Оддий лекин ҳаётингни ўзгартирувчи одатлар

1. Эрталаб уйғонишинг билан ижтимоий тармоққа кирма. Мийянг осон дофаминга ўрганиб, кун бўйи дангаса бўлиб олади;

2. Ғийбат, ёмон хабар, негатив инсонларга қулоқ тутма. Улар сенинг энергиянгни тортиб олади;

3. Ўз соҳангга оид 3 та китоб ўқиб чиқ. Шунда 97% инсонлардан ўтиб кетасан;

4. Ишхонангда раҳбариятни айблаб ўтирувчи ғийбатчилар билан бирга ўтирма;

5. Соат 20:00 гача кечки овқатни еб олишга ҳаракат қил;

6. Уйқудан ярим соат олдин телефон ва экранга тикилишдан тўхта. (амал қилиш қийинда 😅);

7. Кечқурун узоғи 23:00 гача уйқуга ёт;

8. Уйқудан олдин 1 стакан, уйғонганингда 1 стакан сув ич;

9. Эрталаб 10:00 гача мусиқа тинглама. Ундан кейин ҳам..

10. Ҳар куни камида 10 бет китоб ўқи;

11. Йўлларда манфаатли подкаст эшитиб кет.

— Нега сансирайсиз, админ?
— Сизга эмас, аслида, ўзимга эслатма беряпман!

@ustoz_kundaligi

@elementuby

What is your biggest dream?

I never thought such a simple question could be so hard to answer. For a long time, I kept going back and forth, thinking about different things. But yesterday, it hit me—I finally realized what my true biggest dream is.

I had the honor of being a student of Rustam Ashurmatov, someone I’ll always consider the best math teacher ever. To me, he’s number one. He didn’t just teach us math—he made us fall in love with it. You have no idea how much I love math, and it’s because of him. His way of teaching wasn’t just about exams or grades. It was about showing us the beauty of the subject, making it come alive.

Now that I’m a teacher myself, my biggest dream is to do the same for my students. I want them to love what they’re learning—not because they need it to get into university or earn a certificate, but because they genuinely enjoy it. I want them to feel excited about understanding something new, to find joy in the process, and to look back one day and say, “That’s where it all started.”

If I can do for my students what Rustam Ashurmatov did for me, I’ll know I’ve achieved my dream.

P.s. I'm good at writing when I'm emotional 🫠

@ashurmatov_rustam -> thank you for being such a great teacher and supporter

❇️ Element o'quv markazida bu hafta o'tiladigan matematika fanidan mavzular ro'yxati!

Takror uchun hohlagan guruhlaringa kirishlaring mumkin.

#mavzular

Mavzulashtirilgan test: Hosila 04

✅ Javobi bu yerda

Savollar soni: 30 ta
Muallif: Mehmet Kıvrak
Tarjimon: Rustam Ashurmatov

#mavzutest

@element_math

Бефарқ кузатувчилар — "Bystander Effect"

1964-йил америкалик аёл Кит Жен ишдан уйга қайтар экан, одамлар кўз ўнгида жиноятчи томонидан пичоқланиб ўлдирилади.

Қотилликни кўрган 37 кишидан бирортаси масъулиятни бўйнига олиб, полицияга қўнғироқ қилмайди.

Кейинчалик, ушбу бефарқлик психологлар томонидан тадқиқот қилиниб — "Bystander effect" (гувоҳлар таъсири)", деб номланади.

Тадқиқотга кўра:

Одамлар атрофида бошқа одамлар борлигида — масъулиятни бўйнига олмайди.

Яъни, фавқулодда вазиятларга қанча кўп одам гувоҳ бўлса — уларнинг чора кўриш эҳтимоли шунча камаяди.

Сабаби, инсонлар "Шунча одам борку", деб ўз шахсий жавобгарликларидан ўзларини озод қилишади.

Буни акси ўлароқ — агар қотилликка биргина одам гувоҳ бўлса у 70% ҳолатда дарҳол чора кўриши аниқланган.

Ушбу тадқиқотдан устозлар учун хулосалар:

1. Вазифани синфга эмас, балки ўқувчиларингизни исмини айтган ҳолда беринг:

Ердаги қоғозларни йиғиб чиқарсизлар. ❌

Али, Нафиса — ердаги қоғозларни йиғиб чиқинглар. ✅

2. Ҳар бир талабани бирор бир ишга масъул қилиб қўйинг.

Эшмат — доска артувчи; Тошмат — қоғозларни тарқатувчи; Азиза — чироқни ўчириб ёқувчи ва ҳкз.

3. Фавқулодда ҳолатда ҳар бир ўқувчи бирдек жавобгар бўлишини тушунтиринг.

4. Масъулиятни олган ўқувчиларни синф олдида тақдирлаб туринг.

Ушбу постни охиригача ўқиган бўлсангиз " + " белгисини қолдиринг.

Кўрамиз, сиз одамлар ичида қандай чора кўрасиз. 😉

@ustoz_kundaligi

27-Milliy sertifikat (matematika)

✅ Javobi bu yerda

Tuzuvchi: Rustam Ashurmatov

#milliysertifikat@element_math

Боғчага йиғлаб бор

Укам боғчага бормайман деб йиғлайди. Уйдан чиқишни истамайди. Зўрға машинага «босиб», олиб кетаман.

Боғчага кириши билан бирдан кайфияти яхшиланади. Дўстлари билан кўришиб, кириб кетади.

Ҳаётий қоида шу:

Бошлаш — қийин, жараён — осон.

Биринчи марта инглиз тилида дарс беришимдан олдин — титроқ босганди.

Унданда қийини, рус тилида дарс ўтишимдан аввал — қўрқувдан ухлай олмагандим.

Иккала ҳолатда ҳам дарс зўр ўтганди, алҳамдулиллаҳ.

Ҳозир спортни ўйласам юрагим сиқилади. Нафсим "Қўйсангчи братишка", деб қайтармоқчи бўлади.

Ақлим эса: "Амаллаб залга кириб ол, бир гап бўлар", деб тинчлантиради.

Ҳақиқаттан, залга кирсам ҳаммаси жойига тушади.

Хуллас, нима демоқчиман?

Қўрқиб, бажара олмаётган ишларинг бўлса — бошла. Охирини ўйлама.

Аллоҳ осон қилади!

Пўлат амақи айтганидек:

Охирини ўйлаган — қаҳрамон бўлолмайди.

@Ustoz_kundaligi

37-Test Fizika (20 talik)

Mavzu: Elastiklik kuchi. Guk qonuni

✅ Javobi bu yerda

Tuzuvchi: Ergashev E
#fizikatest

Сиз қандай қарор чиқарасиз? 

Қарорларимизни ақлга таяниб чиқарамиз деб ўйлайсизми? Ундай эмас. Ҳозир исботлайман:

Невролог Антонио Д'нинг айтишича: 95% қарорларимизни ҳиссиётдан келиб чиқиб қабул қиламиз. 

Маркетинг тадқиқотларида ҳам инсонлар сотиб олишдаги 90% қарорларини ҳиссиёт орқали қабул қилиши аниқланган.

Ақлли рекламалардан кўра ҳиссиёт берувчи рекламалар 23% самаралироқ. 

60% машҳур видеолар, ҳиссиётга тегувчи — жаҳлни чиқариш ва роҳат бериш хусусиятига эга. 

80% брендга ҳиссий боғланган мижозлар, унинг камчиликларини кечириб юбора оладилар. 

Мутахассислар ҳиссиётга оид тадқиқотларни ўрганган ҳолда, инсон психологиясига оид қизиқарли фактни аниқлашган:

Инсон ҳиссиётдан келиб чиқиб қарор қабул қилади. Сўнгра қарорларига ақлан баҳона тўқиб олади!

Масалан: 

1. Ҳиссий қарор: Аслида, қариндошлар олдида мақтаниш учун қиммат машина олиш. 

Ақл билан қарорини оқлаш: Машинанинг кам бензин ейиши. Унинг қулайликларини айтиш. Кенглиги сабабли барча оила аъзолари сиғишини пеш қилиш.

2. Ҳиссий қарор: Жамиятдан қолиб кетмагани, унинг ҳам ўз ўрни борлигини исботлаш учун — катта тўй қилиш. 

Ақлий баҳона: Силайи раҳм, бошқаларни тўйига борганлигини айтиш ва ҳкз. 

3. Ҳиссий қарор: Дўстини деб IT Университетини танлаш. 

Ақлий баҳона: "Бугунги кунда компьютерни билмаслик — уят. Келажакда барча нарса информацион технологияга айланиб кетади", деб ўзини ишонтириш.

4. Ҳиссий қарор: Меҳмонларга кўз-кўз қилиш учун — уйини ҳашаматли таъмирлаш.

Ақл билан оқлаш: Шу болажонларим маза қилсин деб чиройли таъмирлаяпман. Мени дуо қилиб юрар. 

5. Ҳиссий қарор: Саёҳат қилиб, чиройли масканларда расмга тушиб жойлаш. «Like» йиғиш. Ҳаммани оғзини очириш учун.

Ақлий баҳона: "Саёҳат ризқни кенг қилади. Дунёқарашни оширади", деб оқлаш. 

6. Айниқса, бўйдоқларда:

Ўтмиши бор қизни севиб қоладида, "Ким ҳам хато қилмайди? Албатта, тўйдан кейин ўзгаради!", каби баҳона тўқиб юрганларни кўрганман.

Қолаверса, инсон ўз ҳиссий қарорларини ўзи оқлашидан ташқари, бошқалардан ҳам тасдиқ қидиришни бошлайди. (Confirmation Bias). 

Мисол учун, у компьютер ўйинларига муккасидан кетган бўлса — "Компьютер Ўйинларининг Фойдалари" ҳақида маълумот топиб, ўзининг нафсоний қарорларини оқлаб олади.

Ечим қандай? 

1. Қарор чиқаришдан олдин — «пауза» олинг. 

2. Сизга қарор қабул қилишда таъсир қилаётган туйғулар — қўрқув, нафс, эго, жаҳлни таҳлил қилинг. 

3. Устозлар билан маслаҳатлашинг. 

4. Шу қарорингизга — 1 ой, 1 йил, 5 йилдан кейин қандай муносабатда бўлишингизга қаранг. 

5. Ўтмишдаги хатоларингиздан хулоса чиқаринг. 

Хулоса

Одатда, ҳиссиёт билан қарор чиқариб, унга ақл билан баҳона топишга мойилмиз. 

Ҳиссиётни — ақлга алмаштиринг!
Биламан, қийин иш.

Қийин ишларни — кўпчилик қилмайди. Каллани ишлатадиган озчилик ичида бўласиз.

@Ustoz_kundaligi

@elementuby

Mavzu test: Trigonometriya 01

✅ Javobi bu yerda

Savollar soni: 30 ta

Muallif: Mehmet Kıvrak

Tarjimon: Rustam Ashurmatov

#mavzutest

@element_math

❇️ Element o'quv markazida bu hafta o'tiladigan matematika fanidan mavzular ro'yxati!

Takror uchun hohlagan guruhlaringa kirishlaring mumkin.

#mavzular

"Vaqtingni nimaga sarflayotganing haqida o'ylа, kim uchun va nima uchun o'qiyotganingni esingdan chiqаrmа, ota-onangni yuzini yerga qaratma. O‘qi!"

Albatta ko'ringlar....!

@elementuby

Mavzu test: Trigonometriya 02

✅ Javobi 👉 bu yerda

Savollar soni: 30 ta

Muallif: Mehmet Kıvrak

Tarjimon: Rustam Ashurmatov

#mavzutest@element_math

⚠️ DIQQAT EʼLON!

Element oʻquv markazi, Viloyatimiz aholisini Respublika Konstitutsiyasi qabul qilinganligining 32 yilligi bilan chin dildan muborakbod etadi!

"Element" oʻquv markazi 9-dekabr kuni oʻz ish faoliyatini davom ettiradi!

Barcha fanlar oʻz vaqtida boʻladi!

Фанини чуқур биладиган устозга — ўқитиш маҳоратини ўргатгандан кўра, ўқитиш маҳорати юқори бўлган устозга — фанини ўргатиш осонроқ.

@Ustoz_kundaligi

Avstraliya ham 16 yoshdan kichiklarga ijtimoiy tarmoqlarni ta’qiqladi. (avvalgilarini yozgandim)

Jarima - 32 mln$ gacha.

Jonatan Haidthning ijtimoiy tarmoq va telefonlar zarari haqida kitobi chiqdi.

Xulosasi: 16 yoshgacha ijtimoiy tarmoqlardan foydalanish bolalarni, zaifroq, ahmoqroq, dangasaroq, ko’proq siqiladigan, diqqatsiz qilib qo’yayapti.

Butun kitob dalillardan iborat.

Smartfon, planshet olib berib - tinchlik sotib olayotgandursiz. O’rniga farzandingiz potensialini yo’qotib yuboryapsiz.

Bolangizni kelajakda muvaffaqiyatli bo’lishini istayapsizmi?

IT, top universitet, eng kuchli ustozlar, to’garaklar kabi yuzta narsaga ovora bo’lmang.

Shunchaki 16-yoshigacha ijtimoiy tarmoq, virtual o’yinlardan uzoq tuting.

Real o’yinlar, kutubxona, foydali videolar to’la hard disk qilib bering.

Bediqqat, sabrsiz, xotirasi past 95% tengdoshlaridan kilometrlar oldinda bo’ladi.

Oxirgi to'rt yilda 30 000 yoshlarimiz IELTS 7.0+ olishibdi.

Yiliga topshirayotganlar esa 35 000 dan oshibdi.

Aholi soniga test topshirish bo’yicha dunyoda top 15 talikka kirib bo’libmiz.

Navoiy Muhokamatul Lug’ataynda yozgandilar: Turklar (hozirgi o’zbeklar) fors tilini o’rgansa, forslardek gapiradi, sezmaysan. Forslar turkcha gapirsa, bitta jumlasidan bilasan.

Bizning tilga iqtidorimiz bor.

Shu ko’rsatgichlarni uch barobar oshirsak Vietnamdan, besh barobar oshirsak Singapurdan til bilishda o’tib ketamiz.

Til o’rganing, bo’shashmang.

Va yana,

Til o’rganish bilan to’xtab ham qolmang, azizlar.

Mavzu test: Trigonometriya 03

✅ Javobi bu yerda

Savollar soni: 30 ta

Muallif: Mehmet Kıvrak

Tarjimon: Rustam Ashurmatov

#mavzutest@element_math

Mavzu test: Trigonometriya 04

✅ Javobi bu yerda

Savollar soni: 30 ta

Muallif: Mehmet Kıvrak

Tarjimon: Rustam Ashurmatov

#mavzutest@element_math

Миқдор лаънати — "Кемпбелл Қонуни"

Кемпбелл қонуни — қарор қабул қилишда битта ўлчовга таянишнинг салбий оқибатларини таъкидловчи қонун:

Ижтимоий қарорлар қабул қилишда миқдорий кўрсаткич қанчалик кўп аҳамиятли бўлса, у шунчалик кўп коррупцияга дучор бўлади ва у ижтимоий жараёнларни бузишда хизмат қилиши мумкин.

Осонроқ тушунтираман:

Агар бирон жойнинг яхши ёки ёмонлигини биргина кўрсаткич белгилаб берса — шу жой бор диққатини фақат шу кўрсаткич устида ишлашга қаратади.

Бошқа муҳим жараёнларга беъетибор қолади.

Масалан: 

Мактабнинг муваффақияти унинг олимпиадада ўрин олган ўқувчилар сонига қараб белгиланса — мактаб бор эътиборини шу кўрсаткичга қаратади:

Фақат олимпиадада ўрин оладиган ўқувчиларга меҳр беради. Қолганларнинг аҳволи абгорлигича қолаверади)

Энг ёмони, энди мактаблар ҳақиқий илм устида эмас, олимпиада устида беллашишга ўтади. Коррупция, сотиб олиш, ғирромлик бошланади. 

Бундан ташқари, инсонни маънавий юксалтирувчи фанлар — тарбия, расм ва ҳкзлар иккинчи даражали фанларга айланади. Мактаб асл миссиясини ёқотади.

Аянчлиси, Кембелл қонуни ўқитувчиларга ҳам таъсир қилади:

Агар ўқитувчилар маҳорати ўқувчиларининг тест натижаларига кўра белгиланса — натижаларни сохталаштириш бошланади.

2011 йил ўтказилган тадқиқотга кўра 20% устозларнинг ўзлари ўқувчилари кўчиришларига қўйиб беришлари аниқланган.

Бизда 80% бўлса керак!

Бошқа соҳаларда ҳам Кемпбелл қонунининг салбий таъсирини кўришимиз мумкин:

1. Докторлар муваффақияти, ундан даво топган беморлар сонига қараб белгиланса: қисқа муддатда фойдали, узоқ муддатда зарарли дорилар бериши эҳтимоли ошади.

2. Полициячилар натижаси, жиноятнинг топиш сони билан белгиланса, кичик шўхликларни ҳам «резултат» учун расмийлаштириши кучаяди. 

3. Сотувчиларнинг ойлиги сотувига қараб белгиланса, ёлғон қўшиш эҳтимоли ошади.

4. Блогерларнинг натижаси "like" сонига қараб белгиланса, савияли эмас, "like" яхши йиғадиган контент қилишга ўтади.

Ечим қандай?

1. Ўлчов метрикалар сонини ошириш;
2. Узоқ муддатли фойдага эътибор;
3. Қолганини ўзингиз топиб оларсиз..

P.s: Бекор узун пост ёздим-да. "Like" йиғиши қийин..

Ustoz_kundaligi

УМРБОД ЧЕТЛАТИЛГАН МУРАББИЙ!
 
Дунё кўз-қулоғи бўлиб қолган интернет тармоғининг, чамаси, бугун ҳеч ким сонини аниқ айтолмайдиган сон-саноқсиз янгилик хабарларидан иборат бир саҳифасига кўзим тушди.

Эътиборим тушгани ҳам мақола сарлавҳасида “мураббий”, “ўзбекистонлик олимпиада ўйинлари икки карра ғолиби”, “умрбод четлатилади” деган сўзлар борлиги сабаб бўлди, шекилли.

Мақоладан англашилгани шуки, кўп йиллик болалар спорт мураббийси суд қарори билан умрбод устозлик қилиш ҳуқуқидан маҳрум этилибди. Бу “бахтиқаро” нима қилиб қўйибди экан, деб роса даҳшатли сценарийларни хаёлингизга келтириб дилингизни хира қилишга шошилманг.

Суд қароридан билганимиз – устозга қўйилган асосий айблов спорт машғулотларига келган айрим ортиқча вазнли болаларга “Бунча семизсан”, “Камроқ есанг бўлмайдими”, “Бунақа вазн билан катта натижаларга эришолмайсан” кабилидаги мурожаат қилинишида экан. Бир қарашда  устоз болаларни яхши томонга ўзгариши учун туртки бераётгандай кўринади.

Бу ерда қарийиб юз йил аввал психологияда пайдо бўлган бихевиоризм таълимоти ўргатган тажриба – одамни бирор хатти-ҳаракатни бажаришга одатлантирмоқчи бўлсанг, бу ҳаракатни бажарганида қувватловчи рағбатни беришинг керак, деган ғояси ёдга келади.

Замонавий психология фани устунларидан бири бўлмиш бихевиоризм таълимоти оталари ўргатганидек одамнинг маълум ҳаракатларини қувватлов мусбат ёки манфий бўлиши мумкин.

Масалан, ўқитувчи ўқувчига “Шеърни тўлиқ ёдлаб берганлар ёзма ишдан озод қилинади”, “Умуман дарс қолдирмаган ўқувчиларнинг ота-онасига ташаккурнома берилади”, “Энг озода синф мактабга намуна қилиб кўрсатилади” деб, яъни мусбат қувватлов – ниманидир бериш эҳтимоли билан мурожаат қилиш бор.

Аксинча, нимадандир маҳрум  қилиш ҳавфи – “Кечикканлар киритилмайди”, “Иккичилар синфдан-синфга ўтказилмайди”, “Шеър ёдлаб келмаганларнинг чорак баҳоси паст чиқади” каби манфий қувватлов ҳам мавжуд. Таассубки, гўё мақсад бир бўлгани билан, бихевиорист тадқиқотчилар изланишларидан мусбат қувватлов самарали натижа бериши исботланган. Тўғри, манфий қувватлов ҳам тезкор эффект беради. Аммо бу йўлдан бориб ҳосил қилинган сифатлар тез пайдо бўлгани билан натижа давомий бўлмас экан-да.

Юқоридаги назарий мулоҳазалардан шуни англаймизки, гап аввалида эслаганимиз – умрбод спорт мураббийлигидан маҳрум этилган устоз агар “Озмасанг, мусобақага олиб бормайман” дегандан кўра “Мусобақага чиқиш учун ортиқча вазндан қутилиш керак бўлади” деганида ёки “Бундай ейишингда чемпионликни хаёлингга келтирма” ўрнига “Чемпионликка эришай десанг, овқатланиш тартибини қайта кўриб чиқиш керак” деганида, эҳтимол, суд залининг “тўрини” эмас, бахтиёр ўқувчилари даврасини безатиб турармиди?!

Демак, муҳим хулоса: бериш эҳтимоли билан ўқувчини ҳаракатга келтириш, бермаслик ҳавфи билан қўрқитишдан афзалроқ!

P.S. Психологик жиҳатдан тўғри рағбатлантириш қоидалари ҳақида кейинги постларимизда алоҳида тўхталиб ўтиш режамиз бор.

Психология фанлари доктори— Пўлат Эргашев