السلام عليكم
جمعتكم مباركة جميعاً🤍

نزلتلكم شرح للناس اللي تبي جو شرح ع السريع لأول باب

شرحت فيه شدة المجال الكهربائي وقانون كولوم

ح نستمر ع هاذي الطريقة في صفحة الفيس

لو حد عنده صاحبه يبيه يستفيد يبعتله لينك الصفحة وحتى انتو ديريو متابعه بش يوصللكم كل جديد🤍🙏🏻

موفقين جميعاً🤍

https://www.facebook.com/profile.php?id=61553776693325&mibextid=PlNXYD

السلام عليكم
كيف حالكم جميعًا ووين واصلين في الفيزياء

بعون الله اليوم ولا غدوا انزللكم شرح الباب الرابع

وبعون الله عندنا مكثف مجاني ح نديروه من الباب الأول للرابع مكثف انقاذ الفترة الأولى🤣

وربي يوفقكم جميعًا في جميع المواد المهم الفيزياء تسكروها بس🤓

المكثف مجاني وع التيلي
وفي أكثر من مادة وفرتهالكم مع أكثر من أستاذ🤓

وكله اونلاين شن تبو دلع بعد هكي🤣

الباب الرابع{شرح القدرة الكهربائية والطاقة الكهربائية وحساب التكلفة}

فيديو تلم فيه كيف تحل مساءل الباب الرابع

طبعاً ح نحاول انوتيلكم شيت أسئلة سنوات لو قدرت ولكن مرات صعب بحكم ضغط القرايا وتوا بنبدوا في المكثف

لكن ح نشرحوا بعض الأسئلة في فيديوات بعون الله

موفقين جميعاً🤍

بسم الله الرحمن الرحيم

بعون الله من يوم الغد تنطلق مبادرتنا لطلبة الشهادة الثانوية.

مبادرتنا ح تكون عبارة عن مكثفات للفترة الأولى
في المواد التالية:
-رياضيات
- إحصاء
- ميكانيكا
- فيزياء
- إنجليزي

جميع تفاصيل المحاضرين ووقت المحاضرات الخاصة بكل أستاد ح تنزل اليوم وغدوا ع قناتنا أو صفحتنا🔥

ما تنسوش تفيدو اصدقاءكم وتوصلوا البوست لأكبر عدد من الطلبة

وموفقين جميعاً🙏🏻🤍

السلام عليكم ورحمة الله وبركاته
بوست خاص بمكثف الفيزياء.

مكثف مادة الفيزياء:

ح تكون عندنا خمسة محاضرات
من الثلاثاء حتى السبت.

بحكم إن وقتنا ضيق ح نشرحوا أغلب المواضيع اللي تعتمد بشكل كبير ع الفهم
———————————————
مواضيعنا ح تكون كالتالي:

محاضرة 1

شرح الباب الأول {قانون كولوم+ المجال الكهربائي} + حل أسئلة سنوات ع الباب الأول

محاضرة 2

شرح الباب الثاني{التيار + القوة الدافعة الكهربائية +فرق الجهد+المقاومة} + حل أسئلة سنوات

محاضرة 3

شرح الباب الثالث{دوائر التوالي والتوازي} +حل أسئلة سنوات

محاضرة 4
تكملة في شرح الباب الثالث + شرح أهم مواضيع الباب الرابع

محاضرة 5

حل أسئلة سنوات على البيبان الأربعة + مراجعة عامة
———————————————-

مدة كل محاضرة ح تكون من ساعة ونصف إلى ساعتين

التوقيت من 8-10

بعد الإنتهاء ح نديرلكم اختبار تجريبي بحيث إن تتأكدو من فهمكم

فيزياء شهادة ثانوية {عبدالمهيمن كشون}ً


للإنضمام:

https://t.me/+i0wN5Ifdmps5MmY0

هذا الرابط اللي ما فهمش كيف يخش:

https://t.me/+i0wN5Ifdmps5MmY0

رص عليه يدخلك

ديرو شير نشوف فيكم را🤨😂

العديد من الناس تفتفسر المكثف مجاني

نبو منكم دعواتكم بس ونحاولوا نفيدو أكبر قدر ممكن من الناس للأجر🙏🏻🤍

ف أدعمونا بالمشاركة🙏🏻🤍

تذكير بمحاضرة المكثف للباب الاول اليوم الساعة 8
ح نتكلموا ع مواضيع القوة الكهربائية والمجال الكهربائي مع حل أسئلة سنوات للباب الأول

موفقين جميعاً

دقائق ونبدو البث في قروب المكثف

هذا البوت اني مدايره شخصياً من لما كنت شهادة زيكم🤣

كل مره قعدت نزيد عليه ونعبي فيه لين توا وصل هكي

بحكم ان امتحاناتكم قربت ديرو دوره عليه فيه العديد من الحلول لهلبا مواد وحاجات تفيدكم🤍

https://t.me/Thehopedesired_bot

دقائق وح نبدو بث باب ثاني فيزياء في قروب المكثف (مجاني):

لحضور البث:

https://t.me/+i0wN5Ifdmps5MmY0

السلام عليكم

بسم الله

منخش في اللُّب طول
مكثف رياضيات حيكون بنظام (T³) بمعنى (T×T×T) بمعنى (test-teach-test) بمعنى (اختبار تعلم اختبار ) يعني حنزل اختبار حتى مش فاهمين حاولو تحلو بعدها تفرجو عالشرح بعدها حلو الاختبار التاني

حيكون في T³ للباب الاول والثاني والثالث

وحيكون في Qs يعني مرة مرة حنزل سؤال تحلوه

وحيكون في امتحان شامل للبيبان الثلاثة

حنبدأ انزل اول T³ الخميس او الجمعة

رابط القناة : https://t.me/mathnrd
رابط المجموعة :

https://t.me/+sTimOl89USRkNDZk

بالتوفيق للجميع ♡

كورس الرياضيات هذا يا ودي ننصحكم بيه😂

اهو الرابط:

https://t.me/+sTimOl89USRkNDZk

صباح الخير جميعًا
أجواء ماطرة نبدوها بنصيحة فيزيائية😂 ⚡️:

'كن كالمقاومة تؤثر في التيار، ولا يستطيع التيار أن يُؤَثِّر فيك'

كيف نكتب في البوست الضي هرب 😂

ادعو الضي يجي لأن صعب نفتحوا من غير ضي

ف دعواتكم توا يا اما بنأخرو في البث مرات

ان شاء الله يجي في حدود الساعتين هاذو

ح نبدو بث ع الموعد بعون الله⚡️⏳

السلام عليكم

ح نخليلكم البوست هذا نصيحة مني ليكم

اول شي اي أستاد او مدرس سواء كان في كورس او استادك الخاص انما هو وظيفته تقتصر ع 30% من انك توصل للفهم السليم.

المدرس وظيفته ان يسهل عليك طريقة فهم الكلام اللي مرات تشوفه مبهم بس.

70% عليك انت را

يعني مثلاً لو حضرت محاضرة عندي او عند اي استاد وما جربتش بعدها انك تحل بإيدك وتستمر ع الحل وتبحث ع اسئلة مختلفة

مرات يجيك سؤال يصدمك بعدين

هذا اللي ديما انبه عليه

يا ريت اي شخص يحضر اي محاضرة في اي درس او اي مادة يقعمز يجرب يحل بينه ىبين نفسه

يشوف نفسه هل هوا فاهم او لا
————————————-
اني عن نفسي اسلوب نتبع فيه حتى توا في قرايتي

نفتح فيديوا شرح نشوف سؤال نحاول نحله بروحي

لو علقت وهكي نشوف الفيديو نفهم غلطتي وين

لو انت طبقت هكي شن ح يصيرلك ح تبدا الغلطة هاذي ديما في راسك

ف رجاء خاص منكم جميعاً جربوا تحلوا بإيديكم الفيزياء مساءلها تبي حل بإيدك انت

وتجرب اكبر قدر ممكن من الأسئلة

وموفقين جميعاً🤍