السلام عليكم .🤍🕊
بنعطي تحفيز شويه مش تقرو في العطله🥲
هيا صح عطله وراحه.بس انت/تِ كطالب شهاده لما تاخد راحه بطولها حيصيرلك ضغط في الجاي فإنت توا لما بتقرا حتقرا بالراحه حتي المعلومه تثبت فيسع لان موراك شي ومتقراش بضغط ....ويلي بتقراه توا حيساعدك في المده الجايه ويريحك ميخليكش في ضغط وتزيد تبته لما تاخده في المدرسه خدوها مني حتقولو الحمد لله لقرينا في العطله ونقصنا ع روحنا هلبا 🤓🤍..
وبالنسبه للمنهج السيمستر الاول ممكن تراجه مش متنساشي بس لان انتم خديتو فيه جهد فعطول حتلقا روحك حافظه ممكن تثبيت معلومه بس ..وممكن توا حتي بتقرا اقرا المواد يلي صعب حفظها بس والباقي ساهل تقدرو تكملوه مزالنا شهور نكملو فيهم المنهج ونراجعوه ✨🩶 ..
*وبالتوفيق للجميع *🥀❤

كلام ولاغلطة 💯
اي شخص ناوي ع نسبة قوية المفروض ما يضيعش العطله كلها ويخلي دماغه يرتاح هلبا لان العقل شبيه بالعضله

والعضله تبي تمرين ف نصيحة مرن عقلك ديما وربي يوفقكم جميعًا 🤍

مساء الخير

بعض الناس يظنون أن المهندسين يرون الآخرين أقل شأنا منهم ، وهذا امر خاطئ.. هم لا يرون الآخرين أصلًا.

قمة التواااضع😂

السلام عليكم
حالياً نحاول ندرس فكرة إن نبدا في شروحات حتى لمادة الرياضيات

لكن الوقت للأسف مش قادر يسعفني بالذات فكرة ان اصلاً في اللابتوب ضروري نجهز الكتيبه قبل ما نبدا

مرات نتبع اسلوب جديد في الشرح لكن حالياً قاعد في مشكلة الوقت.

وقبل كنت مداير اشتراك عبر منصة في مادة الفيزياء حالياً ح نبدا وندير اشتراك تكون فيه طرق الدفع اسهل واحسن اللي هوا اشتراك عن طريق الرصيد

ونفس الآلية المتبعه قبل ح نتبعها توا

في الاشتراك ح تلقى العديد من حلول اسئلة السنوات والشروحات لكل شي هذا الفرق الوحيد

لكن ك فكرة عامه اكيد طلبتنا اللي يبو شي مجاني ح يلقوا فيديوات تشرحلهم وتسهل عليهم.

وربي يسهللكم ويوفقكم جميعًا 🤍

ضروري يطلع حد يذكر النادي هذا بمكانته😂🔥

وهلا مدريد😂🔥🔥🤍

شرح أساسيات التفاضل
في هذا الفيديو ح تتعلمو:

-تفاضل الثابت
-تفاضل الثابت مضروب في متغير
-تفاضل المتغير المرفوع لأسس
-تفاضل الدالة المرفوعة لأسس
-تفاضل الجذر


آراءكم في طريقة الشرح تهمني جداً جداً يا ريت تشاركونا بي رأيكم

توا هكي معش بدينا فيزياء بس ف نغيرو اسم القناة🤣

ولا نديرو قناة للرياضيات بروحها؟

نقوللكم حل
ح انقسم محتوى القناة بحيث بعد كل باب ب انزللكم كل شي متعلق بالباب في بوست واحد

وانت تشوف براحتك

كثرت القنوات غر بتلخبطكم

لو في حد شاف الفيديو
اعطينا رأيك في الشرح

اليوم ولا غدوا ينزل فيديو تفاضل حاصل ضرب دالتين وتفاضل خارج القسمه🔥

الفيديو الثاني في التفاضل

-تفاضل حاصل ضرب دالتين
-تفاضل خارج القسمة

حل أمثلة من تمارين 3-هـ

الفترة الجايه ح نبدا في تصوير الفتره الثانيه للفيزياء

خلوكم مترقبين وجاهزين

والايام الجايه ح نبدو في الكورسات اونلاين سواء رياضيات او فيزياء🔥

وين واصلين في الرياضيات ؟

اغلبكم مقدمين في المنهج تعتبرو
معناها المفروض نشدو الاحزمه شوية😂

المهم الناس اللي شافت الفيديوات الزوز الاولات تقوللنا هل فهموا بداية التفاضل

لأن اهما اساسيات كل شي وغر نقدموا القدام ح نبدو نطبقوا ديما القوانين هاذو😅

احم احم
(نجرب في مسجات القناة)😂

شني جو اول يوم دراسي؟
وبديتو في المغناطيسية ولا ما زال؟

نزلت البوست ع اساس بنرد عليكم
لقيت نفسي راقد توا كيف نضت😂😂😂

مشكله حياة الطالب الجامعي والله😂😂

عموماً نطمنكم
ابواب المغناطيسية تعتبر اسهل من الكهربائية

حرفياً قانون وبتعوض بس
فيها كثرة قوانين بس لو حفظتهم مش ح يوقفك اي سؤال فيها

وبعون الله الفتره الجايه ح نبدالكم في الفيديوات غر الوقت ضيق بس حالياً لكن ح ندير راي