طلاب دمشق وأخيراً رح يبلش دوامكم العملي🔥
صرنا شهر ١٢ 😂🔥

بدي منكن كالعادة تشيكولي بكرا عمدرج الصحافة عالساحة ١٢
عسى ولعل يجي دكتور فيزيا
ونعرف مين هو
كل المخضرمين يلي كانوا يعطوا السنوات يلي قبل
تواصلت معن وما حدا رح يعطي هالسنة
ف ما بعرف شو الترتيب ..

لهيك ياريت يلي بيقدر يمر يخبرني بكرا
هاد الشي مشانكن طبعاً قبل ما يكون مشاني👍🏻

▫️دورات الرابع عالتطبيق صارت عشكل اختبار
ودورات الخامس إما المسا او صباح بكرا
لنخلص من تدقيقو ..

▫️رح نزل اهم افكار للخامس بمدة ٣٦ دقيقة
وفي فيديو للفصل الرابع عملتو سنة ٢٠٢٣
وكل سنة بنزلو نفسو ..
مدته ٤٠ دقيقة فيو كل حرف من الفصل الرابع 😂
حتى يلي مو دارس الفصل بيقدر يدرسو من هالفيديو 🤹🏼‍♂️

رح نحاول ننزلن مساءً حسب سرعة النت ..

موفقين جميعاً يا اكابر ❤️❤️🙏🏻

كيف ملاقيين المادة بعد الضوء ؟
أريح شوي ما ؟ 😂❤️
هلق بالدورات كمان ببين معكن
متل ما حكيت بتسجيل الصبح النكشات قليلة كتير بالفصول القادمة ..

https://t.me/Elphysics

بما انو في كتير طلاب عم تسأل :

شرح عن العملي بشكل عام
وعن عملي الفيزياء الطبية بشكل خاص
بجميع المحافظات

- أهميته وأهمية علامته
- طريقة دراسته
- مصدر دراسته

سمعوا هاد التسجيل لتعرفوا شو الشي يلي مقبلين عليه 👍🏻
موفقين ❤️🔥

https://t.me/Elphysics

مساءً ان شاء الله اتمتات الرابع عال١٠ 🔥👇🏻
https://t.me/Elphysicsmcq

اذا خلصناه بكير وحسينا اغلبكم مخلص الخامس
مننزل كم اتمتاية عالخامس ..

حالياً عم نزبط اختبار الخامس (دورات)
أهم من اتمتاتي 😂❤️
وهو المقياس لدراستك للفصل ..

يلي لسا مو دارس الرابع يدرسو
قلتلك مانو متعلق بشي قبلو
درسو خود دافع معنوي انك درست فصل زيادة
وضمان ٤-٥ علامات
وحل دوراتو عالتطبيق زيد ثقتك بنفسك
وتعال المسا معنا حل اتمتاتو ونكشاتو ..

كيف لقيتوا الفصول ٤-٥ ؟
ان شاء الله مافي مشاكل ؟ 😂❤️
الاسبوع ما بعد القادم استراحة واختبار بالنوطة التانية
فهي فرصة ليلي مقصر بشي يرممو ويزبط امورو

يلي نزل اليوم عالدوام بدمشق
خبروني عالخاص شو صار معكن 😂

موفقين جميعاً ❤️❤️🙏🏻

https://t.me/Elphysics

فيديو اهم افكار الفصل الرابع صار عالتطبيق
ومن هون للمسا ان شاء الله
بيلحقو فيديوهين الفصل الخامس ..

حضروهن وعطوني رأيكن
رح حاول هاليومين قبل ما انشغل بالفصول ٦-٧-٨
خلص كل شي اهم افكار ما نزلناها..

لان في فصول عم صورها جديد
حابب قلل الوقت اكتر واشمل معلومات اكبر
لهيك عم طول شوي
وخلقة المادة ضخمة كل اسبوع فصلين تلاتة😂
وعم نفرغ الدورات من الصفر وندققها لننزلها عشكل اختبار
كونو عجبكن الموضوع هالسنة ..

التاني جاهز ٣ فيديوهات بمدة ساعة
بدن منتجة ورفع
بضل ١٣-٢٢ والموجي 👍🏻🔥

رح حاول هاليومين اخلص منن قبل ما انشغل بفصول الاسبوع الجاي ..

برجع بكرر في طلاب ما لحقت الخامس مثلاً
لسبب معين متل دوام العملي
عادي لا تكتئب ..
انا الاسبوع ما بعد القادم بس نخلص النوطة التانية
عاطيك ترميم لهاد السبب
لان بعرف بكل نوطة وارد جدا تقصر بفصل او اكتر
لهيك عامل بعد نهاية كل نوطة استراحة
لترجع تراجع مشاكلك فيها وتحلها 🤹🏼‍♂️❤️
هي حلاوة خطتنا كل سنة ..

حضروا ال٤٠ دقيقة تبع الرابع
ونراكم بالاتمتات عال١٠ 👇🏻
https://t.me/Elphysicsmcq

ودعولي اقدر بكرا اخلص من تصوير
كل شي أهم افكار 😂❤️
بدي اعمللكن شي خرافي
خلي حتى الطالب المبلش جديد
يدرس منن 🔥
وبوقت قياسي ..

https://t.me/Elphysics

فيديو مفيد جداً
للطلاب يلي خايفة ما تلحق تخلص المواد
وخايفة تفرش
وخايفة انو رفقاتا سابقتا ..

اذا كنت طالب مبلش جديد كتير مفيد الك الفيديو ..

وفيو هدايا لاول شخص بشوفا 😂❤️

https://www.facebook.com/share/v/17k1tfDdK6/

يعطيكم العافية جميعاً 🥳🔥

تسجيل مهم جداً بتمنى الكل يسمعو
حكينا فيه عدة نقاط ، أهمها :

- تعديلات الخطة هاليومين
- شو رح ينزل عالتطبيق
- ايمت منخلص المادة ؟
- يلي ضلولنا شو وضعن ؟
- دعم نفسي لجميع الطلاب 😂🔥

سمعوه منيح وشحنوا طاقتكم
ورجعوا تذكروا ..
انو التحضيرية لعبة نفسية 😂❤️

https://t.me/Elphysics

سمعوا التسجيل السابق بعدين تعالوا اقرؤوا هالرسالة ..
الفصول يلي ضلت غير ٦-٧-٨

بدن كلن ٤ ايام (برياحة ان شاء الله مع الفيديوهات)
▫️٩ : يوم ونص
▫️١٤ : يوم ونص (في طلاب بتخلصو بيوم)
▫️١٥-١٧-١٩ بيخلصوا بيوم كلن
بتذكر شرحن التلاتة سوا كان يطلع شي ٣ ساعات😂❤️

فيعني كل يلي ضللنا بيخلصوا باربع ايام
وعالخطة عاطيهن ٦ انا
(كل نقطة بيضاء عاطيها يومين كاملين)

فخلونا نخلص منن عبكير ..

والمؤشرات بتقول انو الامتحانات بنص ٢
وممكن بعد ..
في دكتور جامعة حكى انو ممكن يكون بنهاية ٢
وفي مشرف عملي بدمشق
حكى نهاية دوام العملي بنهاية شهر ١
ولسا في امتحان عادة بكون بعد ١٠ ايام او اسبوع
فمو معقول يعملوا امتحانات العملي والنظري بداية ٢ 🤡

لهيك نحن منخلص يلي علينا ما ضل شي صعب
واذا عملوا تأجيل بدل اسبوع الفيزيا
بصيروا تنين ..
وقتا اذا مانك دارس شي من المادة
بخليك تدرسا وتختما بهالاسبوعين 😂❤️
ما بالك اذا كنت مقصر بكم فصل ..

ياريت تفهموا وجهة نظري
يعني انا بدي مصلحتك اكتر منك😘❤️

درسوا واجتهدوا ولا تطلعوا لا عخطة ولا عغيرو
ومالك علاقة لا بتأجيل ولا بغيرو
هي الشغلات ما منتحكم فيها نحن
فعم توجع راسك عالفاضي ..

دروس الفصول يلي عليك وانجز
وانبسط بانجازك ولا تطلع عغيرك

موفقين جميعاً ❤️❤️🙏🏻

https://t.me/Elphysics

يعطيكم العافية جميعاً 🥳❤️

اشتقنالكم 😂❤️

حابب خبركم انو هالاسبوع عنا ٦-٧-٨
في طلاب درست ٦ انا نزلتو من اسبوع
واستمتعت بدراستو
وفعلا هو فصل ممتع رغم انو مانو سهل
بس معلوماتو حلوة للطالب يلي بيفهمها
واكيد يعني لا يخلو من الفقرات الصعبة
والشغلات يلي بدا حفظ 😂❤️❤️❤️

فيلي درسو بصفي عندك بس ٧-٨
الفصلين اسهل من ٦ واصغر
والثامن هو اقصر فصل بمادة الفيزياء
فيهن كم شغلة صعبة بيغفلوا عنها البعض
انا مزبطلك امورن بالفيديوهات
واجت منن شغلة العام الماضي 😂🔥
حاكيلك عنها بالفيديوهات ..

رح حاول نزلن غداً بإذن الله بحيث تبلشوا تحملوهن

يلي ما درس السادس
بفضل تبلشوا فيه وتخلصوه قبل السبت
مشان تتركوا فاصل استراحة بينو وبين ٧-٨ 😂❤️

رح نزل ايضاً غداً
اختبار دورات الخامس والسادس بعد التدقيق
واهم افكار الثاني والضوء الموجي والخامس ..
هدول جاهزين من زمان بس انشغلنا هالاسبوع 😂

بحيث يلي حابب يراجع شي منن يراجع
خصوصا يلي ماشيين عالخطة
فيديوهات اهم الافكار رائعة وقصيرة
يعني بوقت قياسي بتراجع مجموعة فصول بدون ما تحس ..

النوطة الثالثة والاخيرة بالطباعة
انهاءها مع الكورس بدو ٤ ايام (عالخطة عاطيك ٦)
وهيك منخلص من مادتنا بعد ما شرحناها كاملة بالتفصيل
بدون ما نترك اي فكرة
وما اظن هاد الشي حدا بيعملو خصوصا بهي المادة ..
لهيك كل يوم طلاب متابعة مع غيرنا عم تنقل لعنا

وبعد ما نخلص منتفضى منزل كل شي فيديوهات مفيدة للمراجعة ممكن تخطر عبالك 🥳🔥
في شغلات اسطورية عم تتحضر

بس ما رح تكون مفيدة هلق
كل شي بوقتو حلو 😂🔥

حابب انهي البوست بنصيحة
انو تدرس وتعطي كل شي عندك مهما كان وضعك
الطلاب يلي مو مبلشة او مبلشة شي بسيط
عددها اكبر بكتير من يلي ماشيين معنا ..
والدليل النوطة الاولى فيزيا
كل يومين منبعت كمية بتخلص 🙂
وبالتالي الطلاب يلي لسا عم تبلش عن جديد عددها هائل جداً
وحتى من رسائل الغروب والخاص مبين هالشي ..

لهيك الله يوفقك لا تطلع عرفيقك يلي سابقك
شو بدك فيه عليك من حالك
دروس وفهام المادة معي ..
وباذن الله بتبشرونا كلكم بعلامات مميزة متلكم
ولكل مجتهد نصيب 😘❤️❤️

موفقين جميعاً ❤️❤️🙏🏻

https://t.me/Elphysics

الله لا يسعدلي غير مساكم😘❤️

الفصلين 7-8 صاروا عالتطبيق ليلي بحب يحملن
متل ما قلتلكن الفصلين اصغر من غيرن ..

▫️الفصل السابع :
٧ فيديوهات + ٣ تثبيت افكار

▫️الفصل الثامن :
فيديوهين كل واحد شي نص ساعة


للفصل ٧ رح ينزل فيديوهين وللتامن فيديو
اسمن "كامل معلومات الفصل"
هدول صورتن العام الماضي
عكفالتي اذا بتحضرن وبتقرأ النوطة بشكل سريع
وبتفوت عالقاعة ، بتحل كل اسئلتن ان شاء الله😂❤️

ومدتن كلن للفصلين اقل من ساعة ونص ..
مفيدين جدا للمراجعة
او للطالب المزنوق جدا
يلي رح يجيني بعد فترة مانو دارس حرف من المادة
"وما أكثرهم"

🔻هدول الفيديوهات احلى شي نعمل بتاريخ الفيزياء الطبية
ورح حاول هالسنة اعملن لكل الفصول
بحيث لما نخلص تنزيل كامل المادة
يكون عندك شي اسطوري
اذا دارس بتراجع بوقت قياسي
واذا مو دارس حل اسطوري شبه كامل 🔥
(الكمال لله)

🔻رح نزل تسجيل صباحاً كالعادة
نحكي عن الفصول ٦-٧-٨
وخصوصية كل واحد منن
بحيث تعرفوا شلون تدرسوهن ..

يلي ما درس ٥ برأيي تركو وبلش فيهن
ما بيتعلقوا فيه ..
فصول حلوين كل واحد فيهن
بيحكي عجزء من طيف الأشعة الكهرطيسية
وخواصه واستخداماته الطبية .. الخ..

وان شاء الله رح تستمتعوا بالشرح ..

موفقين جميعاً ❤️❤️🙏🏻

https://t.me/Elphysics

يعطيكم العافية جميعاً 🔥

▫️تسجيل مهم جداً حكينا فيه عن :

- الفصول ٦-٧-٨
- صعوبة كل واحد منن
- حساسية الفصل ٧
- نصائح يلي ماشي عالخطة A
- نصائح ليلي مقصر شوي
او ماشي عالخطة c++
- نصائح مهمة جداً ودعم نفسي للجميع

موفقين جميعاً ❤️❤️🙏🏻

https://t.me/Elphysics

عدد جيد من طلاب حماة
بعتولي كلن عن نفس القصة
انو مشرفة العملي قالتلن انو نهاية العملي بشهر 2
وبالتالي امتحانات النظري حتما بعد ذلك ..

هاد الكلام منطقي
ولكن لقلكن الصراحة
عادةً كلام مشرفين العملي ما مناخدو بعين الاعتبار
مرة صار بدمشق معيدة عملي عطتن مواعيد للطلاب
كلا طلعت غلط 😂

بس طالما نهاية امتحانات العملي بنصف الشهر الثاني
فيعني طبيعي النظري بعدن
مو معقول تقدموهن سوا كلن ..

انتو عملوا يلي عليكن وخلوكن عم تدرسوا
صار تأجيل زادت فرصتكن للدراسة
ما صار
ف أنتو عاملين يلي عليكن وعطيتوا كل شي عندكن

وانتو صراحة حكيتا وبضل بحكيها
جدا جدا انظلمتوا ببداية الدوام
يعني كتير سنوات تأخروا بالدوام
بس هي اول سنة بتوصل لهالدرجة

ان شاء الله ينصفوكم
وانا معكن 🤹🏼‍♂️❤️

موفقين جميعاً ❤️❤️🙏🏻

https://t.me/Elphysics

طلاب اللادقية الغوالي 😂❤️❤️❤️

خلص والله فهمت انو عندكن مذاكرة الاسبوع الجاي
بالفصول ١-٣-١٤ وانو ١٤ اكلين همو 😂

روقوا ما تاكلوا هم
الكن مني نزللكن شي بالكورس
يخليكن تختموه ختم ل١٤
وتحلوا كل اسئلته هلق بالمذاكرة
وبالامتحان النهائي كمان
منيح هيك ؟ 😂❤️

خلص وصلتني الرسالة حاج تبعتولي😂❤️
واساساً مسبقاً بعرف
انو باللادقية بدخلوا بالعملي فصول النظري
وحكيت هالشي بتسجيل العملي من شي شهر
وهاد شي منيح صراحة
بتكون عم تدرس للتنين ..

لا تاكلوا هم خلوكن عم تدرسوا
وهاليومين الكن مفاجأة مني جميع الطلاب😘

درسوا منيح كلكن ولا تلتفتوا لورا ..
ولا تطلعوا عغيركم
وانا بالفيزيا وعد رح زبطلكن الامور من هلق
لتفوت عالقاعة
رغم انو بعرف مدى صعوبة المادة
ومعلوماتا وضخامتا والخ ..
بس خلص يعني مقررة علينا اجباري
وعليها ١٠٠ سؤال
ف بدي منك بس تتجاوب معي بعد اذنك
وتمشي متل ما بقلك ..


موفقين جميعاً ❤️❤️🙏🏻

https://t.me/Elphysics

بتكون عم تشرب شاي بأمان الله
فجأة بيطلع عندك مذاكرة ما بتعرف عنا شي : 😂

يا جماعة في دكتورين للعملي باللادقية
دكتورة سلامة فئاتها عندن مذاكرة
والدكتور محمد فئاته ما عندن

ببساطة اذا خلص هالاسبوع
و دكتورك ما خبرك انو عندك مذاكرة
معناها ما عندك
اذا خبرك بالجلسة معناها عندك ..

مافيا شي يعني
بس واضح انو اغلبكن ما عم يداوم يمكن😂
اسأل زملاءك بالفئة
اذا المشرف قلن شي ولا لاء

https://t.me/Elphysics

يعطيكم العافية جميعاً 🥳❤️

هالأسبوع مفاجأة من العيار الثقيل 😂🔥
عنا استراحة وترميم بالفيزياء الطبية ..

▫️لعدة اسباب :

☝🏻١-أهمها انو النوطة ما توفرت بولا محافظة
وللأسف هاد الشي بسبب انو المنسق الدكتور احمد
وهو طبيب مقيم
وساعدنا بالتنسيق الجديد لنوطة الفيزيا
الله يعطيه الف عافية ..
توفى أحد أقاربه ..
الله يرحمه ويجعل مثواه الجنة
ولاحظته كيف النوطة الجديدة أعدنا إحياءها بشكل افضل
فلهيك تأخرنا بإنهاءها

✌🏻٢- ماني حابب تخلص النوطة التانية
بدون ما نختم الأشعة الكهرطيسية
بشكل ممتاز
"لسا ما عملنا اتمتات ل ٥-٦-٧-٨"
وبالفيزيا الإنهاء المركّز أهم من الإنهاء السريع
لهيك بدي تراجعوهم هاليومين
اليوم اتمتات ٥
وبكرا ٦-٧-٨
بدي اختبركم فيهن عقناة الاتمتة
وبدي جاوبكن عكل اسئلتكم فيهن ..

▫️هل هاد الشي رح يأثر عتاريخ انهاءنا للمادة ؟ 😱
أكيد لاء ..
اخر اسبوع بالخطة نسقت مع الدكتور حسن بالتاريخ
وقلي ما عندكن شي اخر اسبوع تاريخ
لهيك بكون عنا جمعة وسبت واحد فيزيا بدل سبت واحد
بينتهوا فيهن ١٤-١٥-١٧-١٩ بكل أريحية
١٤ يوم - يوم ونص
١٥-١٧-١٩ يوم

وهيك منخلص بنفس تاريخ خطتنا نظامي👍🏻
ومنشوف وقتا ايمت بكونوا حددولكن الامتحان
عأساسو منحدد وقت البروفا ..

▫️كتير مفيدين هاليومين لتركزوا دراستكن للنوطة التانية
يعني بصراحة يلي ماشي عالخطة
واختبر حالو بالنوطة الاولى
وهلق بالتانية
لما نوصل لاسبوع البروفا
عندو اسبوع كامل يعيد المادة كمان مرة
رح يلاقي حالو عم يتسلى 😂🤹🏼‍♂️
خصوصاً انو اتمتاتي واسئلتي بالاختبار
يلي عم يحلا بعد الدورات ويسجل النكشات عندو
فهو ما خلى شغلة صعبة بالفصل إلا وصارت عندو
وصار جاهز لكل السيناريوهات الممكنة
وهاد شي كتير رح يريحو بأسبوع المادة ان شاء الله🤹🏼‍♂️

▫️ويلي حابب يدرس شي جديد
فالفصل ١٤ (ميكانيك السوائل)
نزلتلكن المكثفة تبعو من كم يوم
🔹٥ فيديوهات بمدة ساعتين تقريباً🔥

هدول الفيديوهات صورتن العام الماضي
وهنن أفضل فيديوهات نعملوا للفصل ١٤
وبأكدلك انو ان شاء الله بتضمن كل اسئلته 😂🔥

انت بس تحضرو بتشوف هالشي
وفي طلاب كتير خلصتو منن من كم يوم
وبعتتلي رأيها عليه 😂😂😂
السنة الماضية اكتر من 6000 طالب حضروا هدول الساعتين
وسكروا كل اسئلة 14 بالامتحان النهائي 🤹🏼‍♂️🔥

فهي حطيتلك كل الخيارات الممكنة
ومجرد ما نزلت النوطة التالتة وضمنت انو نزلت
رح نزل الفصول كلها خلال يومين
▫️٩ يوم - يوم ونص
▫️١٤ يوم - يوم ونص
▫️١٥-١٧-١٩ يوم

ف وقتا ..
بتحدد ٤ ايام وبتنهي فيها النوطة الثالثة
والاخيرة ان شاء الله
وهيك بتكون ختمت اضخم واصعب مادة
بطريقة سلسة
وراجعت كل معلومة اقل شي مرتين اذا ماشي عالخطة
وبيجيك بعدا اسبوع كامل لتعيدا كلا ترجع
ولسا اسبوع المادة كمان 😂❤️

ضل العامل النفسي والتوتر وهالقصص
باسبوعا + بالقاعة
بالاضافة لتوفيق رب العالمين
ومبروك +٩٠ والتميز 😂❤️


موفقين جميعاً ❤️❤️🙏🏻
جهزولي حالكن اليوم بالفصل الخامس نختمو ونعيدو✌🏻

https://t.me/Elphysics

اهم افكار الفصل 5 صار عالتطبيق 🔥
فيديوهين بمدة نص ساعة تقريباً ..

برأيي هنن افضل شي نعمل للأشعة السينية
بتاريخ التحضيرية
بهي المدة المثالية وبهالشمولية😂❤️

جربوهن لتحكموا..

بالاضافة لانو نزلت بخانة نكشات ومنوعات
فيديو مقارنة شاملة بين انواع الاشعة الكهرطيسية

هاد فيديو مدته ١٥ دقيقة فقط !!
فيو مقارنة سريعة بين فصول الاشعة الكهرطيسية
من حيث الطول الموجي
والخواص
واستعراض وتذكرة سريعة
بالاستخدامات الطبية لكل طيف من هذه الاشعة

فيديو عالمي جداً بيعملك عصف ذهني
بعد ما تكون مخلص الاشعة الكهرطيسية
ومفكر حالك نسيانا 😂🤹🏼‍♂️

حضروهن وعطوني رأيكن 🔥
حضروا الخامس قبل الاتمتات المسا ..

موعدنا عال١٠ باتمتات الخامس ان شاء الله 🙏🏻

رابط قناة الاتمتة 👇🏻
https://t.me/Elphysicsmcq

كيف لقيتوا فيديوهات اهم الافكار للخامس
وكامل المعلومات ل7-8
والمكثفة ل14
يلي جربن طبعاً 😂🔥


الحمدلله عالخاص والله الرسائل
كتير حلوة ومبشرة ..🙏🏻❤️
ورح حاول هالسنة طوّر الموضوع
و من هون لاسبوع
يكون عالتطبيق شي مماثل لكااامل المادة 🤹🏼‍♂️🔥
يعني رح تلاقي كل معلومات المادة بشي 20 ساعة
ويمكن اقل 🤣🔥
ومو أي مادة ، الفيزياء الطبية كمان 🥳

رح نزللكن مراجعة للفصل السادس فيديو وتسجيلين قصار
لحتى تراجعوه قبل الاتمتات مساءً

وقريبا رح اعملو مراجعة نفس مبدأ المكثفة
يعني الطالب يلي دارسو بس حاسس الفصل ممسوح من عقلو
بيروق عهي الفيديوهات
والطالب يلي مقصر جداً ومتكاسل
آخر الفصل بلاقيهن دوا
شاملين لكل الفصل وفيهن شرح
يعني بيقدر يدرس منن 🤹🏼‍♂️🔥

يلي عم يسأل عن هي الفيديوهات وهو بحاجتها وبدو يحضرها بس لحالها
ف نحن من الدفعة التامنة
ما عاد عملنا كود خاص لهي الفيديوهاات
الفيديوهات عم ننزلها ك هدية للطلاب يلي معا الكود ومتابعة معنا ..

▫️بحيث لما يخلص الفصل والطلاب بدا تراجع
ما تراجع لحالها يكون عندا شي شامل واسطوري وبوقت قياسي يحسسها كأنو مبارح درست الفصل 🤹🏼‍♂️🔥
▫️ويلي قصر بكم فصل او اكتر
بيعتمد عهي الفيديوهات وان شاء الله بتسكرلو اسئلة الفصل هو وتركيزو 👍🏻🔥

موفقين جميعاً ❤️❤️🙏🏻

نلقاكم بقناة الاتمتة عال9 اليوم بدل 10
مشان لحق نزل الاسئلة واشرحها 👇🏻
https://t.me/Elphysicsmcq

هي الرسالة مخصصة للأسئلة العلمية ..

بدي منك أي سؤال علمي ببالك عن المادة
من أي فصل كان ..

تحطلي ياه برسالة وحدة بالتعليقات

رح سكر الغروب مساءً
وحاول جاوب عكللل الاسئلة 👍🏻

رجاءً ما بدي أي تعليق عهي الرسالة غير اسئلة علمية
مشان ما تضيع ..

اذا ما عندك سؤال علمي مافي داعي تعصر مخك
خلص كتوب يعطيك العافية بكفي 😂❤️

بدي حاول ما خلي فكرة شائكة ببالك ..

تفضلوا 👇🏻

الله يعطيكم العافية جميعاً 🥳

- شو عنا بكرا ؟
الفصل التاسع رح ينزل اليوم عالتطبيق
ورح نزل ملفو غداً صباحاً
بما انو ما وصلت النوطة ..

- النوطة الثالثة طلعت
فقط ١٣٠ صفحة 🥳🔥

- نصائح هامة للطلاب الماشية عالخطة
تستغل وقتا اثناء انهاء المادة بنفس الوقت🤹🏼‍♂️🔥

- نصائح للطلاب المقصرة جداً
يلي عم تبعتلي بدا تترك اخر نوطة بدون دراسة
او عم تسأال عن اهم الفصول تدرسا دون غيرها

سمعوا التسجيل كلكم مفيد وقصير 👍🏻

والله يقويكم يا رب
وكل عام وانتم بخير جميعاً ❤️❤️🙏🏻

https://t.me/Elphysics

صباح الخير جميعاً 🤹🏼‍♂️❤️

الفصل التاسع مبارح المسا نزل عالتطبيق🥳

١٥ فيديو
المدة الاجمالية ما حسبتا
بين ال٤ وال٥ ساعات
مافي ولا فيديو مدته نص ساعة
اغلبن ربع ساعة وتلت ساعة وفي فيديوهات
اقل من ذلك ..

ركزوا فيه منيح
كتلة الليزر كتلة مهمة وممكن ينلعب فيها
وفي طلاب بتشوفا صعبة
والفصل هو تالت اطول فصل بالمادة
ولكن وعد بعد تركيزك بالفيديوهات
رح تشوفو جدا جدا ممتع
ولا اظن حدا شارحو بنفس الشمولية والمدة🔥

وشرحت شغلات من محذوفات الفصل
ومن الفصل 10
يلي كان مطلوب لحد الدفعة التامنة حذفوه
ولكن في بعض الفقرات المترابطة
حكيت عنا بشكل سريع
سجل هالكم ملاحظة ما بضروا بس احكيهن👍🏻

ركزوا فيه منيح
مع الفيديوهات في كتير طلاب ممكن تخلصو بيوم
بس انا عاطيكن اليوم وبكرا
مخمخوا فيه 👍🏻🔥

وبما انو ما جبتوا النوطة التالتة ..
نزلت الفصل pdf ع قناة الاتمتة
لحتى تتبعوا معي بعد ما تخلصوا حضور
لبين ما تجيبوها هالكم يوم

موفقين جميعاً ❤️❤️🙏🏻

https://t.me/Elphysics

رسالة طويلة شوي 😂❤️
بس يلي مهتم ومعو دقيقة فراغ يقراها
بتخاطب ضميرك الدراسي وطموحك بالتفوق والتميز
وبتضاعف مجهودك سواء كنت مقصر او لاء ..

▫️اول شغلة يلي بلش بالتاسع اليوم
خبروني كيف لقيتوه ؟

هل هو ذاك الفصل المعقد يلي الكل بخوفكن منو ؟
ولا فصل فيزيائي طبيعي يكون فيو
شغلات جديدة كتير وغريبة
واطول من غيرو (تالت اطول فصل)
وبس ينفهم بتمشي امورو طبيعي ؟ 🔥
عطوني رأيكم ..

▫️شفتوا كيف يعني ضللنا ١٤-١٥-١٧-١٩
هدول بيخلصوا كلن ب٣ ايام مع الكورس برياااحة
ومنكون انهينا المادة ..

المادة ضخمة نعم
وشغلات جديدة كتير نعم
ونكشات + اغلاط  والاسئلة نعم
منهاج غير اكاديمي وغير مرتب بالمرة نعم
انا معك بكل هدول ..

ولكن خلص هي مقررة عليك
وبدك تقدمها وعليها ١٠٠ علامة داخلة بفرزك
لو بتمشي صح اول باول
بتخلص معك
وعالخطة صرنا اخدين ترميم ٣ مرات وراجعنا فيهن
ولسا لما نخلص رح نعيدا كاملة
خلص خليتك تحاوطا من كل الاماكن
وانا بالكورس يلي من النوع
حتى لو فقرة غلط
حتى لو ما حدا بيشرحا
حتى لو منسوخة ومترجمة غلط
معلش بشرحا وبوصلك هدف الكتاب منها
وبوضحلك اذا اجا منها كيف بيجي السؤال
كل هاد للاحتياط
يعني حاوطنا المادة من كل النواحي مع بعض
بس بدا صبر منك وتعاون معي ..
وحاولت ببعض القصص
وببعض التقريبات الطبية
وتنظيم ترتيب المعلومات
سهلها عليك قدر الامكان
وخليك تحبها
رغم انو اي طالب بيخلص تحضيرية
بقلك الفيزيا اغلظ مادة
والحق معو يعني ما بلومو 😂❤️
انا من اول المطالبين بتغيير منهاجها ..

▫️لهيك حاليا الخلاصة
بدي منك شغلة ..
مو كل ما تشوف شغلة غلط او جديدة
او او او ..
تسكر الكتاب وتقلي خلص ماني دارس
ترا صدقني ما حدا مهتم 😂😂😂
لا تدرس تصطفل
حميل المادة او رفعها ٦٠ شحط
ما حدا الخسران غيرك
عم احكيك كلام واقعي 😂
المتضرر هو انت فقط ..

لهيك حط عقلك براسك
شوف رفقاتك يلي رح يخلصوها معنا تشجع منن
متل ما خلصوها ومشيت امورن
مانن احسن منك بشي
غير انو بلشوا قبلك عالوقت معنا ..
وهالقصة بتنحل بأنك تضاعف مجهودك
طبيعي بلشت متأخر يعني بدك تضاعف مجهودك
يعني شو متوقع التحضيرية ديزني لاند ؟
ولا ملاهي ؟ 😂

▫️والطلاب الماشيين عالخطة
رجاءً بس تشوف حدا مقصر
او مبلش جديد لا تتمسخر عليه
ولا تقعد تورجيه انو الطريق صعب وتخليه يكتئب
والله ما بتتوفق لا بدراستك ولا بامتحانك
نصحو وفهمو شو يعمل بما انك سابقو بالفصول
وبتعرف شو رح يواجه مستقبلاً
قلو انو الموضوع صعب اكيد
بس يعني بدو شغل وجهد منك لتتجاوزو
صدقني بهي الحالة
انت بتتوفق وبتكسب بنصيحتك الو علامات بيجوك بدون ما تحس ..
وبنفس الوقت لا تنغر بحالك اذا خلصت معنا عالخطة
ترا انهاء المادة خلال الفصل ومراجعتها
احد أسس العلامة العالية
ولكنه ليس الوحيد ..
اسبوع المادة وتنظيمك فيه وروقانك فيه
وروقانك بالقاعة الامتحانية
لسا اهم من انهاءك للمادة خلال الفصل
لهيك لا تنغر وتشوف حالك نصيحة ..

▫️حطوا عقلكن براسكن كلكم
وانا معكن لحتى تفوتوا عالقاعة الامتحانية
رح قدملك كل شي انت بحاجتو
لتوصل لاعلى علامة ممكنة بهي المادة بإذن الله ..
بس نخلص المادة الاسبوع القادم
رح ينزل شي خارق عالتطبيق يفيد الكل  ..

الله يوفقكم جميعاً ❤️❤️❤️

https://t.me/Elphysics