الله لا يسعدلي غير صباحكم 🥳🔥

📍 الفصل الثالث (الضوء) ☠️

- تقسيم الفصل + صعوبته
- طريقة دراسة الفصل وتجاوزه
- مدة + عدد الفيديوهات
- دورات الفصل

رابط المثبتة لأي شي بتحتاجو 👇🏻
https://t.me/Elphysics/3762

موفقين جميعاً ❤️❤️🙏🏻

طلاب اللاذقية الغوالي
حكيت مع الدكتور محمد معلا
استاذ المادة بجامعة اللادقية ..

ومن افضل اساتذة المادة بسوريا
كل سنة بنصح الطلاب تنزل تحضر عندو
وتستفيد من خبرتو وتراجع الفصول معو

وممكن يكون هالسنة احد المشاركين بوضع الاسئلة
لذلك استفيدوا من نكشاته

حكيتو بدي اعرف اي يوم رح يعطي واي مدرج

حكالي انو موعد محاضرتو يوم الاثنين
ولكن للآن عم يشوف أي مدرج هو الأنسب للإعطاء
غداً بس يقلي أي مدرج رح ابعتلكن عالقناة👍🏻

بدنا فزعتكم تعبولو المدرج 😂❤️

الدكتور محمد رائع جداً علماً وخلقاً
وبكرا بتشوفوه عالواقع ..

والطلاب البعاد عن الجامعة او بغير محافظات
لا تاكلوا هم اي ملاحظة مهمة بيحكيها
انا بنزللكن ياها عالتطبيق
بعد ما جمع الملاحظات من كل المحافظات
متل كل سنة 👍🏻🔥

https://t.me/Elphysics

الضوء الهندسي من النوطة
مشان الطلاب يلي لسا ما جابت النوطة
علماً انو النوطة الثانية
متوفرة بجميع مكاتب
وبكميات كبيرة تكفي الجميع
ان شاء الله

موفقين يا اكابر ❤️🙏🏻

https://t.me/Elphysics

مشان ما تبكوا وتسألوني 😂❤️

بلش ينزل الضوء الموجي
لا تخاف ولا تتلبك هدول للاسبوع القادم 😂

بدي حاول نزلو هاليومين لنخلص من تنزيلو عبكير
دعولي جهزو كلو اليوم
لان بعد ما نزلو رح نزل اهم افكار
الفصول يلي ما نزلنالا 😂❤️
عطيت الاولوية لفيديوهات الشرح ..

ونزل اهم افكار الضوء الهندسي
نصف ساعة فقط
فيا كل شي بالضوء الهندسي 🤯🔥

رح تدعولي عفيديوهات اهم الافكار ان شاء الله 😂❤️

برجع بكرر المطلوب منك اليوم وبكرا..

📍خانة الضوء الهندسي :
- ١٣ فيديو شرح
- ٣ تثبيت افكار
المدة الاجمالية قرابة ال٤ ساعات بدون تثبيت 🤹🏼‍♂️🔥
نراكم غدا بدورات الهندسي واتمتاتو مساءً ..

موفقين جميعاً ❤️🔥

https://t.me/Elphysics

مساءً عال١٠ رح نزل جميع دورات الضوء الهندسي
(مع كم سؤال من عندي طبعاً 😂🔥)
تجهزوا ..🔥

📍كيف لقيتوا الفصل ؟

هل هو فعلاً ذاك الفصل الخارق للطبيعة
الذي يسبب بكاء الطلاب ودخولهم في حالة نفسية سيئة 🤯
أم أنه مجرد فصل طويل
يحتاج لبعض التركيز اثناء الدراسة
وفهم طريقة دراسة كل فقرة من خلال الفيديوهات ؟

الآراء الحمدلله إيجابية للآن 😂❤️
وأكيد اذا لقيت صعوبة ببعض الفقرات شي طبيعي
الفصل في طلاب بتشوف الفصل كل سنة
انو الاصعب بكل التحضيرية مو بس الفيزيا
وبينضرب المثل فيه 😂😂😂
طالما عم تحاول تضل معنا عالخطة
ف انا عاطيك مجال تعيدو شي ٥ مرات
ف تلقائياً بتصير الأمور أسلس

حضروا اهم الافكار تبعو مساءً
لينعمللكن عصف ذهني رائع
للضوء الهندسي كامل بنصف ساعة فقط🥰🔥

بأكدلك انو إن شاء الله ما رح تلاقي طريقة ترتيب لمعلومات الفصل
ونكشاته بالدورات وبالمدرجات
متل ما عطيتا بالفيديوهات بإذن الله
وبإمكانك تشوف وتقارن ..

▫️عقناة الاتمتة نراكم مساءً 👇🏻
https://t.me/Elphysicsmcq


📍الطلاب الجداد ..

بس لنخلص اليوم من الضوء الهندسي ونتجاوزو ..
الايام القادمة اغلب الرسائل موجهة الكم
لا تاكلوا هم لسا بكير
وعالكورس واذا انت مركز ومهتم
اذا ما بتعرف شي عن المادة
ركز ب١٥ يوم بتشيلا بكل تفاصيلا من الكورس الاساسي
وما بينقصك حرف عن زملاءك
(في مفاجآت لقدام رائعة غير الكورس الاساسي)
ولكن خلينا بالاساسي هلق لسا في وقت🥳❤️

موفقين جميعاً يا اكابر ❤️❤️🙏🏻

https://t.me/Elphysics/3762

محاضرة الدكتور محمد معلا
غداً الساعة ٨ وربع
بالمدرج رقم ٣٤ بكلية الطب
بجامعة اللاذقية
حضروا اهم افكار الفصل الاول قبل ما تروحوا
وراجعوا الفصل معو ..
وسلمولي على الدكتور جداً جداً 😂❤️

نصف ساعة ومننزل اتمتات الضوء الهندسي👇🏻
https://t.me/Elphysicsmcq

بما انو في طلاب كتير
ضاللا فقط فيديو او تنين وما لحقتن
ضاللا العين يعني
يلي هي امتع شي بالفصل يمكن 😂🔥

ماني حابب نزل الاتمتات والدورات
ويلي عم يحل معنا عدد قليل 😂❤️
خصوصي اني رح ادعم الفصل كتير
يعني رح نزل كل دوراتو عالقناة
ونزل نكشات لابأس بها من عندي

لهيك بدي كل سوريا تكون عنا بالقناة
وقت اتمتات الضوء

لذلك رح أجل الاتمتات ليوم الجمعة مساءً
رح حاكي حسن ننسق مع اتمتات التاريخ

يلي درسو بيراجعو الجمعة من اهم الافكار
نص ساعة فيها كل معلومات الضوء الهندسي
وبحل معنا الاتمتات المسا ..

وهيك منعطي فرصة كمان ليلي بلش جديد
يكون خلصو بعد الاول
ليحل معنا الاتمتات والدورات
ويرتفع عندو الادرينالين والدوبامين اثناء الحل 😂❤️

موفقين جميعاً يا اكابر ❤️🔥

https://t.me/Elphysics

طلاب اللاذقية
خبرونا كيف كانت المحاضرة اليوم ؟ 🤩🔥

ماشاء الله عليكم كان العدد كبير جداً بالمدرج
شكراً لتلبيتكم الدعوة ..

واتمنى تكونوا شفتوا مدى روعة الدكتور محمد ..
يلي بيقدر يضل يحضر من هون لآخر الفصل
لا يقصر

عم تراجع المعلومات يلي انت حافظا ودارسا
بوقت قياسي
و من دكتور جامعي مميز ..

https://t.me/Elphysics

📍تسجيل مهم
عن المحاضرات النظرية
ونكشات المدرجات بالفيزيا
و عن طريقة وضع اسئلة المادة
(احد المدرجات قالوا الفصل التاني
ما رح يجي منو غير سؤال 🤯)

سمعوه من بداية الفصل
مشان ما تضيعوا حالكن 👍🏻🔥

موفقين جميعاً ❤️❤️🙏🏻

https://t.me/Elphysics

مثال عن الحكي يلي حكيتو بالتسجيل السابق 👇🏻
https://t.me/Elphysics/3822

هي الورقة من دكاترة الجامعة من ٢٠١٩

انو هي المواضيع للاطلاع
يلي بدو يتعمق بالمادة بيدرسن ..

منلاحظ انو نموذج طومسون للاطلاع
اجا عنو اسئلة

نموذج بور للاطلاع عدا هالقانونين
منلاحظ انو جاي كتير برا هالقانونين
من فرضيات بور لسلاسل ذرة الهدروجين ، الخ ..

وبالتالي هاد الكلام يلي مشي فيه
عم يخسر سنوياً ٣ علامات ببلاش من الفصل التاني ..

لذلك انا عن نفسي رح انقلك كل شي بينحكى بالمدرجات جميعها
من نكشات لمحذوفات لكل شي
كلو بينحط بخانة اسما نكشات ومنوعات عالتطبيق

انت بتمشي بالاولوية
عليك بمنهاجك تفهمو معي بالفيديوهات
وما تتجاوز اي تفصيلة
ثم بتشوف هالنكشات بس تنزل
وبس يبلش الدوام رسمياً 🤣

حاليا فيديوهات الشرح
شاملة نكشات السنوات الماضية كلا تقريباً 😂❤️
كل فقرة بحكي نكشتها معها ..

لهيك لا تشوش حالك
كل شي رح يكون موجود عندك
ورح حاول ما نقص عليك شي
انت عليك بس تدرس وتجتهد بعد اذنك

تم ؟

اليوم بما انو صدرت نتائج فرز الدفعة العاشرة ..

فرصة مميزة لطلاب الدفعة ١١
ليشوفوا كيف الفيسبوك معبى :
بدأ الدراسة في كلية الطب البشري 🔥

ويشوفوا المباركات والفرحة بين الطلاب المقبولين واهاليهن واصدقائهم 🥳❤️

طلاب الدفعة العاشرة اشتغلوا وتعبوا وسهروا
سنة كاملة ليوصلوا لهاد اليوم 🤹🏼‍♂️

لهيك يا بري١١
شوف الفرحة يلي صارت واشتغل واتعب صح لتوصللها العام القادم ونباركلك باذن الله بالفرع يلي بدك ياه ❤️❤️❤️

صدقاً رسائل الدفعة العاشرة فرحتني جداً
ولما يكون طالب عم يشاركني فرحتو
هاد دليل انو هو بيعرف عنجد اني رح افرحلو
ومتل ما كل سنة بقول
نجاحكم من نجاحي
مبارك بري١٠ تعبتوا ونلتوا 🥳❤️
والله وحده بيعلم شو الظروف يلي مريتوا فيها ..

بري١١ تعبكم الحالي والمستقبلي
كلو رح تنسوه بهي اللحظة
يلي رح تشوف حالك فيها بالمكان يلي انت بتحلم فيه
لهيك اشتغل منيح مشان هي اللحظة
لذة الوصول ستنسيك مرارة الطريق 🤹🏼‍♂️🔥

بما انو الاسبوع هاد والجاي
عطلة بالكيميا والبيولوجيا ومافي شي جديد
فرصة حلوة الكم لترمموا كل شي عليكم
ويلي مبلش جديد ليلحق يحط ٣ ايام للضوء ويخلصو ويحل معنا اتمتاتو ودوراتو ..
ويزيد معو يوم يخلص فصل من اول نوطة..

ولسا عخطة الفيزيا في اسبوع استراحة قادم 🔥
وانا مستبشر خير انو فحصكم يتأجل حبة 🥳🔥

درسوا منيح وعملوا يلي عليكم
وانا معكن لتقدموا الامتحان

مبارك للجميع فرحة نتائج الفرز
هرمنا من اجل هذه اللحظة 😂❤️
وموفقين جميعاً بري١٠-١١
وجميع الدفعات الموجودة بالقناة 😂❤️❤️🙏🏻

https://t.me/Elphysics

كل المواد عطت تأجيل هالاسبوع..

الفيزيا :
الضوء الموجي كااامل صار عالتطبيق
١٨ فيديو + ٢ تثبيت افكار 🤣🤣🤣🔥🔥

حملوه من هلق معلش
هاد للاسبوع القادم طبعاً
ويلي حابب يبلش فيه بعد الهندسي لا مانع ..

هلق رح بلش تنزيل اهم افكار كل الفصول يلي نازلة عالتطبيق🤹🏼‍♂️🔥

📍فرصة اكتر من رائعة

▫️ليلي مو دارس شي يبلش يمشي معنا ..
(كتير مهم ما تتراخى باصعب مادة هالسنة)
+ بكرا في الكم مفاجأة 🥳🔥

▫️ويلي دارس وماشي معنا
يضل ماشي
ويراجع اي فصل حاسس حالو مو حابو او نسيانو ..

فيديوهات اهم الافكار شي خرافي
والتاني تحديداً دللتو
حضار اهم الافكار وبصوم شو بحكي
وروح عالامتحان 🤣

لا تتعرف لا عكتاب ولا عنوطة اذا مزنوق😂❤️

موفقين جميعاً 🤯🔥🙏🏻

https://t.me/Elphysics

اقرأ الرسالة التالية
اذا مهتم تجيب علامة عالية بالفيزيا👇🏻
https://t.me/Elphysics/3827

مساء الخير جميعااا 🥳🔥

▫️أي حدا لسا مو مبلش فيزيا
او دارس فصل مثلاً وحابب تخلص معنا
وبدك خطة تمشي عليها
لان جسمك صغير
غير قادر على وضع الخطط 😂❤️
هاد البوست الك ..

📍هي الخطة ٨ اسابيع فقط
بتبلش من يوم السبت هاد ١١/٢٢

▫️كل اسبوع بدنا منك سبت واحد
إلا الاسبوعين ٢ و ٨ بدن ٣ ايام
يعني بدك تاخد يوم الجمعة
وبرأيي اذا بتقدر تاخد يوم الجمعة بغير اسابيع افضل
لان المادة بحاجة فهم ومخمخة
وما بتشبه اي مادة تانية 👍🏻

▫️بهي الخطة بتخلص بالنص الاول من شهر ١
وبجوز ببدايتو كمان
(حسب تقصيرك بباقي المواد)
وحسب اذا دارس الاول او لاء (اغلبكن دارسو)
وبالتالي بتلحق تحل معنا الاتمتات كل اسبوع
وتعيش الجو معنا بأنك تعرف عن شو عم نحكي
بالاضافة لان بتلحق تعمل معنا اسبوع البروفا ..

📍ملاحظة :

هي الخطة بتزبط فقط مع فيديوهات الكورس
لان صراحة صعب جدا جدا
تخلص اي فصل وتفهمو
مع كامل نكشاتو وتفاصيلو بهي المدة
غير مع الفيديوهات يلي عالتطبيق 
واذا جربت تدرس اي فصل مع غير مصادر او لحالك
رح تطول كتير وبجوز ما تفهمو
وبالتالي رح تكتئب وتجيني اخر الفصل بدك حل اسعافي 😂

▫️خبروا رفقاتكن وفيدوهن
ما بدنا تأخير اكتر من هيك
هلق بتقدر تمشي معنا مع شوية جهد زيادة منك
وما ينقصك شي عن اي حدا ماشي معنا ولا حتى معلومة وحدة ..

▫️بكرا اذا تأخرت كمان ما عاد تلحق الفيديوهات الاساسية
صح رح نزلك وقتا فيديوهات مكثفة كتير ممتازة
ولكن انت من جوا رح تحس حالك انو ناقصك شي
علماً انو ما رح يكون ناقصك عكفالتي 😂❤️🔥

ما عاد عندك حجة ما تمشي بالمادة ..
وخصوصا انو اظن اغلبكم بلش بأول فصل عالاقل ..
خلص فهمنا المادة صعبة وضخمة ونكشات وخارجي واغلاط
شو تعمل تكبا يعني وتحملا ؟ 😂
اكيد لاء الاستسلام مانو من صفات الناجحين بأي مجال🤹🏼‍♂️

الفصل الاول مجاني عالتطبيق كشرح
ومن النوطة نازل مجاني بالمثبتة

بس تخلصو انت بحاجة تجيب الكود والنوطة من المكتبة الخاصة بمحافظتك ..
ونصيحة من هلق وصي عالنوط وحجزها
هي موجودة وبكمية منيحة
ولكن اوقات عم يصير هجوم هائل عليها
فعم تخلص فورا وبصير بدك تنطر تجي دفعة بعد يوم او يومين 😂
لهيك خبر مكتبتك انو بدك نوطة
ولحالو لما يشوف في طلب زيادة بخبرنا نبعتلو اكواد ونوط زيادة 👍🏻


اذا انت جديد عالتحضيرية
بأكدلك رح تمل مني ومن صوتي
من هلق لتفوت عامتحان الوزارة
حتى لو ما كنت متابع معي سواء هلق او بعدين😂❤️
وموفقين جميعاً ❤️❤️🙏🏻

https://t.me/Elphysics/3826

مساءً عال٩
دورات + اتمتات الضوء الهندسي 👇🏻
https://t.me/Elphysicsmcq

فضيلي حالك المسا ..
بدي ما يخلص اليوم غير ونحن خاتمين الضوء الهندسي

اي سؤال ببالك جهزلي ياه 🔥
بدنا نختم كل نكشاته بإذن الله

يلي درسو وقت نزلناه
يحضر اهم افكاره مدتن نص ساعة فقط

ويلي لسا ما خلصو يخلصو قبل ال٩ مساءً
هالمرة ٩ لان يمكن نطول شوي 🤣
كلو مشانكم طبعاً بدي ما يضل اي تفصيلة ببالك مو فهمانها ..

في طلاب وحوش خلصت الضوء الموجي ايضاً 😂
ما بهم ، هو خطة بكرا وبعد بكرا
ولكن يلي خلصو الله يعطيك العافية 😂❤️

كيف لقيتوا الضوء ؟ 🥰
بتذكر عدفعتنا كنا نضل عليه اسبوع وما نخلصو
عقد مانمل منو نترك يلي ضللنا ونبلش بالفصل ٤
ويضل معنا لاسبوعا 🤣🤣🤣

عندي ثقة هالسنة نشوف علامات مميزة متلكم 🤩❤️❤️
موفقين يا اكابر ❤️❤️🙏🏻

https://t.me/Elphysics

صباح الخير جميعاً
والله لا يسعدلي غير صباحكم .. 🥳🔥

عنا اليوم وبكرا الضوء الموجي

عبارة عن ١٨ فيديو
+ فيديوهين تثبيت افكار

كعدد صفحات وكمعلومات قد الهندسي
مافيو لعب عادةً بالامتحان
وبيجي السؤال متل الكتاب

كل سنة طلاب بتشوف هاد اصعب
وطلاب بتشوف هاد اصعب

انا برأيي نفس الشي
عالحالتين بدك تدرسن 😂❤️
وانا ساعدتك كتير بالفيديوهات
لتدرسن صح بوقت قياسي بدون جهد كبير ..

الطلاب المبلشة جديد بلشوا بالاول اليوم وبكرا
دوراتو عالتطبيق عشكل اختبار
يلي عندو سؤال يبعت للبوت العلمي

ويلي درس الاول
يبلش بالضوء الهندسي او بالتاني
الاسبوع الجاي او يلي بعدو منلاقيكن معنا
بس الفرق ٣ فصول
بتدرسن بعدين عخطة الc++ 😂🔥

لا داعِ لتسجيل صباحي
تسجيل مبارح عقناة الاتمتة كافي ووافي
سمعوه فيو دعم نفسي جيد
وبخليك تبلش يومك بوتيرة عالية 🤹🏼‍♂️

موفقين جميعاً يا اكابر ❤️❤️🙏🏻

https://t.me/Elphysics

مشان الطلاب يلي عم تسأل
وبدا تأجيل بمادة الفيزيا 😂

رديتلكن هيك من كم يوم لما طالبتوا 👇🏻
https://t.me/elphysics_physio/4427050

وبالنهاية يلي كتير حابب يستريح
يستريح
مانا بمدرسة نحن يعني 😂
بس انا بفضل لاء ومن عندي ما رح اعطيكم استراحة

يعني معلش حضروا الضوء الموجي
من باب المتعة
والله فيديوهاتو حلوين 😂❤️

الله يحلي ايامكن يارب 😂😂😂❤️
تم ؟
https://t.me/Elphysics

يعطيكم العافية جميعاً

ان شاء الله يكون انجازكم ممتاز 🔥

▫️طلاب اللاذقية
غداً في محاضرة للدكتور محمد معلا
واظن خبركم هالشي هو
غالباً يعطي الفصل التاني
بدي ياكن تحضروه وتشوفوا كيف انو المطلوب فقط العلاقات من كل فقرة 😂
لهيك لا تصعب الموضوع زيادة
انا شرحت التجارب للاستزادة
فحضار معو بكرا اذا بتقدر
بحيث تحط ايديك ورجليك بمي باردة 😂👍🏻

▫️طلاب دمشق
غداً في محاضرة نظرية بالفيزيا الساعة ١٢
بالمدرج الثامن صحافة
(البناء قريب من كلية طب الاسنان)
ولكن المحاضرة مانا للدكتورة ماجدة
ولا الدكتور ابراهيم ولا الدكتور مروان🥲
شكلن هالسنة للأسف ما رح يعطوكن
بسبب انشغالن بعدة امور ..
رح حاول اعرف مين رح يعطيكن من هون للمسا
وعالحالتين سواء عرفت او لاء
بدي طلب من يلي بيقدر ينزل بكرا
يقلي مين رح يعطيكن
وتسجلولي شو رح يحكي
بدنا نعتمد عكم طالب من هون لاخر الفصل
ينزلوا يسجلولنا المحاضرة
وانا بدوري بسمعها وبشوف المهم والمفيد
وبنزلو عالتطبيق لجميع الطلاب ..
حضروا اهم افكار الاول قبل ما تنزلوا من باب تفهموا الدكتور/ة شو عم يحكي
لان غالبا ما تلحقوا من شدة السرعة 😂❤️
الاستفادة الاساسية من جامعة دمشق
هي الشغلات يلي بيتأكد عليا
لا تتوقع تفهم كل شي من المحاضرة
وبكرا بتفهم شو قصدي
نزلوا وجربوا 👍🏻

▫️طلاب ادلب
صراحة لكون واقعي معك
انا ما بعرف شي بالجامعة ولا بالدكاترة
هالاسبوع ببلش الدوام عندكن ايضاً
حسيتوا في دكتور عم يعطيكن ملاحظات حلوة ومفيدة
"وعم يتأكد عليها" ف أنا بانتظار تبعتولي هالمعلومات 👍🏻

▫️طلاب باقي المحافظات
يلي قريب عالجامعة وما عم يحس بتضييع الوقت
وحاسس الحضور مفيد ينزل
نصحت ببعض الدكاترة متل الدكتورة لمى بحلب
وآصف بطرطوس
ولكن يعني ملاحظاتن عادةً ما بتجي بالامتحان
رغم اني متابعها
حتى احد الدكاترة بحماة
قلن للطلاب كل شي بقول عنو مو مهم درسوه🤣

(الدكتور يلي بيكتب الاسئلة ما بخبي حالو😂)
يعني بتلاقيه بالمدرج عم يقلك هي جبتها للطلاب سنة كذا وهيك
متل الدكتورة ماجدة بدمشق
فيعني الحضور ليس بتلك الاهمية بباقي المحافظات بالفيزيا
رغم انو بعض الدكاترة ماشاء الله معلوماتن جداً مفيدة
وبتمنى من قلبي يكونوا هنن يلي عم يكتبوا الاسئلة

وهاد رأيي يعني
يلي بيقدر يينزل لا يقصر
عالعموم انا رح ضل متابع هالامور
متل ما كنت اول شخص بتابعها من ٤ سنين
لنوصل لكل شي انت بحاجتو
لتحصل على اعلى علامة ممكنة بالمادة 👍🏻🔥
وما يكون ناقصك شي بإذن الله ..

موفقين جميعاً
آسف اني طولت شوي بالرسالة ❤️❤️🙏🏻
بس حبيت حطكن بالصورة
وشكرا لآراؤكم الحلوة عن الضوء والفيديوهات ..

https://t.me/Elphysics

مساء الخير ❤️❤️

اليوم مافي اتمتات عن الضوء الموجي
بما انو بكرا مافي شي كيميا
وفي طلاب لسا ما خلصت الضوء
فمنزلن بكرا للاتمتات
مع شوية دورات صعبة ومنشرحا
ومنزل اخر دورة اهم شي 😂🔥

انا بنسق مع الياس ودالاتي بكرا ..

مبارح كنت عم قلكن حاكيت كل دكاترة الجامعة يلي بعرفن
ما حدا منن بدو يعطي اليوم بدمشق
فخبرتكن تنزلوا تشوفوا مين رح يجي يعطي
قام ما حدا اجا 😂😂😂
لهيك ما كنت عم اعرف مين رح يجي 😂

يعني صراحة هي المؤشرات كلها
تدعوا انو امتحانكن يتأجل ولو شوي
مو معقول بشهر ١٢ اول محاضرة فيزيا تنعطى 🤣
بلكي في طالب حابب يعتمد عالجامعة ..

برأيي يلي عم ينزل سواء بالعملي او بالنظري
اي مشرف او دكتور (استاذ) بتلاقيه عم يعطيك
كلكن اتفقوا تقولولو يرفع اصواتكم بموضوع تأجيل الامتحانات
يعني للآن ما بلش الاعطاء بجامعة دمشق
حرام جداً
منهاج دكتور جامعي ما رح يقدر يخلص نصو
بدك ياني خلصو كلو وتختبرني فيه بشهر ونص ؟
وعندي لسا غير الفيزيا ٤ مواد ؟

ويلي نزل حضر الفصل التاني بغير محافظات
خبروني بعض الطلاب
انو حسوا بنعمة فيديوهات الشرح عالتطبيق😂❤️

موفقين جميعاً نراكم غداً ❤️❤️🙏🏻
درسوا منيح ..

https://t.me/Elphysics

عال١٠ مساءً
رح نزل شوية دورات (الصعبين)
من الضوء الموجي ..
+ اسئلة الموجي تبع آخر دورة ٢٠٢٥ 👇🏻
https://t.me/Elphysicsmcq

+ كم نكشة حلوة من عندي 🤹🏼‍♂️🔥

شغلتنا خفيفة كالعادة شي نص ساعة مو اكتر ..
نراكم ❤️❤️

صباح الخير أعزائي بري ١١ الأكابر ❤️
مافي أحلى من هالجو مع كاسة سخنة
وفيديوهات الفيزياء الطبية 🥰🔥


لا تنطر الساعة تصير ١٢ تماماً لتبلش دراسة
لا تنطر لتترتب الطاولة وتحط حدك صحن مكسرات
وجنبو صحن فواكه يحوي ٣ تفاحات وبرتقالتين ..

لا تنطر لحتى تجيب الهايلايتر الأخضر ..

اذا بدك تنطر كل هاد لتبلش درس بعمرك ما رح تبلش..

الوقت المثالي بعمرو ما بيجي ، لهيك ايمت ما لقيت انك جاهز لتدرس وتستوعب المعلومات فورا بلش فتاح الفيديوهات واحضر ، حتى لو كنت متسطح
اهم شي انك تبلش 🔥🔥🔥

اصعب خطوة هي الأولى (البدء) دائماً
لهيك دغري فتاح فيديوهات الكورس فورا وفتاح الكتاب او النوطة قدامك وتلقائياً مخك رح يتبرمج انو بلشنا دراسة
"اول ٥ دقائق هنن اصعب شي"

بعدا رح تصير تسعى لأنك تخلص فيديو ورا فيديو
صفحة ورا صفحة ..
لتحس بالانجاز
وتصير يوم ورا يوم حابب تزيد هالانجاز ❤️🔥

والدوبامين عندك بصير مليار تجاه الدرس😂🤹🏼‍♂️
وتدريجياً بتتحول الدراسة عندك
من مهمةإلى إدمان ..
وهاد يلي بميز النيردات (اليهود)
وبخلي علاماتن عالية ..

📍مهما كان وضعك
شوف المثبتة فيها ملف فيو تقسيم الفصول تبع المادة
وكل فصل قديش بدو
امسك الفيديوهات وبلش فيهن مع النوطة
ولا تطلع بغيرك أهم شي مالك علاقة بحدا
عليك من حالك تكون عم تدرس وتفهم
وتخلص المنهاج بالمدة المطلوبة

برجع بكرر الوقت بحر وكافِ جداً لتطلع الاول عالدفعة
بس بلش بجدية وحاج كسل وتأجيل ..

وهي فيديو ٢٠ ثانية بالتعليقات للدحيح
بحمسك تدرس بعد ما تقرأ الرسالة 😂❤️👇🏻
https://t.me/elphysics_physio/4438197

موفقين جميعاً ❤️❤️🙏🏻

https://t.me/Elphysics