يعطيكم العافية
في مجموعة طلاب مفرغة كلامي بكورس المراجعة
ومرتبتو ضمن ملف عدد صفحاتو قليل
بكون بمثابة مراجعة سريعة
او يلي حابب يعتمد عليه اذا وضعو سيء او اذا غلبو الوقت
وبعد الفيديوهات انا بشوف الملف كتير مفيد نمر عليه مرور سريع ..
لان عم تعيد كل شي نحكى قدامك بصفحات قليلة ..🔥

فوتوا شوفوه بجوز تستفيدوا منو 👇🏻
https://t.me/pre11s/566
وفي طلاب لان سألتني عن الموضوع

في فصول مصورها جديد انا بكورس المراجعة
بحيث اشمل معلومات اكبر بوقت اقل متل التاني مثلا
لهيك يلي خطو حلو وبيكتب معي بالمراجعة
يحاكي صاحبين القناة
بلكي بنزلوا الملف تبعو تستفيد منو كل الطلاب 😂❤️

موفقين جميعاً 🔥
اذا لم تقرأ هذه الرسالة اعلم ان الشيطان قد منعك 👇🏻
https://t.me/Elphysics/3945

يعطيكم العافية يا اكابر
والله لا يسعدلي غير مساكم ❤️🔥

بوست شديد اللهجة شوي ..

بستغرب من الطلاب يلي لسا لهلق عم تسأل
احضر مكثفة ولا اهم افكار ؟
شو احضر ؟ شو ادرس ؟
كيف راجع ؟ من وين راجع ؟
معلم بصراحة اذا ما بتعرف كيف تدرس وكيف تراجع
عندي سؤال كيف وصلت لهون ؟
النا من لما رجعتوا عم نقول
المكثفة فيا شرح من الصفر
اهم الافكار سرد للمعلومات بدون شرح فقط ترتيب

انت بدك شرح من الصفر ؟
حضار مكثفة
بدك بس حدا يرتبلك المعلومات بوقت قياسي ؟
حضار اهم افكار

كتير صعب الموضوع ؟
انا مقدملك عدة حلول جرب وبلش وشوف الافضل
يعني بالوقت يلي عم تسأل فيه شو احضر
كنت خلصت مكثفة الاول من زمان 😂

بيطلعلك واحد تاني بقلك فيني ما ادرس اليوم ؟
ما بعرف شو الهدف من انو ما يدرس اليوم
واسبوع الفيزيا هو اكتر اسبوع مضغوط بالتحضيرية ..

بتراجع رسائلو
بتلاقيه فاتح موبايلو من لما طلعتوا من الانكليزي
بتعرف بهالوقت كنت خلصت الاول ؟
وهلق بعد الافطار بلشت بخطة بكرا (٢-١٢-١٣)

واحد من اول الاسبوع بدو يأجل
هاد شخص مهتم يا ترا يجيب معدل بالمادة ؟
والسبت بتتفاجأ ياااخ فرشت مع اني تعبت 😭
لا يا دكتور انت ما تعبت غيرك تعب اكتر منك بكتير
وبيستحق يتفوق عليك ..
عم احكيك واقع ما بدي جاملك ..

الدكتور مجد التع (الاول عسوريا العام الماضي)
وصاحب علامة ال٩٨ فيزيا (اعلى علامة بسوريا)
عاد الفيزيا مرتين باسبوعا من كورس المراجعة
وكان عم يقول هالحكي اليوم عالغروب ..
والدكتورة سارة بدر التالتة عدمشق ببري١٠
لهلق بتذكر بعتتلي وقتا رسالة انو عادت الفيزيا مرتين باسبوع واحد
يعني التلاتا كانت خالصة اول اعادة ..
وبلشت بالتانية

وانت شو عم تعمل ؟؟ شاي
كورس المراجعة شامل دكتور ؟ 🥴
احضر مكثفة ولا اهم افكار ؟ 🥴
يا حبيبي بس بلش بلللللش
بلش حضار بالمكثفة ولحالك رح تحس بالانجاز
وتشوف قديش الفيديوهات اسطورية وشاملة
بدل ما تقعد تسأل كل النهار ..
صدقني ما رح تلاقي افضل منا بهالمدة ..

وترا مو ضروري تعيد المادة مرتين والتالتة الجمعة لتجيب معدل
بس عم فرجيك الطالب المهتم يجيب معدل
كيف بيحرق المادة حرق
مو بيقعد بيصفن وبضيع نص الوقت عالغروبات وعالريلزات ..

اتمنى تكون هالرسالة حركتلك ضميرك شوي ..

عال١٠:٣٠ اتمتات عن الاول عقناة الاتمتة
يلي بخربط بأكتر من سؤال بالاول
معناها شغلو مو تمام ..
ما بحب بالعادة نزل اتمتات باسبوعا
بس ما بتجوا غير بالعين الحمرا 😂❤️

موفقين يا اكابر 🔥
ويلي بلش بفيديوهات المراجعة يعطيني رأيو ..

ويلي بلش بمراجعة الاول او رح يخلصو
لا تخشى شيء
حاول خلصو وبلش بخطة بكرا وهكذا ..
انت التوب والباقي فوتوشوب
خلي المادة تميّزك بتستاهل التميّز ..🤹🏼‍♂️❤️

https://t.me/Elphysics

يعطيكم العافية يا اكابر ❤️🤹🏼‍♂️

سواء خلصت الفصل الاول او لسا
وخطر عبالك سؤال علمي

حطو بالتعليقات 👇🏻

رح سكر الغروب وجاوب بعد ساعة تقريباً ..
اذا ما عندك سؤال مافي داعي تعصر مخك
وتطلعي بسؤال خيال علمي 😂❤️
خلص قلي يعطيك العافية بكفي ..

ويلي لسا ما خلص الفصل الاول
لسا الوقت بحر سهار شوي وخلصو
مدة فيديوهات المكثفة ساعة و ٥٠ دقيقة
بعدن صدقني ساعة ساعة ونص
الفصل مفروم
واسأل يلي حضرهم ..🔥

ويلي خلص يبلش بخطة بكرا لا مانع
حمل التاني من خانة اهم افكار
و١٢-١٣ من خانة مكثفة ٢٠٢٤
برأيي هي افضل فيديوهات ممكن تشوفا لهي الفصول ..

موفقين جميعاً ❤️🔥

https://t.me/Elphysics

الله لا يسعدلي غير صباحكم😘❤️

فصول اليوم ٢-١٢-١٣
- شو نازل للفصول وشو المدة ؟
- يلي ما درس الاول مبارح ؟
- شوية دعم نفسي

موفقين جميعاً ❤️❤️

https://t.me/Elphysics

اذا بدك تعرف شو عنا اليوم
وما عندك ٣ دقايق تفتح التسجيل 😂❤️

▫️الفصل الثاني :
مكثفته موجودة بخانة اهم الافكار
صورتا جديد هالسنة
لان مدتها قليلة حطيتا بخانة اهم الافكار
ساعة و١٠ دقايق تقريباً
برأيي هي افضل فيديوهات نعملت لهاد الفصل 🔥
وان شاء الله ما بيطلع السؤال براتا ..


▫️الفصل ١٢ :
مكثفة بخانة ٢٠٢٤ ساعة ونصف مع شرح من الصفر
وفي اهم افكار للطلاب يلي دارسة ٢٥ دقيقة
برأيي يلي دارس الفصل اختصر وقت واحضر اهم افكار
الفصل بصمي اساساً ..

▫️الفصل ١٣ :
بخانة مكثفة ٢٠٢٤ مدته فقط ساعة وربع
شاامل كل شي مع شرح من الصفر ..

تعامل مع الفصول على أنهن علامات
يعني بدراستك للفصول ١-٢-١٢-١٣
تقريباً ضمنت شي ٢٥ سؤال بجيبتك ويمكن اكتر🤹🏼‍♂️

وبعد الفيديوهات انت ان شاء الله ما بدك وقت كبير ابدا لتخلص الفصل ..
ويلي بلش فيهن عطيني رأيك بالتعليقات😂❤️

نراكم مساءً ان شاء الله 🔥
موفقين جميعاً ❤️❤️

https://t.me/Elphysics

يعطيكم العافية الله يقويكم 🔥💪🏻

نصيحة مني حطا ببالك ..

في كتير طلاب عم تطول بالمراجعة
مثلا بالفصل التاني
عم تضل تصفن بالصفحة ساعة
بالاخير بلاقي خلص النهار وما خلص شي
وبقول الفصل التاني صعب وما عم اعرف شو المطلوب وبيكتئب ..

بكورس المراجعة تبع التاني
حاولت اضمن كل شي ممكن يجي منو
الفقرات المطلوبة ونكشات كل الدكاترة بالسنوات الماضية
وكل شي اجا باسئلة الدورات ..
فخلص يعني ما عاد ممكن يجيب شي براتا
اذا جاب هاد اسمو تعجيز 😂
منصير منعطي الفصل كلو لكن ما ضل شي
عشو حاذفين نصو ؟ 😂
لهيك ان شاء الله كافية وما بيطلع براتا ..

انت شخص طيب موسوس وعلامة ما بدك يرحلك
انا بحترم هالشي ..
بس الحل المناسب انو الفقرة يلي بتحسا ضايعة ولبكتك وصفنت فيها ..
اقراها مرتين وفهما متل ما شرحتا ..
وبعدا دغري انتقل عيلي بعدا وعالفصل يلي بعدو وهكذا ..

واخر اليوم رجاع لهي الفقرة وقعود نكوش فيها عراحتك
وركزا وتعمق فيها والخ ..
مو احسن ما تقعد تصفن فيها ساعة
وتروح وقتا ووقت غيرا وانجازك يكون صفر ؟

الصفن ما بفيد
تضل عالصفحة ساعة ما بفيد ..
رتّب اولوياتك

هاد الشي بينطبق عأي فصل مهما كانت المادة
خلص الفصل خلص الخطة المطلوبة منك
بعدين تعال نكوش وتعمق وصفون للصبح ..
كل مادة بتوقعوا بنفس المشكلة
بدكن تجيبوا مية من اول الاسبوع
بتقعد بتركز عشغلات بلا طعمة وبتتصفن بالصفحات كأنن لوحة الموناليزا
بيخلص الاسبوع مانك دارس غير كم فصل
بصير بدك بس ترفع المادة قبل بيوم صح ؟

برجع بقلك رتّب اولوياتك
خلص يلي عليك
واخر اليوم تعال نكوش ورمم وركز يلي بتحس حالك بحاجة تركزو ..

▫️مثال : التاني بصوم يلي حكيتو بالفيديو انا
وان شاء الله ما بيطلع براتن ..
بعدا انتقل خلص ١٢-١٣
كتير حابب تطلع عالمحذوفات
اطّلع بعد ما تخلصن 👍🏻✅
وبظن يلي حضر المراجعة شاف انو ما خرج يطلع برا يلي حكيتو حاج رتبنا كل المعلومات 😂❤️

هي نصيحة مني خدوها بعين الاعتبار
بحس هي المشكلة الكل بيوقع فيها ..

الله يقويكم
صراحة جو ما خرج دراسة ابدا
خصوصا لطالب حس حالو فرش باول مادتين
بحس انو لازم يعوض بس بلاقي ضاللو كتير والمادة صعبة
بفكر انو خلص الموضوع خارج عن سيطرتو
بس صدقني انت قدا..
اشتغل يلي عليك واعطي اقصى طاقتك
ورح تطلع مبسوط السبت ان شاء الله ❤️

https://t.me/Elphysics

حابب ذكركن
انو رح تنزل تجميعات وشغلات مهمة
بفصول اليوم بعد شوي عقناة الاتمتة 👇🏻
https://t.me/Elphysicsmcq
متل ما نزل مبارح للفصل الاول ..

مفيدة بتركيز المعلومات ومراجعتها
والتنبيه عبعض الملاحظات ..

والمسا عال١٠ رح ننزل شوية اتمتات تختبر حالك فيهن بفصول اليوم أيضاً ..

وبس نخلص رح نزل رسالة للاسئلة العلمية
اذا الله راد ❤️❤️

https://t.me/Elphysics

وصلنا لختام اليوم الثاني من اسبوع المادة🥰

تعبانين بعرف الله يعطيكم العافية
لسا قدامنا شغل ..
والمميز ويلي رح يتفوق
هو يلي رح يستمر بالجهد لاخر لحظة

وانا معكن كل يوم بإذن الله ..

كالعادة ضع سؤالك العلمي بالتعليقات

رح سكر الغروب بعد شي ساعة ونجاوب عالاسئلة متل مبارح ..

رجاءً ما بدي نقاشات جانبية بالتعليقات
بتضيع الاسئلة ..
ولا داعِ لعصر المخيخ الأيمن اذا ما عندك سؤال
كتبلي يعطيك العافية كافِ 🥰❤️

موفقين جميعاً يا اكابر ..

نزلت اسئلة وملاحظات حلوة
بفصول اليوم عقناة الاتمتة ،شوفا 👇🏻
https://t.me/Elphysicsmcq

الله لا يسعدلي غير صباحكم 🥳❤️

▫️فصول اليوم ٣-٢٢ :
١- شو نازل لفصول اليوم
شغلات اسطورية ؟
٢- وشو وضع هدول الفصلين ؟
٣- يلي لسا ما بلش مراجعة
ومفكر لسا ما بلش اسبوع المادة
شو يعمل ؟
٤- يلي قصر بخطة مبارح  شو يعمل ؟

موفقين جميعاً ❤️❤️

https://t.me/Elphysics

كالعادة يلي ما معو وقت يسمع التسجيل😂❤️

فصلين اليوم :

▫️الثالث :
- مدة المكثفة : ٧ فيديوهات بمدة ٣ ساعات وربع
راجع عايد فيها كل شيييي حتى قرائن الانكسار والمسائل رجعت حليتا كلا 😂
عاملتك كأنك ما بتعرف شي عن الضوء ✅
هي اخر فرصة اذا حابب تضمن الضوء تضمنو اليوم وتركزو صح ، بكرا والايام القادمة
ما عاد يصحلك وقت منيح تركزو 👍🏻

- اهم افكار الهندسي : نصف ساعة
- اهم افكار الموجي : ساعة
تقريباً عدت فيها كل شي كل شي بالفصل
ماشي معك صفحة صفحة كأنو درس خصوصي
ولكن بدون شرح ..
هي ممتاااازة جدا ليلي دارس الفصل يعيدو بمدة قياسية
ومفيدة جدا قبل المادة بيوم ✅

▫️الفصل ٢٢ :
صورتلو فيديوهين جداد هي السنة
بمثابة مكثفة واهم افكار بنفس الوقت ..
مدتن فقط ٥٠ دقيقة تقريباً
تقريبا هدول احسن فيديوهين نعملوا للفصل😂
وحضرن واحكم بنفسك
الفصل رغم انو صغير اجا عليه مرة ٧ اسئلة
لهيك حضرلي هالفيديوهين وضمنن ✅


▫️دورات ٢٢ اختبار عالتطبيق كاملة
▫️دورات ٣ من الملف بمثبتة قناة الاتمتة
وبس تخلص الفصل منزلك اختبار دورة ٢٠٢٥ لحالا عالتطبيق
حلا وجرب شو بيطلع معك ✅

نلتقي مساءً يا اكابر لنعالجلكم مشاكلكم بهدول الفصول إن وُجدت 🔥

https://t.me/Elphysics

مساء الخير يا اكابر ❤️🔥

▫️نصيحة شخصية :
بالكتاب خصوصاً بالضوء كتير فقرات معتة وبتحس ما عم تعرف شو تحفظ منا ولا شو هدفو منا
وهي الفقرات ما بتكون عادةً فيها معلومات هو بكون حاطتا عاساس يشحرلك ويفهمك
مو عرفان انو ضيعك بزيادة 😂💔
لهيك بالضوء عاملك ساعة ونص فقط فيها كل شي بالهندسي وكل شي بالموجي ، ماسك فقرة فقرة وعم قلك كل وحدة شو وضعها
والله المدة اكتر من مثالية
احسن ما تقعد تقرأ لحالك حطن وشوف انا شو عم احكي عن كل فقرة ..
وبنهاية اليوم يا سيدي حابب تبصمج شوية شغلات متل قرائن الانكسار
بصمجها المسا بعد ما تكون ختمت الفصل
احسن ما تصفن بالفقرة ساعة وما تلحق تخلص شي
صح ولا لاء ؟ ✅

المسا بدل ١٠ رح يكون موعدنا ١٠:٣٠
بما انو اليوم عنا الضوء
لنضمن الاغلب يكون خلصو قبل هالوقت
رح ننزل شوية اتمتات من باب تحريك اللبن
ولحس المخ ..
ثم رح نعطي شوية تريكات لبعض الفقرات الصعبة حسب طلبكم ..
ورح نزل روابط شرح معظم دوراتو
ليلي ما كان حالن بحيث يطّلع عليهن ..

تم ؟
كيف ملاقيين فيديوهات المراجعة لليوم ؟😂❤️

نلتقي مساءً 👇🏻
https://t.me/Elphysicsmcq

الله لا يسعدلي غير مساكم يا اكابر 🥰

نزلنا شغلات كتير حلوة عن الضوء اليوم
من تجميعات ، لتسجيل بعلمك كيف تحل مسائل العين ، لكم سؤال فكرتن حلوة ، مع كم نكشة تحطن ببالك ..

بتبلش الرسائل من هون 👇🏻
https://t.me/Elphysicsmcq/6431

عذروني اليوم ما رح نزل رسالة للاسئلة العلمية
خلوها لبكرا منجاوب عن فصول اليوم وبكرا ..
وبكرا رح حاول نزل الرسالة باكرا قبل الافطار
لان في طلاب ما عم تلحقا عم تنام بكير مثلا
او ما الى ذلك ..

عالحالتين البوت شغاال بعات سؤالك
بيوصلك الجواب بكرا ان شاء الله
رغم الضغط الكبير عالبوت
ورغم انو يلي عم يجاوبوا طلاب وعندن امتحانات
بس الحمدلله تقريباً عم نجاوب عالكل
الله يوفقكم ويوفقن للدكاترة ، دعولن ❤️


وشكرا جزيلاً عرسائلكم الحلوة كل يوم
ان شاء الله بتطلعوا مبسوطين السبت
وانا معكن لتفوتوا عالقاعة ان شاء الله ..

نراكم صباحاً بالتسجيل الصباحي
رح حاول فيق بكير نزلو 😂❤️

https://t.me/Elphysics

صباح الخير يا اكابر 🔥

▫️فصول اليوم ٤-٥-٦ :
- شو نازل شغلات اسطورية
- دعم نفسي
- يلي قصر بأحد الايام شو يعمل

سمعوه للتسجيل بخليكن
تتحمسوا تدرسوا ولو شوي 😂❤️

موفقين جميعاً  ❤️❤️

https://t.me/Elphysics

رسائل مهمة ورائعة للفصول ٤-٥-٦ 🔥

🔸افضل رسالتين نعملوا للفصل 4 👇🏻
https://t.me/Elphysicsmcq/6466

🔹مراجعة الفصل السادس ب24 دقيقة فقط 👇🏻
https://t.me/Elphysicsmcq/6476

🔸شرح فقرة المواسح بالفصل الخامس
بأبسط طريقة ممكنة "بدقيقتين"👇🏻
https://t.me/Elphysicsmcq/6477

🔹يلي بخربط بأنواع التشويش بالاشعة السينية
يختمها "بدقيقة واحدة" من هون 👇🏻
https://t.me/Elphysicsmcq/6480

يلي عندو سؤال علمي

يحطو بالتعليقات 👇🏻
رح سكر الغروب بعد ساعة
وحاول جاوب عالجميع ان شاء الله🤹🏼‍♂️

تسجيل من القلب للقلب ..
يخاطب العقول الراقية فقط

سمعو بس يكون عندك ١٠ دقايق فراغ
وخود جرعة طاقة تخليك تدرس وتفرم ما تبقى لك من فصول ❤️❤️❤️

موفقين يا اكابر ..
نراكم صباحاً بالتسجيل الصباحي .

https://t.me/Elphysics

صباح الخير يعطيكم العافية جميعاً 🔥

▫️فصول اليوم ٧-٨-٩-١٥ :

🔸السابع :
نازل عالتطبيق بخانة اهم افكار
فيديوهين اسمن كامل المعلومات بمدة ساعة فقط ..
شاملين وفيهن شرح من الصفر وشو ما بدك 🔥
بتحضرن وبعدا انت جاهز تحل اي سؤال عن الفصل
وفيهن نكشات كتير حكيتها خليها ببالك ..
حضرن ساعة وحدة بس بتختم شي اسمو تيراهيرتز بإذن الله 🤹🏼‍♂️

🔹الثامن :
نازلو فيديو واحد مدته ٢٥ دقيقة
كمان كامل المعلومات وفيهن شرح وشو ما بدك😂🔥
حضرو ودعيلي ..

🔸التاسع :
عملنالو تسجيلات ممتازة جداً
بمدة ٣٥ دقيقة (هي رابطها) 👇🏻
https://t.me/Elphysicsmcq/6292

مو شاملة ١٠٠٪ الفصل اذا بدي خليه شامل مع شرح رح يطلع قريب من الاساسي ..
لهيك كل فقرة بالفصل
عملتا عشكل تسجيل مرفق مع صورة ..
بتحفظن معي بهالنص ساعة
واذا حسيت انك حابب ترمم هال٥٪ يلي هي برأيي شغلات بلا طعمة ، فبترممها من النوطة 👍🏻
وبرأيي هالتسجيلات هي افضل شي نعمل للتاسع بهالمدة المثاليةة🔥
اسمعها وقتها قياسي وعطيني رأيك 🤹🏼‍♂️

🚨 في فيديو حل + شرح دورات للتاسع✅
حضروه بعد ما تخلصوه مفيد جداً ..

🔹الفصل 15 :
مالو مكثفة
لان الكورس الاساسي ليلي مو دارسو ساعة و٤٠ دقيقة تقريباً فقط وفيو اوفر فيو وتثبيت افكار وكل هالقصص ..
ويلي دارسو حابب يراجعو
او مزنوق وبدو شي مختصر لالو ..
فرح نزل تسجيلات اسعافية اليوم عقناة الاتمتة✅

🚨 ضروري تحضر فيديو حل دورات الفصل 15
لان كان الفصل مطلوب كلو من بري1-8
بعدين حذفوا نصو ..

🚨ملاااااحظة :
يلي مو دارس الليزر مثلا
وحابب اليوم يمكنو ويركزو منيح ..
ف بإمكانو يخلي ١٥ لبكرا
انا بكرا بترك الخطة مريحة نسبياً
بحيث اي حدا قصر بيوم معين
يحاول يمرق تقصيرو بكرا 🤹🏼‍♂️🔥

موفقين يا اكابر ❤️❤️
بعرف اغلبكم بلش بكير
عذروني تأخرت شوي بالرسالة كنت نايم😂❤️

https://t.me/Elphysics

يعطيكم العافية يا اكابر 🔥

شكرا كتير عرسائلكم عالخاص
وآراؤكم عن كورس المراجعة والحلول الاسعافية❤️🔥

كتير مبسوط من الطلاب يلي عم تأنجز وما تهتم للظروف ..

الطلاب يلي لسا لهلق عم تسأل
فيني ادرس 7 من كورس المراجعة شامل ؟
فيني ادرس 9 من الحل الاسعافي ؟
فيني كذا ؟ فيني كذا ؟
يا دكتور ضل يومين ونص للامتحان ادرس وحاج تسأل ..
مدتن مثالية جدا
يعني السابع كامل ساعة
التامن كامل ٢٥ دقيقة
التاسع كلو ٣٥ دقيقة 🔥
بالوقت يلي عم تسأل فيه كنت خلصت واحد منن

في طالبة بعتتلي درست التاسع من التسجيلات بلشت من الفجر وخلصتو شي الساعة ١١
وفهمتو بشكل كامل وحلت دوراتو بشكل ممتاز ..

هيك بيشتغل الطالب يلي بدو علامة حتى لو مقصر🤹🏼‍♂️

رح تقلي طيب والله صعب ادرس الليزر من الصفر بكم ساعة مخي عم يدخن ..
رح قلك اكيد صعب معك حق
ما نحنا خلال السنة عاطين لليزر يومين كاملين😂
جاي انت تدرسو ومعو فصلين بيوم واحد ..

اكيد الموضوع صعب كان لازم من وقتا تخصصلو عالاقل يوم وتشيلو من طريقك ..

بس رغم هالصعوبة انا قدمتلك حل اسطوري
بتمسك كل فقرة بتسمع تسجيلات دقيقة دقيقتين
بتبصم الصورة المرفقة ..
وهيك فقرة ورا فقرة بيخلص معك بساعة
معك كل المعلومات المهمة و٩٠-٩٥٪ من معلومات الفصل ..
بتروح بتحضر فيديو حل الدورات بتشوفني كيف عم حل الاسئلة تبعو ..

هلق معك وقت لسا ؟
رجاع للنوطة حفاظ السطور يلي انا ما ذكرتا
من باب الاحتياط اذا اجا سؤال غليظ بصمي من براتا
وانا ما بظن ذلك يعني رح يكون سؤال غير علمي ..

بدي منكن تحطوا آراؤكم بالتعليقات فيما يخص كورس المراجعة لليوم بالفصول ٧-٨
وتسجيلات ٩ يلي جربن
بلكي الطلاب المقصرة تتحفز شوي تروح تبلش😂❤️


موفقين جميعاً نلتقي مساءً بشوية تجميعات
ونشكات لفصول اليوم 🔥
بجوز خلي تجميعات ١٥ لبكرا بحيث الكل يكون درسو
وبما انو مرتبط ب١٧ ببعض الفقرات ..

برجع بذكر
تعال لعندي الجمعة المسا
ضاللك ٤ فصول احسن من ٥
ضاللك فصلين احسن من ٣
لان وقتا عنجد مخك رح يدخن اذا ضاللك كتير😂❤️

https://t.me/Elphysics

وصلنا لختام اليوم الخامس من اسبوع المادة🥰

هانت ضل يومين وبتخلص من مادة
تعتبر الاصعب بالسنة التحضيرية
بعرف يمكن ما حدا حاسس فيك من يلي حوليك شو عم تدرس وقديش الجهد يلي عم تبذلو ..
بس لا تخاف انا معك وواثق فيك 🔥
بس لازم انت توثق بحالك قبل اي شي ..

اذا انت ما وثقت بحالك وبقدراتك انو رح تعمل المستحيل وتلحق كل شي ضاللك وتجيب معدل ..
مين بدو يوثق فيك ؟

كل هاد التعب يلي عم تتعبو رح يزول يوم العلامات لما تكون علامتك بالفيزيا بترفع الراس
فكر بهاد اليوم تحديداً كيف رح ترفع راس اهلك
انت عم تتعب كل السنة مشان هاليوم
لا تكب كل تعبك بآخر واهم يومين 👍🏻❤️

وانا معكن كل يوم بإذن الله وعم قدملك حلول اسطورية ..
بس اشارة بدون مستقبل متل قلتا
بدنا المستقبل يكون شغال هاليومين بعد اذنك🥰

نزل شغلات اسطورية عن فصول اليوم بتبلش من هون👇🏻
https://t.me/Elphysicsmcq/6503

وكالعادة ضع سؤالك العلمي بالتعليقات
رح سكر الغروب بعد شي ساعة ونجاوب عالاسئلة ..

رجاءً ما بدي نقاشات جانبية بالتعليقات
بتضيع الاسئلة ..
ولا داعِ لعصر الفص الصدغي لنصف الكرة المخية الأيسر اذا ما عندك سؤال ..
كتبلي يعطيك العافية كافِ 🥰❤️

موفقين جميعاً يا اكابر ..

فصول اليوم ما قبل الأخير 14-17 ☠️☠️☠️

▫️الفصل 14 :
محطوط بخانة خاصة اسما مكثفة 14
بمدة ساعتين ..
وهي افضل شي نعمل لهاد الفصل بهالمدة
ومستحيل ينعمل حل اقل من ذلك
اذا نعمل رح يبطل شامل ..
لهيك ضروري مهمااا كنت مقصر تترم كل شي وتركز بهالساعتين قبل ما يجي بكرا 🔥
وصراحة مرتب معلومات الفصل بطريقة جدا جدا حلوةة بتسهل عليك دراستو او مراجعتو ان شاء الله 🔥🔥

بس تخلص هالساعتين بتروح بتشوف فيديو حل الدورات وبتشوفني كيف عم حل الاسئلة وهيك بكون ريحتك عطيتك افكار الدورات بدون ما حضرتك تعذب حالك وتحلن😂❤️

وفي دورة 2025 نازلة لحالا عشكل اختبار عالتطبيق
فيها اخطاء بس يعني اطلع عليها 😂

🚨الفصل هام العام الماضي 13 سؤال
وعام 2020 14 سؤال عليه لحالو ..
وهالساعتين مع تركيز منك
بيضمنوا هالاسئلة كلا ..

▫️الفصل 17 :
مو نازلو مكثفة لأن هو اساسا شرحو كامل
٣ فيديوهات بمدة ساعة مع اوفر فيو ..

يلي حابب يدرسو ويفهمو صح بيحضر هالساعة
اذا قدرت نزلو تسجيلات مراجعة منيحة
فبتشوفوها عقناة الاتمتة اذا الله راد ..🔥

🚨بس تخلص عندك فيديوهين بخانة منوعات

▫️واحد مقارنة بين جميع الاشعة الكهرطيسية بكتابك
(اطوال موجية ، استخدامات ، الخ ..)
▫️وواحد مقارنة بين جميع تقنيات التصوير بكتابك
(مقدرة فاصلة ، تشريحي ، وظيفي ، الخ ..)
كل واحد شي ربع او تلت ساعة ..
بيعملولك عصف ذهني لنص معلومات كتابك يمكن 😂❤️
حضرن ودعيلي 🤹🏼‍♂️
ما بظن حدا عامل هيك شي بهالمدة ..


موفقين ياااا اكااابر ، هااانت ❤️🔥

https://t.me/Elphysics

ختام اسبوع الفيزيا 🥳🔥

▫️كيف نستغل اهم يوم بالاسبوع :
- الطالب يلي مخلص كيف يراجع
- الطالب يلي ضاللو فصول

هاد اليوم اهم يوم بكل مادة
قادر يقلب الموازين ١٨٠ درجة ..

سمعوه وتنشطوا وقوموا عالدرس🔥

https://t.me/Elphysics