▫️تصريح وزير التعليم العالي والبحث العلمي الدكتور مروان الحلبي :

أبنائي الطلبة، ستصدر نتائج السنة التحضيرية للفصل الأول للعام الدراسي 2025-2026 اليوم بإذن الله تعالى بعد قليل عبر الصفحة الرسمية لوزارة التعليم العالي والبحث العلمي.

مع تمنياتي لكم بالتوفيق والنجاح

جهزوا حالكم بعد شوي رح ننشر الرابط 👇🏻

‏‌ https://t.me/Elphysics

صدرت النتائج 👇🏻

https://mof1.shern.sy/prep25s1/

طمنونا عالانستا بعلاماتكم وخصوصا الفيزيا
ان شاء الله كل واحد ينال متل مو حاسب وافضل❤️

يلي جايب 95 فيزيا او اعلى من ذلك
يعلقلي بعد اذنكم بدي شوف اعلى علامة نجابت
لنعرف بشو مخربط وشو حاسب
لنشوف اذا في مشكلة بالسلم الوزاري

ما عم لحق شوف الخاص 😂❤️
عم حاول رد شوي شوي

منحكي عن العلامات المسا بإذن الله ..

يعطيكم العافية جميعاً
الله لا يسعدلي غير اوقاتكم ❤️

الف مبروك للجميع
مهما كانت علامتك كون فخور بنفسك
وبتجربتك وتعلم منها ..
حقك تزعل اذا انت حاسس حالك كان فيك تقدم افضل
بالعكس الزعل اليوم خطوة مهمة برأيي
وهي اول خطوة لتعوض بالفصل التاني
ودليل عأنك فعلا عرفان حالك انو بتجيب اعلى ..🤹🏼‍♂️

بالفيزيا انا جدا جدا فخور فيكم وبعلاماتكم
كمية 80ات و+85 مخيفة بأصعب مادة
ووصلني 98 و 97 و96 ما شفت اعلى منن لهلق ..
وفي تسعينات بعدد جيد
برافو عليكم 🔥

ولكن انا شبه متأكد انو في ضرب بالسلم
يعني سؤال واضح حلو الصحيح B
محطوط C إما عن قصد او عن غير قصد
لان يعني يلي كان يكتب اسئلة غلط مافيها ولا خيار صح طبيعي يخطأ هو بحل الاسئلة
وما يعرف شو الحل الصح 😂💔

والدليل على هاد الشي انو اعلى علامة وصلتني هي 98
وانا متأكد في طلاب عنا عهيك اسئلة بتجيب 100
مو طالب ولا تنين اكثر من ذلك ..
وانا وياكم منعرف هالشي ..

في طلاب مصححة بالسلم تبعنا واجت نفسا
وفي طلاب فرقت كم علامة
الفرق بيناتن هو السؤالين الخلافيات غالباً
يلي فارق معو اكتر من هيك (٥ او ١٠ علامات)
في مشكلة تانية معناها مو بالاسئلة ولا بالسلم ..

عالحالتين للاسف مافيك تعمل شي 😂
يعني كان يجي اسئلة غلط قلنا ماشي
هالسنة شكلو الحل غلط

عكل حال انا فخور فيكم علاماتكن بترفع الراس
كنت متمني تجي ١٠٠ او ٩٩
وكنت متفائل بهاد الشي هالسنة
بس للاسف الوزارة لها رأي آخر ..

لا تتأمل بالاعتراض
كل سنة الاعتراضات ٩٥٪ منها
(جميع النتائج متطابقة)
اعترض معلش مشان ما تندم تقول بلكي وبلكي
بس عم خبرك ما تتأمل عالفاضي

شكرا الكم عرسائلكم الحلوة
رح حاول رد عليها من هلق للمسا ❤️❤️🥰
الف الف مبروك للجميع دون استثناء ..

https://t.me/Elphysics

والله عرفان حينزلوا العلامات اليوم و يخربوا علينا يوم الفيزيولوجيا 😂🤦‍♂

🛑طيب يا شباب رح اجل انا الاتمتات للساعة ١١
معك من هلق للاتمتات ٤ ساعات
يلي ضاللو كم فقرة من الفصل بلحق يخلصهن

ويلي ما بلحق يخلص الفصل و يحل معنا الاتمتات
عادي انا رح نزلهن و انت بس تخلص الفصل بشكل كامل ايمت ما بدك فوت عقناة الاتمتة و حلهن ✅🤷‍♂

هاد انسب حل لان في طلاب مخلصة الفصل و ناطرة الاتمتات وفي طلاب مخلصة الفصل من الاسبوع الماضي و انا ما بقدر اجلهن لغير يوم لان ما بقدر حطهن للاتمتات بخطط حدا تاني من الدكاترة

🛑وقلتلكن مشان فيديو اهم الافكار عاساس صوره اليوم نزلو بس للاسف نزول العلامات خلاني انشغل لهيك رح نزلو للفيديو بعد كم يوم و رح خليه شامل لكل معلومات الفصل و رح يكون اسطوري
واذا حابب تراجع الفصل حاليا قبل الاتمتات فتاح عالنوطة شغلة نص ساعة عميل قراءة سريعة و تعال و انا وياكن عقناة الاتمتة رح نراجع الفصل مع الاتمتات ✅❤️🔥

وشو ما كانت علامتك حاليا كبها ورا ضهرك وفكر كيف بدك تعوض و تحسن من علاماتك بالفصل التاني ولا تدايق حالك خلص يلي راح راح
تطلع لقدام ❤️❤️😘

موفقين ❤️❤️❤️❤️❤️❤️❤️

نلتقي الساعة 11 عقناة الاتمتة :
https://t.me/Elphysicsmcq

شو بيعمل هاد الدوا يا شباب ؟ 😂❤️

يعطيكم العافية يا اكابر 🔥

عذروني هاليومين كنت مشغول شوي
بين العلامات وبين شغلات تانية 😂❤️

اول شي بكرر فخري فيكم جداً
عالعلامات يلي بترفع الراس
والتسعينات الكتيرة بالمادة رغم ضرب السلم
والحمدلله الاوائل عسوريا اغلبن متابعين معنا
واول ٣ عسوريا كلن متابعين معنا
وهاد الشي بزيدنا مسؤولية
لنقدم افضل شي عنا كل فصل 🔥
ورح حاول اليوم كمل ردود عرسائلكم فيما يخص العلامات
وبجوز بكرا احكي كلمتين عن العلامات
لتحطن ببالك 👍🏻🔥

▫️ رح يكون في مفاجأتين فيزيولوجيتين :
-☝🏻وحدة منن رح تعجب نص الطلاب
-✌🏻والتانية رح تعجب كل طلاب سوريا 🤹🏼‍♂️

ترقبوا ودعولنا ..🥰❤️

ويلي لسا جايب فوق التسعين
وما شفت رسالتو او لسا ما بعتلي
يرجع ينقطلي انستا او تلغرام
رح اسهر اليوم وحاول رد قد ما بقدر😂❤️
عذروني اذا قصرت و ما قدرت رد عالكل
بتمنى تكونوا مقدرين وضعي

بتمنالكم التوفيق يا اكابر 🔥
https://t.me/Elphysics

الله لا يسعدلي غير صباحكم🥳

▫️خطة اليوم وبكرا :
القسم الاول من الفصل التاني

محتوياته وفيديوهاته ونكشاته والخ ..

كلام عن الفصل التاني كامل ..

دورات الفصل واختبار الفصل والخ ..

https://t.me/Elphysics

قد تظنها صورة شخص عادي
يتناول الكباب ويقوم بشرب الكولا ..

لكن فعلياً من خلال الصورة
انت قادر تحفظ تفاوت تراكيز جميع الجزيئات والشوارد ..
على جانبي الغشاء الخلوي ،
وتفهم كيف بيتحركوا من خلال الغشاء الخلوي
مع وبدون صرف طاقة 😂🔥

احتفظوا بالصورة ..
ولاحظولي التفاصيل كاملة
(كيف الصحن مدهن ..الخ🤣)

كيف ملاقيين الفصل التاني يلي بلش فيه خبرونا
صعب ومعقد متل ما بقولوا عنو 🤔
و كيف ملاقيين الشرح ؟

https://t.me/Elphysics

اتمتات القسم الاول من الفصل التاني
عالساعة ١٠:٣٠ 🔥

يلي دارس الفصل من اول ما نزل وحاسس نسيان ..
حضار فيديو اهم الافكار ودعيلي 🔥

وفي فيديو بخانة منوعات
١٣ دقيقة فقط
عدت فيها كل شي بخص النقل عبر الغشاء 🔥
كل ما تنسى الفقرة حضار هالفيديو
وضمان ٣ علامات بجيبتك من هون للامتحان😂🔥

المخطط رائع جداً
ويلي حضر الفيديو بيعرف هالشي 🤹🏼‍♂️❤️

موفقين نراكم عال١٠:٣٠ 👇🏻
https://t.me/Elphysicsmcq

#ملاحظة :
نزلت اختبار من عندي عن القسم الاول عالتطبيق
الكل يحلو ويقلي قديش بجيب
اسئلته حلوة وفيها حنكة 😂❤️
بمثابة اختبار حقيقي لدراستك لهاد القسم ..

يعطيكم العافية جميعاً 🔥
مكثفة الفيزيولوجيا الجديدة وصلت 🤹🏼‍♂️🔥

متل ما كانت سبب بنيل علامات مميزة جدا بالفيزيا
وكانت عون لجميع الطلاب
سواء بالدراسة او المراجعة ..

رح نعمل فيديوهات مكثفة بطريقة رائعة
لمادة الفيزيولوجيا
تخليك تفهم وتحفظ كل حرف بكتابك
ونعيد ذكر جميع نكشات المدرجات
لحد لحظة تصوير المقطع

يعني بكل فصل من لما ننزلو
انا رح اضمنلك فهم كامل لكل معلوماتو
وانت بالنهاية بتقرر بنفسك بعد ما تحضر 😂❤️

▫️فيديوهات الاول بالاساسي اكتر من ١٠ فيديوهات
بمدة تقريبا ٤ ساعات ونص
--» صاروا فقط ٤ فيديوهات بمدة اقل من ساعتين🤹🏼‍♂️🔥

بتقدر تدرس منو اذا كنت لهلق مو مبلش
وتفهم جميع معلومات الفصل ..
وبتقدر تراجع منو وتتذكر كل شي بخص الفصل
بأقل مدة ممكنة ❤️🔥
او اذا فكرة معينة ببالك بالفصل تعيدا
بتروح للفيديو الخاص فيها 😂🔥

▫️الفصل الاول مقسم فعليا ل ٤ اقسام رئيسية
١- الفيزيولوجيا وعلاقتها بباقي العلوم
٢- أجهزة الجسم ووظائفها
٣- سوائل الجسم وتوزعها ووظائفها
٤- آليات الضبط والمراقبة

لكل قسم فيديو بتلاقيه بقائمة التشغيل
▫️مكثفة الفصل الأول 2026 👇🏻
https://www.youtube.com/playlist?list=PLMxx6QwHIJY2x5cZSk4ee2MliBTXcrXzg

فيديوهات مكثفة التاني والتالت تطبخ على نار🥰
فرجونا حماسكن عالفيديوهات ..

طبعاً ما مننسى وجود فيديوهات اهم افكار لكل فصل
هي لسا مدتها اقل من المكثفة 😂🔥
هي فيها كل المعلومات ولكن دون شرح
يعني بتراجع منا بس مافيك تدرس لاول مرة ..

طبعاً كلو رح تلاقيه عالتطبيق
بدنا هالسنة ١٠٠ فيزيو 😂🔥
ان شاء الله ما يكون للوزارة رأي آخر

موفقين يا أكابر ❤️❤️

https://t.me/Elphysics