السلام عليكم جميعًا
الفترة اهيا مضغوط شوية في الكلية ومرات معش نلحق نفضى ندير شيتات الحق زي قبل

ف شن رايكم شن الأحسن نتخلوا ع شيتات الملخصات ونركزو ع شيتات أسئلة السنوات

شن رايكم اما احسن شيتات استفدتوا منهم لأن مع ضغط الكليه في الشك نقدر نكمل ان ندير شيت شرح وشيت أسئلة سنوات😅

غدوا الختام🔥

شن عندكم اخر يوم🤓

حقا اكيد كلكم درتو امتحان الفيزياء

شن صار فيكم في الفيزياء؟

اكيد فل ولا🤓😂

انقلبت الموازين اني توا قرايه وشيتات ومنهج متراكم وانتو مرتاحين

ما تتشمتوش هلبا عيب😂

شن بديرو في العطله قرايه ولا راحه😂؟

الجامعه اللي تبوها:

آخر مره تكلمنا ع الفيلم هذا
قلنا ح نشرحوا كيف صار او كيف خشو لكوكب وقعدو فيه ثلاث ساعات ولما طلعوا لقو ان مر 23 سنة في وقت الارض

هذا الشي العديد منكم اكيد اعتبره خيال علمي

لكن نحب نصدمكم ان الشي هذا قريب للحقيقة جداً لأن النظرية النسبية لآينشتاين اثبتت هذا الشي.

في النظرية النسبية لآينشتاين اثبتت إن في شي اسمه (التمدد الزمني)
باهي شن معناه التمدد الزمني؟

التمدد الزمني يعني ان الزمن مختلف من مكان لمكان

ووقت تكلمنا علي السرعه كأبسط مثال اثبتنا هذا الشي.

ف النظرية النسبية لأينشتاين اثبتت ان عند زيادة قوة الجاذبية الزمن ح يكون ابطأ وهذا الموضوع اثبتوه بتجربة علمية وقت حطو ساعه ع جبل وساعه ع البحر ولقو في فرق في التوقيت.

فاللي صار في الفيلم ان هما خشو لكوكب قريب من ثقب اسود

عند الثقب الاسود تكون الجاذبية كبيرة جداً في نظريات ان الانسان يوصل لنقطة يسموا فيها نقطة التفرد هاذي النقطة يتوقف عندها الزمن لأن الجاذبية تكون اكبر ما يمكن.


فاللي صار ان في الكوكب بدي الزمن بطييء لان زي ما قلنا الكوكب في مدار هذا الثقب

الفيلم عبارة عن خيال علمي لكن ابدع المخرج في سرد النظريات الفيزياءية المختلفة.

الواحد فتح شيتاته نازل عليه شعور الاجتهاد الضي هرب ع وجهه🙂😂

السلام عليكم .🤍🕊
بنعطي تحفيز شويه مش تقرو في العطله🥲
هيا صح عطله وراحه.بس انت/تِ كطالب شهاده لما تاخد راحه بطولها حيصيرلك ضغط في الجاي فإنت توا لما بتقرا حتقرا بالراحه حتي المعلومه تثبت فيسع لان موراك شي ومتقراش بضغط ....ويلي بتقراه توا حيساعدك في المده الجايه ويريحك ميخليكش في ضغط وتزيد تبته لما تاخده في المدرسه خدوها مني حتقولو الحمد لله لقرينا في العطله ونقصنا ع روحنا هلبا 🤓🤍..
وبالنسبه للمنهج السيمستر الاول ممكن تراجه مش متنساشي بس لان انتم خديتو فيه جهد فعطول حتلقا روحك حافظه ممكن تثبيت معلومه بس ..وممكن توا حتي بتقرا اقرا المواد يلي صعب حفظها بس والباقي ساهل تقدرو تكملوه مزالنا شهور نكملو فيهم المنهج ونراجعوه ✨🩶 ..
*وبالتوفيق للجميع *🥀❤

كلام ولاغلطة 💯
اي شخص ناوي ع نسبة قوية المفروض ما يضيعش العطله كلها ويخلي دماغه يرتاح هلبا لان العقل شبيه بالعضله

والعضله تبي تمرين ف نصيحة مرن عقلك ديما وربي يوفقكم جميعًا 🤍

مساء الخير

بعض الناس يظنون أن المهندسين يرون الآخرين أقل شأنا منهم ، وهذا امر خاطئ.. هم لا يرون الآخرين أصلًا.

قمة التواااضع😂

السلام عليكم
حالياً نحاول ندرس فكرة إن نبدا في شروحات حتى لمادة الرياضيات

لكن الوقت للأسف مش قادر يسعفني بالذات فكرة ان اصلاً في اللابتوب ضروري نجهز الكتيبه قبل ما نبدا

مرات نتبع اسلوب جديد في الشرح لكن حالياً قاعد في مشكلة الوقت.

وقبل كنت مداير اشتراك عبر منصة في مادة الفيزياء حالياً ح نبدا وندير اشتراك تكون فيه طرق الدفع اسهل واحسن اللي هوا اشتراك عن طريق الرصيد

ونفس الآلية المتبعه قبل ح نتبعها توا

في الاشتراك ح تلقى العديد من حلول اسئلة السنوات والشروحات لكل شي هذا الفرق الوحيد

لكن ك فكرة عامه اكيد طلبتنا اللي يبو شي مجاني ح يلقوا فيديوات تشرحلهم وتسهل عليهم.

وربي يسهللكم ويوفقكم جميعًا 🤍

ضروري يطلع حد يذكر النادي هذا بمكانته😂🔥

وهلا مدريد😂🔥🔥🤍

شرح أساسيات التفاضل
في هذا الفيديو ح تتعلمو:

-تفاضل الثابت
-تفاضل الثابت مضروب في متغير
-تفاضل المتغير المرفوع لأسس
-تفاضل الدالة المرفوعة لأسس
-تفاضل الجذر


آراءكم في طريقة الشرح تهمني جداً جداً يا ريت تشاركونا بي رأيكم

توا هكي معش بدينا فيزياء بس ف نغيرو اسم القناة🤣

ولا نديرو قناة للرياضيات بروحها؟

نقوللكم حل
ح انقسم محتوى القناة بحيث بعد كل باب ب انزللكم كل شي متعلق بالباب في بوست واحد

وانت تشوف براحتك

كثرت القنوات غر بتلخبطكم