حابب ذكركن
انو رح تنزل تجميعات وشغلات مهمة
بفصول اليوم بعد شوي عقناة الاتمتة 👇🏻
https://t.me/Elphysicsmcq
متل ما نزل مبارح للفصل الاول ..

مفيدة بتركيز المعلومات ومراجعتها
والتنبيه عبعض الملاحظات ..

والمسا عال١٠ رح ننزل شوية اتمتات تختبر حالك فيهن بفصول اليوم أيضاً ..

وبس نخلص رح نزل رسالة للاسئلة العلمية
اذا الله راد ❤️❤️

https://t.me/Elphysics

وصلنا لختام اليوم الثاني من اسبوع المادة🥰

تعبانين بعرف الله يعطيكم العافية
لسا قدامنا شغل ..
والمميز ويلي رح يتفوق
هو يلي رح يستمر بالجهد لاخر لحظة

وانا معكن كل يوم بإذن الله ..

كالعادة ضع سؤالك العلمي بالتعليقات

رح سكر الغروب بعد شي ساعة ونجاوب عالاسئلة متل مبارح ..

رجاءً ما بدي نقاشات جانبية بالتعليقات
بتضيع الاسئلة ..
ولا داعِ لعصر المخيخ الأيمن اذا ما عندك سؤال
كتبلي يعطيك العافية كافِ 🥰❤️

موفقين جميعاً يا اكابر ..

نزلت اسئلة وملاحظات حلوة
بفصول اليوم عقناة الاتمتة ،شوفا 👇🏻
https://t.me/Elphysicsmcq

الله لا يسعدلي غير صباحكم 🥳❤️

▫️فصول اليوم ٣-٢٢ :
١- شو نازل لفصول اليوم
شغلات اسطورية ؟
٢- وشو وضع هدول الفصلين ؟
٣- يلي لسا ما بلش مراجعة
ومفكر لسا ما بلش اسبوع المادة
شو يعمل ؟
٤- يلي قصر بخطة مبارح  شو يعمل ؟

موفقين جميعاً ❤️❤️

https://t.me/Elphysics

كالعادة يلي ما معو وقت يسمع التسجيل😂❤️

فصلين اليوم :

▫️الثالث :
- مدة المكثفة : ٧ فيديوهات بمدة ٣ ساعات وربع
راجع عايد فيها كل شيييي حتى قرائن الانكسار والمسائل رجعت حليتا كلا 😂
عاملتك كأنك ما بتعرف شي عن الضوء ✅
هي اخر فرصة اذا حابب تضمن الضوء تضمنو اليوم وتركزو صح ، بكرا والايام القادمة
ما عاد يصحلك وقت منيح تركزو 👍🏻

- اهم افكار الهندسي : نصف ساعة
- اهم افكار الموجي : ساعة
تقريباً عدت فيها كل شي كل شي بالفصل
ماشي معك صفحة صفحة كأنو درس خصوصي
ولكن بدون شرح ..
هي ممتاااازة جدا ليلي دارس الفصل يعيدو بمدة قياسية
ومفيدة جدا قبل المادة بيوم ✅

▫️الفصل ٢٢ :
صورتلو فيديوهين جداد هي السنة
بمثابة مكثفة واهم افكار بنفس الوقت ..
مدتن فقط ٥٠ دقيقة تقريباً
تقريبا هدول احسن فيديوهين نعملوا للفصل😂
وحضرن واحكم بنفسك
الفصل رغم انو صغير اجا عليه مرة ٧ اسئلة
لهيك حضرلي هالفيديوهين وضمنن ✅


▫️دورات ٢٢ اختبار عالتطبيق كاملة
▫️دورات ٣ من الملف بمثبتة قناة الاتمتة
وبس تخلص الفصل منزلك اختبار دورة ٢٠٢٥ لحالا عالتطبيق
حلا وجرب شو بيطلع معك ✅

نلتقي مساءً يا اكابر لنعالجلكم مشاكلكم بهدول الفصول إن وُجدت 🔥

https://t.me/Elphysics

مساء الخير يا اكابر ❤️🔥

▫️نصيحة شخصية :
بالكتاب خصوصاً بالضوء كتير فقرات معتة وبتحس ما عم تعرف شو تحفظ منا ولا شو هدفو منا
وهي الفقرات ما بتكون عادةً فيها معلومات هو بكون حاطتا عاساس يشحرلك ويفهمك
مو عرفان انو ضيعك بزيادة 😂💔
لهيك بالضوء عاملك ساعة ونص فقط فيها كل شي بالهندسي وكل شي بالموجي ، ماسك فقرة فقرة وعم قلك كل وحدة شو وضعها
والله المدة اكتر من مثالية
احسن ما تقعد تقرأ لحالك حطن وشوف انا شو عم احكي عن كل فقرة ..
وبنهاية اليوم يا سيدي حابب تبصمج شوية شغلات متل قرائن الانكسار
بصمجها المسا بعد ما تكون ختمت الفصل
احسن ما تصفن بالفقرة ساعة وما تلحق تخلص شي
صح ولا لاء ؟ ✅

المسا بدل ١٠ رح يكون موعدنا ١٠:٣٠
بما انو اليوم عنا الضوء
لنضمن الاغلب يكون خلصو قبل هالوقت
رح ننزل شوية اتمتات من باب تحريك اللبن
ولحس المخ ..
ثم رح نعطي شوية تريكات لبعض الفقرات الصعبة حسب طلبكم ..
ورح نزل روابط شرح معظم دوراتو
ليلي ما كان حالن بحيث يطّلع عليهن ..

تم ؟
كيف ملاقيين فيديوهات المراجعة لليوم ؟😂❤️

نلتقي مساءً 👇🏻
https://t.me/Elphysicsmcq

الله لا يسعدلي غير مساكم يا اكابر 🥰

نزلنا شغلات كتير حلوة عن الضوء اليوم
من تجميعات ، لتسجيل بعلمك كيف تحل مسائل العين ، لكم سؤال فكرتن حلوة ، مع كم نكشة تحطن ببالك ..

بتبلش الرسائل من هون 👇🏻
https://t.me/Elphysicsmcq/6431

عذروني اليوم ما رح نزل رسالة للاسئلة العلمية
خلوها لبكرا منجاوب عن فصول اليوم وبكرا ..
وبكرا رح حاول نزل الرسالة باكرا قبل الافطار
لان في طلاب ما عم تلحقا عم تنام بكير مثلا
او ما الى ذلك ..

عالحالتين البوت شغاال بعات سؤالك
بيوصلك الجواب بكرا ان شاء الله
رغم الضغط الكبير عالبوت
ورغم انو يلي عم يجاوبوا طلاب وعندن امتحانات
بس الحمدلله تقريباً عم نجاوب عالكل
الله يوفقكم ويوفقن للدكاترة ، دعولن ❤️


وشكرا جزيلاً عرسائلكم الحلوة كل يوم
ان شاء الله بتطلعوا مبسوطين السبت
وانا معكن لتفوتوا عالقاعة ان شاء الله ..

نراكم صباحاً بالتسجيل الصباحي
رح حاول فيق بكير نزلو 😂❤️

https://t.me/Elphysics

صباح الخير يا اكابر 🔥

▫️فصول اليوم ٤-٥-٦ :
- شو نازل شغلات اسطورية
- دعم نفسي
- يلي قصر بأحد الايام شو يعمل

سمعوه للتسجيل بخليكن
تتحمسوا تدرسوا ولو شوي 😂❤️

موفقين جميعاً  ❤️❤️

https://t.me/Elphysics

رسائل مهمة ورائعة للفصول ٤-٥-٦ 🔥

🔸افضل رسالتين نعملوا للفصل 4 👇🏻
https://t.me/Elphysicsmcq/6466

🔹مراجعة الفصل السادس ب24 دقيقة فقط 👇🏻
https://t.me/Elphysicsmcq/6476

🔸شرح فقرة المواسح بالفصل الخامس
بأبسط طريقة ممكنة "بدقيقتين"👇🏻
https://t.me/Elphysicsmcq/6477

🔹يلي بخربط بأنواع التشويش بالاشعة السينية
يختمها "بدقيقة واحدة" من هون 👇🏻
https://t.me/Elphysicsmcq/6480

يلي عندو سؤال علمي

يحطو بالتعليقات 👇🏻
رح سكر الغروب بعد ساعة
وحاول جاوب عالجميع ان شاء الله🤹🏼‍♂️

تسجيل من القلب للقلب ..
يخاطب العقول الراقية فقط

سمعو بس يكون عندك ١٠ دقايق فراغ
وخود جرعة طاقة تخليك تدرس وتفرم ما تبقى لك من فصول ❤️❤️❤️

موفقين يا اكابر ..
نراكم صباحاً بالتسجيل الصباحي .

https://t.me/Elphysics

صباح الخير يعطيكم العافية جميعاً 🔥

▫️فصول اليوم ٧-٨-٩-١٥ :

🔸السابع :
نازل عالتطبيق بخانة اهم افكار
فيديوهين اسمن كامل المعلومات بمدة ساعة فقط ..
شاملين وفيهن شرح من الصفر وشو ما بدك 🔥
بتحضرن وبعدا انت جاهز تحل اي سؤال عن الفصل
وفيهن نكشات كتير حكيتها خليها ببالك ..
حضرن ساعة وحدة بس بتختم شي اسمو تيراهيرتز بإذن الله 🤹🏼‍♂️

🔹الثامن :
نازلو فيديو واحد مدته ٢٥ دقيقة
كمان كامل المعلومات وفيهن شرح وشو ما بدك😂🔥
حضرو ودعيلي ..

🔸التاسع :
عملنالو تسجيلات ممتازة جداً
بمدة ٣٥ دقيقة (هي رابطها) 👇🏻
https://t.me/Elphysicsmcq/6292

مو شاملة ١٠٠٪ الفصل اذا بدي خليه شامل مع شرح رح يطلع قريب من الاساسي ..
لهيك كل فقرة بالفصل
عملتا عشكل تسجيل مرفق مع صورة ..
بتحفظن معي بهالنص ساعة
واذا حسيت انك حابب ترمم هال٥٪ يلي هي برأيي شغلات بلا طعمة ، فبترممها من النوطة 👍🏻
وبرأيي هالتسجيلات هي افضل شي نعمل للتاسع بهالمدة المثاليةة🔥
اسمعها وقتها قياسي وعطيني رأيك 🤹🏼‍♂️

🚨 في فيديو حل + شرح دورات للتاسع✅
حضروه بعد ما تخلصوه مفيد جداً ..

🔹الفصل 15 :
مالو مكثفة
لان الكورس الاساسي ليلي مو دارسو ساعة و٤٠ دقيقة تقريباً فقط وفيو اوفر فيو وتثبيت افكار وكل هالقصص ..
ويلي دارسو حابب يراجعو
او مزنوق وبدو شي مختصر لالو ..
فرح نزل تسجيلات اسعافية اليوم عقناة الاتمتة✅

🚨 ضروري تحضر فيديو حل دورات الفصل 15
لان كان الفصل مطلوب كلو من بري1-8
بعدين حذفوا نصو ..

🚨ملاااااحظة :
يلي مو دارس الليزر مثلا
وحابب اليوم يمكنو ويركزو منيح ..
ف بإمكانو يخلي ١٥ لبكرا
انا بكرا بترك الخطة مريحة نسبياً
بحيث اي حدا قصر بيوم معين
يحاول يمرق تقصيرو بكرا 🤹🏼‍♂️🔥

موفقين يا اكابر ❤️❤️
بعرف اغلبكم بلش بكير
عذروني تأخرت شوي بالرسالة كنت نايم😂❤️

https://t.me/Elphysics

يعطيكم العافية يا اكابر 🔥

شكرا كتير عرسائلكم عالخاص
وآراؤكم عن كورس المراجعة والحلول الاسعافية❤️🔥

كتير مبسوط من الطلاب يلي عم تأنجز وما تهتم للظروف ..

الطلاب يلي لسا لهلق عم تسأل
فيني ادرس 7 من كورس المراجعة شامل ؟
فيني ادرس 9 من الحل الاسعافي ؟
فيني كذا ؟ فيني كذا ؟
يا دكتور ضل يومين ونص للامتحان ادرس وحاج تسأل ..
مدتن مثالية جدا
يعني السابع كامل ساعة
التامن كامل ٢٥ دقيقة
التاسع كلو ٣٥ دقيقة 🔥
بالوقت يلي عم تسأل فيه كنت خلصت واحد منن

في طالبة بعتتلي درست التاسع من التسجيلات بلشت من الفجر وخلصتو شي الساعة ١١
وفهمتو بشكل كامل وحلت دوراتو بشكل ممتاز ..

هيك بيشتغل الطالب يلي بدو علامة حتى لو مقصر🤹🏼‍♂️

رح تقلي طيب والله صعب ادرس الليزر من الصفر بكم ساعة مخي عم يدخن ..
رح قلك اكيد صعب معك حق
ما نحنا خلال السنة عاطين لليزر يومين كاملين😂
جاي انت تدرسو ومعو فصلين بيوم واحد ..

اكيد الموضوع صعب كان لازم من وقتا تخصصلو عالاقل يوم وتشيلو من طريقك ..

بس رغم هالصعوبة انا قدمتلك حل اسطوري
بتمسك كل فقرة بتسمع تسجيلات دقيقة دقيقتين
بتبصم الصورة المرفقة ..
وهيك فقرة ورا فقرة بيخلص معك بساعة
معك كل المعلومات المهمة و٩٠-٩٥٪ من معلومات الفصل ..
بتروح بتحضر فيديو حل الدورات بتشوفني كيف عم حل الاسئلة تبعو ..

هلق معك وقت لسا ؟
رجاع للنوطة حفاظ السطور يلي انا ما ذكرتا
من باب الاحتياط اذا اجا سؤال غليظ بصمي من براتا
وانا ما بظن ذلك يعني رح يكون سؤال غير علمي ..

بدي منكن تحطوا آراؤكم بالتعليقات فيما يخص كورس المراجعة لليوم بالفصول ٧-٨
وتسجيلات ٩ يلي جربن
بلكي الطلاب المقصرة تتحفز شوي تروح تبلش😂❤️


موفقين جميعاً نلتقي مساءً بشوية تجميعات
ونشكات لفصول اليوم 🔥
بجوز خلي تجميعات ١٥ لبكرا بحيث الكل يكون درسو
وبما انو مرتبط ب١٧ ببعض الفقرات ..

برجع بذكر
تعال لعندي الجمعة المسا
ضاللك ٤ فصول احسن من ٥
ضاللك فصلين احسن من ٣
لان وقتا عنجد مخك رح يدخن اذا ضاللك كتير😂❤️

https://t.me/Elphysics

وصلنا لختام اليوم الخامس من اسبوع المادة🥰

هانت ضل يومين وبتخلص من مادة
تعتبر الاصعب بالسنة التحضيرية
بعرف يمكن ما حدا حاسس فيك من يلي حوليك شو عم تدرس وقديش الجهد يلي عم تبذلو ..
بس لا تخاف انا معك وواثق فيك 🔥
بس لازم انت توثق بحالك قبل اي شي ..

اذا انت ما وثقت بحالك وبقدراتك انو رح تعمل المستحيل وتلحق كل شي ضاللك وتجيب معدل ..
مين بدو يوثق فيك ؟

كل هاد التعب يلي عم تتعبو رح يزول يوم العلامات لما تكون علامتك بالفيزيا بترفع الراس
فكر بهاد اليوم تحديداً كيف رح ترفع راس اهلك
انت عم تتعب كل السنة مشان هاليوم
لا تكب كل تعبك بآخر واهم يومين 👍🏻❤️

وانا معكن كل يوم بإذن الله وعم قدملك حلول اسطورية ..
بس اشارة بدون مستقبل متل قلتا
بدنا المستقبل يكون شغال هاليومين بعد اذنك🥰

نزل شغلات اسطورية عن فصول اليوم بتبلش من هون👇🏻
https://t.me/Elphysicsmcq/6503

وكالعادة ضع سؤالك العلمي بالتعليقات
رح سكر الغروب بعد شي ساعة ونجاوب عالاسئلة ..

رجاءً ما بدي نقاشات جانبية بالتعليقات
بتضيع الاسئلة ..
ولا داعِ لعصر الفص الصدغي لنصف الكرة المخية الأيسر اذا ما عندك سؤال ..
كتبلي يعطيك العافية كافِ 🥰❤️

موفقين جميعاً يا اكابر ..

فصول اليوم ما قبل الأخير 14-17 ☠️☠️☠️

▫️الفصل 14 :
محطوط بخانة خاصة اسما مكثفة 14
بمدة ساعتين ..
وهي افضل شي نعمل لهاد الفصل بهالمدة
ومستحيل ينعمل حل اقل من ذلك
اذا نعمل رح يبطل شامل ..
لهيك ضروري مهمااا كنت مقصر تترم كل شي وتركز بهالساعتين قبل ما يجي بكرا 🔥
وصراحة مرتب معلومات الفصل بطريقة جدا جدا حلوةة بتسهل عليك دراستو او مراجعتو ان شاء الله 🔥🔥

بس تخلص هالساعتين بتروح بتشوف فيديو حل الدورات وبتشوفني كيف عم حل الاسئلة وهيك بكون ريحتك عطيتك افكار الدورات بدون ما حضرتك تعذب حالك وتحلن😂❤️

وفي دورة 2025 نازلة لحالا عشكل اختبار عالتطبيق
فيها اخطاء بس يعني اطلع عليها 😂

🚨الفصل هام العام الماضي 13 سؤال
وعام 2020 14 سؤال عليه لحالو ..
وهالساعتين مع تركيز منك
بيضمنوا هالاسئلة كلا ..

▫️الفصل 17 :
مو نازلو مكثفة لأن هو اساسا شرحو كامل
٣ فيديوهات بمدة ساعة مع اوفر فيو ..

يلي حابب يدرسو ويفهمو صح بيحضر هالساعة
اذا قدرت نزلو تسجيلات مراجعة منيحة
فبتشوفوها عقناة الاتمتة اذا الله راد ..🔥

🚨بس تخلص عندك فيديوهين بخانة منوعات

▫️واحد مقارنة بين جميع الاشعة الكهرطيسية بكتابك
(اطوال موجية ، استخدامات ، الخ ..)
▫️وواحد مقارنة بين جميع تقنيات التصوير بكتابك
(مقدرة فاصلة ، تشريحي ، وظيفي ، الخ ..)
كل واحد شي ربع او تلت ساعة ..
بيعملولك عصف ذهني لنص معلومات كتابك يمكن 😂❤️
حضرن ودعيلي 🤹🏼‍♂️
ما بظن حدا عامل هيك شي بهالمدة ..


موفقين ياااا اكااابر ، هااانت ❤️🔥

https://t.me/Elphysics

ختام اسبوع الفيزيا 🥳🔥

▫️كيف نستغل اهم يوم بالاسبوع :
- الطالب يلي مخلص كيف يراجع
- الطالب يلي ضاللو فصول

هاد اليوم اهم يوم بكل مادة
قادر يقلب الموازين ١٨٠ درجة ..

سمعوه وتنشطوا وقوموا عالدرس🔥

https://t.me/Elphysics

التسجيل الختامي
لمادة الفيزياء الطبية 🥰

مبارح كنا عم نصور المقدمة
واليوم خلصنا
الوقت كالسيف
ان لم تقطعه قطعك 😆❤️

١- كيف تتعامل مع اسئلة بكرا
٢- المسائل
٣- الاسئلة الغلط
(ان شاء الله ما بيجي)
٤- اختر الخطأ
٥- سؤال خارجي كيف بتعامل معو
٦- طريقة التحبير
٧- ضيق الوقت بالفيزيا

برأيي التسجيل مهم جداً
ايمت ما صحلك تسمعو
خود استراحة اسمعو
يعني فيو كل شي لازم تعملو
من لما تستلم الورقة لحتى تسلمها ..
يعني تعاملك مع الورقة بكرا
جزء اساسي بنيل علامة عالية ان شاء الله🔥

موفقين يا اكابر ❤️❤️

https://t.me/Elphysics

يعطيكم العافية الف مبروك ❤️

خبرناكم ان شاء الله بتجيكم اسئلة حلوة
تقدر تعبكم وتقدر الشغل يلي اشتغلناه ..

كتير فرحان عفرحكم وان شاء الله كل امتحان هيك بتكونوا مبسوطين 🥰

مافينا نحكم عالاسئلة ١٠٠٪ اذا سهلة او صعبة
امهلوني بعض الوقت للاطلاع عليها كاملة ..

من هلق شكرا الكم عكلامكم الحلو
وعثقتكم الكبيرة فينا ..
ان شاء الله كنا قد هي الثقة ❤️

https://t.me/Elphysics

ملف تجميع طلابي لدورة٢٠٢٦

بشكل عام لاول مرة منطقية بشكل كامل
وخالية من الاخطاء بشكل عام ..
في كم سؤال يحتاجوا دقة من واضع السؤال
لحتى يكون الخيار الصحيح فعلاً صحيح

ولكن اذا سايرتو متل ما خبرتك مبارح
بيمشي الحال ان شاء الله ..

في سؤالين ممكن يقبلوا اجابتين
بترجع لعقلية واضع السؤال لما حطن
(كتبت عنن ملاحظة بالملف)
برأيي مهما كنت حالن حذفن
مشان تتوقع اسوأ سيناريو
اعتبر حلك غلط مهما كان

+٩٠ ممتاز جداً
+٨٥ جيد جداً
+٨٠ جيد
أقل من ذلك خلينا نكون واقعيين
انت قصرت بمكان معين
اما خلال السنة
(فتت عاسبوعا معك تراكم بحر)
او باسبوعا
تشوشت بالقنوات يمين ويسار وضيعت وقت
او بسبب توترك ضيعت يومين بدون دراسة

عدا عن ذلك جميع الاسئلة منطقية وحاكينها
مو بس بكورس المراجعة
حتى الحلول الاسعافية كانت شاملة ١٠٠٪
فيك تشوفا عقناة الاتمتة
الاسئلة مانا صعبة ولانا سهلة
ببساطة منطقية وتشمل جميع الفصول
وبدا طالب دارس ومراجع ..

موفقين جميعاً 🔥
سمعوا التسجيل👇🏻
https://t.me/Elphysics/3972

🚨تعديل السؤال ٧٥
لان كاتب السرعة نفسها بالسؤال
التناسب بكون مع r²

🚨تعديل 2 :
سؤال ٢٠ عم تقولوما كاتب قرينة
بضل الخيار الصح نفسه برأيي

تسجيل يتكلم عن امتحان اليوم
وشوية نصائح للمستقبل ..

الف مبروك انهاؤكم المادة مهما كان تقديمكم❤️

الحل 👇🏻
https://t.me/Elphysics/3971

نصيحة يا جماعة والله مشانكن ..

في كم سؤال ممكن حسب وجهة نظر كاتب الاسئلة ..
نوهت عتنين منن
لا تقعد تفكر فيهن وبدك تقنع العالم كلو انو حلك صح

ما رح تستفيد شي
خلص انت حبرت
يا حلك متل واضع السؤال
وفكرت متلو
يا اما للاسف حلك مو متلو
شطول هالكم سؤال عتبر حلك غلط
مشان ما تتفاجأ ..

وخلص امشي بالمواد التانية ..

لا تبكي عالأطلال متل ما بكيت عالبيو والانكلش باسبوع الفيزيا ..

عندك مادتين كيميا وتاريخ ..
اشتغل عليهن صح بغيرولك الموازين

نام اليوم نصيحة
ناااام من هلق للافطار
تعبتوا كتير بالاسبوع
رحام حالك ورحام مخك ..

في طلاب بتقلي اجا هيك مو هيك
وفي طلاب بتقول لا ما اجا هيك😂
كل طالب بدو يجذب الخيارات لطرفو
كل شي كتبتو وحبرتو مشي حالو
لا فائدة من النقاش ..
ممكن تفكيرك صح فعلا ومطابق لواضع السؤال
وممكن لاء ، حاليا ما بتقدر تعرف شي
عم تحرق حالك عالفاضي

ترا اسبوع الكيميا كمان مضغوط
وبحاجة جهد من اول الاسبوع
لا تضيع يومين كالعادة بتفكيرك بيلي مضى

موفقين يا اكابر
اسمحولي انا كمان بدي ارتاح 😴❤️

https://t.me/Elphysics

الله لا يسعدلي غير صباحكم 🥰
في الليلة الظلماء يفتقد البدر😂❤️

▫️تسجيل يخاطب العقول الراقية
- التسجيل بعنوان :
صوت الضمير الصاحي

موفقين جدا يا اكابر
ثقتنا فيكم كبيرة ❤️

https://t.me/Elphysics