اتمتات القسم الاول من الفصل التاني
عالساعة ١٠:٣٠ 🔥

يلي دارس الفصل من اول ما نزل وحاسس نسيان ..
حضار فيديو اهم الافكار ودعيلي 🔥

وفي فيديو بخانة منوعات
١٣ دقيقة فقط
عدت فيها كل شي بخص النقل عبر الغشاء 🔥
كل ما تنسى الفقرة حضار هالفيديو
وضمان ٣ علامات بجيبتك من هون للامتحان😂🔥

المخطط رائع جداً
ويلي حضر الفيديو بيعرف هالشي 🤹🏼‍♂️❤️

موفقين نراكم عال١٠:٣٠ 👇🏻
https://t.me/Elphysicsmcq

#ملاحظة :
نزلت اختبار من عندي عن القسم الاول عالتطبيق
الكل يحلو ويقلي قديش بجيب
اسئلته حلوة وفيها حنكة 😂❤️
بمثابة اختبار حقيقي لدراستك لهاد القسم ..

يعطيكم العافية جميعاً 🔥
مكثفة الفيزيولوجيا الجديدة وصلت 🤹🏼‍♂️🔥

متل ما كانت سبب بنيل علامات مميزة جدا بالفيزيا
وكانت عون لجميع الطلاب
سواء بالدراسة او المراجعة ..

رح نعمل فيديوهات مكثفة بطريقة رائعة
لمادة الفيزيولوجيا
تخليك تفهم وتحفظ كل حرف بكتابك
ونعيد ذكر جميع نكشات المدرجات
لحد لحظة تصوير المقطع

يعني بكل فصل من لما ننزلو
انا رح اضمنلك فهم كامل لكل معلوماتو
وانت بالنهاية بتقرر بنفسك بعد ما تحضر 😂❤️

▫️فيديوهات الاول بالاساسي اكتر من ١٠ فيديوهات
بمدة تقريبا ٤ ساعات ونص
--» صاروا فقط ٤ فيديوهات بمدة اقل من ساعتين🤹🏼‍♂️🔥

بتقدر تدرس منو اذا كنت لهلق مو مبلش
وتفهم جميع معلومات الفصل ..
وبتقدر تراجع منو وتتذكر كل شي بخص الفصل
بأقل مدة ممكنة ❤️🔥
او اذا فكرة معينة ببالك بالفصل تعيدا
بتروح للفيديو الخاص فيها 😂🔥

▫️الفصل الاول مقسم فعليا ل ٤ اقسام رئيسية
١- الفيزيولوجيا وعلاقتها بباقي العلوم
٢- أجهزة الجسم ووظائفها
٣- سوائل الجسم وتوزعها ووظائفها
٤- آليات الضبط والمراقبة

لكل قسم فيديو بتلاقيه بقائمة التشغيل
▫️مكثفة الفصل الأول 2026 👇🏻
https://www.youtube.com/playlist?list=PLMxx6QwHIJY2x5cZSk4ee2MliBTXcrXzg

فيديوهات مكثفة التاني والتالت تطبخ على نار🥰
فرجونا حماسكن عالفيديوهات ..

طبعاً ما مننسى وجود فيديوهات اهم افكار لكل فصل
هي لسا مدتها اقل من المكثفة 😂🔥
هي فيها كل المعلومات ولكن دون شرح
يعني بتراجع منا بس مافيك تدرس لاول مرة ..

طبعاً كلو رح تلاقيه عالتطبيق
بدنا هالسنة ١٠٠ فيزيو 😂🔥
ان شاء الله ما يكون للوزارة رأي آخر

موفقين يا أكابر ❤️❤️

https://t.me/Elphysics

يعطيكن العافية يا اكابر ❤️🔥

🛑هاد الاستفتاء نزلتو مبارح لشوف وين ماشيين بالمادة

✅تقريبا في ٦٠٠ شخص لسا مو مبلشين بالمادة :
هدول الاشخاص بلش يدق عندكن زمور الخطر
لهيك يا ريت تبلشوا بالفيزيولوجيا باقرب وقت
الفيزيو مادة ممتعة بس بنفس الوقت صعبة و اسئلتها صعبة و بتحتاج تركيز و ربط و اسبوعها بكون اخر اسبوع بالامتحان لهيك ما خرج ابدا تترك منها فصول لاسبوعها ❤️🤦‍♂

🛑فيك انت كشخص مو مبلش بالمادة تحضر الفصل الاول من المكثفة و بتخلصو للفصل بنص يوم و بضل معك يوم ونص بتدرس فيهن الفصل التالت
صح الفصل بدو يومين بس اذا ضغطت حالك بتخلصه بيوم ونص
وياسيدي خليه الفصل ياكل معك يومين ونص و نص يوم للفصل الاول من المكثفة

هيك بتكون خلصت اول فصلين بتلت تيام و بضل عليك الفصل التاني و بتصير ماشي عالخطة معنا

🛑انا عم انصحكن لان بعتبركن متل اخواتي الصغار
لان كل سنة بيجو طلاب بعد شهر من هلق بقلي ماني مبلش و بالاخير بيفرش بجيب علامة كتير قليلة بالمادة

✅بالنسبة للاشخاص يلي مخلصين فقط الاول انتوا كمان لازم تشدوا...
كتار منكن عم يبعتولي انهن بدهن يحضروا التالت من المكثفة
اول شي يا شباب مكثفة التالت بدها شوية وقت لتنزل
تاني شي انا بفضل دائما انك تحضر من الاساسي حتى لو مدته اطول
بالنهاية يلي عم يطمح لعلامة فوق ال ٩٠ بدو يدرس فوق ال ٥-٦ ساعات باليوم

🛑و صح المكثفة شاملة بس انا بالاساسي عاملك رسمة ابو الكريات و كتير شغلات تانية بتساعدك عالحفظ و جايبلك معلومات من غير فصول و شارحلك ياها

✅بالنسبة للي مخلصين التالت و التاني شغلكن ممتاز خليكن هيك شادين

و ان شاء الله رح نزللكن هاد الاسبوع الفصول خمسة و ستة مشان يلي مسبقين يحضروهن ❤️❤️🔥🔥

بالنهاية بحب ذكر الاشخاص يلي متاخرين انو نحنا بنص الخطة في عنا اسبوع ترميم
هاد الاسبوع فيك ترمم فيه شغلات قبل و تلحقنا اذا كنت انت متاخر اسبوع عن الخطة

موفقين يا اكابر ❤️❤️🔥🔥

https://t.me/Elphysics

✅الفصل الخامس فيزيو صار عالتطبيق
٣٠ صفحة بالنوطة بمدة ٣ ساعات رح تطلع فيهن حافظ كل الفصل و فهمان و متعمق بكل افكاره و مستمتع بشكل كبير

+ جهزوا حالكن لرسمة المايسترو👆👆 بنهاية هاد الفصل يلي حنراجع من خلالها كل الفصل ❤️❤️🔥
و فيديو اهم الافكار الخاص بهاد الفصل كمان صار عالتطبيق

ان شاء الله بكرا رح نزللكن الفصل السادس كمان
و الاسبوع القادم رح نزللكن مكثفة الفصول ٥ و ٦
لهيك يلي بشد حاليا و بخلص الفصلين ٢ و ٣ تاكد انو بعدهن رح نفرطلك الفيزيو بين ايديك ✅🔥

🛑بالاضافة انو نزلت فيديوهين اهم افكار للفصل التالت
موجودين بخانة اهم الافكار
اسمهن :
كامل معلومات الفصل الثالث
الفيديوهين مدتهن تقريبا ٤٨ دقيقة يمكن بس براجعولك الفصل كلو بمدة قياسية جدا

بهدول الفيديوهين حكيتلك كل افكار الفصل التالت و حتى في بعض الافكار شرحت عنها شوي

موفقين يا اكابر ❤️❤️🔥🔥
https://t.me/Elphysics

الله لا يسعدلي غير صباحكم 🥳❤️

- محتويات الأسبوع الرابع
- القسم الثاني من الفصل الثاني
- مدة + عدد الفيديوهات
- دورات الفصل
- روعة الفيديوهات وفائدتهم للسنوات القادمة مو فقط لهلق 😂❤️

- كلام عن المادة
و نصائح هامة جداً
وكلام يلامس خوفك وضميرك
ورح يخليك تدرس بعد سماعك للتسجيل
خصوصاً الطلاب المقصرة ويلي لسا علقانة بالتالت 🤹🏼‍♂️❤️

موفقين يا اكابر ❤️❤️
الله يجبر بخاطركم عكلامكم الحلو
وان شاء الله منباركلكم بعلامة مميزة بالفيزيو بعد استمراركم بهالجهد لآخر الفصل❤️

https://t.me/Elphysics

🚩 تذكرة سريعة

في فيديو animation بخانة منوعات
رااائع جداً مدته ٢٠ دقيقة ،
نصو الاولاني
عدت كل شي معلومات بتخص الاكتين والميوزين والقسيم العضلي ومكوناتهم بالتفصيل ..

ثم عرضت فيديو رااائع
يلي بيحضرو بتترسخ بذهنه مراحل التقلص العضلي
من هون لتقدموا امتحان الفيزيو
طبعا الفيديو مترجم وانا حاطت صوتي عليه
يعني ما تركتك لحالك تفهم شو عم يصير 😂🔥

فيديوهات المنوعات مفيدة جدا يا شباب
ويلي عم يحضرا عم يشوف هالشي
يعني مثلا في مايند ماب لكل شي بخص النقل عبر الغشاء
مدة الفيديو فقط ١٣ دقيقة
بتراجعلك كل شي بخص النقل عبر الغشاء🔥
بصمج هالمايند ماب وخود علامتين ببلاش 🤹🏼‍♂️

بالمناسبة كيف لقيتوا الفصل لحد الآن ؟ 🤩
القسم التاني تقريباً اغلبو معلومات جديدة عليكن
بس اكيد انتو قدا 🤹🏼‍♂️

موفقين ❤️❤️
نلقاكم مساءً عقناة الاتمتة
لنختم الفصل ونكشاته سوا ..

https://t.me/Elphysics

اقرأ الرسالة القادمة 👇🏻
https://t.me/Elphysics/4066

في كتير طلاب عم تسأل كل فصل قديش بدو
وشو الفصول السهلة والصعبة بالمادة ..

هي صورة عاملا انا
فيها كل فصل وكم سؤال اجا عليه بدورتين مختلفتين
ومدة انهاؤه
( مدة الانهاء هون بدك فيديوهات + دراسة جدية)
يعني دراسة فعلية بدون تلهية ..👇🏻
https://t.me/Elphysics/4065

🔸الصعوبة والسهولة موضوع نسبي
ولكن متل ما حكى دالاتي بالمقدمة
الفصول الاصعب حسب الطلاب كل سنة
هنن ٢-٧-٨-١٠
٨ قصير ولكن بدو مخمخة لفل ماكس واسئلته وفقراته فهمية
٢ اطول فصل بالمادة وفيو تفاصيل كتير
واكتر فصل فيو دقة بالاسئلة ..
٧ فهمي جدا واسئلته فهمية جدا
١٠ بصم + فهم لفل الوحش الكاسر والكل بقول عنه غليظ ..

🔸السهلين فينا نعتبر ١-٤-٥-٦ سهلين
وهنن الاقصر فعلياً
(٥-٦ اقصر فصلين لهيك عالخطة محطوطين باسبوع)
في طلاب بتشوف ٤ غليظ مثلا لان فيو بصم كتير
في طلاب بتشوف ١ غليظ لان غليظ وبيعطيك من كل بستان زهرة 😂

🔸الباقي يصنف متوسط فينا نقول ..
سهلين كمعلومات واسئلة بس بكونوا اطول شوي من القائمة السابقة ..

🚩 لهيك اساسا بتلاقي الطلاب
بتنجذب تبلش و تدرس ١ و ٣ و ٥ و ٦
او تدرس ١-٤-١٢ بتشوفن فصول سهلة وحلوة
مشان يحسوا بالانجاز بالدراسة ..
وبتروح عالدورات نوعا ما اغلبا من الكتاب
ما بتحتاج تفكير كبير
فبتفكر انو المادة هيك سهلة وكيوتة وبصوم وروح عالدورات بتلاقي السؤال نفسه
وفصول صغيرة وبسيطة والخ ..
مو عرفانين انو هدول اسهل شي
ومو عرفانين شو ناطرهن بباقي الفصول 😂❤️


▫️اما انا لاء بحب بلش بالتاني بعد التالت
اول شي بتخلص منو من اول الفصل
وبتصير تراجعو عراحتك بعدين كل ما يصحلك
و فهمك الو رح يخليك تفهم كتير شغلات بالفصول لقدام
واساسا مافيك تدرس ٥ قبل التاني
▫️يعني بالتاني في كامن فعل النسيج العقدي والعضلي القلبي
وين اساسيات كامن الفعل ؟ بالتاني
▫️وبالخامس عم يقارنلك العضلة القلبية مع العضلات الهيكلية والملساء وهو مفترض انك انت اخدن وفهمانن بالتاني ..
نحن هيك منحب نشتغل كل سنة
في سنة وحدة غيرنا الترتيب هاد
ولكن رجعنا رجعنالو خلص شفناه الافضل😂❤️

وبالنهاية الموضوع نسبي
نفس الفقرة ونفس الفصل واحد بتلاقيه شافو اسهل فصل
وواحد بتلاقيه شافو اصعب شي بالمجرة
بالنهاية شو ما شفتو انت مقرر عليك تدرسو😂
اذا بتركز معنا بالفيديوهات
رح تضل مستمتع من هون لتخلص المادة
وما رح تحس شي صعب ..
والاهم من ذلك كل المعلومات رح تكون موجودة قدامك ومرتبة وجاهزة بس لتحفظها من الفيديوهات ..
ويلي ما بتفهمو اسألنا عنو دوماً موجودين بالغروب وعالبوت
وباذن الله اذا باسبوعا ما تراخيت رح تجيبا معدل

ولكن رجاااءً لا تراكمها للمادة
هي المادة تحديداً ما بتتسلوق هالفصل ..
هي اذا حابب تجيبا معدل طبعاً 😂❤️

كل شي بدك ياه بالمادة بتلاقيه بالمثبتة (انقر هنا)

ومن خلال هالصورة اعمل خطتك الخاصة حسب شو دارس انت وخلص الفصل وفق المدة الفعلية يلي حاطتلك ياها مع فيديوهات الكورس 👍🏻
موفقين ❤️❤️

🛑في كتير مو حضران هدول الفيديوهات

🛑هنن عبارة عن فيديوهين نكشات للفصل التالت مدتهن 9 دقايق التنين موجودين بخانة المنوعات
لهيك احضروهن يا شباب

اغلب النكشات بتكون موجودة ضمن الكورس بس بالفصل التالت انا ضايف هدول الفيديوهين لهيك لا تخاف بالفصول 5 و 6 و 7 النكشات انا عاملك ياها كلها ضمن الفيديوهات ❤️✅

🛑بس بدي نبهك على شغلة
باخر السنة بعد ما يخلص الدوام انا بنزللكن فيديوهات نكشات جديدة بتكون هي النكشات انقالت هي السنة بمدرجات الجامعات
ما بقدر نزلهن هلق لان في فصول لسا ما انعطت بكل الجامعات
لهيك بس يجي وقتهن انا بنبهك عليهن
وبكون وقتهن قصير بس فيهن نكشات

لهيك لا تخاف رح يتقدملك كلشي عطبق من دهب

موفقين ❤️❤️🔥
https://t.me/Elphysics

نوطة دورات مادة الفيزيولوجيا

الدورات يلي عالتطبيق بخانة الاختبارات بتضل افصل لان مدققة بشكل اكبر و احسن

https://t.me/Elphysics

يعطيكن العافية يا اكابر ❤️🔥

✅بكرا بتبلش عنا خطة الفيزيو الاسبوع الخامس

🛑بهاد الاسبوع عنا فصلين يلي هنن ٥ و ٦
الفصلين صاروا نازلين عالتطبيق و اهم الافكار تبعهن نازلة و الاختبارات تبعهن رح ينزلوا بكرا

✅مدة فيديوهات الفصل الخامس : ٣:٤٥ تقريبا
✅مدة فيديوهات الفصل السادس : ٣ ساعات و تلت

كل فصل منهن بدو يوم دراسة
لهيك لا تجي تقلي بكرا انا كنت مقصر احصاء و مقصر تشريح و غيرو و ما لحقت
خلص بخطة الفيزيو فضي اليومين كلهن للفيزيو

واذا انت بتسرعني بالفيديوهات ممكن يخلصو معك الفصلين بيوم واحد

الفصلين من الفصول السهلة نوعا ما بس فيهن افكار كتير و فيهن ربط مع الفصول ٨-٧ لهيك ركز فيهن رجاءً

وانا باكدلك اذا ركزت معي بالفيديوهات رح تطلع من الفيديوهات فهمان و حافظ و باصم و مستمتع 😂❤️

وبالفصل الخامس في فيديو اسمو رسمة المايسترو
هي الرسمة متل رسمة ابو الكريات براجعلك منها كتير افكار بالفصل لهيك بس تخلصو الفصل حضروا هاد الفيديو

وبكرا رح ينزل فويس مهم عن الخطة بس هاد ملخص ❤️✅🙏

موفقين ❤️✅🔥
https://t.me/Elphysics

صباح الخير و يعطيكن العافية يا اكابر ❤️🔥

ما رح نزل تسجيل لان مافي حكي كتير احكيه و بنفس الوقت بعرف نصكن ما حيسمع 😂😂

المهم
حكيتلكن بالرسالة يلي فوق عن مدة كل فصل من الفصول و شو صار نازل

بدي ضيف على حكي الرسالة يلي فوق كم شغلة :

١- ما فيك تحضر الخامس و السادس قبل ما تحضر التاني
ببساطة التاني متعلق بالخامس
و الخامس متعلق بالسادس
لهيك ادرس فقط بالترتيب يلي نحنا منقلك عليه ويلي كان ضالل عليه شوي من التاني خلصهن وبعدين انتقل للخامس ✅🙏

٢-الخامس و السادس كللللل واحد بدو يوم و لا تستهين بالفصول اذا قلنالك انو هدول من اسهل فصول المادة
لان المادة اساسا صعبة جدا فالسهل فيها هو صعب نوعا ما و الموضوع يبقى نسبي ممكن غيرك يشوف التاني سهل و انت تشوف الخامس صعب

٣- الفصلين هدول جدا مهمين السنة الماضية اجى بالامتحان عهدول الفصلين ٢٠ سؤال لهيك ركز فيهن الله يرضى عليك

٤ - بالفصل السادس في فقرة اسمها حركة السوائل هي الفقرة كللللللل سنة بيجي عليها يا سؤالين يا تلاتة لهيك ركز فيها و بعد هي الفقرة انا حاططلك كلشي دورات متعلقة بهي الفقرة وعم ورجيك كيف عم حلهن لهيك حضرهن لهدول مهمين و تتدرب عطريقة الحل

موفقين ❤️❤️✅✅
https://t.me/Elphysics

كيف ماشيين يا اكابر ❤️🔥
وين صرتوا بخطة هاد الاسبوع ؟

وكيف لقيتو الفصل الخامس 🔥✅

كتير طلاب عم تبعتلي دكتورالفصل الخامس ٤ ساعات ونص ليش عم تقلنا اقل من ٤ ساعات🤪🤪🤪

يا شباب والله مو معقول اجي احكي بهيك موضوع بس يعني مضطر لان فعليا في طلاب ما عم تعرف تفرق بين فيديوهات اهم الافكار و فيديوهات الفصل

يعني مثلا انا منزللكن فيديوهين مراجعة بخانة الفصل الخامس مدتهن ٤٥ دقيقة يمكن
بتجوا انتوا بتحسبوا المدة تبعهن مع مدة الفصل ؟ 😂😂
والله في شي مو منطقي

المهم هدول الفيديوهين
واحد أهم افكار وواحد اسمو رسمة المايسترو هي رسمة مراجعة لتسهيل الحفظ

رسمة المايسترو حضرها اخر النهار بس تكون تعبان مشان تتسلى فيها

✅وايمت بتحبو ننزل اتمتات الخامس ؟
اليوم المسا ولا بكرا مع السادس ؟

بالنسبة للاتمتات ❤️🔥
نصكن بدهن اليوم و نصكن بدهن بكرا
وانا النت عندي سيء اليوم
لهيك رح نعملهن بكرا مع السادس ✅

بس شو بتعمل اليوم المسا يا حزرك
بس تخلص الخامس بتحل الدورات تبعوو كلها

وبكرا قبل الاتمتات بتحضر اهم افكار الخامس مدتو ٢٣ دقيقة
و بتجي بتحل اتمتات الخامس و السادس ❤️🔥

موفقين ❤️❤️❤️❤️

يعطيكم العافية

في شغلة حابين نحكي عنا
منتشرة بشكل مبالغ فيه هالفصل
يلي هي تهكير التطبيقات تبعنا
ومبيع الاكواد بسعر اقل من المكتبة

بالبداية حابب وضح
انو نحن اكيد مانا مسامحين عالموضوع ابداً
وانت كطالب تحضيرية حلمك تصير طبيب ناجح
من بداية مسيرتك مبلش بالسرقة وبالحرام
" ما بُني على باطل فهو باطل "

يعني مشان توفر ١٠٠ الف بتحضر فيديوهات مسروقة عتطبيق مهكر ؟؟؟
حالتك المادية سيئة فهي سيئة من الاساس
يعني هال١٠٠ الف شو فرقت ؟
وكان فيك تتجاوز الموضوع بأنو تحاكينا
ونعطيك الاكواد مجاناً وياما عاملينا مع مئات الطلاب
وفضلنا عحالنا والطلاب موجودة وعم تقرأ هاد الحكي

يعني ببساطة وضعك سيء وشايف كورساتنا مفيدة الك إما بتحاكينا ريثما نرد عليك
او بتحاكي حدا من الادمنز
او بتنطر لبين ما يتجمع المبلغ معك
وبتحضر وقتا مصادر مجانية
وبتتابع نكشاتنا عقناة الاتمتة
اما تشتري فيديوهات مسروقة ؟!
هاد حل برأيك ؟!

بعيني جوال عند محل لرفيقي
شفت حرامي سرق الجوالات من محلو
بروح بشتريه للجوال من الحرامي بنصف السعر ؟

ولا تقلي نحن مفكرين التطبيقات تابعة الكن
او هاد فريق الدعم الخاص فيكم
لو هاد الشي صح كانوا باعوك الاكواد عنفس تطبيقنا
مو كل كم يوم تطبيق جديد
ونسخ مهكرة عن تطبيقنا
لذلك هاد مو مبرر وبرجع بكرر نحن مو مسامحين عالموضوع ..

كل فصل منحصل عاسم احد الاشخاص المهكرين
وعاساس خلص ما عاد يتكرر الموضوع
تاني فصل منلاحظ الموضوع زاد !
اخدينها تجارة الطلاب
هل انتم دكاترة المستقبل يلي بانيين عليكم الأمل ؟
مبلش مسيرتك بالحرام ؟
تبيع فيديوهات غيرك وتقبض حقها ؟

عالعموم نحن من سنتين مطنشين عالموضوع عالقنوات
عم نكتفي بالتحذير وعاساس دكاترة وما بدنا نأذي حدا
بس الموضوع زاد عن حدو صارت تجارة الشغلة
هالفصل قدرنا نحصل عأكتر من اسم ثلاثي من يلي مشاركين بالتسريب ..
وممكن نتصرف أي تصرف ضمن القانون ويضمنلنا حقنا
بالاضافة لأن بكرا بأي لحظة ممكن نوقف تطبيقات التسريب
يعني بأوقات حساسة بأسبوع المادة
فجأة رح تلاقي التطبيقات عطلت يومين او تلاتة
ونحن رح نتابع ونشتغل عالموضوع
وقتا انت مافيك تعترض لان اساسا انت جايب شي مسروق
وهي عم حذرك من هلق ..

والتسريب متمركز فعلياً بمحافظة معينة اكتر شي
وانت كطالب مشترك بالتسريب
انت مبلش حياتك بغلط وبالحرام
وبرجع بكرر نحن مو مسامحينك

وشكراً لطلاب محافظة ادلب
قدرنا نحصل عقائمة بسيطة من الطلاب المشتركين بكورساتنا بالحرام
ولا طالب للآن من هي المحافظة
هاد بدل عتربيتن وعأخلاقن
يلي ما خلتهن يرضوا يشتروا شي مسروق

وبتمنالكم التوفيق
بالعادة ما منشوش الطلاب بهالقصص عالقنوات
بس الموضوع زاد وهالسنة رح نتابعو بإذن الله

https://t.me/Elphysics