مساءً عال١٠ رح نزل رسالة خاصة بالاسئلة العلمية
وبعد ساعة تقريبا بسكر وبسهر بجاوب ..

بما انو عم تدرسوا او تراجعوا المادة
فأكيد ببالكن تساؤلات حاببين تتخطوها ..
هيك منخلص من هالموضوع لاسبوعا
مع العلم انو اغلب القصص شارحا وقت اخدناها

ولكن متل ما قلت مسبقاً
اخر الفصل رح يكون معظم الطلاب مو لاقق المادة او ضاللو اكتر من نصا 😂❤️

هي فرصة لتعرفوا اهمية تكون عم تهضم الفصول خطوة خطوة من اول الفصل ..
مو تراكم جبل عليك لآخر ..

عموماً لا تاكل هم رح اعملك مليون حل اسعافي
بس انت حاول خلص قد ما بتقدر قبل اسبوعا ..

كل فصل بتتركو رح يزيد عبء عليك باسبوعا
وكل فصل بتخلصو بتريح حالك باسبوعا
واسبوع الفيزيا اكتر اسبوع مضغوط بالتحضيرية
بكرا رح ذكركن باسبوعا كيف رح يصيبكم اكتئاب 😂❤️

الطلاب الوحوش يلي كانت ماشية عالخطة
وحاليا عملت او عم تعمل معنا البروفا
وقدمت الاختبار او بدا تقدمو بكرا او بعد بكرا ..
فأنت شخص اسطوري
وانت معوّل عليك تجيب علامة مميزة متلك ..
مطلوب منك باسبوعا ما تتراخى
وبالقاعة الامتحانية تلتزم بالرواق والحنكة ..

موفقين جميعاً ❤️❤️🙏🏻
طالما الامتحان مو بكرا فلسا بتلحق 🔥

https://t.me/Elphysics

يلي عندو سؤال علمي بالمادة
يحطو بتعليقات هي الرسالة 👇🏻

بعد ساعة تقريبا رح سكر الغروب
واسهر حاول جاوب عجميع الاسئلة ..

تفضلوا 🔥

https://t.me/Elphysics

يعطيكم العافية جميعا بري١١
اشتقنالكم جداً 😂❤️

كتير عم تدور ببالكن افكار عن الامتحان
وعن المراجعة وعن التقصير والنسيان
والف قصة ..
ومنكن لهلق عم يفكر بيلي ضاللو بالفيزيا
شو رح يعمل باسبوعا ؟

فيديو مدته ربع ساعة
ان شاء الله بعد حضورك الو
رح تلاقي اجابة لكل تساؤلاتك
ورح يعطيك شوية دعم نفسي
يخليك تضاعف مجهودك بالفترة الحالية ❤️🔥

رابط الفيديو 👇🏻
https://www.facebook.com/share/v/17kmWF9urs/

موفقين جدا جدا
لا تضيعوا تعب فصل كامل
وقبلو تعب سنة كاملة (البكلوريا)
مشان شوية تفاصيل بلا طعمة 💪🏻

يعطيكم العافية طلاب الدفعة ١١ الاكابر ❤️

كلام مهم عن الفترة الحالية
وحالة الاحباط والهلع المسيطرة ع معظمكم ..

بهاد الوقت قبل اول مادة ، متل كل سنة ..

الاغلب مصاب بالاحباط ، الاغلب مصاب بالملل
الاغلب خايف من الشغلات يلي رح تواجهه يوم السبت
باول مادة بقدمها بمسيرته الجامعية والطبية ..
واغلبكم حاسس حالو نسيان
رغم انو دارس وعايد ..

يا ترى تتذكر شو كنا نقلك بشهر ٩ و شهر ١٠ ؟
" التحضيرية لعبة نفسية "

اتمنى تكونوا فهمتوا معنى هالجملة
كيف انو حالتك النفسية بالأيام الأخيرة ماقبل المادة
بتلعب دور كبير بعلامتك مهما كان شغلك خلال الفصل .

▫️اذا دارس ومخلص والخ ..
وضيعت هال٣ أيام بدون ما تنظم وقتك وتراجع
بسبب الخوف والتوتر من شي لسا ما بتعرفوه ولا واجهتوه
ف أنت رح تضيع كل جهدك خلال الفصل بسبب هالخوف والتوتر الغير مبرر

🔹بكرر كلامي :
التوتر مؤشر إيجابي دلالة ع أنك مهتم ،
ولكن لا تخليه يزيد عن حدو ويسيطر عليك !!

لهيك اهدا وكون واعي واستغل الوقت بشكل صحيح ..
والبيو مادة حفظية بشكل كبير بحاجة مراجعة 👍🏻

▫️لما تكون نوعاً ما مقصر بس تفهمت الوضع
وضاعفت جهدك بالأيام الاخيرة
وحطيت ببالك انو بالنهاية الامتحان أتمتة
وبالنهاية هاد الموضوع مو معناتا انت مطالب تقرأ فقط
ولكن عالاقل مانك مسؤول تكتب الجواب الصح بايدك ومانك مضطر تحفظ عالحرف والكلمة
مطالب تميز الخيار الصح من ضمن الخيارات الاربعة

واذا حطيت ببالك انو انت عليك السعي وانو تعطي لآخر ثانية بتقدر تعطي فيها ..
ف أنت رح تطلع مبسوط والله ما رح ينسالك هالتعب
وصدقني هاد الموضوع سبحان الله كيف بيتيسر ،
بكون عندك نص المادة وبكرا الامتحان
لما بتقرر انو رح تعمل يلي عليك وتضل تقرأ لآخر ثانية
بتروح بتلاقي معظم الاسئلة من الشي يلي قريتو
ونوعاً ما بتطلع بأقل بكتير من الخسائر
يلي كنت حاطتا ببالك 😆🔥

▫️الملخص :

" إذا قامت الساعةُ وفي يد أحدكم فسيلة فليغرسها "

ضل عطي كل شي عندك لآخر لحظة
والله ما بينسالك هالتعب
والنتيجة مو انت بتحددا لا تشغل بالك فيها
عم تشغل بالك بشي مو بإيدك ١٠٠٪
وهاد الشي ممكن يأثر ع عطاءك بهالأيام المهمة

عليك السّعي والجهد
واترك الباقي ع رب العالمين ..

ضاللكن ٣ أيام استغلوها صح واشتغلوا لآخر لحظة
البيولوجيا مادة بصمية وفيها حفظ كبير
لهيك الاوقات القادمة مهمة جدا
للطالب المخلص لحتى يثبت ويركز افكارو ،
وللطالب المقصر (بغض النظر عن تقصيرو)
لحتى يحاول ما يترك شي بدون قراءة من ملخص مثلاً ، وحسب وقتو ويلي ضاللو طبعاً

بانتظار تطلعوا مبسوطين ومروقين يوم السبت
بكرا شوف مجرد ما تمسك الورقة رح تحس انو والله الموضوع مانو مخيف لهالدرجة الفظيعة 😆
بس دوماً الإنسان عدوّ ما يجهل .

موفقين جميعاً يا أكابر❤️❤️

https://t.me/Elphysics

مني ومن تيم الفيزيا منتمنالكم رمضان كريم ومبارك ❤️

ان شاء الله يحمللكم هالشهر الأخبار الحلوة والمفرحة
وان شاء الله رمضان القادم
منشوف كل واحد فيكم مزنوق بالفرع يلي عم يسعالو حالياً

تعبتوا كتير وبتستاهلوا كل خير ،
موفقين يا أكابر ❤️❤️❤️

https://t.me/Elphysics

يعطيكم العافية يا أكابر ❤️

ما رح كتر حكي بعرف وقتكم ضيق وثمين اليوم ،
استغلوه لآخر لحظة ..

حابب ذكرك دوماً
انو هي الاوقات والليالي الصعبة
والتجارب يلي عم تعيشها ،
هي يلي رح تصنع منك شخص عظيم
بدونها انت رح تطلع انسان عديم الخبرة ❣️

خلي هالمادة وتعاملك معها يكون نقطة تحول
يغير تفكيرك عن التعامل مع المواد ومع العقبات بشكل عام ..

مهما جبت ١٠٠ ولا ٩٠ ولا ٨٠ ولا ٧٠ ولا ٦٠ ولا حملتا ،
مانها نهاية العالم لسا عندك ٩ مواد بدالها
لكن شخص متلك تعبان عالمادة صرلك فصل كامل!
معقول ترضى تجيب بس ٦٠ او تحملا لا سمح الله !!

أكيد لاء ، حتى انا ما برضالك ياها
كل علامة بترفعا زيادة بتفيدك
بتخفيف التوتر والعبء عن حالك بالفصل التاني

لهيك اشتغل لآخر لحظة خليك ماسك وعم تقرأ
لا تترك شي من المادة
راجع يلي دارسو هاد اهم شي لتضمنو
ثم يلي مانك دارسو مشيه ملحق مع دورات
تسجيلات سريعة ، اي شي ..
المهم ما تتركو
بجوز هالقصص والتفاصيل الصغيرة
تنفدك وتزيدلك ٥ علامات او اكتر من حيث لا تعلم

وحتى لو ضليت عم تعطي كل شي عندك لآخر لحظة
ولكن خلص الوقت وصار الامتحان
صدقني الله رح يكافئك لان شافك عطيت كل شي عندك
ورح تطلع رضيان ومبسوط بإذن الله ..🤹🏼‍♂️

اذا حابين بنزللكن المسا تسجيل
كيف تتعاملوا مع الورقة الامتحانية
ومع التحبير (من وجهة نظري) 🤷🏻‍♂️
وهاد الشي مهم صراحة خصوصاً بأول امتحان الك
كتير طلاب بالبيو بيخسروا علامات بسبب هاد الموضوع
يلي هنن جداد عليه نوعاً ما

طريقة التحبير يلي بتبعها انا
تقريباً اغلب طلاب الدفعات السابقة
اعتمدوها وحسوها الأفضل لتدارك الوقت والحل بدون خربطة ..

موفقين جدا جدا ثقتنا فيكم كبيرة 🥰❤️
خصوصا الطلاب المحضرة منيح
لا تلتفت وراك ولا تطلع عغيرك
ضل راجع لآخر لحظة وانت عملت يلي عليك وزيادة 🔥
وبتستاهل تطلع بكرا مبسوط ومروق ..

وان شاء الله تجي الاسئلة سهلة ومنطقية
مو معقول بالمدرجات ما نعطت المواد بشكل جيد
وتجي الاسئلة معقدة لا تتناسب مع هذا الاعطاء 😅

https://t.me/Elphysics

ماذا تفعل منذ أن تدخل القاعة الامتحانية
حتى نفاذ ال95 دقيقة ..

طريقة التحبير الأفضل من وجهة نظري
بحيث ما تحبروا سؤال بدل سؤال
وما يغدركم الوقت ..

ويصير فيكن متل الدكتورة 👇🏻
https://t.me/Elphysics/3898?comment=4542717

الموضوع أبسط بكتير مِمّ تعتقدون ،
بس بدا شوية رواق وعدم تسرع
وعدم المشي ببطء شديد أيضاً 😆

▫️ملخص التسجيل السابق🔥

https://t.me/Elphysics/3898
(يلي مزنوق جداً وضاللو فصول مو دارسا 😆)

يلي امورو نوعا ما رواق ومعو ١٠ دقايق
يسمعو مشان يفوت بجو الاثارة والتشويق 🤯

▫️١- خلي معك ساعة بحيث تكون ماشي بالاسئلة والوقت بشكل ممتاز
وعلى اساسو بتعرف اذا لازم تستعجلك شوي ..
ومشان ما تتفاجأ لما يضل نص ساعة
ولساتك بالسؤال ٥٠ او ٦٠ 🥺

▫️٢- السؤال يلي بتعرفو ١٠٠٪
مبين في ٣ خيارات خطأ وواحد صح
وخلص ما رح يتغير حلك ..
(وما أكثر هيك اسئلة للطالب يلي دارس)
خلص والله مافي داعي تحلو برصاص وترجع تحبرو بس تخلص

فكرة انو تحبر ١٠٠ سؤال ورا بعض اخر شي
وفي منن لسا مانك متأكد من الحل
والوقت ضيق والمراقبة فوق راسك بدا الورقة
وانت خلقة متوتر واول امتحان اتمتة الك
هي لحالا كافية لتخليك توقع بخطأ تحبر سؤال بدل سؤال
او ما تحبر سؤال بطريقة صحيحة (طمس المربع)

▫️٣- السؤال يلي ما بتعرفة ٣ انواع :

🔹١ * خارق للطبيعة مستوى فوق مستوى تفكيري
وما خطرلي ولا أي خيار صح
او انا ماني دارس هالفقرة ..
حتى التحنيك ما مشي حالو مع السؤال
خلص هاد بتتركو للحظ بقا 🤷🏻‍♂️

⛔ ملاحظة جانبية
مثال عن التحنيك : شفت سؤال ما بتعرفو
ولكن اول خيارين متناقضين ..
الاول متناظر الثاني غير متناظر مثلا
فالخيار الصح بالغالب بيناتن 😆

🔹٢ * محتار بين خيارين
بتكتب برصاص هالخيارين جنب السؤال
ع ورقة الاسئلة بحيث لما ترجعلو تعرف بشو كنت محتار اول ما تواجهت مع السؤال

🔹٣ * شاكك ان الخيار كذا
بس مو متأكد ١٠٠٪
بتكتب هالخيار برصاص جنب السؤال ورقة الاسئلة
بحيث لما ترجعلو تعرف بشو كنت شاكك اول ما تواجهت مع السؤال

وقتا خلص بتحسم قرارك بالازرق
يا بتحس شكك الاول كان غلط
يا كان صائب
يا اما قدّر الله وماشاء فعل 😂❤️

بهي الطريقة انت بتكون ضمنت كل شي انت متأكد منو بالجيبة
٧٠-٨٠ سؤال او اكثر ..
وبآخر الوقت نحصر تفكيرك بهال٢٠ سؤال تقريباً
وبالتالي ما بتكون كتير مضغوط ..

--------------------------------------------------
وبالنهاية هي وجهة نظري
وانا هيك تعاملت لما كنت تحضيرية
وكنت دائما خلص عالوقت او قبل
ولا مرة غدرني الوقت
وولا مرة حبرت غلط

اغلط انا بالاجابة لاني ما بعرفا
اهون من اني خربط بسؤال انا بعرفو
بس خربطت تحبير 😂😂😂

وبتمنالكن التوفيق غداً 💪🏻
دوماً بقولا كل دفعة بتجي اشطر من يلي قبلا
لهيك هي فرصتكن تأثبتوا حالكن
وما تضيعوا السنة كاملة بتفاصيل صغيرة

ثقتنا فيكن كبيرة
الله لا يضيعلكن تعب ..
(التعب النفسي يعتبر تعب أيضاً 😆❣️)

موفقين🤹🏼‍♂️❤️

https://t.me/Elphysics

في طلاب مقصرة كتير بالفيزيا
وحابة تاخد يوم او يومين من اسبوع الانكليزي
هاد الشي كل سنة في كتير طلاب بتعملو

بس بشرط ما تكون لغتك سيئة
بالنهاية الانكليزي عليها 100 علامة متل كل المواد
واذا حابب خلص من بدايتا انكليزي
تضمنا وتعيدا شي ٣ مرات كمان خيار ممتاز انت بتعرف .

فاذا حابب تعرف شو نازل عالتطبيق
وكيف تمشي تقصيرك
هي الصورة هي خطتنا باسبوع المادة
يلي نفسا مشينا فيها باسبوع البروفا
وهي فيديو مدته 20 دقيقة نزلناه وقت البروفا
وقلتلك وقتا انو في طلاب كتير
رح تحضرو باسبوع الانكليزي 😂
حضروه بعرفكن كيف لازم تراجع المادة
او كيف ترمم تقصيرك
وشو منزلك شغلات اسطورية عالتطبيق ..
وشو تحضر وشو الافضل حسب وضعك
والدورات ؟ والخ ..

عالتطبيق بين مكثفة 2024 وبين الفصول يلي صورتا جديد صارت الفيزيا كاملة مختصرة بعشرين ساعة تقريباً
بطريقة عرض ممتازة وسرد وشرح لجميع الفقرات
وفي فصول عاملا اهم افكار اذا بتجمعن
اقل من عشر ساعات كمان 😂🔥

ضل الموضوع عليك بدك تلتزم وتجتهد
وتعطي كل شي عندك ..
ولا تخاف كورس المراجعة شامل
فيك تسأل يلي جربو
او انت بلش جرب شي فصل لحالك بتشوف الشمولية 👍🏻

رابط الفيديو 👇🏻
https://youtu.be/qN1_9WQFtjE

تذكرة بتقسيمات كورس المراجعة مع المدة 🔥
شاركوها مع رفقاتكم ..

يلي حدو ✅
يعني بتقدر تدرس منن لاول مرة
وما بينقصك شي ان شاء الله
يلي ما حدو ✅ يعني صعب تدرس منو لاول مرة
بدك تبصمم بدون فهم (انطق أيها الحجر😂)
بتسكر اسئلته بدون فهم اذا بصمت الفيديو ..

▫️الفصل الاول :
مكثفة : ساعتين ✅
اهم افكار : نصف ساعة شاملة ٩٥٪ بدون شرح

▫️الفصل الثاني :
مراجعة شاملة وممتازة مع شرح
ساعة وربع تقريباً بخانة اهم افكار✅

▫️ الفصل الثالث
مكثفة ساعتين هندسي✅
الموجي ساعة وربع ✅
ويوجد اهم افكار للهندسي واهم افكار للموجي
شاملين لكامل الافكار لكن دون شرح 👍🏻

▫️الرابع
كامل معلومات ب٤٤ دقيقة شامل بخانة اهم افكار✅

▫️الخامس
مكثفة ساعة ونصف  ✅
اهم افكار نصف ساعة شاملة وممتازة لكن بدون شرح

▫️السادس
مراجعة شاملة ساعة وتلت ✅

▫️السابع
كامل المعلومات ٤٠ دقيقة بخانة اهم افكار ✅

▫️الثامن
كامل المعلومات ٢٥ دقيقة بخانة اهم افكار ✅

▫️الفصل التاسع
تسجيلات ٣٥-٤٠ دقيقة كل فقرة تسجيل مع صورة
شاملة ٩٥٪ بدون شرح وتفصيل
اخر سنتين ما اجا شي براتن كل الاسئلة منن
وهي السنة ان شاء الله نفس الموضوع
بس اذا معك وقت وحابب ترجع عالنوطة
رجاع عالنوطة مرور سريع احتياط بعدن
رابط التسجيلات 👇🏻
https://t.me/Elphysicsmcq/6292

▫️ الفصل ١٢
مكثفة ساعة ونصف✅
+اهم افكار نصف ساعة شاملة ٩٥٪ بدون شرح ..

▫️الفصل١٣
مكثفة ساعة وتلت ✅

▫️الفصل ١٤
مكثفة ساعتين شاملة رااائعة بخانة مكثفة 14 ✅

▫️ الفصل ١٥
الاساسي فقط ساعتين ليلي مضطر يدرسو فورا✅
اذا اختصر الاوفر فيو صفا ساعة ونص 👍🏻
وممكن نزلو شي مختصر واسعافي 🔜

▫️الفصل ١٧
الاساسي ٣ فيديوهات فقط ساعة مع مراجعة ✅
ممكن ينزلو اهم افكار عالتطبيق🔜

▫️ الفصل ١٩
الاساسي فيديوهين فقط ٥٠ دقيقة مع مراجعة ✅
ممكن ينزلو اهم افكار عالتطبيق🔜

▫️ الفصل ٢٢
مراجعة ٥٠ دقيقة شاااملة بخانة اهم افكار ✅

متل مو شايفين عامل لكل الفصول حلول
يندرس منها بوقت مثالي 😂🔥
الا الليزر شوي صعبة
ولكن خلص حفاظ التسجيلات وضل عيد فيهن
مدتن مثااالية لفصل طويل متل الليزر
التسجيلات كل تسجيل مرفق مع صورة
بتبصما وبتدعيلي بالامتحان بإذن الله 😂
رح نزلن بكرا عالقناة 👍🏻

وفي فيديوهين بخانة نكشات ومنوعات
واحد مقارنة شاملة بين الاشعة الكهرطيسية كلا
وواحد مقارنة بين كل تقنيات التصوير
رائعين جدا ومدتن فقط نصف ساعة
بتعمل عصف ذهني لكل الكتاب تقريباً 🔥

▫️رابط القناة الاساسية 👇🏻
https://t.me/Elphysics

▫️رابط قناة الاتمتة 👇🏻
https://t.me/Elphysicsmcq

تسجيل مسائي يخاطب
العقول الراقية فقط🤹🏼‍♂️

تحدثنا فيه عن :
١- اسئلة البيولوجيا
٢- يلي ضاللو فيزيا شو يعمل
٣- تحذير فيزيائي ١🚨
٤- تحذير فيزيائي ٢🚨
٥- دعم نفسي

موفقين يا اكابر ❤️❤️
https://t.me/Elphysics