قاعد ما فيش حد صورلكم سقيطة اللحم قاللكم احسب قوة الشد؟

ميمز كل عام ان شاء الله ينوعوا

معلومة فيزيائية خارجة عن دراستكم ولكنها تسر محبي الفيزياء…

قتلكم مرة إن ح نتكلم على النظرية النسبية لأينشتاين وقتلكم ان هذه النظرية هي أساس علم الفيزياء الحديث لأنها فسرت حركة الكواكب وكل شي في الفضاء الخارجي تفسير كانت قوانين نيوتن للحركة ما تفسرش فيه….


نظرية النسبية لأينشتاين اكثر شي كان واضعله حيره فيها سرعة الضوء


لاحظ اينشتاين ان سرعة الضوء ثابتة دائماً حتى لو مثلاً حاولنا نزيد سرعتها

كيف نزيدوا سرعتها؟


مثلاً تخيلوا ان احني كان عندنا زوز صواريخ

واحد منهم كان يطير بسرعة 50كم/ساعة
والثاني ثابت في مكانه يعني ساكن

والزوز قذفوا قذيفة سرعتها 50 كم/ساعة

في حالة انعدام القوة المضادة ح نلاحظوا ان الصاروخ اللي كان يطير بسرعة 50كم/ساعة
قديفته بدت سرعتها عبارة عن 100 كم/ساعة
يعني سرعة الصاروخ+سرعة القذيفة

اما بالنسبة للصاروخ اللي كان ثابت سرعة القديفة متعه هي عبارة عن 50كم/ساعة

وهذا الشي كانت قوانين نيوتن للحركة موضحتها وامورها تمام فيها

لين تجي للضوء والاشعة الكونية زي اشعة جاما مثلاً

لو طبقنا نفس المثال الاول ع صاروخين ونفس الشي واحد منهم ساكن والتاني يتحرك بسرعة 50كم/ساعة

واهنايا نحطوا في مكان القذيفة شعاع ليزر نلقوا ان الزوز يوصلوا اشعة بنفس السرعة اللي هيا سرعة الضوء


ف كان اينشتاين مستغرب من الموضوع هذا ومش مرقده اليل😂😂

استنوا بارت تو نوضحوا فيه شن اكتشف اينشتاين وشن الاسس اللي وضعها في قوانيه..🤝🏻🤍

طبعاً في من طلبة طلبوا حل أسئلة النسبة في الباب الثالث

ح انزللكم فيديو ليهم مع فيديو لحل أسئلة سنوات للباب الثالث

الطلبة اللي دخلوا لكورس الباب الثامن المجاني نزلتلكم اسئلة سنوات على البوابات المنطقية

تقدرو تطلعوا على الأفكار اللي فيها وبالتوفيق ليكم…🤍

فيديو شرح مسائل النسبة قيد التحميل

قداش في سوس شاد كتابه ويقرا حالياً؟

ان شاء الله بالتوفيق والنجاح ليكم يا رب🫡🤍

قدها قدها🫡🤍

شرح حل أسئلة النسبة بين المقاومات
(الباب الثالث)

البارت تو…

لما جي عمكم اينشتاين بدي يحلل في المشكلة هاذي اكتشف ان اسرع سرعة عندنا هي سرعة الضوء وان الضوء هي السرعة الوحيدة الثابتة في الفراغ وكانت قيمة سرعة الضوء 3x10^8m/s

ومنها حد نظرية نسبية ان السرعة حاجه نسبية ما عدا سرعة الضوء حطها ان هيا ثابتة

وفكرة النسبية في السرعة حط عليها مثال ان مثلاً انت كنت داخل طيارة وحذفت كوره لشخص تاني
سرعة الكورة اللي ح تشوفها مثلاً كانت 1كم/ساعة

لكن كان كان في واحد واقف في مكانه وشاف الكورة هاذي ح يلقى ان سرعتها عبارة عن سرعة الطيارة+سرعة الكورة

وهذا الشي ممكن ما نشوفوشي حاجه عبقرية اهني لكن هاذي فسرت حركة هلبا اشياء خارج كوكب الأرض

وعمكم اينشتاين حدد ان الزمن غير ثابت وان الجاذبية تأثر أيضاً قي الزمن وان في حاجه اسمها تمدد زمني(يحدث عند زيادة الجاذبية او السرعة)

كانت فيزياء نيوتن توصف ان في ثلاث ابعاد

الطول والعرض والارتفاع
اللي هما ابعاد خاصة بالمكان
اضاف اليها اينشتاين بعد رابع اللي هوا الزمن

وبدي يسمى الزمكان

نظرية النسبية فسرت الطاقة النووية وخلتنا نقدرو نتحكموا في الذرات بشكل اقوى وتعتبر اساس اغلب العلوم وكل العلوم مستنده عليها..

لهذا اينشتاين يعد من اشهر علماء الفيزياء

صباح الخير

ما تنسوش صلاتكم وكثفوا في الدعاء لأن التوفيق من عند الله عز وجل

وفَّقكم الله لكل ما يحب ويرضى ويارب تنجحوا بنسب ترضيكم وتجي امتحاناتكم ساهلة وتتوفقوا فيها.

قبل نتفكر فيها قريب اي حد خاطم من الشارع نشده نقوله ادعيلي😂😂

السلام عليكم
لأن في طلبة طلبوا بث للباب السابع اليوم ح ندير بث للباب السابع

ح نعطوا شرح هكي تقديمي للباب وتلخيص للنظري وبعدين نخشوا ع السنوات…

اما احسن بعد المغرب او غدوا الصبح؟

اسمعوا من الاخير مرات ما انوضش الصبح غدوا ف أضمن شي بعد المغرب

ساعة ونص ممكن ونكملوا بالكثير..

حاسديني لان نرقد
يوم السبت بنبدا كليه را

نجهز في نفسي للصدمات

دقائق ونبدو البث جهزو نفسكم

كراسة وبيرو وحاسبة
واللي مش جايب كراسته يطلع برا

ح نحاول نحفظه

كان البث ضعف بنسكر الحفظ 🤝🏻

وفقكم الله لكل ما يحب ويرضى ح يكون في بثوث على أسئلة سنوات للأبواب اللي تبوها

إن شاء الله تكونوا فهمتوا اليوم وبالتوفيق للجميع 💙