هكي شعوري لما نشوف تعليقاتكم..

شني جوكم مع الكيمياء الوضع تحت السيطرة؟

من غير توتر تفاءلوا خيراً تجدوه بعون الله تطلعوا مجاوبين…🤍

ان شاء الله ساهلة ومجاوبين🫡🤍

شني الأوضاع؟

خودو راحة القايلة وشوية من العشية
وبعدها ابدوا في الرياضيات🫡🤍

عارفينكم تقدروها بالتوفيق ليكم🫡🤍

يا ريت تنتبهوا علي حاجة
الامتحان توا تم ومشي وخلاص اللي فات مات

توا انتبهوا علي ان اللي جاي هو المهم!!

ما تقدرش تغير شي فات لكن تقدر ترفع معدلك بالجاي ان شاء الله

مجرد امتحان لا يعني فشلك ولا يعني إنك تخلي نفسك تفكر فيه يوم كامل!!

ركزوا ع الرياضيات والمواد اللي بعدها قدها بعون الله تعالى🤍

قريب هكي نديرلكم🤣

الرياضيات من اطول المواد
ونصيحة ليكم خلو عندكم حتى مهارات الحل باليد في أسئلة يجيبوا فيها ما تنحلش بالحاسبة بس

فمرات تضطروا تحلوا بإيدكم

تو نحطلكم فيديوات للحاسبة تفيدكم

السلام عليكم
طبعاً اكيد كلنا شايفين بوستات مطالبة بإعادة الإمتحان للكيمياء
وصدقوني مش إحباط ليكم ولكن هذا الشي مستبعد جداً لأن ما عمره صار أبداً

بدلاً من ذلك ونصيحة ليكم انكم اطالبوا بتعديل النسبة 40% ح تفرق هلبا معاكم في موضوع النجاح

أو لو في أسئلة فيها اخطاء تقدروا اطالبوا بتعويضها ليكم

لكن خلونا منطقيين كل سنة في إمتحان صعب وكل سنة يطالبوا في إعادة وما عمرها صارت

هاذي وجهة نظري تحتمل الخطأ والصواب وان شاء الله يعاودوهولكم كانكم عليا ولكن نشوف فيه بعيد الموضوع

وبالنسبة لموضوع الغش صدقوني الجامعة احسن حاجة كيف تغربل في الغشاشين

لما توصلوا غادي تلقوا اللي فرحان ان جايب فوق 95 ما قدرش يكمل في الهندسة تلقوا نفسكم عرفتوا ان الغشاش ح يجيه يوم يقول يا ريت قريت زي الناس

لأن الاساسيات مهمة جداً في الجامعة

فما اضايقوش نفسكم بأن في ناس ما تستاهلش ح تفوتكم لأن كله هذا وهم ونسبته كذب!!

ولما يخش جامعة تبان الأمور على حقيقتها!

عموماً في هلبا لخبطة صايره ع الفيزياء وعلي حكاية انها ممكن تجي صعبة

مش معناها تحبطوا نفسكم بالعكس تجهزوا كويس

دققوا ع النظري نحس اكيد ح يركزوا عليه هلبا للاسف من وجهة نظري هو اقل شي مفروض ينجاب منه


ح نديروا بثوث مراجعة بعون الله حسب طلبكم في اي بيبان

بعون الله تعالى كل مجتهد ياخد نصيبه ونتمنوا تكون الأسئلة متنوعة

من ساهل الى متوسط الى ممتاز يعني تشمل جميع المستويات

وبالتوفيق ليكم يا رب🫡🤍

ما تخلوش الموضوع يوتركم
كل اللي تكلموا هي مجرد احتمالات ولا احد مطلع على الأسئلة

عليكم بالدعاء والتجهز وان شاء الله ربي يوفقكم🤍

شن صاير في الرياضيات؟👀

اختصرها زميلكم🫡🤍

توكلوا على الله وبعون الله قدها..🤍

شني صار فيكم👀

في سؤال متع الزوايا لو في حد ما طلعلاش (إذا كانت جاأ=5/13…)
نحب نطمنكم ان السؤال خاطئ

للمعلومية السؤال الخاطئ لا يلغى من الإمتحان
بل تعطى درجة السؤال لكل الطلبة
يعني عندكم درجتين زيادة

شن في عندكم سؤال تبو تتأكدو منه؟

اللي دارها 4 في 8
امك داعيتلك اقسم بالله🤣