دهشت منه شيت الباب الثامن بنزلهولكم 22 سؤال اختر و23 صح وخطأ شن رايكم؟

بخلت حتى انزله

تو نزيد نراجعه وانزله غدوا ان شاء الله…🤝🏻🤍

النقاط المحلية العظمى والصغرى ونقاط الإنقلاب

جيب كراستك واكتب الملاحظات اللي نقولك عليها لأن مش ح تلقاها في كتابك

موفقين جميعاً 🤍✋🏻

للتذكير ان هذا فيديو شارح فيه النقاط الحرجة مره طلبوه مني الطلبة في الرياضيات 🤝🏻🤍

كان في حد مش فاهم الدرس شوفه

وكان فاهمه شوفه مش ح تندم بالتوفيق ليكم🤝🏻🤍

ميقلقنيش رياضيات فيزياء اي شي

قبل راهو نخلع حتى بأسئلة الرياضيات تبو نولي نخلعكم حتى بيها؟

ع المهم خلاص سادكم

تذكير طلبة زليتن غدوا من الساعة 9:30-1:00

مؤسسة الناظر

ح نكملوا الباب الثالث وننطلقوا…

السلام عليكم اي جد يبي يراجع اللغة العربية

الأستادة دنيا حكيم مدايره بث شرح للصرف ان شاء الله

هذا رابط البث:

https://t.me/thehope2022?livestream=8c14bb2fb939c5600b

غداً نهاية المكثفات للمدن خارج طرابلس

درنا زيارة لمدينة مصراتة وزليتن نتمنى نكون أفدتكم غادي وتكونوا حققتوا أكبر قدر ممكن من الإستفادة

طلبة زليتن غدوا المحاضرة الختامية التوقيت من الساعة 9:30-1:00

أسأل الله لكم التوفيق والنجاح في إمتحاناتكم جميعاً🤍

نصيحة تحفيزية يبيها أي شخص بش ينجح…

كلنا وقت نبدوا في شي اي كان الشي هذا نبدوه بشغف شديد وننطلقوا فيه بقوة غريبة

بعدين نلقوا نفسنا ملينا من هذا الشي بسبب غير مفهوم ونلقوا باللوم ان هذا الشي غير مناسب لينا تلقائياً


لا صدقوني مش هذا السبب

حني ديما مفروض نحطوا في بالنا حاجة اسمها( الإستمرارية)

مش ضروري كل مره تكون متحمس للشي لا عادي مرات تكون مش متحمس وعادي كمل علي خاطر انك بديت

توكل ع ربي وحط في بالك إن أي نجاح عبارة عن خطوات كل مره ح تكون خطوتك أكبر ما تنساش اهم شي اللي هو الإستمرار على فعل الشيء الصحيح..🤍

ميقلقنيش فيزياء رياضيات نصائح نفسية اي شي🤝🏻😂

توا بنعاود نكتبه؟

الجماعة حادقين والصياح دار فائدة😂😂🤝🏻

ع المهم الإجابة الصحيحة صفر لأن قال السلك موازي للمجال

لو قال متعامد صح
ونفس لكلام ينطبق على الشحنة ضروري تكون متعامدة على المجال مع الأخذ في الإعتبار ان الشحنه تكون متحركه

والقوة المغناطيسية بين سلكين يحملان تيار تكون موجوده في حالة التوازي فقط
يعني في فرق بين سلكين يحملان التيار

وبين سلك ومجال مغناطيسي من مغناطيس دائم

ولو كان نيترون؟

ولو قالك عند وضع إلكترون؟

ولو قالك ما هو أفضل نادي في تاريخ كرة القدم؟

بجد إستاذ إكتب في كومنت شن رايك في مستوانا ودفعتنا؟🌝

بالنسبه ليا أني نشوف في دفتي دفعه كفاح والله كلهم يقروا ويتعبوا ودايرين جهد نعرف ناس متقراش وتوا دايره فوق من جهدها بهلبا...
ربي يوفقنا ، ونكونوا مناره لبلادنا و كل حد يبدع في المجال الي هوا يبيه وحلم بيه والأهم يرفع راس اهله.
وفي النهايه شكرا شكرا مهندس علي كل شي.
وادعولي🌝💗

ما نبيش نديرلكم جو الوهميين كل دفعة تطلع يقولوا عليها احسن دفعة😂

لكن فعلياً في هلبا ناس نشوف فيها مكافحة وبادية معاي من أول السنة

في من كانوا تقول إخوة صغار ونتمنى نسمع عليهم حاجات كويسة مستقبلاً ونلقى اساميهم سواء توا في الأوائل وكل ديما يكونوا متفوقين

وفقكم الله لكل ما يحب ويرضى والله يفتح عليكم🤍

واهم شي مش درجتك (المحصلة العلمية اهم شي تطلع منه في الشهادة).