بعدنا للاسف ..
لهيك بلش الاثنين فوراً
(واذا معك وقت تحضر الفيديوهات التأسيسية لا تقصر)
الجمعة مثلاً بأسسوك بالمادة قبل البدء فيها👍🏻

الفصل الاول رابطو بالمثبتة
عاليوتيوب فيديوهات الشرح
ونازل ملف الفصل من النوطة كمان لبين ما تجيبا 👇🏻
https://t.me/Elphysics/4204

قول يارب وبلش ❤️❤️
موفقين جميعاً يا اكابر ..

يلي حابب يبلش بالفصل ١٣
صار نازل عالتطبيق من مبارح 🔥

من احلى الفصول
صح هو اطول من ٢ ومن ١٢
ولكن احلى لأن فتنا بشي طبي وأخيراً 😂
ومعي رح تشوفوه من احلى الفصول ان شاء الله

حابب احكي كلمتين للطلاب يلي مو مبلشة
وخايفة ومتوترة وما بعرف شو ..
كلام بضل عيدو
التوتر مؤشر إيجابي جداً
دلالة عأنك مهتم تجيب علامة عالية
وخايف تفشل ، فهاد شي منيح
ولكن لما يزداد التوتر ويسيطر عليك
بصير مؤشر سلبي ..

هل في قاعدة بتقول بالبكلوريا انو يلي ببلش ابكر هاد بجيب علامة عالية ؟
ويلي ببلش مع المدرسة هاد خلص فارش وما رح يجيب علامة عالية ؟

نفس الشي هون تماماً 😂
مافي قاعدة للموضوع
انت مطالب تنهي هالمنهاج قبل الامتحان
وتكون فهمانو ومتدرب عالاتمتات وعالدورات لتعرف كيف بيجي نمط الاسئلة

اكيد يلي بلش ابكر معو Bonus اضافي
بس ما دخل هالشي بنيل علامة عالية ابداً

طيب معلش زيدك من الشعر بيت ؟
العام الماضي خطتنا الاساسية والاولى
بلشنا ب٩/٢٧ يعني قبل كم يوم 😂
وخلصنا قبل الفحص بشهر وعدنا كل المواد 🤹🏼‍♂️

لذلك رجاءً التوتر والخوف عندي عالخاص ما بدي شوفو بالمرة
البكاء (خصوصي من البنات😂) مابدي شوفو
التحضيرية لعبة نفسيةةةةةة
اذا نفسيتك ضعيفة جدا جداً وهشة
رح تعاني كتير بالأيام القادمة 🥲

رجاءً كون قوي وكون واعي للموضوع
رح تجيك ايام صعبة لسا اصعب من هلق
بدك تكون قدا 💪🏻
ونحن معكن لا تاكلوا هم
وبالفيزيا معي اذا بتلتزم رح تتحول من اصعب واعقد مادة لاحلاها واضمنها بالامتحان
متل ما كتير طلاب عندي جابوها +٩٠ قبلك

ويلي بلش معنا بيعرف هالشي
اهم شغلة لا تراكموها 🥲
اذا ما كنت مبلش اخر فرصة الك لتضمن تفهم المنهاج بشكل جيد وممتاااز
هي انو تبلش الاثنين مع فيديوهاتنا

كل شي بدك ياااه بتلاقيه بالمثبتة (انقر هنا)

وموفقين جميعاً 🥰❤️❤️❤️

https://t.me/Elphysics

الطلاب يلي حضرت المكثفة تبع التاني
خبرني كيف لقيتا ؟ 🤹🏼‍♂️

برأيي هي افضل شي نعم للتاني بتاريخ التحضيرية
وعشرط ما حدا بيقدر يعمل متلها 😂
جرب حضرن وحل دورات او اتمتات او اي شي
تعبت كتير لقدرت صورن واشمل كل المعلومات ورتبها وبهالوقت المثالي 🔥

فيديوهات المكثفة طبعاً تقدم هدية للطلاب المشتركة بالكورس وما بتنباع لحالها ..

جدا جدا رح تكون مفيدة سواء بالمراجعة او بالدراسة
الاسبوع ما بعد القادم عنا اختبار بفصول الفيزياء الذرية والنووية
وعالخطة رح تكون استراحة 🔥

حضرن انت وعم تراجع واستفيد منن ودعيلي 🥰
بتجي دوا بعد ما تكون ضايع بالتاني 👍🏻✅

🚨 وملاحظة : الفصل ٢٢ الو فيديوهين نفس المبدأ 🌚
عنوانن احضرني وروح سكر اسئلة الفصل😂❤️
ودعيلي لاحقاً 🤣
ورح صور نفس النمط ل١٣ جديد ايضا 🤹🏼‍♂️
رح دللكن هالسنة ان شاء الله 🔥

ادرسوا كيميا مع الدكتور الياس حالياً
ليجي يوم الاثنين منحكي ع١٣-٢٢
يلي صاروا عالتطبيق 😂❤️

اكتر حدا عاطي المادة حقها هنن الياس ودالاتي
دراستها سهلة جدا جدا بتحس عم تلعب مو تدرس
صعوبتها وين للكيميا ؟
ضخامة + نكشات واسئلة استنتاجية
+ تدريب آلة حاسبة ضروري جدا فيها
والياس ودالاتي جامعينلك كل شي نكشات بمكان واحد
وفوقا كل اسبوع عم يدربوك عالمسائل لتصير سريع

ضل بس تتابع معن وتلتزم بيلي بقولولك عليه 👍🏻✅

شو عندكن مشاكل حالياً ؟
الطلاب الجداد كل شي بتضيعو بتلاقيه بالمثبتة 😂👇🏻
https://t.me/Elphysics/4204

يعطيكم العافية يا اكابر ..
مشان بكرا الكل يكون مجهز حالو 🔥

▫️طلاب الخطة الاولى عنا ١٣-٢٢
مع انهاءك الن خلصت تلت المادة عالقد 🤹🏼‍♂️🔥
وضمنت ٣٠-٣٥ سؤال بالجيبة 😂🔥

ما درست ١٢ قصرت فيه شو اعمل ؟
بدك تدرسه ثم تدرس ١٣
بيضل ٢٢ للجمعة اصغر واحد فيهن
(لان مافيك تدرس ١٣ بدون ١٢ 👍🏻)

في عالم بلشت ب ١٣ من لما نزل
وعم يشوفوا المتعة الحقيقية 😂❤️

▫️طلاب الخطة B بدكن تبلشوا بالفصل الأول
وتحاولوا تنهوه بيومين
مهمة صعبة شوي بس انتو قدا
والمادة ضخمة جدا بدك تتعود عالكميات لقدام
فيديوهات الاول نازلة كلا عاليوتيوب 👇🏻
https://www.youtube.com/playlist?list=PLScfCgKKZ0bc

والنوط والاكواد متوفرة بكل مكاتب سوريا
بتلاقي المكاتب المعتمدة بالرسالة المثبتة(انقر)
جهزوا العدّة 🤹🏼‍♂️🔥

أعيد وأكرر هي آخر فرصة الك
لتفهم الفيزيا بطريقة صحيحة وجيدة
بعدين مو انو ما رح تفهما
وإنما رح تكون مضطر تقلل فهم تكثر بصم
وتقلل حل اتمتات وتدريب اكتر
لان ما رح يكون الوقت من صالحك 🥲
ومعروفة اتمتاتي قديش مفيدة وحلوة 🥰🤣

خبروا رفقاتكم ونراكم غداً ان شاء الله ❤️

https://t.me/Elphysics

تجربة الدكتورة ناتالي جفال
صاحبة اعلى علامة فيزيا بسوريا 98 🔥

بما انو صدرت المفاضلة وفي طلاب متحمسين
وبحاجة نصائح وتوجيهات ..
رح نبلش ننزل تجارب العلامات العالية
كل كم يوم 😂❤️

استفيدوا من التجربة واي سؤال الدكتورة ناتالي رح تجاوبكم عليه 👇🏻
https://www.facebook.com/share/p/1FeMCPEV6o/

في طلاب بدا تجيب الكود وتبلش بالتاني فيزيا
او تحضر المكثفة تبعو او او او ..
والجامعة بعيدة عليها او ما بدو يضيع وقت

فيك تحاكي مكتبة الجامعة بطرطوس
وبثواني بصورلك الاكواد لتفعلن عجهازك
طبعا هي من المكاتب المعتمدة لفريقنا (انقر)👍🏻
وفيك تحاكيها وين ما كنت وتجيب منها الاكواد عالتلفون

حبيت خبركن مشان يلي عم يبعتلي الجامعة بعيدة عليه
او اي مشكلة تانية 😂❤️

غداً كالعادة صباحاً رح ينزل تسجيل
نحكي فيه عن ١٣-٢٢
وعن كل طالب حسب وضعه كيف بيمشي 👍🏻✅

نلقاكم غداً ان شاء الله 🔥

https://t.me/Elphysics

صباح الخير جميعاً 🥰

الاسبوع الرابع بالخطة الاولى
وبداية جديدة بالخطة الجديدة 🔥

١- الفصول ١٣-٢٢
(صعوبتهم ومدتهن)
٢- كلام عن الخطة الاولى
٣- نصائح ل يلي بدو يبلش جديد
٤- نصائح ل يلي مقصر عن الخطة الاولى
٥- نصائح عامة للجميع

في نصائح وكلام رح يخليك غصب عنك بعد ماتسمعه تقوم تدرس وتضاعف مجهودك😂❤️

وحكينا كلام يشمل الجميع :
١- يلي ماشي عالخطة
٢- يلي مقصر عنها
٣- يلي مبلش جديد عالخطة B

يرجى سماع التسجيل
وموفقين جميعاً 🫡❤️

https://t.me/Elphysics

حابب اسألكن سؤال ..

▫️يلي درس الفصول ٢- ١٢ -١٣
انا جوا الفيديوهات ذكرتك ترجع
لآخر كم صفحة بالفصل الاول
رجعت ؟
لاحظت انو معظمن صاروا تحصيل حاصل ؟😂🔥
خصوصا بعد دراستك للتاني و ١٢ ؟
وهلق ل١٣ كمان 🤹🏼‍♂️
شفتوا انو الإنسان عدو ما يجهل متل ما بقلكن ؟

📍ملاحظات :
١- رح نزل غداً صباحاً مكثفة ل٢٢ خارقة جداً
عبارة عن فيديوهين فيهن كل شي بالفصل حرفياً
وبعدهن انت قادر تحل اي سؤال عن الفصل ٢٢ 🔥
رائعين للمراجعة ..

٢- رح ينزل صباحاً ايضاً
ملف دورات ١٣-٢٢ عالتطبيق
وعموماً دوراتن سهلة بدن بس واحد دارسن ومارر عالمعلومات ..

وبرجع بكرر شكري عرسائلكم الحلوة اليومية عالخاص
الله يوفقكم ونشوفكم من المتفوقين آخر الفصل❤️🙏🏻

ونلقاكم غداً بملاحظات واتمتات ١٣-٢٢
مساءً 🔥

https://t.me/Elphysics

سامحوني عالرسالة الطويلة 😂❤️
بس فيها مشاكل عم تواجهكن انا متأكد
اذا مو كلا وحدة منا اكيد ..

▫️مشاكل عامة للطلاب الماشيين عالخطة A

🚨١- قصرت كان ضالل معي ١٢ لهيك مشان لحقو
رح يزيد معي ٢٢ ما رح لحقو
او بشكل عام قصرت بشي معين شو الحل ؟
ببساطة يلي بزيد معك الاسبوع القادم عنا يومين كاملين عبارة عن استراحة واختبار وترميم
بترمم التقصير يلي عندك 👍🏻✅

🚨٢- عم اخلص عالخطة واموري ممتازة
بس بحس حالي نسيان
بحس حالي مو متمكن
بحس جسمي صغير
هالشعور رح تضل تحسو لتقدم الامتحان 😂
المهم تكون عم تعرف تتعامل مع اسئلة الامتحان
(الدورات + الاتمتات )
وطبيعي هالشي اكتر مادة اخدين فيها معلومات لهلق هي الفيزيا
٥ فصول كل فصل فكرة جديدة ومعلومات وعناوين جديدة عليك
وهال٥ فصول تشكل تلت المادة تقريباً
متخيل شو يعني مخلص تلت اصعب مادة بالتحضيرية بهالوقت 😂🔥
خصوصاً انو نحن خلصناها بشكل ممتاز
بدون ما نغفل عن شرح اي فكرة او فقرة
حتى لو كانت غير مهمة ..
والنكشات يلي عم نعطيها يلي من خلالها انت جاهز تحل اي سؤال مهما كان صعب 💪🏻
لهيك لازم تفتخر بحالك 🤹🏼‍♂️❤️
وفوق كل هاد الاسبوع القادم استراحة واختبار بهال٥ فصول
استغلن وراجع بمساعدة فيديوهات المراجعة
ورجاع ثبت معلوماتك وزيد ثقتك بنفسك 🔥
الثقة ضرورية بهالسنة
الطالب مهما كانت دراستو ممتازة وعايد المادة
اذا ثقتو بنفسو مهزوزة للاسف رح يفرش
لهيك شد حالك وحاج دلع 😂❤️

▫️بعض مشاكل الطلاب الماشيين عالخطة B

نفس المشاكل يلي كانوا يعانوا منا رفقاتكم من اسبوعين وتلاتة 🤣

🚨١-بدك تبصم عالحرف مفكر اذا عملت هيك رح تجيب علامة تامة 😂
مو عرفان انو العلامة العالية بتجي من التكرار والدراسة الصحيحة
يعني انك تصفن بالصفحة ساعة وتبصمها
ويخلص النهار مو باصم غير صفحتين تلاتة
هاد مو حل وهي مو دراسة
(المثالية عدو الانتاجية)
خلص حضار الفيديو وركز فيه بتطلع فهمان الفكرة
وحافظ ٧٠-٨٠٪ من المعلومات اذا مو اكتر
بتروح بتقرأ الفقرة من النوطة وبتحط هايلايتر عالشغلات الحفظية (رقم ، قانون ، الخ..)
ومعك معك بتصير تحفظ وتدرب عطريقة الدراسة الصح
من خلال حلك للدورات والاتمتات
بتعرف كيف بيجي السؤال
وبتعرف انو مو كل شي بدو بصم
انت مطالب بحفظ المعلومة مو بحفظ الصياغة ..
ولست مطالب بفهم كل تفصيلة
خصوصا بالفيزيا

🚨٢- عم شوف عالقناة طلاب سابقتني عم اتوتر 🥺
معلم اذا بدنا نضل نطلع عغيرنا
بعمرنا ما كنا نجحنا بشي
بالبكلوريا في طلاب بتبلش تجيب خصوصي من العاشر والحادي عشر
وبالبكلوريا بتقعد بتعيد المنهاج مع المدرسة للمرة التانية او التالتة
تخيل لو انت كنت تقول يااااه هدول سبقوني انا راحت عليي
كنت حالياً مانك قدامي عم تقرأ هالرسالة 😂
التحضيرية لعبة نفسية رجاءً لا تخلي اي شغلة تافهة تأثر عليك وتشوشك

شو دخلك بغيرك وين صار ؟
انت عليك هالمنهاج مطالب تخلصو خلال الفصل
وتعيدو باسبوع المادة
خلصتو وفهمتو وعدتو وحفظتو ؟
خالصة انت ضل بدك توفيق الله
والف مبروك بتجيب العلامة العالية
اما يلي بيبلش قبل ابدا مو شرط يسبقك
وفوقا عملنالك خطة B بتخلص انت والخطة A سوا
وبتعيدوا المادة سوا بشي اسمو اسبوع البروفا
غير اسبوع المادة هاد انا بعملو 😂
ضل بس تدرس وتركز بدراستك وما تطلع عغيرك
اذا بدك تطلع عغيرك رح تتعب كتيررررر صدقني


بس هيك موفقين 😂❤️❤️❤️
برجع بقلكن سامحوني عالرسالة الطويلة🤣
بس اظن مفيدة ..

نراكم مساءً عال١٠ عقناة الاتمتة 👇🏻

https://t.me/Elphysicsmcq

صباح الخير
والله لا يسعدلي غير صباحكم 🔥

متل ما موجود بالخطة (انقر هنا)
وبعدا أكدت الموضوع بالتسجيل الختامي (انقر)
الاسبوع القادم اختبار
بفصول الفيزياء الذرية والنووية (كل شي اخدناه)
الفصول : ١-٢-١٢-١٣-٢٢

▫️حلّك للاختبار وتحضيرتك ل الو بفيدك بعدة امور :
١- زيادة ثقتك بنفسك انو امورك ممتازة بالمادة
٢- ضمان ٣٠-٣٥ علامة بالامتحان النهائي بجيبتك
(ضمان فهم وانهاء تلت المادة مع نكشاتهم)
٣- تدريب اكبر ع نمط الامتحان
(لأن اسئلتي محاكية لأسئلة الامتحان)
٤- معرفة ثغراتك من هلق وتجاوزها
(لان اسئلة الاختبار حلوة ، في مسائل في ارقام في نكشات في استنتاج ، الخ ..)
هيك بتعرف شو الاسئلة يلي عندك مشكلة فيها لتحلها من هلق كونو لسا بكير كتير

يعني ببساطة هالاختبار معمول لحتى تستفيد منو
وكل شخص بحضرلو وبحلو كتير رح يستفاد وعد مني 🔥

▫️الماشيين عالخطة B اذا بتشيل ٣ ايام ونص
بتقدر تخلص ٢-١٢-١٣-٢٢ عكفالتي
وحاول خلصن غصب عنن 😂
اعتبر عندك التلاتا المسا اختبار وزاري
وغصب عنك لازم تقدمو
ورجيني شو بدك تعمل وضغاط حالك لتخلصن 🔥
وخود يوم ونص زيادة (جمعة ونص يوم تاني اليوم مثلاً)
وبعدا الاسبوع الجاي بدك خود استراحة فيزيا عادي
▫️ويلي ماشي عالخطة A انت امورك ممتازة
رح تراجعن عمهلك بكل سلاسة 😂❤️

🚨 مافيني حل الاختبار بعدين ؟
انا مقصر 🥺💔
فيك اكيد تحلو ايمت ما بدك
بس صدقني ضغاط حالك وحاول حلو معنا
لسببين اساسيين :
١- ما رح يكون الك نفس تحل اختبار نازل من اسبوع او اسبوعين حلوه رفقاتك قبلك
بينما لما كلكن تحلوا سوا بتتحمسوا 🤹🏼‍♂️🔥
٢- الاسئلة رح تنحرق عليك من قبل رفقاتك
يلي رح يضلوا يسألوا عنها عالغروبات 😂👍🏻
فهيك ما بتكون استفدت من الاختبار شي

فهي نصيحتي الك حطا ببالك
الاختبار رح ينزل بالمكاتب التنين
بتجيبو والتلاتا المسا عال١٠ مثلا
بتحط هالاسئلة مع ورقة تحبير
بتعير نص ساعة
لازم تكون خالصن
وبتصلح لحالك من خلال سلم التصحيح يلي رح نزلو
وبتشوف علامتك ووين خربطت والخ.. 👍🏻

موفقين يا اكابر ❤️❤️

https://t.me/Elphysics

كمان اليوم علامة 98 من دكتور مميز 🔥

الدكتور مجد التع
صاحب اعلى علامة فيزيا عمستوى سوريا
وبنفس الوقت كان الاول عسوريا بمعدل الفرز🤹🏼‍♂️
يلي حابب يستفاد من تجربتو يقرأها هون 👇🏻
https://www.facebook.com/share/p/1F4m3rjTf9/?mibextid=wwXIfr

متل ما حكينا بالمقدمة
لهلق عمدار ١١ دفعة نجابت ال98 من ٧ طلاب
٥ منن متابعين معنا ١٠٠٪
وتنين ما بعرف شو وضعن ما بعتولي علامتن
كرمال المصداقية يعني 😂

كم 98 رح نشوف هالسنة ؟
وممكن نشوف اعلى من ذلك يا ترا ؟ 😂❤️

https://t.me/Elphysics

الله لا يسعدلي غير صباحكم بري١٢ 🔥

كل شي مطالب تعملو هاليومين
سواء كنت ماشي عالخطة A او B
او سواء بدك تبلش هلق ..

آلية الاختبار والمراجعة ووين رح ينزل
(لا تنسى مساءً اتمتات ٢٢)
دعم نفسي من العيار الثقيل 😂🔥

موفقين يا اكابر ❤️❤️

https://t.me/Elphysics

🚨 مكرر للضرورة

هاليومين بالفيزيا مهمين جداً لسببين :

▫️١- اذا ماشي عالخطة تختبر حالك بكرا
لان ما رح يصحلك تختبر حالك بهدول الفصول لنهاية الخطة ..
كتير رح تزيد ثقتك بنفسك بعد ما تراجع وتحل الاختبار وتتناقش باسئلتو 👍🏻
خصوصي انو رح تضل حاسس حالك نسياااان ومو فهمان لحتى تنحط تحت اختبار وتراجع وتشوف انو الامور ابسط مما تتوقع ✅
ما رح تتخيل قديش رح تلاقي الاسئلة حلوة
وقديش رح تنبسط انك عم تعرف تحل وانو عم تعرف تناقش الاسئلة
كتير رح يعطيك دافع لتجيب علامة عالية
وتتفوق عزملاءك بالمراجعة والتأكيد عالمعلومات والتركيز عليها 🔥

▫️٢- الطلاب الجداد سواء يلي بدو يبلش اليوم
او يلي بلش مع الخطة B
فرصة مميزة تحاول تلحقنا فيها
مو ضروري تلحقنا واذا ما لحقتنا مو نهاية العالم 😂
ولكن ببساطة بتصير تحل معنا الاتمتات وتتحمس
ولما ننزل شي رسالة تفهم عليي شو عم احكي وتفهم عالتعليقات والخ ..
هالاسبوع تحديداً اذا صحلك تاخد يوم زيادة وتصير عالخطة معنا
بيكون كتير كتيررر ممتاز ✅
٢-١٢-١٣ كل واحد يوم
و٢٢ بدو نص يوم فيك تخليه مع خطة الاسبوع القادم ..

🚨 نصيحة ختامية
اكتر مادة فيا شغلات جديدة عليك هي الفيزيا
واكتر مادة مانا مفهومة هي الفيزيا
واكتر مادة دوراتا وكتابا فيهن اغلاط هي الفيزيا 😂💔
للاسف طبعاً عم قول هاد الشي
بس هاد الشي يلي دفعني اساسا لاني قرر ساعدكن فيها من بري٧
لهيك رجاءً لا تراكم كتير وكون واعي لهاد الموضوع
لان بكرا هالكم الهائل من المعلومات الجديدة ومن الاغلاط رح تخلي راسك يوجعك ..
لهيك امشي متل ما بقلك
وان شاء الله التفوق حليفك آخر الفصل 💪🏻

موفقين يا اكابر 🥰❤️
https://t.me/Elphysics

اختبار الفيزياء الطبية من مبارح بالمكاتب 👍🏻

الكل يجيبو حتى لو ما رح تحلو هلق
لان اذا ضل قدامك رح يجي وقت يجي عبالك تحلو وتختبر حالك
اذا ما خليتو معك للاختبار رح تنساه
ورح توصل لاسبوع المادة مانك حالو 😂

يلي رح يحلو ويعير وقت
هاد شخص وحش
كتير رح يستفاد من الاختبار ومن اسئلته
جداً حلوة واليوم بتشوفوها 🤹🏼‍♂️

رح ينزل الاختبار المسا عالتطبيق
مشان يلي المكتبة بعيدة عنو ..

عال١٠ بنزل الاختبار مع الحل عالتطبيق 👍🏻✅
حل وصحح لحالك
وشوف قديش بتجيب ..

لما تجيب الاختبار من المكتبة
لا تقعد تشوف الاسئلة انت وعم تراجع
مشان تحلا صح
ما عم تغش حدا عم تغش حالك 😂
بالعكس خبص قد ما بدك هلق
المهم تتعلم من اخطاءك عبكير
و ما تخبص بالامتحان النهائي
وهاد الهدف من الاختبار اساسا 👍🏻

اتمنى يلي راجع وعم يراجع لسا
عرف اهميته للاختبار
زادت ثقته بنفسة هي ١
٢- فصول الفيزياء الذرية والنووية
تقسموا بمخو تقسيمة جداً ممتازة
الاسبوع الجاي عرواق منفوت بفصول الأشعة الكهرطيسية
هيك مخك بيفصلن كل واحد لحال 🥰
لهيك انا هي خطتي من زمان 💪🏻

موفقين يا اكابر ❤️❤️
https://t.me/Elphysics

في طلاب بدا ينزل الاختبار عالتطبيق قبل ال١٠
اي مو تدللوا 🌚🔥😂

صار ملف الاختبار عالتطبيق
بخانة اختبارات ودورات ..

يلي رح يحل الاختبار ما رح تتخيل قديش رح يستفيد ..
عال٩ رح نزل ملف حل الاختبار وشرح الاسئلة كمان عالتطبيق
مشان تصلح لحالك وتشوف اخطاءك وينا
كتير مهم تعرف وين اخطاءك هاد هدف الاختبار 👍🏻🔥

هو ٤٠ سؤال كل شي رح يجيب ٣٥ وطالع
انت بتاخد مني غرين كارد بهال٥ فصول
انك ختمتن وجاهز تحل اي سؤال عليهن
بشرط تراجعن باسبوع المادة 💪🏻

يلي لسا مو مبلش او بلش وتراخى
ما بعرف شو ناطر ؟
ما حدا مهتم عفكرة اذا بلشت او لاء
وما حدا مهتم اذا انت مكتئب او لاء
عم احكيك واقع 😂
المتضرر الوحيد هو انت
والعالم كلا بكرا رح تنظر لنتيجتك فقط
ما رح يسألوا شو الظروف يلي مريت فيها

اتكل ع الله وبلش
وما تطلع بغيرك
ولا تنطر الوقت المثالي ليجي لتبلش
بعمرو ما رح يجي الوقت المثالي
رح تضل ناطرو لتصير باسبوع المادة ..

عال١٠ اتمتات وملاحظات ٢٢ عقناة الاتمتة
ويلي حابب بوقتا يسألني شي
رح كون متواجد ان شاء الله ..

موفقين يا اكابر 🥰❤️

https://t.me/Elphysics

اضافة عالرسالة السابقة
الحل والسلم صار عالتطبيق ايضاً 🔥

الملف مو بس فيو السلم
وانما في شرح لكل سؤال بالاختبار ضمن الملف
يعني مافي داعي تسأل هاد ليش هيك وهاد ليش هيك
الشرح كلو ضمن الملف
اتمنى تشوفوه وتعطوني رأيكم بالاختبار
يلا انطلقوا صلحوت وورجونا علاماتكم😂❤️

بعد ساعة رح ننزل شوية اسئلة ل ٢٢ عقناة الاتمتة 👇🏻
https://t.me/Elphysicsmcq