عيدكم مُبارك ❤️❤️🌛

الله يتقبل طاعتنا وطاعتكم يارب ❤️❤️

من فريق إيليت جميعاً .. كل عام وانتم بخير ❤️🥳

مني ومن تيم الفيزيا والفيزيولوجيا ..

منتمنالكم عيد مبارك
وان شاء الله العيد القادم
كل واحد منكم بكون بالفرع
يلي عم يسعالو ويطمحلو حالياً ❤️

تذكروا انو عندكن تاريخ لسا
لا تخلوا العيد عيدين وتجيبوا العيد بالامتحان 😂❤️

موفقين يا اكابر ❤️❤️

https://t.me/Elphysics

يعطيكم العافية جميعاً ❤️

حابب نزل هالرسالة مشان الطلاب يلي بيتا بعيد عن المكتبة او ممكن تسافر بعد السبت وعم تبعتلي اسئلة عن الموضوع ..
النوط والاكواد ان شاء الله السبت بالمكاتب
( النوطة نشحنت لكل المحافظات ما بعرف اذا شي محافظة يمكن ما توصل السبت )

طبعاً النوطة اعدنا هيكليتها من الصفر 🔥
نفس نمط نوطة الفيزيا
بما انو الكل حب النوطة الجديدة 😂🔥

وهاد الموضوع كان جدا جدا متعب
النا من اسبوع الفيزيا عم نشتغل عليها 😂💔
والحمدلله خلصناها من اسبوع وبلشنا طباعتها
ونشحن قسم منيح للمحافظات هالاسبوع ..
النوطة جزأين كل جزء قرابة ال٢٢٠ صفحة فقط
يعني المادة كلا ٤٠٠-٤٥٠ صفحة ..
متل ما تعودتوا عليي ما بحب كتر حكي كتير
يعني شوية شروحات شوية ملاحظات
شوية صور للفقرات يلي بحاجة صور
ملاحظات مهمة من المدرجات ومن السنة التانية
والأهم من ذلك جميع فقرات الكتاب بدون اي نقص
مزبطة بطريقة ممتازة عشكل جداول
وخطوط حمرا تحت الارقام المهمة
والكلمات المفتاحية وهكذا ..
وفقرات ملخص اللعبة من عندي وهالقصص😂❤️

▫️عدد الصفحات
شي كتير مهم خصوصاً بالفيزيا والفيزيولوجيا
اوقات بشوف نوط فيزيا وفيزيو
بتوصل للالف صفحة ..
كيف بدو الطالب يلحق يخلصا 😂💔
طيب واذا خلصا كيف رح يراجعها قبل المادة فقط اسبوع ؟
كل يوم بدو يحفظ شي ١٥٠ صفحة 💔
رح يلجأ للملخصات يلي للأسف
ما رح تنفدو اذا كانت الاسئلة صعبة ودقيقة ..
فأنا هيك بحب اشتغل ويلي شاف نوطة الفيزيا
فالشغل تماما نفسو حتى هون افضل وارتب
كونو المعلومات علمية وطبية
مو زت كلمات شو ما كان 😂❤️

▫️ويلي جديد متعرف علينا
اكيد بامكانك تشوف العينة المجانية للنوطة
وتقارنها وتشوف اذا مناسبة الك ..
كتير طلاب اجتنا باسبوع الفيزيا عجبتا النوطة
وحبت تراجع منا قلتلكن وقتا ما بصير
درستوا من مكان راجعوا منو سواء كتاب او غيرو ..
فهلق من اولها اذا عجبتك النوطة وشفتا مريحة كتنظيم وعدد صفحات وملاحظات ..
جيبا وريح راسك ودروس وراجع منا من هلق لاسبوع المادة ..

الله يقويكم ويعطيكم العافية
شو ما حكيتوا الحق معكن
قلتلكن المادة مقرفة جدا
كنا نمل ونقرف الساعة لما ندرسها باسبوع واحد
كيف اسبوعين كلن عم تدرس تاريخ 😂❤️
انا ما بتمناها لعدوي يعني 😂

هانت ضل يومين
استغلن صح
بجوز تجي اسئلة واضحة وسطحية متل اول
مو متل اخر سنتين ..
ويراعوا وضعكن وظروفكن
وخصوصاً انو فترة عيد وهيك
وبالتالي اذا كنت تارك مباحث بدون دراسة
تضايق انو اجت سهلة
عطي كل شي عندك لآخر لحظة
وبكرا صباحاً رح حاول نزللكن تسجيل دعم
كتبولي شو شعوركم حالياً
لاقرأ واعرف شو العقول
يلي لازم استهدفها بالتسجيل😂❤️

موفقين يا اكابر ❤️🔥

https://t.me/Elphysics

مساء الخير جميعاً ❤️

حابب قلك بختام الفصل الاول وامتحاناته ..
انو مهما كانت نتيجتك سواء بكرا او بامتحانات الفصل كلا ، ف أنت أدّيت يلي عليك وزيادة

مجرد خوفك من انو ما تقدم منيح هاد دليل على انك مهتم وعلى انك تعبان منيح ومجتهد وبالتالي انت عملت يلي عليك ..

شو يعني اذا فرشت بمادة ولا بتنين ولا حتى بكلن ؟
ما وقفت الحياة ابداً ،
تذكر انو انت من ضمن افضل ٩٠٠٠ طالب بسوريا من اصل اكتر من ١٥٠ الف تقريباً قدموا البكلوريا !

يعني وصولك لهاد اليوم لحالو يُعتبر انجاز ما بالك انك تعبت نفسياً وجسدياً مع جو جديد عليك ..

كون فخور بحالك بوصولك لهي المرحلة 💪🏻

وتأكد انو رح تفوت الفرع يلي انت حابو بنسبة كبيرة متل طلاب كل سنة ..
(اقصى شي تروح لغير محافظة)

واذا فتت فرع غير يلي كنت حاطو ببالك صدقني بس تفوتو رح تعرف ليش هيك صار ورح تقول الحمدلله اني ما حققت رغبتي ..
وعالحالتين بضل اسمك دكتور 🥰

لهيك لا داعِ عزيزي طالب التحضيرية لهالخوف الكبير والهلع يلي انت فيه ،
وبالنهاية "الإنسان عدو ما يجهل"
بلكي اجت اسئلة منطقية بالمجمل ؟
وحتى لو اجت صعبة انت ما بتتحكم بهالشي صح ولا لاء ؟

استغل الوقت يلي ضالل عليك وركز معلوماتك واعطي كل شي عندك بكرا بالقاعة ،
واترك الباقي لتوفيق الله ..❤️

وبعد الفحص بكرا انبسطوا واطلعوا مع رفقاتكم وعيلتكم
وعبوا مواقع التواصل الاجتماعي صور
كلا فرح وسعادة 😆❤️

كان هاد الشهر متعب ومستهلِك لقواكم وبتستاهلوا استراحة محارب عالجهد يلي عملتوه ..

انبسطت كتير وفخور جداً فيكم وبصحبتكم
وفخور اني درستكم و ساعدتكم بهالسنة الصعبة ولو بشي بسيط بمادة بعتبرها الاصعب بالسنة التحضيرية
كانت مسؤولية كبيرة اتمنى اني كنت قدا ..
وان شاء الله ما نكون قصرنا معكن بمكان معين
واذا قصرنا سامحونا
ان شاء الله تتذكرونا بالخير بالسنوات القادمة
ولسا النا حكي كتير ورح تتذكرونا اكتر بإذن الله
بالفصل التاني ❤️🔥

مبارك إنهاء اول فصل بمسيرتكم الجامعية ..
موفقين بكرا ❤️
واثقين فيكم انو رح تقدموا منيح .

https://t.me/Elphysics

مقدمة مادة الفيزيولوجيا رح تنزل قريبا
جهزوا حالكن ❤️❤️🔥

الحمد لله سيط كورس مادة الفيزيولوجيا معروف عند طلاب الدفعات السابقة 👆

رح تشوفوا كورس خارق للطبيعة ان شاء الله افضل من كورس الفيزيا و الكيميا

مبارك بإنهاء الفصل الدراسي الاول🥳

نصائح مهمة جدا جدا للفترة الحالية
وفيك تعتبرن خبرة من الفصل الاول .
- الامتحانات وطريقة وضع الاسئلة
- الاسترااااحة وأهميتها
وأهمية انك تريح راسك ومخك من الضغط عالاقل هالاسبوع ..

موفقين جميعاً ❤️❤️
وعد الفيزيولوجيا رح تشوفوها امتع مادة بالسنة التحضيرية
رح خلي فضولك فيديو ورا فيديو يدفعك تخلص الفصل لتعرف جسمك كيف عم يشتغل 🔥

https://t.me/Elphysics

شرح عن الخطة 👇🏻
https://t.me/Elphysics/3985

🛑الخطة الاسبوعية لمادة الفيزيولوجيا 🔥

🛑الخطة بتبلش الاسبوع الجاية
الايام المخصصة لمادة الفيزيولوجيا هنن يومين ( السبت و الاحد )
يعني نحنا يوم السبت هاد يلي جاية رح ننزل اول فصل فلهيك جهز امورك
جهز نوطتك او كتابك و جهز الكود تبعك مشان نبلش سوا

🛑رح تلاحظ بالخطة انو ماشيين بترتيب فصول معينة غير ترتيب الكتاب
وطبعا نحنا هاد الشي عاملينه لمصلحتك مشان تدرس الفصول المترابطة ورا بعضها مشان يصير عندك ترابط بالافكار و المعلومات و رح نشرح عن هاد الموضوع بشكل اكبر بفيديو المقدمة ❤️🔥

ورح يفيدكن الترتيب بالعملي ايضاً
رح تفوت عالعملي بتعرف تشرح اكتر من المعيد💪🏻

🛑الاسبوع السابع من الخطة هو ترميم و اختبار نصفي
الاختبار رائع جدا ونموذجي
وحلك اله ونيلك علامة مميزة فيه
دلالة عأنك ختمت النوطة الاولى 🔥

🛑الخطة مريحة جدا و في كتير اسابيع رح يزيد فيها معك وقت لحتى تراجع او ترمم تقصير سابق عندك
ومنخلص الخطة باريحية و منعمل اسبوع بروفا و بتكون امورنا لوز ساعتها

ما خرج تنضغط الخطة اكتر من هيك ولا خرج تترحرح اكتر من هيك ..
المادة عميقة وبحاجة تركيز وفهم كتير كبير
وربط بين الفصول وتركيز اثناء الدراسة
واثناء حل الدورات
لهيك نصيحة لا حدا يراكمها
اكتر مادة ما بتتراكم والدليل علامات الطلاب فيها اخر سنتين 💔

🛑فتاح الصورة بشكل كامل مشان تقرا الملاحظات يلي كاتبينها نحنا بالخطة

انت بس مشي معنا متل ما منقلك بهي المادة و ان شاء الله رح توصل لاعلى العلامات ❤️🔥

وبفيديو المقدمة رح تحصل ع اجابة شاملة لكل شي ببالك عن المادة
ايمت حابين ننزل المقدمة ؟ 🥰
خبروني بالتعليقات ..👇🏻

https://t.me/Elphysics

☝🏻- كتر الحكي عن المادة
بين كلام ترويجي بحت مفصول عن الواقع
وبين طلاب عم تقول عنا انو صعبة جداً
وعم تخوفكم منا بشكل مبالغ فيه ..
هل تستحق هاد الخوف ولا مجرد وهم ؟
هل فعلاً هي اصعب مادة بالفصل التاني ؟
أين تكمن صعوبتا ؟ ،
بالدليل القاطع عطيتك كل مفاتيح المادة
وليش بقولوا عنا صعبة وحكيتلك عن اسئلتا وعن فصولا لتاخد فكرة عن التنين ..
الفيديو طويل ولكن خلص فيديو واحد
ما بدي منك غير تحضرو هو فقط
بعدو انت رح يتم اشباع فضولك بالمادة
بعدو انت مانك بحاجة اي شي غير فيديوهات الفصل الاول لتبلش بالمادة
لذلك حضار الفيديو عراحتك هالكم يوم 🤹🏼‍♂️🔥

✌🏻- النقاط الاساسية بالفيديو :
▫️موقع المادة بين بقية المواد بالفصل التاني
     وشو اعلى علامات نجابت فيها ؟
▫️لمحة عن فصول المادة ومحتواها
▫️مصادر دراسة المادة بين الحضور والورقي
▫️شو بقدم فريق ايليت بالمادة ؟
    (كورس/خطة /قنوات/البوت)
▫️ليش بقولوا عن المادة صعبة ؟ (أهم فقرة)
   مع أمثلة واقعية من اسئلة الدورات ومن الكتاب
▫️خصوصية دورة بري 10 والعلامات فيها والاسئلة الغلط والخارجية يلي اجت فيها ..

الفيديو مفيد جداً بعدو انت جاهز لتفوت بالمادة
ما بيعذبك ومافيو شي علمي ..
ببساطة عم يعرفك عالمادة من كل نواحيها
حضرو هالكم يوم وانت بعدا فعلياً
ضمنت المادة بجيبتك اذا الله راد ❤️❤️

▫️رابط الفيديو 👇🏻
https://youtu.be/-hMgiD4DQSo

لا تنسوا كاسة الشاي مع الفيديو 😆
موفقين يا اكابر 🔥
https://t.me/Elphysics

عينة من علامات الدفعة العاشرة 👇🏻
https://www.instagram.com/s/aGlnaGxpZ2h0OjE4MTA5MDI4NDk3ODQ4MTAx?story_media_id=3717090334107432349_6067582389&igsh=anlwOGlna3oxanNx

عينة من علامات الدفعات ٧-٨-٩
بالستوريات المثبتة كمان عصفحتي عالفيسبوك👇🏻
https://www.facebook.com/share/1DS9eZ32Pp/

متل ما بتلاحظ الحمدلله بهدول السنوات يلي درسنا فيها
كل سنة اعلى العلامات موجودة عنا الحمدلله🔥
والاوائل عالمحافظات وعسوريا كلن واثقين فينا ..

والسنة الماضية تحديداً بري١٠
بدي تشوف العلامات
رغم انو الطلاب كلا طلعت عم تصيح من الاسئلة
والكل بيعرف مدى صعوبة دورة السنة الماضية
وقديش صعب تجيب فيها +٩٠
بدي تشوف انو تقريباً بس الستوريات يلي منزلها في شي ١٠٠ طالب فوق التسعين 😂❤️

وهدول بس الطلاب يلي قدرت رد عليهن
اكيد في غيرن عدد كبير ما قدرت رد عليه للأسف..
هاد الكم الهائل من التسعينات انا متأكد ما بتلاقيه عند حدا بهالمادة
يعني شوف اي مصدر فيزيولوجيا وقارن العلامات بنفسك ..

طبعاً متل ما حكينا بفيديو المقدمة
في ٣ او ٤ طلاب ببري٤-٥ قدروا يحصلوا المية بالمادة
بس بوقتا ما كان في كورسات اساساً 🤣
وب٢٠٢٠ اساسا كانت دفعة كو.ر.ونا
يعني عطوهن عطلة شهرين
وحذفولن من كل مادة شوي
الفيزيو نحذف ٣ فصول (٢-٣-٨)
واحد منن هو الاصعب بالمادة
فطبيعي نشوف طالب جايب مية 😂😂😂
كان وقتا التشريح والوراثة معبا مياات
مو طالب وطالبين متل الفيزيو ..

انا للاسف كنت صف حادي عشر وقتا 🤣
لو كنت عم اعطي صدقني كنت شفت شي ١٠٠ طالب جايب مية عسهولة الاسئلة والحذف يلي صار وقتا والعطلة الطويلة ..

موفقين جميعاً ❤️❤️
حبيت ابعت هالبوست للاستئناس
في طلاب بتحب تشوف علامات غيرا
وبتشجع وبتتحفز لما تشوف العلامات 🔥

https://t.me/Elphysics

يعطيكم العافية
مشان حفزكن تحضروا المقدمة وتستفيدوا
رح اعمل مسابقة 😂❤️

كل واحد حضر المقدمة
يحط معلومة عن المادة عجبتو من المقدمة
او نصيحة من قلبو حسا مفيدة بهي المادة
يحط اي شي مرق بالفيديو هو حبو عن المادة😂❤️

رح نقي رابحين بكرا مساءً ..
☝🏻 رابح عشوائي من تعليقات فيديو اليوتيوب
✌🏻 ورابح صاحب اعلى تفاعل عرسالتو
من تعليقات هي الرسالة عالتلغرام 👇🏻
https://t.me/Elphysics/3988

طبعاً يلي بيربح رح ياخد كود فيزيو للمادة
ويحضر المادة ويراجعها ويستفيد من الفيديوهات من هلق لآخر الفصل لحتى يفوت عالقاعة 😂❤️

رابط المقدمة 👇🏻
https://youtu.be/-hMgiD4DQSo?si=AA0wXCtHQd7tsG25

الكل يحضرا هاليومين
لا تخاف ما بتعذبك مافيا شي علمي
عميل كاسة شاي وحضرا
بتختصر ع حالك اسبوع من الاسئلة عن المادة
خلص بتلاقي جواب عكل اسئلتك وفضولك
وبتصير جاهز تبلش فيها لما نبلش سوا 🔥

افضل رسائل ممكن توصلني
هي رسائل طلاب التحضيرية
بعد ما يخلصوا تحضيرية 🔥👇🏻
https://t.me/Elphysics/3989

هي شوية رسائل وصلتني هالسنة
وبتوصلني كل سنة
لطلاب بلشوا دراسة بعض فصول الكيمياء الحيوية
او النسج بالفصل الاول
ولقوا المعلومات مكررة من يلي شرحناه بفيزيو التحضيرية
النسيج العضلي أكاد اجزم يلي بيدرسو معي بالفصل التاني فيزيو شافو فراطة جداً بمادة النسج بالفصل الاول 🔥

والمستقبلات وطرائق حفظ اماكنها والقصص تبعها..
والكلية وآلية عملها على المستوى الخلوي ..
كلا شغلات انا متأكد يلي بيركزها معي
ويلي بشوف كيف رح اشرحها
رح يضل متذكرها سنتين لقدام 😂🔥

وهالفصل انا متأكد بس طلاب الطب
يبلشوا بالفيزيو تبع البشري ..
كل كلامي رح يلاقوه قدامن
وكأنو درسوا الفصل مبارح معي 🔥
ورح توصلني نفس هي الرسائل اضعاف مضاعفة😂🔥

وهاد شي جدا جدا بفتخر وبنبسط فيه

انو انا مو بس عم علمك لتجيب علامة
العلامة رح تجيك تحصيل حاصل 😆
لاني مفهمك كل كلمة بكتابك
والشغلات الحفظية عاطيك قصص الها
وكل كلمة مرتبطة باكتر من فصل
بربطلك ياها بكل فصل بتمر معنا 🔥

والحمدلله كل سنة اعلى علامة بتكون عنا بسوريا
هاد دليل انو شغلنا صح ..🤹🏼‍♂️

بعيداً عن موضوع العلامة
انا عم علمك معلومة
عم علمك كيف تصير طبيب ناجح
وتفكر بطريقة صحيحة
وتبني اساس صحيح بالمادة
يضل معك بكل مواد الطب البشري
(بداية كل مادة بالطب البشري في لمحة فيزيولوجية)

والحمدلله من رسائل كل سنة
عم حس قديش طلابنا صار عندن خبرة بهالموضوع
مجرد ما يمر شي بخص الكلية
بيتذكر شرحي والتشط وكيف بصير الترشيح🤣
مجرد ما يمر شي بخص التنفس والتحويلة الفيزيولوجية بالاسناخ ..
بيتذكر دكانة اللبن يلي مافيها لبن😂
وبيتذكر كيف ورجيناه انا ودالاتي هالامور
ع ارض الواقع بأمثلة واقعية 🔥
وكل ما يمر شي بخص النسيج العضلي
الطالب رح يراجع الرسمة يلي رسمها معي
يلي فيها كل كلمة بتخص النسيج العضلي
وكل بروتين من الرسمة مبين شو وظيفتو 😂🔥

وبالمناسبة بكرا كل ما رح ناخد فصل
موجود نفسو بفيزيو البشري
رح نزلك دورات البشري متل كل سنة ونزل الدورات الجديدة
يلي بيكتبا نفس دكتور التحضيرية
يعني رح خليك تحل اصعب شي ممكن يجيك
عم تحل اسئلة طلاب سنة تانية 🔥

هيك بتندرس الفيزيولوجيا
وهيك منستمتع فيها ..
وهيك بتبني اساس صح لتكون طبيب ناجح
وهيك بتنجاب العلامة العالية بطبيعة الحال 🥰❤️

https://t.me/Elphysics

مساء الخير جميعاً 🔥

كل ما يخص هذا الاسبوع بالفيزيولوجيا ..

فيديوهات الفصل الاول والخطة
وعينة الفصل الاول من النوطة
وموعد نزول التطبيق

موفقين يا اكابر 🔥
الكل يسمع التسجيل
ليتحمس للفصل الاول بكرا😂❤️

https://t.me/Elphysics