اني ح نسكر امتحان الفيزياء
-نيكولا تسلا

ح انزللكم فيديو يحللكم مشاكل قواعد (قبضة اليد اليمنى-فليمنج لليد اليمنى-فليمنج لليد اليسرى)

السلام عليكم

العديد منكم يسإل على كيف نقرا فيزياء وكيف انظم البيبان

بالنسبة لموضوع القرايا يختلف من طالب للتاني

في اللي متمكن من الفيزياء ومكملها
هذه الفئة ننصحها تحل سنوات فقط وتراجع بعض المعلومات النظرية من الملخصات ع السريع



ثاني فئة:
في حاجات عندها مش مكملتها او مش مراجعتها كويس

ننصحكم تهتموا باللي مش فاهمينه يعدين قعمزو لي السنوات وحلوا هلبا افكار بش تقدرو تتمكنوا


طبعاً ما اعتقدش في ناس المفروض تبي تتعرف ع المادة توا😃!

اخديتوا وقت بش تراجعوها وتقروها مليح


ع المهم نقطة مهمة مرات تحسوا نفسكم مش فاهمين ومتوترين وناسيين

هاذي حاجة طبيعية تصير عادي كملوا طبيعي وقدها بعون الله🫡🤍



يارب يكون مستوى الأسئلة في حدود المعقول وتفرحونا بنتائجكم🤍

شرح
-قاعدة قبضة اليد اليمنى
-قاعدة فليمنج لليد اليسرى
-قاعدة فليمنج لليد اليمنى

لو درنا بث تبوه ع شن يكون؟
ناخدو نماذج سنوات نحلوها مع بعض؟

اللي عنده مشكلة في مسائل الباب الاول
الفيديو هذا يحلك مشاكلك كلها..

https://www.facebook.com/share/v/cdPobjdtxf7wE9Ti/?mibextid=WC7FNe

اغلبكم يبي بث السنوات غدوا
خلي بعد العشاء نديرو بث لو حد عنده سؤال يتفضل

مش ح نشرح حاجة معينة ح نشرح أسئلتكم ققط

اليوم ح نحل اللي عنده سؤال نفهمهوله

غدوا ح نحل السنوات…

حاجة وحدة بالله
القناة معبية فيديوات ونزلناها

نزلنا كورسات للباب الثامن والتاسع والسابع شبه كل شي عندكم فيه مشروح

يعني يا ريت اتعبوا نفسكم شوية وتتفرجوا ع الحاجة اللي مش فاهمينها بش تعطوا فرصة لزملاءكم

واحد راهو بيسألني على مسألة ساهلك بنعطيه فكرتها ومش ح نحلها😃

يا جماعة الخير يا ريت تنتبهوا على شي

ان تركزوا ع دراسة النظري لأن من اكثر الحاجات اللي مركزين عليها في أسئلة الخارج

رغم ان نتمنى ما يكونش عليه تركيز دقيق إلا أن أسئلة الخارج هكي بينتلنا وديما نفس الأساتذة هما اللي يديروا فيها

حاولوا تراجعوا كويس وبالتوفيق

اللي بيطلع من القناة يوم الاربعاء يطلع من توا🏃🏃😂

فكونا من المصلحة هيااا

بعد ما اتموا الامتحانات ح يكون محتوى القناة ع التخصصات الجامعية بشكل مخصص الهندسة ان شاء الله

ح نعطيكم افكار ع التخصصات وعلي تخصصي شخصياً

وان شاء الله نشوفوكم ناجحين وفرحانين…🤍

تم اطلعتوا بيوع امالا خلي ندير زي كل الاساتده نشدها علي دفعة 2007😃
دورو من يقريكم هي

خلاص نرجعوا العلاقات🤝🏻
احسن دفعة 2006 بتقولوا لا دورو من يقريكم😒

جيت نذكركم انكم فاتحين تلفوناتكم تبو شيت ولا حاجة مش تهدرزوا في القروبات😃

هي التموا شوية ونبدو