يعطيكم العافية جميعاً 🔥

بتمنى من الكل يكون مخلص الفصل الاول من هلق للمسا ..

🚩هنن ٤ ساعات وتلت بالمثبتة (انقر هنا)
بتقدر تخلصن من هون لل١٠ قبل الاتمتات
لازم كل طلاب سوريا تستفيد انو الفصل مجاني
وتحضر هالفصل معنا لحتى تعرف عشو فايتين نحن
الفصل سردي وفيو كتير شغلات ما بتتوضح الا لقدام
وهون بتجي مهمتي وضحت هي الامور بوقت مثالي
وذكرت بأي فصل رح ترجع تنعاد وتتفصل

🚩بعد هال٤ ساعات عندك فيديو المستويات عالتطبيق
بخانة نكشات ومنوعات ..
هاد الفيديو افضل فيديو ممكن تشوفو للفصل الاول
حتى حكيت شغلات ربط مع كل الفصول
بعدو انت رح تصير تعرف تميز بالضبط كل شغلة بجسمك
هل هي عضو ام نسيج وما وظيفتها
الفيديو رااائع ونحن اول مين بلش فيه ببري٧
وفيو ملاحظات كلا مدققة من الاساتذة يلي بتكتب الاسئلة ..

والحمدلله سنة بعد سنة عم شوف هالملاحظات محطوطة بمحاضرات مانها النا 😂❤️
هاد دليل انها عنجد مفيدة ..
ويلي كان ناشر فكرة غلط عن عضو او نسيج
صححها من خلال الفيديو
فالحمدلله يعني هاد دليل انو ماشيين تمام
وعم نقدم شي مفيد للطالب

هاد الفيديو ببساطة بساعدك على حل سؤال المستويات
يلي هو احد الاسئلة الخارجية بالفصل الاول
احسن ما تمشي بعشوائية بكون عندك شوية أسس وملاحظات بتمشي عليها في حال اجا هاد السؤال
(العام الماضي ويلي قبلو ما اجاا سؤال مستويات)

حابب اشكركم عرسائلكم الحلوة جدا جدا
يلي من الاسبوع الماضي ما هديت
الله يجبر بخاطركم ويوفقكم يااارب
وعذروني اذا ما قدرت رد ..
بدنا هالحماس يضل مستمر لآخر الفصل
وحابب قلك المتعة لسا ما بلشت بالمادة😂🔥
صبور عليي شوي لخليك كل ما تمل تقول بدي ادرس فيزيو
رغم انها اكتر مادة بدا تركيز هالفصل ..

🚩 دورات الاول عالتطبيق عشكل اختبار
كاااملة من بري١ لبري١٠
وعاملين هيك نحن لكل فصول الفيزيو
حلوه بعد فيديو المستويات
وخبروني قديش النتيجة 🔥

نلقاكم مساءً عقناة الاتمتة (انقر هنا) عال١٠ بإذن الله
لنلحسلك مخك شوي ونختبرك زيادة😂❤️
موفقين يا اكابر ❤️❤️

https://t.me/Elphysics

صباح الخير يا اكابر ❤️❤️✅

🛑محتويات الفويس :
1- خطة الاسبوع
2- حكي عن الفصل التالت و مدى صعوبته
3- مدة الفيديوهات
4- مدة دراسة الفصل
5-  فيديو اهم افكار الفصل التالت
6- اختبار الفصل التالت
7- فيديوهات الفصل التاني ( للمسبقين )

🛑اضافة عالفويس : في ٣ فيديوهات اضافية انا منزللكن ياهن بخانة منوعات و نكشات يلي هنن :
نكشات الضغط التناضحي
نكشات الجمل المميعة و التخثر
فيديو انيميشن ( حضروه كتير حلو )

مدتهن كتير قصيرة يعني في واحد منهن ٣ دقايق و في واحد ٦ دقايق و بالتالي حضرهن كتير مهمين
وانا بفضل انك تحضرهن بعد الفقرة تبعهن
يعني بعد فقرة الضغط التناضحي بتحضر فيديو النكشات تبعو ✅❤️

◽️واي حدا لسا عندو مشكلة بالتطبيق يحاكي الدعم فورا بحلولك ياها

🛑باكدلك انك بعد ما تحضر الفصل رح تطلع مستمتع و حابب المادة و رح تاخد عن المادة نظرة جديدة و حتصير احلى مادة عندك ✅🔥
https://t.me/Elphysics

موفقين حبايب ❤️❤️❤️❤️🔥🔥🔥

فيديو انيميشن بسيط عن ابو الكريات عملوه السنة الماضية طلاب pre 10 😂😂❤️❤️

نزلتلكن ياه بتتسلوا فيه شوي

وهي فراشة الهيموغلوبين

عجبني هاد التصميم طالب عاملو فقلت بنزللكن ياه مشان يلي بحب يحتفظ بالصورة ❤️🔥

يعطيكم العافية يا اكابر 🔥

بلشنا ننزل الفصل التاني
ونصو الاولاني صار عالتطبيق 😂❤️

الفصل هو الاطول بالمادة وبقولوا عنو الاصعب
رح حاول بين اليوم وبكرا نزلو كلو
يعني فعلياً رح نزل خطة الاسبوع القادم وما بعد القادم🤹🏼‍♂️
وعد مني بعد الفيديوهات رح تشوفو اسهل واحلى فصل درستو بحياتك 🔥

🚩 النص الاول عبارة عن
▫️١١ فيديو + ٣ فيديوهات تثبيت افكار
بمدة تقريباً ٤ ساعات
النصف الثاني بس ينزل بخبرك ..
لا تخاف المدة مثالية متل ما تعودت عليي
واقل معلومة فيه منعادة ٣ مرات 😂❤️
عدا عن النكشات والمعلومات يلي ما رح تلاقيها وين ماكان
ويلي رح تستمر معك بالسنوات القادمة ان شاء الله ..

🚩 خطأ فادح تبلش بالخامس قبل التاني
جوا الخامس عم يعطيك مقارنات بين القلب
وبين العضلات الهيكلية والملساء
ومعتبر انك بتعرفها من الفصل التاني
وهاد سؤال ثابت كل سنة (مقارنة بين العضلات)

وبالفصل الخامس
عم يفوت بكامن فعل النسيج العقدي والعضلي القلبي
بشكل فوري من دون مقدمات
لان بيعتبرك بتعرف اساسيات كامن الفعل من الفصل٢
لهيك يلي عم يدرسو قبل التاني بالغالب عم يبصم

بس ينزل كامل بخبركم غداً 🥰
هيك خطة اسبوعين لقدام بتكون عالتطبيق ..
ركزوا بالتالت حالياً من احلى الفصول وامتعها مع دالاتي
واسئلته مضمونة بالامتحان ..

حلوا دوراتو عشكل اختبار عالتطبيق بس تخلصوه
تشمل جميع الدورات من بري١ لبري١٠
وبكرا اتمتاتو رح ينزل كتير نكشات مهمة فيه 🔥

موفقين يا اكابر ❤️❤️

https://t.me/Elphysics

صديقكن احمد خلص الفصل التالت و حل دورات الفصل عالتطبيق و جاب ٩٦٪❤️🔥
وطبعا كان بيقدر يجيب ١٠٠٪ بس تسرع بكم سؤال

🛑يا شباب عم شوفكن عم تحلوا دورات من اماكن غريبة و من نوط وملفات قديمة
هي الاماكن و النوط غالبا مافيها اخر دورتين
و فيها اسئلة ناقصة
( واخر دورتين هنن يلي فيهن الاسئلة الصعبة فعليا )
واخر دورتين نحن فقط يلي جمعناهن بعد ما طلعوا الطلاب ..

لهيك رجاءً حلو الدورات
من يلي منزللكن ياهن عالتطبيق ✅❤️

🛑وانا عم اشتغللكن عنوطة الدورات يلي فيها كل دورات الفصول ان شاء الله بكرا او بعد بكرا بتكون نازلة وفيكن تطبعوها او تشوفوها pdf

🛑ونحنا عم ننزل الدورات عالتطبيق بقسم الاختبارات حسب الخطة

موفقين يا حبايب ❤️❤️❤️❤️

https://t.me/Elphysics

▫️تصريح وزير التعليم العالي والبحث العلمي الدكتور مروان الحلبي :

أبنائي الطلبة، ستصدر نتائج السنة التحضيرية للفصل الأول للعام الدراسي 2025-2026 اليوم بإذن الله تعالى بعد قليل عبر الصفحة الرسمية لوزارة التعليم العالي والبحث العلمي.

مع تمنياتي لكم بالتوفيق والنجاح

جهزوا حالكم بعد شوي رح ننشر الرابط 👇🏻

‏‌ https://t.me/Elphysics

صدرت النتائج 👇🏻

https://mof1.shern.sy/prep25s1/

طمنونا عالانستا بعلاماتكم وخصوصا الفيزيا
ان شاء الله كل واحد ينال متل مو حاسب وافضل❤️