يعطيكم العافية طلاب بري١٠ وبري١١
وحتى الدفعات السابقة يلي لسا موجودين بالقناة😂❤️

حابب اليوم اعمل تجربة حلوة وعبارة عن مسابقة🥳

مقدمة هي السنة اكتر مقدمة تعبتني
لحتى حاولت جمع كل شي بخص المادة بفيديو واحد
وعرف الطالب عليها بطريقة صحيحة واقعية
وخبرو نحن شو منقدم فيها

حابب من كل طالب بدو يفوت تحضيرية
وحضر المقدمة
يكتب بالتعليقات نصيحة
او جملة سمعها وعجبتو من الفيديو
او شغلة عجبتو من المادة
او بري١٠ اذا حابب تنصح بري١١ كمان تفضل
التعليقات مفتوحة الك😂❤️

بحيث يفتح التعليقات زميلك بري١١ يلي ما حضر لسا
يلاقي مجموعة نصائح مهمة
يقدر يكون صورة عن المادة قبل ما يحضر المقدمة حتى

والنصيحة الحلوة المأخودة من الفيديو
يلي بتجيب اكتر عدد تفاعلات
رح ربحو كود مادة الفيزياء الطبية 🔥

يلي برأيي هو افضل كود لهي المادة بإذن الله
وكل طالب بسوريا سواء هلق او خلال الفصل
رح يكون حابب يحصل عالكود
بسبب الفيديوهات المميزة يلي رح تنزل عليه
يعني ماني مقدملك شي تربحو وتحطو عجنب😂❤️

هي رابط المقدمة
نصيحة الكل يحضرها جدا جدا مفيدة 👇🏻
https://youtu.be/33YOa6sBP5Q

📌غداً مساءً رح نختار الفائز بالمسابقة
خبروا كل رفقاتكم المهتمين بالسنة التحضيرية ..

التعليقات والنصائح ع هي الرسالة 👇🏻
https://t.me/Elphysics/3756

مبارك دكتورة ميسى الفوز بالمسابقة
والحصول على كود مادة الفيزياء الطبية للسنة التحضيرية

ان شاء الله رح يكون عون الك
وعون لكتير طلاب منكن
بتحصيل أعلى علامة ممكنة بالمادة 🔥

جهزوا حالكن واربطوا الاحزمة
السبت اول يوم بخطة الفيزياء الطبية

هاليومين رح تنزل الخطة كاملة وعينة النوطة الجديدة
(الفصل الاول كاملاً)

حاليا مافي شي مطلوب منك ..
غير تحضر المقدمة
لحتى تاخد فكرة كاملة كيف رح نشتغل معكن بالمادة🔥

📌هي المقدمة 👇🏻
https://t.me/Elphysics/3754

بالاضافة لأن صراحة حماسكن بالتعليقات
وبالرسائل عالخاص مبشر جداً
بس ان شاء الله يضل هالحماس لآخر الفصل
هاد الأهم 😂❤️

📌بكرا رح اعمل رسالة مثبتة للقناة
حط كل شي روابط مفيدة بالفيزيا 🤹🏼‍♂️🔥
(الخطة ، البوت العلمي ، قناة الاتمتة ، الخ..)

📌كل شي مبلش سابقاً لحالو وضايع
او لسا مو مبلش
أعيد وأكرر 🔥:
من هون للسبت بدي منك تحضر المقدمة فقط
وتبلش معنا بشكل جدي بالفيديوهات التأسيسية يلي رح نزلك ياها
وتكب كل شي سمعانو سابقاً عن المادة ..

كل يوم رح ذكرك بهالموضوع
مشان ما تقلي بكرا ما لحقت/ ما سمعتك 😔

موفقين جميعا 🙏🏻❤️❤️
خبروا رفقاتكم
كل سبت واحد هنن يومين للفيزيا متل كل سنة ..

خطة الفيزياء الطبية وصلت 🤹🏼‍♂️🔥

ضروري تقرأ هالرسالة عن الخطة 👇🏻
https://t.me/Elphysics/3759

لتعرف كيف رح نمشي سوا متل كل سنة
لنحصل اعلى علامة ممكنة بالمادة ❤️🙏🏻

خطة الفيزيا وصلت 🤹🏼‍♂️🔥
https://t.me/Elphysics/3758

شوية كلام عنا 👇🏻

برأيي هي أريح خطة رح تلاقيها للمادة لعدة أسباب :

🔻١- الكمية مدروسة مع فيديوهات الكورس الالكتروني

🔻٢- الترتيب يراعي الربط بين الفصول
متل ما حكيتلك بالمقدمة
كل كتلة رح ندرسا لحال :
▫️الفيزياء الذرية والنووية
▫️الأشعة الكهرطيسية
▫️الميكانيك والأمواج الميكانيكية
وهاد الترتيب بيعتمدو احد أقدر دكاترة الجامعة🤹🏼‍♂️

هي رابط المقدمة يلي ما حضرا 👇🏻
https://t.me/Elphysics/3754
(حكينا لمحة عن الفصول وعن الكتل التلاتة)

🔻٣- بعد كل كتلة في اسبوع استراحة وترميم
يلي مقصر برمم النقص يلي عندو
ويلي ماشي عالخطة براجع
وبحل الاختبار يلي رح ننزلو🔥
هيك بمخك بتتقسم معلومات كل كتلة لحال
بطريقة كتير مميزة

🔻٤- اخر شي في اسبوع كامل نراجع المادة كاملة
وبالتالي تخيل يلي ماشي معنا عالخطة
كم مرة رح يعيد المادة غير اسبوع المادة ؟ 🤯

الحمدلله هالموضوع كتير عم يفيد الطلاب كل سنة
وفيك تسأل الطلاب يلي قبلك
قديك هالخطة مفيدة كانت ومريحة
وتراعي الترابط بالمعلومات 🤹🏼‍♂️🔥

كل سبت واحد موعدنا مع الفيزيا رح يكون
الخطة انا عاملا مريحة قدر الإمكان
بحيث تقدر تخلص بأقل من هاليومين حتى
خصوصي مع فيديوهات الكورس الشاملة بوقت قياسي
ولكن حاول ما تضل تأجل
وتبلش معنا
كل اسبوع بتقصر فيه بالفيزيا بيروح منك بالمراجعة
بتلاقي رفقاتك يلي معنا عم يراجعوا ويحلو الاختبارات
وانت عم تدرس شي جديد👍🏻

موفقين جميعاً ❤️❤️🙏🏻
عينة مجانية من النوطة والكورس قريباً 😈
عم يتحضر شي جديد خرافي للدفعة ١١ 🔥
جهزولي حالكن ونزلوا التطبيق ..

https://t.me/Elphysics

مبروك صدور اعلان المفاضلة أخيراً 😂🔥

▫️التحضيرية :
عام ٢٢٠/٢٠٨
موازي ٢٢٠/٢٠٤
يعني كأنو ٢٢٨ و ٢٢٤ من ٢٤٠

قراءة الحد الأدنى للقبول
بوجه مبدئياً بانخفاض عن اخر كم سنة
(قريبة من السنة الماضية)
طيب قديش رح تكون المفاضلة التانية بالضبط ؟

هاد الشي بحددو العرض والطلب
يعني كم طالب رح يحط بالمفاضلة تحضيرية
بدءاً من الاسبوع القادم يوم الأربعاء
ولكن عادةً ما بكون الارتفاع اكتر من علامتين كاملين

للأسف هاد العام متأخرين كتير انتو بكل شي
يمكن ما يبلش دوامكن لشهر ١١ 😂💔
لازم يراعوا الموضوع ويكون امتحانكن متأخر شوي
ويصير ازاحة ولو بسيطة للتقويم الجامعي

نسأل الله انو يوفقكم جميعاً ويخترلكن الخير❤️🙏🏻

هي القناة رح ننزل عليها رسائل
بتشرح شوي عن المفاضلة
وشو لازم تعملوا انتو هلق
للمهتمين 👇🏻
https://t.me/Pre11E

الفيديوهات التأسيسية نزلت وصارت عالتطبيق
اول فيديو نزلتو عاليوتيوب 👇🏻
https://youtu.be/-1Q6VlSaB9c

وحطيت بوصف الفيديو رابط تحميل التطبيق ..

▫️هنن ٤ فيديوهات بمدة ٧٠ دقيقة فقط
  قرابة الساعة يعني كلن سوا ..🤹🏼‍♂️🔥

هنن من ضمن خطة السبت
ولكن حبيت نزلن قبل بوقت لتحملوهن وتكون اموركن ممتازة بالتطبيق 🔥

بكل فيديو في هدية بأحد الدقائق
لاول واحد بشوف هالهدية 😂❤️❤️❤️
بمناسبة صدور المفاضلة 😂🥳

وغداً رح نزل قسم من الفصل الاول (خطة السبت)
مع الفصل الاول من النوطة عالقناة هون ..

والنوطة يا هاد الاسبوع يا يلي بعدو بتكون بكل المحافظات

📌ملاحظة :
عينة النوطة تشمل اول اسبوعين كاملين
يعني لا تخاف بتلحق تجيب النوطة

https://t.me/Elphysics

الرسالة المثبتة لمادة الفيزياء الطبية 🤹🏼‍♂️🔥

▫️رابط المقدمة (ضروري الكل يحضرا) 👇🏻
https://t.me/Elphysics/3754

▫️رابط الخطة يلي رح نمشي عليها 👇🏻
https://t.me/Elphysics/3758

رابط تقسيم المادة ( كل فصل قديش بدو وقت)👇🏻
https://t.me/Elphysics/3802

رابط الخطة c++ 👇🏻
https://t.me/Elphysics/3826

▫️رابط علامات بعض طلابنا بمادة الفيزياء 👇🏻
https://t.me/Elphysics/3753

رابط الفيديوهات التأسيسية 👇🏻
https://youtu.be/-1Q6VlSaB9c

▫️رابط قناة الاتمتة 👇🏻
https://t.me/Elphysicsmcq

▫️رابط غروب المناقشة 👇🏻
https://t.me/joinchat/P33uPvEo-8NmZjc0

▫️رابط البوت العلمي (للأسئلة العلمية)👇🏻
@Elitephysics11_bot

▫️رابط التطبيق 👇🏻
https://t.me/Pre11E/120

▫️رابط الدعم التقني (اسئلة بتخص التطبيق)👇🏻
@e_courses_cs

عينة النوطة (الفصل الاول كامل) 👇🏻
https://t.me/Elphysics/3765

كل شي رح ينزل جديد ومهم بالمادة
رح يرجع ينحط بهالرسالة
ورح تضل مثبتة بالقناة
اسما "الرسالة المثبتة" 😂❤️
شاركوها مع رفقاتكم ..

صباح الخير يا اكابر ❤️❤️

هي رابط الرسالة المثبتة بمادة الفيزياء الطبية👇🏻
https://t.me/Elphysics/3762

فيا كل شي روابط مهمة انت بعازتها 🤹🏼‍♂️🔥
شاركوها مع جميع المهمتين ..

ويلي بلش بالفيديوهات التأسيسية
خبرونا كيف لقيتوا الوضع ؟
الحمدلله الآراء إيجابية عالخاص وعالغروب
رغم انو حكيت كتير شغلات جديدة عليكم😂🔥
بس عجبني حماسكم لتلقي المعلومات
صار اكتر من ١٠٠٠ طالب
من مبارح المسا للآن مبلش بالفيديوهات ..

موفقين جميعاً
ان شاء الله بداية خير ❤️❤️🙏🏻

عينة نوطة الفيزياء الطبية
بحلتها الجديدة 🔥

متل ما حكيت بالمقدمة
هالسنة غيرنا تنسيق المادة كاملة
لتصير احلى واريح بالدراسة
لان صرلا ٣ سنين نفس الشكل 😂❤️
فكتير فقرات عدنا تنسيقا لتصير افضل للدراسة
وهالشي رح يبين معك بالفصول القادمة
بشكل اكبر ..

مع اضافة بعض الملاحظات الجديدة
يلي اجت بآخر دورة 🔥

فيك تشوف النوطة وتقارن مع الكتاب
وتتأكد من شموليتا
صفحة صفحة - رسمة رسمة
وتحسا اريح الك بالدراسة واسهل
وبتنقي وقتا أي الأفضل الك

النوطة كاملة خلال هاد الاسبوع بتتوفر بالمكاتب ان شاء الله بخبركن بس تتوفر
لا تخاف العينة تشمل اول اسبوعين كاملين
يعني بتلحق تجيب النوطة
معك اسبوعين🤹🏼‍♂️

اليوم رح ينزل قسم من الفصل الاول عالتطبيق
بشكل مجاني (خطة هذا الاسبوع)

نزل التطبيق وخليك متابع القناة 👇🏻
https://t.me/Elphysics/3762

📌#ملاحظة :
في هدية بالعينة لاول واحد بشوفا😂❤️
دوروا عليها ومبروك سلف للربحان ..🥳

يعطيكم العافية جميعاً 🤹🏼‍♂️🔥
بوست طويل شوي
بس فيو حل لمشاكل
اغلبكم عم يفكر فيهابالوقت الحالي
لهيك بدي الكل يقرأ البوست بعد اذنكم 😂❤️

🔻بعرف اغلبكم لسا مو فايت بجو الدراسة
وتأخير المفاضلة كتير وإعلانا
لعب كتير بهاد الموضوع
ورح يأثر بكرا عدوامكن للأسف
رح يجينا بكرا لسا كتير طلاب
ما رح تبلش لشهر ١١ وقت دوام الجامعات والخ..

🔻لهيك لحتى ترودجوا انا دائما كل سنة
اول اسبوعين بكونوا خفاف
لحتى اذا اجانا شخص متأخر ومو عرفان فينا
يقدر يتدارك تأخيرو
والشخص الماشي معنا يرودج ويتأقلم عطريقة الدراسة

🔻لهيك لا تاكلوا هم
اغلب الرسائل عالخاص :
-هلق لدريوا بالخطة
-او مو عرفانين كيف بدن يدرسوا من النوطة
-او مو عرفانين كيف بدن يقسموا الكمية
ع يومين (السبت + الاحد)
او او او ..

▫️اول شغلة :
عادةً الفيديوهات بتنزل يا المسا
يا وش الصبح
حسب سرعة الرفع عند الدعم
"انا بخبركن كل سبت الصبح شو منزللكن عالقناة"
🔻المطلوب هالاسبوع :
-تأسيسيات (٤ فيديوهات)
-وقسم من الفصل الاول (رح ينزل ٤ فيديوهات)
هيك الاجمالي ٨ فيديوهات

ومنكمل الفصل الاول ب٩ فيديوهات
الاسبوع القادم ومنخلص الفصل الاول
بعدا بدءاً من الاسبوع التالت بكون الكل تعود عطريقة الدراسة والخ..
بصير الموضوع اسهل عليك 🤹🏼‍♂️

▫️تاني شغلة :
في طلاب بتسأل
طيب يعني التأسيسيات ادرسن السبت
وال٤ فيديوهات تبع الفصل الاول ادرسن الاحد ؟
لا ما دخل ابداً
شو نحن صف اول ؟
دروس ايمت ما بدك ..
مثلا بجوز نزل فيديوهات للاسبوع القادم
وطالب مخلص وحضران التأسيسيات اليوم مثلا او مبارح
بيدرس لقدام وين المشكلة طالما مخلص ؟
في طلاب بتدرس الصبح بكير
في طلاب بتفيق متأخرة .. الخ
🔻يلي بهمني :
انو قبل الاحد المسا
تكون مخلص الشي يلي انا طالبتك تنهيه بهاليومين ..
مشان تحل معنا الاتمتات وتتناقش معنا
عقناة الاتمتة (هيك انا بمشي معكن كل اسبوع)

▫️تالت شغلة :
نزلتلك عينة الفصل الاول كامل من النوطة
وهي خطة اول اسبوعين كاملين
فيك تطبعا من اي مكتبة قريبة عليك
لبين ما تجيب النوطة
يا هاد الاسبوع يا يلي بعدو حسب سرعة الشحن
ف كمان انا حاسب حساب هالموضوع
لهيك كل سنة بقسم الاول عاسبوعين
يعني عدا عن انو ضخم الفصل
بس كمان مشان الكل يكون جهز حالو باول اسبوعين

📌تخيل كمان :
اخر شي بس نخلص الكتلة (١-٢-١٢-١٣-٢٢)
في اسبوع عالخطة استراحة وترميم
يلي ماشي برمم وبحل الاختبار يلي رح نزلو
ويلي بلش متأخر ومقصر
برمم تقصيرو
وبعد كل كتلة عامل هيك اسبوع عالخطة😂🔥

بدك احسن من هيك ؟؟؟
التوتر والقلق هاد كلو برسائلكم
صدقاً مالو طعمة
مادتنا ضخمة
وفيا شغلات غريبة وجديدة عليكن كتير
بدك تقعد تتوتر كل شوي مصيبة كتير

🔻لا تخاف انا معك ،
وتذكر شو قلتلك التوتر مؤشر إيجابي👍🏻
دليل ع أنك مهتم
بس لا تخليه يزيد عن حدو بصير مؤشر سلبي👎🏻

غداً من وش الصبح بتلاقي تسجيل مني
بخص كل شي رح ينزل عالتطبيق
وكل شي بخص الفصل الاول
هيك بحمسك شوي عالدرس 😂❤️

موفقين جميعاً❤️❤️🙏🏻
شاركوا هي الرسالة مع رفقاتكم
وهي المثبتة فيها كل شي بحاجتو بالمادة 👇🏻
https://t.me/Elphysics/3762

صباح الخير جميعاً ❤️❤️
المطلوب لليوم وبكرا 🥳🔥

▫️فيديوهات تأسيسية (٤ فيديوهات)

▫️٤ فيديوهات من الفصل الأول
فيزياء طبية- PRE 11: 👇🏻 https://www.youtube.com/playlist?list=PLMxx6QwHIJY1WF5ia354S7gmtsaV97vlQ

🔻مدة الفيديوهات
🔻كيف احضرن وادرسن
🔻ملتقانا يوم الاحد ع قناة الاتمتة
🔻كلام عن الفصل الاول بشكل عام


هي المثبتة فيها كل شي بتحتاجو بالمادة 👇🏻
https://t.me/Elphysics/3762

يلي بلش سواء بالفيديوهات التأسيسية
او بالفصل الأول
كيف لقيتوا الوضع ؟ 🤹🏼‍♂️

اذا متحمسين حابين كمللكن بكرا
فيديوهات الفصل الاول ؟ 😂🔥
طبعاً هي خطة الاسبوع القادم ..
ولكن يلي بحب بكرا يكمل الفصل ليش لاء ؟

كمالة الفصل رح تطلع شي ٣ ساعات
(نفس مدة خطة هالاسبوع)
وهيك بكون خالص الفصل الاول كامل
يلي يعتبر رابع اضخم فصل بالمادة
بظن شفتوا انو ما بحب كتر حكي
وطول بالشرح 😂😂😂❤️
بعطيك كل شي بدك ياه بأقل وقت ممكن
مع over view كمان 😂🔥

لاحظتوا انو الانسان عدو ما يجهل
وانو لما نمشي خطوة خطوة
مافي شي صعب ومستحيل
وكلو بيمشي بكل سلاسة وسهولة ؟ 🤹🏼‍♂️
عطوني رأيكن بالتعليقات 👇🏻
https://t.me/Elphysics

يلي لسا ما حضر و حابب يجرب الشرح هي رابط يلي نزل من الفصل الاول 👇🏻
https://www.youtube.com/playlist?list=PLMxx6QwHIJY1WF5ia354S7gmtsaV97vlQ

مساءً عالساعة ١٠
متل كل اسبوع 😂🔥
اتمتات واختبارات عقناة الاتمتة 👇🏻
https://t.me/Elphysicsmcq

بالشي يلي اخدناه هاليومين ..
عبارة عن ٤ فيديوهات تأسيس
مع ٤ فيديوهات من الفصل الأول
كلن عبعضن ساعتين و٤٠ دقيقة

مهما كان وضعك نصيحة حضرن باقرب وقت
كل ما تأخرت عنا يوم بعد يوم
كل مانا عم تزيد المهمة صعوبة عليك ..
المادة صعبة واكتر مادة فيها مفاهيم جديدة عليك
بالتحضيرية كلا ..

لهيك نصيحة لا تتأخر علينا
خلال هالاسبوع رح تنزل فيديوهات لاسبوعين لقدام
اذا مانك ماشي معنا رح تحس حالك غريب
ونزلت فيديوهات كتير وانت مو حضران شي منا
ف ممكن تكتئب 💔
لا تخاف عم قلك لسا معك وقت بحر ..
ولكن كل ما تتأخر عم تزيد العبء عليك

اتمتات اليوم رح نركز ع كل شي اخدناه
وعلمك كيف بتجي الاسئلة
واهم شغلة رح يكون في اتمتات عن التحويلات
لحتى نركزن ١٠٠٪ من هلق
وكل اسبوع برجع بحركش التحويلات شوي
لحتى أمّن عليكن فيها 😂❤️

بدي الكل يكون موجود ع قناة الاتمتة
لنشوف حماسكن وشغلكن
ونعرفكن كيف بتجي الاسئلة بالامتحان 🔥
https://t.me/Elphysics

مقدمة الفيزياء الطبية للدفعة ١١
الحمدلله صارت اكتر من ١٠ تالاف مشاهدة 🥳
وبوقت قياسي ١٠ ايام تقريباً 🤹🏼‍♂️🔥

كل يوم في كتير طلاب عم يفوتوا جداد
ولسا لهلق مو عرفانين شو عم يصير ..

ببساطة حضار المقدمة فيها جواب لكل الاسئلة يلي ببالك
وصار نازل عالتطبيق ٤ فيديوهات تأسيسية بالفيزيا
و ٤ فيديوهات للفصل الاول فيزيا
كلن نازلين عالتطبيق مجانيات للجميع ..
هدول بس يلي مطالب تحضرن بعد المقدمة لتصير معنا ..

وكل سبت احد هنن ايام للفيزيا
منزل الفيديوهات ، منزل اتمتات ، منتناقش ..الخ
واليوم هو يوم الكيميا مع الدكتورين الياس ودالاتي
المادة الامتع يمكن بهاد الفصل بالدراسة😂🔥

طيب وين رابط المقدمات وين رابط التطبيق
وين رابط قناة الاتمتة .. الخ ؟

كلو بتلاقيه بالرسالة المثبتة 👇🏻
https://t.me/Elphysics/3762

يلي حضر المقدمة ولسا عندو اسئلة
يسألها ع غروب المناقشة
وانت كطالب مشيت معنا وعرفت السيستم يلي منمشي عليه
ساعد زملاءك الك أجر بمساعدتهم 😂❤️

هي رابط غروب المناقشة 👇🏻
https://t.me/joinchat/P33uPvEo-8NmZjc0

اكبر غلط ممكن يوقع فيه الطالب
هو انو يستسلم ..

من اول ما عرفتوني
وانا بقلكن التحضيرية لعبة نفسية😂😂😂

ما عاد نلحق ندرس تحضيرية ؟؟؟!
وه !!! 🤯

لك لسا مافي نتيجة المفاضلة
وبدا شي اسبوعين تلاتة
والجامعة ما بلشت اعطاء بدا شي شهر يمكن
وفي كتير طلاب بتبلش مع الجامعة
وبتتفوق

هلق ما عاد تلحقوا ؟
شو هالاستسلام هاد
اسبوع واحد تأخرت عن الخطة
او لسبب معين ما كنت بتعرف فينا
وما مشي معنا
بتقول لحالك ما عاد لحق ؟

اذا هيك نفسيتك وشخصيتك ف عنجد ما رح تلحق😂❤️
وعنجد لا تفوت تحضيرية لان رح تجيك لحظات صعبة كتير
اذا عند كل لحظة بدك تستسلم
مصيبة كتير ..

يا جماعة خطتنا مريحة جدا
وانا بالفيزيا عاطيك مرتين استراحة للترميم والاختبار
واخر الخطة في اسبوع كامل للمراجعة
وبجوز الوزارة تنصفكن وتأجل الامتحان
ف يزيد معنا اسبوع اضافي
هاد كلو وقت بحر للترميم

أرجوكم ما بدي شوف هيك رسائل
لا عالخاص ولا عالغروبات
انا معكن ورح قدملكن حلول جوهرية
كل اسبوع لتمشي معنا قدر الامكان..

بس اذا شخصيتك انهزامية
ما في شي رح يفيدك
غير تغير تفكيرك السلبي
وتشيلو من بالك بعد اذنك❤️

هلق بتلحق وبرياحة تمشي معنا مهما كان وضعك
لهيك زبط وضعك ، لسا بكيرررر

تجربة الدكتور علي حسن
صاحب اعلى علامة بالفيزياء الطبية
بتاريخ السنة التحضيرية ويلي هي 98 🔥
https://www.facebook.com/share/p/177sAzBujb/

استفيدوا منها واسألوا اذا حابين شي بالتعليقات🤹🏼‍♂️
في لسا تجربة الدكتور مجد التع قريباً ..

https://t.me/Elphysics

مساء الخير يا اكابر 🤹🏼‍♂️❤️

فيما يخص خطة الفيزيا
كالعادة وش الصبح بتلاقوهن نازلين
وبخبركن عالقناة بس ينزلوا ..

حاليا الدعم التقني عم يرفعن ويزبطن
بس ينزلوا بتلاقيهن عالتطبيق
ولحالي بخبرك عالقناة
مو كل شوي تفوت تسأل نزلوا ؟؟؟

ما حبيت حط الفيديوهات فوراً متل ما هنن
ضفت فيديوهات بمثابة تحفيظ
لفقرتين كل سنة الطلاب بتسأل
شو نحفظ منن ؟؟؟

لهيك المميز هالسنة
انو الشغلات الصعبة والمشاكل
يلي كانت تواجه الطلاب يلي قبلك
نحاول نحللك ياها ونختصرا قبل ما تصير حتى😂❤️

لهيك بس تحضر بكرا بتشوف المتعة
وبتعطيني رأيك 🤹🏼‍♂️🔥

واكيد صباحاً في تسجيلنا المعتاد🥳
متل كل اسبوع
منحكي فيه عن خطة الاسبوع كاملة
من الألف للياء ان شاء الله

خليك متابع القناة وضيف رفقاتك
تسجيل بكرا بجاوبك ع كل شي ببالك عن الفيزيا
سواء كنت مبلش معنا او لسا

موفقين جميعاً ❤️❤️
رسائلكم تدل قديشكن متحمسين للمادة 😂
وهاد شي كتير بفرحني ..
ان شاء الله يستمر هالحماس للأخير
لأن مادتنا بدا صبر وجهد كبير لنتجاوزا بعلامة مميزة ..

https://t.me/Elphysics

نزلت خطة هالاسبوع من شي ساعة تقريباً
يلي سهران او يلي فايق يحطن عالتحميل😂

ضل فيديوهين فقط لآخر فقرة
اظن صباحاً بكونوا عالتطبيق

موفقين يا اكابر ❤️🔥

بانتظار الفرم صباحاً مع التسجيل الصباحي🔥

https://t.me/Elphysics

الله لا يسعدلي غير صباحكم 🥳🔥

- الفيديوهات المطلوبة لهاد الاسبوع
- مدة + عدد الفيديوهات
- صعوبة فقرات هالاسبوع
- يلي مو دارس الاسبوع الماضي
- دورات الفصل الاول
- نصائح متفرقة وهامة

بتمنى الكل يسمع التسجيل
ولا حدا يسأل سؤال جوابو بالتسجيل بعد اذنكم 🥲❤️
https://t.me/Elphysics

والله رسائلكم من الصبح شي بكبر القلب 🤹🏼‍♂️❤️

لا تقبل مني من هلق لتخلص المادة
غير تطلع خاتم كل شي بالفقرة ومحيط فيها
بعد كل فيديو بكل الفصول
من هللللق لتخلص المادة كلا بإذن الله ..

هلق بيجيني طالب ماني مبلش بلحق ؟
بعد بكرا طالب تاني مو مبلش بيسألني بلحق ؟
بعد اسبوع ، بلحق ؟

بللللش يا اخي بلش وحاج تسأل
لك لسااااا بكيررررر
والله العظيم بتلحق وحبة مسك 😂❤️
بس بلش حضار واستمتع وما عليك
وكل يوم بتتأخرو
بزيد عبء عليك شي بسيط
لهيك بلش من هلق
لا يعتبر عليك عبء بالمرررة

يلي وصل عالمجاهر كيف لقيتوها ؟؟؟
بالعادة الطلاب يلي ما بيدرسوها معنا
بشوفوها اصعب شي بالفصل 😂❤️

https://t.me/Elphysics